مصدوم


جراسا -

بداية السلام عليكم
انا شاب عمري 22سنه طالب جامعي تعرفت على زميله لي بنفس التخصص جميله مؤدبه ومن عائله وكنا على اتصال دائما مع بعضنا البعض عبر الموبايل والنت وحاولت اكثر من مره ان اعبر لها عن مدى اعجابي بها وبانني بعد ان انهي دراستي وبعد ان اجد وظيفه محترمه بان اتقدم لخطبنها وهي كانت متفهمه جدا
لكن لم يستمر الحال على ما هو عليه تقدم لها شاب يعمل بالخليج وضعه المادي ماشاءالله من عائله معروفه وما كان منها ومن اهلها الا ان وافقوا عليه وبدون ان تعطيني اي مقدمات انا الان متعب ومرهق نفسيا وجسديا امام اصدقائي واهلي لماذا تركتني بهذه السهوله لما نست او تناست الحب
اصبحت اكره كل البنات ساعدوني



تعليقات القراء

المرعب
انسى وعيش حياتك احسن اللك
رد بواسطة اندااااري
كله مؤدب صار
13-04-2014 06:10 PM
الى صاحب المشكله
والله يا رجل البنت ما بتنلام

لحتى تزبط امورك ولحتى تجمعلك كم قرش
ولحتى تقدر تفتح بيت
ولا تجهز من العفش تبع الكراتين تبع الفقرا والموظفين الكحيانين من تبعون القروض خشب الابكلاج اللي بس تقعد عليه بفخت وبفحط من قعدتين وبتحملش الاوزوان الزايده عفس عامل ريجيم
ولحتى تقدر تجمع حق الدهبات
وحق لبسها
وحق كسوتها
وحق الاجهزه الكهرائيه

بتكون هي وصلت لسن العنوسه هاد اذا لسه ما تغير رأيك
وما تغير ت نظرتك للامور
وما عجبتك وحده تانيه خلال هالكم سنه من جمع المصاري

وبتكون هي زهقت وملت وبطلت حتى بدها تتجوز

هلأ هي صبيه في واحد جاهز بده يفتحلها بيت
الحب مو كل شي بالحياه
المهم الاحترام والمهم القدره الماديه والمهم انه يكون رجل يحميها ويحافظ عليها

الحب بطعميش خبز
واللي بتفهم بتشغل عقلها وبتقول الله وبتتوكل عليه وبتستر حالها مع ابن الحلال الجاهز واللي الناس مدحت باخلاقه

لحتى تجهز بتكون هريتها حب على الموبايل والنت والسكايب

قول الله يوفقها وخليها تروح لحالها

شغله اخيره

انتوا الشباب يعني بتسكتروا على اهاليكم انه تشتغلوا كم سنه ولو سنه وتعطوهم من راتبكم تساعدوهم يحسوا انه حتى لو مش محتاجين انه صرتوا زلم وعم بتردوا جزء من جميلهم عليكم

الا ما بنشوفكم فورا بنط الواحد بوده يجوز وهو لسه ما فقست البيضه عنه اشو هاد
رد بواسطة --Zaid--
بأيدك وبشدة ع قصة مساعدة الشباب لأهلهم ،،،، بالرغم من انه أبوي وضعه فوق الممتاز وأبدا مش محتاجنا وبالعكس هو بدعمنا مع انه احنا بنشتغل الا انه فرحته كانت لا توصف بآخر هدية جبناها أنا وأخوي ،،، فما بالك بالعائلات الي أكلت هوا ودفعت دم قلبها لربت وكبرت ،،،، أقل اشي ممكن الشب يعمله هو انه ينعش أهله ،،،، والشباب اللي في الخليج المفروض راتب شهرب لأهلهم لا يقل عن 200 دينار ،،، بدل ما تصرفهم على رفاهيتك في الخليج ،،، اصرف على بؤس أهلك في الأردن .
رد بواسطة الى زيد
نحن عائلة نعيش وضعامريحا وراتب ابننا مريح لا نعتبر اغنياء بمعنى الغنى وابننا خاطب وها نحن نساعده في الجهاز-- على الاهل ان لاينتظروا من ابنهم شيئا الا ان هديتك لوالدك امرا مستحبا اما ان يستغل الاهل ابنهم في حالة الاكتفاء فلا
رد بواسطة صاحب المشكله
يعني الحب اكبر كذبه في حياتنا
رد بواسطة الجنوبي
قال مودبه ليش بتحكي معاه ما دامها مودبه
13-04-2014 06:22 PM
--Zaid--
اللي من إيده الله يزيده !! ،،، ما حدا قلك حبحب وعيش جو العاشق الولهان وتحت الشجرة يا وهيبة وانت مش مستقل ماديا ،،،، يسمحولي البنات ،،، المصاري بتزغلل العيون يا كبير ،،،، وما في أسهل من انك تحط بنت بجيبتك اذا كان معك مصاري طبعا إلا من رحم ربي ،،،، وهذا من تجربة شخصية لما كنت بالجامعة .
رد بواسطة ام رياااااااااااااااااااان
ههههههههه..وانت الثاني كاين محبحب وعايش جو العاشق الولهان ايام الجامعه!!
الله لا يردكم
رد بواسطة rrrr
ممكن اعرف شو بتعمل بحياتك

صار عندي فضول

علشان الناس ما يروح بالها لبعيد انا خاطبه وعن حب
رد بواسطة -- Zaid--
ههههههههههههههههه ام ريان لا تفهميني غلط ،،،، لأ عطوفتي ثقيل كثير هع ،،، لا حبحبت ولا غيره بس كان قصدي انه الي تجربة مع البنات في الجامعة من ناحيتهم ،،، من عندي ما كان في استجابة بعجبك زي الحيط ،،، ولما عرفو اني مغترب زاد حبهم إلي هههههههه مهو العلاقة بين الحب والمصاري علاقة طردية .
رد بواسطة ام رياااااااااااااااااااااان
معناته انت حلو يا ضرسان..البنات بتهاوشن عليك!!
يا سيدي الله يوفقك وتلقى وحده حلوه وامره وتتزوجها..ويهون غربتك عليك
رد بواسطة --Zaid--
ام ريان أنا إمي بتحكي عني كثير حلو هههههههههه ،،،، هي الفكرة انه البنات هون بنظروا ل الشب المغترب انه البطل المنتظر ،،، على راسي والله ،،، ويخليلك ريان وخوانه .
رد بواسطة -- Zaid--
إشباعا لفضولك ،،، أنا بكمل سنة دبلوم عالي ،، كانت النية ماجستير بأمريكا بس والدتي عارضت ،،،، الخطوة القادمة هي اني ارجع ع الكويت يا إما بشتغل بشهادتي أو بمسك الشغل مع أبوي ،،، الماجستير مرتبط بالعرسة وهذا اللي خلاني أفكر أخطب لانه ام زيد رافضة أطلع ع امريكا لحالي بس حاليا لا بدي عرسة ولا بدي ماجستير .
رد بواسطة السوسنة السوداء
زيد
=====
يعني جمال ومال
شو بدهم اكثر من هيك
13-04-2014 06:25 PM
الرحيل الى الماضي
العاشقـون المخلصـون وحدهـم مـن

يسهـرون فـــي انتظـار مكـــالـمة لـن تأتــــي..!!!

أكبر جريمه ترتكبهآ في حق قلبك ..... هو أن تحلم بشيئ أنت تدري بأنه لن
يكون لك..!
ومع هذآ تقترب منه،، وتقود نفسك إلى
... ......
. . { حلم مستحييل }..!

وتستمر في طريقك.. { بإصرآر }..

وأنت تعلم أنه لن يوصلك ..

{ .. إلآ لجدآر تستند عليه لتبكي على حلمك آلضآئع....!
13-04-2014 06:38 PM
الرحيل الى الماضي
الألم العظيم .. هو أن تحب إنساناً

لا يحبك .. والألم الأعظم .. هو أن

تحب إنساناً يحب سواك ..لأن إحساسك

الجميل يتحول مع الوقت إلى

زنزانة مظلمة تعيش فيها وحدك ..

وتحلم فيها وحدك .. وقد تموت فيها

وحدك .. ولا يشعر بك .. إلا أنت.... !
رد بواسطة الى الراحل
الرجل يريد المساعدة فتزيده غما --كالمستجير من الرمضاء بالنار
رد بواسطة صاحب المشكله
يا سلاااام
13-04-2014 06:54 PM
سلام سلام
اللي باعك بيعه........
13-04-2014 07:19 PM
هوا
الي نساك انساه
13-04-2014 07:25 PM
السوسنة السوداء
2 مشكلة باليوم طيب وين اعلق
لهيك رح امتنع عن التعليق
رد بواسطة --Zaid--
يا سوسنة انتي دايما هيك بتعملي فينا ،،، شو بدك فيهم كم مشكلة نزلو !! علقي .
رد بواسطة السوسنة السوداء
زيد كرمالك رح اعلق
لكن مابشوف حد بعلق على تعليقي
وصاحب المشكلة مابرد وكأني بحكي مع نفسي
لكن تكرم وهلا بكتب رأيي
رد بواسطة ام محمد***
انت بتسمي هديك مشكله هاي المشكله تعالي ما تزعلي الشب مريض وتعبان ومرهق بده مساعدتنا حرام ما نساعده
رد بواسطة السوسنة السوداء
صاحب المشكلة
==============
انا دائما بحكي عن عقد النقص عند الرجل لكن مش الكل وكما في نساء مظلومة كمان في شباب مظلومين لكن بعدد اقل

لاتنصدم ولاشي الي باعك بيعه
لو كانت تحبك كان ماجريت وراء الفلوس اكيد كانت تتسلى وحاطيتك احتياط اذا ما اجاها عريس بتستناك واذا اجا احسن منك بتتركك
هلا برأيك وحدة زي هي بتستاهل انك تنصدم وتدمر مستقبلك وتاخذ موقف من كل البنات
انت غلطان اصلا ربنا كان رحيم فيك وكويس انك اكتشفت انها مابتحبك وانها مادية هي واهلها قبل ماترتبط فيها

مش كل الناس مثل بعض مابصير نعمم
رد بواسطة السوسنة السوداء
ام محمد
========
بتصدقي بس قرات العنوان هناك ماقرات شي
ماعندي وقت
رد بواسطة صاحب المشكله///زيد والسوسنه
لكن انا كنت متاكد من انها بتحبني والمكالمات والسهر طول الليل اكبر دليل هل يعقل ان يكون كله كذب وخداع والاحلام اللي عشناها والاغاني اللي سمعناها كله انتهى بلمح البصر
رد بواسطة السوسنة السوداء
صاحب المشكلة
============

لاتزعل مني
حاب اكون صريحة شوي معك
بتحكي سهر طول الليل واغاني
طيب هل هاد يرضي ربنا
هل كلامك معها بالليل برضي اهلها
لو انت لك اخت بتقبل الها هاد الوضع
شوف دائما اي شيء بصيبنا بحياتنا اما ابتلاء من ربنا او عقاب على شيء خطأ احنا قمنا فيه
نصيحة ألجأ لربنا وصلي واستغفره وادعيله انه يسامحك خلي ثقتك بالله كبيرة وانا متأكدة انك رح تنساها

رح تحكي ان نيتك كانت سليمة وانك ناوي تخطبها
لكن مافي هاد الحكي لابقيمنا ولا بدينا
مافي رابط بينكم لتسهروا تحكوا وتسمعوا اغاني
13-04-2014 07:28 PM
غرااااااااام
ما تزعل ياللي خلقها خلق غيرها ويمكن احلى منها كمان
ف شو وانت بالجامعه بسرعه بتشوفلك بنوته حلوه ومؤدبه وعليها العين وبتتعرف عليها وبتعمل حالك ولا مهتم وازا بدك تجلطها بتوخذ البنت وبتخليها تسلم عليها وانت بتضحك ومبسوط وعاااااااااااااتي
لعله خير انها تركتك انسااااااااااااااااااااااااااااها

رد بواسطة الى عاااااتي
يختي عليكي وانتي عاوجه لسانك يا عااااااتي عاتي اللي يعوتك
رد بواسطة ام ريااااااااااااااااااان
هههههههههههه..يئصف عمرك شو مهضومه
رد بواسطة --Zaid--
انتي معلقة قديمة بإسم جديد .
رد بواسطة -- Zaid--
بالله عليكي !! يشوفله بنت حلوة ومؤدبة !! عشان شو !! عشان يحرفها ،،،، بعيدة عن عينه المؤدبة .
رد بواسطة صاحب المشكله
مستحيل يكون في مثلها
رد بواسطة السوسنة السوداء
صاحب المشكلة

==============
فوق كل الي عملته وبعدك باقي على ذكراها
انت حاب تعذب نفسك
13-04-2014 07:34 PM
من هالناس
هل سمعت بالمثل اللي باعك بيعه هذه الفتاة لا تستحق حبك مجرد ان وجدت غيرك تركتك --اعرف ان صدمات الحياة كثيرة ومشاكلها كثيرة الشاطر هوالذي ينتصر عليها الحب يقوم على الاحترام وهذه لا تستحق الاحترام والحب يموت بمجرد موت الاحترام تأكدان ما تعانيه بسيط بالنسبة لصدمات الحياة وان الايام تنسي وستجد من هي افضل منها والله يوفقك
13-04-2014 07:47 PM
ام ريااااااااااااااااااااان
يا حياتي شو بدك بالحب والزواج ووجع القلب هلا!!
ولك عيش وملحق ع الهم..وقبل 30 نصيحه
لا تفكر تتزوج!
قال زواج قال.!
رد بواسطة غرااااااام
حبيبتي ام ريان
ما حدا طلب منه يزوج هلا مجرد صداقه مع بنت احلى منها حتى يجلطها ليه شايفه حالها عليه وتركته لعيون واحد اغنى منه يعترها سيجارها ورماها وبده يدخن غيرها
رد بواسطة ام رياااااااااااااااااااان
غرام انتي ليه دائما واقفه مع الرجال ضد البنات والستات؟
ولك لتكوني حاطه عينك ع واحد متزوج؟
رد بواسطة صاحب المشكله
الفكره غير موجوده لا الان ولا مستقبلا
رد بواسطة غرااااااام
وحياتك ابو رياااان ولا بعرفه
رد بواسطة غرااااااااااااااام
ام ريان لو ابو ريان بده يزوج عليكي بتوافقي
رد بواسطة ام رياااااااااااااااااان
غرام ازا كنتي انتي ضرتي بوافق هههههههه

اكيييييييد لا..ما احلاه وهو متزوج علي!
بس والله ما بتعرفي ربنا شو كاتب..لو كاتبله يتزوج رح يتزوج وغصب عني
رد بواسطة غرااااااااااااااام
انا عندي شرط يومين عندي ويوم عندك ازا هيك انا ما عندي مشكله ههههه
13-04-2014 07:55 PM
السوسنة السوداء
ام ريان

=========

مسا الورد

بشوف الناس هون مش مسجلين اسمائهم
واذا مانشروا النا تعليقات لاننا مش مسجلين بالفن بشوفك هون
رد بواسطة ام ريااااااااااااااااان
هلا هلا سوسو

حبيبتي كيف ما ينشرولنا !!؟
اصلا انا وانتي الاساس..لو بنروح بيخسر الموقع وبينهار ههههههه
رد بواسطة السوسنة السوداء
ام ريان

========
اكيد هم الخسرانين

هههههههه
13-04-2014 08:35 PM
مشكلجيه
والبنات شو خصهم ...
لحتى تكرهم ... اذا حبيبتك نوريه ..انا شو ذنبي ..!!
رد بواسطة صاحب المشكله
لو سمحتي مشكلجيه
رد بواسطة مشكلجيه
لو سمحت شووو !!!
رد بواسطة صاحب المشكله
ما تحكي عنها هيك
رد بواسطة احــلاهم
وانا كنت جنب الصوبة لما هي تركتك شو دخلني!
فكر بالحرف قبل ما تكتبه لو سمحت

نحنا بنات عنا احاسيس ومشاعير وعواطيف..
رد بواسطة مشكلجيه
احلاهم...كل شي ولا مشاعرك ترى .... بقدرش استطيع اناااا ..هع
رد بواسطة احــلاهم
ههههههههههه حصتي انتي :))
ما حد بستاهل مشاعري غيرك :)
13-04-2014 08:56 PM
--Zaid--
السوسنة السوداء
تعليقك من الآخر ،،، جد برضاها ع أخته !! بعدين شكل البنت حكت لحالها اخذ الي يسمعني أغاني منزلهم من اليوتيوب ببلاش ولا اخذ واحد يسمعني أغاني بسيارة حقها أبو 50000.!!!ههههههههه
رد بواسطة السوسنة السوداء
زيد
====

تعليقي عجبك صح

لازم الانسان يحكي الصحيح حتى لو كان كلامه مؤلم للشخص الاخر

رد بواسطة احــلاهم
هههههههه مين ئلك اليوتيوب ببلاش!!

اليوتيوب بيااخد داونلود لأبو موووزه


اوعى تغلط p:
رد بواسطة --Zaid--
هههههههههه والله اليوتيوب عندي شغال زي التلفزيون يعني ببلاش ``¡
رد بواسطة احــلاهم
نياااالك :(

عز يا عممممممممي عز ههههههههه
13-04-2014 09:25 PM
--Zaid--
صاحب المشكلة
يزلمة فكنا منك ومن جو المسلسلات الخليجية واﻷطم والنواح ،،، أنا بقول تطمر حالك بالتراب بعد ما خسرتها لفيكتوريا جستس !!!
بس اذا بدك رأيي روح ادرس عشان تتخرج وتشتغل وتشتري سيارة وتدعس حبيبتك هي وجوزها واذا الأمر مستعجل بنعطيك سيارة حسن .
13-04-2014 09:31 PM
السوسنة




تصبحووووون على خير
رد بواسطة --Zaid--
تلاقي الخير .
13-04-2014 09:36 PM
غرااااااام
طيب شو نعملك نستنسخها عشان ترتاح ازا هيه باعتك انت ليه شاريها
اسمع ام كلثوم وهاني شاكر وعبد الحليم ونااااام
مش ناقصين وجع راس
13-04-2014 09:40 PM
لبونه
ولك يا مشحر بدك بنات الناس يستنوك ويا عالم متى تكون حالك واخر اشي اهلك ما تعجبهم ويخطبوك غيرها يا مسخمط .. وقتها بنت الناس شو مصيرها ؟؟؟!!!!

لا تحب ازا ما معك مصاري .. جمع وافتح بيتك ووقتها دق بيوت الناس
رد بواسطة احــلاهم
عجبتني لا تحب ازا ما معك مصاري ههههههههه :))
رد بواسطة لبونه
استني الفلك اياها هديه هههه

13-04-2014 10:14 PM
واحده
العلاقات قبل الزواج خطأ والخطأ الأكبر أن العلاقة غير محددة بموعد خطبة والغير مقبول أبدا أنك غير جاهز والمدة مفتوحة وتقبل كل الاحتمالات أقلها أهلي مش موافقين أو لم أعد أشعر بالحب الجارف
هي تصرفت صح بعد أن أخطأت بعلاقتها معك فلا تعمل القصة دراما
كمل مخططاتك الحياتية واجتهد في دراستك ولما تشتغل وتقدر تفتح بيت دور على بنت الحلال
رد بواسطة مثقاااال
لاااااااااايك !
14-04-2014 08:38 AM
شاطئ القمر
يا اخي بكرا بتنسى ما في اعظم من الموت مصيبة وبالاخر الزمن كفيل بالنسيان وبالنسبة لموضوعك والله مو اول ولا اخر واحد بنات اليوم ما بفتشن على حب اسمع مني وحطها حلق بدانك والله اليوم البنت ما بتصدق على عريس بيت وسيارة وفلوس وبالنسبة لخرافة الحب هادي مجرد حل مؤقت لحد ما توجد البديل الافضل الوحدة منهن يعني من باب العب بالمقصقص تيجي الطيار على راي المثل انتبه لحالك ولمستقبلك وما في اكتر من البنات ولسه الدنيا بخير اخوي
14-04-2014 08:59 AM
♥ اكليل الورد ♥
بالنسبة الي انا شايفة البنت مو غلطانه ابدا لانه نحنا هلأ بأيام جدا صعبة يعني البنت قديش ممكن تقعد تستنى فيك لتكون حالك و تقدر تتقدملها و تفتحلها بيت يعني لتلاقي شغل و تبلش لسة تحوش بتكون هي كبرت و ما اظن وقتها اهلك رح يقبلو يخطبوها ح يحكولك بدنا وحده اصغر منها هاد ازا انت نفسك ما اجتك فرصة على الخليج و طلعت و نسيتها و خليتها معلقة ...

طبيعي انك تكون مصدوم بس اسمحلي برأيي الي بينكم ما كان حب كان مجرد اعجاب او فينا نقول اعتقاد انه حب بحكم طبيعة العلاقات الجامعية الحب اسمى واكبر من تلفونات ليلية و اغاني غرامية الحب مواقف تأتي مع مرور الوقت و ليس كلمات تكتب او تحكى بكرة ربنا بيبعتلك بنت الحلال و بتجرب معها معني الحب الحقيقي داخل اطار الشرع و الدين

اسفة للاطالة و لك كل الاحترام
رد بواسطة مسافر لوحدي
الزلمه بحكي انه طول الليل نق نق حكي وانت بتحكي اعجاب ؟؟ ناولني حجره اطبش راس هالبنت .
رد بواسطة ♥ اكليل الورد ♥
يا سلام يا ما في شباب و بنات قضوها طول الليل حكي بس انا هاد الشي ما بعتبره حب الحب مو هيك يا سيد مسافر وخد هاي حجرة بس اطبشها براسك وله
رد بواسطة مثقاااال
اعتقد البنت اللي تفتح مجال لعلاقه ابعد من الزماله خارج اسوار الجامعه وكلام مباح وغير مباح حتى الصباح اكيد غلطانه يا اكليل .. اما موضوع القسمه والنصيب فهذا صحيح !. تقبلي مروري .
رد بواسطة ♥ اكليل الورد ♥
اخ مثقال انا بأيدك بحكيك هاد و لهيك انا حكيت انهم يعتقدوا انه هاد الشيء حب لكن الحب يكون ضمن اطار العادات و التقاليد و الشرع ليس اكثر اما ان تحب بعد الزواج او ان تحب و تدخل البيوت من ابوابها
و بنرجع و بنحكي كل شيء قسمة و نصيب
لك كل الاحترام
14-04-2014 09:46 AM
تشجعوا
صاحب المشكلة بس بدي اقلك انه الطريق الي مشيت فيه انك تتعرف على وحدة وتحبها وتحبك من وراء اهلكم طريق مش مزبوط
انا مش مع الزواج التقليدي لكن الي بحبني بده يكون جدي ومش لعب الشغلة و ازا بيقدر يخطب البنت يخطبها ويستنولهم سنة سنة ونص بعدين يتزوجوا الي نيته سليمة ربنا سبحانه وتعالى بيسرله امره
صاحب المشكلة الحل انك لازم اول شي تتقبل الواقع وتقول الحمد لله على كل حال وتطلب ربنا يغفرلك اي اشي غلط عملته ويهديك للصواب
وبرأيي لا تفكر كتير بالموضوع وسلم امرك لله وهو بيجيبلك اشي حلو بيرضيك
14-04-2014 10:56 AM
ووووووو
سؤالي للشباب
ليش لما تحبوا بنت ما بتكونوا جديين؟
انت اشتغل وهي تشتغل وفي شركات بتعطي قروض للزواج مش عارفة صراحة ازا حلال ولا لا بس بتقدروا تقترضوا من اي حدا وبعدين بتردوهم انت وا زا ما بدكم خلص شيلوا الفكرة من راسكم كونوا صاحبين قرار وتوكلوا على الله
14-04-2014 11:02 AM
مسافر لوحدي
مصدووم افندي
تصرف البنت صحيح وحسب المقوله الشهيره عصفور بالأيد ولا مصدوم على الشجره 0
صديقي ما بدي اثقل عليك بالكلام بس هي لقت واحد تضحك عليه وتتسلى بي واذا سنحت فرصه افضل بتحلقلك يعني حضرتك سبير .
لذلك اعتبرها حاله طارئه مرت بحياتك وانساها لانه اللي ببيعك بشلن بيعه بلاش ومعه هديه جره.


14-04-2014 11:07 AM
222222222222
الله يعوضك
14-04-2014 11:18 AM
ابو الفوارس الرياض
اخي الفاضل ، عمرك 22 يعني على ابواب التخرج، ومن الطبيعي ان فرق السن هو المطلوب فستجد اكبر سنا منك من يتقدم لخطب البنات الذين في سنك.

وهذه هي مشكلة طلاب الجامعة في الارتباط الا اذا كان مقتدرا او والده مقتدرا لضمان عدم (فقدان) فرصة الزواج من اختارها قلبه .

يعني اكيد الحالة التي حصلت معك تكررت مع الكثيرين ، والفتاه لا تستطيع الرفض على امل ان تتخرج وتبحث عن وظيفة وتتوظف ثم توفر ثم تطلب يدها عندها يكون عمرها قد تجاوز ال25 ، ثم ما هي ضمانات البنت في هذه الحالة ان لا تغيير رأيك انت ام اهلك هو من يغييرون رايهم .

عموما اولا واخرا هذا نصيب وبالذات الزواج ، وربنا يكتب لك الاحسن والخيرة فيما اختاره الله لك ولها .

ادعو لها بالتوفيق في حياتها واقطع كل اتصال بها .

نصيحة من قلب خالص .

وابحث عن حياتك الجديدة وسيبعث الله لك نصيبك
رد بواسطة مثقاااال
احسنت اخي , كلام سليم .. لااااااااااااايك .!
رد بواسطة مشكلجيه
انت ررررررررررائع ...
رد بواسطة سلامة
يعطيك العافية اخ ابو الفوارس
كفيت و وفيت
مثقاال تحياتي لك
رد بواسطة مثقاااال
هلا اخوي سلامه .. يسعد اوقاتك .!
14-04-2014 12:08 PM
ذكيه
مصيرك تنسى يا اخ مصدوم
هي تركتك عشان المصاري الشغله واضحه
وبعدين شكلك كاين تفتحلها على نفس الاغنيه كل يوم فهي زهقت وشافت غيرك عشان يسمعها اغنيه جديده..
14-04-2014 12:34 PM
ابو ميرا
بلا حب بلا بطيخ روح كمل دراستك احسلك وسيبك من الهبل يلي معيش حالك فية
14-04-2014 02:44 PM
ابو النصايح
اغلي ميرمية واشرب كاسة قبل النوم وكاسة بعد النوم راح تصير زيالحصان ..
14-04-2014 02:49 PM
صااااااااااااااااااااحب المشكله
تحياتي للجميع
اولا شكرا لكل من حاول مساعدتي بنصيحه نابعه من قلبه اما بعد
ما نسيت ذكره لكم انني على علاقه معها وامها تعلم بهذه العلاقه ولم يكن عندها اي مانع بل على العكس كانت تشجعني على اكمال دراستي وانا ادرس هندسة مدنيه وهي اصغر مني ب 3سنوات
والمشكله انني احاول الاتصال بامها الا اها ترفض حتى مكالماتي هي وابنتها وحاولت ان اتكلم معها في الجامعه وترفض وترسل لي كلام مع صديقاتها بان انساها انا حاليا افكر في ترك الجامعه لانني لم اعد احتمل رؤيتها او تاجيل حتى ارتاح نفسيا
انا محتار ومصدوم ومكتئب
قد يعتقد البعض انني ابالغ لكن هذا حالي والله
وشكرا لكم
رد بواسطة مسافر لوحدي
يا رجل احمد ربك اللي كفاك شر هيك عيله ناااس تعبد الدرهم والله ما تشوف يوم سعاده معها مع اهلها .
رد بواسطة مشكلجيه
الله يصبرك ويعينك :((
رد بواسطة السوسنة السوداء
صاحب المشكلة
============
مابعرف كيف بدك تاخذ وحدة قبلت تعمل معك علاقة وامها بتداري عليها

لاتزعل من صراحتي سيبك من الهبل الي انت فيه
شوف مستقبلك
اثبت الها انها خسرتك لانها فضلت الفلوس عليك شوف مستقبلك
رد بواسطة غرااااااااااااااااااام
غلط ياللي بتعمله بحالك اكبر غلط
وعشان شو بنت تركتني وكما قال الشاعر
اللي نساك انساه .. واللي هواك اهواه .. واللي قدر فرقاك .. تقدر على فرقاه

حال الهوى احوال .. كل يوم يجيك بحال

لو الصبر بك طال.. بكره الفرح تلقاه

لا تشتكي وتلوم.. عمره الحزن ما يدوم

والعمر فيه كم يوم .. حتى نعيشه بآآآه

لو في كثير عيون .. تسأل تقول شلوووون

قووول الهوى مجنووون.. بحر وصعب مرساه

واكبر على الجراح.. وماراح عده راح

من في الهوى مرتاااااااح ..

رد بواسطة سلامة
اترك الجامعة و ضيِّع مستقبلك و ظلك عالة على اهلك ما فيها شي.
اسمع البنت ما عملت شي غلط و عيلتها ما بتعبد الدرهم و انت لما تؤمن مستقبلك رح توخذ وحدة في عمر حبيبتك حاليا.
ظلك متحطم و قرفان و شوي شوي نفسيتك بتتحسن بس لا تترك دراستك او احكيلك اتركها او احكيلك خليك بدراستك حتى لو علاماتك زفت بس لا تبعد عن الدراسة او احكيلك بتقدر تترك الدراسة
دير بالك و الله يوفقك
رد بواسطة الى سلامه
ليش متردد بالكتابه اسلوبك كان احلى من هيك
رد بواسطة لبونه
يا جبان اثبت وخلص دراستك واتخرج وجيب معدل ممتاز مو بنت تهدم مستقبلك ؟؟!!

وفي صبايا زيها واجمل منها بس انت اشتغل ورتب امورك وبالتوفيق
رد بواسطة أم
إنت شد حيلك وتخرج والك عندي عروس قمر رح تخليك تنسى البنت وأمها
رد بواسطة مسافر لوحدي
من قبل على نفسه أن يقوم بعلاقه حراام وبعلم الأهل ومباركة الأم وفي لحظه عندما يظهر شخص يملك المال تمت الموافقه بسرعه .
أنهم يعبدون الدرهم على حساب كل الأعتبارات الدينيه والأخلاقيه .
14-04-2014 03:34 PM
--Zaid--
هههههههه قال كما قال الشاعر .
صاحب المشكلة انا مع انك تترك دراستك وتزرع نخلة جمب دارها للبنت ،،،، شوف علي بتظل قاعد جمب الشجرة لتكبر انت وياها ،،، ساعتها بتروح ع داركو وبتشوف مستقبلك .
رد بواسطة السوسنة السوداء
لاتتمسخر عليه الله يعينه
مشاعرنا مش بايدينا

مسكين
رد بواسطة --Zaid--
ما اختلفنا بس مش لهدرجة بده يترك الجامعة !! شباب صحابنا دفنوا أهاليهم بالجامعة ومع ذلك ما تركوا .
رد بواسطة السوسنة السوداء
زبد
=====

مش كل الناس عندهم نفس القدرة على التحمل
14-04-2014 06:49 PM
مجرد استفسار
هل كل الرجال غير مخلصين
هل كل الرجال بعملو علاقات ؟؟؟
وشو بالنسبه للتلفونات الحديثه هل تشجع على الخيانه بالنسبه للرجال؟؟
يعني كل رجل معه تلفون حديث بحكي مع بنات ؟؟
14-04-2014 09:02 PM
الى ام ريان
بدنا كبسه
14-04-2014 09:06 PM
ههههههههههههههههههههههههههه
عمي لاتصدق انه فيه شيء اسمه الحب هذا كله اوهام وشباب وبنات بتسلوا ببعض
14-04-2014 11:39 PM
القبطااان
اخي صاحب المشكله

في عنا بالكرك مثل بقول (( اللي عافك عافه تلقى بالدنيا خلافه )) ومن عندي ومن عند اجاويد الله قول الها مع القلعه دربك ترتان ,, ع شو متضايق ؟؟ وحده كانت بتقضي وقت لما ييجي صاحب النصيب ,,, وثاني شي احسبها معي ,, انت بدك كم سنه لما تتخرج ؟؟ وكم سنه لما تلاقي وضيفه ؟؟ وكم سنه لما تقدر تأسس اسره وتعيلها ؟؟؟ بالزمن هذا كل شب بده يتجوز يحط عينه لما يخلص توجيهي على بنت عمرها 10 سنوات بس هو يخلص دراسه ويتوضف بتكون ام ال10 سنين خلصت جامعه ,,و اما انه طلاب بنفس السنه يحبوا ويتجوزوا وما يشحدوا ,,, ما بتصير الا بكتب الروايات او يمون ابوهم غني ,,, سيبك منها وانتبه لمستقبلك ,, ابوك باعثك تدرس مش تعشق وتتمعشق والصبح تقول لابوك هات 5 ليرات عشان تشتري ورده للمووووزه ,,, اللي بده يتبهوق يتبهوق من جيبته ,,, فاهمني ؟؟؟ رجع لابوك حقه بالمصاري اللي بدفعهم انك تنتبه للدراسه ,,, وسيبك منها هالبنت هي اتخذت قرار صحيح ولمصلحتك بالاخير ,,, ركز بقرايتك احسن لك
رد بواسطة طيف
قبطاان لا تكون منحاز ههههه ..بيقولك حاولت اعبر لها يعني مش واضح من البدايه مع البنت ...تحياتي لك
رد بواسطة ساالي
الله يقويك ههههههههه
رد بواسطة القبطااان
طيف

يعبر الها ولا ما يعبر الها وافرضي شحبر الها عن معابره شو رح يتغير ؟؟ تستناه 10 سنين ؟؟؟ خليها تتنفس بلا وتشوف الدنيا قال ما كان واضح ....هههههههههههه
رد بواسطة القبطااان
سالي

بكل سرور معاليكي
رد بواسطة طيف
هههههه قوولتك مارح يتغير اشي والحياه فرص
15-04-2014 09:51 AM
@ أبــو @ عويــس @
صديقي

بالاخر زي ما انت كاتب وافقت هي واهلها على العريس

معناه انه من الاول البنت بتدور على واحد يتزوجها مش واحد يحبها

لو انها بتحبك كان حكتلك اجاني عريس بدك اياني والا لا (( طبعا اذا كانت ))

صديقي خذ هاي النصيحه ولك الحكم

على قوله المثل (( الي عافنا عفناه لو كان غاااالي ))

والله ولي التوفيق احترامي
رد بواسطة القبطااان
انت درست شي معي عند الشيخ ابو هلاله ؟؟؟ هههههههههههههههههه ترباية نفس الحاره ههههههههههههه
رد بواسطة ساالي
شايف بلاه هوا متضايق وهيا قاعده بالعسل ولا على بالها
رد بواسطة @ أبــو @ عويــس @
ههههههههههههههه

والله ما انتبهت على المثل الا بعدين هههههههه مرقها معاليك
رد بواسطة القبطااان
مرقتها معاليك ههههههههه
رد بواسطة @ أبــو @ عويــس @
شايفه بالله يا سالي

هي بالعسل وهو بوكل قلايه بندورة مع بصل ههههههههههه
15-04-2014 10:28 AM
طيف
يعني انت بتقول حاولت اعبر لها ..حاولت يعني مافيه علاقه من اصله فكيف بدك البنت تترك هيك فرصه ذهبيه يمكن ما بتيجي بالعمر الا مره وحده ... انا من عندي انساها والله بيبعثلك افضل منها بس اوعى ترمي اللوم عليها
15-04-2014 10:48 AM
عصام
واحد من اثنين
يا اما بتآمن بالقسمة والنصيب
أو انك ما بتآمن لا بقسمة ولا بنصيب
في الحالة الاولى سوف تفكر بطريقة، وفي الحالة الثانية سوف تفكر بطريقة مختلفة كل الاختلاف، ولك كلامل الحرية.
شو رأيك في المثل العربي ما بصيبك الا نصيبك ..؟
حللها عاد زي ما بدك
15-04-2014 12:06 PM
رائد
اشكر الله انها تركتك على البدري لانك كنت عندها سبير احتياط وممكن تكون رقم 100 بس ما بتعرف
15-04-2014 03:53 PM
الى المحرر
...........
رد من المحرر:
ابشر
15-04-2014 04:03 PM
ن أ ب
اذا مصدوم اعمل كروكه
15-04-2014 04:06 PM
سلامة
بما انه في اعتبارات دينية و اخلاقية و بما انك يا اخي مسافر لوحدك لو تميِّل عالزلمة بطريقك و تحكيله انه ما يقبلها على حاله اذا بالمستقبل حاولت البنت التواصل معه. مع اننا نضمن طرح مشكلة جديدة في الزاوية لو تم اي نوع تواصل و فتح جرح الماضي.
احنا منحكي له البنت و امها و اهلها ما عملوا شي غلط حتى ما يشعر ان له الحق بالتواصل معها.
من جهة اخرى ليش نعتبر امها عبدة للدرهم ؟ احتمال الام متحررة نوعا ما فكريا و شافت انه يكون لبنتها علاقة زمالة امام ناظرها و على معرفة بما يجري حسب اعتقادها أفضل من ان لا تعرف أسرار بنتها و في نفس الوقت ربما كانت تعرف بداخلها ان هذا جهل شباب و لما ييجي الجد بتتصرف و بتقنع بنتها.
انا مش مع هذا التفكير بالنسبة للأمهات لكن حماقة بعض الامهات تقود الى تلك الافكار و باعتقادي انها حالة موجودة واقعيا.
رد بواسطة عصام
شو هاد يا سلامه..؟
الله يعطيك الصحه
رد بواسطة سلامة
في كلام بيني و بين الأخ ”مسافر لوحدي“ و مندغ بالحكي على بعض من باب التسلية مش خلاف :)
احتراماتي عم عصام المحترم مع انك يساري بس بحترمك
15-04-2014 05:36 PM
؟؟؟؟
قبل كل شي اسئل ليش ؟؟؟؟
بجوز غصب مو برضاها ما ابتعرف شو السبب لا تحكم بالاول اعرف بعدين احكم الله يوفقك
16-04-2014 07:35 PM
مواطنة
........
17-04-2014 12:25 PM
مواطنة
يعني انا مستغربة كتير من هاي القصص، من الاساس لو كان في دين واخلاق كان ما صارت كل هاي الامور، اتقوا الله
17-04-2014 12:26 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات