الفلاحة والبدوي


جراسا -

انا فتاة عمري شي 29 سنة متعلمة وأحمل شهادات عليا والحمدلله.

تقدم لخطبتي مهندس عمره47 سنة غير متزوج يحمل الجنسية الامريكية ومستقر في أمريكا من شي 25 سنة.

تعرفنا ع بعض بالصدفة لما كنت بورشة طبية ب أميركا من شي سنة وأجا عالأردن و إتعرف ع أهلي و ع أخوالي و عمامي و صارت بينهم علاقات والحمدلله والكل شهدله بحسن أخلاقه ودينه. طلب مني الإرتباط بعد فترة من التعارف بوجود العيلة ,,,كنت متردد بداية وأهلي كمان ترددوا بالموافقة حاكم إنه بيئتنا الإجتماعية فيها فرق كبير هو بدوي وانا فلاحة ع رأيه "أحمد ربي إني ح أتزوج ب أمير من أمرا البدو".

قعد فترة يقنعني بحاله لحتى وافقت ووافقوا أهلي و بننتظره يرجع عالأردن ل ننتزوج بعد العيد إن شاءالله.

هون بلش يخطط لحاله كيف ح يكون العرس ووين و متى وكيف...أولها إنه طلب مني ألبيله حلمه إنه يعمل عرس بدوي وألبس اللبس البدوي بالعرس وافقت ووافقوا أهلي بالعكس ما عندي أي مشكله حلو يضل الواحد يعتز بتراثه وعاداته وتقاليده.

بس الشي إللي فاجأني و قهرني إنه إختفى عني شي أسبوع ولما سألته وين هالغيبة قلي إنه إشترى بيت لإلنا ب أميركا، وأثث البيت كامل بكل لوازمه حتى أدوات المطبخ كلها إشتراها. بسأله ليه مستعجل عالأقل إتركلي شي أشتريه معك لما آجي عأميركا...عالأفل اتركني أنا أشتري غرفة النوم جاوبني لا تغلبي حالك إشتريتهاهون أنا إنصدمت وما عرفت شو أحكي...دايماً بقلي لا تجيبي النكد...ما بدي إياكي توصلي و تتغلبي بالبيت وأثاثه أنا أنهيت كل شي. انا إختصرت وسكتت لأنه ما بدي نكد عليه فرحته بالبيت وبحلمه بالإستفرار والزواج...قبل يومين برن وبخبرني إنه ح يشتري الذهب قبل ما يروح...انا وقتها عصبت وقلتله لهون بكفي ما بدي تشتريلي ولا شي أنا اللي ح أشتري لما تكون بالأردن...زعل وعصب ومن وقتها ما بحاكيني و ما برد ع مكالماتي حتى أهلي ما خبرتهن بموضوع الزعل والبيت والأثاث .

شو أعمل هل أنا الغلط ولا هو ... حاسس إنه مندفع بصورة مبالغه عالموضوع..مش عارف شو فيني أعمل إنصحوني وساعدوني!!!!




تعليقات القراء

كركية
بتعرفي ومن غير زعل انتي مش وجه نعمة يا بنت.
احمدي ربك انه ما بده يخلي شي ينقصك هو جابه او انتي ما بتفرق المهم يكون شي منيح بعد لو ما عجبك الذهب او الاثاث باسلوبك بتقدري اتغيري و اتبدلي متل ما بدك.
بس فعلا في نسوان مش متعودة على الدلع و ما بتعرف تتعامل معه .
رد بواسطة خخخخخخخخخخخخخخخخخخخخخخخخ
طولي بالك يا عسل انتي
والله كلامك في مكانه للأسف
رد بواسطة حكيم بهازمن الغريب
صح و مية مليون صح
لو كل البنات يفكرن هيك كان ما صار في طلاق و لا مشاكل و لا نكد
24-06-2014 10:50 AM
من احمد
هو عم بشتري راحة بالو , لانو بيعرف انو النسوان بيلفو كتير فهو بتلاقيه شرى اول اشي بطريقو وخلص من القصة

هسه في سبب تاني مهم كتير وانا اتمنى لو عملت زي خطيبك وهو توفير نفقات

لانو البنات بتنقي كل اشي غالي وهو بدو يجيب حسب اللي بيقدر عليه او حسب اللي حاطو ببالو

يمكن يكون بخيل عفكرة او حريص
رد بواسطة خخخخخخخخخخخخخخخخخخخخخخخخ
النسوان اخخخخخخخخخخخخ منهن

خخخخخخخخخخخخخخخخخخخخخخخخ
24-06-2014 10:55 AM
كركية
نسي اقلك شغلة كمان ...
المفروض عمرك يخلي عقلك اكبر من هاي التفاهات هو جاب وما اخد رأيي يعني لو وحدة عمرها 18 سنة بنقول جاهلة و لسى طفلة بس حبيبتي انتي البعمرك المفروض ولادها عطولها.
كبري راسك وبلا تفاهات و سخافات واحمدي ربك عليه و صلي شكر .
24-06-2014 10:56 AM
نمر بن عدوان
فلاحة وبدوي؟؟

أول شي لازم ما يقلك هالشي

تاني شي هو شاريكي و ميت فيكي لهيك مستعجل عالبيت والأثاث مشان يختصر قد ما فيه من الوقت لما بتسافروا سوا.



وأخيرا وليس آخرا...نيالك زكرتيني ب وضحة وابن عجلان..

اعزميني عالعرس البدوي والله ما بخرب هههه
رد بواسطة خخخخخخخخخخخخخخخخخخخ
اعزموني انا كمان
والله لنكيف خخخخخخخخخخخخخخخخخخخخ
24-06-2014 11:02 AM
ماسة
هذا من بيئة تختلف عنك وعقلية تختلف عنك وهناك فارق سن بينك وبينه ثم انت تتصلين وهو لا يتصل ---انقول لك اركعي على قدميه---اذا عادفانت حرة ولكن لا انصح به فاذا كنت مستعدة ان تقبليه على علاته فانت حرة
24-06-2014 11:05 AM
مشكلجيه
اعملي قهووووه خليني اصحصح وامخمخ....
والقيلكي حل :)
24-06-2014 11:05 AM
مستغرب .
حبيبتي خطيبك 99% كاين متزوج قبلك وبيكذب عليكي ، والبيت الذي قال بأنه جهزه لك كان كله أثاث بيته السابق وقال إلك أنا ريحتك من التعب ما بدي أياكي تفكري بشيء ، بل وحتى الذهب قد يكون ذهب زوجته السابقة أو في لغز بالعملية ، تهميشك بهذا الشكل ومقاطعته لك بمجرد أنك تطالبين بحق لك وهو من إختصاصك بأن تختاري ذهبك على ذوقك أمر طبيعي ، فلماذا يغضب ...!!؟ غضبه الآن يخيف لأن الزوج إذا لم يتفهم خطيبته قبل زواجه منها وهي تطلب أمر بسيط من حقها ، فهذا يعني انه سيهمشها بعد زواجه منها ولن يكون لها أي رأي بعد ذلك . مع الأسف أخذرك منه ولا أعتقد أنه كبرياء في نفسه أن يفعل ما يريد دون مشاركة بالرأي ، بل قد تكون إما غطرسة أو مجرب سابق يريد سحقك من بداية الزواج ليجنب حدوث ما سبق أن فشل به في تجربته السابقه .



والله أعلم .
رد بواسطة فهيمة
طيب لو كاين مزوج شو المشكلة ؟
عاااااااادي
رد بواسطة مستغرب .
مش مشكلة أنه إذا كان متزوج ، بس المشكلة ليش بيكذب وبيدعي غنه بدو يريحها بكل شيء، وبيزعل ليش تطالبه باختيار الذهب . هذا مشكوك بأمره وغير طبيعي .
رد بواسطة صاحبة المشكلة
لل مو متزوج وإتأكدت من هالشي...

من كل صحابه وعيلته و من دائرة الأحوال المدنية...

ما أعتقد بعد فترة هالتعارف مع أهلي يكون بكزب...أنا متأكد إنه مو متزوج...

وبالنسبة للبيت والأثاث أنا شفت الContainers وهي بتنزل الاثاث عالبيت لأنه بعتلي صورهن وأكدلي هالشي خالي إللي بشتغل معه
24-06-2014 11:07 AM
بنت عز
وانتي ليه شايفه حالك احسن منه؟
اصلا لازم تمشي معه و تاخدي رايه بكل شي واكيد هو زوء و عنده تقاليده .
مع اني مش بدوية ولا فلاحة بس طول عمري بحترم الرجل البدوي و ثقافته و عاداه و تقاليده.
بس شكلك انتي نكدية ما بتحبي راحة البال .
رد بواسطة صاحبة المشكلة
بالعكس أنا مو نكدية أبداص

وبحترم الرجل البدوي بكل اخلاقه وعاداته...بس غنه ما تركلي مجال اشاركه بأي شي بخص حياتنا مو هاي حياة مشتركة
رد بواسطة رد من عبداللطيف على صاحبة المشكله
انا متأكد بعد الزواج وبعد فتره ستشاركيه بكل صغيره وكبيره وهذا امتحان الك ديري بالك واعتقد بانه هذا الرجل المناسب الك == وانا بحكيلك عن تجربه صدقيني انا لا يمكن اسمح لزوجتي بان تطلب مني اي غرض صفير او كبير لاني انا اتفقد كل شي لوحدي والحمدلله بسخاء
24-06-2014 11:09 AM
شوفي يا بنتي
البدو طبعهم هكذا وما بعطو المرأة فسحة كبيرة من الحرية وهذا الرجل ما تغير بتغير البيئة بقي محافظ على طبعه هذا اولا
اما ثانيا ممكن يكون نصاب والبيت اجار والذهب تقليد كل شي وارد
24-06-2014 11:13 AM
بدوي فلاح
فلاحه بدوي
شو هالافكار الرجعيه
24-06-2014 11:25 AM
الخبيثة
غريب هووووو جهز اللي عليه ما طلب منك تجهز اللي عليكي كونه بأمريكا ما أشتريتي ملوخية ونشفتيها ونخلتيها منيح وعبيتها بمرطبان ما عبيتي ورق دوالي بقناني البيبسي ما أشتريتي زعتر بلدي ونشفتيه الجو بساعد في موجة حر كويسه لحقي حالك هههههههه حسب ما قرأت المشكلة خااااااف الله خااااااااف الله بتقولي هووووو بأميركا وكأنك فهمتي غلط منه هووووووو يمكن ما طلع من حدود ماركا يا أما الشمالية أو الجنوبية هههههههههههه (كونه مستقر بأمريكا من شي 25 سنة ) وأنا بحكيلك بدو يضحك عليكي كمان شي 20 سنة ههههههههههههه .
رد بواسطة صاحبة المشكلة
لا ب أميركا و انا شفته فيها واتعرفنا هنيك...

كوني محضر خير و بلاها خاااف الله خااااف
رد بواسطة !!!!
هنيك!!!!! بالله اتعرفتو هنييييك ،،، من وين حضرتك ؟؟؟ على علمي فلاحة و لا فلاحة من لبنان ،،،،انا مش شايف في مشكله اصلا
رد بواسطة الى خبيثه من عبداللطيف
مساء الخير خبيثه===للعلم نسيتي الجميد البلدي الكركي او السلطي
24-06-2014 11:29 AM
مسافر لوحدي
قالت بـدو قلت العفو بدو و احـــرار
اجواد وطيب النفــس فيــنا طبيعـــه
نمـــوت مانرضى المهانه ولا العــــار
نمشي بحكم الله وحكم الشريعـــــــــه
للمرجله نسعى ومن يومنا صغـــــار
صدورنا للضــيـــق والـهم وسيعـــــه
رجّالنا يابنــت لا صــــاار ما صــاار
لامـــن نخـــوه يفــوع عمره يبيعــه
24-06-2014 11:32 AM
شروق
بتعرفي الي صحلك ماصح لغيرك ،، الله يعينك على تفكيرك ،، كل اشي جاهز مجهز ومش عاجبك العجب ،، عنجد غريبة البنات وغريب تفكيرهن ،، بعقدن كل اشي ،، اذا اموره اوكي بطلعله حجة انه مش كتير معها ومش فاهمها ،، واذا كان مش قد الايد بتصير تحكي لواني اخذت غيره ،،، وبعدين حيرتنا بعقلك ،، الله يعين اهلكن عليكن ،،، زمان كانت الوحدة بدها الستر وراحة البال ،، الحمدلله على كل حال
رد بواسطة صاحبة المشكلة
بعرف اني محظوظة ب هيك رجل بس عالاغلب لو إنتي بموقفي و تنحطي بالزاوية ما اعتفد ح ترضي باللي عم بصير....

رد بواسطة شروق
بعرف وحدة زيك اجاها شاب عالمستريح وبحبها وضوالها اصابعه شموع ،،، بس رفست النعمة الي بين ايديها وتركته ،، وتزوجت واحد تاني وهي الي بتصرف عليه ،، هو قاعد لا شغل ولا مشغلة وهي ندمانة كل الندم انها رفست اشي جميل وضيعته من بين ايديها ،،
حبيبتي
بكرة كل الايام الك بتغيري وبتأمري زي مابدك لا تستعجلي اشي ،، هو الك ورح يعمل كل اشي برضيكِ مع الايام الي بدك تغيري رح تغيريه ،، وطالما اختارك انت بالذات من بين كل البنات معناته اختياره حلو ،، ورح يرضيكِ كل اشي منه واختاراته راقية كتير حتكون
وان شاءالله وصلتك الفكرة ،، انت بس ادللي
رد بواسطة صاحبة المشكلة
أنا والله يا ألبي مو ناقصني شي بنوب ...ليكها شهادتي وشغلي معي و راتبي الحمدلله ووضعي الإجتماعي ووضع عيلتي الكل بشهدله...

شكلراً يا البي عالنصيحة إللي ح آخدها بعين الإعتبار..

وعرأي ستي

"إذا جار عليك الزمان عليك ببنات الدلال"
24-06-2014 11:42 AM
صانع الفرح *
الموضوع فيه تناقضات بدءا من لهجة الفلاحة الى تصرفات البدوي وبكل الاحوال استخيري الله فانه ما خاب من استخار وما ندم من استشار واسال الله عزوجل لكي التوفيق والسؤدد .

لا اعتقد انه من المناسب ما يصنع والمفروض ان يشترك الخاطبين ويستمتع كلاهما بانتقاء ما يخصهما من اثاث او حتى الملابس او الذهب ...الخ .
رد بواسطة :))))))))))))))))))))
تعليق رائع صانع الفرح اللهجة لبنانية وتصرفات البدوي غير مقنعه
المشكله فيها تناقض :))))))))))))))
رد بواسطة صاحبة المشكلة
كنت حاسس غنه ح تبين اللهجة لأاني و ربي حاولت قد ما فيني ا:تب باللغة الفصحى بس عبس ... كنت ح أبعت المشكلة بالإنجليزي بس اجيت ع حالي شوي...المهم لهجتي اجت من ماما وستي..



24-06-2014 12:09 PM
قليبي
اسمعي حبيبتي انتي بتفكري البدو متخلفين البدو قمة التطور والحضاره اعلى مناصب بالدوله ماسكين منهم الاطباء والمهندسين والطيارين والعلماء وغيره وغيره
24-06-2014 12:24 PM
الخبيثة الي خخخخخخخخخخ
يا ريت كل اللي بحكو بحكوووو حكي موزون مثلك كان ما بصير مشاكل نهائي الرجل خخخخخخخخخخخ والمرأة كككككككككك هوووووو بتوخووووووخ من الهموم والطفر وهي بتكككررررررركر عليه ههههههههه خلي صاحبة المشكلة تطلع من مخي قال بدوي وفلاحة الفلاحة بتحكي من شي ومن شي والبدوي كريم متأصل ببداوته معروف بعطيها فلوس وما بحاسبها بأشي بخص مستلزمات الزوجة بعتبر عيب يحاسبها كونها بدها تصير عرضه وشرفه .
رد بواسطة الى الخبيثه
اشوفك بتتنطنطي من صفحة ارقع لصفحة اشقع....وشو رايكي احط طحيناتي على طحيناتك ونعمل خلطه سحريه ..بتطلع رهيبه...وانا اعجبك شب مرستك وحليوه...وفوك هاظا انت عاجبتيني ؟
24-06-2014 12:33 PM
محمد 123
رقم 7 كلامك صحيح 100%
24-06-2014 01:51 PM
من عبد اللطيف الى صاحبة المشكله
بعد اذنك يا اختي صدقيني ما انتي وجه نعمه == وبعدين يا ست الحبايب ممكن في عاعده عند البدوي ممنوع تتدخل المرأه بمشترى اغراض البيت لانه بعتبر التدخل وكأنه نقص عنده او مش قايم بالواجب === احسنلك غمضي وادعسي ولا تنكدي على حالك وعليه وخلي ها المركب ساير
رد بواسطة صاحبة المشكلة
لا أنا وجه نعمه والحمدلله...شكراً عالنصيحة
رد بواسطة رد من عبداللطيف على صاحبة المشكله
من منى عيني يا اختي ان تكوني وجه نعمه انشاء الله واعتقد انه هذا نصيبك في ها الدنيا لانه النصيب عادتن يغلب على كل اشي وانشاء الله اني ما اسأة سامحيني
24-06-2014 01:56 PM
سيدة الغرووووب
ذكرتيني بالهبلة الحمارة ام بدوي جارتنا

روقي يختي شكلك مش وجه نعمة

طفش العريس.. انبسطي
رد بواسطة عزاااااا
متخلفة
24-06-2014 02:19 PM
ابو ميرا
ديري بالك علي زوجك او خطيبك هاد بيحبك وما بده تتعبي من الف والدوران ع لاثاث
الله يوفقك
24-06-2014 02:26 PM
العذراءءءء
عزيزتي صاحبة المشكلة،،،

اسمحيلي وبكل صراحة ان اخبرك بأن هذا الرجل كاذب.. ومستحيل يكون غير متزوج او غير مرتبط خاصة في دولة اجنبية معروف فيها الانفتاح في كل شيء..

خاصة وان عمره ليس صغيراًااا كما قرأت.. مررت بتجربة مشابهة.. وكان العريس ابن خالتي اللزم.. انا غير مرتبط ..انا ما تزوجت.. اريد امرأة عربية مسلمة اماً لأولادي واكتشفنا لاحقاً بأنه متزوج من صينية تحمل الجنسية الامريكية.. لأ ... والأدهى من ذلك هو اب لولد... طبعاً عرفنا بمحض الصدفة..


اعتقد البيت جاهز كان لامرأة اخرى سبقتك اليه..

لا مأمن لمن هم في دول الغرب صغيرتي..

لكن الحذر كل الحذر
24-06-2014 02:51 PM
ليندا
انتِ بتحبيه؟؟ لو بتحبيه كل هالامور ياللي بتحكي عنها من ذهب واثاث مش مهم
شو يعني انه هو ياللي اختار غرفة النوم لازم تحكيله اي شي انت بتختاره اكيد بيعجبني المهم اكون معك وبكلامك الحلو بتعملي ياللي بدك ياه والله يوفقك بحياتك
24-06-2014 03:25 PM
العذراءءءء
بس للتنويه

العنوان غير مناسب للموضوع

ثانيا صاحبةالمشكلة داخلة تهاوشي شايفتك ... عليكي الاستماع للخروج بنتيجة صغيرتي
24-06-2014 03:25 PM
هو الغلطان بالتاكيد كونه اختارك انت
نعم انت رفستي النعمه
هو لازم كان اختار وحده بدويه لكي يحافظ على كل شئ انتم عالم اخر وليس لنا, انصح الشخص بان ياخذ وحده من جلده ومن بلده وليس من المتجنسين هنا
24-06-2014 04:07 PM
غريب الوضع
اولا انا بنصحك تفكري كويس لانه انا جهزت بيتي قبل ما اوصله عن طريق النت بتختاري شو ما بدك وهو بس بروح يستلم العفش ويدفع فالمفروض انك تختاري عفشك ع طريق النت هاي امريكا بتشتري شو ما بدك اون لاين
تانيا انا بعرف المعامله بدها وقت انتي كيف بدك تروحي بعد عرسك بدها اقلها شي 6 شهور
تالتا زوجك اكيد كان متزوج امريكيه لانه ماخد عن طريقها الجنسيه الا ازا حدا امك اعطته اياها غير هيك ما بزبط دوري وراه يمكن يكون عنده اولاد
رابعا الناس طلعت القمر ولفت الكون وانت بتحكي بدوي فلاحه
خامسا والاهم استخيري
24-06-2014 04:41 PM
تصحيح
*اذا امه
24-06-2014 05:13 PM
الى صاحبة المشكله
هي عاد فيها فلاح وبدوي

كل الناس صارت اهل مدن

اللي بسمعك فلاحه بفكر ماسكه المنكاش انتي واهلك وبتطلعوا على الارض وبتحرثوا فيها
وقاعدين بتحصدوا في الحصيده

واللي بسمع بدوي بفكر انه عايش في خيمه وقاعد في شق الشعر ونازل يجر على الربابه

بطل في فلاحين ولا بدو

كلهم اهل حضر وكله عنده واتس اب وعنده سكايب وعنده انترنت وعنه موبايل وعنده شاشة ال سي دي
وكله بحكي مدني
وكله بلبس على الموضه
وكله ساكن في بيوت الحجر
وكله راكب سيارات اخر طجه

فشو الها معنى فلاحه وبدوي

وشو اله معنى الكلام الفاضي تبعك

قال ماما وستي وفلاحه طب اسكتي مش لايق عليكي الكشل
24-06-2014 06:17 PM
صحبة المشكله
بما انك تحملين شهادات عليا او دنيا من جامعة خاصه تعتقدين بأنك ملكتي الكون وما عليه . اذا وافقنا معك في انتقاءك للمصطلحات البدائية (فاتحه وبدوي) فهي تنم عن ضيق ثقافتك وقلة وعيك. فما دمت ترددين هذه المصطلحات فإذا قام خطيبك بشراء الأثاث فاعتقد سوف لا يكون هناك مشكله فسوف يكون هناك توافق على اللون والشكل لان الفلاحين والبدو زوق هم ونظرتهم الى الى الأمور والأشياء متقاربة.
24-06-2014 06:49 PM
غشيمة
عزيزتي، طلبك في مكانه ١٠٠%، فارق العمر بينكم كبير وهاي لحالها تضحية، الكل هجم عليكي، احمدي ربك وابصر شو، الغو وضعك تماما، وحدة وظيفتها جيدة وحاملة شهادات عليا وما شالله عنك، مستقلة وقادرة اتعيلي نفسك، وتديري بالك على حالك نفسيا وعقليا، ابسط شي ينحكى عن هذا الشخص انه مش مستعد لا لتفاهم ولا لاي نوع من التنازلات حتى تمشي المراكب، رح اظلي انتي اللي تتنازالي، ورح تصحي يوم تلاقي الحياة اللي عايشاها مو حياتك، ولا انتي، انتي. بعدين اساس العلا قة الناجحة الاحترام وللاسف هدا مو موجود بينكم، على راي جدتي، العزوبية ولا الجيزة الردية، وكلمة اخيرة فكيكي انتي والمعلقين من العنصرية،
24-06-2014 08:17 PM
والله ولي التوفيق
توقعاتي بان زواجكم لن يطول ما الك مصلحه معاه لانه بكره رح يلغي شحصيتك تماما وهوده عنيد وبحب نفسه وبخيل وعصبي جدا
24-06-2014 09:15 PM
الخبيثة الي خخخخخخخخخخخخ
ما بنصحكاش هههههههه مش من مصلحتك مخي خزق عصبية ونكدية لأبعد الحدود أحكيلي صباح الخيررررر بسألك وشووووو المناسبة هههههههه .
24-06-2014 09:27 PM
الخبيثة
طول عمرها عادات الناس والأهل بسأل عنها وأهلها بسألوا عنه يا بعجبوا بعض وبقرأو الفاتحه يا بحكوا ما في نصيب ..............سيبك من التفاصيل اللي ما الها داعي حكالي وحكيتله ............وحكي بجرجررررر حكي
24-06-2014 09:53 PM
لجنة المتابعة
ما كل ما يتمنى المرء يدركه .. ولا عشرة عالشجرة
24-06-2014 10:09 PM
ابو مفلح
ليست قضية ولا مشكلة تستحق النقاش والمح فيها الافتعال والتصور الذهني وليس الواقعي .
24-06-2014 11:39 PM
السلطان
حسب خبرتي في الحياة البدو هم مسيطرون على زمام القيادة في بيوتهم ولا يشاورون نسائهم بعكس الفلاحين القرار للنساء
رد بواسطة الى السلطان
صح لسانك واضف لكلامك البدو رجال وكلمتهم ماتصير ثنتين ابد
24-06-2014 11:43 PM
أشواق الي صاحبة المشكلة
تزوجيه وأذا ما أتفقتوا أطلقوا هيك ما بتكوني بحاجة الي حل للمشكلة الحل موجود .
25-06-2014 12:53 AM
القبطااان
صاحبة المشكله

بدي احكي لك سولافه
صاحب الي خطب بنت وكان مجهز كل اشي قبل ما يخطب يعني شوي شوي اثث بيته ما بده يتغلب بالاقساط ,, لما خطب العروس وشافت الاثاث ما عجبها انها ما تختار اثاث البيت وطلبت يغير الاثاث ,, سالته شو عملت ؟؟ غيرت الاثاث ؟؟؟ قال لي ,, غيرت العلروس ,,, ولك عقل وفكري
رد بواسطة مسافر لوحدي
نيتك تدرس .
رد بواسطة القبطااان
ما بفهم رطني غير ابن بطني يا مسافر هههههههههههههه
25-06-2014 08:30 AM
لينا المساعيد
انا بدوي وزوجة فلاح وعن بنتين وعيش احلي عيشة
25-06-2014 08:46 AM
مواطن فاخر على الاخر /للاخوه المعلقين
سلام الله عليكم جميعا..ابنتي للبيوت اسرارو نداء الحيارى وان تدخلني ربي الجنه الفقيره الى الله الياسمينه الفاضله الاخ زيد وملك الاحساس لجنه المتابعه مداام خخخخخخ الخبيثه ابو العبد واحده المرعب مشكلجيه مسافر لوحدي صانع الفرح السوسنه السوداء القبطان واخي عصام عبد اللطيف مستغرب ابو طافش قليبي عاشق فلسطين كركيه حره ماسه فارس الكلمه وام ريان ناصح امين اسوول مواطن زهقان العذراء سيده الغروب ذات الرمش الطويل والاخ الكبير مثقال وعبد الروؤف العساف وجميع المحررين الذين مروا من هنا وجميع الاخوه والاخوات واسف اذا نسيت احد استودعكم الله الذي لا تضييع ودائعه وهذا اخر تعليق لي في حياتي وذلك بسبب انني قررت ان اتقاعد1/9 2014 واخذت اجازه السنويه شهرين ابتداء من 29/6 وذلك بسبب سني الكبير 54 سنه ونص والحمدلله على صحبتكم 4 او خمس سنوات تقريبا والله انكم رائعيين جميعا حتى المعارضه مثل مدام والخبيثه ومشكلجيه واخرين لهم نكهه خاصه مثل الفروله وسامحونا اذا ازعجت او اسأت لاحد ونصيحتي اليكم ابنائي بذكر الله كثيرا كثيرا والسلامه للجميع
رد بواسطة القبطااان
اخي مواطن

لم يسعفني الوقت للتواصل معك كثيرا لكن طيب معدنك واضح واشكر تواجدك معنا
رد بواسطة مسافر لوحدي
لك كل الأحترام والتقدير
انتمنى لك حياه سعيده وصحة دائمه
رد بواسطة ام ريااااااااااااااااااان
مساء الخير اخ مواطن
يمكن ولا مره حكينا انا وانت مع بعض..بس كنت دائما اقرا تعليقاتك وكانت جدا تعجبني
رح نفتقدك كثير.وبتمنالك الخير وين ما بتكون.
رد بواسطة البيوت اسرار/مواطن فاخر
سلام الله عليك اسمح لي ان اناديك بوالدي..
لماذا تغادرنا ..كم احب تلك الادعية التي تكتبها ..نعم من حقك ان تستريح لكن من حقنا ان نستفيد من نصائحك الابوية ..التي احتاجها شخصيا اكثر من اي وقت مضى ..لهموم اصابتني...
جزاك الله خيرا و بارك في علمك و الله اعاهدك ان ادعو لك في قيام الله ..وفقك الله لكل خير و اعطالك خيري الدنيا و الاخرة ..امين ..
رد بواسطة البيوت اسرار
عفوا اقصد قيام الليل
25-06-2014 09:05 AM
السبعاوي
بعد 25 عام في امريكا وبتقولي بدوي 000قولي الحمد لله ولا تخلي الشغلات الفاضية تخرب حياتك الرجل حابب يريحك 000
25-06-2014 09:57 AM
ذكيه
الله يوفقكم ويهدي سركم ويجمعكم على مخده وحده عن قريب
25-06-2014 09:58 AM
Jannat AL refae
يسعدلي البدو محلاهم ..بس انا مع تعليق مستغرب شكله متزوج لانه طبيعي ما بياخد الجنسيه الا من مرته .....
رد بواسطة مسافر لوحدي
عجوز وماتت قبل 20 سنه ههههههههه
25-06-2014 10:31 AM
مساعد
اتركيه
موضوعك مثل عنوان ليلى والذيب
25-06-2014 10:59 AM
اردني... الى الخبيثة
السلام عليكم
حرام تسمي نفسك بهيك لان الاسلام منعنا ان نسمي انفسنا بالحزن والالم والضعف والخبث...
ارجو ان تغيري اسمك الى اسم جديد يبعث الطمأنينة والسكينة وغيره من الصفات الحسنة
ارجو ان تغيري اسمك لوجه الله تعالى
25-06-2014 11:14 AM
عانس متكبرة
يا بنت الحلال شو بدك في الجيزة من واحد بشتريلك الذهب بدون ما يعرفي، وبشتري البيت والاثاث وانت لا تعلمين ولم تشاركي في اختيار الالوان والقماش. شو هالعريس هاد...؟
انا برأي انك ما تردي عليه ازا عاود رن، واشتريلك 25كيلو ذرة بوشار، وصينية كبيرة وطنجرة، وضلك اعملي بوشار واتفرجي على ال MBC4 حتى يصير عمرو 65سنة وهيك بتكوني انتقمتي منو آخر انتقام
رد بواسطة الى عانس متكبرة وصاحبة المشكلة

ليش الرجال بيعرف يشتري شي ؟؟؟
والله ما بيعرفو يشترو ساندويشات شاورما ليشترو صيغة ودهب واثاث بيت.
والله ازا سكتي هلأ بكرة بصير يجيب الخضرة والفاكهة بدون ما يخبرك، وممكن كمان يدفع فواتير الكهرباء والمي بدون علمك. بدك تاخدي بالك.
تصوري في عندي صاحبه أنا شفت جوزها وهو بركب اسطوانة الغاز ومرتو عم تتفرج عالتلفزيون، شايفة كيف الرجال ما بينعطو عين، وبحاولو يطالبو بحقوقهم بالمساواة كمان، هاد اللي كان ضايل والله.
25-06-2014 12:57 PM
ام ريااااااااااااااااااااااااان
الى الخبيثه

اختيار غير موفق للاسم!!!
وشكرا
رد بواسطة الى ام ريااااااااااااااااااااااااان
مساء الخير
هادي الشيطونة غيرت اسمها الى الخبيثة ولا يخفى الاسلوب
والله اعلم
25-06-2014 01:27 PM
ورود
الل بقول ((صح لسانك واضف لكلامك البدو رجال وكلمتهم ماتصير ثنتين ابد))

فأنا بقوله ((الخير بغير))

وما في حدا فيكم يالرجال أحسن وأرجل من النبي عليه الصلاة والسلام اللي كان يستشير نساؤه.

فعلى شو سايقين المراجل؟؟؟؟
رد بواسطة الخبيثة الى ورود
ييييييييييي عاد بلشنا !!!!!!
25-06-2014 02:01 PM
الخبيثة الي المعلقين
هههههه أنتو ملاحظين يا أخواني أنه البنوته بتفند عالسريع جميع السلبيات بطريقة ديناميكية وبفبركة لغوية حسنة نوعا ما كأنها المشكلة تخويث بتخويث هههههههههههه مع أعتذاري الشديد لصاحبة المشكلة
25-06-2014 08:50 PM
مستفسر
عزيزتي صاحبة المشكلة .. اعتقد انه مشكلتك تتلخص في جانب واحد وهو عدم اخذ مشورتك ونهميش رأيك في بعض الامور اللى بتكون مشتركة بين الخاطبين .. شراؤه للمنزل اعتقد انه امر طبيعي وتأثيثه للمنزل ممكن يكون طبيعي .. مع انه كان من الممكن انه يترك غرفة النوم حتى تختاروها سوا .. ولكن اعتقد انه عمل هيك حتى ماتدوشي راسه في المستقبل ويخلص من النق ! .. لكن انا بصراحة اول مرة بتمر علي انه الشاب بجيب الذهب لخطيبته وانا بصراحة مش فاهم هالحركة هاي !! لانه الفتاة لها مبلغ معين من مهرها بتجيب الذهب اللى بدها اياه وانتهى الموضوع .. ويبدو انه خطيبك من النوع اللي بحب يسيطر على الطرف الاخر بكل شيءحتى في ابسط الامور .. وهاي صفة سيئة في الانسان !! عزيزتي .. لازم تفكري منيح بكل المعطيات الموجودة امامك وتتخذي قرارك .. وتسألي نفسك هل بتقدري تكملي حياتك كلها بهاي الطريقة ام لا!! واخيرا .. كانه فرق العمر كبير شوية !! وبالتوفيق .
25-06-2014 09:46 PM
عام غريب
بعدين احنا ماخرب ديارنا غير العنصرية فلاح ومدني وبدوي واردن وفلسطيني احنا كلنا عبد الله في الارض وكلنا من تراب منشان الله بطلوها هالعادة
26-06-2014 02:10 PM
بدوي اصلي
اتركيه وما بدك اياه وشوفيلك بدوي مثلي احسن من بدوي امريكي .... لانك مش وجه نعمه
27-06-2014 10:03 AM
ااااااااااااااااااااالى المحرر
رد من المحرر:
نرجو مراجعة زاوية اريد حلا
27-06-2014 04:18 PM
؟
انا برأي هاد واحد كذاب احساسي اول ما قرأت عنه وسامحيني اختي وانا بنصحك انك تستخيري ربنا والله يقدملك الي فية الخير يارب
06-07-2014 10:21 PM
ورد الشام
احتمات يكون محكوم لامه استخيري الله
28-07-2014 10:33 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات