ولا تعملي اشي

كانت الخطبه عن حب
ولا عن طريق زي ما بقولوا زواج تقليدي

لشو هي

مش للخطيبه تكتشف طباع خطيبها

مش لتشوفوا تصرفاته
مش لتعرف على الاقل مبدئيا نوعيته

العصبيه مش اشي بتخبى

ما لاحظتي هاي العصبيه

اذا لاحظتي وطنتشي فهاد ما جنته يداك

احنا الخطبه عنا ببلادنا بتكون علشان تطلع تاكل بوظه وتقعد بمطعم وتشتري الدهب وتشتري الجهاز وتتفتل في الاسواق والمولات
ويجيها هديه بعيد ميلادها وعيد الحب وعيد الرفق بالحيوان وعيد الام وعيد الغاء التمييز العنصري في جنوب افريقيا

بس دراسة الخطيب والحكي معه خارج كلام اللي هو اللي ملحوق عليه هاد ولا بفكروا فيه الا قله قليله من الناضجين ومن اللي بحسبوها بالورقه والقلم وبتركوا الموضوع كله والباقي على الله .

في حالتك معه معه بهدى وكل رجال البلد اولها هيك بعدين بنهد من المصايب اللي بتوقع على راسه من الفواتير والدفع وعدم التلحيق على المصاريف وعلى صعوبة الحياه وكلها بالكتير سنتين تلاته بتلاقي يا دوب لسانه اللي بتحرك لانه بكون أصيب بكل الامراض الساريه والمعديه وضغط وسكري وسلس بول والزهايمر وخرف مبكر والم بالمفاصل

لا تستعجلي لحاله بهدا غصب عنه مو بايده لانها عيشه بتقصر العمر وعيشه بتخلي الواحد يهستر بكفي فاتورة الكهربا لحالها كفيله بازهاق روح اي مواطن اردني حالا بالا .

اللهم انك تسمع كلامي*وترى مكاني *وتعلم سري وعلانيتي*ولايخفى عليك شيئ من امري*أنا البائس الفقير*والمستغيث المستجير*والوجل المشفق*المقرالمعترف اليك بذنبه=أســـــألك مسألة المسكين= وأبتهل اليك ابتهال المذنب الذليل=وأدعوك دعاء الخائف الضرير-دعاء من خضعت لك رقبته وذل لك جسمه ورغم لك انفه اسألك ان
تغفر لي ولوالدي ولجميع المسلمين المخلصين اللهم ان مغفرتك ارجى من اعمالنا وان رحمتك اوسع من ذنوبنا يارب العالمين وصلى الله على نبينا محمد وعلى اله وصحبه

عامليه كطفل مدلل وروضيه او بتزيدي عصبيتك وبتكسري انتي كمان
لازم تصيري مثله حتى تتعايشي معه او طنشيه وكبيه او اخلعيه

اعلمي انه من الصعب ان يغير الانسان طباعه وان مثل زوجك كثير ولكن عليك ان تعرفي سبب عصبيته وقدر الامكان تحاشيها كما انك تاتي اليه بوقت يكون فيه هادئاوتقولين له انك ليس لك ذنب في ما حصل وانه في التكسير خسارة مادية كما ان احدى النساء كان زوجها مثلك كانت كل ما كسر غرضا تعطيه آخر لكسره فاتعظ --صحيح انه خسارة ولكنه يعود بالفائدة علما اني لا اشجعك على ذلك الا اذا فشلت في الاساليب الاخرى--ومع تقدم السن تخف العصبية والله يوفقك

كسري راسه

جوزك اكييييييييد معه ضغظ وانتي اللي ضاغطيته

هاظ الي ناقص اما دلع زلام

الله يكون بعونك والله العصبيه جدا مزعجه خاصة اذا كانت على اتفه الاسباب ..اهم شي لا تحاكيه اذا كان معصب اتركيه فتره بدون كلام الصمت ساعات بيجيب نتيجه اما اذا احتديتي رح يشوف حاله وبيلاقيها تسلاايه الشغله هههههه .... ولا تنسي تدعيله بالسر الله يهديه وبس وربنا يهدي بالك

اقنعيه يعمل فحص الغدد الدرقيه

والمعالجه

ويا محلى طوله البال

ما بعرف اذا بدخن او لاء بس الدخان سبب رئيسي بتقلب المزاج والعصبيه ...وكتفسير شخصي بعتقد انه هذا النوع من العصبيه هو عباره عن ضعف في الشخصيه ويسهل حلها وذلك بالانشغال بأشياء مفيده وزيادة النظام والرتابه في الحياه يعني قراءه القران والتسبيح بإنتظام والزيارات ...يعني علاج هذا الموضوع هو تقوية الايمان بالله تعالى لانه الايمان بزيد قدرات التحمل عن الانسان بطريقه هائله وبزيد احتماليه ضبط النفس بشكل كبير يعني الواحد بصير يحسبها صح ...على كل حال الازواج عادة بتعلمو من بعض فإنتي طبقي هذا الكلام بلكي تعلم منك

لا احيانا بده يفرجي حاله انه زلمه

ياي ياي عسبي كتييير . ياي انا شوبحيب العسبيين . انا جوزي مو عسبي ؟.نفسي اشوفه .معسب بس مابعسب وهاده الشي بعسبتي كتييييير . ساعدوني

اخلعيه من جذوره

لا تشكيلي ببكيلك!!!
نوووووو كومنت
بس ببشرك بالبدايه بكون فيه تكسير للاشياء..اما بعد اكمن سنه بنهد قواهم شوي فبصير صراخ وبس!
وبعد فتره طويله بصيروا ارانب وما بعود يطلع صوتهم.
طبعا مرحله الارانب لسه ما وصلناها بس ع ذمه جارتي هيك بصير ههههههه
اصبري وما صبركِ الا بالله.

مساء الخير
التعليقات كثير بطيئه في محررين اليوم ولا لا

صاحبة المشكلة
ما في رجل بالعالم مش عصبي ،،،، اللي بختلف هو الدرجة وطريقة التعبير عن العصبية ،،،، اللي مستغرب منه انه أهل زوجك ما انتبهوا على تصرفاته وهو صغير ،،،، بذكر القصص والبلاوي السودا اللي كنت أجيبها لأهلي لكوني سريع الغضب والإشتعال ،،،، كنت عنيف نوعا ما وتجاوزت المرحلة عن طريق الكاراتيه ،،،،، والكلام نفسه بنطبق على زوجك بأي رياضة بتريحه وبتساعده على تفريغ غضبه والشحنات السالبة اللي بداخله بس ما يروح يطبق اللي بيتعلمه عليكم ،،،،، بالنسبة الك حاولي تتجنبيه ل الباشا وهو معصب بيهدى لحاله وبحس بغلطه ،،،، اذا استمر على هاي الحالة ما حد بطلعله يلومك ع أي قرار ممكن تتخذيه لأني بجزم انه انتي وطفلتك ما بتستحقوا هذا الكم الهائل من النكد .

بعدنا ما وصلنا لحل في بلادنا لعلاج حالة العصبية المبررة و الغير مبررة عند الرجل
أخ مثقال اسعد الله اوقاتك بكل خير ايها الانسان المحترم
صدق سبب دخولي للزاوية اليوم اني جيت اسلم عليك
تحياتي لك و للجميع

لاي ساعه التعليقات اليوم

عصبو قرد يشيلو

والله جراسا نيوز رجعت وبقوة ،،،،، بتستاهلو والله ،،، قرايبي وأهلي من السعودية والكويت بتابعوا اخباركم وسمعة الموقع طيبة هناك ،،، بالتوفيق .

بحب احكي للشباب المعقدين المريضين نفسيا الي عندهم عقدة النقص . انه مافي بنت بعصر التكنلوجيا مابتحب مصاحبه. لا تغلبو حالكم وتدورو على ابره بكوم قش . وروحو تعالجو عند طبيب نفساني . مابوخذ كتيير مصاري .

حطيلو منوم خليه ينخم ينام وريحي راسك

في تعليقات ما بتنزل وبتتاخر كتير

(( أَلا بِذِكْرِ اللَّهِ تَطْمَئِنُّ الْقُلُوبُ ))[الرعد:28].

- توجد أماكن معينة في الدماغ يحدث فيها نوع من عدم الانتظام في إفراز مواد معينة تعرف باسم الموصلات العصبية، ومن أهمها مادة تسمى باسم: السترتونين، ولقد وجد أن ضعف الإفراز، أو عدم انتظامه، أو عدم التوازن بين هذه الموصلات، هو الذي يسبب مثل هذه العلل ويمكن اخضاع الشخص لعلاجات سلوكية لعلاج العصبية الزائدة.

- ان اضطرابات الغدة الدرقية كما في اضطراب افراز هرمون الثايروكسين في الجسم يؤدي الى العصبية الزائدة .

- نقص الكالسيوم وفتامين د وفيتامين B12 يؤديان الى العصبية الزائدة .

اذا يجب ان تتم دراسة الاسباب السابقة ومدى تواجدها عند الشخص لعلاجه وبالتوفيق ان شاء الله .

حبيبتي في مجال تخلعيه بأسرع وقت وتبحثي عن الزوج اللي يعوضك ويسعدك وأنا جاهز لو عاوزه اعطيلك ايميلي

بصراحه ومن الاخر زوجك ناقصه حنيه يعني بس يقعد يتابع التلفزيون المفروض انك تتعطري وتزبطي حالك وحطي راسه بحضنك و صيري العبي بشعره وسويله مساج في منطقة الراس والصدر لانه هادي المناطق كتير الرجل بحس فيها بالحنان والهدوء ،غير المناطق التانيه الي بتحسس الرجل بالعاطفه والانجذاب المؤقت، لازم تحني عليه اشعري باهتمامك بالمداعبه والملاطفه مش كلشي جنس وبعديها بترجعو متل ما كنتو ،،لازم الاحاسيس اضلها مستمره
على طول ،لاتنسي انه زوجك بتعرض لضغوطات عمل ، بتعرض لمواقف خارج البيت يمكن ما بحب يحكيها ، ومتل ما حكيتي عنه حتى وهو بسووق مجرد اجى حدى قدامه بعصب انتي بهادي اللحظه افتحي موضوع اتغزلي فيه او امسكي ايده بهدى،، وان شاء الله عصبيته بتخف والله يهدي النفوس،،،، تحياتي

جوزك هذا لانه ملطشه الشغل والجيران والاصحاب وما بيستطيع مواجهتم او مجاراتهم ولانه ضعيف شخصيه فافندينا بيجي وبيتفشش فيكي وفي بنته وصدقيني الرجال اللي هيك مستقبلا مشروع خرووف ...وخرووووف كبير كمان ... اصبري عليه سنه زمان وصدقيني ليجي يوم وتقولي مشان الله بس الزلمه يحكي في الدار .

خليه ياكل موز كثير ولوز مقشر وعشبه التاقر واخخلطيهم مع خمسين نقطه ميه من البحر الميت مع اربع شعرات من عصفور الهاونر الافريقي بصير هاديء جدا شكلك عندك فراغ كثير يا ماما هلا انا عصبي كثير يا خساره العيش والملح الي بينا

اسمعي يا بنت الحلال ,,, طولي بالك عليه هاي الامور تزول تدريجيا بكره من كثر ما بتفاعل وبعتاد على اولاده رح يصير هادي لدرجه تنزعجي منها ,,, مسالة وقت لا تقلقي ,,, وراجعيني بعد كم سنه اذا الاولاد ما ركبوا على رقبته وهو بضحك ههههههههههههههه

اشكي عليه عند حماية الاسره بلكن بتربى

طيب بلكي شايفلو شوفه ومنشان هيك بنكد عليكي والله يا خوفي شكلو شايفلو وحده شاميه وبحاول انو يخليكي تكرهيه حتى يطفشك عند اهلك حتى يجوز عليكي بس مع هيك لا تستسلمي اظغطيه قد ما تقدري بس ديري بالك تزعلي عند اهلك ولا بتروحي بكيسك ....؟ مع تحيات محضر خير

الى صاحبة الطرح تحية
سيدتي : نحن العصبيون صدقيني لنا قلب طيب جدا ونكره صفة العصبية فينا ولا نطيق هذا السلوك الذي يأتي احيانا من ضغوطات العمل والروتين .
انا عصبي بطبعي ولكن لا تدوم عصبتي اكثر من 5 دقائق لاعود الى هدوئي وكم من مره وجدت ان السفر وتغيير الروتين يضفي الى نفسي كثيرا من الراحة
ان كانت ظروفكم المادية تسمح بالسفر فهذا جيد وان لم تكن فرحلى قصيرة داخلية تجدد النشاط وتنفث بعضا من الضغوطات
وعصبية الرجل لها عدة اسباب وانا مدرك تماما معرفتك سبب عصبية زوجك ولن اخوض في سؤالك فأسرار البيوت حرمة لا يجوز البوح بها ، لن اطيل اكثر ، اما عن عصبية زوجك اثناء القيادة ، بصراحه معه حق لانه ناس بتجلط لا احترام للطريق ولا حتى يوجد لديهم الايثار .
حاولي اعطاء زوجك وقتا لوحدته بعيدا عن صخب الاطفال واجعلي الابناء يخلدون باكرا للنوم لتحظي بوقت خاص معه يضفي نوعا من التجاذب والهدوء والحديث في اشياء لها ذكريات جميله ولا تجعلي حديثك معه عن التزامات المنزل او اخبار الاخرين المزعجة التي باتت سببا للضغوطات النفسية
وبالتوفيق

راكان ........ عصبي

سيدتي كما قلت سابقا العصبية حالة تأتي نتيجة ظرف يحتم العصبية اما ديمومة الحالة على مدار اليوم ولأي سبب هي أزمة اخلاق وخلص تخلينيش اعصببببببببب

غريبة الزاوية فاضية !!! الشعب هاجر ولا شو ؟

السلام عليكم

....

اه يا حبيبتي تعالي خذي عصبية من المجنون اللي عندي طولي بالك واصبري ويجعلو في ميزان حسناتك وتذكري الكاظمين لغيظ