جراسا -

ذقت جور السنين وذقت ظلم الزماني

قاسيه دنيتي والله وبالحيل مرّه

وأحسب ماعد يجيني كثر ماكان جاني

وأثر ماجاء قليل وخلفه أكثر يجره

ظلم دنياي مرّ ، وجور دهري حداني

لكن ظلم الحبيب يفوق مليون مره

آآآه يا دنيتي وشلون مالك أماني

بحر حزن وكأبه عقب قطرة مسره!!

هو صحيح إن دهري في صميمي كواني

لكن أرجع وأقول الدهر لله دره

لجل يومه ظلمني ماحرمني الأماني

بل بقي لي مخاويني بخيره وشره

وأما خلّي فيوم إنه ظلمني رماني

أغرقني خوف بحره وأبتعد أمن بره

آآآه ياليت يوم إنه بهجره نواني

كان قفّى وراح بدون ظلم ومضره


يا ابن ادم لا يغرك طول الامل وكثرالتمني

تراك مقفي والنهايه قريبه

والــعــمــر مــــحــســـوب بــــالـــثــوانــي

لازود ولا نقص ولا فيه ريبه

ومــســئــول عــن الــقـاصــي والــدانــي

واصبر على ما جاك من مصيبه

ولا تـظــلــم تــرى الــحـــــق يــبــــانــــي

ودعوة المظلوم على الظالم مصيبه

تــجـرح شـعــوره بـكـلام مـا لـه مـعـانــي

تضيمه وجروحه تزايد لهيبه

امـسـك طـريـقـك ولا تـصـيـر عــدوانـــي

باسباب ظلمك وجروح القلب عطيبه

حــســبــي الله عــلــى اللـــي بــلانـــي

انا ارجي اللي من ترجاه مايخيبه

عــالــم الــظــاهــر ومــابــيـن ضـلعانـي

يجلي هم بقلبي تزايد لهيبه

الاء العلي