لكل فعل رد فعل

كيف ساكته لهلا وجوزك بيحكي مع صديقه له ؟؟
وكيف بترضي يكون له صديقه!!!!
مافي صداقه بين الرجل والمراه

يعني زوجك ما عنده شغل يتشغله الا يساعد بالجارات ؟

طب الجارات ما عندهم زلم تغار عليهم ؟

ولا جاراتك كلهم يا مطلقات يا ارامل يا مش متزوجات
ومقطوعات من شجره وما عندهم لا اب ولا اخ ولا ابن لحتى هو ينطلب منه المساعده ؟

انا بعرف انه الجيران بهاي الايام ما حد بقول مرحبا لجاره وبسكنواالجيران جنب بعض وبرحلوا وما حد عرفهم ؟

على العموم بدي افترض جدلا انه كلامك حقيقي وصحيح مع انه انا بقر بوجود الرجال النسونجيه

ما بلاقي عذر لاي ست انها تتغاضى عن بصبصة زوجها

ولازم تلفت انتبااهه بالتصريح ومش بالتلميح انه هاي التصرفات بتجيب الكلام اله والها وبتمس السمعه والشرف

عادي انه الواحد يطلع مره يجي نظره على جارته بالصدفه بس وراها ببعدعيونه وبنصرف بكل ادب واخلاق

اما يكون وقح ويجرح كرامة الزوجه المفروض يتم تنبيهه لهاد التصرف اللي مش رجولي وناقص وعيب كمان

طبعا لا بد يكون الكلام بدون ما الكلمات تجرح وبالطريقه اللي بتشوفها الزوجه مناسبه الها لانها بتعرف نوعية زوجها

انا بالنسبه الي لو شفت زوجي من النوع اللي بطلع على النسوان وما بعملي احترام ولا قيمه ما بتحمله وبرفشه برجلي لاني اذا مو مكفيتوا ومعبيه عينه فكل نسوان الدنيا ما تكفيه وبضل على حاله فما بلزمني وهون جنس حوا بختلف حكمه على هيك امور في اللي بترضى وفي اللي لو عندها عشر ولاد منه ما بتقدر تعيش معه وهي عارفه انه مش ثقه
.

لما تقولي جوزك عينو زايغة وببصبص عالبنات معناتو في خلل معين (قد)يكون عندك، لو وجد الرجل راحته الكاملة وحاجته الكاملة في بيته لما لجأ إلى البصبصة عالبنات، لو بتلبسيلو زي ما بشوف عالبنات اللي برا ما بضطر انو يبصبص على حدا لأنو لقا حاجته عند مرتو ومرتو موفرتلو كل اللي بدو ياه من لبس وغنج ودلال وكل شي ومو مقصيرة معو بأي شي ،،، أنا انصحك بالتغيير وتلبية رغباته حتى تكسبيه . وبالنهاية هاد زوجك مو حدا غريب ، يعني كوني معو بنت ما فيها شي زوجك هاد. النصيحة بجمل. بتمنى لك السعادة

اسمعيني جيدا مجربه مع كثيرين.. سوره الضحى سبع مرات قبل طلوع الشمس وقبل الغروب ..لا يقع في بيتك فساد...وعليك بأذكار الصباح والمساء والدعاء لزوجك والاستغفار كثيرا كثيرا سيدتي والسلام

جارتي عندها بنات فاتهم سن الزواج يعني بعمر كبير وهي بتحاول دائما ان تتصل بزوجي بحجه تعال بدنا نصيحتك لانك مثقف وبدنا نستشيرك وهو ما بكذب خبر وحتى صديقته اللي بيتصل معها لا ربنا الله مجرد تلفونات يعني ما في شي بالحرام لا سمح الله وانا متاكده

كل الرجال عينهم زايغه لو انه زوجك لحاله كان قلنا بسيطه كلهم كلهم هيك

انا بعرف انه ما في صداقه انا لو عندي حل ما كتبت اسالكم لانه كل الطرق اللي عندي عملتها وما نفع معه
وانا بصراحه ما بدي دمر بيتي يعني بتحمل لاخر لحظه

يختي والله كانك بتحكي ع جوزي شغل مجاملات وبذوب لما يشوف بنت حلوه
وهما بفكروه بحبهم ممكن يزوجهم مع انه كله كزب بكزب

انا من خلال تجربتي الشخصيه حتى بعض النساء هي من تحاول استدراج هذا الرجل المسكين اللذي لا حول له ولا قوه وتحاول استغلال نقاط الضعف لديه لتحقيق مطامع خاصه بها

في نسوان لو الزلمه اتجوز عشره ما ينلام لانهم محسوبين انهم نسوان ههههههههههههههههههههههههههههه

متى ينظر الرجل الى غير زوجته

اعلمي ان الرجل انسان ولما كان في هذا العصر تبرج عند الفتيات ولبس خليع اصبح الرجل لا يستطيع ان يتمالك نفسه الا انه لايعني ان يعمل علاقة وصداقةبين النساء اعملي بكلام ناصح امين اما ان الرجل يرى منظرا يلفت انتباهه فهذا طبيعي انما يتبع هواه لا

سوسنه
سلامه
قرفان
شيطونه
حوريه
ام ريان
مثقال
who
شكلجيه
شاركونا وجزاكم الله خرا

الله يذكرك بالخير يا غرام ..زوجك يساعد جاراتك ويحكي معهم عاااااتي .؟. لازم يفهم زوجك انه يعيش في مجتمع محافظ وتصرفاته هاي عيب وحرام ومنتقده ما يصير وتحت اي سبب يفتح مجال للحديث مع جارته ويضع نفسه مكان شبهه او يدخل بيت سواء جار او قريب دون وجود رجل في البيت , ورد على الاخت ام محمد تحكي كل رجال عيونهم زايغه اقول تعميمك خاطئ والعيب هنا في السيده او البنت اللي تسمح لنفسها تحكي مع رجل غريب عنهااو يدخل بيتها حتى لو كان اخو زوجها .. مطلوب منك تنبهيه وتحذريه من هاي التصرفات ومش غلط تتهدديه اذا استمر تكبري الموضوع وتبلغي اهلك واهله .. السؤال هنا شو موقفه لو عرف انتي تحكي مع جارك بغيابه وتطلبي مساعدته ؟ يوافق مثلا !

اختي العزيزه

سكوتك هو يلي خلى زوجك يتمادا اكتر من اللازم لو انك بتغاري عليه كان ما بيعمل يلي عملو

لو على اي شي غلط كنت بتعاتبي كان عملك حساب

بس الغلط منك انتي

تحياتي اخي

بس انا بتسائل انه ليش دائما مطلوب من الزوجه انها هي تعدل من نفسها
وانها هي تلبس وتكون جاهزه وكأنها رايحه على حفله مشان جوزها ما يطلع على غيرها

وانها هي الي تتشلح وهي اللي تتزلط وهي الي ترقص وهي اللي تتمكيج وهي اللي تتغنج وهي اللى تنضف وهي اللي تطبخ وهي اللي تربي وهي اللي اطبطب
يعني هي جاريه ولا عبده ولا شغلتها ترفه بس عن مزاج زوجها وتكون ايدها على قلبها احسن لعينه تندب فيها رصاصه ويشوف غيرها

ليش يعني لما الزوج يكون نكد فالحق عليها
ولما يكون مبصبص فالحق عليها ولازم تلحق حالها
ولما يكون بضرب هي اللي تصبر
ولما يكون شكاك بدها اداريه
ولما يكون بخيل هي اللي تصبر على بخله

يعني هو لانه اسمه زلمه فاي خلل بالحياه الزوجيه
او خلل فيه هو نفسه

ما يتم علاجه الا من خلال المرى من خلال الزوجه وكانها هي سبب الخلل او المشكه او المرض النفسي او العقد او الكبت اللي بعاني منه سعادة الزوج المحترم

هو بمارس الخطأ

فاكيد هي الغلطانه وبسرعه لازم هي اللي تحل المشكله

دايما الرجل على حق واكيد اكيد مرته مقصره وغلطانه وبشعه ومخمجه ومعفنه فهو معذور بللي بعمله فيها ؟

جد غريب هالمنطق بديش اقول الذكوري
لأ المنطق الاعوج اللي بحط الحق دايما على المراه وبوقف بجنب الرجل

اي والله في رجال عندهم نسوان بحلوا عن المشنقه

وبتلاقي بتخمخم على النسوان المقشبات والبيئه .

اسمعي ياستي ,, بما انه عمرك 25 سنه وما عندك غير طفل واحد فاعتقد انه الوقت للحوار لم ينتهي ,, بامكانك تشعريه انك بتتضايقي من تصرفاته وانك بتلاحظي انه بحكي مع غيرك وبنفس الوقت حاولي تطوري من حالك شوي ,, لاتقولي كلمة كل النسوان انا مش مقصره انا اكثر وحده بتهتم انا وانا ,, لانه لو كنتي كذلك لما خرج الى غيرك ,, اول شي اعترفي انك بتقدري تتغيري ومن هون بلشي تغييره خليه يشوفك احلى بنت بالدنيا ,, المشكله البنات بتجملوا عشان يتجوزوا ولما يتجوزوا بتتحول بقدرة قادر الى جعفر ,,, كيف ؟؟ ما حد بعرف ,,, قودي حملة التغيير وكوني له ام’ يكن لكي عبدا ,,, اهم شي لا تكوني سلبيه وتتركي الامور ولا تلوحي له بالعناد فيقسى راسه ,,, خليه يحبك ,,, خليه يحبك ,, يابنت الحلال اللي بحب حجر بحمله معه صح ؟؟؟؟

صدقيني عادي جدا جدا وما رح يتزوج عليكي ولا تكوني حساسه كثير لانه كثير من الرجال هيك بس ما في مجنون بورط حالو وبتزوج مره ثانيه لانه رح يدفن حالو بالحيا ورح يموت ناقص عمر اطمئني اما المجامله والحكي لا بتقدم ولا بتأخر مجرد تغيير روتين وهروب من الملل مش اكثر

الزلمة مش شبعان معك اشبعيه وتعطري والبسي وخليه يشبع غريزتو وحاولي بعد الطبخ تغسلي من آثار الزيوت والبصل وغيرو . وهو كمان الله يهديه لازم يعرف انو بيجي واحد بتطلع على مرتو ومرتو بتصير تتطلع لبره لذا زبطي حالك منيح الو وحاولو تتقربو من ربنا بصلاتكم

يختي كيف ساكته ...!!!!!
بعرف وحده غيرك وساكته مشان ما يصير مشاكل....
ولك قومي اتحركي.
اقلبي الدنيا على راسه وراسهااا ...
بكره بجيبها وبقعدها بخلقتك ..
لحقي حالك...لساتك صغيره ...
شووووووووو يلي مو عاجبه ....
عالم بدهااا حرررق ...واذا بتعرفي البنت بشكل شخصي ...باروحي وبتنتفي شعرهااا ..وخلي كل الحاره تتفرج ..افضحيهااااا ..

صاحبة المشكلة

=============

انا رأيي غير الكل خليه يتزوج معاه لاربعة

يا عمري زوجك انسان طيب وبحب فعل الخير ومساعدة المحتاجين وخصوصا الجنس اللطيف عاااااااااااتي
في كتير منه
يعني شو بده في بنات جارتك ياللي فاتهم قطار الزواج
وصاحبته ياللي بالشغل مش يمكن مكتئبه وبحاول يساعدها
ما تفكري بطيقه سلبيه الله يهديكي

مساءا سعيدا للجميع :))

صاحبة المشكلة :

- حاولي ان تفهمي رغيات زوجك وماهي الامور التي يحتاجها الامر الذي يدعوه للتغريد خارج عش الزوجيه ؟

- في مثل هكذا حالات الامر يكون على حساب كرامتك وكرامة العلاقة الزوجية الامر الذي يتطلب مكاشفة الزوج في مثل هذه العلاقات المحظورة الامر الذي يتطلب وضع حد لهذا الامر لو تطلب ذلك مغادرة المنزل الى بيت الاهل لان الموضوع لا يمكن السكوت عليه .

- واذا اراد التفكير في موضوع الزواج فليكن الموضوع كذلك مطروحا للنقاش ويجب اخذ كافة النواحي التي تهم الاسرة ككل علما ان الاوضاع الاقتصادية لا تسمح بالتعدد في الوقت الحالي.

ان شاء الله موفقه اختنا وربي ييسر امرك :))

اخي صاحب القلب ابيض صانع فرح

ربي يسعد مساك وكل اوقاتك شكرا لك اخي الكريم على كلامك الطيب بحقي وانا بفتخر انه عندي اخ نثلك برفع راسي فيه




السوسنة السوداء

يسعد مساكي وكل اوقاتك لختي العزيزو

بالعادة الرجل البصباص يفعل بالخفية ويمكن هو قدر ردة فعلك وخوفك أن تفقديه وسكوتك فتمادى وإن ظللت خائفة أكثر سيتمادى أكثر ولكن لا تتبعي أسلوب التهديد .
إفتحي الحديث معه عندما ينتهي من النحدث مع صديقته وأخبريه أنك منزعجة منه وأنه بذلك التصرف يقهرك ويجعلك تتعبين وتقدرين أن الحياة المقبلة أكثر صعوبة وأقل أمانا.. إجعليه يشعر بخوف مبطن أنك لا تشعرين بالأمان معه.. وبنفس الوقت أهتمي بنفسك أكثر كما ذكر أغلب المعلقين
أشغليه وأكثري من الزيارات العائلية لتملئي الفراغ عنده وليشعر أيضا بمعنى العائلة والترابط الأسري وينهي المراهقة المتأخرة بسرعة قبل ما الفاس توقع بالراس

اجلسي معه صارحيه احكيله ما يجول في خاطرك وضحيله انك مضااااايقه جدااا من تصرفاته حطي النقاط عالحروف لا اضلي ساكته ،يعني مثلا سشوري شعرك عمي الكشه وحطي شوية كريم عالغره وكحل واي شدو ازرق وحمره بصلي وكثري اللمعه وهيك واقعدي سبلي بعنيك واحكيله حبيبي يا روحي بتعرف جارتنا ام العبد هادي الي ظول نهارك بتساعدها بتحكي عليك انك اهبل وبتضحك عليك وتستغل طيبتك ..... وكملي كمان انت طيب كتير وانا ما بدي الناس يفهمه طيبتك انها هبل اوكي حبيبي(طبعا انت بتكوني في الحقيقه معصبه بس بدك تمسكي اعصابك وتكملي التمثليه)
هو رح يعصب وتوتو لانه انحكى عنه اهبل ، انت احكيلهاسمع من اليوم وطالع لاترد عليهم طنشهم عشان يعرفه قيمتك ، وكل يوم اخترعيله قصه انهم بتكلمه عليه وعن هبله
وبلشي افردي بجناحك وحوطي على
زوجك ومليله حياته من كل الجوانب لبس ، عشر، طلعات، تغير حتى في ديكور البيت حاولي غيري ابعدي الملل واللروتين عن بيتكم وابعدي النسوان والاختلاط لانه كله مو لصالح اي اتنين متزوجين والله يصلح حالكم وحال الجميع

سيدتي بعد 26 تعليق مظلش حكي بس في قصه رمزيه بدي احكيها للعبره في رجل فقير اتفق مع زوجته للسفر 20 سنه ليشتغل وبعد هذه الفتره جاب 3 ذهبات وهوراجع لقي شابان ورجل عجوز لا يتكلم فقال للعجوز شو شغلتك قال عندي حكمه قال انصحني قال بذهبه فاعطاه ذهبه قال الحكيم لا تدخل في النهر العاصف وصمت..وبعد مسيره يوم قال للحكيم انصحني قال بذهبه فاعطاه الثانيه قال له في الوقت الذي ترى فيه نسورا تحوم اذهب واعرف ما الذي يجري وصمت..وبعد شوي قال له انصحني قال له بذهبه قال له قبل ان تقدم على فعل اي شئ عد في عقلك حتى 25 وصمت ..وتركه وودعه ليعود لدياره في الطريقالفقير وصل لحافه النهر وكان النهر يعصف ويجر الاغصان والاشجار تذكر الرجل النصيحه ولم يحاول دخول النهر ..جاء فارس على حصان ودخل النهر بكل كبرياء فغرق الفارس وخرج الحصان يسبح ركب على الحصان حتىوجد جسرا وعبره ولما كان يمر بالقرب من شجيرات كثيفه راى ثلاثه نسور كبيره تحوم فتذكر النصيحه وذهب ليرى فوجد ثلاثه جثث هامده وحقيبه جلد مليئه بالذهب وكانوا قطاع طرق سرقوا واختلفوا وقتلوا بعضهم بعضااخذ الرجل النقود وتابع مسيره للبيت وفي المساء وصل وفتح الباب الخارجي ووصل ساحه الدار نظر من الشباك فرأى طاوله مغطاه بالاكل وجلس اثنان الزوجه ورجل لم يعرفه وكان ظهره للشباك فارتعد وقال ايتها الخائنه لقد اقسمت بأن لا تتزوجي بعدي وتنتظريني حتى اعود والان تعيشيين في بيتي وتخونيني مع رجل غريب وامسك المسدس وصوب داخل البيت وتذكر نصيحه العجوز ان يعد لل25 اصبح يعد واحد اثنان في هذه الاثناء كان الفتى يتحدث مع الزوجه قائلا يا والدتي سأذهب غدا ابحث عن والدي ...الخلاصه سيدتي لا تتسرع في الحكم على الامور وحكم عقلك ..استمع وانصت وبعد ذلك اتخذ قرارك.والسلام وتحياتي للمحرر

ياستي الرجال هالأيام بتطلعوا على الأرملة والمطلقة والمتزوجة الخائنة والعانس من أجل الإستغلال الجنسي وليس من أجل الزواج واذا صحلوا ياخذ كمان مصاري على هيك ما بيقصر

صديقي اعتبرها البمبكشن...والله انا شفقان على البنت والكل بيقول اتمكيجي طيب خذ هذا يا صديقي .. سئلت اعربيه متقدمه في السن وقد احتفظت بنضاره شبابها وروعه جمالها وبهاء منظرها اي مواد التجميل تستعملين فأجابت.. أستخدم لشفتي الحق ولو كان مرا ..ولصوتي الصلاه وقراءه القران والتسبيح.. ولعيني الرحمه والشفقه وغض البصر.. وليدي الاحسان قدر الاستطاعه ..ولقوامي الاستقامه.. ولقلبي الحب في الله.. واذا نظر الي زوجي اسعده.. واذا امرني اطعته الا في معصيه الله ..واذا غاب عني حفظته في ماله ونفسي.. وتمت سعادتي قي مراقبتي لله ..وعرفت حق ربي وحق زوجي فأديت كل ذي حق حقه ..مش تطلع وتحكيلي مكنش الماكس فاكتورز حبيت اداعبك يا صديقي لكن سؤالي الزوج ماذا اعد للزوجه بالمقابل والسلام صديقي

طب انت حكيت عن الزوجه
انها تقيه وحجه ومحترمه وغاضه البصر
وحج مطاوع لزوجا واستقامه
والحب في الله وبتسعد زوجها
وبتحفظه في ماله وعرضه وبيته
وبتراقب الله
وبتعرف حق ربها
وحق زوجها
وبتعطي الحقوق
وبتقرا قران
وبتسبح ولساتها شباب ونضاره طبعا مع كل اللي شافته وبتشوفه في الحياه ومن المعيشه الصعبه

طيب وين الزوج

ليش ما يكون الزوج بعمل كل هاي الاعمال والافعال

ولا الزوجه هي المطلوب منها كل شي

شويه بدها تتحول لملاك

بس هو يكون رضيان وبكون الاخ عيوب الدنيا فيه عادي

بس هي لازم تكون التقيه والورعه وست البيت والادميه والمرابطه والصابره والمربيه والشغاله واللي بتكب الزباله وبتروح تشتري الخضره وهي اللي بتحاسب السوبرماركت وهي اللي بتروح بتحضر مجلس الامهات والاباء وهي اللي بتقعد على راس الولاد بدرس والله ماكينه ما بتعمل كل هالاعمال

الله اكبر شو انهم الذكران بس شاطرين بجق الحكي والطلبات وبتلاقيه بسوق الرجال ما بسوى قشرة بصل اعمص وبتجعمص

ارسلت مشكله بعنوان ابنتي المراهقه وصلت

احكي له سلامة بحكي انه اذا الزلمة براقب مرته و هي بتوكل تماما مثل مراقبة الاب لابنه الصغير بس الفرق انه يراقبها من بعيد و اذا الزلمة بنظر لوجه مرته و هي نايمة بصير يحبها و يشفق عليها و بكتشف انه كان مقصر في حقها فبصير يهتم بتصرفاتها و يهتم بمشاعرها.
كيف يعني يهتم لتصرفاتها ؟ يعني بنتبه اذا لبست لبسة حلوة او اذا حسها زهقانة و بحاجة لطلعة مش مثل هسا وجودك امامه من عدمه واحد.
خلص لا تحكي له سلامة بحكي هيك، احكي انك قرأت عالنت. مع انه الافضل تحكي سلامة عشان يغار و ينكسر قلبه هالكاسر

الملاحظ من خلال كلامك إنه شخصيتك ضعيفة جداً، يعني جوزك خاين وإذا تركتيه راح يتمادى ولن يصلح حالك ما لم تضعي حد له

كوني له امرأة يكن لك رجلا.