خايفة اندم


جراسا -

مرحبا أنا أنسة عمري 38 سنة ولم يسبق لي الزواج وﻻ اﻹرتباط بأي علاقة عاطفية ولكن منذ سنة تعرفت على شخص وهو صديق زوج زميلتي في الشغل وفي البداية كانت عبارة عن رسائل صداقة ثم بعد ذلك وجدته يعبر لي عن حبه وأنه معجب بي ويريد الزواج مني ولكنه متزوج وليس عنده اطفال لعيب عند زوجته حيث أنها حملت 3 مرات ولم يكمل الحمل وبصراحة هو دخل في حياتي في وقت كنت أشعر فيه بالفراغ العاطفي حيث إنني طوال حياتي كنت أرفض اﻹرتباط بأي شخص متزوج حتى ﻻ أكون سبب في خراب بيت واحدة ليس لها أي ذنب ولكن هذا الشخص ﻻ أعرف كيف سيطر على عقلي وأنا الحمد أشغل وقت فراغي بالدراسة في دار القرآن حتي يأذن الله لي بالزواج فدرست ست سنوات حفظت خلاﻻلها 11 جزء من القرآن وعملت مدرسة تربية اسلامية ولكن مشكلتي مع هذا الشخص إني حيرانة في شخصيته فأنا بصراحة أحببته يمكن بسبب فراغي العاطفي أويمكن بسبب إحتياجي للحب والحنان خاصة إني فقدت والدي منذ كان عمري 6 سنوات ومشكلتي مع هذا الشخص إني ﻻ افهمه ساعات أشعر بإنه يحبني حيث إنني ﻻحظت أن فيه امور كتير كنت بكرهها فيه وهو غيرها من أجلي ولكنه ساعات يطلب مني حاجات وعلى سبيل المثال هدية عيد ميلاده وعندما أحضرتها رفض يأخذها يطلب مني وحتى اﻷن ﻻزالت عنده مرة ثانية طلب أن أقابله ثم يرفض ﻷنه مزاجه سيء ومرات أخرج من الشغل أجده ينتظرني حتى يراني وأنا رايحة الشغل أو راجعة ومرات ينتظرني تحت البيت ويلكلمني في التليفون وبصراحة مع كل موقف كان يصدر منه يضايقني كنت بطلب منه إنه يبعد بعيد عني ويتركني في حالي ولكن مع إصراره وتصرفاته دي أنهار وأضعف ﻷني فعلاوالله العظيم عمري ما كان لي عﻻقات سابقة وفعﻻ تصرفاتة دي خلتني أحبه ولكن منذ أربع أيام حدث أنه قالي لي مازحا إني بايرة ومنذهذه اللحظة وأنا طلبت منه أن يبتعد عني نهائي حتى ﻻيأخذحاجة بايرة ولكنه رجع تاني ينتظرني عند الشغل حتى يراني أنامش عارفةالخطأ فيا وﻻ فيه هل أنا اللي حساسة زيادة عن اللزوم وهو دائما يتهمني بإني نكدية مع العلم إني غير نكدية وهو عارف بدليل لما كنت بكلمه ما كنا بنبطل ضحك وهو كان يقعد يقولي بطلي ضحك وﻻ هو شخص مش طبيعي وأنا مرة قولتله إنت عايز مني أية اللي بيحب شخص مش بيضايقه بتصرفاته وكﻻمه زي مأنت بتعمل معايا ولكنه بيقسم بالله إنه بيحبني وبصراحة حتى لما كنت بقابله مكنش بيعمل أي تصرف قليل اﻵدب لدرجة إنه مكنش بيسلم عليا وسألته لية مش بيسلم عليا قالي علشان لما بشوفك بنسى كل شي وأنا مش عارفة أتصرف هل هو اللي مش طبيعي وﻻ أنا اللي مش طبيعية مع العلم إن مؤهله يعتبر ثانوية عامة وأنا معي بكالوريوس أرجوكم ساعدوني عى أخذ القرار السليم



تعليقات القراء

مدام.؟؟
متعاجزه اقراء المجلد الي كاتبيته . خليكي انسه احسلك . الزلمه هو وقلته واحد
رد بواسطة ابو الفوارس الرياض
نعم انا معك يا ست مدام

يبدو ان صاحبنا بتسلى ومش عارف شو بدو ،

لذلك على صاحبة المشكلة ان تنسى هيك واحد هو نفسه مش عارف شو بدو.



والزواج اولا واخرا قسمة ونصيب

ربنا يسر لها نصيبها .
23-06-2014 04:35 PM
صاحبة المشكله نبويه للجميع
ارجوكم ما حدش يغلط انا مش حمل اهانات وتجريح
23-06-2014 04:38 PM
بادرة
انت كبيرة وواعية اعلمي ان زوجته لو اسقطت ثلاث مرات لا يعني انها لن تنجب ثم اذا كان صادقالماذا لايتقدم لك --انت بحاجة لملءفراغك فتمسكت به ومن جهتي وحسب قولك انا غير مرتاحة له-- الامومة امر ضروري في حياة المرأة انا افضل لك انسانا بسيطا جدا على اخلاق عاليه خير من ان تتزوجي بشخص وضعه وظروفه هكذا
23-06-2014 04:47 PM
الخبيثة الي صاحبة المشكلة
حبيبتي ونرر عيني أنت طبيعية وهو طبيعي جدا .........أنا اللي مش طبيعية هههههههههه .
23-06-2014 04:49 PM
الى الست نبويه
شوفي بماانك مصريه فكل مجتمع اله ثقافته
يعني ما قتلي وين اهلك وين امك وين ابوكي وين اخواتك يعطوكي نصيحتهم

وانتي مش صغيره على حيطان الاربعين ست كبيره
فكري كويس

وكلمة بايره اللي استعملها معاكي معناه اشي واحد انه شايفك كبرتي وممكن ترضي باي عرض بعرضه في المستقبل عرض منيح او عاطل
قال بايره قال ليش ما رفشتي ببطنه لما ما احترمك ونعتك بشتيمه من العيار التقيل؟
23-06-2014 04:50 PM
الخبيثة الي صاحبة المشكلة
فقعتيني من القهررررررررررر يا حلوة بصي علي سيبك منه ومن ألاعيبه بستغل وضعك والكلام ده ما يصحش أنت بنت بالثلاثين بلا هبلنة أديكي نصيحتي أنتبهي لحالك الرجاله اللي بتوع الكلام ده كزابين في كتيررررررررر منه على بيبسي ونكهات تانية لو أنتي عايزه ......المثل بحكي حبيبتي أأأأأمني للمية وبيتيها بالغربال ولا تأمني للرجاله مهووووو مصر أم الأمثال وخليكي جدعة .........
رد بواسطة الطاهر وطار
اشهد انك خبيثه ههههههههههههههههه
في منك على فراوله ههههههههههه
23-06-2014 05:30 PM
ابو العبـد
ساعه كامله وانا اكتب بالتعليق...وبالآخر يتبخر...والله حرام يا ناس...بعدين انا ما خزنته...
شوووووو الحل ؟؟؟
رد بواسطة مشكلجيه
العوض لك :()
رد بواسطة ارجع اكتبه بارك الله فيك
بعينك الله واكسب الاجر يمكن يكون في نصيحتك الفايدة
رد بواسطة ابو العبد
الاخت مشكلجيه
الاخ(ارجع اكتبه..)

بارك الله فيكما....احسنتما
رد بواسطة مشكلجيه
انا مش اختك :(
رد بواسطة ابو العبـــــد......!
مشكلجيه........بعتذر منك..,,,
رد بواسطة مشكلجيه
اعتذارك مقبول :)
23-06-2014 05:52 PM
ليندا
عمرك 38 وبدك نصيحه طيب ياللي عمرها 17 شو تعمل ؟؟
وبعدين سنه وانت بتحكي معه وما قدرتي تعرفي انه بكذب ومستحيل يتقدملك وانه بيتسلى معك وبس

رد بواسطة الاحول
والله يا ليندا في ناس اله مجوز 10 سنوات وزوجته بعدها ما فهمت عليه الله يعينها الحب بلا ويخفي عيوب الاخرين
رد بواسطة ليندا
10 سنوات وما فهمت عليه عن جد الله يعينه
طيب شو عمل بعدين ؟؟؟؟؟؟
23-06-2014 05:58 PM
مشكلجيه
ينعن تبا...:(
23-06-2014 06:00 PM
عز نفسك تجدها
ما بعرف اذا القصه صح او كذب بس رح افترض حسن النيه ... اول شي انت متدينه فالحل عندك الدعاء والاستخارة وثانيا انت انسانه واعيه وناضجه فما في داعي للمطمطه بالموضوع هدايا وتلفونات بدو اياكي بيجي بيطلبك من اهلك وخاصه انه اسبابه بالتعدد مقبوله اجتماعيا .. والله عيب عليه رجل كبير بالعمر وبيلعب ببنات الناس وبدو يحب ويتمعشق وانت يا اختي لا تخلي الفراغ اللي عندك يشغلك بالمعصيه ويضيع عليك كل الجر اللي كسبتيه من حفظ القرآن ودروس الدين
23-06-2014 06:04 PM
بايرة سابقا
بصراحة كلمة بايرة منه ما بيتسامح عليها , هلأ بيحكي بايرة بكرة ابصر شو بيحكي ,, بصراحة ما بنصحك فيه بالمرة, اهم شي بالزواج الاحترام , وهو مبين بصراحه , وبعدين شو يعني 38 سنه, انا اتزوجت بعمر كبير زواج الكل بيحسدني عليه ,, فكري فيها بها الطريقة ازا كنتي رح تتزوجي حدا متزوج عالقليلة تكون عنده من الحسنات ما يكفي انه يخليكي نقبلي فيه .... و دائما ادعي بصلاتك ربي لا تذرني فردا و انت خير الوارثين,,,, بتمنالك كل السعادة بحياتك
23-06-2014 06:13 PM
رد الخبيثة الي أبو العبد
دير بالك مرات بعد ما يطير التعليق النت كمان ما بتلاقيه ولا هو طالع من الشباك ههههه اربطة بالطاولة أكيد في عند أم العبد حبل غسيل .......هههههه .
23-06-2014 06:18 PM
الى زيد ............ زيد
وينك ؟؟؟؟؟؟؟؟؟؟؟؟؟؟؟؟؟
من فتره ما كتبت ولا تعليق طمنا عنك
23-06-2014 06:30 PM
خالد ابوزيد
لا يخيتي لا تخافي ما راح تندمي لنو ما ضل وقت معك حتى تندمي اتزوجيه لو بتطلعي بولد من الدنيا ولا تروحي مسفرى بلكي يطلع صالح يدعيلك !!!
23-06-2014 06:52 PM
أشواق
يعني هووووو حكالك صدقيني ههههههه .
23-06-2014 08:28 PM
ملك الأحساس
مساء الخير جميعا
اختي صاحبة المشكله تأكدي اذا الك نصيب بالدنيا رح تأخذيه ولكن بصدق وبصراحة ما بنصحك بهيك شب اولا كونه متزوج وتاتيا عدم صياغة الكلام بأدب لاني كوني شب بعرف الي بحب ما بجرح بالعكس لازم يحكيلك كلام معسول بغض النظر إدا هو كزاب او صادق ولكن من البدايه ما عندة احترام فكيف له بالمستقبل على معاملتك لأ وشو طالب هديه بعيد ميلاده بجد وبدون زعل هدا انسان ما بفهم وهدا رايي وانتي حرة موفقة خيتو
23-06-2014 08:45 PM
لجنة المتابعة

عليكي بالرجوع الى الله وطلب المغفرة واستمري في حفظ القران وتعاليمه
احسنلك من كل هالخرابيط اللي بتصير معك


وربنا بيختارلك الافضل باذنه تعالى
23-06-2014 09:54 PM
لجنة المتابعة

مشكللاتوو 0..
تحياتي الك
رد بواسطة مشكلجيه
ولك تحياااتي :))
23-06-2014 10:19 PM
صريح جدا
طيب وين المشكله من انك تتزوجيه ...يابنتي الحياه اسهل من كل هاي الافكار المستقبليه خديها ببساطه ...واتزوجيه وعيشي حياتك
23-06-2014 10:32 PM
نصيحة
بضحك عليكي ما بدك اياه ابعدي الرجل بحاجة للاولاد وسنك قد لايسمح بوجود اولاد
24-06-2014 12:41 AM
ناصح
واحد كذاب بياع حكي ثعلب ينتظر الفرصة ليفترسك
24-06-2014 07:46 AM
مسافر لوحدي
اديه على ئفاه خليه يئمر عيش .
24-06-2014 10:03 AM
معنسة
شكله بده يتسلى وقلك باخذ منها ال بدي اياه بما انها اعطتني عين و بضحك عليها انسي موضوعه ما بدك اياه لانه لو بحبك صحيح كان اجا طلب ايدك
24-06-2014 10:19 AM
38
بحس من حكيك انه هاي العلاقة مالها لا بداية ولا نهاية وبعدين واحد متزوج ومو سبب انه مرته بتنزل منشان يتزوج عليها لا من الحكي وللي انا فهمنه انه بحب مرته او ليش بسب عليكي وبجرحك بالكلام ... انسيه وخليكي مع ربك احسن الك وخليكي مع القران لانه هاي العلاقات بغضبي وجهك ربك حرام اكسبي ربك احسن لما ربك يكتب نصيب
24-06-2014 11:36 AM
مستغرب .
بعد اطلاعي على تفاصيل ما ورد في مشكلتك ، انصحك بالإبتعاد عنه فورا ، هذا رجل متزوج ، ويبدو أن لديه نقص عاطفي من زوجته الحالية ، وأنت كونك عزباء وعمرك 38 سنة فأنت متعطشه للغاية عاطفيا ، وهذه ليست مذمة لك بل أمر طبيعي لفتاة مثلك طبيعية ، لكنه مليء بالتناقضات والشذزذ في أفكاره وكلامه ، لدرجة انه جرحك بقوله بايرة ...!!!؟ وإنسانه غيرك بكامل وعيها وإدراكها الطبيعي لن تبقي هذا الرجل في حياتها بعد هذه الكلمة الوقحة التي لا تنم عن أي حب . وفراغك العاطفي هو الذي تغلب عليك بغفران ذلك له . وفي الخلاصة الرجل لا ولن يصلح لك إطلاقا ، وسيرميك بمجرد أن يقضي منك وطرا ، أي بعد الزواج بقليل ، لأنه إنسان غير مسؤول لا عن تصرفاته ولا عن بيته السابق ، فكيف سيكون مسؤولا عنك مستقبلا ؟......مع تمنياتي لك بالتوفيق .
24-06-2014 11:51 AM
gj
لو بدو ييجي يطلبك.....غير هيك انسي موضوعو كزاب
24-06-2014 01:53 PM
ابو ميرا
ما اليك مصلحة معه اتركي نصيحة اخ
24-06-2014 02:19 PM
ADEL
حافظه 11 جزء قران وبتحبي وبتلاقي وليه ما بتسلم شو خليتي للي مو حافظين قران
اتقي الله
24-06-2014 02:27 PM
خبير1
اولاً اقطعي علاقتك به نهائياً.
ثانيا انتظري حتى يأتيك النصيب او لا يأتيك.
وتذكري دائماً بأن املك كبير بالله
24-06-2014 02:41 PM
الخبيثة الي عادل
أقسم بالله العظيم أنك أبدعت أخي خير الكلام ما قل ودل .
رد بواسطة ADEL
تسلمي كلك زوء
24-06-2014 07:00 PM
ذكيه
لا تتجوزيه الي بخون مرته مش بعيد يخونك مليون مره هذا واحد مش مزبوط
25-06-2014 09:52 AM
Jannat AL refaee
مره مصري مره اردني لخمتي اهلي ......طيب ماحكيتي مرته بتعرف انه بده يتزوج لتروحي تخربي بيتها الحزينه
25-06-2014 10:51 AM
اردني...
صفاتك واخلاقك ممتاز ولا يوجد فيكي شيء ناقص لكن تجاهلي هذا الشخص مهما فعل لانه عنده الاخطاء وليس عندك الاخطاء ولا تتواصلي معه نهائيا..
اذا هو جاد بالزواج فليذهب الى بيت اهلك ويطلب يدك
كوني مع الله ولا تبالي
الله يوفقك ويرزقك ويبعثلك ابن الحلال قريبا عاجلا
25-06-2014 11:09 AM
محلل نفسي
بصراحة الشب متردد ، يعني في بعض الاوقات بميل الك وبتكوني مبسوطة معه والبعض الاخر بميل لزوجته ويمكن يصدر عنه اشياء بتضايقك وحسب كلامك الشب مشكلته بالاولاد لهيك
بنصحك تطلبي منه انه يتقدملك بالحلال والاصول وغير هيك ما تحكي معه بتاتا اذا الشب اجى واتقدملك بنصحك تعملي خطوبة بدون عقد قران لفترة حتى تدرسيه منيح وعلى جميع الاحوال انته الكسبانة اذا كان منيح خير وبركة واتزوجي ع خير واذا ما عجبك اتركيه وهيك بشيل النحس عنك وبيجيكي غيره
26-06-2014 06:49 AM
النمرود
ماشاء الله كلها بتفتي من عندها عفكره الصح انك تمشي وراء احساس قلبك وتفكير عقلك وعمره ما بحس بالجرح الا صاحبه
26-06-2014 08:39 AM
قليل الرجال اللي بتغير
طبع الرجل هو هو عند اغلب الرجال سواء قبل او بعد الزواج
26-06-2014 01:31 PM
ابو طارق
السلام عليك يابنتي ورحمة الله وبركاته

قرات طرحك هذا اليوم الخميس الموافق 26/6/2014 بعناية وتاني

انا رجل كبير في السن ولي بنات بعمرك

وكما يقولون خير الكلام ما قل ودل

لقد امتزج كل شيىء عندك منذ ان عرف هذا الشخص

فارجعي الى نفسك الطاهرة قبل الندم

لعل الله ان يبعث لك الانسان الذي يستحقك وتستحقينه

اتمنى منك يا ابنتي العزيزة ان لا تحكمي عواطفك في كل العلاقات القادمة ... كتبت لك هذه الكلمات لاني احسست انك من معدن اصيل ... فأنت الان مضيئة فلا

تطفئي نفسك بنفسك

سوف ادعوا لك الله سبحانه في قيام الليل .......

26-06-2014 02:17 PM
جننتيني
حافظه 11 جزء من القرآن وتقابلي وبدك يسلم عليكي باليد اتقي الله يا بنت الناس وحلي عنى
26-06-2014 04:07 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات