اختي انا عمري 38 سنه واكيد عندي خبره بالحياه وبعرف انه مش كل الحكي الواحد بصدقه لكن اكثر من مره تكرر هالموضوع وكانها بتحاول توصل فكره للناس انه ابنها مش مرتاح معي والكلام وصلني من اكتر من مصدر

قولي حسبي الله ونعم الوكيل ورنا ما بضيع حقك ورح ينصفك بس اصبري

اخي
انا متاكده انه زوجي بيحبني لكن من سنتين وهي بتقنع فيه يتزوج والمشكله انها بتختار اله بنات جميلات جدا وصغار بالعمر وانا اللي خايفه منه انه بيوم من الايام تحاى البنت بعينه ويوافق

اختي المشكله مع حماتي لم تكن من بداية زواجي بابنها بل على العكس كانت انسانه طيبه المشكله بدات بعد ان زوجت بناتها وكانني انا السبب بعدم سعادة بناتها حتى كلامها معي تغير دائما تحاول ايصال فكره بانه بناتها جميلات ولكن الحظ والنصيب هو السبب وانني انا اعيش بسعاده مع ابها بالرغم من اني لست بجمال بناتها انا لم اقصر معها بالهديا والاحتفال بعيد الام حتى ولا مره عاتبتها على كلامها انا خائفه على زوجي وهذا هو السبب

ومن قال ان الجمال هوعلامة الاستحقاق لمستوى الزواج اي ان من مستواها بالجمال 70 تتزوج على مستوى 70ومن جمالها يساوي 90 تتزوج على مستوى90 ومن كانت على مستوى 40تتزوج على مستوى 40---الخ هناك الذكاء والاخلاق والمستوى الاجتماعي والثقافي--وغير ذلك اني لاعجب كيف يقيس البعض بهذه المقاييس

اخي بالعكس انا بحترمها وفي كل مناسبه هديتها بتوصلها وكله ذهب واشياء غاليه وهي كانت طيبه لكن اتغيرت

اصلا قليل تلاقي حماة بتحب كنتها
لسا مبارح واحد بحكي لي عن موقف امه تجاه مرته لما تعبت بعد الولادة مع انها الكنة عايشة خدامة للحماة
حكت له على شو خايف خليها تموت منجيبلك غيرها

الى اختي صاحبه المشكله

شوفي يا اختي العزيزه ازا زوجك بحبك و بخاف الله فيكي و في اولادك بضل معك لو شو ما صار و انتي حاولي تحكي لاي حد بمون على حماتك متلا عمك ابو جوزك او اي احد كبير بمون عليها و ان شاءالله تنحل مشكلتك اختي العزيزه

اخي البنات ياللي بتختارهم انا بعرفهم وبعرف لو زوجي يعطيهم امل بالزواج بوافقه لان بدهم سيارات وفلوس وهادا والحمدلله متوفر عنده وانا مرتاحه لهلأ لانه هو بيحكيلي انه شوفي امي شو بتحكيلي بدها تزوج فلانه او فلانه وهو لغايه هلا ماخد الموضوع مزح لكن متل ما حكيت انا خايفه من كتر الزن على راسه يفكر فعلا يتزوج

هو وحيدها ؟

ٰعندك أولاد وكم عددهم!!!

اخي سلامه
لا هما 3 اولاد لكن هو الكبير فيهم
وحده
عندي والحمدلله4 2بنات 2 ذكور

معك حق بالخوف من حماتك وللعمل هو اهمال الموضوع والاهتمام بنفسك لاقصى درجة وعدم معاداة حماتك وتجاهلي المةضوع تماما حتى لو ذكر امامك لانه لو حصل فهو قدرك ولا شيئ ممكن تفعليه لذلك لا تجعلي هذا الأمر يثير جنونك لان ذلك سوف بنعكس هلى تصرفاتك بهمال نفسك وعصبية زائدة ومراقبة الزوج ومتابعة ما تقول حماتك كل ذلك سيجعل شخصيتك اقرب للجنون عندها فعلا سيجد زوجك مبررا لسماع كلام والدتك
لذلك اكثري من الدعاء والسجود وكما قلت لك اهتمي كثيرا لتصبحي اجمل الجميلات ما دام الامكانيات المادية متوفرة وصدقيني شوية تجميل عند طبيب التجميل يقلبك الى اجمل مما تتخيلي وايضا الاهتمام بشكلك وقوامك خلاص والباقب هو التوكل على الله

كلامك دائما يعجبني واذكر صاحبة المشكلة بالمثل القائل(اللي بخاف من العفريت بطلعله)لاتشعري زوجك بانك خائفة من زواجه واهتمي بنفسك واعملي كل مايرضيه

شكرا
واتمنى ان يكون الموضوع بهذه السهوله ممكن اكون مخطئه لذلك انا ابحث عن حلول ووجهات نظر

كلنا نعرف ان الرجل في سن معين يعود مراهق ويرجع لسماع الاغاني الشبابيه وغيرها وهذا ما شغل تفكيري

اختي اتمنى منك قراءة المشكله لو سمحتي وحتى ردوري على الاخوه والاخوات يهمني كثيرا اي اقتراح انا مستعده لسماع كل وجهات النظر

انا من سنتين مطنشيتها المهم تترك زوجي بحاله وما تزن على راسه

طيب شو رأي زوجك بالموضوع ؟؟؟؟

صاحبة المشكلة

==============
قرأت بعض ردودك
بتحكي انك بتهتمي بحماتك وبتهديها ذهب
وفي احد الردود بتحكي انك من زمان عم بطنشيها

شو الصح

بحب احكيلك انها ام وبدها ابنها يزورها ويسال عنها هل زوجك مابزورها
هل بتحاولي تمنعيه عن امه واهله ؟؟؟

صديقة
=======
انا رح اجاوبك

اختي السوسنه
انا زوجي هو الكبير في اخوانه وانا الوحيده الغريبه عن العائله اولادها التانين مزوجين بنات خواتها لهيك هي ما بتعمل معهم مشاكل وهما ربنا الله طيبين وبنات حلال
وبناتها 2 متزوجات وفعلا مو مبسوطات مع ازواجهم

فهمت ان زوجك من التعليقات بدأ بالمراهقة رقم 2
واكيد رح ينبسط لاقتراح امه
اذا لازم تحاولي تغيري من روتين حياتك مع زوجك
اهتمي فيه اكثر

سلااااااااااااااامة

=====================

مساااااااااء الخير

عمرك اطول من عمري كنت بدي اسلم انت سبقت

لكن وين سلامك

انا مطنشه كلامها وما بوجه الها اي عتاب اما اناوزوجي بنزورها لانه مخافة رب العالمين والحمدلله موجوده

انت موظفة؟؟؟؟

مابعرف انا رأيي انك تحكي معها وتفاتحيها بالموضوع المواجهة افضل شي

لا مش موظفه ولا حتى معي شهاده الا التوجيهي انا تزوجت وعمري 17 ودرست عنده التوجيهي وحاولت ان اكمل الجامعه لكنه رفض
وابني الكبير عمره 18 سنه

هذا موسمك تزهري فكنت ادور في غوغل على كلمة مناسبة للسلام تليق بالحدث و كنت متوقعك تسألي وين سلامي :)
على كلٍ كنت متوقع جواب الست صاحبة الموضوع لانه هذا كان استنتاجي فتركته الها لاني بدي احكيلك توقعاتي لمجريات الامور في موضوعها رداً على كلامك في تعليق 8

سلامة
====
هلا موعد تفتح السوسن فصل الربيع

عم استنى كلامك على تعليقي رقم8

سلامة الك فترة غايب وانا بطلت ادخل جراسا مثل اول

هي صداقة النت بكبسة زر بنظهر وبدونها بنختفي

على شو ولا شو بدي اجاوب
مليون سؤال بترشيهم مرة وحدة
لا ما رحت هناك و كوني على قناعة تامة اي تعليق بغير اسمي ما بكون انا

في واحد مستلمني بعلق الى السوسنة

ومرة كتبوا انه انت مابعرف ليش شكوا فيك

كل الي سالتهم سؤالين

انت رحت الفن

رد على تعليق 8

انا طالعة تصبح على خير

طيب موضوع الاتهامات منحكي فيه في وقت ثاني و بشكل مفصل

نيجي لتفصيل الشخصيات
الزوج ما زال وسيما بنظر زوجته حتى بعد تخطيه حاجز الاربعين على افتراض انه اكبر منها عمرا فإذا كان بنظرها وسيم بعد عشرة طويلة فمن الطبيعي يكون بنظر امه غزال حتى لو كان قرد
من ميزاته الظاهرية انه مرتاح ماديا و يمكن هذا الارتياح ينعكس على لبسه و اناقته و شبابيته امام الناس و دخوله عند امه في هيك مظهر يحرك فيها رغبة بتجديد حياة ابنها.
و من المساوئ المتوقعة و يمكن اكون غلطان انه المظهر العام و اهتمامه فيه امام الناس مفقود امام الزوجة و عدم اهتمامه فيه و هاي نقطة ما الها دخل في سبب المشكلة و لا في تعليقي على الامور لكن حبيت اعطي بعض من تصوراتي للامور لاظهار حسنة من حسنات الزوجة من خلال محافظتها على نظرتها الجميلة تجاه زوجها.
استني لا تردي بعرفك متسرعة

الزوجة
شابة ما زالت في قمة عطائها لكن اللهم لا حسد كانت وظيفتها أرنوبة قبل احالتها على التقاعد من قبل الحماة فعندها أربعة أبناء الله يحفظهم سهرت عليهم الليالي و تعبت ما بين تربايتهم في الطفولة و اهتمامها بمدارسهم و مع الايام أصبح هناك اختلاط انواع الاهتمام فمنهم طلاب مدارس و منهم ما زال في مرحلة الطفولة و للعلم هاي مسئولية شاقة جداً علينا كرجال تقديرها بأغلى الأثمان.
لربما هذا تسبب بعدم انتباه الزوجة لنفسها من وقت لآخر و حتى لو كانت تهتم بنفسها لكن لا بد انها غفلت عن نفسها في اوقات كثيرة حتى لو انكرت ذلك على الرغم من قناعتي ان اي زوجة خصوصا من تطرح موضوعها هون بتحب تحافظ على نفسها لا تقصر من ناحية الزينة و خلق اجواء جميلة في المنزل.
الزوجة بتحكي مش ناقصها شي و هي بتقصد من ناحية جمال و رتابة و نظافة و امومة و ما شابه لكن هناك كلمة ”لكن“ و تفسيرها بيجي عند الحديث عن الحماة

الحماة
عندها عدم تقدير لزوجة الابن و كلامها عن سيئات الزوجة نابع من عنصرين أساسيين و هما الوضع المادي الجيد لابنها و استخسارها لكل ذلك المال و العز لإمرأة انتهى دورها الأنثوي في الإثارة حسب قناعتها مش قناعتي انا.
العنصر الثاني كثرة زياراتها للأصدقاء و الأقارب و رؤيتها لفتيات صغيرات السن و من هنا تأتي المقارنة المندرجة تحت كلمة لكن.
تخيلي معي كيف بتشوف زوجة ابنها و كيف بتشوف باقي البنات.
بتشوف الكنة امرأة متقدمة بالعمر شاحبة البشرة بعض الشيء مهمومة تتحدث كثيرا عن ترباية الابناء و مشاكلهم و عدم وجود الوقت للاهتمام بالنفس و حتى لما تزور بيت ابنها ما بتشوف كنتها متزينة في كل مرة و تتناسى ان الكنة موجودة في بيتها و ان الزائر هي نفسها الحماة يعني فرد من العائلة و انها ربما جاءت من غير ميعاد و حتى عند زيارة الزوجة لبيت اهل الزوج من الطبيعي ان لا تُظهر اجمل ما عندها لانه ليس مكان للخصوصية فلا ترى الحماة فيها إلا تلك الام التي لم تعد تعطي اهتماما لزوجها الوسيم و إن أرادت فلا تستطيع ذلك.
هذا الانطباع نابع من نظرتها للفتيات صغيرات السن فتخيلي معي نظرتها.
جالسة عند جارة و بتيجي البنت بتقدم قهوة عمرها 20-22 سنة مزبطة حالها شعرها مفرود كلامها طفولي و ما في هموم اولاد و لا كلام عنهم و اذا انطرح موضوع اطفال بتكون البنت تحكي عن ذكاء ابن اخوها او ابن اختها و ابتسامتها على عرض وجهها و حركتها سريعة يعني وقفتها من الجلوس بتكون نطوطة و بنطوط معها قلب الحماة.
.
.
يعني اعطيكي صورة تقريبية
قبل يومين كان خبر عن منع قاضية لمحامية ممارسة وظيفتها بالمحكمة بحجة لبسها الجينز .لربما في نظر القاضية كان هذا اللبس ملفت للنظر و مُنتَقد في هيك مكان لكن احنا على السمعة تعليقي كان احتمال البنت لهلوبة و معبية الجينز مليح و قرأنا الخبر اربع خمس مرات في الساعة على مدار يومين و هيك نظرة الحماة للبنات ملهوف قلبها على وحدة لابنها

سلامة
====
مسا الخير قبل شوي دخلت البيت
مارح ارد بسرعة لانك كاتب جريدة هلا بقرأها وبرد بس بدك تستنى علي شوي

عمر زوجي 49 سنه

يعطيك العافية اختنا العزيزة
اتمنى انك تسمحي لي بالرد عليك غدا لانني اتشارك معك في نقطة من نقاطك المذكورة
تصبحين على خير

أضحكني ردك أنه كبار السن بينضحك عليهم.. يا ابني الموضوع مو هيك نحن بنمشي وبنسوي حالنا أنو مشي علينا لنعطيك الأمان وتحكي اللي عندك.. وعمتك فاهمة عليك ومشتلك لأنها بتحبك وبدها دايما إنت تزورها لأنها علاقتك فيها ما اله علاقة بعلاقتها بوالدتك بالعكس بتتقرب أكتر لتحسس الوالدة أنه ابنك بحبني مع انك ما بتحبيني..
لا تستهين بالختيارية
إنشالله بتصير ختيار وجد وساعتها اتزكر ردي
الله يوفقك

خذلك "!!" هاد وانا حاكي لا تفهموني غلط وكبارنا ع راسنا من فوق ومش استهانة فيهم !! الظاهر انك ما قرأت غير جملة " سهل ينضحك عليهم " ،،،، ارجع اقرأ التعليق مرة ثانية ع الله تفهم قصدي .

أنا ما فهمتها استهانة للعلم.. وأنا حكيتلك كيف بيفكرو الكبار.. يعني عنجد اللي براسهم بسووه إذا كان لمصلحة من نحب.

يا عمك المفروض انك ما زعلتش من كلامي

لا والله ما زعلت ،،،، انت على راسي من فوق وبعتذر منك اسلوبي في الرد فوق ما كان مزبوط .

التعليق للسوسنة

تلاقي الخير :)

اختي علاقة اولادي مع جدتهم والحمدلله ممتازه تقريبا بشكل يومي بيكونو عندها كل ما بيخلصوا من النادي ولانه قريب من بيتها بيكونو عندها

هناك حل أحبه لأنه أسلوبي وينجح معي دائما وهو المواجهة.
إتصلي بحماتك واعرضي عليها أنك تودين الافطار معها واحضري معك شيئا تحبة كالفطائر أو الحمص المهم افطار من نفس.. وبعدذلك واجهبها بقوة لماذا تريدين أن تخربي علي حياتي هل بنظرك انني مقصرة مع زوج حرام لا تخافين على احفادك أن يتدمرو !
أنظري اليها وأنت تتكلمين لا تشعريها أنك خائفة ولكنك عاتبة.
ثم دعيها تتكلم
إن كانت قد بررت تصرفها بشئ من الانتقاد لك لا تحاولي صدها بل عالعكس اخبريها انك ترين فيها امك وان من حقها عليك ان تنبهك ان اخطات ولكن لا تعاقبك وتدمرك
كوني ايجابية معها لاخر حد وعندما لا تصلين معها الى حل بوسي راسها وقولي الله يسامحك واخرجي
حل نهائي ينجح كثيرا وهو ايقاظ ضمير بعض الاشخاص النائمين.
أرجو أن تفيدك

صعب انه نسكن بعيد عنها