احتاج النصيحة
جراسا - مرحبا انا بنت عمري 28 سنه من الاردن احمل شهادة ماجستير هندسه.
قصتي باختصار انه انا بعد ما تخرجت من الماستر ما لقيت شغل في الاردن لانه انتو بتعرفوا الوضع الاقتصادي والبطاله في الاردن ساعتها حسيت انه تعبي ودراستي رح يروحو عالفاضي مشان هيك سافرت عالسعوديه بعد ما اجاني عقد عمل في جامعه وصرلي نص سنه مسافره والوضع المادي الحمدلله صار ممتاز. مشكلتي انه عندي حنين لاهلي وخايفه يروح العمر وانا هون وحيده وغريبه مشان هيك محتاره بين اني اظل هون وحيده مشان مستقبلي ولا ارجع على الاردن بس بدون شغل ولا مستقبل.
مرحبا انا بنت عمري 28 سنه من الاردن احمل شهادة ماجستير هندسه.
قصتي باختصار انه انا بعد ما تخرجت من الماستر ما لقيت شغل في الاردن لانه انتو بتعرفوا الوضع الاقتصادي والبطاله في الاردن ساعتها حسيت انه تعبي ودراستي رح يروحو عالفاضي مشان هيك سافرت عالسعوديه بعد ما اجاني عقد عمل في جامعه وصرلي نص سنه مسافره والوضع المادي الحمدلله صار ممتاز. مشكلتي انه عندي حنين لاهلي وخايفه يروح العمر وانا هون وحيده وغريبه مشان هيك محتاره بين اني اظل هون وحيده مشان مستقبلي ولا ارجع على الاردن بس بدون شغل ولا مستقبل.
تعليقات القراء
فراولة
لاااااا خليكي مكانك
قال ترجع قال
لشو بدك ترجعي هون
الوضع بالبلد من سيء الى أسوء
وازا على الحنين كل ما تشتاقي لأهلك أنزلي أجازه
وازا اجاكي واحد منيح إرتبطي فيه وهيك بتبطلي وحيده
انا لو مكانك هيك بعمل
قال ترجع قال
لشو بدك ترجعي هون
الوضع بالبلد من سيء الى أسوء
وازا على الحنين كل ما تشتاقي لأهلك أنزلي أجازه
وازا اجاكي واحد منيح إرتبطي فيه وهيك بتبطلي وحيده
انا لو مكانك هيك بعمل
09-01-2014 11:20 AM
محمد التميمي
صاحبة المشكلة
تحياتي الطيبة
ممكن انتي وين بالسعودية اي منطقة انا متواجد بالرياض حاليا
اما الحنين للاهل فهدة غريزة داخلية فينا وبتكون اشد واقوى عند البنات من الشباب
تحياتي الطيبة
ممكن انتي وين بالسعودية اي منطقة انا متواجد بالرياض حاليا
اما الحنين للاهل فهدة غريزة داخلية فينا وبتكون اشد واقوى عند البنات من الشباب
09-01-2014 11:25 AM
الى صاحبة المشكله
ولسه ما راح العمر ؟
لحتى تقرري وتنزلي على عمان بتكوني صرتي بالثلاثين
وانتي بالسعوديه بتجمعي مصاري وبتلهمدي
لا اتجوزتي ولا عندك بيت
واذا فكر حد يتجوزك بياخدك علشان مصاريكي مش علشانك انتي
وبعدين ما بفهم كيف الواحد بضيع عمره
وهو بعيد عن دفا العيله
وعن اهله
وعن اخوانه وخواته
عن اصدقاؤه عن بلده
ارجعي يا بنت الحلال وشوفيلك ابن حلال وتخلفيلك طفل يقلك ماما
في دكتوره درستني حلوه وصارت بالاربعين بتقول بتخلى عن شهاداتي مقابل كلمة ماما
وكانت تشعر بالاسى والحزن لانها ضيعت عمرها وشبابها وهي تدرس وتشتغل وتعمل برستيج الها
انا عارف الانسان ما بعجبه العجب ولا الصيام برجب .
لحتى تقرري وتنزلي على عمان بتكوني صرتي بالثلاثين
وانتي بالسعوديه بتجمعي مصاري وبتلهمدي
لا اتجوزتي ولا عندك بيت
واذا فكر حد يتجوزك بياخدك علشان مصاريكي مش علشانك انتي
وبعدين ما بفهم كيف الواحد بضيع عمره
وهو بعيد عن دفا العيله
وعن اهله
وعن اخوانه وخواته
عن اصدقاؤه عن بلده
ارجعي يا بنت الحلال وشوفيلك ابن حلال وتخلفيلك طفل يقلك ماما
في دكتوره درستني حلوه وصارت بالاربعين بتقول بتخلى عن شهاداتي مقابل كلمة ماما
وكانت تشعر بالاسى والحزن لانها ضيعت عمرها وشبابها وهي تدرس وتشتغل وتعمل برستيج الها
انا عارف الانسان ما بعجبه العجب ولا الصيام برجب .
09-01-2014 11:26 AM
ابو انس
خليكي في شغلك وفي كل اجازه عودي اليهم وكلما سمحت فرصه لزيارتهم تعالي...وابعثي للوالد والوالده كرت زياره او ذهابهم لاداء العمره ولقياهم في مكه
09-01-2014 11:34 AM
مؤمن
بالاصل انك لازم ما رحتي
09-01-2014 11:45 AM
محمد التميمي
الوضع السيئ في الاردن الاقتصادي وعدم توفر المال ولا الحياة الرائعة المترفة التي يتمناها كل شخص منا سبب في الهجرة لدول الخليج واروبا لكن الحنين الى الاهل والاصدقاء يبقى معنا بغربتنا مع خليط من الذكريات الجميلة لكن صدقوني بعد تجاوز اول سنة غربة يبدأ بالتلاشي هذا الشعور وتلك المشاعر يبدأ يخف تدريجيا لا ادري ما السبب
09-01-2014 11:53 AM
Nawras.
عزيزتي ,
خليكي ,, بس ضروري تتزوجي و كتري سفراتك عالأردن ..
Good Luck,
خليكي ,, بس ضروري تتزوجي و كتري سفراتك عالأردن ..
Good Luck,
09-01-2014 12:37 PM
عاشق فلسطين
الى صاحبه المشكله
اختي العزيزه بكرا ربنا سبحانه و تعالى بيرزقك بابن الحلال و يمكن يخليكي تشتغلي و يمكن لا بس 90% لا لانو اكيد بالمستقبل راح تلتهي باولادك اشتغليلك سنه او سنتين و جمعيلك مبلغ يخليكي على الاقل ترجعي لاهلك و تعمليلك مصلح هون و الله يوفقك
اختي العزيزه بكرا ربنا سبحانه و تعالى بيرزقك بابن الحلال و يمكن يخليكي تشتغلي و يمكن لا بس 90% لا لانو اكيد بالمستقبل راح تلتهي باولادك اشتغليلك سنه او سنتين و جمعيلك مبلغ يخليكي على الاقل ترجعي لاهلك و تعمليلك مصلح هون و الله يوفقك
09-01-2014 01:22 PM
مغترب في الرياض
انا مغترب في الرياض
وابحث عن بنت حلال للزواج . مكن التعارف حسب الاصول والاهل لا اعرف ان كان مسموح اكتب الايميل عذرا من المحرر
للتواصل
وابحث عن بنت حلال للزواج . مكن التعارف حسب الاصول والاهل لا اعرف ان كان مسموح اكتب الايميل عذرا من المحرر
للتواصل
09-01-2014 01:32 PM
زيد الجرايدة
نا بحاجة العروس شورءيك
09-01-2014 01:37 PM
علي الذينات
انا طالبك على سنة الله ورسوله هاذ
09-01-2014 02:19 PM
فؤاد
نصيحتي لك ان ترجعي للاردن ...
العمر قصير و لن تستدركي كم سرقكي الوقت وتقدمتي بالعمر وفاتك القطار ومع زحمة الحياة والعمل لن تنتبهي مهما حاولتي فتستفيقي بعد فوات الاوان اما
بالنسبة للعمل فالرزق على الله .ولا تعلمي ربما ياتيك عمل في الاردن.
وهذه المشكلة تواجه اغلب المغتربين سواء شباب او بنات
اول شيء انت وحيدة ما بشوفك حد ولا معارف ولا قرايب ...
ثانيااجازتك قصيرة ولا ظروف العمل تسمح لك بالزيارات الكثيرة للاردن ولا للبحث عن الشريك في حالة الشباب
لذا تاخذ منهم سنة كاملة حتى ياخذ اجازته السنوية فيكون خسر سنة كاملة من عمره او عمرها. بالتالي يبقى في دوامة تسرق منه سنوات مهمة.
ثالثا البنت ليس مطلوب منها البحث عن الرزق في حال لم تكن مضطرة كما هو الرجل فاذا كانت غير متزوجة اكيد اهلك بتكفلوا بك. ايهما اغلى سنوات من عمرك ام راتبك الجميل الجديد المغمس بالوحدة والحنين للاهل؟
رابعا الزواج ايضا رزق من الله وهو المستقبل الحقيقي للمراءة بتكوين اسرة
فاذا تاخر فيكون الله اراد لك الخير لانك لا تعلمي اين هو الخير
العمر قصير و لن تستدركي كم سرقكي الوقت وتقدمتي بالعمر وفاتك القطار ومع زحمة الحياة والعمل لن تنتبهي مهما حاولتي فتستفيقي بعد فوات الاوان اما
بالنسبة للعمل فالرزق على الله .ولا تعلمي ربما ياتيك عمل في الاردن.
وهذه المشكلة تواجه اغلب المغتربين سواء شباب او بنات
اول شيء انت وحيدة ما بشوفك حد ولا معارف ولا قرايب ...
ثانيااجازتك قصيرة ولا ظروف العمل تسمح لك بالزيارات الكثيرة للاردن ولا للبحث عن الشريك في حالة الشباب
لذا تاخذ منهم سنة كاملة حتى ياخذ اجازته السنوية فيكون خسر سنة كاملة من عمره او عمرها. بالتالي يبقى في دوامة تسرق منه سنوات مهمة.
ثالثا البنت ليس مطلوب منها البحث عن الرزق في حال لم تكن مضطرة كما هو الرجل فاذا كانت غير متزوجة اكيد اهلك بتكفلوا بك. ايهما اغلى سنوات من عمرك ام راتبك الجميل الجديد المغمس بالوحدة والحنين للاهل؟
رابعا الزواج ايضا رزق من الله وهو المستقبل الحقيقي للمراءة بتكوين اسرة
فاذا تاخر فيكون الله اراد لك الخير لانك لا تعلمي اين هو الخير
09-01-2014 02:26 PM
على هامان
انت تبحثي عن عريسسس لهذا السبب كتبتي قصتك
09-01-2014 02:40 PM
--Zaid--
صاحبة المشكلة
لو انك عندي بقص رقبتك ،،،، وعذرا لشرقيتي يا أصحاب العقول الغربية المتفتحة ،،، إذا كان الإنفتاح يعني انه بنت زي الوردة تسافر خارج البلد لحالها عشان تحقق ذاتها ،،، ف بلا منه هالإنفتاح ،،،، البنت ما بتطلع من الدار غير ع دار جوزها أو ع القبر ،،،، وانتبهوا رأيي مش نايع من عدم ثقة بالبنات لأ ،،،، بل عدم ثقة بالذئاب والكلاب البشرية .
لو انك عندي بقص رقبتك ،،،، وعذرا لشرقيتي يا أصحاب العقول الغربية المتفتحة ،،، إذا كان الإنفتاح يعني انه بنت زي الوردة تسافر خارج البلد لحالها عشان تحقق ذاتها ،،، ف بلا منه هالإنفتاح ،،،، البنت ما بتطلع من الدار غير ع دار جوزها أو ع القبر ،،،، وانتبهوا رأيي مش نايع من عدم ثقة بالبنات لأ ،،،، بل عدم ثقة بالذئاب والكلاب البشرية .
09-01-2014 02:45 PM
جنوبييييييييييييييييييييييييييييييييييي
حتى لو كل المعلقين طلبوا منك ترجعي اهلك لن يسمحو لك انت بنك بالنسه لهم هههههههههه علينا
09-01-2014 02:46 PM
قرأت الردود واليك رأيي
انت ادرى بظروفك اذا كنت تشعرين ان وجودك في السعودية يعطل عليك الزواج فعودي لبلدك فكلمة ماما افضل من كل شيئ كما قال لك احدهم ومن يدري فلعلك تحصلين على عمل وليس بالضرورة ان يكون عملك وظيفة حكومية---والله يوفقك
09-01-2014 03:08 PM
سمير الرمثاوي
اكتبي في اريد شريكا بلا دجل علينا
09-01-2014 03:08 PM
هههههههه
الوضع المادي ممتاز وعدي لرجالك عدي هههههههههههههههههههههههههههه
09-01-2014 03:19 PM
الى صاحبه المشكله
انا متلك مغترب في السعوديه منذ سنتين واعمل بشركه والوضع هنا صعب جدا التاقلم عليه بسهوله ممكن نتواصل لوسمحتي...
rr.raid22@YAHOO.COM
rr.raid22@YAHOO.COM
09-01-2014 03:27 PM
بنت فلسطين الاموره
اختي المهندسه
ازا ارجعتي على البلد رايحه تندمي ليه
لانه ازا ما كنتي لزيزه واموره مستحيل تتزوجي يا بعدي
ازا ارجعتي على البلد رايحه تندمي ليه
لانه ازا ما كنتي لزيزه واموره مستحيل تتزوجي يا بعدي
09-01-2014 03:28 PM
لجنة المتابعة
اختي صاحبة المشكلة
صلي صلاة استخارة .. والخيرة فيما اختاره الله لك ..
دمتي بود ’’’
09-01-2014 03:43 PM
لجنة المتابعة
سرقتلكم من جراسا اللي عالفيس
...............................
بالفصحه : شفاه
بالعاميه : شفايف
بالانجليزي : lips
شلاطيف من وين جابوها .!؟
هههههههههه
09-01-2014 03:44 PM
بلا دجل علينا
لو الكل حكالك ارجعي ..ابترجعي ...اتحدى الجميع
09-01-2014 03:48 PM
مدام؟؟
شوفلك خروف سعودي وهاي هي بلى ماجستير بلى بطيخ شو عملتلك الشهاده
09-01-2014 04:01 PM
البيوت اسرار
سلام الله عليك يا اختي .. بداية أسأل الله تعالى ان يختار لك الافضل..
اولا:
ارجو ان تتقبلي كلامي برحابة صدر.. عزيزتي لا اعلم ما هي ظروف اهلك لاخبرك لماذا سمحوا لك بالغربة و انت فتاة.. فالامر له وجهة نظر شرعية..
ثانيا:
صحيح ان ظروف الحياة صعبة لكن تخصصك في الهندسة و تحملين شهادة الماستر صدقيني لو بحثتي جيدا لوجدتي وظيفة براتب عالي و لكن ساعات عمل كثيرة او و ظيفة براتب متوسط و ساعات عمل قليلة.. لكن كلا الحالتين افضل من غربة فتاة لوحدها.
ثالثا:
تقولين ان الوضع اصبح افضل اذن عودي الحياة ليس فيها امان و لو حصل لك شيء لا قدر الله .. من سيكزن حولك..
رابعا:
لقد كتب لك بعض الاخوة المغتربين عرضا بالزواج ان كان فيهم الخير ففكري بعرضهم ..
واخيرا..
الحياة قصيرة و الغربة لو حسبها الانسان جيدا خاصة في السعودية لوجد ان البقاء في البلد و قرب الاهل افضل.. اتمنى لك الخير و الزواج برجل طيب خلوق و اخر كلمة و هي رأي الشخصي فقط.. والله لان اكل رغيف خبز و اشرب معه فنجان شاي في بلدي الاردن الحبيب لاحب الى نفسي من القصور و الياقوب في بلاد الغربة ..
حفظ الله كل مغترب و اعاده لاهله سالما معافى..
اولا:
ارجو ان تتقبلي كلامي برحابة صدر.. عزيزتي لا اعلم ما هي ظروف اهلك لاخبرك لماذا سمحوا لك بالغربة و انت فتاة.. فالامر له وجهة نظر شرعية..
ثانيا:
صحيح ان ظروف الحياة صعبة لكن تخصصك في الهندسة و تحملين شهادة الماستر صدقيني لو بحثتي جيدا لوجدتي وظيفة براتب عالي و لكن ساعات عمل كثيرة او و ظيفة براتب متوسط و ساعات عمل قليلة.. لكن كلا الحالتين افضل من غربة فتاة لوحدها.
ثالثا:
تقولين ان الوضع اصبح افضل اذن عودي الحياة ليس فيها امان و لو حصل لك شيء لا قدر الله .. من سيكزن حولك..
رابعا:
لقد كتب لك بعض الاخوة المغتربين عرضا بالزواج ان كان فيهم الخير ففكري بعرضهم ..
واخيرا..
الحياة قصيرة و الغربة لو حسبها الانسان جيدا خاصة في السعودية لوجد ان البقاء في البلد و قرب الاهل افضل.. اتمنى لك الخير و الزواج برجل طيب خلوق و اخر كلمة و هي رأي الشخصي فقط.. والله لان اكل رغيف خبز و اشرب معه فنجان شاي في بلدي الاردن الحبيب لاحب الى نفسي من القصور و الياقوب في بلاد الغربة ..
حفظ الله كل مغترب و اعاده لاهله سالما معافى..
09-01-2014 04:18 PM
بنت الأكابر
مساء الخير
نصيحتي الك اختي ترجعي لأهلك حتى لو ماديتك اصبحت كويسه انتي مش مطلوب منك تشتغلي وتجيبي فلوس بكرة ربنا بسهلك نصيبك وزوجك بصرف عليكي لانه بالحالتين ما عليكي عتب اذا اشتغلتي ولا لأ لانه هالشي بضل من مسؤوليه الرجل
نصيحتي الك اختي ترجعي لأهلك حتى لو ماديتك اصبحت كويسه انتي مش مطلوب منك تشتغلي وتجيبي فلوس بكرة ربنا بسهلك نصيبك وزوجك بصرف عليكي لانه بالحالتين ما عليكي عتب اذا اشتغلتي ولا لأ لانه هالشي بضل من مسؤوليه الرجل
09-01-2014 04:24 PM
--Zaid--
الى اللي سألتني في أي عصر بعيش
يا ستي أنا بعيش في عصر انقتلت فيه بنت شريفة وهي رايحة ع جامعتها من قبل واحد أزعر بدون أي ذنب ،،،،، فتاة الزرقاء تذكرتيها !!! وبما اني بعيش في هاد العصر فاللي كل الحق أخاف أبعت أختي برا الأردن لحالها .
وحضرتك في أي عصر عايشة !! عصر المدينة الفاضلة مثلا !! حيث كل الناس شرفاء وبخافوا الله !!
يا ستي أنا بعيش في عصر انقتلت فيه بنت شريفة وهي رايحة ع جامعتها من قبل واحد أزعر بدون أي ذنب ،،،،، فتاة الزرقاء تذكرتيها !!! وبما اني بعيش في هاد العصر فاللي كل الحق أخاف أبعت أختي برا الأردن لحالها .
وحضرتك في أي عصر عايشة !! عصر المدينة الفاضلة مثلا !! حيث كل الناس شرفاء وبخافوا الله !!
09-01-2014 04:31 PM
--Zaid--
أبو رسمي
هاد يا سيدي بقلك عنا فئة غير شكل بالأردن ،،، هاي الفئة تترأسها وحدة لهلوبة وفتحة طلعت برا الأردن جمعت كل الأفكار المتخلفة من زبايل الغرب ورجعت الله وكيلك ،،، وبلشت تغسل أدمغة البنات تحت بند " المساواة " ،، و " حقوق المرأة " ،،،، والمصيبة انهم انساقوا وراها مثل قطيع الأغنام ،،،، وتبنوا أفكارها الغربية اللي سمحت ل البنت تطلع بعث وشغل بحالها ،،،،، يسعد مساك يا مان .
هاد يا سيدي بقلك عنا فئة غير شكل بالأردن ،،، هاي الفئة تترأسها وحدة لهلوبة وفتحة طلعت برا الأردن جمعت كل الأفكار المتخلفة من زبايل الغرب ورجعت الله وكيلك ،،، وبلشت تغسل أدمغة البنات تحت بند " المساواة " ،، و " حقوق المرأة " ،،،، والمصيبة انهم انساقوا وراها مثل قطيع الأغنام ،،،، وتبنوا أفكارها الغربية اللي سمحت ل البنت تطلع بعث وشغل بحالها ،،،،، يسعد مساك يا مان .
09-01-2014 06:36 PM
اسووول الى صاحبيت المشكله
هههههه .لسا فيه حد بحن لاهله عادي عادي بكره بتتعودي على غيابهم انا كنت هيك بس عادي ماصار فيه اشي هياتني عايش بعيد عن اهلي وسافرة اكتر من مره ما صار الي اشي
09-01-2014 07:02 PM
مغترب بالرياض
انا مغترب بالرياض
ابحث عن بنت حلال
welldoes@yahoo.com
ابحث عن بنت حلال
welldoes@yahoo.com
09-01-2014 07:09 PM
اسووول الى المحرر
مساء الخير ياسر
09-01-2014 07:09 PM
--Zaid--
دقيقة ،،،، هلأ الأخت اللي بتناقشني ،،، انتي بشو بالزبط بتناقشيني ،،، لأني حاسس انه بنحكي بموضوعين مختلفين !!!
أنا ضد سفر البنت ل الخارج لوحدها " خارج الأردن " ،،،، مش ضد تعليمها ،،، وما فهمتي قصدي من قصة طالبة آل البيت ،،،، قصدي انه بنتهم معهم بنفس البلد واكيد القاتل على علم بأنه ل البنت أهل وعشيرة ومع ذلك تجرأ وقتلها ،،،، فما بالك لو كانت برا ولحالها !!! وصلت الفكرة !!
ع الله تكون وصلت .
أنا ضد سفر البنت ل الخارج لوحدها " خارج الأردن " ،،،، مش ضد تعليمها ،،، وما فهمتي قصدي من قصة طالبة آل البيت ،،،، قصدي انه بنتهم معهم بنفس البلد واكيد القاتل على علم بأنه ل البنت أهل وعشيرة ومع ذلك تجرأ وقتلها ،،،، فما بالك لو كانت برا ولحالها !!! وصلت الفكرة !!
ع الله تكون وصلت .
09-01-2014 07:47 PM
غربة
عفوا يا صاحبة المشكلة بس أنا عندي ماستر وشهادات عالية و رجعت علي السعودية بعد إلحاح من زوجي و ما عم بلاقي شغل أبدا في السعودية ممكن اسأل وين عمل تشتغلي عشان اقدم
مشكلتك بسيطة وحلها سهل لازم تحددي الاولوية لمين لعملك او لإنشاء أسرة اذا بدك شغل خليك في شغلك اما اذا بدك عيلة و حياة اجتماعية فأنا بنصحك ترجعي عمرك الان هو الأفضل لتبني أسرة و عائلة و ما حتلاقي الانسان المناسب في السعودية لأنو تركيبة المجتمع مغلقة وفيها نوع من الأحكام الصارمة على المراءة
مشكلتك بسيطة وحلها سهل لازم تحددي الاولوية لمين لعملك او لإنشاء أسرة اذا بدك شغل خليك في شغلك اما اذا بدك عيلة و حياة اجتماعية فأنا بنصحك ترجعي عمرك الان هو الأفضل لتبني أسرة و عائلة و ما حتلاقي الانسان المناسب في السعودية لأنو تركيبة المجتمع مغلقة وفيها نوع من الأحكام الصارمة على المراءة
09-01-2014 07:55 PM
!
يعني هلأ ست او بنت بتشتغل في دائره حكوميه وبتترأس دائره او رئيس قسم او موظفه نشيطه او بتشغل منصب رفيع كمدير عام او امين عام او وزير ولازم تطلع تحضر مؤتمر او تحضر دوره لمدة من الزمن يعني مش لازم تطلع وتقعد في البيت او تقول لرئيسها الاعلى منها ما بدي اطلع بخاف حرام اسافر الدنيا مليانه ذئاب ووحوش وغيلان ما بدي اطلع الا بمحرم يا اخي البنت او الست اللي بدها تعجب وتعمل السبعه وذمتها بتعملها وهي في عقر دارها وهي في حضن اهلها وهي ورا سبع حيطان مليان بنات بتطلع برا البلد بشتغلوا معلمات وطبيبات وممرضات في دول عربيه شقيقه فاتحات بيوت وبعلموا ولادهم واحيانا اخوانهم وبصرفوا على اهلهم العيب مش في البنت العيب في اللي بعمل العيب او بدور عليه والعلم والشغل هاد ضرب في الارض ونعم في مساواه بين الرجل والمراه والخطاب القراني خاطب الرجل والمراه على حد سواء والقوامه مش دايما للرجل لانه في بنات فاتحات بيوت والزلم متمطرقه ومتشنقحه على الكنبايات وبتمد ايدها للوليه وللضعيفه للضلع القاصر وللعوره والفتنه وللي مش لازم تطلع الا من بيت ابوها لبيت جوزها للقبر وبنطبق عليها المثل القائل ما بعد الصبر الا المجرفه والقبر المرأه لا هي عوره ولا هي نص انسان ولا هي اقل شأن من الرجل .
09-01-2014 09:12 PM
مثقال العزازي
انا اميل لرأي الاخوان اللي نصحوكي في بناء اسره وبيت في بلدك بين اقاربك واهلك واخوانك , اعتقد هو الحل الافضل لفتاه تعيش في مجتمع مسلم محافظ اله عاداته وتقاليده !
09-01-2014 09:36 PM
go1100043@yahoo.com
انا جامعي وموظف ارجعي الاردن وبتعرف عليكي اذا مش متزوجة وعمري 33 سنة واكيد اذا دورتي بالاردن راح تلاقي شغل لانو صار معك خبرة وهذا ايميلي go1100043@yahoo.com
09-01-2014 10:51 PM
سلامة
صرتِ طالعة طالعة و بتحكي الوضع ممتاز و حسب اعتقاد نسبة لا بأس بها من البنات انه الشباب نظرتهم مادية.
فإذا بتسمحي لي بمجرد اقتراح يجمعك بالمستقبل مع اهلك و يفتح المجال امامك للزواج و كمان ممكن تبحثي عن عمل و انت مرتاحة نفسيا بعيدا عن التفكير بالضغط المادي و عدم الاستفادة من الشهادة !
اقتراحي اذا دخلك مليح و في خلال فترة قصيرة بتقدري تجمعي مبلغ تشتري فيه شقة او دفعة شقة و تكون الشقة في منطقة تقدري تؤجريها مفروشة و في هاي الحالة الشقة تدر عليك دخل او تفتح لك باب الزواج اذا في نظرك انهم الشباب ماديين و بتكوني رجعت عند اهلك و بتبحثي عن فرصة عمل في نفس الوقت
بعد الاقتراح اتمنى تقبلي نصيحتي
لا تخلي الفلوس تُشعرك انك كنت محرومة من أشياء كثيرة و حان أوان التعويض لانك في هاي الحالة رح تصرفي فلوسك و انت مش عارفة و يمضي عليك وقت فيصعب معه التعويض و بتغرقي في الغربة و بفوتك قطار الزواج.
امسكي فلوسك و حطي هدف امامك لازم تحققيه في أسرع وقت لانك مشتاقة تكوني مع اهلك
حتى بعث فلوس لاهلك لا تبعثي، بتساعديهم فيما بعد اذا محتاجين يعني لما حصلتِ على فرصة عمل كان عمرك 27 سنة فكيف عاشوا و كيف دفعوا لدراستك.
أما أثناء وجودك هناك لا تستمعي لاي شخص يدخل لك من باب الزواج لانك بعد فترة قصيرة جدا رح تلاقي نفسك بتحبيه و رح تخسري امور كثيرة
فإذا تعرضتي لموقف من هذا القبيل يعني الوصول لك من باب الزواج و كان الشخص وضعه الوظيفي مقبول و مستقر بتجاوبي جواب ثابت و نهائي انه اذا قاصد الحلال، على أقرب فرصة إجازة بتروحي زيارة لاهلك و هو بروح زيارة و يتقدم لك و بعد هذا الجواب ما تحكي معه حتى سلام عليكم و إذا بتحافظي على نفسك و ما بتجقي حكي يمين و شمال، ممكن فرصة الزواج تكون متوفرة في مكان إقامتك الحالية.
بدي احكي لك كلام كثير بس ما ظل حبر أكمل طباعة الجريدة.
ديري بالك على حالك و كوني حذرة كثير و أي موضوع جديد بصير معك تعالي اطرحيه هون حتى نساعدك و ننبهك لاي نقطة ممكن تغفلي عنها
الله يحماك و يرجعك بالسلامة لاهلك
فإذا بتسمحي لي بمجرد اقتراح يجمعك بالمستقبل مع اهلك و يفتح المجال امامك للزواج و كمان ممكن تبحثي عن عمل و انت مرتاحة نفسيا بعيدا عن التفكير بالضغط المادي و عدم الاستفادة من الشهادة !
اقتراحي اذا دخلك مليح و في خلال فترة قصيرة بتقدري تجمعي مبلغ تشتري فيه شقة او دفعة شقة و تكون الشقة في منطقة تقدري تؤجريها مفروشة و في هاي الحالة الشقة تدر عليك دخل او تفتح لك باب الزواج اذا في نظرك انهم الشباب ماديين و بتكوني رجعت عند اهلك و بتبحثي عن فرصة عمل في نفس الوقت
بعد الاقتراح اتمنى تقبلي نصيحتي
لا تخلي الفلوس تُشعرك انك كنت محرومة من أشياء كثيرة و حان أوان التعويض لانك في هاي الحالة رح تصرفي فلوسك و انت مش عارفة و يمضي عليك وقت فيصعب معه التعويض و بتغرقي في الغربة و بفوتك قطار الزواج.
امسكي فلوسك و حطي هدف امامك لازم تحققيه في أسرع وقت لانك مشتاقة تكوني مع اهلك
حتى بعث فلوس لاهلك لا تبعثي، بتساعديهم فيما بعد اذا محتاجين يعني لما حصلتِ على فرصة عمل كان عمرك 27 سنة فكيف عاشوا و كيف دفعوا لدراستك.
أما أثناء وجودك هناك لا تستمعي لاي شخص يدخل لك من باب الزواج لانك بعد فترة قصيرة جدا رح تلاقي نفسك بتحبيه و رح تخسري امور كثيرة
فإذا تعرضتي لموقف من هذا القبيل يعني الوصول لك من باب الزواج و كان الشخص وضعه الوظيفي مقبول و مستقر بتجاوبي جواب ثابت و نهائي انه اذا قاصد الحلال، على أقرب فرصة إجازة بتروحي زيارة لاهلك و هو بروح زيارة و يتقدم لك و بعد هذا الجواب ما تحكي معه حتى سلام عليكم و إذا بتحافظي على نفسك و ما بتجقي حكي يمين و شمال، ممكن فرصة الزواج تكون متوفرة في مكان إقامتك الحالية.
بدي احكي لك كلام كثير بس ما ظل حبر أكمل طباعة الجريدة.
ديري بالك على حالك و كوني حذرة كثير و أي موضوع جديد بصير معك تعالي اطرحيه هون حتى نساعدك و ننبهك لاي نقطة ممكن تغفلي عنها
الله يحماك و يرجعك بالسلامة لاهلك
10-01-2014 04:49 AM
لجميع المعلقين
مسا الخير للجميع
في سؤال حابه اسأله للمعلقين واعتبروها فضفضه
سؤالي ليش احنا بمجمتع البنت فيه اللي ملتزمه الكل بفكرها بنت جاهله وما بتعرف شي بالدنيا وليش مين ما بطلبها بتكون غايته لتخدمه او لتقوم بأهله وليش لو مش دارسه بجامعه الكل بعتبرها جاهله هلأ دراسة الجامعه افضل من دراسة كتاب ربنا لازم البنت تكون بتطلع وبتنزل مشان تكون من هالمجتمع ولتحظى بنظرة كويسه من الناس . كتبت التعليق مش مشان جيزة او لغايه بس بدي من هالأشخاص تعرف انه البنت الملتزمه من دم ولحم متلها متل اي بنت والبنت اللي ما بتطلع ولا بتنزل اهلها بعتبروها جوهرة وبحافظوا عليها مش بنت معقده
بعتذر من الجميع بس للحظة حسيت اني بحاجه للفضفضه
في سؤال حابه اسأله للمعلقين واعتبروها فضفضه
سؤالي ليش احنا بمجمتع البنت فيه اللي ملتزمه الكل بفكرها بنت جاهله وما بتعرف شي بالدنيا وليش مين ما بطلبها بتكون غايته لتخدمه او لتقوم بأهله وليش لو مش دارسه بجامعه الكل بعتبرها جاهله هلأ دراسة الجامعه افضل من دراسة كتاب ربنا لازم البنت تكون بتطلع وبتنزل مشان تكون من هالمجتمع ولتحظى بنظرة كويسه من الناس . كتبت التعليق مش مشان جيزة او لغايه بس بدي من هالأشخاص تعرف انه البنت الملتزمه من دم ولحم متلها متل اي بنت والبنت اللي ما بتطلع ولا بتنزل اهلها بعتبروها جوهرة وبحافظوا عليها مش بنت معقده
بعتذر من الجميع بس للحظة حسيت اني بحاجه للفضفضه
10-01-2014 08:50 PM
عليوه
البنت الجريئه انا عن نفسي أعتبرها شخصية قوية وهبه ريح
وسوف تكون لها مكانة أجتماعية في المجتمع .
وفي هالزمن في حريم أحسن من الرجاجيل في كل النواحي
مع احترامي للكل
وسوف تكون لها مكانة أجتماعية في المجتمع .
وفي هالزمن في حريم أحسن من الرجاجيل في كل النواحي
مع احترامي للكل
10-01-2014 11:07 PM
*
انا ارى ان البنت لازم تكون كذاوكذا.. جريئه باوقات وخجوله باوقات ,, لكن الحياء اذا زاد عن حده بيكون عقبه امامها ..
والجرئه الزايده خارج طبيعة الاانثى غريب لان الجرئة هي الوجه السلبي للشجاعة .....
والانثى بطبعها رقيقه
أما بالنسبة للمرأة وتعلمها وثقتها في نفسها وجرائتها شيء مطلوب
لكن في حدود الأدب
والجرئه الزايده خارج طبيعة الاانثى غريب لان الجرئة هي الوجه السلبي للشجاعة .....
والانثى بطبعها رقيقه
أما بالنسبة للمرأة وتعلمها وثقتها في نفسها وجرائتها شيء مطلوب
لكن في حدود الأدب
10-01-2014 11:09 PM
اردنيه....
انتي مهندسة ايش ؟؟؟؟؟
ارجعي عالاردن مشان انا اخذ مكانك اذا نفس تخصصي هههههههههههههه
انا مهندسة حاسوب
ارجعي عالاردن مشان انا اخذ مكانك اذا نفس تخصصي هههههههههههههه
انا مهندسة حاسوب
11-01-2014 12:10 AM
أبو خالد *******
الله يعطيكي العفيه أخوكي في لله اتمنا من الله أن يرزكي رجل ان يصونكي وان تعودي إلى اهلكي سالمه. ين شاء الله لابود اناهو يوجد عمل ولاكن يجب ان تسعي للحصول على العمل
11-01-2014 10:10 AM
محمد التميمي
يا اخوان تعليقاتكم منها صحيح ومن خاطئ جدا
صاحبة المشكلة بتحكي عن اشي اسمه الغربة والوحدة والحنين والاشتياق للاهل يعني ما دخلت موضوع الزواج ولا موضوع انها قاعدة ع بنك ولا موضوع التعليم للبنت ومين اهم شهادة الجامعة ولا كتاب اللع عزوجل ولا طالبة شريك حياة الها الكل ببعت بايميله ورقم تلفونه
يا اخوان وين الفكر عندنا والتفهم للموضوع قبل التهجم
صاحبة المشكلة بتحكي عن اشي اسمه الغربة والوحدة والحنين والاشتياق للاهل يعني ما دخلت موضوع الزواج ولا موضوع انها قاعدة ع بنك ولا موضوع التعليم للبنت ومين اهم شهادة الجامعة ولا كتاب اللع عزوجل ولا طالبة شريك حياة الها الكل ببعت بايميله ورقم تلفونه
يا اخوان وين الفكر عندنا والتفهم للموضوع قبل التهجم
11-01-2014 10:47 AM
متابعة فاعلة خير
السلام عليكي ما إلك الا تتواصلي مع الكابتن الطيار نضال لأنه إبن حلال والله يوفقك
11-01-2014 10:56 AM
فلسطينيه لزيزه
الشباب بيفضلو البنت الفايعه عالبنت المحافظه والكل بيعرف هادا الشي
11-01-2014 04:44 PM
سلامة
انا ما كنت اعرف لحتى سمعت منك
ما اعتقد في حالة الزواج
فلا تخلي هاي القناعة تكون سبب في فياعتك احسن ما تخسري
البنت المحافظة هي من تبحث عنها النسبة الغالبة من الشباب عند الاقدام على الزواج
و هناك اشخاص يفضلون الغير متعلمات و في نفس الوقت اشخاص يفضلون المتعلمات
يعني ما بتقدري تعممي فكرة وحدة على الجميع
ما اعتقد في حالة الزواج
فلا تخلي هاي القناعة تكون سبب في فياعتك احسن ما تخسري
البنت المحافظة هي من تبحث عنها النسبة الغالبة من الشباب عند الاقدام على الزواج
و هناك اشخاص يفضلون الغير متعلمات و في نفس الوقت اشخاص يفضلون المتعلمات
يعني ما بتقدري تعممي فكرة وحدة على الجميع
11-01-2014 07:51 PM
ابراهيم ابو النصايح
النصيحه زمان بقروش واليوم ببلاش خليلكي بشغلك بالتاكد لو ما انت بحاجه ما تغربت عن اهللك قاعدات بطلعنا يدرسن بره وغيبن عن اهلهن من اجل الدراسه وانتى مكافحه والله ولي التوفيق
12-01-2014 01:46 AM
فلسطيني
ممكن ايميل فلسطسنية لزيزه
12-01-2014 08:12 AM
كونـان
ستنا المهندسة الله يمسيكي بالخير
بالنسبة للعرسان الي الشاطر بده يبعثلك رقم تلفونه او ايميله هاي العينات اغسلي ايديكي منها لانهم زي الي بتصيدوا لبنت وهاي الفئة ما بتنلبس بالرجل خليكي حافيه اريحلك ولا هيك عينات
شغلة الغربة والثمن شوفي انتي حطيتي حالك بميزان صعب شوي على شب فما بالك على بنت بس السؤال القوي لو تركتي شغلك ورجعتي لبلدك ممكن تتوفقي بشغل وزوج ومش عيب الوحدة تهتم بمستقبلها وتسعاله ونظرة الهبل تاعت بتدور على عريس ردي عليهم ادور على عريس ولا اني اكون فريسة لهيك عينات وزي ما الشب بدور على شغل لانه من اسس نجاحه البنت حقها واقل حق الها تسعى للافضل طبعا ضمن عادات وتقاليد بحكيش عن صحبة وعلاقات بس كثير بنات بفرضوا شخصيتهم واحترامهم بفكرهم وعقلهم وربنا بوفقهم بالاضافه انه المقاييس بختلف مع تقدم الزمن جمال وادب واخلاق وعلم ومكانه وبنت عالم وناس ومش نكدة والكمال لله ومن شخص لشخص بتختلف المقاييس فالي بدي احكيلك اياه لا تخسري شغلك عشان المجهول ومش غلط انك تسعي وانتي بشغلك للوصول لشخص يستحقك وانتي بتستحقيه
شغلة الشباب بهمهم المصاري مش كل الناس صدقيني شو فايدة وحدة مقرشو وراتبها الشئ الفلاني وووووو ومش صاينة بيت زوجها او مش زوجة !
ولعلمك كمان الشخص الي بده يتقدملك عشان مادتك انا بنظري انتي بغني عنه لانه هيك عينات الحيطة بتسندك اكثر منه ...
واكيد الكم قرايب ومعارف ومجتمع شغلك والبنت المنيحة الناس بتدور عليها دوارة ومن وحدة للثانية بتوصلي وانتي اكيد شايفة حالنا كشباب عزابية مغتربين وعارفة شو ثمن الغربة وما تتوقعي انه الشب المغترب احسن منك لانه كمان بعاني نفس معاناتك اذا مش اصعب لانه في عوامل مادية وزمنية واجتماعيه وعمليه وكونه بغربة وبده يختار ويا دوب اجازته شهر بالسنة بروح منها يومين سفر وعشرين يوم عزايم ويا دوب يشوف بنت وبنتين ويعرف خيرها من شهرها وبكون منيح اذا بلحق يعرف اسمها !!
وخذيها نصيحة الوردة من ريحتها الناس بتندل عليها طول ما هي بتفوح طهارة وعفه
والورق المجفف بتكسر واذا انقطف بعفن !
وشلة الحبيبة المغتربين الي فوق حارتنا ضيقة وزي ما بتعطي ايميلك لبنات الناس اتذكر اهل بيتك وممكن تكون هالبنت مكانهم ولا تحكيلي نيتي سليمة لاني بحكيلك ممكن كمان نيتهم تكون سليمة وبدهم يعطوهم ايميلهم زي ما بتعمل مع الناس كما تدين تدان !
وسلامتكم
بالنسبة للعرسان الي الشاطر بده يبعثلك رقم تلفونه او ايميله هاي العينات اغسلي ايديكي منها لانهم زي الي بتصيدوا لبنت وهاي الفئة ما بتنلبس بالرجل خليكي حافيه اريحلك ولا هيك عينات
شغلة الغربة والثمن شوفي انتي حطيتي حالك بميزان صعب شوي على شب فما بالك على بنت بس السؤال القوي لو تركتي شغلك ورجعتي لبلدك ممكن تتوفقي بشغل وزوج ومش عيب الوحدة تهتم بمستقبلها وتسعاله ونظرة الهبل تاعت بتدور على عريس ردي عليهم ادور على عريس ولا اني اكون فريسة لهيك عينات وزي ما الشب بدور على شغل لانه من اسس نجاحه البنت حقها واقل حق الها تسعى للافضل طبعا ضمن عادات وتقاليد بحكيش عن صحبة وعلاقات بس كثير بنات بفرضوا شخصيتهم واحترامهم بفكرهم وعقلهم وربنا بوفقهم بالاضافه انه المقاييس بختلف مع تقدم الزمن جمال وادب واخلاق وعلم ومكانه وبنت عالم وناس ومش نكدة والكمال لله ومن شخص لشخص بتختلف المقاييس فالي بدي احكيلك اياه لا تخسري شغلك عشان المجهول ومش غلط انك تسعي وانتي بشغلك للوصول لشخص يستحقك وانتي بتستحقيه
شغلة الشباب بهمهم المصاري مش كل الناس صدقيني شو فايدة وحدة مقرشو وراتبها الشئ الفلاني وووووو ومش صاينة بيت زوجها او مش زوجة !
ولعلمك كمان الشخص الي بده يتقدملك عشان مادتك انا بنظري انتي بغني عنه لانه هيك عينات الحيطة بتسندك اكثر منه ...
واكيد الكم قرايب ومعارف ومجتمع شغلك والبنت المنيحة الناس بتدور عليها دوارة ومن وحدة للثانية بتوصلي وانتي اكيد شايفة حالنا كشباب عزابية مغتربين وعارفة شو ثمن الغربة وما تتوقعي انه الشب المغترب احسن منك لانه كمان بعاني نفس معاناتك اذا مش اصعب لانه في عوامل مادية وزمنية واجتماعيه وعمليه وكونه بغربة وبده يختار ويا دوب اجازته شهر بالسنة بروح منها يومين سفر وعشرين يوم عزايم ويا دوب يشوف بنت وبنتين ويعرف خيرها من شهرها وبكون منيح اذا بلحق يعرف اسمها !!
وخذيها نصيحة الوردة من ريحتها الناس بتندل عليها طول ما هي بتفوح طهارة وعفه
والورق المجفف بتكسر واذا انقطف بعفن !
وشلة الحبيبة المغتربين الي فوق حارتنا ضيقة وزي ما بتعطي ايميلك لبنات الناس اتذكر اهل بيتك وممكن تكون هالبنت مكانهم ولا تحكيلي نيتي سليمة لاني بحكيلك ممكن كمان نيتهم تكون سليمة وبدهم يعطوهم ايميلهم زي ما بتعمل مع الناس كما تدين تدان !
وسلامتكم
12-01-2014 12:46 PM
////////
على فكرة يعني الي بروح على السعودية او دول الخليج هاي اسمها غربة
يعني ساعتين بالسيارة وبتحكي غربة طيب شو نحكي عن حالنا هون غربتين يا انسة توكلي على الله وخليكي هناك وبالنسبة للزواج احكي لصحباتك بالاردن او بالسعودية انك بتدوري على عريس ومش عيب ولا حرام انك اتسوي هيك
يعني ساعتين بالسيارة وبتحكي غربة طيب شو نحكي عن حالنا هون غربتين يا انسة توكلي على الله وخليكي هناك وبالنسبة للزواج احكي لصحباتك بالاردن او بالسعودية انك بتدوري على عريس ومش عيب ولا حرام انك اتسوي هيك
12-01-2014 03:33 PM
رامي الوادي
اول اشي الارزاق على رب العالمين ولازم الواحد يكون ايمانه بربه قوي عشان هيك ارجعي عبلدك بين اهلك وناسك احسن الك والله القعدة بين اهلي وناسي تسوى كل مال الدنيا
12-01-2014 04:24 PM
مدام ؟؟
هع هع هع
12-01-2014 06:08 PM
امل الحياه
انا بنسبه الي وراي انك تشوفي مستقبل بعدين النت ما خلا اسي أحكي مع اهلك عليه
13-01-2014 08:41 AM
عالماشي
أول مرة بسمع أنه مسموح للفتيات العمل بالسعودية بدون محرم والسكن هناك
13-01-2014 10:16 AM
أم محمد
سلام عليكم حبيبتي صاحبة المشكلة حاولي تشوفي من عرض الزواج عليكي واستخيري أيضا بالنبة للعودة لللأردن والعمل مش عيب مادامت الواحدة محافظة على نفسها وإنشاء الله بيسرلك إبن حلال وتتساعدو كم سنة ولن تشعري بالغربة بزواجك والله الموفق
13-01-2014 11:09 AM
ابو سند
اولا احيي فيك شجاعتك وقوة الارادة والحرية المسؤولة لديك..
ثانيا لا اعتقد بانك قررت السفر والاغتراب بدون دراسة وتمحيص، والتفكيير بكل الايجابيات والسلبيات. فلا تجعلي العاطفة تطغى على العقل لديك..فالحنين هو عاطفة وغالبا ما تأتي العواطف يقرارات غير صائبة..استمري على ما قرره عقلك فالعمل عبادة وضرورة..واتمنى لك الخير على قدر نيتك..
ثانيا لا اعتقد بانك قررت السفر والاغتراب بدون دراسة وتمحيص، والتفكيير بكل الايجابيات والسلبيات. فلا تجعلي العاطفة تطغى على العقل لديك..فالحنين هو عاطفة وغالبا ما تأتي العواطف يقرارات غير صائبة..استمري على ما قرره عقلك فالعمل عبادة وضرورة..واتمنى لك الخير على قدر نيتك..
13-01-2014 12:50 PM
بنت اربد
والله الي بطلع من الاردن بغنى /خليكٍ بالسعودية على شو بدك ترجعي على الغلا والعيشة الي بتقصر العمر
13-01-2014 02:19 PM
الشيطونه
اختي الكريمة
قرأت المشكلة ثلاث او اربعة مرات وانا احاول ان استنتج من خلال الكلمات الهدف الذي ترغبين الوصول اليه. ومن الواضح ان ما يؤرق مضجعك هما امران من الصعب عليك الاختيار فيما بينهما، والامران متناقضان كلياً وكل منهما يذهب بك في طريق مغاير كلياً عن الآخر... بناء المستقبل من خلال البقاء في الغربة، ولكن الحنين يشدك الى الخلف. والعودة للاردن والاستغناء عن بناء المستقبل....واود ان اذكر هنا بان طريقة هذه في التفكير هي من صنعك انتي ومن تصوراتك الذهنية عن ماهية بناء المستقبل من عدم بنائه، والحنين من خلال العودة لبلدك والى اهلك وعشيرتك وضياع الفرصة المتاحة حالياً لبناء المستقبل.... الامور لا تقاس بهذه الطريقة، اذ يجب ان نوضح الهدف الذي نرغب في ان نصيبه، ولا يمكنك اصابة الهذف الذي لا تعرفين ما هو بالضبط. ولو سألتك مثلاً.... لو انك وجدتي مصباح علاء الدين ومسحتي بيدك المصباح، وخرج المارد وقال لك تمني امنية واحدة، فهل سوف تقولين له ((محتاره بين اني اظل هون وحيده مشان مستقبلي ولا ارجع على الاردن بس بدون شغل ولا مستقبل.)) اعتقد بأنه سوف يحتار في طلبك ويعود الى المصباح ويغادر... لماذا.؟ لأن الهدف او الطلب غير واضح. وعدم الوضوح للهف سببه تضارب بين القيم التي تتوجهين الى تحقيها على المستوى المستقبلي، والقيم التي ترغبين في الابتعاد عنها كي لا تشعرين بالالم.... اعتقد ان هذه القيم الاربع تحتل مركزاً متقدماً على رأس قائمة قيمك. 1. الحرية 2. الامان 3. المغامرة 4.والتميز او الانجاز. واذا كان هذا الترتيب صحيحاً فلا يمكنك ان تأخذي قرارات صائبة لقربهم من بعضهم البهض. واحد القيم التي ترغبين الابتعاد عنها هي الرفض.
انت حصلت على الحرية والمغامرة، ولكنك تفكرين الآن بانك سوف تكونين مرفوضة بعد عدة سنوات حين يتقدم بك العمر. .... وانا اقترح عليك ان تسقطي موضوع الرفض وتستبدليه بالاذلال.... واعادة النظر في القيم الاخرى وترتيبها ترتيباً جديداً لتتمكني من اتخاذ قرارتك في ما يخص حاضرك و مستقبلك.
حاولت ان اختصر قدر الامكان وارجو ان اكون قد اوضحت جزءً بسيطاً من الحل.
تحياتي.
قرأت المشكلة ثلاث او اربعة مرات وانا احاول ان استنتج من خلال الكلمات الهدف الذي ترغبين الوصول اليه. ومن الواضح ان ما يؤرق مضجعك هما امران من الصعب عليك الاختيار فيما بينهما، والامران متناقضان كلياً وكل منهما يذهب بك في طريق مغاير كلياً عن الآخر... بناء المستقبل من خلال البقاء في الغربة، ولكن الحنين يشدك الى الخلف. والعودة للاردن والاستغناء عن بناء المستقبل....واود ان اذكر هنا بان طريقة هذه في التفكير هي من صنعك انتي ومن تصوراتك الذهنية عن ماهية بناء المستقبل من عدم بنائه، والحنين من خلال العودة لبلدك والى اهلك وعشيرتك وضياع الفرصة المتاحة حالياً لبناء المستقبل.... الامور لا تقاس بهذه الطريقة، اذ يجب ان نوضح الهدف الذي نرغب في ان نصيبه، ولا يمكنك اصابة الهذف الذي لا تعرفين ما هو بالضبط. ولو سألتك مثلاً.... لو انك وجدتي مصباح علاء الدين ومسحتي بيدك المصباح، وخرج المارد وقال لك تمني امنية واحدة، فهل سوف تقولين له ((محتاره بين اني اظل هون وحيده مشان مستقبلي ولا ارجع على الاردن بس بدون شغل ولا مستقبل.)) اعتقد بأنه سوف يحتار في طلبك ويعود الى المصباح ويغادر... لماذا.؟ لأن الهدف او الطلب غير واضح. وعدم الوضوح للهف سببه تضارب بين القيم التي تتوجهين الى تحقيها على المستوى المستقبلي، والقيم التي ترغبين في الابتعاد عنها كي لا تشعرين بالالم.... اعتقد ان هذه القيم الاربع تحتل مركزاً متقدماً على رأس قائمة قيمك. 1. الحرية 2. الامان 3. المغامرة 4.والتميز او الانجاز. واذا كان هذا الترتيب صحيحاً فلا يمكنك ان تأخذي قرارات صائبة لقربهم من بعضهم البهض. واحد القيم التي ترغبين الابتعاد عنها هي الرفض.
انت حصلت على الحرية والمغامرة، ولكنك تفكرين الآن بانك سوف تكونين مرفوضة بعد عدة سنوات حين يتقدم بك العمر. .... وانا اقترح عليك ان تسقطي موضوع الرفض وتستبدليه بالاذلال.... واعادة النظر في القيم الاخرى وترتيبها ترتيباً جديداً لتتمكني من اتخاذ قرارتك في ما يخص حاضرك و مستقبلك.
حاولت ان اختصر قدر الامكان وارجو ان اكون قد اوضحت جزءً بسيطاً من الحل.
تحياتي.
13-01-2014 06:18 PM
العجرمـــــــــــــــــــــــــي
اسمعوني
المره تظلي مره طارت او هدت تظلي مره
اصلا عملها بالدوله خساره على الاقتصاد الوطني لانه :-
1- 20% من الراتب يروح لبس
2- 10% من الراتب يروح طراشه ( مكياج)
3- 45% من الراتب مواصلات تكاسي او لسيارتها
4- %25 كمبالات سياره
والنتيجه يا اخوان صفر باليد صفر
وشوف العوانس عارفين ليه لانهن الله جازاهن باحتلالهن لعمل الرجال الذين هم قوامون على النساء
المره تظلي مره طارت او هدت تظلي مره
اصلا عملها بالدوله خساره على الاقتصاد الوطني لانه :-
1- 20% من الراتب يروح لبس
2- 10% من الراتب يروح طراشه ( مكياج)
3- 45% من الراتب مواصلات تكاسي او لسيارتها
4- %25 كمبالات سياره
والنتيجه يا اخوان صفر باليد صفر
وشوف العوانس عارفين ليه لانهن الله جازاهن باحتلالهن لعمل الرجال الذين هم قوامون على النساء
14-01-2014 02:12 AM
الى اللي ردت على العجرمي
اقتباس من تعليقك
اسمعني انت يا عجرمي
انا اعمل منذ 10 سنوات وراتبي 800 دينار
زوجي يعمل وراتبه 750 دينار
لدي سيارة ولدى زوجي سيارة وليست هناك اقساط
مصاريف البيت كلها على زوجي
ادخر في البنك وصبح لدي رصيد لا يستهان به وسوف اشتري شقة لاهديها لزوجي في عيد ميلاده في شه 4 من هذا العام
انتو كرجال طالعين فيها بالعلالي هلكتونا باصواتكم
احنا في القرن 21 وشوف انت وين موقعك وين عايش؟
---------------
بس بدي افهم شو هي الشقه اللي بدك تشتريها بشهر 4
يعني اهمل شقه غرفه وحمام ومطبخ قد ط....... ز العقربه ما بتلاقيها باقل من 60 الف دينار
يعني بدك تفهمينا انك اشتريتها من التصميد طيب احسبيها ما بتزبط
طب اهمل سياره ومستعمله وهبيانه ما بتلاقيها باقل من 8 او 9 الاف دينار
كله هاد من التصميد ال 800 دينار
طب جوزك بدنا نفترض انه هو بصرف عليكي وعلى مكياجك وعلى لبسك وعلى بنزين سيارتك وعلى طلعتك وفوتك واكلك وشربك ومرضك وعيادات الدكاتره والحمل والولاده
طيب كيف عايشين هاد بتموتوا من الجوع وعلى اساس انك ما بتساعديه لانك بتحوشي من المليون دينار اللي بتاخديهم راتب
يا شيخه ارحمينا اي رواتب ال 500 وال 600 بيعتبروا قاعدين في البلد من تبعون خط الفقر
فبدك تقنعينا انه عامله كل هاي الاشياء والهدايا يختي من راتب ما بعيش عيله لحاله ولا بعمل بيت ولا بعمر ولا بتمر
مش ناقص الا تقوليلنا الا انه انت بتروحي من راتبك كل سنه على جزر الكاريبي وبتقعدي بافخر المنتجعات وبتفكري تهدي جوزك يخت بعيد ميلاده بشهر 8
تخنتيها .
اسمعني انت يا عجرمي
انا اعمل منذ 10 سنوات وراتبي 800 دينار
زوجي يعمل وراتبه 750 دينار
لدي سيارة ولدى زوجي سيارة وليست هناك اقساط
مصاريف البيت كلها على زوجي
ادخر في البنك وصبح لدي رصيد لا يستهان به وسوف اشتري شقة لاهديها لزوجي في عيد ميلاده في شه 4 من هذا العام
انتو كرجال طالعين فيها بالعلالي هلكتونا باصواتكم
احنا في القرن 21 وشوف انت وين موقعك وين عايش؟
---------------
بس بدي افهم شو هي الشقه اللي بدك تشتريها بشهر 4
يعني اهمل شقه غرفه وحمام ومطبخ قد ط....... ز العقربه ما بتلاقيها باقل من 60 الف دينار
يعني بدك تفهمينا انك اشتريتها من التصميد طيب احسبيها ما بتزبط
طب اهمل سياره ومستعمله وهبيانه ما بتلاقيها باقل من 8 او 9 الاف دينار
كله هاد من التصميد ال 800 دينار
طب جوزك بدنا نفترض انه هو بصرف عليكي وعلى مكياجك وعلى لبسك وعلى بنزين سيارتك وعلى طلعتك وفوتك واكلك وشربك ومرضك وعيادات الدكاتره والحمل والولاده
طيب كيف عايشين هاد بتموتوا من الجوع وعلى اساس انك ما بتساعديه لانك بتحوشي من المليون دينار اللي بتاخديهم راتب
يا شيخه ارحمينا اي رواتب ال 500 وال 600 بيعتبروا قاعدين في البلد من تبعون خط الفقر
فبدك تقنعينا انه عامله كل هاي الاشياء والهدايا يختي من راتب ما بعيش عيله لحاله ولا بعمل بيت ولا بعمر ولا بتمر
مش ناقص الا تقوليلنا الا انه انت بتروحي من راتبك كل سنه على جزر الكاريبي وبتقعدي بافخر المنتجعات وبتفكري تهدي جوزك يخت بعيد ميلاده بشهر 8
تخنتيها .
14-01-2014 01:16 PM
مهندس فارس
روحي الاردن وما تخافي من المستقبل مضمون انا بتجوزك وبتستقري احسنلك ويا ريت تردي جواب ونتواصل عشان نتفاهم
14-01-2014 02:05 PM
زمان الصمت
سلام للجميع ال صاحبة الطلب حاولي اتجمعي لكي مبلغ تقدري تنطلقي به بمشروع في بلدك وبين احبابك
14-01-2014 02:20 PM
فلسطينيه لزيزه
اسمعي ترديش على حدا
رايحه تندمي كتير
ازا مشتائه لاهلك حاكيهم على النت
رايحه تندمي كتير
ازا مشتائه لاهلك حاكيهم على النت
14-01-2014 03:11 PM
مازن
انا اعمل في السعودية وابحث عن بنت حلال اكمل معها ديني وحياتي وتكون انيستي واكون لها كل شئ في غربتنا.
mazenaboud1983@yahoo.com
اتمنى التواصل عالخاص وهذا ايميلي.
mazenaboud1983@yahoo.com
اتمنى التواصل عالخاص وهذا ايميلي.
15-01-2014 09:56 AM
لا ترجعي
عزيزتي.. حياتك شغلك وبس، ما انتي كنتي فبلدك وبين اهلك لحتى صار عمرك 27 ومهندسه وماستر وحالتك حاله. ليش ما حد تقدملك.
لا تدمري مستقبلك وترجعي واذا الك نصيب بشي الله ببعثلك اياه وين ما كنتي.
انا مثلك مهندسة وعلى درجه عاليه من الجمال وملتزمه وبشتغل من وقت ما تخرجت.. بس وصلت 30 وانا بستنى ابن الحلال وما اجى. بعدها قررت انه ابلش حياه جديده وسافرت وبلشت شغل جديد وهربت من التفكير ومن الانتظار.
لا تدمري مستقبلك وترجعي واذا الك نصيب بشي الله ببعثلك اياه وين ما كنتي.
انا مثلك مهندسة وعلى درجه عاليه من الجمال وملتزمه وبشتغل من وقت ما تخرجت.. بس وصلت 30 وانا بستنى ابن الحلال وما اجى. بعدها قررت انه ابلش حياه جديده وسافرت وبلشت شغل جديد وهربت من التفكير ومن الانتظار.
16-01-2014 07:18 AM
طاهت
ارجعي الى الاردن لانه ربنا ما بترك حدا كل انسان ياخذ نصيبه من الدنيا ورزقه مقدر. فلا تضيعي عمرك في الغربة , لان الايام تمر بسرعة ولا تشعري الا وانت وحيدة بعد ان يتسرب العمر من بين يديك.
16-01-2014 01:02 PM
؟؟؟؟؟؟؟؟
حيرتوها تضل ولا ترحع
16-01-2014 02:39 PM
طالب القرب
يا بنت الناس الله يفرجها عليكى ويهدى سركز اذا ما بتمانعى وعندك مجال اتسوى شات مع عريس متواجد بالدول الاجنبيه بغرض الزواج . راسلينى والله على ما اقول شهيد.
16-01-2014 04:31 PM
ادم
ماتردي لاترجعي كلها مصالح
16-01-2014 10:34 PM
صاحبة المشكله
في قلبي مدينة من الاحزان ,وحدة هزت وجداني ... اشتاق حد الالم لتلك الطفلة التي ماتت في داخلي بعدما هرمت سريعا ...
كم اشتاق الى تلك الشوارع وتلك الاماكن التي كانت ميلاد احلامي وامنياتي ..
عذرا يا وطني فما لدي من خيار سوى الغربه ... ولكن ستبقى في قلبي وسط الاحزان ووسط شوقي لك...
كم اشتاق الى تلك الشوارع وتلك الاماكن التي كانت ميلاد احلامي وامنياتي ..
عذرا يا وطني فما لدي من خيار سوى الغربه ... ولكن ستبقى في قلبي وسط الاحزان ووسط شوقي لك...
17-01-2014 12:28 AM
أدم ابن الساط
يمكن أنسى مين أنا......
ويمكن ما يكون لي وجود...يمكن ما أطول السما ويمكن أرحل ما أعود بس لا يمكن في يوم أنساك لو تعديت الحدود لو ألف الكون كله مثل الاردن غالي للأبعد الحدود
ويمكن ما يكون لي وجود...يمكن ما أطول السما ويمكن أرحل ما أعود بس لا يمكن في يوم أنساك لو تعديت الحدود لو ألف الكون كله مثل الاردن غالي للأبعد الحدود
17-01-2014 10:12 PM
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
ام هو دورها بان تكون ام تنشا وتربي
والله يا سيدتي الحياه صعبه
ومن الصعب هنا النصيحه