الى صاحبة المشكلة

من وجهة نظري كونك صبرتي عليه وما قصرتي
انصحك بان تحضري حكم من أهله ( يعرف عنه بالصلاح وبمون على زوجك) وحكم من أهلك نفس مواصغات الحكم الاول وتفهميهم القصة عسى أن يكون على يدهم الحل

عفيه شتم ؟؟ اذا كلامك صح ودقيق وما عندك اي أخطاء ..
الله تعره من بين الرجال.
ديري بالك على حالك وعلى أولادك واي قرش خبيه عنه نشفيها بوجهه وانتبهي للمستقبل هاد ما اله اماان.

قال تعالى ياايها الذين امنوا استعنوا بالصبر والصلاة

سيبك من الجمال ما الهعلاقه بالموضوع

بس السؤال امتى بلاقي وقت يسبك ويسب اهلك اذا طول نهاره على النت وهات يا دردشه ممكن بياخد استراحه مسبات وشتم وبشحن طاقته وبكمل ؟

على العموم الذكر اللي من هاي النوعيه ازبليه ولا كأنه موجود في البيت واعتبريه مستأجر وخليه يعوي لحاله قال راتبه على قده ومركب نت قال ميت منالجوع ومركب نت
ارميه واعتبريه ضيف تقيل دم بما انك فكرة الطلاق بعيده عن اختياراتك

هاد مو جوز هاد جوز جرابات احسن منه

بالله كيف الولاد قعدين بتربوا في بيت امهم فيه بتنسب وبلتعن ابوها على امها بدهم يطلعوا نفس اخلاقه

انا مني منك بالشلوط برميه برجليه وبكسر وراه جره قديمه وبزغرد لما يطلقني قال رضينا بالبين والبين ما رضي فينا

السلام عليكم
أختي العزيزة. حل مشكلتك يبدأ بأن تبدأي حياه جديده ولا تتجادلي مع زوجك أو مع غيرو. للأسف إحنا بمجتمع كلو نكد وأفكار سلبيه. حتى كلمه الحمد لله بنحكيها بدو نفس. اشغلي نفسك بالقرأه والكتب الجميله. ابتعدي عن كل ما يعكر مزاجك. عيشي الحياه كأنها يوم. صلي كل صلوات بوقتها وادعي واستشعري عظمه الله انه القادر على كل شيء وادعي للزوجكي بالمغفره والهدايه. ابتسمي انها الله معكي. اقرأي القران واستمتعي بتفسيره. فأن بكلماته واللله

كم عمر زوجك

ادعيلو ربنا يهديه ويفرجها عليكي عليكي بالدعاء والصبر وانشاء الله ربنا يفرجها عليكي

عزيزتي تذكري قوله تعالى(لا تبطلوا صدقاتكم بالمن)لا تشعرية بالمنية وانت تساعديه بالمال اشعريه انه واجب عليك تجاه اولادك وبالتالي سيعود المال عليك وعلى اولادك--تذكري ان عندك اولاد وان الطلاق في مثل حالتك ليس سهلا وان كثيرات من النساء يعانين مثل ما تعاني ولكنهن يسترن على انفسهن --عامليه بالحسنى فلعله يرتدع واذا كان شغله النت ولا يريد ان يترك فمالك وماله عيشي حياتك انت الثانية واشغلي نفسك بما يسليك

سلام الله عليك اختي الفاضلة ...فرج الله همك و شرح صدر زوجك للخير
اولا:
ما فهمته من كلامك انك لا تفكرين في الطلاق لذلك سوف ابتعد عن فكرة الانفصال
ثانيا:
قلت في كلامك انك تريدين تربية صغارك..احسنت هذا هو المطلوب ربيهم بما يرضي الله تعالى و يريحك في المستقبل..
ثالثا:
عندما تزوجت اتوقع على ما ذكرت ربما كنت تبلغين التاسعة عشر .. و الان انت تبلغين ٣١ عاما اختلف الوضع غالبا تحتاجين الان الاحترام و التقدير و لا اعلم كم عمر زوجك..
رابعا:
عزيزتي ذكرت انه في اخر مشكلة انكر كل ما قدمت له ...
اخيتي ..الرجل ربما يفضل ان تطعنيه بخنجر خير من ان تمني عليه و تعايريه بما قدمت له خاصة ان كان من طرف اهلك و للاسف هذا الامر تقع فيه الكثير من الزوجات فتقع في مشاكل و نقاشات مع زوجها ..فيترتب عليه ان يشعر الزوج بالاهانه .. فربما لاجل هذا يسب اهلك ..
واخيرا
عليك بالصبر و الدعاء لزوجك و استغلال فراغك و الاكثار من الطاعات و التفرغ لتربية الابناء .. و ابتعدي عن المعايرة اثناء النقاش و حاولي ان تختاري كلماتك عند الحديث مع زوجك ..اعلم ان الامر صعب لكن انت اخترت الاستمرار معه فما عليك الا بالصبر و بالتوفيق اخيتي

زوجك عصبي لانه غير سعيد. وبالطبع يتفشش فيك وأنت أيضا تردين له الكيل كيلين وتذكرينه بقلة حيلته وأنه لولاك لما استطاع أن يدبر أموره. وهنا تبدأ انهيار العلاقة بينكما حتى يبدأ بالبحث عن من يعوضه ويشعره بأهميته من خلال الشات وخلافه..
موضوع الطلاق غير وارد حتى في باله وأنت خائفة من شيئ غير موجود ولذلك أنت تضعين نفسك بموقف الدفاع عن نفسك وتذكيره بانك من قام وفعل وضحى..
الآن ابدئي فورا بتغيير حياتك وابدئي بنفسك برسم الابتسامة على شفتيك عند استقباله,,
عودي للوراء قبل انجابك أطفالك وتذكري كيف كنتما سعيدين.
إختصري تماما ذكر اهلك أو حتى زيارتهما معا.. فيبدو لي أن أهلك لا يحبونه وهو يشعر بذلك وربما أنت السبب لأنك كثيرة الشكوى لهم بما يفعله ويقوله..
إهتمي بمنزلك وأضيفي اليه الألوان الجميلة من مخدات أو ستائر أو حتى اضاءة مختلفة
لا تجادليه حين يبدأ بالصراخ والتزمي الصمت ..حاولي كثيرا التقرب اليه واحساسه بأهميته اليك دون ضعف منك.
إذا لم تنجح محاولاتك أرسلي هنا بعد شهرين
موفقة انشالله

صديقتي الحوريه
دخلت اليوم لالقى التحية عليك ***
مسااااااء الورد والفل والياسمين **

صاحبة المشكلة
=================

لفت انتباهي انا على قدر من الجمال
شو علاقة هاد الحكي بمشكلتك

بالنسبة للمقال الي انت بعتيه بين انك رائعة في كل النواحي جميلة مدبرة
طيب شو سبب نفور زوجك منك وطول الوقت قاعد على النت
اكيد في سبب ؟؟

هل حاولتي انك تتناقشي مع زوجك لتعرفي السبب
او انك تسألي نفسك شو السبب

بتحكي ان زوجك بدردش مع النساء معناها في تقصير منك باتجاه زوجك

بدك تعرفي النواحي الي انت عندك قصور فيها وتحاولي تغيري من اسلوبك

انا شعرت انك عم تحكي اهلي بعطوني فلوس وانا بصرفها على البيت وان زوجك وضعه على قده وبغلط على اهلك
طيب انت عمرك حاولتي تبيني لزوجك ان وضع اهلك احسن وانه هو وضعه على قده يمكن هاد سبب غلطه على اهلك
اكيد في تصرفات منك هي سبب نفور زوجك
دوري عليها وحاولي غيري طريقة تعاملك معاه

انداري !!

والله اذا كلامك صحيح زي ما بتقولي

انا بقول انه الحق على زوجك مو عليكي

واحكي لاهلك من هسا خليهم يحكو معو ويشوفوه ويعرفو منه شو بده بالزبط عشان توصلو لحل مناسب

والله ولي التوفيق للجميع (( احترامي ))

مثل ما بحكوا العشره ما بتهون الا على ابن الحرام وانتي صارلك معاه 12سنه ولكن اذا وصلت الامور انه يهين كرامتك فحاولي الطلاق منه واذا خايفه من تدبير امور لولاد ومصاريفهم ربنا كريم وبدبر الامور

الله يلعن هيك اشكال اكاله ونكاره الله يكون بعونك خيتو اصبري ما بعد الضيق الا الفرج باذن الله هذا قليل اصل

ومن يتق الله يجعل له مخرجا ويرزقه من حيث لا يحتسب

وقال تعالى امساكن بمعروف او تسريح باحسان

الكل اعطى رايه اما انا راي الشخصي هاي علاشكال منها كتير لا تتعبي حالك بس النسوان كاتمين على الجرح ملح وصابرين ازبليه وع انه مو حل لانه الاشكال هاي حتى لو زبلتيه بدور على اي حجه حتى يتمشكل لانه النقص فيه اما انه تذكره انها وقفت معه يعني بتحاول ترجع الندل لاصله انها ست كويسه مو زي بنات الشات
وانتي تسلس بالشات وهو الله لا يرده تجلطي حالك وهو قاعد على الشات يتسلى وبكون زي الكلب ورا البنات وقال عند مرته بعمل زلمه وفرعون حتى يسب
وانا متاكده لو واحده من بنات الشات بهدلته رح يحط كندره بتمه وينخري
قال زلمه اي والله جوز الهند احسن من هل الجوز

اللي مش فاهمته كيف وحدة عمرها 31 سنة وعايشة مع رجل قليل حيا وقليل رجولة وراتبه قليل وبتخلف 4 أولاد؟ اللي متلك لسة ما تجوزوا أو متجوزات جديدوالبنات بهالأيام يا دوب يخلفوا 2 لإنه راحت موضة مدارس الحكومة والحياة القائمة على المجدرة وقلاية البندورة، مثل ما بينلام جوزك على قلة الحيا اللي هو فيها انتي كمان بتنلامي على عدم التفكير السليم وواضح انك ما كملتي دراسة وغير قادرة على العمل وهاد كمان مشكلة تانية، الرجل لما تكثر مشاكله بيهاجم الكل والزوجة أولهم وبعدين بيصير يأذي الأولاد، يعني في كثير أمور كان لازم تفكري فيها من طرفك!!!! بما انك صرتي ورطانة مع هيك بني آدم ديري بالك على ولادك واهمليه وربنا يصبرك

لازم تغيري طريقة حياتك واسلوبك في البيت في الحياة الزوجيه

خطأك من البداية ، كان يجب في اول مرة سب اهلك وسبك ان تمسحي فيه الارض ، لأن اهل الزوجة خط احمر بالنسبة للزوجة هكذا كان يجب ان يعرف، لكن تساهلك معه او ربما خوفك جعله يتمادى اكثر واكثر حتى اصبح الموضوع شي عادي بالنسبة له ، واعتقد ان زوجك مع احترامي لك صايع وهامل( من خلال دردشاته على النت وعلاقاته مع النسوان ) وانت تاركه له هذا على راحته حتى ان شخصيتك ذابت واصبحت بالنسبة له ليس لك اهمية اي شي ثانوي.

كان يجب بيان حدوده وما له وما عليه من خلال حزمك وقوتك لأن هذا حق من حقوقك الزوجيه ، المشكلة هو محبتك وحنانك على اولادك افقدك كل مقومات الدفاع عن حقوقك ، لذلك خلي اهلك او اخوانك ولو لمرة واحد يمسحوا فيه الارض مزبوط ، وستري كيف اليوم الثاني يكون مثل الخاتم في اصبعك ( هاي نصحية) لا تسكتي او تتنازلي وتقولي السبب الاولاد.

كل هذا بعد 12 سنة زواج . بكير عليكي

لكن ان تصل متأخرا خيرا من ان لا تصل .

سيدتي ..ما يزال التغافل عن الزلات من ارقى شيم الكرام فأن الناس مجبولون على الزلات والاخطاء فان اهتم المرء بكل زله وخطيئه ..تعب..وأتعب..وقولي حسبنا الله ونعم الوكيل فأنها تطفئ الحريق وينجو منها الغريق..والسلام .

لا يمكن الحكم على طرف دون سماع الطرف الاخر ...........



- غيري اسلوبك وهو رح يتغير !!!

- احرصي على جمالك داخل البيت وليس خارجه

- راعي لباسك الشرعي وهو رح يحترمك

- طاعة الزوج بغير معصية واجب عليك

- اهتمي بنظافتك الشخصية وكوني متالقة ومتجددة

- كوني متجددة وليس روتينية وتصرفي بعفوية تذكري عندما كنت طفلة

- احرصي على ما يسعده وتجنبي ما يزعجه

- ثقي بنفسك اكثر ولا تسمحي لاحد ان يهز ثقتك بنفسك

- تصرفاته انعكاس لشيء يزعجه منك حاولي التعرف ما هو وايضا حاولي معرفة مفاتيح الزوج

- اخيرا واهم شيء اصلحي علاقتك مع الله يصلح علاقتك مع خلقه واضبي على االصلاة و الاستماع لاشرطة عن السعادة الزوجية بعض الشيوخ المعروفين واقرئي يوجد على النت مقالات مفيدة

- حاولي شراء اشرطة لزوجك عن السعادة الزوجية او معاملة الزوجة ضعيها في السيارة اذا في مشوار طويل استمعوا لها معا

- تواصلي مع حماتك واكسبي ودها وثقتها ثم ضعيها بالصورة ربما تنصحه

الله يصبرك عليه ويجعل صبرك في ميزان حسناتك

اللي بتاخديه من اهلك خبيه لمستقبلك .. وحاولي تشتغلي في البيت وتساعديه .. انت بتلتهي عنو وبخف الحمل ان توزع .. والانكار للجميل صفه بغيظه جدا الله يصبرك عليه

مو جديد عليهم نكران الجميل!!!
جنس نمرود
ولسانهم بده قص...ورصاص يرصهم جميعا بلا استثناء ههههههههه
من اليوم وطالع اي شي بجيكي من اهلك لا تصرفيه ع البيت..وكثري طلبات الك وللاولاد ولا ترحميه وسيبك من موضوع بوفرله لانهم ما بيستاهلوا..واول ما بصير معم مصاري زياده بفكروا بزوجه ثانيه ع طول.
فعيشي يا ماما وسيبك منه واعتبريه رجل كرسي مكسور بالبيت..وبالتوفيق
والله يقدرني ع فعل الخير
واحلى تحيه لزيد هون..شو اسمعت انك خاطب؟؟!!

طلاق ما بدك طيب،
لكن ليش يا نساء بتسمحوا لازواجكم يهينوكم ؟!
الله سبحانه وتعالى كرمنا والمفروض ما نسمح لاي حدا يهين حدا هدا اسمه ظلم والله حرم الظلم،،

اسمعي يا بنت الناس من يوم وطالع ما بدي اسمع انه زوجك بيسب عليكي او على اهلك لا تسمحيله ،مو يعني تردحيله لكن وقفيه وقوليله انا ما بسمحلك تحكي معي بهاي الطريقة ومش مستعدة اسمع ولا كلمة الا لما تتعامل باحترام
وازا غلط برضه قوليله هي صحيفتك املأها بما شئت وقوليله شكرا لانك بتعطيني حسنات ببلاش من دون تعب
المهم بأسلوب راقي كوني قوية ولا تسمحي لحدا يعتدي عليكي بي شكل
واول اشي استعيني بأحن واحسن من هو من كل الوجود الله سبحانه وتعالى وشوفي كيف بينصرك وما بيتخلى عنك مش زي الناس بيتخلوا عن بعض مرات
وادعي الله يهديه ويهديكي

استعيني بالصبر والصلاة والدعاء ولاانصحك ابدا في الطلاق او ترك اولادك لأن اهم شيء في حياتك هم اولادك اعتبري ان زوجك غير موجود مع العلم ان هذا الافتراض صعب ولكن امر ضروري لتستطيعي العيش

سيكولوجية الحوار الألكتروني في مرحلة المراهقة المتأخرة .. وأقصد بها مراهقة الرجال ... الذين بدأت تظهر عليهم مراحل التقدم بالعمر تذهب بهم الى طرق المراهقة الطبيعية بعمر متدني

عندما يلجأ الشخص في هكذا حالة الى امتهان مراهقته عبر الشات والتعرف الى ( نساء ) ... وطبعا في معظمهن .. لا محضر ولا منظر هن الأخريات .. يبدأ الرجل بانظار نتائج الاعجاب من قرينته الألكترونية ..

هذا الأنتظار يولد لديه نوع من ( التوتر ) وطبعا بجن جنونه اذا لم يتلقى الرد .. وربما يصيبه الأرق نتيجة ذلك .

هذا بطبيعته كفيل أن يكون حاد الطبع وشرس التعامل مع من هم في بيته .. وتصبح لغة الشتم والعصبية هي الغالب

الحل ... فصل النت ... او محاولة ابعاده بأية طريقه عن هذا السبب ... ليعود الى رشده ويعيش حياته بعمره الطبيعي ...

عصبي .... ( راكان البدوي )

تلك الصبيه فائقة الجمال وذلك الرجل الذي احبها هما من نفس البيئه ومن نفس المستوى الاجتماعي والمكانه ,,
كانا مثار حسد الجميع لا ينقص الاثنان شيء تفاهما وتزوجا عن قناعه قبل أن يكون عن قصة حب ,,
تزوجا ... بعد نهاية السنه الاولى بدأ الضرب وبدأ الشك وبدأ مشوار الشذوذ النفسي ,,

عدة مرات اشتكت للوالد وللاخوه لامه لابوه ( حردت ) مره ومرات وكانت تعود لتلم الشمل ,,

كانت النهايه انه قتلها وقتل نفسه .. والاولاد كانوا في زياره عند جدتهم ,, تلك كانت نهاية زوجه فاضله وفي اجمل مراحل عمرها عادت الى زوج لتلم شمل العائله مع ياسها من اصلاحه ومن الصبر عليه الى زوج لم تعلم ولم يعلم حتى هو نفسه ان هناك وحشا رابضا في داخله انتظر اللحظه المناسبه ليرتكب جريمته ..

هذه قصه ( خياليه ) واذا صودف وأن تشابهت مع قصة احداهن فهي محض صدفه لا غير

ام ريان
مساء الخير يختي ،،، كان في مشروع وفركشناه ،،،، بتقدري تحكي نفذت بجلدي ،،، غلطة وندمان عليها .

والله نفس مشكلتي بس انا عمري 28 سنه وعندي ثلاث اولاد وهوا عمره 41 سنه بس الفرق بيني وبينك انه جوزي بضربني كثير ومشاكلنا ع شغلات تافه

كلك اخلاق وزوق..ولكم من قلبي اخلص الدعاء وبكل يوم نور وضياء وان تملأ حسناتكم مابين الارض والسماء وان يحفظكم من الشيطان الرجيم وحفظكم الله من كل الشرور ورزقكم الله المحبه والسرور.. والسلام

الاعوج اعوج والزلمه شو ماعملتي اله على الفاضي . فصاحبي عليه بترتاحي نفسي وهو برتاح

الخير فيما اختاره الله... الله يبعثلك احسن منها ويبعثلها احسن منك ويرزقك الزوجه الصالحه والذريه الصالحه . والسلام

ياختي ثقي تماما دائما المراه الصبوره المدبره المعدله مالها حظ عند جوزها اما المراه اللي مابتحس بالرجل وكثيره الطلبات ومابترحمه هي اللي حظها قوي عند جوزها وزلام اليوم ما بدهم وحده كويسه هيك اللي فهمته منالحياه

الحل بسيط جدآ ... وعلى فكرة لا يوجد رجل بالكون قادر على اهانة اى امرأة الا اذا هي تريد ذالك .. أنظري حولك جيدآ وستجدين الحل وشكرآ ..؟؟

شكلك بنت حلال واخلعيه وعيال الحلال كثار

اهمليه وتفرغي لاولادك وتمنعي وقوي شخصيتك حاولي عدم التقرب منه حسسي انك بعيده عنه وراقبيه عن بعد ولا تهملي واجبك تجاه بالاكل والشرب
الرجل من هالنوعيات اذا ابتعدي عنه واظهرتي عدم اهتمامك له سيفكر وسيبدا يبحث عن السبب هل زوجته تخونه او على علاقه مع احد غيره لانه هو يقوم بذلك هذا يجعله يفكر ويعيد التفكير ويبدا يغار وينشغل بك وانتي واجهيي بانه يعمل على الاتصال بالنساء وهذا يعيد يفكر انه انتي ممكن تساوي نفس الشي بالتالي ربنا بالاخير رح يصلحه ويهدي واستعيني بالصبر والصلاة.

عليكي بلاحول لنا ولا قوة الا بالله العلي العظيم في اي وقت مع التكرار

افكارك حلوه ورائعه مع انك طافي

واستعينوا بالصبر والصلاه انها لكبيره الا على الخاشعين