اختي العزيزه

شكلو جوزك ناويها فديري بالك انتي لا تقصري معو ابدا نصيحه مني

يعني لازم يكون في شي
ولا لازم ريحة عرقه تقتلك
ولا لازم تكون لحيته مش محلوقه
ولا لازم يكون مشرشح عشان ما تشكي بالموضوع

بتصير باحسن العائلات انه الرجل يشوف حاله انه اهمل شويه بنفسه
وشاف صحابه كيف بعتنوا بحالهم
او شاف زملاؤه في الشغل
او سمع واحد من صحابه قله انت لسه شبيب واعمل هيك
او غار من واحد عمرهم قد بعض هداك مشبشب وهو مش داير باله على حاله
ومالها الرياضه خلي يلعب رياضه بدل ما كرشه ينرمى قدامه ويصيبه امراض قلب من القعده
اتركيه يا بنت الناس مش كل اشي وراه وحده بدها تلطشه

انت اعلم منا بظروفك الزوجية هل بينكم خلاف ؟هل عندكم اولاد؟هل بينك وبينه فرق كبير في التعليم ؟اذا كان هناك سبب من هذهالاسباب فلعل ظنك في محله ولعله بريئ انت ادرى بعرفة السبب وتداركه

كل الاحتمالات وارده من الحلو للمر للي امر منه عشان هيك انتي كمان العبي رياضه والبسي عالموضه وسرحي شعرك وروحي معو سهرات ورحلات يعني عيشي اجوائه ولا تكوني انتي يالشرق وهو بالغرب والله يوفق

انا وزوجي نفس المستوى التعليمي وعندي ولد وبنت وحياتنا الزوجيه الحمدلله هاديه وما صار اي مشكله مع اهلي او اهله بعدين بطبيعته بيتوتي لكن شو سر تغيره ما يعرف ومتحيره وخايفه لانه الموضوع في غموض بالنسيه الي

سلام الله عليك يا اختي ... فرج الله همك ..
اولا:
لا نتستطيع ان نجزم انه يرغب بالزواج من اخرى ان كان هذا ما تتوقعينه... نسمع احيانا ان الرجل الذي لا يهتم بنفسه و يتغير بشكل مفاجئ ان هناك هناك انثى دخلت حياته ... لكن الله اعلم ..ما صحة هذه المقولة..
ثانيا:
انت اعلم بعلاقتك معه و طبيعة عمله.. ربما سمع مدحا من احد و ربما لا لا نستطيع ان نظلم زوجك ..
ربما تصفح مقالا او شيئا على النت .، ربما نصحه احد الاصحاب .. لا تتوتري من الموضوع كثيرا..
ثالثا:
انصحك ان لا تدققي كثيرا و تكثري السؤال ربما لا يدور في خلده موضوع الزوج و انت مع اصرارك تجعلينه يفكر في الموضوع ..
لا بد ان تظهري انبساطه من التغيير و خاصة انك تقولين انه لطيف معك ..
رابعا:
احتويه يا اختي و اكثري من مدحة و التغزل به لن اظلمك و اقول انك مقصرة من هذه الناحية فالبيوت اسرار لكن ان كنت كذلك فتداركي الامر وامدحيه ..
و توكلي على الله ..
اخيرا،،
نحن لا نعلم ماذا قدر لنا في هذه الحياة لكن نعيش الحاضر بافضل حال نستطيعه.. تغيري انت كذلك كما تغير ..وفتشي عن الاشياء التي يحبها واغدقي عليه بالكلام اللطيف و تفنني بالطبخ و الحلويات و غيري الروتين .. واهم شيء لا تصري على معرفة اسباب تغيره بكثرة سؤاله .. سوف يمل ..وتكونين كالمثل القائل : على نفسها جنت براقش
بالتوفيق ..

شيء تجهله المرأة ..... اذا بقي الرجل يشعر بنفس الروتين والاهمال او محاولة السيطرة عليه ...................... be carful فانه سيتخد قرارا صارما فجأة

شوفي علي يا محتارة ،،،،، يا بتشدي حنكك وبتصيري تهتمي بالموضة مثله بالضبط وتزبطي حالك وتروحي جيم ،،، يا إما خليكي ع عماكي وخليه يسرح ويمرح مع الخسة اللي أنا متأكد انها ما بتسوى ظفرك وانها شبه السحلية .

صاحبة المشكلة

================

النفس البشرية بتمل بسرعة وبتكره الروتين
ليش توقعتي ان زوجك بحب وحدة تانية
ممكن هو شعر بالملل فحب يغير روتين حياته
وممكن هو شاف انك انت لازم تهتمي بنفسك فحاول يبدأ بنفسه لتغيري انت منه وتقلديه
بنصحك انت كمان تهتمي بنفسك لتشعريه انك فعلا مهتمة فيه

يا ناس يا عالم يا بشر يا نسوان مشان الله اتركونا بحالنا
جلطونا من كثرة الشك الي عندكم والي بزيدها من المعلقن كل واحد بحل مشكلتك على مزاجة وبخوفو فيكي وبحكولك عينو على وحدة خدي بالك شوفي وين بروح البسي الة اتزيني اي حلو عنا ها
كل شي بنسوية فية إن
ازا مشينا فيها إن
ازا البسنا فيها إن
ازا اتعطرنا فيها إن
ازا اتطلعنا هيك فيها إن
ازا اكلنا برة فيها إن
إزا لعبنا رياضة فيها إن
شو بدكم منا ازا الواحد بكون عايف حالة وبدو يرفة عن حالة شوي يعني بدو يتجوز عليكي او عينو على حدا ثاني اي حبستوتنا في بيوتنا
حرية واخدتوها منا وجع راس واعتطونا حياتنا وقصرتوها وامراض واعتطونا خلينا نتعطر خلينا نلعب رياضة خلينا نرفة عن حالنا شوية
أعطية حريتة

الى رقم 10 شكرا كثير الك بس انت تحاملت علي كثير والله انا بحب زوجي وبخاف عليه وهادا حق الي ولازم احافظ على بيتي لانه في كثير حالات الزوجه المي كانت بتمشي من تحتها وهيه مو حاسه على حالها لحد ما ضاع زوجها وضاعوا ولادها وانت لازم تحترم خوفي على اسرتي وتنصحني لانه زي ما حكا ن أ ب انه كل الاحتمالات ممكنه وشكرا لكل المعلقين

إعملي متله بالزبط إهتمي بنفسك ورياضة وأناقة يعني لازم الزوحة تلحق زوجها في كل شي حتى لا تبعدهما المسافات سواء كانت فكرية أو شخصية..
وأنت لا تجعلي الوسواس يلاحقك وبالعكس شجعيه حتى يعرف أنك تهتمين به وفيري في روتين حياتكما واملئيها بأشياء مشتركة ممتعة

بدهااااش حكي .....
ما دام مبسووووط ....معناته في مزه بالموووووضووووع ...
اقعدي متل العمل الردي ...
راقبي كل تصرفاته ...وجيبي مجهر ...وبلشي دوري
شعر نسائي على القميص ..
او روج على القميص ...هع


بدك الصح ...في مزه يعني في ...

انا ما بستفزني غير اللي بطلعله برا كم سنة وبرجع هون عنا وهناك عندكم ،،،،، وببلش يسوق الشرف ع غيره وينظر ،،،، مهو انت مزروع مع كم واحد ما بتشوف غيرهم ،،، قلتلي الزوجات بثقوا بأزواجهم !!! مهو كلهم كم زوجة الي بتعرفهم يعني عينة لا تمثل مجتمع ،،،، مجتمعك يا محترم فيه المنيح وفيه العاطل ،،، وبكل الظواهر الكونية في اشي اسمه أسباب ،،،، والأخت هون حاسة انه عندها أسباب كافية بتدفعها بالشك في زوجها ،،،، وأنا مغترب مثلك يا محترم بس ال 5 سنين الي مرقوا تواجدت في الأردن تقريبا بشكل دائم ،،،، احنا هون فاهمين بعض بعكسك تماما ،،، والدليل انه جملة " اطلع من راسي " أفقدتك صوابك بالرغم من انها شائعة جدا بين الأصدقاء ولا تعتبر إهانة ،،،، لو قرأت تعليقاتي ك شاب أردني ما كنت وصفتها بالسوقية ،،،، لكنك طبقت نظرية ال Americanization على حوار بسيط مش الهدف منه فرد العضلات وإظهار مستوى الثقافة اللي بيتحلى فيه كل شخص هون ،،،، وأنا على ثقة تامة انه المعلقين هون ناس مثقفة وراقية لكن بنتعامل مع بعض ببساطة ،،، فإذا كان مفهوم البساطة عندك يعني الرجعية فيا مرحبا بالرجعية .

اسمع يا فاتن النساء بجمالك وباسلوبك المعفن لساتك طالع من البيضة وبتتعلم كيف تحكي كيف بدي اكون زلمة ازا سحبت كلامي هاي ما دخلت مخي
لأ بدي اضلني على كلامي وهيك الزلمنة يا فهمان ومثل اشكالك شفت كثير وما انهضموا معي فسيبك من اسلوبك المعفن السوقي وخدلك كمان سنة بالجامعة على اساس تنضج فكريا وتنخلط في المجتمع اكثر لانو الظاهر انك عايش في صندوق

الردح الالكتروني ^ـ^

سلام الله عليكم قال عز من قائل ..انما ذلكم الشبطان يخوف أوليائه ..وقال عليه السلام يا عائشه أرفقي فان الله اذا اراد بأهل بيت خير ا أدخل عليهم الرفق..ولا تنسي بأنك روح البيت وعبيره ونسمه الحياه فيه... انك تصلحين الحياه وتجددين دماءها واوصالها بتقديم الطعام للابدان والسرور للنفس وتنشيط العواطف لدفع حركه الحياه والموده والمحبه والحنان ولا تنسي انك انت وبيتك خير متاع الدنيا لعبد صالح يصحبك في جنتك حتى بلوغ جنه الاخره ..واحذري من عدوك وشيطانك ان يجعلك شؤم الدار واعلمي ان خدمه الزوجه في بيتها هي عباده تكفر الذنوب .وروت عائشه رضي الله عنها ان رسول الله قال من أمسى كالا من عمل يده أمسى مغفورا له..رواه الطبراني واعلم يا اخي ..اختي بأن العمر قصير وانما انا وانتم أيام والدنيا كدر والسفر طويل يحتاج الى رفيق أليف وأنيس موثوق به...وتحياتي لجميع الاخوه والاخوات والسلام

زيد يعطيك العافية
انت شاب طيب و ابن أصل و صاحب مبدأ محافظ على ثقافتنا.
الناس أحيانا تخطئ في تقدير معنى كلامك لانه في معظم الاحيان تتم قراءة كلامك كأسلوب مش كفكرة و أنا دائما أقرأ كلامك كفكرة دون النظر لأسلوبك لأني أعرف ما انت عليه من طيبة و ما تريد أن توصل للناس من محاربة الأفكار الدخيلة.
أنا أعتز و أفتخر فيك كشاب صغير بالعمر و تجمع بين ما يتم من تطور بالحياة مع المحافظة على عاداتنا و تقاليدنا و يا ريت في منك أكوام أكوام.
لضيق الوقت مش رح أقدر أفسر كثير لكن بدي أضرب مثال بسيط.
في الاسبوع الماضي أنا كتبت جملة كان فيها ” و سماع عنجهية زيد“ و كلمة عنجهية كانت للتحبب و كان قصدي فيها تأييدي لكلامك فأنا قرأت الفكرة في كلامك رغم عنجهية الأسلوب.
أرجو منك محاورة الآخرين دون غضب حتى و إن أثقلوا عليك بالكلام.
تحياتي لك و لهم !
صباح الخير الك و للأخ مثقال و للجميع، و أحلام سعيدة الي انا شخصيا.
كنت بدي احكيلك باي باي بس ما بدي اياك تنمغص عساعة الصبح

من خلال قراءتي لمواضيع مشابهة التقطت معلومة تقول ان الزوج اذا صار يهدي زوجته هدايا على غير العادة فهذا قد يدل على انه يعرف واحدة اخرى و ينتابه تانيب الضمير من ناحية زوجته و يريد ان يعوضها بشيئ من الهدايا ليخفف من حدة تأنيب الضمير .فهل يا اختي صاحبة المشكلة لا حظت هذا الشيءفي تصرفات زوجك؟

ههههههه....راحت عليك يا"غبرة"..

got me ....
حكيتلك عندك بالغربه في مغريات كتير ..وما عمرك لاحظة بتاتا البته انه في واحد بخون مرته ..وهيك وشسمووو

تعرف ليش انت هيك ....
لانك عديم الملاحظه ...هع
بنصحك ما تكتب هون مره تانيه ..لانك ولاااا اشي ههههههه
ما هو الي بدو يخووون ..بدو يحكي معك تلفون وياخد رايك عمووو
اذا واحنا ببلد عربي مسلم ..الخيانه حبطرشه ..كيف
عندك ...يمكن لو ترفع السجاده تلاقي واحد بخون مرته ...
قوووم نااام.

انا سمعتهم بحكو انو مافي زلمه بحب مرتو
بطلت اتزوج هههه
انتبهي وراقبي تلفونو ومسجاتو وماتستبعدي شي لانو هاليومين الزلام منجنين وخصوصا اذا معو تلفون جالاكسي او ايفون ومنزل تانجو وغيرو
انتبهي

اذا حابه تتاكدي انه ما في راقبه شغله وحده شوفي بس يطلع ظلك كل ساعه رن عليه شوفي تلفونه بنشغل كثير على غير العاده

جوزك بعرف وحده

يعني لازم يكون في شي
صفي النيه

أن كيدهن عظيم

وينك يا بدوي بريء تجي وتحط حد لبعض المعلقين

حدن بعرف اخبارو؟

شكله بلش يلعب في ذيله الرجال ما عليهم آمان خاصة اللحضات التغير المفاجئة الله يستر كوني حريصة وخذي الاحتياطات الامنية قد ما تقدري

عزيزتي الحذر لا يمنع القدر

اعملي يلي عليكي وما تقصري باي شي لاخر لحظه حتى اذا صار اي شي لا تشعري بلندم والتقصير نهائيا واوتكلي على الله وديري بالك على حالك وزوجك والله يوفقك ويعمر بيتك انشاءالله

صفي نيتك

الى صاحبة المشكلة
سبحان الله الاشي المليح عند الناس غريب

الى الاخت نسرين فعلا من 10 ايام تقريبا اعطاني مبلغ عشان اشتري ذهب طوق واسواره وكل يوم بسألني متى بدك تطلعي مع اختك تشتري الطوق والاسوارة والله يا نسرين كلامك خوفني بزياده والله يستر من اللي جاي

انت من المعلقين القدامى من خمس سنوات صح؟؟؟ اذكر هذا الاسم جيدا

انت من المعلقين القدامى من خمس سنوات صح؟؟؟ اذكر هذا الاسم جيدا