والله يا اخي الواحد فيكو بعجب ظلم في زوجته وبعدين بيقول بدي اتزوج على اساس الزوجة الثانية لو استرجا يظلمها بتتحمله

ما تجيب الهسهس لحالك حب بس ما تتزوج لأنه أخرتها على مستشفى المجانين من الثنتين ما في أجكر وأكيد من الضراير .

طيب بدك ايانا نعطيك الحل على اساس انك بريء ازا ما سمعنا من طرفين صعب نعطيك الحل !!!!!

هههههاي لايصير فيك مثل القبطان علي على مر الزمان

شوف انتا ممكن بوجهة نظرك انت الصح والمدام هيه الغلطانه بس الحل هوه التفاهم والنقاش وبجوز انتا الي غلطان مش هيه فكر بشكل ايجابي ولاتضلمها والانسان بحاول يصلح الامور قبل ما يفكر في حلول سيئه متل انك تتزوج....




.

لو كل رجال العالم يحاولوا يقنوعوني أنه الحق على المرأة مستحيل أصدق أأأأأأأخ من الرجال وكذبهم هههههههه هاي مرتك بتكون مورجيها الويل لحتى ما بتجاكرك ويا دوووووب تقدرلك

نصيحتي الك اذا زوجتك بدها الطلاق وحسيت بهذا طلقها واعطيها المؤخر والنفقة لانو الحياة ب مجاكرات عن جد سيئة طلقها وعيش حياتك من جديد واعطيها كل مصاريفها اذا عندك ولاد منها عشان ماتوجع راسك بقضايا بعد الطلاق

روح اتجوز والفرس من الفارس

اذا انت فارس بحق بتقدر تجوز الثانيه مع الاحتفاظ بالاولى

واتركك من الاراء التي تكسر المجاذيف

ومطروحه من محبطين او غير مجربين

اعلم اخي الكريم ان الله سيحاسبك عن كل لحظة الم او حزن سببته لزوجتك وكل لحظة فرح حرمتها منها فانت زوجها الذي يجب ان يسعدها وانت تقول اولادي متميزين يعني ام متميزة من ربتهم ويمكن زواجك يكون ربنا بدو يجيبلك وحدة مش عاجبها اشي زي بنات اليوم وتفظجك بعد ما كانت هية صابرة على هجرانك ومتحملة

كلامك انك خايف تحرض الاولاد دليل انك ظالم ولا لو معك حق بيمشوا مععك وما بردو ا عليها بس انت خايف لانك ظالمم وثقافتك انها هية المرة وانا زلمة لازم هية تةظلم وتسكت بس الحمد الله هاذ مش ميزان الحكم عند رب العالمين ميزانة العدل ورح تتحاسب بالدنيا والاخرة عنها

رجل بالاربعين يعني مراهقة سنة الاربعين..
لدي اولاد والحمد لله متميزين في كل شيء معناها عندهم ام ربتهم وسهرت عليهم وخلت بالها منهم وتابعتهم في كل شي وانت في شغلك وبعد الشغل الله اعلم شو عندك.. بس حبيبي بدي احكيلك العيب فيك انت مش في زوجتك لانه الزوجة يلي بتنشئ اولاد مميزين بتكون هي مميزة كذلك.. ولا تحكيلي انه انت كمان ربيت اولادك .. ويا حبيبي الام يلي بتتحملك اكيد ما رح اتعصي ولادك عليك .. عشان هيك على ما اعتقد احسن شي انك بتعمله لأولادك انه تتركهم مع امهم لانه بكون افضل الهم عشان ما تكون انت عائق في حياتهم.. اعتذر منك على كلامي ولكن واقع انا عشته وبحمد ربي مليون مرة وبشكر ابوي مليار مرة انه تركني انا واخواني مع امنا لأنه لو عشنا معه كان اطلعنا متل اولاده من زوجته الثانية فاشلين ..
انا بحكيلك هالشي من حياة عشتها وامنا عمرها ما سمحت لأي واحد فينا يحكي عن ابونا اي حرف بالرغم من كتير شغلات ما بقدر اذكر منها شي عشان ما ادخل في باب عقوق الوالدين..
اذا في شي لازم يتصلح انا بحكيلك صلح نفسك وشيل من راسك الحجج والاعذار يلي بتحاول اتبرر فيها اغلاطك..
والسلام عليكم

ما قاله طبيب نفسي ان المشاكل بين الزوجين يكون الخطأفيها على الاثنين ---صلح نفسك فلعلها تنصلح واعلم ان اولادك الذين ربيتهم اهم عندك من الزواج باخرى كما تقول هناك احتمال كبير ان يضيعوا منك اذا تزوجت وعليك ان تقارن اما زوجة اخرى او اولادك

الاولى تحلى لو كانت وحله

صارحها برغبتك في الزواج واترك لها الخيار ان كانت تريد الطلاق او البقاء مع اولادها .

اخي العزيز--- الزواج ليس هو الحل وخاصه عندك اولاد تأكد بان اولادك سيضيعو وتخسرهم فانا بقول التفاهم مع زوجتك هو الحل الزوجه مهما كانت شرسه مسكينه وضلع قاصر كلمه حلوه بجيبه اذا كان لديه وعي وحب لاطفالها---- فانته يا اخي اكيد عندك غلط لانه ما فيه انسان بقول عن زيته عكر والمجاكره لا تأتي من فراغ انصحك بأن لا تغامر بأولادك --- فانا اتكلم معك من خلال تجربه معي انا فصبرت ونلة وعلمت وزوجة ونفقت والان لوحدي انا واياهاونادمه على كل تصرف تصرفته غلط واهم اشي بالحياه هو عند مكبر الرجل ان يجد جزء من الحنان والحب فأنته بنهايه حر بحياتك فلا تندم يا اخي وخاصه لانه عندك اولاد ولو كانت الامور غير هيك اشجعك واقول لك تزوج ولا عمر بجرش حجر والسلام عليكم

المراة لا تجاكر الا اذا جرحت او شعرت بالخيانه . اذا كنت كارها لها لماذا لا تتركها والا مركن انها تربي الاولاد وانت بدك تعيش حياتك راجع نفسك وشوف شو عملت معها خلت جسور الثقه تنهار بينكم

كفى بالمرء إثما أن يضيع من يعول

طالما بدك تتزوج مستحيل مرتك جكرة وعنيدة ومشكلجية من لا شيء معاك مهر عروس وتفتح بيت ثاني وبدك تبسط حالك ومرتك تضلها لحالها تقارع بقرودك هههههه أنت تعيش وهي تقعد تربي ولا شوووو بدك تتزوج أنت فاضي تدلل عروس وتشتري وتصرف عليها وشمات هوووووا يا شيخ روح طيرررررررر لازم مرتك تعطيك الأولاد كمان يعيشوا عند العروسة تبعتك وهي تريح مخها منك ومن أولادك أنا لو أني محل مرتك هي بعمل ...........ههههههه الرجال يا جماعة ما حد بقدرلهم ..........ههههه الكونت بكرة ببطل ينشرلي هههههه

صباح الخير خبيثه لغتك مش غريبه عليه ومفردات كلامك بتحسسني وكأني انا بحكي لغتك قريبه مني وبصراحه وكأنك سلطيه والخيار الثاني شماليه نفسي اعرف من وين وانا سلطي وكلماتك--- تتتقارع--- وقرودك-- وطير--وتريح مخها منك -- يعني كلماتك بتعبي الراس صحيح--وبحيات الله تغيري اسمك لاسم سياحي هيك

zezo_nezar@yahoo.com

( وردة الغريب ) شوووووو رأيك بهالأسم ولا ( على راسي ريشة ) يمكن سياحي أكثر شووووووي .

يعني هل يعقل المدام بتجاكرك هيك بدون سبب ؟؟ عينك بعيني !!

بيض
لونوه
جربت قبلك
وهيني قربت جن
غير حقد الاولاد
ان كيدهن عظيم
حاول صلح

من خلال تجربتي لان والدي متزوج ووالد زوجي متزوج الرجل عندما يعجب او يعشق سيده اخرى يبداء بخلق المشاكل مثل تربيه الاولاد مش عاجبته مع انوا هوا الي دلعهم مرتوا شكلها مقرف طبيخا مقرف البيت مقرف اهلها نور مش عارف كيف ناسبهم والسيدة والحبيبة تكون في نظره كامله الاوصاف ( بعكس هذا مناحية شخصيتها والنسب الجديد) وبعد الزواج وحرمان الزوجه الاولى من كل حقوقها وحقوق اطفالها وبعد مرور الزمن وعندما يكبر في السند ويكتشف ان السيدة التي باع الدنيا عشانها طلعت مابتسواووالادها سيئين مثلها ( يرجع الى الزوجه الاولى ذليل ولاكن قلبها الكبير وتربيتها الصالحه تقبل بة من جديد في حياتهاكي تقوم برعايته هي واولادها) نصيحة الا تحط نفسك بهذا الموقف لانه صعب على الطرفين اما انا فلن اسامح ابي على مافعله بي وبخوتي وامي وزوجي نفس الشعورتجاه والده ( نعاملهم معامله حسنه برابالوالدين كماامرنا الله سبحانه وتعالى )لاني انا وزوجي نعاني من الضروف المادية الصعبة مقابل اخواني من الزوجة الثانية واخوان زوجي من الزوجة الثانيه يعيشون في النعيم ونحن نعمل ليل نهار من اجل تجميع اجرة البيت ومصروفنا اليومي