تزوج صديقتها بالسر


جراسا -

مرحبا ... المشكلة عندي صديقة متزوجه من رجل ثري وهاي صديقتي بتروح على النادي وهي من النوع اللي بتحب تتفشخر كثير وتتباهى قدام الناس شو زوجها وكيف وضعهم المادي وكم طقم الماس عندها!!
المهم.. تعرفت في النادي على وحده من جنسيه عربيه وحبتها كثير و صارت تعزمها على البيت وعرفتها على زوجها الوسيم الغني ودائما عزايم وهدايا من الطرفين ..
لكن زوج صديقتي صارت علاقه بينه وبين صاحبة زوجته وتزوجها بالسر ولغاية الان هي ما بتعرف وبعدهم بتزاوروا مع بعض على أساس ان صديقتي واثقة بزوجها ثقه عمياء وكذلك بصديقتها !!
والسؤال كيف أنا عرفت مع انه الزواج بالسر ؟؟ فقد شاء القدر انه اشترى للزوجة الجديدة شقه من احد معارفنا ..!
هل اخبر صديقتي واصحيها من مبدأ ' الساكت عن الحق شيطان اخرس ' ولا أخلي هالمركب ماشي؟؟
لاني مغيوزه من صاحبتها والله ما بعرف شو اعمل وكيف اتصرف
فما رأيكم ؟؟ شو اتصرف ؟؟



تعليقات القراء

000
انتي شو دخلك في الموضوع ما تقوليلي صاحبتي وخايفة عليها ربنا ساترهم انتي ليش بدك تفضحيهم الله يسترك استري عليهم لانهم متزوجين على سنة الله ورسولو اتركيهم يعيشو ويتهنو وما تحشري حالك بينهم الله يجزاك الخير ويستر عليك يا رب
26-02-2014 11:26 AM
الى صاحبة السؤال
انتي مالك بكل القصه

مو هي اللي حبت وحده من الله على الله

مش هي عرفتها على زوجها

مش هي دخلتها بيتها

مش هي قعدتها مع زوجها

مش صارت خوش بوش مع زوجا

مش هي حطت البنزين جنب النار

مش هي ما بتعرف هالانسانه مين هي وصارت صاحبتها

مش هي عامله فيها سبور وعادي تقعد صاحباتها مع زوجها

خلص هاد ما جنته على نفسها

قال بتعرف صاحبتها على زوجها قال

خليها بتستاهل

واللي من ايده يقلع شوكه بايده

26-02-2014 11:34 AM
مها
كل الزلام غدارين
رد بواسطة عصام
كل الزلام غدارين ليش

يعني مش هي الغدارة يلي غدرت صاحبتها

26-02-2014 11:38 AM
متزوجه
الزلام ماالهم امان مابتركو حد من شرهم حتى الخدامات
نفوس دنيئه
كل الفسق من القيسبوك وغيرو
رد بواسطة عصام
يا اختي الموضوع مفهوم بالمقلوب

صاحبتها يلي تزوجت جوز صاحبتها

مهي عارفه انو متزوج.. دارت وراه ليش؟؟

وبعدين بحكولك الزلام غدارين

والله ما حدا غدار غيركن
رد بواسطة مكيف
ومالهم الخدامات وخاصة الفلبنيات طقع من الاخر
26-02-2014 11:45 AM
ذكيه
الموضوع بجرح وبحير الله يعينها زوجته بس تعرف شو رح تسوي..
انا الي بعرفه انه الرجل قبل ما يتزوج على زوجته لازم يخبرها حتى لا يعتبر خائن وللزوجه حق الاختيار البقاء او الطلاق،
صديقتك مصيرها تعرف منك او من غيرك بس اذا بدك تحكيلها لازم توقفي جنبها وتنصحيها تضل معه لانه انسان ثري وما تترك للزوجه الثانيه الجمل بما حمل وتروح لانها والله هدا الي بدها اياه، واحكيلهاذانه لازم تتمسك بزوجها اكتر لانه احتمال تكون نزوه وتروح بحالهاّ.
رد بواسطة سلاف
عنجد ذكية !!! تضل معه بس عشان ثري .. وكرامتها مين برجعها؟؟؟؟ المصاري !!!!
وبالنسبه انه يخبرها .. ما في رجال بحب يخبر زوجته لانهم انانيين وبحكيلك زيادة الخير خيرين
رد بواسطة ذكيه
يعني تخرب بيتها احسن؟
لازم الوحده تحافظ على بيتها وزوجها قد ما تقدر حتى لو زوجها ماشي غلط لازم تحاول تسيطر على اعصابها وتحاول توخد بئيده وتحاول تصلح ما يمكن اصلاحه ،مش من اول غلطه تحمل هالشنطه وتروح عند اهلها ،لانه الاهل رح يطلقوها ،وتصير هي مطلقه والناس تعايرها ، ومحد رح يطلع فيها .
فلازم تحاول تصلح امورها مع زوجها اما بالنسبه اني حيت تتمسك فيه لانه ثري عشان تلاقي سبب تقنعها فيه وذلك بسبب الظروف الاقتصاديه السائده يعني هي اذا اطلقت رح تصيرعاله على اهلها اما مع زوجها هي حرة نفسها ، ان شاءالله اكون اقدرت اوصل المعلومه مع انه الموضوع صعب وبجرح بس لازم استخدام العقل والخروج باقل الخسائرما دام الزوج غير مبالي فمصلحة الزوجه اهم .
26-02-2014 11:47 AM
متزوجه
سؤال؟؟؟
ليش الرجال بخونو ؟؟؟
ماذا يفعل اذا خانته زوجته ؟؟؟؟
رد بواسطة عصام
هو يلي بخون
مش بخون مع وحدة..؟
ولا بخون مع طاولة الجيران..؟!
رد بواسطة للذي علق على متزوجة
هذه التي عملت علاقة ليست متزوجة لا اؤيد عملها مع ذلك ولكن الرجل يخون وهو متزوج ومعروف ان نسبة الخيانة عند الرجال اكثر
رد بواسطة عصام
اختي الكريمة
لنكن موضوعيين
كيف يمكن ان تكون نسبة الخيانة عند الرجال اكثر..؟
من اين حصلت على هذه المعلومة.؟
اذا كان هناك مليون رجل خائن، فلا بد انهم كانوا يمارسون الخيانة مع مليون إمرأة من النساء الا اذا كان لديك رأي آخر مختلف.
من الخائن في هذه الحالة الرجال ام النساء..؟
امركم غريب.
رد بواسطة الى عصام
الرجل يمارس الخيانة مع عشر نساء ثم انه قد يتحركش بواحده ولا تسمع له وتكون الحركشه من طرفه هووليس كل رجل خائن وليست كل امرأة محترمه انمانسبيا المرأة اخلص من الرجل على الافل في المجتمعات المحافظة
رد بواسطة عصام
الرجل يمارس الخيانة مع عشرة نساء
هذا يعني ان هناك رجل واحد خائن
وهناك عشرة نساء خائنات. اذاً واحد الى عشرة
نستنتج ان الخيانة عند النساء اكثر
تحياتي لك
رد بواسطة خخخخخخخخخخخخخخخخخخخ
والست بتخون مع عشرين ياشاطر شكلك بدك فت خبز
رد بواسطة الى عصام
والله عرفت ان سيكون ردك كذلك انا قصدت العدد القليل من النساء عندما ينحرفن ينحرفن مع عشرة رجال واخطأت في التعبير-- في مجتمعنا المرأة تخاف على سمعتها اكثر بكثير من الرجل ولولا الخوف على سمعتها لكان الانحراف عندالاثنين مناصفة الا ان ذلك لا يعني ان هناك شرف من كلا الجنسين
رد بواسطة تصحيح
الا ان هذا لايعني انه ليس هناك اشراف من كلا الجنسين
26-02-2014 11:55 AM
الى المتزوجه
يختي دخلك

الزلمه لما بخون مرته مع مين بخونها

مهو بخونها مع مى تانيه زيها زي مرته

من جنسها

ما بخونها مع غنمة الجيران

اذا النسوان مش راحمات بعض

وكل وحده بدها تلطش صاحب او خطيب او جوز فلانه

النسوان ظالمات حالهم ليش نحط الحق على الزلمه

والزلمه للما بلاقي وحده زقرته قدامه

صعبة المنال

قد حالها

بتحبش الغلط

بتحبش انها تخون الامانه اللي معلقه برقبتها

لو طلع على السما ونزل سابع ارض بقدرش يحصل على نظره من عينها

قال ليش الرجال بخونوا قال

اسألي النسوان ليش سمحتوا بالخيانه من أصله
رد بواسطة خخخخخخخخخخخخخ
الرجل شو مااعطيته بظلو خاين وبحب التجديد مافي رجل بتقدر تمنعه يخون لو انه يملك ملكة جمال . واخيانه من الطرفين بتصير
26-02-2014 12:15 PM
مسافر لوحدي
انت شو دخلك في الموضوع كله
ولا كنتِ حاطه عينك على جوزها وهي لطشته منك؟
في بعض ناس بحكوا خيانه وين الخيانه ؟؟
الزلمه بدو يتزوج والشرع حلل اربعه وتزوج في ما يرضي الله .
رد بواسطة لجنة المتابعة
:)
26-02-2014 12:20 PM
واحدة
أحكيلها. لأنه حقها تعرف ويمكن لما تعرف الخبر عالبكير ممكن تنقذ الوضع لأنه هالموضوع ما بيتخبى ومن مصلحة الجميع أن يكونو على نور.خاصة اذا عندها أولاد
26-02-2014 12:20 PM
الى زيد
يا جبل ما يهزك ريح
انت نوااااااااااااااارة الموقع
استحلفك بالله انا تعود وتشارك معنا
استحلفك باغلى ما عندك ما تزعل
26-02-2014 12:33 PM
ام رياااااااااااااااااااااان
بتستاهل لانها غبيه...اي ازواجنا طفرانييين ولو بدها تيجي علينا وحده من صحباتنا بنطلعهم مش بس من البيت من كل الاردن عشان ما يشوفوهن
كيييييف لما يكون الزوج غني
بعدين 750 مره حكيت الرجال خاينين وما بصدقوا متى ينفتح الهم مجال ليخونوا..
سامع يا مسافر ههههههههه
المهم نصيحتي تحكيلها ولو اضطريت من رقم خاص عشان ما تعرف انه انتي..
رد بواسطة مسافر لوحدي
اه سامع وشايف كمان
في فرق بين الخيانه وبين الزواج على الزوجه مش عارف متى بدكم تفرقوا بالمعنى ولا انتو لازم الوحده تلزق بجوزها طول العمر هههههههههه.
رد بواسطة ام ريااااااااااااااااااااااان
شوف يا مسافر لوحدك وسيبني
انا مقتنعه تماما انه اللي بتزوج ع مرته خاين!!ولا تحكيلي شرع وما شرع
لانه الشرع حلل لاسباب..
مش زي جارنا 50 سنه وراح خطب قال شو بده يعيد شبابه
اي روح واعمل واجباتك ويكثر خيرك! ما انت بتطلع درجتين وبتدخل بعدها مستشفى يوميين!!!مو انت ..الكلام ع جارنا هههههههه
رد بواسطة الى المسافر
اما هو ما يلزق فيها
رد بواسطة مسافر لوحدي
هههههههه يقطع شرك مصره ع اللي براسك اصبح نقدر نقول الزواج من زوجه ثانيه خيانه مشروعه يعني برخصه او نقدر نقول الرجل ما حافظ على العشره مع زوجتوا هاد بحاله انها مو مقسره بواجباته .
لعلمك نادر الرجل يتزوج على زوجتة اذا كان بحبها بالتالي لازم الزوجه تحبب زوجها فيها مشان تحفظ خط الرجعه وما يطسها وحده ثانيه.
رد بواسطة عصام
كل رجل يفكر بالزواج من امرأة ثانية او ثالثة. . . . . . !!!
املأ الفراغ كما يحلو لك.
رد بواسطة مسافر لوحدي
الى الى مسافر
والله هيك دخلنا في أتجاه ثاني
لكن سمعنا انه في كثير نسوان طلبت الطلاق من زوجها وتزوجت واحد ثاني يعني ما حد بلزق بالثاني غصب عنه
رد بواسطة مسافر لوحدي
اخ عصام
نقاشنا على انه خيانه بالمعنى المتعارف علية والمخالف لشرع .
رد بواسطة عصام
مسافر لوحدك
في هذا المربع لم اتطرق لموضوع الخيانة
موضوع الخيانة كان في المربع رقم 6
والزواج من ثلاثة او اربعة فهذا الموضوع مختلف كلياً. وانا لست من المؤيدين حتى لو كان محلل شرعاً. هذا رأيي وليس عليك ان تتبعني.
رد بواسطة خخخخخخخخخخخخخخخخخخخخخخخخخخخخخخخ
ماتنضبي ماعندك غير تردي على الشباب خلص انضبي والله دمك ثقيل ماتفكري انه احنا مبسوطين عليكي بالعكس بنضحك عليكي
رد بواسطة مسافر لوحدي
اتبع مين ؟؟ ما حد بتبع حد نقاشك مو واضع
رد بواسطة الى خخخخخخخخخخ
مش انت نفسك اللي بتحكي على الرجال في رقم 7-هلا صرت بتقول انضبي
رد بواسطة ابو شاهين
والله يا جماعة في نسوان كثير ما عندهم مشكلة يتزوجوا واحد متزوج يعني تكون ضرة وهي مواقع الزواج معبية النت, بعدين الزواج الثاني لا يعتبر خيانة فهو محلل شرعا حتى لو بدون سبب طالما بعلم الزوجة الاولى حتى لو لم توافق, انا مش فاهم شو دخل الخيانة و الكرامة واكبر دليل ان هذه المراة ما مانعت تتزوج هذا الرجل المتزوج الغني وحطي الف خط تحت كلمة غني اذا مين اللي خان بالضبط؟ هل هو الزوج ام الصديقة؟ فما حد يقول الرجال خايننين لان المراة ايضا بتكون خائنة... هي الحج متولي تزوج 4 و كلهن مبسوطات معاه بس بالاخر طلع هو اللي جاب وجع راس اله هههههههههه
26-02-2014 12:46 PM
حلوه متير كتير انا زمش مغروره
الرجال حر بحياته يزوج اربعه المهم معه مصااااااري
26-02-2014 01:08 PM
مصلح
اتصلى مع هالختيار وانا بدلك ايش تعملى وتنصحى صديقتك محترمه وغيوره
26-02-2014 01:21 PM
ام جعفر
لمحي لها بطريقة من الطرق وانه اذا اكتشفت المراة الخيانة فعليها ان تتحمل ولا تهجر زوجها ولكن لا تصارحيها بالحقيقة عالمكشوف انما تلميح
رد بواسطة م.يزن
,

وهل زواج الرجل باخرى خيانه طبعا لا والف لا دعي الامور كما هي وممكن تتزوجيه انتي شو رايك بالموضوع هههههه
26-02-2014 01:22 PM
الدر المكنون
السلام عليك و رحمة الله و بركاته
أختي الرائعة و العزيزة سالي
أشكرك جزيل الشكر على كلماتك الرائعة بحقي التي تدل على رقي أخلاقك و طيبة قلبك و طيب أصلك :)
و دعواتي لك هي دعوات لأناس مثلك يستحقون كل الخير كلما حضرت بالذاكرة شخوصهم و تذكرهم بالدعاء بالخير دائماً :)
تمنياتي لك بحياة جميلة تحمل لك بين طياتها كل ما هو رائع و جميل كجمال روحك و أن يرزقك الله عز و جل أيام أحلى مما تتمنين و أن ييسر أمورك و يوفقك لكل خير و أن يرزقك راحة البال و القلب إنه على كل شيء قدير ،،، اللهم آمين

أخي الكريم سلامة أسعد الله مساءك بكل خير
كل الشكر لك على سؤالك عني ، أنا بخير و أفضل حال و لله الحمد دائماً و أبداً:)
بالنسبة للمنتدى فقد تم إغلاقه لفترة من الوقت لظروف و أسباب وجدتها الإدارة أدعى لإتخاذ هذا القرار بالوقت الحالي
و بالنسبة لأختي الرائعة و العزيزة الألوافيرا سأوصل سلامك لها بإذنه تعالى

كل التحية و التقدير لك و لعزيزتي سالي :)
26-02-2014 01:40 PM
بقمان الحكيم
إخواتي العزيزات , إخواني الأعزاء تأكدوا ن كل شيء بأمر الله تعالى والله عز وجل حكيم.
الأخت التي روت القصة قالت: إن صاحبتها تتفشخر وتتباهى وتتكبر بأن حياتها بهذا الوصف , والله تعالى في ديث قدسي يقول بما معناه :" العزة ردائي والكبرياء إزاري فمن نازعني فيهما وضعته ولا أبالي"
صدقوني يا إخوة أن الله تعالى وضع تلك السيدة المتباهية بمعنى أعطاها درسا وحكمة في وجوب التواضع فالكمال لله وحده
26-02-2014 03:03 PM
عاشق فلسطين
كانو مسلسل تركي
26-02-2014 03:27 PM
دكتور قانون
انصحك باغتنام هذه الفرصة والمسارعة فورا بالاتصال مع زوج صديقتك لتهديده ليختار بين امري : اما ان ينزوجك واما اخبار زوجته بالحقيقة
26-02-2014 03:30 PM
ههههههههههه
شكله انتي كمان حاطه عينك عليه اتزوجيه انتي ثالثه وريحي حالك
26-02-2014 03:40 PM
البيوت اسرار
سلام الله عليك يا اختي...
اولا :
لا تكوني سببا في هدم اسرة ..اخبارك لصديقتك غالبا سيجعل هناك مشكلة فلا تكوني سببا فيها .. وربما لو اخبرتيها ..قد لا يحدث شيء فهناك نساء لا يهمهن شيء الا المال و الحفلات و السهرات ولا تهتم حتى ان تزوج زوجها ان كان المال يهمها.. اقول يوجد وليس الكل..
ثانيا:
دعيها ستعرف وحدها لو بعد حين .. هذا لا شأن له بعبارتك الساكت عن الحق شيطان اخرس.. هو تزوج والزواج حلال..لو فعل امرا اخر ربما اقول لك نصيحة اخرى..
ثالثا:
للأسف الشديد فهم خاطئ لمعنى كلمة الخيانه؟؟
زواج الرجل بأخرى ليست خيانه بالمفهوم الصحيح فهو تزوجها على سنة الله و رسوله لكن ان اقام علاقة محرمة نقول خيانة ..
رابعا:
بعض النساء وللاسف تجلب المصيبة لنفسها بيدها .. ما حصل مع صديقتك هذا كان ثمرة الاختلاط المحرم و هذه كانت نتيجته .. وكلمة النادي التي ذكرتيها لا ادري نادي ماذا تقصدين به..
واخيرا..
دعيهم وشأنهم يا اختي ..ولا تكوني سببا في مشكلة.. كان الله في عون الجميع بالتوفيق

رد بواسطة فؤاد
احسنت اختي كلام جميل
رد بواسطة سلاف
يا جماعة انا بستغرب من المعلقين يلي بحكو " تزوج على سنة الله ورسوله " سنة الله ورسوله بتحكي انه الرجال له الحق بالزواج 4 مش بس 2 ... وحق المرأة " ركزو على حق المرأه الضايع بهاد الموضوع كلما انطرح " انه يخبرها بزواجه قبل الزواج ولها حرية الخيار بالبقاء او الطلاق ... ولا هاي الجزئية ما حد انتبهلها مثلاً !!!!!!
رد بواسطة البيوت اسرار/ الى سلاف
سلام الله عليك اختي الفاضلة...اذا كنت تقصدينني بكلامك عندما قلت على سنة الله و رسوله قصدت بالحلال و ليس علاقة محرمة... بالنسبة لقولك لا بد ان يخبر زوجته و لها الخيار ...هذا يعتمد على سبب زواج الشخص غالبا الذين عندهم سبب للتعدد مثلا عقم الزوجة غالبا يخييرون زوجاتهم ...اما ان نعمم فلا نستطيع ...انا اعلم ان التعدد صعب على الانثى لكن نحن لا نعلم ما في البيوت .. اعذريني اختي
26-02-2014 04:40 PM
الأنيق المشاغب
ما دام معه مصاري فما في مشكلة؟!

يعني ممكن كمان؟! يشوفله ثنتين؟! و هيك بتكون اموره منتازة؟!
26-02-2014 04:47 PM
جاجه
جاجه حفرت على راسها عفرت !!!
26-02-2014 04:51 PM
abo 7yatoo
عصااام تدخلش
رد بواسطة عصام
حاضر
بس مش عارف ليش.؟
26-02-2014 05:01 PM
رواشده
ما بني على باطل فهو باطل

اول باطل ذهاب المراة الى النادي
ثاني باطل تباهي المراة بزوحها وبالالماس ....
ثالث باطل صحبة النساءمع بعضهن الزائدة عن المألوف
رابع باطل تعريف المراة صاحبتها على زوجها


كل هذه المنكرات وتطلب بالاخير حلا

انا ارى ان الله لطف بها وجعل زوجها يتزوج من صاحبتها زواج شرعي دون علاقات محرمة

واستغرب من بعض المعلقين وصف زواج الرجل من صاحبة زوجته بالخيانة

واستغرب من بعض نساء يفضلن ان يكون لزوجها علاقة غير شرعية مع اخرى اقول يفضلنها على ان يتزوج عليها
رد بواسطة واحدة
لا تستغرب لأنه الزوجة تعلم تماما أن الزوج تزوج عليها لأنه زهق منها وهذا الاحساس لوحده مدمر.. ويمكن لبعض الزوجات أن تموت كمدا وحزنا
رد بواسطة رواشده الى واحده
تقولي اذا تزوج عليها يعني زهق منها
اما اذا صاحب نساء مصاحبة غير شرعية بيكون ما زهق منها !!!!!!

تِلْكَ إِذًا قِسْمَةٌ ضِيزَىٰ

مَا لَكُمْ كَيْفَ تَحْكُمُونَ
رد بواسطة واحدة
إنت اللي حكمت ما لم أقله
26-02-2014 05:37 PM
ساالي
(الدر المكنون)
وعليكم السلام والرحمة الله وبركاته

بتأسف منك اختي العزيزة على تأخري بل رد بس والله كنت مشغولة

يسعد مساكي وكل اوقاتك

هاد فخر لي انه انسانةبكل معنى كلمة ومتعلمة ومهذبة وراقية تقول لي مثل هاذا الكلام الراقي ربنا ما يحرمنا منك يا عسل والله انك منبع زووووء

تحياتي حارة ايلك

ممكن طلب صغير يا حبوبة انك تسلميلي على الاولوافير وعاشقة الاستغفار
رد بواسطة الدر المكنون
أختي العزيزة و الرائعة سالي
عذرك معك عزيزتي:) آعانكِ الله و يسَّر أمورك ووفقك لكل ما فيه خير لكِ :)
صدقاً أخجلتني بكلماتك الرائعة التي لا أستطيع أن أقول سوى أنها بعض ما عندك أختي الرائعة:)
سأوصل سلامك بإذن الله و لكن بالنسبة لأختي عاشقة الإستغفار فللأسف انقطع اتصالي بها منذ أن تم إغلاق المنتدى و لن آتمكن من الوصول إليها و لكن آتمنى أن تتابع تعليقاتنا و أن يصلها سلامك و سلامي الحار لها :)
كل التحية و الاحترام و التقدير لكِ يا رائعة :)
رد بواسطة ساالي
عجز لساني عن وصفك بصراحها
يسعد قلبك ما الزك والله اني فرحانة من كل قلبي اني شوفتك بالف خير
رد بواسطة الدر المكنون
يعلم الله أنه شعور متبادل و أني أُكِن لكِ كل تقدير و احترام و محبة :)
تمنياتي لك بأن تكوني دائماً بأفضل حال و أتم صحة :)
أعذريني أختي الغالية أنا مضطرة للذهاب الآن :)
لكِ تحية من القلب :)
أستودعك لله الذي لا تضيع ودائعه
تصبحين على خير و رضى من الرحمن
رد بواسطة ساالي
تسلميلي يا عمري والله انك بنت الناس والطيبة وحبابة ويعلم الله اكم بحبك وبحترمك من كل قلبي

وانتي من اهل الخير يارب
اعذرك معك بتوفيق يارب

يسعد قلبك ما طيوبة
26-02-2014 06:17 PM
خخخخخخخخخخخخخخخخخخخخخ
نص البلد مزوجه عرفي وبالسر ههههههههههههههههههههههههههههههههه
26-02-2014 06:57 PM
الى زيد...................................
تذكر انه انا حلفتك بالله وما في اغلى من رب العالمين اكتب تعليقك وما يهمك كلام البشر
26-02-2014 07:23 PM
لميس
اخ على طقم الماس ببلاش هديه
رد بواسطة ناصح امين
ما في شي ببلاش يا شاطرة.... وبدل طقم الالماس بتدفعي شي كتير غالي و فهمك كفاية .
رد بواسطة لميس
بدي طقم الماس بالحلال
رد بواسطة لميس
والله ماعرفت
رد بواسطة خخخخخخخخخخخخخخخخخخخخخخخخخ
حتى لو دفعت الي اغلى من الماس مابتوخذ اكثر من تلفون لوكس
رد بواسطة لميس
مين بعلئ باسمي انا مابحب الاماس بحب الذهب الاصلي
26-02-2014 08:09 PM
مخطوبه
لو يصحلي واحد مقرش مثله . بترك خطيبي العاهه وبجوزو
رد بواسطة الأنيق المشاغب
صح لسانك يا شيخة؟! هع؟!
26-02-2014 08:10 PM
اردنيه .....
اخي ع ع كل ما نحن بحاجه االيه هو سمااااع اخبارك
26-02-2014 08:37 PM
بنت.
مافي هون شب عنده شقه وسياره وحليوه يخطبني . وانا حلوه مو بطاله ومحجبه ودارسه وبنت ناس مين موافق
26-02-2014 08:49 PM
خخخخخخخخخخخخخخخخخخخخخخخخخ
اخ لو لو يسمحو بالزواج للمرأه اكثر من رجل . لا ذلينهم صح
رد بواسطة الى خخخ
مالك بتوخوخ ؟
26-02-2014 08:51 PM
خخخخخخخخخخخخخخخخخخخخخ
وينك زيد والله بحبك
رد بواسطة --Zaid--
حبيبي والله ،،،، يسعد مساك يا كبير .
26-02-2014 08:52 PM
--Zaid--
تعليق 10 و 27
يسعد مساك/ي ،،،، على راسي والله ،،،، والله أنا ان شاء الله مكمل طبعا هاد في حال جراسا قررت تنشر تعليقاتي ،،،، على اعتبار انه زيد بزعج المعلقين وحفاظا على راحتهم تم كنسلة كل تعليق مني ،،،، وانا بشك انه هاد التعليق رح ينزل اصلا .
رد بواسطة الى زيد
لا انا وحده وانا ياللي طلبت منك ترجع تكتب فكرتك بسببي ازعلت لكن الحمد لله وشكرا الك
رد بواسطة -- Zaid--
سؤال بالله ،،،، انتي نفس الصبية اللي بتعلق باسم مغرور ؟على راسي والله .
رد بواسطة يا الله شو مغرور
صح انا لانه توقعت انك زعلت مني لانه كان في سوء تفاهم
رد بواسطة --Zaid--
لا يختي انا ما بزعل منك ،،،، بالعكس تعليقاتك بتضحكني وترا بتزانخ عليكي عشان اشوفك وانتي معصبة .
رد بواسطة يا الله شو مغرور
شكرا
رد بواسطة اردنيه ....
هلا والله زمان القمر ما بان وينك ابو الزيود شرفت الزاويه زمان عنك ...
26-02-2014 10:08 PM
مش مهم
انا بقول سدي حلقك وسكتي وا دخلك مدام انة منقنش مرتة اتركيها بعزها لا تخربي عليها وقولتيها بدك انتي اتصححي الوضع اسكتي اسكتي خالي الواح ساكت
26-02-2014 10:34 PM
--Zaid--
صاحبة المشكلة
أنا رأيي انه الموضوع لا يعنيكي ،،،،، ولا تخافي عليها بكرة بتكشفه ،،،، كان غيره أشطر،،،، التهي في أمورك يختي وسيبك من دواوين النسوان الفارطة .
رد بواسطة Talya
كيفك زيد،، أنا والله ما جذبني للموقع الا لشوف تعليقاتك،،، جد اسلوبك رائع و كلامك موزون،، حتى انا قرأت اشياء قديمة بهذه الزاوية لشوف تعليقاتك،،، استمر و بالتوفيق .
26-02-2014 10:36 PM
متابع
شكلك انت كنتي حاطة عينك علية بس يا حرام سبقتك هالمستورة
26-02-2014 10:38 PM
ارتقوا بالاسلام
الى جميع الرجال المشكله انه الزواج من وحده ثانيه بتعتبروا حالكم بطبقو الشرع ....يعني ما في مجال تطبقوه في مواضيع ثانيه مثل الذهاب للجامع وقت صلات الصبح او الصدق اثناء الحديث راجعوا انفسكم بعدين بتحكو مثن وثلاث ورباع ...
رد بواسطة على باب الله
شايفه بالله
26-02-2014 11:11 PM
بنت.
عرفيني عليه خليني امثل دور المسكينه والبريئه عشان يخطبني
رد بواسطة --Zaid--
خديها مني ،،،،، هيك بيئة ما بدك اياها ولا بدك تقربي منها حتى ،،،، واذا تمنيتي الغني فادعي ربناه يكون غناه مقترن بالدين لأنه مصاري بدون دين سلامة تسلمك .
26-02-2014 11:27 PM
1212
خير النساء ما عفت وكفت لسانها..ورضيت باليسير..واكثرت التزيين(لزوجها)..قالوا اختر صاحبك في رحلتك بهذه الدنيا فان الصاحب ساحب واعلم بان الاخلاء بعضهم لبعض عدو الا المتقين...وبما ان صاحبتك وزوجها بتوع الماس فأقول لكي سيدتي كما قال الحكماء لان يدخل الجمل من ثقب ابره أيسر من دخول غني في ملكوت الله . والله اعلم.وتحياتي لزيد
27-02-2014 08:12 AM
قرفان
انا بقول لا تحكي الها حرام بعدين ببطل الها نفس تروح على النادي
رد بواسطة الى ئرفاااان
با حرااام كله ولا النادي يا ئرفااان ههههههههه
27-02-2014 09:58 AM
هنا
قصة جدا خيالية
27-02-2014 12:22 PM
nadianasri1
أنا عمري 27 سنة ... صارلي متزوجة من 3 شهور ... عندي شغلة قلقيتني ما بعرف لوين رح توصل ... المشكلة هي تصرفات زوجي غريبة ... يعني لما كون لحالي بحسو بغار علي ... و إذا بدي أطلع بحكيلي شو ألبس و شو ما ألبس ... و بالعكس تماما لما يكون معي ..... بلبسني عالموضة كتير ... حتى لو كان مشوارنا مو مناسب إنو ينلبسلو شي ... يعني صرت احس إنو عيون الشباب عم تمشي معي و وراي ... و بحس إنو هو مو فارقة معو ... و هاد مثال بس ...
انا من اول بحب الموضة و اللبس عالتكة ... بس مو لكل مشوار و لكل مكان ... بخاف أحكيلو شي و أدايقو أو تصير مشاكل ... و بخاف شي يوم يعلق بمشكلة مع شي حدا ... فببلع كتير نظرات و همسات بس عشان ما نتورط ...
شو ممكن ساوي برأيكم ..... و شكرا
27-02-2014 02:00 PM
الى الدر لمكنون
حابب انصحك نصيحة لوجه الله لا تطلعي احد على اسرارك الشخصية حتى لو كان اعز صديقاتك او حتى ظروف حياتك لانه هناك من نشرها غير قصد وللاسف اتمنى تكونياحسن بنت ؟ مع تحياتي.
27-02-2014 02:27 PM
Talya
--Zaid--
مشكلة جديدة
27-02-2014 03:30 PM
وهم
شورايك انتي اتجوزيه سيرو ثلاثه وريحي راسك من هل القصه وصحتين عافيه على قلبكو ياحلوين
28-02-2014 03:12 PM
اماندا
اتصلي مع الزوج و خبري انك عرفتي بموضوع زواجو و تالمتي كثيرا و هدديه : انك يا بتروحي تخبري مرتو او يشتريلك شقه مرتبه يضمن فيها سكوتك !!!
01-03-2014 10:25 PM
مهند
ابن الحرام لا تدفشو بيوقع لحلو.
02-03-2014 12:16 AM
المركب الماشي
سيبك من المركب اركب طنبر
02-03-2014 08:40 AM
طفيلية وأفتخر
الرجال م الهمش امان والرجل لو بحب مرته لو كل نساء العالم يجتمعو ما بشوفهم بعينة بس اذا العيون زايغه بدون ماحدا يعبر كيف لوفي حدا طمعان بفلوسهم!!!!!!!!!!!!!
05-05-2014 12:33 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات