انصحوني .
جراسا - انا بنت عمري 27 سنه احببت شاب اصغر عمره 22 اصغر مني . وهو متعلق في كثيرا ويحبني . ويريد التقدم لخطبتي . لكن اخاف من رفض اهلي واهله . بسبب الفرق بالعمر . مع انه لمح لأهله عني ولم يرى قبول وانا لمحت لأمي ولم توافق . ما الحل لكي نرتبط في بعض . ارجوكم ساعدوني . ؟
انا بنت عمري 27 سنه احببت شاب اصغر عمره 22 اصغر مني . وهو متعلق في كثيرا ويحبني . ويريد التقدم لخطبتي . لكن اخاف من رفض اهلي واهله . بسبب الفرق بالعمر . مع انه لمح لأهله عني ولم يرى قبول وانا لمحت لأمي ولم توافق . ما الحل لكي نرتبط في بعض . ارجوكم ساعدوني . ؟
تعليقات القراء
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
اذا الكم نصيب مع بعض رح توخدوا بعض غصب عن الدنيا كلها
بعدين 5سنين الفرق عادي..اخي زوجته اكبر منه ب 15 سنه وانا اللي سعيت بزواجهم لانهم بحبوا بعض وما شاء الله عليهم بجنننوا.اما انت بدك تقنعي امك وهو يقنع اهله وكل شيء قسمه ونصيب
الحب اولا واخيرا بالتوفيق
الحل
جيبو حبلة كتاااان نوعية كويسة
وارتبطو ببعضكم بشكل ماكن
واوعكم تفلتو بعض لحد ما يرضو المامات
بالعكس بجنوووووووا كثير مع بعض بكفي انهم بحبوا بعض
وانا مستحيل اشوفهم بيتعذبوا وما اساعدهم لهيك سعيت بزواجهم .كل.شخص اله قناعاته الخاصه
بالعكس بالشكل مو مبين كم عمرها يا جماعه بكفي انهم بحبوا بعض
يا روحي
الحلو يكون الشب اكبر من البنت
انا هلا انتبهت لكلمة الله لا يسامحك ..يا سيدي او يا ستي انا بحب اجمع العشاق وين المشكله بالموضوع
قووووول بيبسي خخخخخخخخخخ
حرام عليكي لسه شب صغير العمر قدامه لسه اصلا ما بكون صاحب قرار ولسه متخرج من الجامعه هاد اذا كان متخرج
انتي امرأه واللي بعمرك يا فاتحه بيت مع واحد من سنها يا متزوجه واحد اكبر منها بشويه
وهو لسه سنفور صغير
وفي شباب صغيره بتلفت انتباههم البنات الكبيره بالسن او المتزوجات
بحس انه هو قدر يلفت انتباههم او يعجبهم وبتكبر الانا فيه وبشبع غروره كشب يافع وصغير قدر انه يلفت انتباه وحده اكبر منه
وبعدين اللي زيه بده وين ووين ليفتح بيت ويشتغل ويصمد
من كل عقلك انتي بتفكري بالموضوع
قوليله يا خالتوا شفلك وحده سنفوره من جيلك اكسبي فيه اجر بدل ما تضحكي على عقلاته اللي لسه ما ركزوا
ههههه هذا مجرد لقب الواقع شيء مختلف تماما
ما تردي عليهم هدول شغل تنكيس
صحيح اهم شي بحبو بعض والباقي مو مهم
بالله عنجد زهئانه وئرفانه منيح الي حكيتي لآني كنت ناسي أنسى
الله معك يختي دربك بنفسجي
والله كلو أنيل من بعض كبير ولا صغير
لكبير بجلطك ولصغير بدك دايما تلاحقي ٢٤ ساعه بدو يراهق
اللي بدها تحكي ءال وءلنا وما تكتب بديش كتب /ما بدي /حتى يليق بستايلك.
هههههههههه لا لا بالله علئي خلص خلص جيرة الله تعلئي
لاااااااااا ازا ما علئتي كلنا رح نعمل إضراب وما نعلئ
هههههههههههههههههههه يا شيخ اتنيل اكييييييد انتا شب وجاي تنكش مخاتك
صووووووح
ليه بتكتب باسمي !!!!
اسمعي فكري بمنطق وبعقل اكبر من هيك هسه فرق العمر بينكم كبير لانه الزواج تكافؤ من جميع النواحي وممكن النتائج بتظهر بعد فتره وبتهدم حياتك في وقت لا يمكن تقدري تصلحي شي بتعيشي تعاسه دائمه
صدقيني الشب نفسه اول واحد رح يعايرك بكبر سنك وفرق العمر انسي ربنا برزقك بواحد مناسب الك افضل من انك تعيشي حياتك بصراع دائم
لانه الموضوع غلط حتى اهلك واهل الشب لم يتقبلوا الفكره من البدايه
سبحان الله البنت بعد الزواج ولما بصير عندها اولاد ببان عليها الكبراسرع من الرجل واذا تزوجتيه بكره بعد كم سنه اكيد بلاحظ الفرق وبصير بده وحده غيرك اصغر .....
وانت شو بدك بوجع الراس اتركيه
افضل الك واله
استغرب ممن يتكلمون عن الحب بهذه الطريقة. الحب يجب ان لا يظر على السطح قبل الزواج او خلال مراحل الخطوبة الاولى. اعلم ان هذه المعلومة صدمة للبعض ولكن هذه هي الحقيقة. الحب في هذه المراحل الاولية بعد اول لقاء ما هو الا اعجاب فقط. يعجب الفرد منا في المظهر او اللباس او طريقة الكلام، اي في الشكل العام الخارجي الظاهر فقط. يجب علينا ان لا نفتح قلوبنا ونخرج الحب قبل معرفة الاخلاق والدين. ولا اقصد بالدين هنا الصلاة والصيام والشعائر الدينية، وانما ان نتق الله في التعامل مع الآخر، وهذا الكلام لجميع المنتمين للديانات المختلفة. الدين والاخلاق هي الاساس الذي يبنى عليه الحب. والحب لا يبنى عليه زواج. وانا اعرف الكثير من الذين تزوجوا بعد ان اعتقدوا انهم يحبون بعضهم البعض ولم يدم زواجهم اكثر من ثلاثة او اربعة شهور وربما عام كامل او عامين على اكثر تقدير. لماذا : لأنهم اعتقدوا انهم يحبون بعضهم وكانوا لا يعلمون او يعلمون بأن هناك بعض السلوكيات السلبية في الآخر، ولكنهم يعتقدون انهم سوف يتمكنون من تغيير بعضهم البعض بعد الزواج. وهذا من الاخطاء القاتلة التي يقع فيها من يظهرون حبهم قبل معرفة اخلاق الآخر. الحب في القلب يصدر تشويشاً على العقل ولا يستطيع اتخاذ القرارات الصائبة.
اما بالنسبة لصاحبة المشكلة. اعتقد انها سوف تعاني هي ومن احبته من مشاكل مستقبلية. علمياً المرأة الاكبر سناً لن تتوافق مع الرجل الاصغر منها بخمسة سنوات. طبعا هناك من يفعلون ذلك ولا يزالون مستمرين ولكنهم ليسوا قاعدة. كما ان هناك من لا يقدم على مثل هذا الزواج. وعلى الاغلب من تتزوج رجلاً اصغر منها بخمسة سنوات سوف تعاني اشد المعاناة بعد عدة سنوات على اكثر تقدير. واذا كان هناك ما يعيق تقدم الشباب لخطبتك ربما يكون هذا سبباً في القبول بزواج من هو اصغر منك سناً لعدم اكتمال الوعي او الادراك لديه فيما هو مقدم عليه. وفي الوقت الذي ينمو لديه الوعي والادراك، ابشرك ببداية المشاكل الصعبة.
استغرب في انكما تعتقدان ان رفض الاهل لزواجكما جهل منهم. او انكما تعتقدان انهم لا يعرفون نتائج الزواج بهده الطريقة. او لمجرد انهم كبار في السن ويجهلون معنى الحب في الحياة المعاصرة.
هذه قناعتي الخاصة وليس عليك ان تتبعيني.
ولا اطلب منك ان تفكري مثلي ولكن اطلب منك ان تفكري
تحياتي وبالتوفيق
كلام منقول
مشكلتها انها قررت قبل ان تفكر و بما انها طرحت قصتها هنا، عليها ان تفكر لتقرر.
السؤال هو ما هي النقاط التي يجب أن تضعها لتفكر بها حتى تصل الى القرار ؟
اتمنى لو ان البعض منا يضع بعض النقاط لنفكر لها بها و نقرر لها و هي تقرأ ما نطرحه و من ثم تقرر ما تريد !
انت طرحت من تلك النقاط ما كان في كلامك ”علمياً المرأة الاكبر سناً لن تتوافق مع الرجل الاصغر منها بخمسة سنوات.“
احتراماتي لك
لا وانت الصادق اخي 20 .وزوجته 35
مش فاهمه والله
اعتقد مو من الزوء تكتب بلقب غيرك احترم حالك!!
يعني الحب ما بعرف يفرق بين عمر الاشخاص ولا حتى مستواهم الاجتماعي ...وكل شيء قسمه ونصيب
هههههههههههههههههههههههههههه
بالعكس البنت يتيمه واحنا اغنى منهم بكثير
ياجماعه في اشي اسمه حب ... love
اكيد بتعرفوه
وربنا كتب للانسان قسمته ونصيبه وقدره وكل شيء يتعلق بحياته
من اول يوم يولد فيه .وخلص بكفي لليوم نراكم غدا
هذا سؤال تسأله لقلبك مو الي
آمنت بالحب وبدونك الحب كفر
ارحمي قلبي الذي لا يعشق سواك
في ثناياه الحب استقر
وحبك دون غيره احتكر
انا الأناني بحبك
انا الشقي
انا المعذب
من نورك خجل البدر
وأبى الا ان تسكني مكانه
يا أجمل من في البشر
ههههههه
اسمعي ابتعرفي الحب الكذب ايوه كذب هاي قصتك باختصار
وسلاااام اااااد كده الك يلا سلام
الزاويه ما بتكون حلوه الا بوجودك
:(((
مع انه ما في داعي لهدا السوال بس رح اجاوب
البيبي على الطريق اشهر قليلة وبنور عالدنيا
احم.. احم انا بقول كل شي نصيب ما بتعرفي الله شو كاتبلك وازا الكم نصيب مع بعض رح ترتبطوا .. مع انه انا شايفه انه عمر الشب غيير مناسب تماماً لتحمل المسؤوليه وفتح بيت هلأ
مش تكبر .. بس بنفهم شغله وحده فوت من الباب اشرب قهوتك وهات حلوانك والماذون غصبن عنك هههههه
تحياتي واعتذر عن التأخير
مساء الخير للجميع
محرر
مساء الفل
ينقل الكلام
لارسلت لك مع كل موجه
سلام
واحلى تحيه لاحلى محرر
رجع السهم .. لللللوللللللويش
و يجبــــــــرك قلبــك ان تشتــــــــاق اليــــــــه ......
و تأمــــــــرك روحـــــــــك ان تســـــــأل عنــــــــه.....
... ... ...
و يحتـــــــــل كل زوايـــــــــــا قلبــــــــــك......
و تتمنــــــــــى له الخيــــــــر و النجــــــــــاح..........
وتدعـــــــو لــــــــه بظهـــــــــر الغيـــب ان يكـــــــــون سعيـــــــــدا ....
حتـــــــــــى و ان كـــــــــان بعيدا ....عنـــــــك
طيب هات زي ستنا خديجه
وهات زي سيدنا محمد صلى الله عليه وسلم
وبعدين قول خلي الناس تتزوج زيه
مين زيهم مين متلهم
هاد سيدنا محمد سيد الخلق
وهاي ستنا وامنا خديجه رضي الله عنها وارضاها ما الها مثيل بين النساء الا ستنا مريم وستنا فاطمه
من أجل مصلحتك أكتب لك..
صدقيني تلك هي الحقيقة والا ستعانين كثيرا معه عندما يختفي الحب واللهفة وبعد مرور فترة بسيطة من الزواج ستلاحظين أنه سيغير وتقعي مع نفسك بمشاكل نفسية من حيث عدم الثقة والخوف وسينعكس ذلك على تصرفاتك لاحساسك بعدم الأمان وخاصة عندما ينضج الشاب بعمر الثلاثين ويتغير تفكيره..
ببساطة الحب وحده لا يكفي
ولا أعتقد أن أهله سيسمحو باتمام الزواج وستتفاجئي يوما ما أنه يتصل بك ليخبرك أنه مقدم على خطبة أخرى تنفيذا لرغبة أهلة مع باقة اعتذار.
واذا بترجو لسيدنا محمد اتزوج يتنا خديجه وهي اكبر منه كان عمرها 40 سنه وهو 25 يعني لو فيها غلط ما عملها سيدنا محمد شو المانع اذا متفاهمين وكل امورهم تمام
ما علينا.. حبيبتي صاحبه المشكله ما بنصحك ابدا بهيك زواج
لك دخيلك بنتزوجهم اصغر مننا وبنكون مثل لعب باربي وطبعا ما زلنا لعب باربي
وبيشوفوا حالهم علينا!
كيييف اذا كانوا اصغر!
فشو بتستني ليجيكِ واحد من جيلك او اكبر بكم سنه.وبالتوفيق
مو غلط تتزوجوا , بس فترة و رَح تتطلقوا ..
Good Luck,
بعدين حبيبتي معروف عند الجميع انه بنت بشكل عام ببين عليها كبر قبل شب يعني اذا تزوجيته مع الايام رايحهين صحابو يحكوله شو متزوج امك بضلهم وراه لعند ما يتزوج عليكي بعدين بتصيري توكلي اصابعك ندم
ربنا بختارلك افضل لو في نصيب بتوخذيه لو ما في نصيب لو تبكي لليل نهار على فاضي
كيف بسمح للرجل ياخذ وحدة قد حفيدته
وبحرم على المرأة تتزوج واحد اصغر منها بسنة
مجتمع بكيل بمكيالين لا تعنيني قوانينه الخطأ
صاحبة المشكلة
================
مادام الشخص بحبك ومقتنع فيك وانت نفس الشي
بتقدروا تظلوا مصممين على رايكم
لان الحب الحقيقي نادر بهالايام
===========
قرات تعليقاتك
في ناس مابتفهم بالمشاعر
عندها تخلف بعيد عنك
لاتغلبي حالك
الرجل بمجتمعنا عنده عقدة نقص
طبعا مش الكل لكن المعظم
ابحث عن حروف اسمك بين السطور
نسيت كل شئ حتى اسمي
ما عدت اذكر شيئا الا رقتك
وكل شئ يسألني
من أين هذا العبير
أقول
هي السحر والعبير
دلع ملاكي الصغير
ما بعرف على شو بتحبها
اولا مش صحيح انه مجتمعنا يكيل بمكيالين ،،،،،، لكن جرت العادة انه يكون الشاب أكبر من البنت لتحقيق نوع من التكافؤ في الزواج ،،،،، واللي حكو الرسول عليه الصلاة والسلام تزوج السيدة عائشة وهي أكبر منه ،،،،، بحكيلهم شو المغزى من ضرب هذا المثل ؟؟؟!! إثبات شرعية زواج الفتاة من شاب أصغر منها !! ما جبتو اشي جديد لأنه بنعرف انه زواجهم مش محرم شرعا،،،،، ولا إثبات نجاح زواج الفتاة من شاب أصغر منها !!!! انتبهوا انه بتحكو عن أشرف الخلق والمرسلين وما في حدا على وجه الكرة الأرضية مثله ولهذا السبب نجح زواجهم وما بينفع تقارنوا أيا كان في الرسول عليه الصلاة والسلام .
الموضوع راجعلك ،،،، بناءا على قناعاتك بتقدري تقرري اذا زواجكم مكتوب له النجاح أو الفشل ،،،، بالنسبة لقناعاتي الشخصية في سيناريو برجح انه رح يرجع ينعاد في حالتك ،،،،،بتتزوجو ونص أهلك غضبانين عليكي ،،،، وأهله مش رح يبلعوكي ،،،، بعد فترة عنترة بن شداد بتأثر بحكي اللي حواليه وبقرر يجدد شبابه ويتزوج وحدة أصغر منه ويا ريته ألف مبروك .
والله ما رح يخرب بيتنا غير الأفكار المتخلفة اللي طلعتولنا فيها ،،،،، بدكو مساواة بين المرأة والرجل !!!! والله ما بدكو غير عصاي تتكسر ع جنابكو .
============================
ليش محظور علينا احنا البنات نجي لهون ونناقش
بعدين وين اسمك يامجهول
شايفني حامل سيف خايف مني لتحكي باسمك
مثل ما انت مقتنع برايك وانا كمان مقتنعة
الشب بمجتمعنا بكون ولا شي وبصير يتشرط ويطلب
ولما كمان بختير ببقى كما هو بفكر ان المراة قطعة اثاث لازم يختار اما هي مسكينة ما الها نفس بدها ترضى باي متخلف بتقدم الها
عفكرة عقد النقص الي عند بعض الرجال
مانماها عندهم الا بعض النساء الي بتفكر ان الرجل مخلوق ما اله مثيل
وعليك أن تعرفي إذن ، أنك لن تسمعي منه كلمة اعتذار ما حييتِ....
ومهما اقترف من أخطاء في حقك ... لن تستطيعي محاسبته !
من كتاب " نسيان com"
اللي فهمته من الجملة اللي فوق انه الفقمة كائن بحري نمت عنده مهارة السباحة لأنه بعيش بالصحراء .
والبنت هي اللي بتختار الشب والشب بكون قاعد بستنى البنت ترضى عليه وتوافق
البنت هي اللي بتقول اه او لا
البنت هي اللي بترسم على الشب
البنت هي اللي بتخلي اشب يلف حوالين نفسه اذا حطته براسها
البنت هي لما تفكر تتزوج بتلاقيها فورا خططت ورسمت على الشب
وهي اللي بتتشرط
وهي اللي بتختار البيت
والمنطقه
وهي اللي بتشور وبتمون
والله الشب بلاقيه انه هو الحلقه الاضعف بالعلاقه بين الرجل والمرأه
بتلاقيه شب بياخد العقل بتلاقي غوله رسمت عليه ووقعته بحبالها وبطل يشوف حواليه
بتلاقي عاقل وهادي بتقوم بتجننه بالتلفونات تبعتها وبحكيها السياسي عن قضايا الامه العربيه وخصوصا تخلف الامه العربيه عن ركب الحضاره
بهالايام البنت هي اللي بتخطط للجريمه جريمة الايقاع بالشب وجر رجله يا لعلاقه يا لزواج وهو المسخم ما بايده حيله وقع الوقعه اللي هي وطبس وكان اللي كان
يسعد مساكي ،،،،، ما في اشي يختي ،،،، تضارب آراء مزمن مش اكثر .
يادلع حرام عليكي عبري الرجال بكلمه وحده ههههههههههههه
انا اكبر من زوجي بسنه واتزوجنا عن حب بالرغم من انه هو الي ضحى وكان مسويلي حاله روميو الا انه بعد الزواج دايما مستصغر حاله ومحملني المسؤليه واهله لما بدهم يحكو عن حدا صغير بذكرو اسمه ولما بدهم يذكرو حدا كبير بذكروني وكاني اكبر منه بعشرين سنه .
اتزوجتو وانا عمري 24بحياتي ما حسيت اني صغيره من يوم ما اتزوجته ولا شعرت بالدلع الي بتحسه الي بتتزوج واحد اكبر منها، اناندمانه كتير لاني حرمت حالي من هالشعور ،
الي بقهرك انه كل فتره بيجي بحكيلي بتعرفي الكل متفاجئ انه انا صغير ومخلف مع انه عمره صار هلاء ٣٢ سنه بس لا زال مستصغر حاله ،
علاقتنا منيحه مع بعض بس الشعرو الداخلي الي عندي انه انااكبر منه على ظول برايئني زائد تصرفاته الغبيه في بعض الاحيان،
انا حكيتلك شوي عن تجربتي لانه انا من جد ندمت لاني اتزوجت واحد اصغر مني جد مش مزح
فلا تتسرعي وخصوصا انتي اكبر منه
بكتير ٥سنين بنظري كتير ورح تتعبي معه .
لكن ازا هو غني و وضعه لوز وشايفتيه ما بتعوض انا ممكن اغير وجهة نظري لانه صغير وغني اهون من كبير ومفلس ، وانتي شوفي الي بناسبك ... تحياتي
أي حب اللي بتتغنو فيه ؟؟؟؟؟؟؟؟؟؟؟؟
الى الأخت حوريه.
والجميع.
انا اول مره بعلق. بس الشيء الي لفت بالي. هو تعليق الأخت حوريه. مشالله. والله يجيزكي الخير. كلامك رائع. وأرجو من الجميع انا نأخذ به.