لا يحق لها ،، و انت لا يحق لك لانن لكل مننا خصوصياته و لا اقصد بذلك شي غلط

طبعا يحق الها ذلك وهاد ما اسمه تجسس

وطبعا يحق الك ذلك

واذا انت بدك تسميه تجسس فانت بتخبي اشي

المفروض انك تقلها من البدايه انه تلفوني كأنه تلفونك

وتلفونك تلفوني

والفيسبوك بخليه متصل بحيث امتى ما بدك تدخلي وتشوفي البوستات تبعتي

ليش بدك تعتبرها تجسس اللي ما عنده اشي يخاف منه بترك الامور على طبيعتها

ومش لازم بين اي اتنين بالدنيا لا الاب ولا الام ولا الاولاد ولا البنات ولا جنس مين ما كان يكون انه يكون الثقه فيه مطلقه لانه الانسان بضل انسان ولازم يكون دايما واحد بالمليون شك حتى تستقيم الامور وما يكون الواحد خروف او تكون الوحدهخ نعجه

اباااااي شلخت شعرها..!!
ابصر صو شافت في الموبايل..!!
صورة من الآخر.

المفروض ان هناك ثقة بين الزوجين فاذا كنتما تثقان ببعض والاطلاع على شؤون بعض لنية سليمة لا تخوين احدكما للاخر فهذا يعود الى تقبل الزوجين للامر واذا لم يكن هناك قبول للامر من احد الطرفين فالافضل ترك هذه العادة--على سبيل المثال انا زوجي يثق بي ثقة تامة -اتكلم احيانا مع شقيقتي فيعلق على كلامي وينتقد فادخل الغرفة واغلق الباب فيتركني وشأني ولا يحاول التجسس علي

صاحب المشكلة
نعم يحق لها ذلك ،،،، هي زوجتك ،،، ومش المفروض يكون في حواجز وخصوصيات بينك وبينها ،،،،، أحكيلك ومسكت التلفون وقرأت المسجات ورسائل الوتس آب وين المشكلة !!!! الا إذا كان عندك ما تخجل منه ،،،،، إصرارك انه ما تتدخل بخصوصياتك هدد أمانها ل المخلوقة وخلاها تفكر انه في مرأة اخرى تندرج ضمن هاي الخصوصيات ،،،، تعال نقلب المعادلة ونفترض انه زوجتك هي اللي رافضة تمسك تلفونها ،،،، بدك تقنعني ما راح يستفزك الموضوع !! ما رح تحاول تعرف هي شو مخبية عنك بالزبط !!
لأنك عازلها تماما عن حياتك الإلكترونية ،،، اضطرت تلجأ ل التجسس والتفتيش بالسر ،،، يا أخي شو بتخسر لو قعدتها جنبك وحكتلها شوفي فلان شو بعتلي وافتحي ع حسابي اقرأي القصة الفلانية ،،،، اشركها بالموضوع ،،،، وأحكيلك بتقدر تحذف رسائلم مع أهلك لأنه الأهل الهم خصوصية معترف فيها ،،،،، اللي زوجتك بتعمله حاليا نابع من عدم ثقة فيك والأكيد انه انت سببها ،،،، افرد وراقك ع الطاولة وراجع حساباتك لأنه فيسبوك وتويتر و وتس آب مش أهم من زوجتك .

صاحب المشكلة
==========

انت بتحكي انها ممكن تقرأ تعليقاتنا

بفهم انك انت وزوجتك معلقين هون

المهم
لازم كل شي بين الزوجين يكون واضح وهم عم بتشاركوا مع بعض بكل شي
لازم مايكون بينهم في شي بخصني وشي بخصك الزوج والزوجة برأيي انهم لازم يكونوا روح وحدة بجسدين وفلب واحد
مايكون في اسرار بخبوها عن بعض
وهي هي الالفة والمحبة والسكينة
وغير هيك بعتبر الشي الي بدهم يخبوه عن بعض بده يكون فيه خطأ

صاحب المشكلة

===============

في شي بدي احكيه مثل انت مابحق الك تمسك تلفون زوجتك وهي كمان بحق الها
الموضوع مافيه رجل ومرأة وبطلوا عقدة الرجل بطلع اله كل شي والمرأة لا

بس في ملاحظه بالنسبه للموبايل

بهاي الايام بتلاقي البنات والنسوان معاهم يا تلفونين واحد بالعلن والتاني بالخفا علشان الخضره ولوازم البيت يعني بلزموا

ونفس الشي الزلمه او الشب بتلاقيه حامل موبايل للبيت ما بثير الشك ومعه تلفون تاني هاد علشان المباحثات اللي بجريها بخصوص الاوضاع العربيه مع ذوي الشأن

بالنهايه محدش بخاف من انه التاني يمسك تلفونه الناس صارت حويطه ههههههههههههههههههههه

اذا قامت المرأة بتفتيش هاتف زوجها والدخول على حساباته على (الفيس بوك) و(تويتر)، فهذا امر لا يجوز»، مضيفاً انه «لا يجوز للزوجة، ولا يجوز للزوج ان يتجسسا، أي يطلع أحدهما على رسائل الآخر بأي وسيلة كانت، ما لم يستأذن صاحب الرسائل».
وأكد النشمي في معرض سؤال : هل يجوز للزوجة التفتيش على هاتف زوجها وبالعكس؟ «ان من يقوم بذلك دون علم الآخر آثم، الا اذا كانت هناك شبهة قوية في سلوك محرم يقوم به أحدهما، ويكون القصد منه النصيحة وليس الفضيحة»، لافتا الى ان «الحكم يختلف حسب نوع الجرم».
وأضاف النشمي «ان على الرجل (الزوج) ألا يلجأ الى هذا الأمر وكذلك بالنسبة للزوجة ألا تلجأ للأمر نفسه الا بعد ان يصارح أحدهما الآخر ويطلب منه الافصاح عن هل ما يشك فيه صحيح أولا؟ فقد يصارحه بالحقيقة وبذلك لا يحتاج الى التجسس الذي نهى عنه الله ورسوله، واذا فعل أحدهما ذلك فعليه تحمل المسؤولية».
وأوضح النشمي ان «لكل قضية حكمها في الاسلام، لكن يبقى المبدأ العام أنه لا يجوز ان يطلع أحدهما على أسرار الآخر، لأن معنى السر ألا يطلع أحد على كل ما يكره ان يطلع عليه أحد ويعتبره من خصوصياته لذلك أطلق عليه سرا».
رئيس رابطة علماء الشريعة لدول مجلس التعاون الخليجي العميد السابق لكلية الشريعة الدكتور عجيل النشمي،منقول

من ناحية شرعيه لا اعرف اجابة لسؤالك المفترض أن تراسل دار الافتاء .

لكن من ناحيه الثقة المفترض ان تكون بين الزوجين والتي من شأنها تقوية الروابط الاسريه والزوجيه فأنا ارى انه من الواجب ان تكون زوجتك على اطلاع كامل على رسائلك والفيس وغيره
وانت كذلك/ ، فكلاكما شريك للاخر يجب ان لا تخفيا عن بعضكما شيء حتى لا تفقدا الثقة بينكما فتصبح حياتكما جحيما وشك ودمار

والله الموفق

يا بنت الحلال خلي النحل شغال يعمل عسل، يعني لازم ننكش المنحلة والمدبرة.؟
هلأ ازا دخلنا بعقد الرجال ما بنخلص.

على كل زوجه ان تسال نفسها اولا لماذا زوجي يفكر في الخيانه ابحثي عن السبب وابداي بنفسك لو انك تعطي زوجك كل ما يحتاجه لما فكر في غيرك ولو انك واثقه من نفسك انك لست مقصره معه لما دخل الشك الى قلبك وراء كل رجل خائن ومحطم ويائس وكاره للحياه زوجه .......اكملي الباقي

لا يوجد اسرار خاصه بين الزوجين





ومكن يقول غير ذلك فهو اكيد غير مرتاح



وبالمختصر اللي تحت الشمس ما بيطوله العفن

الى صاحب المشكله

صديقي شكلها زوجتك ما بثق فيك بالمره لو انها بتثق فيك كان ما بتعمل يلي بتعملو اهم شي بين الزوجين الثقه

سلام الله عليك اخي
بداية الثقة ان ذهبت لا تعود..
اولا:
الثقة امر مطلوب و عنصر مهم في الحياة الزوجية و عكسه هو الشك .. وحتى يزول الشك لا بد ان نوجد الثقة بين الزوجين او اي طرفين..
ثانيا:
انا اعتقد ان الانسان بطبيعته عنده الفضول لكن لو بنيت الحياة على الثقة .. لسهل الامر
ثالثا:
لكل شخص فينا خصوصيات و المشكلة ان كلمة خصوصيات تفهم احيانا بطريقة خاطئة فيذهب التفكير مباشرة حول العلاقات و الصداقات المحرمة ..لكن الخصوصيات تشمل اسرار بين افراد الاسرة او بين الاصدقاء او مشاكل خاصة ..
رايعا:
ان أفضل ان تتم منح الثقة مثلا ... تقول لزوجتك انظري هذه الجملة التي بعثها صديقي فلان وهكذا لكن لا احبذ ان تنظر انت لما تحتوي صفحتها كلها لانه قد تكون شاركت بصفحات و صور خاصة بالنساء ..ثم ما المشكلة ان تكون صديقا لها على الفيس و بالعكس فهذا يزرع الثقة بينكما..
واخيرا..
المشكلة انه اذا أصر الرجل على خصوصية هاتفه و كل ما يخصه زرع الشك في قلب زوجته .. احيانا يكون فعلا له علاقات و صداقات لا تحل لكن احيانا لا فقط من باب العناد لذلك لا بأس من ان يطلع كلا الزوجين الاخر على خصوصياته لكن ليس كلها .. فقط من باب زرع الثقة رغم اني لا أحبب ان يفتح احد هاتف الاخر دون علمه .. ليس لشيء إلا أني اعتقد انه لا بد من الاحترام والثقة بين الزوجين .. دمت بخير اخي

اتجوزيه

يمكن يتغير بعد الجواز

الكلمه



اللي ضيعت نص بنات البلد هههههههه

نعم يحق لها ، دون اي اعتراض

طبعا الغيرة هي السبب

ليس لدي ما اخفيه وكاتب هون وبتحكي زوجتي ممكن تقرا انت على مين بتتخوث يعني عارف انها بتقرا وبدك تكتب انك بتحكي مع بنات

ام العقد روحي وانت .......

عقدة الكترا او عقدة اوديب الانثوية كما سماها سيجموند فرويد تتصف بانجذاب الانثى لوالدها ما يجعلها تغار من امها لانها تنافسها في حبه طبعا عقدة الكترا تعتبر معقدة لفهم اسباب هذه الاعراض حيث في غالب الاحيان تبدا الاسباب و تظهر الاعراض خلال مرحلة الطفولة .

انا عندي فيس وخط تاني . اعمل متلي . جوزي مابعرف . خليها تتجسس اذا ماعندك شي . وازا حاب تغير الحياه الزوجيه الممله ؟. اعمل فيس جديد بدون ماتعرف . كل الناس هيك . تكبرش الموضوع . فتش وراها بتلاقي بلاوي

اه حقها ولا ترد على تعليقات الناس المريضه هاي الي بحكولك جيب خط تاني ومن هالحكي لانو هاي ناس جد مريضه خلي دايما بينك وبين مرتك ثقه متبادله مدامك مو مخبي شي عادي خليها تشوف ونصيحه ما تخسرو بعض عشان هاي الاشيا التافه

الزوجان عباره عن اثنان في واحد وطبعا يحق لها ان تراقب كل تحركاتك لان الزواج هو نصف الدين فالزوجه تمنعك من الوقوع بالخطا والحرام والمفروض يكون معها الباسوورد للفيس وغيرو
الفيس بوك ليس اهم من زوجتك وحياتك
عالم وهمي وخيالي فلا تجعله يهدم بيتك

اذا ما بتلعب بذيلك وهي ما بتلعب بذيلها فتشوا تلفونات بعض وفيسات بعض واقلبوا البيت مركز امني وكمان ركبوا كاميررات مراقبه ونظام تتبع لبعض.
يا اخي الحياه الزوجيه تفاهم وثقة اذا انعدمت مش حياه .

لانها بتحبك ومن غيرتها عليك بتعمل هيك ما تزعل منها ******

كله عاتي

نقطة احببت ان اضيفها على تعليقي السابق ..
رسالة اوجهها لكل زوجين ..الحياة الزوجية علاقة مقدسة لا بد من احترامها..
لا بد للزوج ان يعطف و يحن على زوجته و لا بد للزوجة ان تحترم زوجها و تعطيه حقوقه..
الابناء و الاطفال لهم حقوق .. لا ادري لماذا يلجأ بعض الازواج او الزوجات لصداقات و علاقات خارج إطار الزواج ..
الحلال اجمل بكثير من الحرام يكفي ان الحلال يرضي الله تعالى,,
للأسف ان الابناء هم أكثر المتضررين ..
اللهم اهدي جميع الازواج للخير يا رب العالمين

ييييييييي هاد مو مخلي اشي الي الا منخارو بكل المواضيع
تلفوني
وكمبيوتري
حتى صاحباتي ما سلمو من جوزي
بتجسس عليي بشكل مو طبيعي .. بخاف يتطور الوضع معو ويطققني قهر

اذا فش اشى خايف منو شو يعني

إذا جد زي ما بتحكي ما عندك إشي خارج النص !! صدقني إنت وهي رح ترتاحوا وإفتح إلها مجال أكثر خليها تطلع

ليش يتجسس التلفون اشئ شخصي مو ﻻزم تسمحيله
ابدا

يا اخي

كل الموضوع وما فيه انت خايف من زوجتك انها تتجسس عليك

ولو انه انت مش مخبي شي ما تزعل ولعلمك المرة بتغار على جوزها اكثر منه بغار عليها لانها عارفه بنات جنسها شو (( ان كيدهن لعظيم )) يعني بالاخير لو انت زلمه وما عندك شي تخبيه عادي وين المشكله انه مرتك تفوت على الفيس او الواتس او او او

والله ولي التوفيق للجميع ( احترامي )

اخي الكريم

رح ابعد عن النفاق الاجتماعي بتعليقي واكون بسيط معك العلاقه الزوجيه بالاصل علاقه تكامليه والاصل الامور تكون واضحه فمن ناحيه لازم الزوجه تكون على اطلاع بكل التفاصيل وهذا لا يعني انه الرجل ما يكون اله نوع من الخصوصيه مثلا بنمزح عالشات مع الشباب وكلامنا رح يكون غالبا خارج النص فلا يجوز للزوجه مشاهدته عشان تظل صورة الكل بنظرها جميله فنحن نمزح ما بيننا خلافا عن ما نزح بالعلن وهذا لا يجب ان تطلع عليه الزوجه وربما بالنسبه للزوجه الامر سيان فلا يجوز ان نطلع على درشتها مع ام فلان او ام علان (( طبعا انا بحكي بوجود الثقه )) اما اذا انعدمت الثقه فلا الاطلاع بنفع ولا عدمه بنفع لانه اذا الخيانه موجوده رح تخون بصفحه ثانيه وبموقع اخر وبطريقه اخرى ,,, اذا ما بتثق بزوجتك وهذا كلام بالعموم وليس لصاحب المشكله ,, اللي ما بثق بزوجته يطلقها لانه هذا الموضوع ما اله خطه بديله ,,, اما في حالة الثقه فانا بشجعك تقعدها جنبك يوم وتورجيها الصفحه بالتفصيل وتجاوبها على استفساراتها وهيك رح تخفف الفضول عندها ورح تتطمن وتبطل مراقبه لانه هيك هي كمان مضغوط على اعصابها وهي تستناك تدخل الحمام عشان تشوفك شو بتعمل ,, ريحها بما انه امورك سليمه

يا جماعة المسالة مش ثقة وعدم ثقة .. كل منا له خصوصيات .. يعني بين الزوج واهله واصدقائه هناك خصوصيات وبين الزوجة واهلها وصديقاتها فيه خصوصيا ليش كل واحد يعرف اهل او اصدقاء زوجته شو مشاكلهم او العكس .. يعني هذا من الاخر اسمه تجسس ومعرفة خصوصيات الناس . هذا رأي واذا ما في ثقة بين الزوجين فالافضل كل واحد يروح لحاله .

عندما يخاف الرجل من تفتيش زوجته لهاتفه أو لحسابه على الفيس بوك فهاذا يدل على أن هناك شيء مخفي ... وهذا تماما مع حصل مع زوجي فغضبه من مجرد مسكي لجهاز الهاتف العائد له .. وضع الشك في قلبي وأصبحت افتش هاتفه إلاّ أن حصل وجاءته احد الرسائل على الواتس اب والتي تظهر صورة فتاة وعند سؤاله انكر وانكر الا ان اعترف ... والخلاصة ان زوجتك تبحث في هاتفك وفي رسائل الفيس بوك لأن هناك شيء حدث وضع الشك في قلبها من ناحيتك .. واكيد انت اعلم في السبب ....!!!!

قبطان كلامك 100% صح

للرجل الحق في مراقبة الزواج ومساءلتها ولا يحق لها ان تخرج من بيتها او تدخل في بيته احدا الا باذنه ولا يحق لها ان تكلم رجلا غريبا الا باذنه

اما المراة فلا يحق بها ان تسائله

ما بصير يعني ما بطلعله يتنفس كل يوم بسبوسه لازم مره كنافه ههههه

التجسس حرام

من فترة كان عندي مشوار قريب من المستشفى اللي بتشتغل فيه عمتي ممرضة ،،،، ميلت عليها بعد ما خلص شفت ال بي الي هو بالليل ،،،، وما بنسى شكلها وهي مصدومة وبتحكي يا رب عافينا ،،،، اللي صار هو كالتالي ،،، وحدة متزوجة تقريبا عمرها 25 سنة بايتة مع بنتها بالمستشفى ،،، بتحكيلي اجى زوجها ولما انتهت فترة الزيارة روح ،،،، ع الساعة 11 رن عليها واحد ابن حلال مصفى زي ما هي بنت حلال ،،، وبلشت غرامياتهم ،،،، حكو معها الناس انه خافي الله الا الخيانة ،، وردها كان انه بتحبه ومن سنتين وجوزها ما عنده خبر ،،، سنتين وهي تستغفل فيه ،،، وتلاقيها بدل التلفون عندها ثنين ما بعرف فيهم جوزها .
اللي بدي أوصله من هاي القصة هو انه الزمن اللي احنا عايشين فيه مش سهل ،،، واللي بلاقي بنت حلال تخاف الله فيه يتمسك فيها ويدير باله عليها ،،،، لا تحكيلي خصوصيات وبطيخ ،،،، لأنه هيك رح تجبر مرتك تبني خصوصيات هي الثانية وتدور ع الأمان اللي ما لقته عندك عند غيرك ،،،، كلامي بشكل عام ما بقصد حدا .

اخي الكريم تحياتي لك و لزوجتك الكريمة

فيما انها زوجتك بتجسس عليك هاذا يدل على انها بتحبك وبتغار عليك وبالعكس لازم ما تنزعج لانها ماما الله وكيلك نفس شي بتعمل هههههه يعني في المجتمعنا العربي اكثرية زوجات هيك بتعمل مو شغلة مش واثقة فيك ما دخل ثقة في الموضوع بس المرءة بشكل العام غيورة

شو نعمل يعني هيك ربنا خلقنا ههههه

الالوافيرا

الدرالمكنون

عاشقة الاستغفار

السوسنة



صانع الفرح

السلامة

الانيق المشاغب


يسعد مساكم وكل اقواتكم ربي يحفظكم ويسعدكم

يقول الشاعر:
إن النساء إن نُهين عن خُلُقٍ فإنه واقع لابد مفعول
والأصل حتى تُدخل الثقة إلى نفسها والشعور بالأمان أنت أعطها كلمة السر ولتبحث ما تشاء فعندما لا تجد شيئا هي من نفسها تمتنع وكلمة التجسس كلمة مقززة تُشعر أن هناك سر ولا تحب أن تطلع عليه وبالعكس.

من حئها تعرف عنك كل اسرارك ولا يعني دورها تخلفلك اولاد

مافي غيرو الدنيا مليانه شباب اكيد بتعرفي . لاتتعبي عشان واحد بسواش عيشي حياتك الشباب كتار صاحبي بتحسي بتغيير في حياتك . شو النت الفيس بو ك اي شي .

انا بعطيك حل من الاخر
اتزوج عليها بتبطل تغار واتفتش عليك هههههههههههههههههههههه

يا اخي وين المشكله اذا كان هناك ثقه بينك وبين زوجتك واذا لم يكن لديك ما تخفيه من علاقات مشبوهه لاتوجد مشكله اذا لماذا تغضب منها اليست هي شريكة حياتك الا يحق لها ان تعرف عنك كل شيءاليست هي ام اولادك الا تحبها ياخي افول لك وهذه نصيحه مني بعد زواج 29 عاما -- المراه تشبه حبة التفاح على الشجره كلما اعتنيت بها اصبح لها جمال يشرح الصدر عند النظر اليها وايضا هي مثل الطفل الصغير المدلل كل شيء يرضيها هديه صغيره كلمه حلوه قبله في الصباح والمساء تجد الابتسامه على وجهها طول اليوم عندما تخرج من المنزل تجدها تدعو لك وعندما تعود تقول لك الله يعطيك الصحه والعافيه

تعليق ٤٦ عجبني بعدين لايش تخسر شريكه حياتك عشان اشياء تافه احنا عايشيين في زمن مقرف او بنات الحرام قاعدين على النت والتشات لييصطادو الرجال مرتك واعيه او بدها اتحافظ على بيتها ولا انت خايف من اشي