من زمان بحكي عن هالقصه وما حد سامع ,,, النت شي والحقيقه شي ,, بتلاقيه مقضيها احاديث وقصص نبويه وحكي عن الجنه والنار والاخلاق بدني بقشعر لما اشوف صفحته ,, ولما اشوفه على حقيقته ,,, يمه يمه يمه ,,, اربع شياطين ببعض ,,, ولا بصدق شي عالفيس اخر موديل الجروبات الاسلاميه صارت بؤر تعارف اولها يختي واخرها ع تختي ,,, الله يحمينا يارب

اشطبي الفيسبوك تبعو
احكيلو انا او الفيسبوك

كل مشاكل الدنيا من الفيسبوك
اعمليلو نكد وطوشه مرتبه خليه يخاف يدخل عالفيسبوك
ماتسمحيلو يضيف بنات ولا يعلق عند بنات

الحل يراجع دكتور نفسي

مش عارفه شو اعلق ...
بس اغلب الرجال بحبو يرجعو يراهقو ويبحثو عن الحب من جديد ويمكن الانثى لو يسمح الها لتعمل نفس الاشي ..

في ناس هيك تعاملهم برا البيت ما احلاه وجوا البيت زفت

يعني الاتنين المفروض يتقربو من بعض او يبعدو عن بعض ويرجعو ايام الماضي والحب من جديد

اووووووووووووه ياما مثله مثاايل بتلاقيه شعر روماانسي شوي يقول لنزار قباني قوم خليني اقعد مكانك وهو على ارض الواقع ولا رومانسي ولا مايحزنون هههههههه ... عالم النت سهل فيه تلبس الف قناع وقناع منهم من يلبس قناع التقوى والدين وهو مابيعرف اشي عن الدين ومنهم الفهمان اللي بيفهم بكل شي وهو ولا داري عن حاله ...الله يجيرنا من تواليها بس

النت عالم وهمي كله ارقام الحقيقة تختلف تماماً عن الواقع

ليس كل ما يلمع ذهبا

يعني يلي منزل هالمشكله عن احد الاصدقاء .. بغض النظر مين المقصود ..

بدك تقنعني انك مقضيها ساجد على باب الحرم والمسبحة طول نهارها بتنزلش من ايدك . !!

طيب انتي يا حلوه مره هيك احرجيه ولم ينزل شغله مثل هيك اكتبيله تعليق
(يا ريتك بالبيت هيك يا حبيبي)!!عشان الاصدقاء يلي عنده يعرفوه ع حقيقته
بس انا ما دخلني لو طيرلك عين او سن بعد هيك ههههههه
يا ستي كلهم هيك من برا رخام ومن جوا سخاااااااام

لميس

وحياتك مش كلهم

اللي بسمع بصدق انه الرجال اللي بكذبوا على الفيسبوك

بتلاقي الوحده بتكون ختياره وبتقول عن حالها صبيه

بتكون بشعه وبتقول بشبه سيدي كرافورد

بتلاقيها عند عر ولاد وزهاقنه وبتقول اجاني عريس وانا ما بدي

بكون عندها مركبات النقص اللي بالدنيا وبتعمل حالها انها طبيعيه

بتلاقيها مش مخليه صاحب وبتحكي للشاب انا ما بحكي مع شباب هاي اول مره

بتعمل ساكنه بدابوق وهي ساكنه بحاره شعبيه

بتلاقيها بتحكي عن اهلها وبابا وماما انهم شي هاي هاي

وهمي المساكين على قد حالهم

بتلاقيها بتحط بروفايل على اساس انه الها وهي لاطيشتوا من النت ومغيره فيه شويه بالفوتوشوب

بتلاقيها شبه ابو العبد بعد ما اتجوز ام العبد وجاب عبد

واااو حطمت الرقم القياسي بامتلاكك تلات فيسبوك
دمرت الدنيا هههه
شو بتعمل فيهم هدول !!!يعني عندك ٣فيسبوك و٣ واتس اب و٣ تانجو و٣فايبر !!!
هههههه
انت في خطررررر

واااو شو مهضوم تعليئك, كتير كووول بس ممكن 3 عصير و3 بيبسي كمان

اوووف لاغي كلشي !!!
اكيد انت مو على كوكب الارض
انت بعالم اخرررر
يعني مو شغال عندك شي ههههه
انت متأكد كلشي عندك عطلان؟؟؟
ههههه

انا عندي فيس واحد ومابفتحو هههه
عندي واتس اب بستعملو دقيقه باليوم هههه
عندي فايبر للضروره فقط لخارج الاردن ههه
وعندي تانجو وصلني عليه ١٠٠طلب وللاسف ماضفت حد وكلهم غضبانين علي لاني ماضفتهم هههه
وعندي تلفون واحد اخر شي نزل ودايما طافي ههههه

السلام عليكم ..صاحبة المشكلة الفاضله..
بداية هذا الامر منتشر و بكثرة
اولا:
بالنسبة لوسائل الاتصال الحديثة و منها ما ذكرتيه الفيس بوك ..هي و سيلة تستخدم بحسب الاشخاص و رغباتهم صحيح ان مجموعة من الناس يكونون عالم اخر عن الواقع مثلا شاب يدخل باسم فتاة ..او صغير باسم بالغ ..الخ
ثانيا:
انا من وجهة نظري ان الانسان الصادق في الواقع سيبقى كذلك في عالم النت و الذي يكذب في الواقع سيكون كاذبا في عالم النت
ثالثا:
هذه الوسائل الحديثة اخترعت لتقرب المسافات و خاصة لمن هو بعيد عن اهله و ووطنه فيسهل التواصل معهم او حتى مشاهدتهم لكن للاسف البعض لا يستغله بالشكل الصحيح و المطلوب فيخدع الاخرين و يتعامل باسلوب السخرية و انتحال الشخصيات.
رابعا:
بالنسبة للمشكلة التي عرضت اجل هناك الكثير من الذين عندهم مثل ذلك و لكن ستجدينه على ارض الواقع هكذا يصادق الفيات و يتعامل بالحب و غيرهو يكون في بيته شخصا اخر.. اما ان عنده انفصام شخصية واما عنده اسباب اخرى في بيته لانعرفها و اما يتسلى
واخيرا
بعض الناس لا يملكون الجراة في النقاش و المواجهه فيستغلون عالم النت و التكنولوجيا ليعبروا عما لا يستطيعون في الواقع او ينتحلون شخصية و يمثلونها لانهم لا يستطيعون في ارض الواقع .. وفق الله الجميع

اليوم كله بيضحك على بعض البنات والشباب وهما عارفين انه كذب لكن حب المغامره والاحباط والهم والغم والنكد هو السبب

اولا

هل هذه مشكلة عامة ام انها لشخص معين وبدكم الحل



ثانيا

مين صاحب المشكلة لنعرف مع مين نحكي


ثالثا

مش الكل كذاب الناس منها الطيب ومها الخبيث

يعني الخبيث يمارس خبثه من خلف الشاشة او حتى برة البيت قدام الناس بدون فيس

لست ممن يعول ما يحصل في معظم البيوت من مشاكل اسريه خصوصاً بين الزوج وزوجته إلى طرف بعينه

بل غالباً ما يكون الخطأ من وجهة نظري المتواضعه من الطرفين كلاهما له علاقه بتفاقم المشاكل ووصولها الى طريق مسدود

وهنا لا بد للزوجين من مراجعه شامله ومستمره لعلاقتهما وتدارك الاخطاء فيها ووضع الحلول المناسبه لها ودون تدخل اي طرف ثالث الا اذا استعصت المشكله فالحل هو حكم من اهله وحكم من احلها وان يريدا اصلاحاً يوفق الله بينهما كما ورد في القرآن الكريم

والنت اوالفيسبوك او تويتر او انستغرام او الواتس او اي مجال اتصال حديث آخر لا علاقه له من قريب او بعيد في الفساد الإجتماعي الحاصل في كثير من البيوت انما السبب الرئيس يعود الى التنشئه الاسريه ومدى ومقدار التفاهم بين الزوجين وثقة كل منهما في الآخر واعتمادهما على بعضهما بشكل كبير والمسامحه في الامور البسيطه التي ربما تكون هي السبب في كثير من المشاكل فكم من مشكله كبرت اساسها خلاف بسيط او سوء تفاهم قد حصل بين الزوجين على امر اقل ما يقال عنه بانه تافه

فعلى الزوجه التي يتهرب منها زوجها لإقامة علاقات عاطفيه مع غيرها من النساء ان تلتفت الى نفسها قليلاً وتجلس مع زوجها وتعطيه اللسان الحلو والقلب الحنون والمعامله الحسنه التي جعلت من قلب اخرى تستهويه ويميل اليها وكذا الحال بالنسبه للزوج فليلتفت الى عيوبه التي قد تجعل من زوجته تبحث عن رجل اخر غير زوجها يحتويها ويعبرها ويحترمها اكثر من زوجها

فاذا ما اصلح كل من الزوجين عيوبه وتحامل على نفسه قليلاً وسامح وعامل معامله طيبه حسنه للطرف الاخر فان اغلب المشاكل ستحل باذن الله تعالى

اسال الله تعالى ان يفرج كروب الناس ونحن منهم ويزيل همومهم ويبعد عن بيوتنا شياطين الانس والجن والحساد والحاقدين والسحره انه نعم المولى ونعم المجيب

كنت اسمع فيه سمعه للفيس بوك دخلت عالم الفيس عالم الكذب والنفاق عالم المصالح عالم لا ينتهي من الزيف الموجود فيه تعمقت اكثر وتعلقت اكثر وكل يوم الكذبه بتكبر وانا مقتنعه كل القناعه انه كذب في كذب ..احيانا العن الساعه اللي عرفت فيها الفيس ودخلت عالم النت كنت مرتاحه ورايقه واشعر بقيمة اليوم اللي بيمر حاليا مجرد شتات وتعب نفسي ...ياريت مادخلت عالم النت ولا الفيس ياليت

مسا الخير جميعا .......بس بدي احكي شغلة بالذات لال حوا انه هاي الشغله بكل مكان موجوده حتى هون بموقعنا العزيز جراسا احنا شباب وفاهمين على بعض ..... هاد اسلوب خبيث وقذر اتزبيط البنات او المتزوجات اقلكم ليش اروح لبعيد على نفس الموضوه هاض في اشخاص موجودين بس للسولافه هاي وللاسف ناجحه معهم تمام التمام .....ديرو بالكم ال حوا

عجبني تعليق ٢٠ الحنون فعلا هاد اشي بيرجع للتنشئة الأسرية و طبيعة و شخصية البني ادم ،، ممكن هاي البرامج تفتح مجال أكبر انا عن نفسي من أيام الخطبه لغيت انا و زوجي كل البرامج هاي من حياتنا لا فيسبوك و لا واتس اب ولا غيره و اتفقنا على هيك انا متأكده من زوجي و من تصرفاته و متأكده من حالي ... بعدين الزوجة لازم تكون قويه وإلها موقف مع هيك نوع من الأزواج اللي حكت عنه صاحبة المشكله حتى لو كانت يتيمه ترفض الموضوع و تخيره بينها وهي و اولادها وبين الفيسبوك و التفاهات اللي راكض ورآها

هي الحزينة صاحبة المشكلة شو بتقربلك !!! وبعدين معاليكي لويش حاملة هم الناس ع كتافك !! جاوبيني عشان أجاوبك .

انا كتبت مشكلة اختي مع زوجها وانا من شدة خوفي عليها طرحت مشكلتها للمساعده لعل وعسى وشكرا للجميع

المشكلة عويصة شوي كون مجتمعنا كله غرقان في الفيسبوك ،،،، الله وكيلك زي الهجين اللي وقع بسلة تين ،،،،، عبارة عن مجموعة من الفشلة يتواجدون لغايات العرط لا أكثر ولا أقل ،،،،، بحمد الله انه الفيسبوك ما دخل بيتنا وانه ولا فرد من عيلتني اله حساب ،،،،، بالنسبة لمشكلة اختك ف ما في حل غير انه سلفستر ستالوني يسكر حسابه ،،،، أخ بس ع مين يقعده مع أبوي وسيدي يبرشوه برشه محترمة ويعطوه محاضرة في علوم الرجال .

رغم اني اواكب التطور في جميع المجالات ولكن سبحان الله الفيسبوك وجميع مواقع التواصل الاجتماعي لم اقتنع فيها رغم ان الكثير من اصدقائي يحثونني على ذلك ويقولون انه مكان مناسب للدعوة الى الله لكني لم اقتنع به الى الان

في محرر اليوم

يالله كيف الناس تبدع بالكذب

ما حدا يصدق اخوي ما بحكي مع بنات على الفيسبوك غير زميلاته في العمل لكن اختها بتغير كثير ومش عارف هاي البنت اللي تبرعت تكتب المشكله عن اختها شو دخلها في الموضوع حشت منخارها فيه واحد وزوجته بتفاهموا وبقولها شو رايك توافقي اصير عديل اخوي ونتزوج انا وانتي

البين عليكي وعليه.....مله عيله....خليه قلعه تقلعو...المهم الصحه يا كبيره

بالنسبه لالي الرجل الي بنظر لبنت تانيه اكيد مرته ناقصه او فيها عيب كبير
ومقصره معاه كتير بالبيت
بعدين مو اي رجل بحكي بأسلوب محترم مع شخص اخر ان كان شب ولا بنت يكون قليل حياء او قالبها روميوا انه بحاول انه يحكي مع النسوان بس الاحترام واجب لاي شخص بحكي معاه لاول مره
والاهم من هيك الي كتبت المشكله عن اختها انتي شو دخلك بمشاكل اسريه ما الك داعي تدخلي فيها وانا متاكد انه هادا اول سبب انه صاحبه المشكله بتدخل اهلها بالطالعه والنازله يعني مش صاينه بيتها وكل اسرار بيتها بتطلع لغير المعنيين بالموضوع
عندك مشكله بينك وبين زوجك خليها بينكم ولا تطلعوها لبرا بس الناقص بضلوا طول عمره ناقص

الحل تنزل فيه بكوس لحد ما يصحى على حاله هالاهبل المتصنع ،خليه يتعلم يعطي اهل بيته ومرته حب وحنان بدال ما قاعد بوزع الجيران. بصراحه قهرني

ما الذي يجلب الرزق..؟ قيام الليل ....وكثره الاستغفار.. وتعاهد الصدقه والذكر اول النهار واخره..ماذا يمنع الرزق؟؟..أربعه..نوم الصبحه..وقله الصلاه..والكسل ..والخيانه..وقال عليه السلام من كان همه الاخره جلبت له الدنيا بحذافيرها والله اعلم.وتحياتي للبيوت اسرار

حتى مع صاحبات مرته جنتل
ليش بتسمح له يحكي مع صاحباتها و هو ليش بتواجد في البيت لما يكون نسوان غريبات، وين جيزانهن عنهن ؟
ما كنت اعرف انه في عاداتنا الزلمة بدخل البيت لما يكون فيه نسوان غريبات
احكي لاختك هاي مشكلة ثانية و تصرفها مرفوض
لو تفكري شوي بتلاقي انه حل المشكلة سهل و ممكن اختك تستغل وقته عالنت تسلية الها
ما بدي احكي الحق عليها لكن بدي احكي انها ما بتفكر في حل و انت مش مساعديتها لانك صرت تكرهيه فبدك فضيحة اله مش حل لمشكلته
الحل سهل بنظري او ممكن مش حل انما فكرة باستطاعة اختك تستغلها لكن فكري شوي بدون كراهية و خلينا نشوف شو طلع معك و الفقرة قبل الأخيرة من كلامي بتساعدك على التفكير

الكثيرون على الفيس يتحلون بالكلام الحلو والجميل وخاصه مع الفتيات وهذه حقيقة شبابنا هذه الايام للاسف وايضا كثير من الفتيات يبحثن عن الكلام الحلو من الشباب ومن اسباب ذلك هي المسلسلات التي بدأت تكثر على الشاشه التلفزيونيه وخاصه التركيه منها والتي تجدها كلها حب وغرام وحيث ان اغلبها كذب الا ان شبابنا مغرمون فيها كثيرا اما ما يوجد عندنا في الوقت الحاضر وخاصه بين الس\شباب والصبايا ما هو الا مصلح وتنقضي بعد ان يأخذ الشاب ما يريد من الفتاه ويرميها مثل الكلاب ويبدأ في تهديدها بعد ان يقوم باخذ صورها وهي في اوضاع لا تحسد عليها ايضا هناك الدور الاسري في المنزل فبعض الاهل يتركون بناتهم بدون اي مراقبه لتصرفاتهم ولا يهتمون لذالك بعدم السؤال من اين لك ذلك وبعضهم يقول لابنته دبري حالك انا ما معي اصرف عليكي حينها يبدأ البحث عن المجهول وتقع الفتاه في الخلط وعندما يعلم الهل بذلك يصبحون رجال ولكنهم للاسف ليسو كذلك 0
انا احب زوجتي كثيرا واعشقها ولي اصدقاء على الفيس شباب وصبايا واكتب لهم امام زوجتي واولادي وهذا طبيعي لانه لا يوجد اي غلط في الموضوع فالصداقه جميله جدا ضمن الحدود المتعارف عليها (والله ولي التوفيق)