اغلاق

"الغذاء والدواء" تغلق "روان كيك" بالشمع الاحمر


جراسا -

أغلقت المؤسسة العامة للغذاء والدواء أحد أشهر المحال لصنع الكيك والحلويات في عمان بعد مداهمة مستودعاته وضبط مواد منتهية الصلاحية وتقدر بـ 4  طن .

وكشف مصدر في "الغذاء والدواء" لـ"جراسا" ان المؤسسة أغلقت محل "روان كيك" الشهير، بالشمع الأحمر وحولت القضية إلى القضاء بعد ضبط مواد منتهية الصلاحية تستخدم في انتاج الكيك.

كما أغلقت المؤسسة كذلك مطعم المذاق العريق في جرش حتى تصويب المخالفات ، وكذلك قامت باغلاق مطعما يشتهر بصنع الدجاج على الفحم ذو ماركة تجارية مشهورة.



تعليقات القراء

فحيصي اردني
ليش ما بتحكو اسم المحل اذا الخبر صحيح عشان ما حدا يشتري من عندة؟؟؟؟؟؟؟؟؟؟؟؟؟
رد بواسطة jo1
101% SA7
رد بواسطة ammar shammout
ههههههه بعجبني ذكاء هالشعب مهو بقلك سكرو كيف بدك تشتري منو مثلا
23-07-2014 06:24 PM
المعاناة
يا ريت توسعوا حملتكم للمناطق الأخرى مثل أفران تفاحة بالهاشمي الشمالي بعمان لتجدوا العجب العجاب في اسلوب عمل الخبز والقطايف!
23-07-2014 06:49 PM
ابو راكان
ايش معنا اسم المطعم الاخير ما نشرتو اسمه ولا لانه ماركة عالمية خايفين منه و الماركات المحلية ما خفتو منها ؟؟؟
23-07-2014 07:33 PM
مواطن درجة ثالثة
على ما يبدو كاتب الخبر ( المحرر ) مغلول جدا من روان كيك :)

كتب اسم المحل لاول مرة بالبند العريض

اما المحلات الاخرى والمطاعم الاخرى ان كانت كانت عالمية او محلية التي تم اغلاقها او حتى مخالفتها لا يسترجي حتى ذكر حرف من اسمها :)

على العموم شكرا لك ايها المحرر على تنبيهك العريض وصدقني ما حشتري من روان كيك مرة ثانية .

وكل عام وانتم بخير
23-07-2014 07:38 PM
منسطح من العهر الزايد
المشكله اكثر من نص النسوان بأي مناسبه حتى لو عيد ميلاد البسه مابعجبهم إلا روان كيك وغير هيك بكون مؤرف وياي مابينداء وشو هالأرف .
رد بواسطة مو الكل
بالعكس مو زاكي ، دسم زيادة عن اللزوم
23-07-2014 08:15 PM
متابع
اربع الاف طن يعني على الاقل مية وخمسين شاحنه

المطعم الي بشتهر بالجاج ع الفحم ليه ما تحكو اسمة
رد بواسطة ...
4 طن نش 4000
23-07-2014 08:31 PM
زبون دائم
لن اتعامل معه مرة اخرى وسأحذر جميع اصدقائي بعد هذا الخبر .. وكان الله بعون المواطن .. على ما يتعرض له من غش ... المصيبة انه ربحه بيصرف على قرية
23-07-2014 08:33 PM
فساااد
تعالو على مطعم السلطان بالياسمين .. ومطعم عربي تركي ومخبز غيث بنزال والله اشي بقرف خصوصا السلطان ولا عشان مدعوم
في رب يعبد
23-07-2014 09:00 PM
صافوووط
مشان الله. ملاحم. صافوط الي بتستغل وجودها في عمان تقريباً وتبعيتها للبلقاء ادارياً والبلقاء وبلديتها وصحتها لا يعلمون عنها شيئاً ولا حتى مكانها واغلب ذبائحها ولحومها لا تصلح للاستهلاك
23-07-2014 09:06 PM
بالناقص
بني آدم ما بعبي عينه غير التراب ... يعني مش ضروري مﻻيين بكفي مئات اﻻف . .
23-07-2014 09:13 PM
خالد اللي براسه عقل
اربعه اطنان معقوله . اربعين منقبلها . بس اربع الاف ؟؟؟؟؟ ما بتدخل بالراس . لانها بدها كم هنجر حتى توسعها او وحده من صوامع الحبوب .
23-07-2014 09:17 PM
ابن الطفيلة
زوروا الطفيلة لتروا ما ﻻ عين رأت وﻻ أذن سمعت وﻻ خطر على بال بشر من قذارة المخابز لمحلات الحلويات للمطاعم و الجزارين
23-07-2014 09:52 PM
من وين عرفتها من كبرها
4 الاف طن يساوي ٤٠٠٠٠٠٠ كيلو يساوي ٤مليون كيلو !!!!!!!!!!!!!!!
23-07-2014 09:52 PM
مواطن على باب الله
استطيع ان اقول لاصحاب محلات روان كيك ان الله يمهل ولا يهمل الحمد لله الي كشفهم
23-07-2014 10:29 PM
Ahmad Aleses
4 الاف طم بدهم موستودع بسعة محل روان كيك 4 الاف مرة . كيف وسعو في ؟؟؟؟
23-07-2014 10:46 PM
لوسي
يعني واخيرا نكشفوا.. انا مرة شتريت سنيكرز كيك من عندهم وطلع دود وبس رجعتلهم كزبوني وصاروا يرفعوا صوتهم عشان يسكتوني !!! الله يسامحهم بس
23-07-2014 11:00 PM
مهندس سامى
انا صار لى سنوات و انا احذر الناس من روان كيك و كان عندى بعد نظر ان المحل يعمل بشكل غير صحيح .
23-07-2014 11:05 PM
بنستاهل
السنه الماضيه شمعو نص مطاعم البلد و بالاخص جاج كنتاكي و اول ما فت رجعوا الناس يشتروا اكتر من اول
23-07-2014 11:07 PM
استهتار بصحة المواطن
استهتار بصحة الشعب والطمع وغياب الرقابة. يجب تطبيق أقصى عقوبة وفرض غرامة بأثر رجعي عن كل فاتورة مبيعات من تاريخ فواتير شراء المواد المضبوطه وسحب الترخيص وخليه يروح يبيع فجل.
23-07-2014 11:16 PM
خبر مفرح
والمشكله انه غالي الثمن جدا والقائمين عليه بيكذبو بتوصي الشغلة بيبعتوها بعد ساعتين من الموعد المطلوب ومش نفس الطلب بيلبسوك طلبات على كيفهم الحكي هاد بعد تجربه مش تبلي
24-07-2014 12:07 AM
بحر السكوت
اليوم كنت بمطعم مشهووور كتير وللاسف بس رفعت قطعة السدر (وكانت لحالها فوق صحن الرز) لقيت الحديده اللي على كيس الجاج مكبوسه اول مانشتريها.. بس نفسي اعرف كيف ظلت معلقه !!!
24-07-2014 12:08 AM
crazy
happy birhday to you
24-07-2014 02:05 AM
مواطن مغفل .
شعب داير خلف الكذابين حيث ثبت بوجه لا شك فيه أن هذه المحلات تستر كذبها وغشها برفع الأسعار ونحن لدينا ثقة عمياء بأن كل غالي سعره فيه فإستغلت من قبل عديمي الضمير .
24-07-2014 02:20 AM
مطلع على الموضوع
يا جماعه الكلام صح 100% 4 الالف طن منتهي صلاحيتهم وهو عنده مستودعات تخزين الكلام والمحل مقرف
رد بواسطة تماضر منصور
خاف الله يا رجل الرقم بدو صوامع يادوب توسعوا
24-07-2014 03:04 AM
أين الضمير ؟
هل هذا معقول ؟ ...٤ طن ؟ هذا رقم كبير جداً لمحل كيك وحلويات ...!
جهودكم مشكوره
24-07-2014 03:07 AM
سعاد2014
الحكي مزبوط والكميه صحيه والمصادر صح ولسه في كمان بالمستودعات بس الغداء والدواء ما اندلوا عليها وتهربت باقي الكميه وتخبت للعلم
24-07-2014 03:12 AM
سوا
لكل الي بحسبوا بالاوزان ......
٤ الاف طن هموا عبارة عن ٨٠ شوال
24-07-2014 03:20 AM
عصام خرفان
شكرًا لفرق المراقبة على الجهود الجبارة لكشف غش التجار أمثال أصحاب روان كيك أقول كلمه واحده الطماع الله لا يشبعه إلا التراب........
24-07-2014 03:25 AM
ابو كرك
طلع المخفي اعظم .... روان كيك .... والجماعه مبين عليهم مؤمنين و ماسكين بالدين بايديهم مسك !!!! والناس بتجهز حالها للعيد و النسوان بتقول ما في بعد روان كيك .... كان طعموا الشعب اكبر هدية عهالعيد ... كله مشان شوية ربح زياده ....اي خافوا الله ... مدام السعر اللي بتحطوه بتوخذو من المواطن ... ليش الغش ...
أ
24-07-2014 03:26 AM
hady
المحرر يقصد 4 طن في مستودعاته وليس 40 الف .. كان خطأ مطبعي وهذا يعني 4 الاف كلغم وهذا رقم كبير ايضا بس ايضا معقول .... حسبي الله ونعم الوكيل
24-07-2014 03:53 AM
محمد الامير
انا بعرف اصحاب روان كيك معرفة شخصية و هم من النوع اللي عاملين حالهم شيوخ و هم............
24-07-2014 03:54 AM
محمد الجالودي
كلها بتغش... بحبشو مليح بتلاقو كل محلات الاردن غش

بس صراحة اطيب كيك روان...
اطيب من كيك ..........خخخخخخ
24-07-2014 04:02 AM
سامر بركات
اربعة الاف طن الطن ب1000 كيلو
4000*1000يعني 4000000 رقم فلكي
24-07-2014 04:23 AM
Adam Jordan
بكرة بدفع مخالفة و برجع يفتح محله و ينسوا موضوعة مثل غيره
لو اني مكان القاضي و الله ﻻحكم عليه هو و اهله يوكلوا كل المواد المنتهية مدتها كرمال كما تدين تدان
24-07-2014 04:31 AM
Zaid Shishani
تعالو شوفو الملاحم في سوق صويلح،.......الريحه بتعمي، و طريقة التخلص من الفضلات إشي مقرف بتلاقي مصارين الخاروف مزتوته عالرصيف، و طريقه تنزيل الخرفان من البكبات، لا يدل على الرحمه بالحيوان، بالآخر مع تراكم كل أشكال الإهمال في النظافه صار السوق عباره عن مكرهه صحيه، و مش خالصين من الجردان إلي تهجم على بيوتنا بسبب هذه الملاحم.
24-07-2014 07:40 AM
ديمة ام محمد
يسلك تمك
24-07-2014 08:01 AM
محمد بشير
ليش حكيتو اسم روان كيك وما حكيتو اسم المطعم .
24-07-2014 09:37 AM
مواطن بتسأل
شكرا لمؤسسة الدواء والغذاء لكن ليش ما ذكرتوا اسم مطعم الدجتح كمان اسوة بروان كيك خللي الشعب يعرف السرسرية في البلد .....
24-07-2014 09:45 AM
ابوهلاله
روان كيك اسم عربي لماذا لم يتم نشر اسم مطعم الدجاج الشهير عهدنا بجراسا الكيل بمكيال واحد وليس اثنان
24-07-2014 10:16 AM
Sami Jber
وكذلك قامت باغلاق مطعما يشتهر بصنع الدجاج على الفحم ذو ماركة تجارية مشهورة. طيب شو اسمه بالله هالمطعم
24-07-2014 10:41 AM
صفاء
على فكرة محل روان كيك تعرض للكثير من حملات كيدية لانه يعتبر من
أنجح محلات الكيك وحاول الكثير من أصحاب رؤ وس الأموال شراؤه
لكن أصحابه يرفضون
لذلك اعتقدان هذا الخبر من ضمن الحملات الكيدية عليه والا لماذا لم يذكر اسم المحل الآخر ولماذا تم التركيز على روان كيك بهذا الشكل
على كل إن كان غشاش يستحق ما اصابه وأن كان بريء الله يظهر براءته.
24-07-2014 11:32 AM
متابعةً
الطن ١٠٠٠كغم ، والشوال ١٠٠ كغم ، يعني الطن ١٠ شوال فقط !!!!
الكمية ٤ آلاف طن ، يعني أربعين ألف شوال ، هذا رقم مبالغ فيه ،
أظن أنه ٤ طن يعني ٤٠ شوال هيك معقول أو ٤٠٠ شوال يعني ٤٠ طن
24-07-2014 11:49 AM
s_haimi
الأخت صاحبة التعليق رقم 44
كلامك صحيح مية بالمية هذه كلها دعوات كيدية يشارك فيها أناس ليس عندهم مبادىء الأخلاق والمنافسة الشريفة فيحاولون بشتى الطرق لمحاربة الصالحين وروان كيك من افضل وأنظف المحلات بالاردن وربنا يرد كيدهم في نحرهم
24-07-2014 12:32 PM
متابع
كذب بكذب انا متأكدة انو هالشي مش صحيح روان كيك اسم عريق وجودة عالية
24-07-2014 01:13 PM
محمد رشيد
اعتقد ان الكمية 4 طن أو 4000 كيلو غرام . اذا كانت من مادة واحدة فتلك مصيبة ُ .اما اذا كانت اكثر من مادة فالمصيبة اعظمُ.
24-07-2014 01:28 PM
مالك
الى رقم 29
4000 طن يعني 4 مليون كيلو غرام
اذا الشوال ابو خط احمر فيه 50 كيلو بطلعن ال 4000 حوالي 80 الف شوال يا حفيظ السلامة
24-07-2014 05:08 PM
Ahlam
تشكن تكامافي غيره مشهور بعمان وسكروه اكتر من مره ما بدها ذكاء، وروان كيك كان عليه شكاوي كتير السنه الماضيه ومعروف عنه هيك اشياء .
24-07-2014 06:38 PM
S.A
قال الرسول صلى الله عليه وسلم((كل جسد نبت من سحت فالنار أولى به))والسحت هو المال الحرام
25-07-2014 04:49 AM
رياض الاسعد
روان كيك زاروه ومسكوا عنده مواد خالصه مدتها, باقي المحلاات ما زاروها منشان هيك ما مسكوا عندها مواد منتهية, روان كيك مثله مثل غيره, وبكرة بفتح وبرجع يبيع زي اول واكثر.
25-07-2014 08:19 PM
عمر عايد الغويري
ليش ما بتحكو اسم المحل اذا الخبر صحيح عشان ما حدا يشتري من عندة؟؟؟؟؟؟؟؟؟؟؟؟؟
26-07-2014 03:30 AM
محمد و بس
هالمحل رح يدفعله كم قرش ويرجع يفتح
26-07-2014 05:07 AM
الى ابو راكان
لو انو الشغلة انو ما بدهم يحكو ع الماركة العالمية كان وقت ما تسكر الكنتاكي ما اعلنو بس ابصر ليه ما حكو اسم المحل
26-07-2014 01:28 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات