حماتي حماتي حماتي .. !


جراسا -

انا شاب عمري 29سنة.. راتبي 600 دينار .. وعندي بيت بيجنن كلفني 30 الف بيت ملك وعندي سيارة ... حبيت بنت وقبل الخطبة سألت عن عيلتهم .. حكوا لي العالم ابوها تارك امها من سنين لأنه ما قدر يتحملها ..
وإخوانها تحت سيطرة الأم وحتى انها خلتهم يطلقوا نسوانهم .. ثلاث شباب طلقوا ثلاث نسوان بدون ذنب .. حتى انه وحدة من النسوان حرمتها ام الشاب تزور اهلها 10 سنوات وبالآخر طلقتها بعد زواج 13سنة و3اطفال ضلوا مع ابنها ..
المهم لما سمعت بجبروت الام .. حكيت مع البنت وقلت لها ما بقدر ارتبط فيك ..
صارت تبكي وتترجى وتقول انا الك وما حد يتدخل .. واعطتني وعد انه تنسى اهلها ...
المهم خطبنا وبعد سنة تزوجت .. وصارت مشكلة بحفلتنا سببها الأم .. ويومها الام حلفت يمين الا تطلق بنتها ... اما اليوم او بعد سنين ..
المهم مشت الحياة ..ومن يوم الحفلة البنت تسمع من امها وتنفذ الحكي حرفيا .. والام ما تركتنا من تدخلاتها ... حسستني انه هي الزوج ..
وخلفت من زوجتي طفلة بتجنن .. وعمرها سنة ونص ..
المهم كنت اترجى بزوجتي ترجاية تبعد امها عن حياتنا الزوجية .. بدون فايدة وكنت اذكرها باللي
عملته أمها بالحفلة وانها تسعى بطلاقنا من اول يوم
ويشهد ربي كم حبيت زوجتي وهي عمرها الان 23 سنة وجامعية .. وأنا ما قطعتها من امها نهائيا كل اسبوع تنام عند اهلها يومين من 3 سنوات زواج ماغابت عن أمها ولا اسبوع ..
قبل شهرين صار نقاش بيننا عن تدخل امها بحياتنا .. وبعثتها على امها كالعادة لما طلعت على دوامي .. وبس رجعت بدي اروح انا وإياها على بيتنا .. طلعت الام وحكت لي ' ممنوع توخذ بنتي .. يا بترحل وتستأجر جنبي او تطلق بنتي ' ..
ترجيتها لا تخربي بيت بنتك مارضيت .. فتركتها وروحت
وبعد اسبوع الام جابت شرطي واخذت اغراض بنتها كلهم ورفعت قضية نفقة ..
رحنا على المحكمة والقضاه بهدلوا زوجتي على طلبها بالرحيل من بيت الملك لبيت إيجار ..
المهم نهاية القصة انا بدي اخطب قريبا واتركها عند امها تشبع فيها .. وشفت اكثر من عروس وانبسطوا اهلهم فيّ بس شرطهم اخلص من قصة البنت الاولى .. يعني اما ترجع وما اتزوج او اطلقها وساعتها بيوافقوا على الطلبة ..
معي حق باني اتركها عند أمها واتزوج غيرها بما انها مثل امها بالضبط .....



تعليقات القراء

المرعب
اخي الكريم انتا لازم اطلقها ما دام سمعت كلمه امها واذا ضلت معك رح تخرب بيتك اتزوج واتوكل علا الله عسا انو ربنا يرزققك الزوجه الصالحه
رد بواسطة عبووووووووود
ههههههههههههه
يا زلمة شو ... ليكون حماتك (( فريال ))
اللي في باب الحارة .
بس الحق عليك من أول لما سألت
بس أنا بقول طول بالك شوي . وتمهل الطلاق مش قصة بسيطة
رد بواسطة ابو الفوارس الرياض
كلام سليم ، طلقها وريح راسك والنفقة عادي بالنسبة لك ، وضعك المادي ممتاز

رينا يسر امرك.
11-05-2014 08:00 PM
ربة بيت
اريد لك النصيحه ولكن كلامك عنها انت مسؤول عنه يوم القيامه وبرأيي الشخصي اتركها لتعيش مثل امها وتشوف بعيونها كيف دمرت حياتها انا مش قادره افهم كيف جامعيه والله الجاهله ما بتوصل حياتها لهدرجة انا سأقول لك نبذه عن حياتي والدتي آطال الله بعمرها لا تحب زوجي ومنذ زواجنا اسمع من الناس الكلام الغير لائق بحق زوجي كانت تقول لي اعملي كذا وكذا وكانت حماتي ايضا لا تطيقني لأنها لا تحب والدتي وبينهم مشاكل عالعموم والله على ما اقول شهيد جلست انا وزوجي وتناقشنا بالموضوع وتواعدنا بعدم السماح لأي منهن التدخل بحياتنا وها نحن الآن والحمد لله عندي ثلاثة اولاد الكبير يدرس الهندسه والثاني ان شاء الله رايح يدرس طب والثالث الصغير ما شاء الله عليه هذا بفظل الله علينا اقرأ ما كتبته وبيدك الاستقرار
11-05-2014 08:03 PM
لميس
الاولى
11-05-2014 08:07 PM
يمكن
اكيد حماتك زوجها متوفي لهيك فاضية اشغال رجعت اولاداه لعندهاوبدها بنتها
انت زوجها لحماتك واخلص منها
11-05-2014 08:22 PM
واحدة
أمانة عليك تقول الحقيقة هاي القصة تأليف!!!
شو أم زوجتك السلطانة هويام
11-05-2014 08:28 PM
ام مزوجة بنتها
كان عليك من الاصل ان لاترتبط بها بعد ان سمعت عنهم هذه المسموعات--اذا كان ما تقوله صحيحاطلقها وخطيتك برقبتي ابنتي متزوجة منذ اكثر من سنتين ولم تنم عندنا ولا ليلةالمرأة يجب ان تكون مشدودة لبيتها الاان هذا لايمنع ان تزور اهلها واهلها يزورونها وقد وعدتك بان لاتسمع كلام اهلها اذاكانو ضدك ولم تفي بوعدها ولا يلدغ المؤمن من جحر مرتين
11-05-2014 08:31 PM
الى صاحب المشكله
الله اخليك لأهلك ان شاء الله .
قال العرب : الخيل من خيالها.
وكذلك لا خير في قوم تحكمه امرأه.
حكوا لفرعون ليش فرعنت قال ما لقيت حد اصدني.
ولباقي عندك
11-05-2014 08:38 PM
البيوت اسرار
سلام الله عليك اخي الفاضل.. فرج الله همك..
بداية انا احب ان انصح احدا بالانفصال لكن احيانا يكون هو الحل ..
اولا:
لن اقول انه كان من الازم ان لا ترتبط بعد ما سمعت عن امها لكن فكرت بعاطفتك و حصل النصيب..
ثانيا:
اصعب امر في الحياة الزوجية وانا اعتبره من اكثر الامور التي تجعل الحياة الزوجية كالجحيم هو ضعف شخصية احد الزوجين و سماعه لاوامر اهله ..
ثالثا:
انت فعلت ما عليك ربما اقول لك ان السفر ربما يكون حل لكن ربما لا تحتاجه فلماذا تسافر من غير حاجة
رابعا:
اخي احيانا في مثل حالتك عندما تسمع الزوجة ان زوجها سيرتبط و خاصة ان يكون وضع الزوج مثلك و عنده مثل حماتك ..يحاولون ارجاع ابنتهم و يقبلون باقل الامور لذلك طلب منك اهل من اردت ان تخطبهم ان تنهي ..معهم حق لانك بطبيعة الحال مشاعرك اتجاه بنتك ستجعلك تنسى ما فعلت زوجتك و عاطفة الابوة ستجبرك على ارجاعها..
اخيرا..
الله اعلم ان تنفصل خير لك او اقلها ان تخطب فتاة لا تشترط منك تركها اولا .. فقط من اجل الطفلة.. لكن انت صبرت و سيعوضك الله خيرا ..
كم احزن على ضعاف الشخصية يخربون بيوتهم بايديهم .. وفقك الله اخي
رد بواسطة البيوت اسرار
عفوا اقصد انا لا احب
11-05-2014 09:06 PM
ام ريااااااااااااااااااااااان
يغص بالك قد ما انت كاتب!!ههههههه
ما تزعل بمزح
المهم الحق عليك اتزوجتها من الاول..بس بما انه الفاس وقع بالراس وصار عندك بنت بتجنن الله يحميها! فاعطيها فرصه اخيره واحكيلها يا اما بترجع ع بيتها يا اما بطلقها..وهي رح تحكيلك ابن عمي انا رح ارجع معك!!
بالله عليك قصتك حقيقيه او مقتبسه من مسلسل باب الحاره وعصام ولطفيه.
رد بواسطة العصفوره
كيفك يا ام ريان

القصه مقتبسه من مسلسل باب الخياطه
رد بواسطة @ أبــو @ عويــس @
ههههههههههههههه
11-05-2014 09:41 PM
سااااالي
الى صاحب المشكلة

انا بالعادة ما بحب استهون بل المشاكل الناس بس بدك صراحها لما قرأت القصة فرط من ضحك صار معاي حالة هسترية مش عارفة ليش بدل ما انتا هون ليش ما تصير كاتب والله بتوخذ جائزة


على رائي ام ريان الغالية
ذكرتي بالمسلسل باب الحارة لطفية وعصام هههههههههه
رد بواسطة @ أبــو @ عويــس @
ههههههههههههههههههه

بالله جد
رد بواسطة سااااااالي
دوم ضحكة ابو عويس
بدك صراحها والله بدخلها بعقلي مش راضية تدخل بجوز غلط مني مش عارفة هههههههه
رد بواسطة @ أبــو @ عويــس @
يدوووم قلبك يا رب

مرقيها هي وقفت على هاي المشكله ههههههه
11-05-2014 11:46 PM
السناتور محمود
مع احترامي للنساء

لكن......
بنتك ثم بنتك بنتك
والله ما بتستاهل بيوم تفكر ليش ابوي مو عندي وشو هاد جوز الأم

أسمعني اشتري البنت لا تشتري الأم. اهمل الأم والحماه واتركهم للزمان...وراح توكل نار الغيظ قلوبهم وراح يستدعوك للمحكمة يطلبو الطلاق ...واحكي للقاضي ليش عندي بيت وسيارة ووظيفة ومش مخليها محتاجة اشي...واذا ببتهمني بسوء معاملتي الها فالتثبت.

انا من يريد ان ترد لبيت الطاقة.واحكم بالطلاق بس مش مني من امها مشان بيتنا ما ينخرب وبنتي ترجعلي.
12-05-2014 07:11 AM
ننن
طلقها بالثلاث
12-05-2014 07:47 AM
hibo.hiba
السﻻم عليكم ﻻ تتطلقها عيشها بما يرضي الله تنين هي بضل ام بنتك ومرتك موعارفه شو زمن هدا الي عم تتغير كل شي الله يبعتلنا اوﻻد حﻻل با رب
12-05-2014 08:30 AM
خبييييييير
هاي حماتك شوفولها عريس بتسكت ........
12-05-2014 08:37 AM
مواطن فاخر على الاخر
سبحان الله ..اكثر الناس لا يرون الماضي الا في الحاضر ..ولا المستقبل الا بعد الانتهاء منه..قالوا ابتسم وانسى الهموم.. فرزقك مقسوم.. وقدرك محسوم.. واحوال الدنيا لا تستحق الهموم.. لانها بين يدي الحي القيوم..وافتح صفحه جديده مع الله يا ابني والسلام
12-05-2014 08:42 AM
@ أبــو @ عويــس @
السلام عليكم

صديقي صاحب المشكله

لو بتحبك زوجتك ما ردت على كلام امها (( المجنونه )) تعرف ليش مجنونه لانه من كلامك مبين انها خلت اولادها يطلقوا نسوانهم وجاي الدور على بنتها الي هي زوجتك (( حماتك معها مرض نفسي ))

ارجع على حماتك وفهمها انه بدك زوجتك /// وشوف زوجتك كمان واعطيها حل واحد من اثنين // يا اما بترجع معك على بيتها ..يا اما تضل عند اهلها وبهاي الحاله خبرها انه بدك (( تتزوج بوحده غيرها )) بعد ما ترفض ترجع معك عشان تشوف مشاعرها الحقيقيه

ولا تنسى اخوي انه في بنت بيناتكم

والله ولي التوفيق احترامي
رد بواسطة مسافر لوحدي
احلى يا كبير ههههههههههههه
رد بواسطة @ أبــو @ عويــس @
ههههههههههه كيف بس افحمته
رد بواسطة مسافر لوحدي
ههههههههههه اكيد
بس شغلة انها بتحبه انسى المكتوب من عنوانه .
12-05-2014 09:25 AM
علي عليان
واذا عزمت فتوكل على الله اذا كان كلامك كله صحيح ولا تجلطك عمتك عيش يابنيي والبنات الطيبات والعمات كثار ربي يوفقك
12-05-2014 09:47 AM
عاشق فلسطين
مع احترامي الشديد لصاحب المشكله

انت .... خلص سالت و حكولك الناس عن ام البنت ليش ترضى متل ما بيحكي المتل يلي على راسو بطحه يحسس عليها او المتل التاني انت يلي جبت الدب لكرمك

حسبنا الله و نعم الوكيل على هيك ام و اتزوجت طيب صارت مشكله يوم الحفله ساعيتها ليش ما تركت قبل ما تنبلي هالبلوه اخلع شوكك من حالك مشكلتك من البدايه هاي بعد ما وقع الفاس بالراس جاي تحكي و تشكي طيب اهلك ما الهم راي بالي بصير
12-05-2014 10:04 AM
هذه القصه صحيحه جدا
انا تطلقت بسبب حماتي وقد تسببت ايضا بطلاق اولادها الاربعه من زوجاتهم وزوجتهم مره ثانيه وطلقتهم وحاليا همه على طريق الزواج الثالث

لانها متسلطه ومتحكمه بالمال

لا اقول غير حسبي الله ونعم الوكيل في كل متجبر ومتسلط
12-05-2014 10:10 AM
ساااااالي
الالوافيرا

الدرالمكنون

عاشقة الاستغفار

السوسنة السوداء

ام ريان

-------------------------

صانع الفرح

السلامة

لانيق المشاغب

ن أ ب

مثقال
---------------



صباحكم يختلف نوره تفتح ورده وزهوره
تبشر بالهنا طيوره صباح الخير وسروره
12-05-2014 10:26 AM
مسافر لوحدي
احكي مع زوجتك على إنفراد وخيرها ما بين حياه زوجية هادئه او الطلاق وعطيها وقت كافي تحسب امورها صح تجاوبت كان به غير هيك بالثلاثه وخطيه هالبنت مناصفه بين امها وستها .
رد بواسطة @ أبــو @ عويــس @
في وجهه نظر كمااان

(( احساسك يدرس ))
رد بواسطة مسافر لوحدي
جفلتني يا زلمه فكرتك أحلام
هههههههههههههههههه
12-05-2014 11:30 AM
لبيبة
خد بنتك وطلقها وشوف نصيبك هو الحق عليك من البدايه اهلها زفت بتكمل المشوار ليش ؟؟ لو يوم الحفله بدي اسمع حماتي حكت انو انت طالق لو بعد حين الا الم اغراضي وارجع لبيت اهلي
12-05-2014 01:06 PM
مش مهم
القصة حقيقية لكل شخص بتفلسف انها تأليف وانا شفت هيك ناس ادام عيني الله يعينهم
انت الله يعينك على ما ابتلاك .. بس عشان مرتك تطلع من خطيتك روح عندها واحكي معها بطريقة جدية واخيرة واحكيلها انا يا بنت الناس لهلا رايدك (طبعا ازا انت فعلا رايدها) ادامك وحدة من تنتين اما بترجعي لبيتك وزوجك وبتنسي اهلك لانهم سبب تعاستك وخراب بيتك او ضلك عند امك واستني الطرطور اللي رح يتحملها معك يومين بالزبط لتفكري
بعد يومين ارجعلها شوف جوابها ازا بدها اياك كان به والله يوفقكم وازا بدها امها بتكون انت عملت اللي عليك وطلعت خطيتها من رقبتك وطلقها واتزوج الاحسن منها
رد بواسطة واحده
أنا من الناس اللي تفلسفو على حد قولك
بعرف أنه في هيك حموات بس ما سمعت أنه كل ولادها طلقو نسوانهم والبنت بدها تطلقها من جوزها
معقول ما في بالعيلة واحد عاقل
وأبوهم وعمومهم وخوالهم وين إختفو
وخلال شهرين صار شايف أكتر من بنت وانهبلو عليه
والله كبيرة ولا شو!!
12-05-2014 01:50 PM
!!!
اسفه بس بصراحة فرطت من الضحك لما قرأت قصتك أولا المفروض من اول ما اتزوجتها بعد اللي سمعته تانيا لييييييييييييش تخلفو ؟؟؟؟ شو ذنب الأولاد يتحملو اخطائكم و تخلف أمها ؟؟؟؟؟ رح تدمر مستقبل بنتك بطلاق امها ،،،، تالتا بتحكي مع زوجتك بدون وجود امها و بتفاهم معها على وضعكم و وضع البنت و بتحكيلها أزا أصرت على الطلاق انه ما رح تطلقها للتنازل عن البنت لانه بصراحه حرام تتربى عند جده مجنونه زي هاي !!!!! و أوعك توافق تسكن ب جنب حماتك لانه هلأ هيك كيف بس تصيرو جيران ؟؟؟
12-05-2014 01:54 PM
ناب
وينك ياسالي يا اغلى الغوالي
12-05-2014 03:54 PM
الحجاج
بالله عليك طلقها الف طلقه حتى ما اتفكر انك اترجعها
12-05-2014 07:26 PM
نفس المشكلة..
اخي الكريم صاحب المشكلة..
السلام عليكم ورحمة الله وبركاته..
رح احاول اختصر كلامي.
انا تقريباً حصلي نفس الشي وحماتي حاولت اكتر من مرة انها تكون سبب في طلاقي انا وزوجتي لدرجة انه لما كنت اتصل على تلفون زوجتي كانت حماتي تاخذ التلفون وما اتخليني احكي معها.. والحل يلي عملته اني اتصلت في حماتي وهددتها انه اذا مرتي ما رجعت على البيت بنفس اليوم رح ارفع قضية واطلبها لبيت الطاعة..وقتها مرتي رجعت عالبيت بنفس اليوم .. ومن بعديها ولا يمكن اخليها تحكي مع امها تلفون الا اذا بكون جنبها واكبر غلط انك اتخليها اتروح عند بيت امها بكثرة وتتركها لحالها كمان عشان امها اتعبي براسها.. انا لما بوديها عند اهلها يمكن بالشهر مرة وبروح معها ولا يمكن اتركها لحالها عند اهلها وحتى واحنا هناك ممنوع اتقوم من جنبي .. بقعدلي ساعتين او ثلاث وبعدين باخذ مرتي وبرجع لبيتي... ومن وقت ما عملت هالشي الحمد لله رب العالمين حياتي اتغيرت على الاخر.. بنصحك انك تبعدها عن اهلها لبين ما تعرف تزرع نفسك داخلها...
انت عندك بيت ملك وعندك دخل وبتقدر تصرف على بيتك ... بتقدر انك اتروح على المحكمة الشرعية وتطلب انه مرتك ترجع لبيتك لانك مكفيها من كل شي وقتها غصب عن امها بترجع.. او اذا بدك اتحايل بأي طريقة عليهم واطلع انت ومرتك لحالكم وقتها لا اتخليها ترجع لأمها.
13-05-2014 06:14 AM
قليبي
طلقها وارتااااااااااح من قرف امها
13-05-2014 10:03 AM
وين
احكي كلام معقول اذا كلامك صحيح استشير اهل العقول النيره وما تعرض مشكلتك على الناس لانه قد يفتي البعض عن جهل واحد بقول طلقها واحد بقول بضحك هذي حياه مو لعبة شطرنج او كرة قدم
13-05-2014 12:21 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات