مدامك بتحبها وهيه بتحبك تجوز وبعدها شو ميساوو اهلها ما بطلع بايدهم شي صارت مرتك وانته مسؤول عنها وانته وياها بتتفقو عكل شي بعد الجيزه هسا امشي معهم عادي وبعدها اعمل الي بدك اياه

اعتبر هالخطبه صدقه جاريه
وريتها ما كانت
وباطله ومحوله الساعه اللي خطبت فيها وحده قاعده بتدرس من طقطق للسلام عليكم

وما تكون انت كنت بتدفع اقساط الجامعه كمان

واعتبر كل الهدايا طول التلات سنين ما كانوا وضاعوا منك

شو مفكرين ماخدين اوناسيس

هاي الايام البنت والشب راتبهم على بعض وبفتحوا بيت صغير وبكونوا مديونين وماكلين روح الخل

وفوقها بدها تعطي اهلها

ما فيها شي تعطيهم بس كانت من البدايه اضل قاعده بحضنهم وتعطيهم كل راتبها ويا دار ما دخلك شر

بلا بتحبها بلا بطيخ اللي خلق مرى خلق مليون مرى

واللي زي هيك ما بدك ياها

اقولك الجماعه شكلهم بايعينك وشايفين شوفه تانيه او البنت وهقت وكبرت خلال التلات سنين وغيرت رايها

بستين داهيه الحق عليك شو قايم على قلبك تخطب 3 سنوات
المفروض تكون هل زهقتها وزهقت ساعتها قال 3 سنين قال

اتزوجها وبعدين احلقلهم عالناشف لانه هيك مضبطه بدها هيك ختم وصدقني ما رح تندم لانهم خدعوك من البدايه وخروج زوجتك من البيت الو ثمن كبير من ضمنه راحتك واطفالك بدهم حضانه غير الامراض اللي رح تصيبهم مثل العدوى ولفحات البرد بعدين انت مستأجر يعني نصف راتب مرتك رح يروح اجارات والنص الثاني حضانات يعني شو ضل لاهل مرتك مش عارف

الموظفات هاي الايام شرسات جدا هدفها الرئيسي السيطرة على شخصية زوجها وتحقيق ذاتها والاستقلالية وليس لديها اي عاطفة

سلام الله عليك اخي الفاضل... فرج الله همك .. و رزقك راحة البال..
اولا:
كان الله في عونك .. مدة خطبتك ليست سهلة فهي فترة طويلة .. ولكن هل خطيبتك موظفة الان لاجل ذلك يريد اهلها راتبها ..
ثانيا:
انا لا استطيع ان اقول لك اترك خطيبتك لانني لا اريد ان اتحمل وزر احد لكن ما لفت انتباهي انه من خلال كلامك انها موافقة على شرط اهلها.. اتعجب لذلك ..
ثالثا:
انا اعلم ان الامر صعب عليك .. ليس لطمعك في راتبها بل لان الرجل يتحمل خروج زوجته من بيتها و تعبها ولو في بعض الاحيان على حساب بيتها و يصبر في النهاية لانها تشاركه مصاريف الحياة لكن ان تخرج و تتعب و يكون هناك تقصير و في النهايةلا مردود مادي من ذلك فهذا صعب جدا .
رابعا:
اخي .. ساخبرك امرا و اقول لك هذا مجرد موقفي الشخصي من الموضوع .. عليك مصارحة خطيبتك بعيدا عن اهلها و معرفة رايها هل حقا ترى شرط اهلها بالراتب انه لا غبار عليه ..اذن .اعد حساباتك لو كانت تحبك فعلا لما رضيت بذلك ..
اما ان كانت معارضة لكلام اهلها و جاملتهم فقط فانظر في الموضوع و اتفق معها ان لا تتوظف حاليا ..مع ان الحياة صعبة و تحتاج للمشاركة..
واخيرا ...
الحب ليس كل شيء الحياة الزوجية ليست فقط حب و رومانسية بل مسؤولية و صبر علاقات اجتماعية و بداية ضغط والتزامات عند قدوم الاطفال ..
واهم شيء التقدير و الاحترام لا يجب ان تسمع الزوجة لكلام اهلها و لا يجب ان يسمع الزوج لكلام اهله الا بما هو صواب .. انا بصراحة ارى ان تصارحها فان كان موقفها ان ما طلبه اهلها صواب .. ارى ان تفكر جيدا و انسى العاطفة و سيعوضك الله خيرا ان شاء الله .. بالتوفيق اخي الفاضل

اول مره بحياتي بتمرق علي متل هالمشكله شو الهم دخل براتبها ما دام بدها تتزوج يعني لو توخد من الراتب خمسين ليره ممكن لكن كلو و بعدين نصو هاي حماتك شكلها مخرفنه يا عم و خطيبتك شكلها مسكينه و هبله و بينضحك عليها بتقدر خطيبنك تحكيلها لا بس الغريب انو موافقه

الاشي المضحك بالقصه كلها
انه راتبها جزء منه لاهلها

المضحك بالموضوع

انه خطيبتك لسه ما اشتغلت

ومن هون ليجييها دور بالتعيين من ديوان الخدمه المدنيه بتكون مرتك نفسها ما بدها تشتغل لانه كبرت وملت وعايفه حالها وعندا ولدين تلاته واتعودت على القعده

اللي بسمع بفكر الوظيفه بتستنى فيها والراتب مضمون

وانت نفسك كيف بدك تفتح بيت اذا انت بدك تعتمد على راتب زوجتك اللي لسه يمكن ما اتخرجت وما اتعين وحلني لحتى تتعين

طيب مش عامل حسابك انها يتاخر تعينها طب كيف بدك تعيش خلال مدة انتظار التعيين والوظيفه اذا انت ما بتستغني عن راتبها ؟

كما قلت المفروض ان يشترطوا شرطهم هذا من اوله وما داموا لم يشترطوا هذا الشرط وغير محتاجين لراتبها فانا انصحك ان لاتضعف امامهم وقل لهم انك غير موافق وكن صارما معهم يكفي انهم اشترطوا عليك بان لا زواج قبل ان تكمل الجامعة والا انا من رأيي اتركها ولا تضعف ما لم يرجعوا بكلامهم

اتركها وشوف غيرها ومثل ما حبيتها في ميت بنت بنسيك حبها

رأيي انك تتركها ،،، مش لإشي لكنها بداية لحياة زوجية مستفزه ،،،، راتبي وراتبك واهلي ومني ومنك ،،،، فكك من وجع هالراس .

والله بنصحك تتركها شو راتبها لامها اول سمعه بسمعها اصلن الام لازم تحكي لبنتها اعطي الراتب لجوزك ساعديه مو توخدهم الها

بظن هاي أول مشكلة واللي رح يلحقها أكثر.. اليوم شرط الراتب وبكرة العرس والمطالب وبعده تحكم أكتر وأكتر..
لا ترضخ ولا تغش قول كلمتك ولا تجعلهم يتحكمون بك ال إذا كانت الفتاة معك بينك وبينها أما إذا صممت إتركهم وهي إذا بتحبك زي ما إنت بتحبها ومو عارف تعيش من غيرها رح تتصل وتراضيك أما غير هالكلام فاحمد ربك إنك لسه عالبر والحب رح يتحول لكره لأنه ما بتستاهل حبك..
ما يهمك وقوي قلبك ويمكن لأنه عارفين إنت متعلق فيها كتير وهي ضامنتك عملو هيك وما حسبو حساب لزعلك أو رأيك وهالشي رح يأثر كتير عليك مستقبلا فيما لو تزوجتو ورح يتحكمو فيك
خدها مني وتأكد إني بحكي لصالحك احكي كلمتك وأخرج وما تتصل حتى يترجوك تيجي وإذا ما اتصلو افسخ الخطبة وروح صلي ركعتين شكر لله
الله يرزقك ببنت الحلال اللي تهنيك وتفرحك

بصراحة ما في قدامك غير حلين أما ان تتركها لانه من الان بلشت النوايا تبين أو الحل الثاني إذا كنت متمسك فيها احكيلها اسمعي يا بنت الناس انتي عارفه وضعي انا على سبيل المثال راتبي ثلاثمئة دينار رح ادفع ١٥٠ إيجار و الباقي بنوكل و بشرب فيه و يا دوب يكفي طلعات ما رح يكون في لبس و كماليات ما في لانه هاد اللي بقدر عليه و انتي عارفه هالحكي من زمان و اللي اوله شرط اخره نور لا ترجعي بعد هيك تطلبي مني الا إذا تغير الحال ازا عاجبها كان به ما عجبها بتكون ما بدها اياك و الله بعوضك باللي أحسن منها ان شاء الله

حطها تحتك وبعدين تنحل

قال عليه السلام.. رفع القلم عن ثلاثه عن النائم حتى يستيقظ ...وعن الصبي حتى يحتلم... وعن المجنون حتى يفيق..وجماعتك لم يصلو لمرحله كلكم راع وكلكم مسئول عن رعيته... طبعا من غباهم وقله هداهم وحسبنا الله ونعم الوكيل ..ارجع لاقوال المعلقين وخذ باحسنها والله يفرجها عليك والسلام

انا بشوف انك تتفاهم انت وخطيبتك هاي حياتكم وانتم بدكم تعيشو مع بعض انو مصاريف البيت كتيرة وهي كمان بدها مصروف شخصي الها عشان تعيشو حياه كريمة وما تحتاجو حدا اقنعها حاول معها . ولو ساعدت اهلها بشي بسيط قدر استطاعتكم مثلا 100 ا50 دينار مش غلط الحل برضي الطرفين اذا ما رضيت بتكون ما بتحبك وانانية هي واهلها

والله يا صاحبي ما بدك اياها واذا انت بتحبها فاتاكد انها ما بتادرك هذا الشعور ولو كانت فعلا بتحبك ما كانت بدت اهلها عليك وانت الك 3 سنين خاطب واللي ببيعك بالفلوس ما تشتري ولو بالرخيص .

ليش هل هم درسوها كمشروع استثماري
ام بدهم دخل ثابت عشان يعيشوا منه

والله ما بدك اياها
وقصر الطريق ولا طولو
بين عليهم يحبو الماده( المصاري )
وبعوضك الله
واذا هي تحبك ما راح تخليك

اول حياتكم رح تكون اكتير وضعكم مضغوط .. و مديونين و الوضع على قده اكيد

لهيك فهم اهل خطيبتك هالموضوع
ويكون في حل وسط بينكم

بحيث تعطيهم ثلث راتبها بشكل ثابت لو حتى لمدى الحياة مش مشكلة و
الثلث التاني مصروفها الشخصي و

الثلث الثالث يكون مساهمة بالبيت
بسبب غيابها عن البيت
و هالشي ممكن يتسبب بتقصير معين بحق بيتها و حقك ..

موفق

الى صاحب المشكلة
اكيد اعطيتهم عين لحتى تجرؤوا ان يسمعونك مثل هذا الكلام تخجل او تستحي لان السكوت عن قلة الادب يؤدي الى اخذ حقك بالكامل

الى صاحب المشكله الاخ العزيز شغلة الراتب هاي اللي طلعو فيها نسايبك الله يهديهم (الموضه الدارجه بالاردن هسه) يعني بالعربي طماعين وموشايفين خير وازا البنت راحت معاهم ما بتلزمك وشغله تانيه مو غلط البنت تساعد اهلها ازا كانو محتاجين وازا مو محتاجين هاد اسمو طمع واستغلال ونصيحة من مجرب اتركها وربي ليرنو عليك ويترجوك ترجع لانو يا اخي الكريم الواحد بيتمنا ابن الحلال لبنتو وانا صارت معي بس الجماعة كان بدهم يشترو بيت وياجرو !!!! وهاد بعد اول شهر خطبه وانا ما رضيت وتركتهم ورنو علي وترجوني ارجع ومارجعت لانو النيه بطلت صافيه واللي ما فيها خير لالك ما بتلزمك !! وازا بتخاف على اهلها كتير خليها عندهم تخافش بس بالاردن 145000 عانس ومعها ومع كل اب وام بتاجر ببنتو شوف كم العدد رح يصير خليهم يخللوها ولعلمك مافي اعطل من كلمة كانت خاطبه او فاسخة مع الاحترام للجميع طبعا وهادي نظرة مجتمعنا للاسف خليهم يخللوها ...