اريد حلاً مقنعاً


جراسا -

قصتي بدأت بعد الزواج بعام واحد تقريباً. انا وزوجتي نؤمن بأن الحياة الزوجية مسؤولية الطرفين ، وكذلك بمفهوم المساعدة في محيط بيت الزوجية. مساعدة الزوج لزوجته في البيت تعزز العلاقة وتثمنها، ولكن الذي حصل هو ان زوجتي اخطأت في تبني اسلوب الترويض من خلال المساعدة في الاعمال المنزلية، الى تحمل مسؤولية النتائج لهذه الاعمال، على سبيل المثال لا الحصر. لو انها طلبت المساعدة بعد تناول وجبة الغداء بترتيب الطاولة او نقل الاواني، اقوم بالمساعدة من باب الحب والاحترام وتقديري للمجهود الذي بذلته في تحضير تلك الوجبة من بين مجموع الاعمال المنزلية اليومية الاخرى. وبعد المساعدة لعدة مرات، اجدها تقول بعد الانتهاء من الاكل، انت رتب المطبخ بينما اذهب لاختيار الملابس التي سأرتديها لزيارة اهلك. وهكذا يتدرج الوضع الى ان نصل الى الانتقاد في انني لماذا لم انظف المطبخ بعد تناول الطعام وكأنها اصبحت من مسؤولياتي.
الجميع يعلم عندما تناقش هذه الامور بين الازواج، تبدأ الزوجة بالبكاء وتجمع كل ما حدث ويحدث وما سوف يحدث مستقبلاً من امور سلبية، وانها تتعب من كثرة العطاء ويجب على الازواج مساعدة بعضهم البعض وما الى ذلك من امور، مما يجعل الزوج لا يستطيع تقديم الحلول لهذا الكم من المعاناة التي تعانيها ويحاول تهدئة النقاش اما بالهدوء او بالصراخ والعصبية. من يستطيع ان يحل المشاكل التي حصلت خلال سنوات والتي تحصل حالياً والتي سوف تحصل مستقبلاً في جلسة واحدة؟
وكي لا تحدث مثل هذه الامور ادعوها لتناول العشاء في احد المطاعم الهادئة كي استطيع التحدث دون انفعالات. ولكن الذي يحدث في هذه الحالة هو انها لا تستطيع رسم الانفعالات على وجهها امام الناس، وتنتظر الى ان نعود للبيت وتعتكف في غرفتها مع ثلاث علب من محارم الورق لتجفيف دموعها وتنتظر دخولي بفارغ الصبر كي تصب غضبها على تصرفاتي وافعالي واقوالي وهكذا.
اذا ساعدت في اي شيء بعد فترة من الزمن يبدأ الانتقاد اذا لم افعله لوحدي دون اخباري.
وفي يوم من الايام حضرت اختها وزوج اختها الينا في زيارة يتضمنها عشاء،،، وبعد العشاء اخذت بنقل الاواني الى المجلى، وحين لم ارى اي منهم تقدم للجلي، اخذت بجلي الاواني من نفسي حين رآني عديلي وسألني لماذا اقوم بهذا العمل ؟ قلت له بأن الاواني المتسخة كثيرة ويجب تنظيفها وهذا من باب المساعدة، وهنا بدأت زوجتي بالبكاء، طبعاً غمر الجميع الاستهجان، وسألوها لماذا تبكين؟ قالت هل سمعتم ما قال؟ انه يقوم بالتنظيف لأنها متسخة. ولم يقل انه ينظفها لأنه يحبني.



تعليقات القراء

واقع من طيارة
كه كه كه
رد بواسطة المرعب
الايام هاي البنات سلامتك من الاه 70 بالميه خالصات بدها كل اشي جاهز ما بدها تتغلب في اشي
07-01-2014 03:09 PM
معلقة
الحياة الزوجية تعاون --ولم تخبرنا اذاكانت زوجتك موظفة فاذا لم تكن موظفة فهي المسؤولة الاولى عن تنظيف البيت ولا بأس من معاونتها اذا كثرالعمل عالخفيف واذا كانت تعمل فعليك بمساعدتها اكثر انما ان تأمر عليك وتتأمر فلا تقبلها هذا واين شخصيتك ورجولتك --لا تهتم لبكائها وتمسكنها الا اذا شعرت انها محقه -اتركها تبكي ولا تهتم لها واياك ان تقبل ان تهينك امام الناس وان حصل فرد لها الصاع صاعين واعلم ان الحياة الزوجيةتعاون واحنرام مبادل بين الازواج
07-01-2014 03:11 PM
لبونه المزيونه
لا تساعدها وخليها تشتغل بالمطبخ لحالها لانها ما راح تتفهم انك بتساعد فيها .

في ناس لا تقدر قيمة الشريك الا ازا ابتعد عنه وتركه.
07-01-2014 03:13 PM
الى صاحب المسلسل
اي شو هالمشكله هاي

طريقة السرد وكأنها من مسلسل تركي

مش باقي الا يكون اسمك يحيى وهي اسمها لميس

خميله كتير
رد بواسطة سلامة
مش مسلسل
القصة تحدث مع الكثير و عادة تحدث مع الشخص البيتوتي و الهادئ
الشخص البيتوتي يكون عنده وقت فراغ كبير و بما انه شخص هادئ و لا يفتعل المشاكل بصير يحاول يساعد زوجته ببعض الاعمال و اذا كانت زوجته من النوع الغير شكور يحدث ما تم سرده في الموضوع
و اذا سألت صاحب الموضوع عن نسبة ما تَحدَّث به الى ما أخفاه رح تعرف انه المسلسل هندي على مكسيكي على تركي و انت بالموضوع المطروح بعدك في الحلقة الأولى
07-01-2014 03:13 PM
فراولة
هههههههههه بضحك زوجتك
شوف ياخي حلو الواحد يساعد زوجتو ويحس فيها ويقدر المجهود الي بتبذلوا حتى يكون مرتاح في عش الزوجيه
لكن في نسوان ما بتنعطى عين يعني هيه بدل ما تقدر الشي الي أنتو بتعملوا صارت تتمادى وأصبحت تافه وتتخلق المشاكل وتتصنع المسكنة والدموع
شوف الحل الجذري
أنت ما ذكرت انو في أطفال او لاء وما ذكرت اذا هيه موظفه
يعني عفوا البيت الي ما في أطفال ما بدوا شغل وادا هيه ربة بيت يعني هاد شغلها وأنتا الك شغلك كل واحد يهتم بشغله وبلاها ألمساعده الي ما جبتلك غير وجع الرأس
07-01-2014 03:15 PM
اذا انت اكرمت اللئيم تمردا
اسمع يا شاطر بعد كل وجبه احكيلها الحقيني بالشاي او القهوه او اي شي على الصالون. هيك بتفهم انك ما رح تنظف شي ولا يهمك من دموعها كله تمثيل عشان تحرث عن قلبك وانت اعطيها طناش واعمل مش فاهم ولا تراضيها ولا على بالك عشان تحس انه التنظيف من واجباتها واياك تخلف منها الا لما تنعدل وتخدمك بحق الله
رد بواسطة رد
كلوا جاهز

او حبوب فيتامينات
07-01-2014 03:37 PM
إضـــــاءة
ما عليك الا وضع حد لإستخفاف زوجتك بك َأمام الناس ، إبدء من هذه اللحضة ، لا تقوم بمساعدتها بأي عمل منزلي ، ليس لعيب في ذلك ولكن السبب هي درجة إستخفاف زوجتك بك ، فعندم تستخف الزوجة بزوجها ، فأنها وبكل اسف لا تراه رجل ، وإن بقيت َعلى هذه الحال ، فإن مستقبلكما سيء ، والتفاهم بينكم سيصبح محال ، كُن رجلٌ في عين زوجتكَ ، وضع حداً لهذه المهزلة والاستخفاف بكَ ، حتى لايقع ما لا يحمد عقباه مستقبلاً ...


لاتنسى كُن رجل من هذه اللحضة ...
07-01-2014 03:42 PM
بنت الأكابر
مين حكالك انه امور تنظيف المنزل من واجبات الزوج ،هالشي غلط الرجل بطلع بشتغل وواجب المرأة تقوم بامور بيتها على اتم وجه حلوة المساعده والرسول عليه الصلاة والسلام ساعد زوجاته بشغل البيت بس مش بالطريقه هاي ولا من حق زوجتك تجبرك تجلي او ترتب ممكن انك تساعدها بانك ما تكون فوضوي او بأشياء منك لحالك تعملها او بحال مرضها هي استخدمت سلاح الدموع لانها بتعرف انك ما بحب تشوف دموعها استخدمت حبك الها لصالحها ولغاياتها هي واجبها تجلي وواجبها تقوم بخدمتك مش العكس .
بعتذر على طول التعليق
07-01-2014 03:43 PM
واحد مش غبي
غبى اللي يغبيك ابتجلى وعندك ضيوف لو عندنا بالبلد صار ت غير الفضيحه بجلاجل هههههههههههه لا تجلي غسل الغسيل اوليف الحمامات
رد بواسطة رد
ذكي
07-01-2014 03:59 PM
مسافر لوحدي
انداري عنك وعن زوجتك ههههههههههه
اسال امك لما كنت زغير وقعت من ع الدرج على راسك ؟؟
07-01-2014 04:19 PM
5555
اشتري جلايه بلا مسخره

جاي بتلعب بعواطف الغلابى

العزابيه اللي ما بيعرفوا يقلوا بيضه
07-01-2014 04:42 PM
واحد خبير جلي
1.لا تنسى لبس القفازات اثناء الجلي حفاظا على نعومة يديك
2.لا تستخدم الغولدن استخدم مدار افضل
3.عليك بالماء الساخن
4.صحن البيض اغسله بالماء البارد
وسلامتك
رد بواسطة ص
ههههههههههه
07-01-2014 04:42 PM
ابو قيس
بدك الصراحة دلع نسووووواناجلدها كف او كفين بلا جلي بلا بطيخ
هذه في النهاية راح تخليك طرطووور
رد بواسطة ام قيس
ابو قيس شو بتسوي هون روح اجلي
07-01-2014 04:47 PM
البيوت اسرار
سلام الله عليك يا اخي الفاضل.. بداية جزاك الله خيرا إذ تحاول ان تتعامل مع زوجتك بتلك الاخلاق الراقية بعدم احراجها والصبر عليها..
انصحك بما يلي:
اولا :
امر لا يختلف فيه اثنان ان امور الاعمال المنزلية تخص المراة لا الرجل..

ثانيا:
لا بأس ان يعاون الرجل زوجته بما يستطيع الامور البسيطة فقط ..الرسول الكريم صلى الله عليه وسلم كان يقوم بخدمة اهله فيخصف نعله و يخيط ثوبه .. فهذه اخلاق طيبة جزاك الله خيرا عليها..
ثالثا:
انا افضل ان تبقى هذه المساعدات اسرار بين الزوجين لسبب ان الناس لا ترحم مرة سيقولون تتحكم بك زوجتك او مرة يحسدونها ان لها زوجا يساعدها.. فليبق الامر بين الزوجين افضل ..وما فعلته انت في العشاء اذ قلت انك تنظف الاواني لانها متسخة طبعا ماذا سيكون جوابك طالما كان في الصحون طعام اذا اتسخت ..

رابعا:
انا صدقا لا اوافق ما فعلته زوجتك .. يا ليتها تستمع لنساء و زوجات لترى ان هناك بعض الازواج و ليس كلهم لا يعتني بالترتيب و الهندام في نفسه فكيف باعمال المنزل,,

اخيرا اخي انا لا اريد ان اقول شيئا عن زوجتك فتحمل في قلبك عليها لكن اقول لك عاون بالامور اليسيرة و ان تمننت عليك و جرحت مشاعرك توقف عن مساعدتها حتى تجعلها تشعر بقيمة ما كنت تفعل معها .. الله سبحانه و تعالى جعل مسؤولية طلب لقمة العيش و الاعمال خارج البيت و اجب الرجال و البيت و اعماله للنساء .. ولا بأس بالتعاون من قبل الزوج بما يناسبه .. لكن بحدود ..
وفقك الله اخي و لا تحمل نفسك ما لا تطيق ..وبارك الله لك في زوجتك وهداها لطريق الخير
رد بواسطة بائع جريده هههه
جريده
رد بواسطة البيوت اسرار / بائع جريدة
شكرا على كرم اخلاقك ؟؟؟
رد بواسطة صاحب المشكلة
اشكرك على لباقتك ومشاركتي مشاعري
احسست من كلامك وكأنك اختي وتتقدمين بالنصيحة.
لم اعد اساعد في شيء بعد تركها للوظيفة، ولكن المشاكل ازدادت واصبحت الآن لست ذلك الزوج المثالي بنظرها.
رد بواسطة البيوت اسرار / صاحب المشكلة
عفوا اخي .. ليس من الضروري ان تكون مثاليا في نظرها كن مثاليا في نظر نفسك .. و اجرك على الله ...كن مثاليا لاولادك ..وستصبح ابا مثاليا .. صدقني الاخلاق في هذا الزمان قل اصحابها .. انت ادي واجباتك الزوجيه بما يرضي الله و ان شاء الله ربنا يحببك لقلبها و يبارك في ذريتك .. الصبر جميل يا اخي
رد بواسطة مثقااال
لااااااايك .. صح كلامك يا اسرار ومشكلة الاخ ذكرتني بمثل صيني يقووول .. كلما ازداد حب المرأه لزوجها استطاعت تصحيح اخطاءه ,, وكلما ازداد حب الرجل لامرأته ازدادت عيوبها , يمكن ما ينطبق المثل على الجميع بس اعتقد انه صحيح !
رد بواسطة معلقة
فعلا انت البيوت اسرار لبقةاما انت يا صاحب المشكلة طالما انها تركت عملها فان اعمال البيت بالدرجة الاولى والثانية عليها وللعلم انا كنت موظفة وتركت عملي--احيانا اذا كان عند المرأة اولاد او تكون مريضة يكثر العمل عليها فلا باس من مساعدتها على الخفيف وكما قالت لك البيوت اسرار عليها ان لا تامرك امام الناس
07-01-2014 05:20 PM
شو هاد
يا اخي شو قصة هالناس اللي بتقلك

الرسول صلى الله عليه وسلم كان يقوم على حدمة اهله


يعني مين زي رسولنا الكريم

يعني مين زي امهات المؤمنين

ما في غير محمد بن عبد الله واحد بس

وما في امهات مؤمنين الا بس زجات الرسول

وغير هيك الناس عاديه وبتمشي على العرف وعلى التقليد وعلى ما هي متعوده


مقبول انه الزلمه يساعد مرته باشياء في البيت زي نتع الاشياء التقليه

يروح يحمل كيس الزباله ويكبه بره البيت

يشتري الخضره ويعتلها

يزيح الاثاث علشان مرته تمسح او تغير موديل الاثاث

أما يوقف بالمطبخ ويشطف ويجلي ويطبخ وينفخ ويعمل القهوه والشاي

والست بدور قاعده ولافه رجل على رجل

خلص لشو مسمي حاله زلمه

يروح يلبس ملايه

او خراطة الصلاه

ويقعد مع النسوان الصبح ويلت ويعجن ويلقط حواجبه كمان
رد بواسطة البيوت اسرار
انا اعلم ان الرد كان على ما كتبت ..
نعم ليس هناك مثل رسول الله صلى الله عليه و سلم وليس هناك مثل زوجاته .. لكن نحن نقتدي بهم .. صاحب المشكلة عرض مشكلته ان كتبنا كلاما قاسيا و كبرنا المشكلة ربما تسببنا بمشكلة معه و زوجته قد تؤدي بهما لطلاق لذا نحاول دوما تهوين المشكلة على صاحبها فقط..
رد بواسطة صاحب المشكلة
نظرتك للموضوع مختلفة عن الآخرين
لست بحاجة لتلقيط حواجبي اولاً ثم انا مدرب جودو وطولي 196سم ووزني 88 كلغ ولا ينقصني من الرجولة شيء، ولكن في منزلي كنت ارغب ان اجعله منزلا مثالياً فقط
رد بواسطة خولة
انت من وين جايين يا ناس اكرم الخلق كان يساعد بأمور البيت
والحق عالمرة اللي بتخلي حالها خدامة
البيت مسؤولية الجميع
اكلت اشي قوم نظف وراك واجليه
وساعد وقدر زوجتك

لكن انا لازم اوقف مع الحق بهاي المشكلة المرة غلطانة ولازم بالعكس يزيد حبها لزوجها
ولازم هي ما تقصر الله يفرجهاعليك يا صاحب المشكلة ويهديك للصواب ويسعدك
رد بواسطة الى صاحب المشكله



يا اخي شو دخل انك مدرب جودو ولا كراتيه ولا كل فنون القتال المعروفه وغير المعروفه

ولا انت بدرب سلاحف النينجا

وطولك وعرضك وعضلاتك

بالرجوله

الرجوله افعال
الرجوله اقوال

الرجوله هيبه

الرجوله انك توصل رساله بسيطه لشريكتك انه سكوتي ما بيعني ضعفي

وهدوئي ما بعني اني جوز جرابات


اما انه تتمادى بيعني انكم تبادلتوا الادوار

واتحولت لجوز الست

قال تبكي قال طيب ما تقطع حالها كمان

اللي زي هيك ما عم تفهم عليك

وما عم تحس وما بدها تحس

المفروض انه يتم رفشها بالشلوط على بيت اهلها

ربيها شهر زمان

بترجع زي الساعه الا اذا شخصيتك ضعيفه بعيدا عن العضلات المفتوله
07-01-2014 05:28 PM
ام ريااااااااااااااااااان
طيب وبتخلصهم كلهم ثلاث علب من محارم الورق!!! على قعده وحده..هذا تبذير!
لنفرض انها القصه واقعيه فمرتك بدها اكمن كف وعضه..واذا ما نفع لا تقرب صوبها!! فاهمني اه
واذا ما نفع هددها بزوجه ثانيه وع طول بتصير مثل التوتو بيدك
قال يجلي قال..اي والله اذا ابو ريان دخل ليساعدني انا بطرده من المطبخ
اذا ما كان الرجل سي سيد ما بينفع والله ما بينفع!
رد بواسطة صاحب تامشكله
لا تقرب صوبها!! فاهمني اه.......لا ما فهمت اختي ام رياان
رد بواسطة صاحب المشكلة
اعتقد اني بدأت افكر بزوجة اخرى
رد بواسطة خخخخخ
ايش يا عمي من ايمتى المرة خدامة
اصلا الغرب بيساعدوا زوجاتهم وهاد الاشي المزبوط
لكن وللاسف الحق عالنسوان اللي زيك
اللي بخلونا نتراجع لورا
رد بواسطة ام رياااااااااااااااان
ههههههههه..له له يا صاحب المشكله اذا كنت انت فعلا صاحب المشكله
انا بحكيلك هددهااااااااا ولا تعملهااااا
بشرفك اوعى تتزوج عليها..ترى انا بولع اذا حد اتزوج ع مرته
هيك بالكلمه الحلوه بلحظه صفا احكيلها حبيبتي اللي بشوف عمايلك بيحكي انك مريضه نفسي وبتبكي ع اقل شي .وهيه بتصير كده
وخبرني شو بصير معك هههههههه
شو صابون الجلي اللي بتستخدمه؟؟
رد بواسطة صاحب
انا بستخدم فيري ....وحضرتك
رد بواسطة هههههههههه
ام رياان احلفي انه ابو ريان ما بجلي
رد بواسطة ام رياااااااااااااااان
انا غولدن الاصلي وما بغير عنه..شنو انا ما بحب غير الاصلي!!
والى هههههههههه..جلى بصراحه اكم مره بس بضل الجلي وسخ وبضطر اعيد وراه !
يلا باي
رد بواسطة صاحب
ام ريان للغسيل البرسيل ولا اريل افضل
رد بواسطة مثقااال
تعجبني عفويتك وبساطتك وروحك الحلوه في التعبير عن قناعتك .. ربنا يديم عليكي السعاده وراحة البال بين عائلتك واهلك !
رد بواسطة صاحب المشكله
يا اختي ام رياان الهجر حرام ...
رد بواسطة العصفوره
ام ريان
ابو ريان بيشكي من الميه البارده

مو من الجلي
07-01-2014 05:28 PM
صانع الفرح *
ومن يهن يسهل الهوان عليه...
ما لجرح بميت إيلام

يا للاسف !!!!!!!!!!

وهل وجدت الرجال لهذه المواقف المحرجة والمخزية ؟

قبل ان تصبح مطية لزوجتك فيما بعد وما تبقى من عمرك عليك ان تحاول الاحتفاظ بماء وجهك ولو امام الناس لان الامر مقصود باهانتك امام الحضور على العشاء ايها السيد .

لا ادري وكيف تقبل ان تكون اضحوكة لمن حولك ؟

يا اخي ساعد زوجتك اذا مرضت او تعبت او اصابها مكروه لا سمح الله اما في غير ذلك فانت ذليل وسيبدأ البيت بالانهيار شئا فشيئا وفي النهاية انت الخسران.
رد بواسطة صاحب المشكلة
اعلم هذه الامور جيداً ولكني من باب الاحترام والتقدير اساعد في امور المنزل.
ولكن يبدو ان الرسالة وصلت لزوجتي بالمقلوب
رد بواسطة البيوت اسرار/ صانع الفرح
سلام الله عليك اخي .. اتابع تعليقاتك باهتمام لكن لدي عتاب و طلب ..
اما العتاب جملتك تقول فيها : اما في غير ذلك انت ذليل .. لا هو خلوق و لكن زوجته لم تقدر..
اما الطلب ارجو ان تبحث عن عنوان على النت او من كتب الحديث وهو خدمة رسول الله صلى الله عليه و سلم في بيته او كيف كان رسولنا الكريم في بيته .. عندما تقرا ما كتب تحت هذا الباب ستعرف قصدي بالتوفيق اخي صانع الفرح
07-01-2014 05:45 PM
صانع الفرح *
اسعد الله مساؤكم جميعا:)

المحرر / اسعد الله مساءك بالخير :)
رد من المحرر:
هلا مساء الورد
07-01-2014 05:47 PM
..
الجلي وما أدراك ما الجلي :( :(
07-01-2014 05:51 PM
ام ريااااااااااااااااااان
الى خخخخخخخخخخخخخ
الحق علي بدي اعمللكم برستيج!
07-01-2014 06:08 PM
سالي الى صانع الفرح
يسعد مساك وكل اوقاتك اخي ابن الاوصل الطيبة
رد بواسطة صانع الفرح ٠
وأسعد الله مساء بنت الأصل الطيب وفرحة الموقع وبسمته خفيفة الظل :)
07-01-2014 06:15 PM
اردنيه....
ليش الجلي تحديداً يعني ؟ شكلها عواجزيه المره .. وانا مع اختى ام ريان هددها بزوجه تانيه واذا ما نصلحت .. اعملها عنجد واتزوج وحده تانيه ...
07-01-2014 06:32 PM
حمش
لا تجيب فاين بتبطل تبكي
07-01-2014 06:59 PM
ههههههههههههههههههههههههه
اسمع اعمل حالك ما بتعرف تنظف الجلي
07-01-2014 07:06 PM
--Zaid--
صاحب المشكلة
شوف يا كبير أنا قلتها من قبل ،،،، هاي حواء لا فاهمة حالها ولا تاركة حدا يفهمها ،،،، ومع ذلك أنا عندي معتقداتي الشخصية ل التعامل مع حواء ،،،، إذا حسيت انها بتناسبك طبقها وبضمنلك مرتك تمشي زي الساعة .
بداية مبدأ التعاون رائع جدا وبنم عن وعي وثقافة ،،،، لكنه أثبت فشله لذلك فكنا من التعاون بالجلي والشطف وتعاون معها بطريقتك الخاصة ،،، يعني خليها تطبخ وانت كل ،،،، هي تكنس السجاد وانت اقعد ع الكنباي ،،،، هي بتغسل وانت
بتلبس ،،،،
هاد بقلك انه حواء بتكره الرجل المنصاع لأوامرها ،،،، ف يا حبيبي بدك تمد مسورة بين ذنيك بحيث انه الطلب اللي بتطلبه منك مرته يدخل من اليمين ويطلع من الشمال ،،،، بالعربي افقعلها مرارتها .
بتقعد انت وياها وبتفقعها محاضرة تعرفها حجمها لأنها بنظري تمادت كثير ،،،، بدي أقلك افقعها طلاق بس عشان الحلال والحرام بلاش .
المفروض تتفقوا على اسلوب معين بالتعامل قدام الناس حفاظا على ماء الوجه ،،،، يعني جد بتصرفها الطفولي أحرجتك وزي كأنها دارت مية وجهك ع الدرج وشطفته ،،،، ،،،،، كما تكونوا يولى عليكم ،،،، وهتلر ما حرق اليهود الا لأنهم يهود ،،،، وانت لأنه مرتك هيك لازم تصير هيك ،،،،، وصحيح بالنسبة ل الدموع ،،، ف بحب أقلك فتش منيح بالخزانة ورح تلاقي جمب ثلاث باكيتات الفاين ثلاث علب دموع اصطناعية ،،،، الحرب خدعة يعني ولا يهزك بالعكس لما تشوفها بتعيط جيب رمل صويلح ورش عليها وقلها هيك بصير المشهد أحلى ،،،،، النصائح المذكورة فوق ل حالات خاصة يا جماعة ،،،، يعني مش ألاقي واحد مرته البين طاسها ومتحملة قرفه طام مرته بالتراب !! الطيبة خليك أطيب منها ،،، وإذا كانت غير هيك ف داوها بالتي هي داء .
،،،
رد بواسطة خليل
ههههههههههههههه ... يازم ينعن عمرها قد مابحب اقرأ تعليقاتك وافطس ضحك لانها فعلا بتفش الغل وكأنك معشش بقلبي
07-01-2014 07:18 PM
فؤاد

اخي مشكلتك بسيطة بس انت مكبرها شوي
يبدو انه ناقصك بعض الحزم وان تحاور
مرتك وتشرحلها يلي شرحته لنا عن غضبك واحباطك من الموضوع او القصة هاي فاذا ما استجابت مرتك لازم تكون حازم اكثر وتوخذ موقف
الحياة بدها مساعدة خصوصا اذا مرتك موظفة او مريضة او تعبانة لكن بحدود معينة ليس عيبا
لكن لكل منكم واجبات يجب ان يلتزم بها كل طرف .
معاملتك لمرتك رائعة وارجو ان تستمر عليها لكن للاسف مرتك استعملتك
لذلك استعد زمام الامور لكن بدون انفعال او افتعال مشاكل كلمها فان لم تستجب اهملها .... اكيد راح ترجع تعرف خطؤها ترجع افضل من الاول
اخي حافظ على اسرار بيتك ولا تحدث بها اهلك او اهلها حتى لا تكبر المشكلة الصغيرة فتصبح خارج السيطرة
ملاحظة
الزواج من اخرى لا يحل مشكلتك بل يعقدها واسمحلي الخلل منك وليس منها
وفقك الله
07-01-2014 09:47 PM
نسونجي
يعني كلامك عجيب غريب والعقلية الشرقية براسك مع انه اسلوبك وكلامك بدل انك مثقف ليش الفكرة الراسخة انه الطبخ والجلي والشطف والغسيل الخ ع المرأة مش ع الزلمة يعني؟؟!! ولنفرض انه ساعدتها ليش ماتحسسها انه هالاشي طالع من قلبك ولانه بتحبها وبلا منها الفلسفة الزايدة التعاون والحياة التشاركية والفصحنة انك زلمة مودرن ومتحضر الموضوع بسيط زوجتك واغلب الاناث حساسات وعاطفيات الكلمة الحلوة عندهن بتسوى الدنيا سمعها كلمتين حلوات واذا ما بتعرف ادخل ع جوجل واسرقلك قصيدة لنزار قباني وتعلم بدل هالهبل تبعك لمتى بدي اظل اعلم فيكم انا؟؟!!.. وبهديك اغنية كاظم غنيها للمدام وانت عم تجلي (صبرا يا عمري لن تري جليا يسيل ,,, سترين معنى السيرف في هذا الغسيل ,,, فتفرجي هذا المسا اوومووو العجيييب)
رد بواسطة صاحب المشكلة
ركزت على الجلي ونسيت المشكلة كما فعل بعض المعلقين. قرأتم المشكلة وفهمتم ما ترغبون انتم بفهمه ،،، وعلقتم
رد بواسطة نسونجي
صباح الخير ياعزيزي

ياصاحب المشكله ياعيني انت كمان فهمت تعليقي ع كيفك ارجع اقراه من جديد وشوف الي بين السطور الرومانسيه والمرح احسن اسلوب للتعامل مع اي انثى

ولاحظت انه بالك طويل فعشان هيك بنصحك تقرا كتاب الرجال من المريخ والنساء من الزهره ورح تتعلم شغلات كثيرة بعالم الانثى

تحياتي
رد بواسطة مسافر لوحدي
طيب بشوف لك اللسان ليه ما اطلقتوا على حرمتك ولا بتخاف منها وبدك تبين انك رجل هون
08-01-2014 02:53 AM
نسونجي الى اسووول
أهلا وترليون سهلا فيكي نورت فيكي وع فكرة جد الك وحشة الواحد ماله خاطر يعلق وانتي مش موجودة

بنهديكي كمان اغنية كاظم كونه منسمه معي ع كاظم اليوم (صباحك سكر )
رد بواسطة اسوووول الى نسونجي
اهلا فيك ...والله انه انا كمان مابعرف اعلق الا واكتب الك تعليق .وبنسبه للاغنيه كتيررر حلوه وانا بحب كاظم الساهر وليش مش منور الصفحه التانيه لمشكلت البنت لازم تنورنا في كل الصفحات
رد بواسطة نسونجي
الله يسعدك وكله الكلام بعض من ذوقك العالي والراقي واغاني كاظم حلوة خصوصا القصائد ومادام بتحبيها بكل تعليق رح نهديكي أغنية وهالمرة بنهديكي اغنية (سلامي)
شفتها المشكلة وشفت نورك هناك حكيت خلص ما لي كلام بعدكلامك ولو
08-01-2014 02:56 AM
لجنة المتابعة

هالقصة ذكرتني بهالنكتة

سألو طنط:
شو أكتر شي بذايقك؟

قالهم: إنو حبيبتي تعطيني شنطتها أحملها وما تكون لابئة على أواعيي

لك ينعن الشواسمو ....
رد بواسطة مسافر لوحدي
صاحب المشكله متابع جراسا كثير هههههههههههههههه
رد بواسطة لجنة المتابعة

صاحب المشكله

لا يسعني غير ان اقول لك .. الله يسامحك
رد بواسطة لجنة المتابعة

مسااافر لوحدي

الله يهديه ويصلح حاله مين ما كان يكون اللي بيخلي الامور توصل معاه لهيك حالة..
رد بواسطة مسافر لوحدي
حالته صعبه كثير قوي معقول طاسيته حجااب 20 عقده ههههههههههههه
رد بواسطة لجنة المتابعة

ليش هو الشاعر من قليل قااال :

من يَهْنْ يَسْهُلُ الهَوَانُ عليْه مَا لِجُرْحٍ بِمَيِّتٍ إيــــلامُ
08-01-2014 08:10 AM
مابعرف
شكلك محمل حالك جميله عشانك بتجلي..خلص لاتجلي والله زوجي الله يرضى عليه كان يسوي كل شغل البيت ويعملي حليب الصبح ويكويلي ملابسي وعمرو ماشكى ولا حسيت انه مضايق بس بعد مده انا حيتلو اهتم بشغلك وشغل البيت لاتصيبه لاني جدا احترمته لانه وقف معاي باشهر الحمل الصعبه ..مش كل النسوان ما بثمر فيهم ..والله لويطلب لبن العصفور بجيبله اياه لانه محترم
08-01-2014 08:44 AM
س
انت يا صاحب المشكلة رجال مركب على مرا اخص على كل رجال بجلي اوبساعد مرته بالامور البيت اخص على كل رجال من امثالك صحيح انك دندول

رد بواسطة صاحب المشكلة
كم من ديك صدق ان الشمس لا تشرق الا بصياحه
08-01-2014 08:59 AM
كركروررر
الظاهر انه الحجه امك ما علمتك كيف اتكون رجل امام مرتك وكيف تروضها انت على مزاجك مش هيه تروضك على مزاجها .... ابدأ من اليوم وتفنن في انتقادها واخلق لها أعمال داخل المنزل عشان تشعر بالسيادة وهيه في مطبخها وتكون مبسوطه ...
08-01-2014 09:35 AM
Nawras.
عزيزي ,





كل كلامك - إلى حد ما - تمام , بس عند قصة العشا غلط 100 % , يعني إنت يلي دلّعت زيادة ..



بصراحة لازِم تشد معها كتير , جنس حوًا ما بيتطمّع كتير بالزمان الحالي .





Good Luck ,
رد بواسطة الى Nawras.
انا اشكر الملكة التي قامت على تربيتك، انت باقة من الاخلاق والذوق والاحساس الرفيع.
رد بواسطة Nawras.
شكراً جزيلاً :)
08-01-2014 10:19 AM
صاحب المشكلة
انا اشكر الملكة التي قامت على تربيتك، انت باقة من الاخلاق والذوق والاحساس الرفيع.
08-01-2014 10:48 AM
قرفااان
بداية الحمد لله الذي اوجد في هذه الامه من يقدر ويفهم ويغار على المرأة...وان خالفت القلة القليله ذلك فمردها فقط الى الجهل...وهذا ديدن المتخلفين الذين لم يتعلموا من سيرة المصطفى عليه السلام ...اذ تجيب عائشه رضي الله عنها على احد الاسئله..وماذا كان يفعل رسول الله عليه السلام وهو في البيت..؟؟؟ فتقول كان في مهنة اهله...!!! الله اكبر...رسول الله في مهنة اهله...اي انه يفعل ما تفعله عائشه رضي الله عنها....ومرة اخري تقول كان المصطفى يكنس البيت...وكان يحلب الغنم..وكان يحضر الماء....!!!
فاين انتم من الرسول عليه السلام...!!!
ان المجتمعات الغربيه لم تتقدم الا بعد ان قدرت واحترمت المرأه...اما مسألة الحريه واللباس وغير ذلك فلسنا بصددها الآن...انما نحن نعالج ما عالجه الاسلام فاعطى للمرأة متسعا من المشاركه والمساعده..الم يفرح النبي عليه السلام وعائشه تتكئ على كتفه والحبشه يلعبون ويرقصون ويغنون...ورسول الله يقول ..العبوا يا بني ارفده..كي تعلم يهود ان في ديننا فسحه ..!!!!!!
مصيبتنا اننا اتخذنا رؤسا جهله فافتوا بما لا يعرفوا فضلوا وأضلوا...
اسال الله الهداه للجعميع...واما صاحب المشكله...فعليك بان توازن بين مساعدة زوجتك وعدم ضياع شخصيتك...لانني ارى ان في شخصيتك شئ ولو بسيط من ضعف الشخصيه
رد بواسطة صاحب المشكلة
اخي قرفان

في حياة كل انسان لحظة
لا تعود بعدها الحياة كما كانت

تحياتي
رد بواسطة الى قرفاان
يا رجل انت لا تقارن بين عائشه والجيل اللي ما يعرف غير الغيره من النسوان وتقليد اعمى لبعضهم بعض
لا تنسى انه احترام الزوج وطاعته بما لا يخالف ويعصى امر الله من احد أسباب دخول الزوجه الجنه وحط ببالك انه زوجته هالرجل تمردت على كل الأعراف والمواثيق الربانيه والأجتماعيه .....جعلت من زوجها اضحوكه امام الضيوف والحق عليه الي ما طعج ثمها كان ما بتعمل هيك.
رد بواسطة قرفااان
اخي صاحب المشكله..

لسن كلهن من تستوعب معنى ان يتنازل الرجل عن دوره الريادي والقيادي الذي رسمه له الاسلام..وبمجرد ان يبدأ الرجل بالمشاركه الفعليه للمرأه(الزوجه) فانها تعتبر ان هذا التنازل هو بداية انتقال السيطره والقياده من الزوج اليها...فتبدا برسم سياستها الجديده ظنا منها ان الآخر بات ضعيفا مستسلما...وان عليها الآن دور القياده...ومثل هكذا نساء مكانهن بيوت المتعه لا بيوت الزوجيه...!!!
08-01-2014 11:13 AM
ايات
مش الحق عليك انت بس بصراحة مرتك ما بتنطاق الظاهر انها ما بتنعطا عين انا بعتذر بس القصة ازعجتني كتير حلو كتير الوحدة تحس انو جوزها بحبها وبساعدها شعور بجنن بس هي ما قدرة هذا الشي واعتبرتها واجب عليك وكانها منظر بلبيت هذا شغلها هي بس اذا بدك نصيحتي كون قاسي معها شوي وما تساعدها بشي وحسسها بغلطها
انا جربت شعور انه حد يساعدك بكل شي لانه خطيبي سابفا هيك كان بس كنت احس بلحب بس مش انه فرض عليه هذا كان ذوق منه حتى لما تركته كنت اشتاق لكل شي كنا نعمله سوى حتى شغلي كان يساعدني بشي يالي بعرفه
بلعكس انت انسان رائع ونيالها عليك بس هي مش حاسه بلنعمه يالي هي فيها
بس انا حابه اعرف كم عمرها هي صغيرة؟؟؟
لانه اذا صغيرة بختلف الموضوع
08-01-2014 12:00 PM
5555
المسؤليه الاولى والاخيره تقع على الاهل
وليس على الزوج او الزوجه
الاهل تقع مسووليتهم انهم اصبحوا يركزون على تعليم البنت والحصول على الشهاده الجامعيه وكانها الشهاده تخدم الاسره مستقبلامن الناحيه الاجتماعيه
الشهاده فقط تحسن نمط الحياه فكم بنت
نجحت عمليا ورسبت في تكوين حياه مستقره
رد بواسطة فؤاد
كلام جميل وفعلا للاسف البنت لا تتعلم اي شيء الا لما الضحية زوجها يخطب ويتزوج بيتفاجا بشخصية مختلفة تماما
في تقصير من الاهل
08-01-2014 12:36 PM
مسافر لوحدي
صاحبه المشكله بدافع عن حاله ولا برد على نصيه لانه قناعته قويه بالي بعمله
اسسسسسسمع
جيب شغاله وريح حالك من الجلي بس يا خوفي ترجع تشتكي من الشغاله انها بتخليك تنشف الجلي معها
08-01-2014 12:40 PM
القبطااان
اسمع يا غالي

في بشارع سينما الحمرا وسط البلد واحد ببيع عصي خيزران بليرتين كانه الوحده ,, بتشتري العصاه وبتروح عالدار وبتنادي عليها ,, وبتسكر غرفة النوم عليكوا عشان الاولاد ما تتاثر نفسيتهم ,,, قول الها بما انك معيطه بسبب وبدون سبب من اليوم والله لاخلي لك سبب تظلي تعيطي لما تنهري وتمسحي بشريطه مش في محارم ,,, وبتنزل فيها سلخ بدون ما تحكي الها ليش ,,, لما تصير تسبح على ركبها ولا ترحمها وما توخذك العواطف هيك عشان تضمن المستقبل ,, وبس تخلص بتقول الها بتعرفي ليش ضربتك ,,,؟؟ طبعا رح تقول ما بتعرف ,, قول الها عشان قهوتي الصبح كانت سكر زياده او اصطنع اي سبب تافه ركز يكون تافه ,,, وقول الها الله يقردك من اليوم وطالع وتطلعي عن الخط قيد انمله ,,, بمسح بلسانك الحمام ,,, بخليكي تروحي عالحمام على ركبك ,,, واذا ما بتستفيد بدي اقص ايدي و,, هذا نوع من النساء بدها تغيير جلدة راسها ,, خليك قد حالك
رد بواسطة got me
فعلا الجهل عدو الانسان يا زم اتقي الله
رد بواسطة القبطااان
انا حكيت رايي اذا انت مش جاهل ياريت تساعده بالجلي لانه انا جاهل ومرتاح هيك ,, يمكن تصيروا تغسلوا كمان ,,, وبقولوا ليش صرنا نحلق الشوارب ,,, لانهن بدهن زلام ,,, ذبحتوا بتسبيل العيون والرومنسيه ,, الشب بمشي وركبه مثنيه لقدام ,, بلا قرف
رد بواسطة قليبي/ القبطااان
هههههههههه والله متت ضحك والله لازم هيك يعاملها /// بس يمكن الاخوث يخاف منها اكيد وراها ام ام قاطعه قلبه وراميته للكلاب ههههههههههه
رد بواسطة got me
يا زم اي هي الرجولة بكلامك هاظ بالضرب والتخويف والرعب اي ازا هيك الزلمنة والرجولة بدي احلق مش بس شواربي بدي احلق كل شعري من فووووق لتحت وبلا هالزلمنة
رد بواسطة مسافر لوحدي
اكيييييد الكلام الصح والمنطقي بزعج بعض الناس اللي بخلي ظهره مداس من بنت بسوق النسوان ما تسوي شلن وشي طبيعي مخرجات فاقد الكرامه تخالف المنطق وكل من يصون كرامتة ينعت بالتخلف والجهل سقاً ثم سقاً لمن تهون علية نفسة .
رد بواسطة الى القبطان
ياريس
هاد الكلام الصح الصح
دلع نسوان مش اكثر
بده يتحول لاخطبوط منزلي
مش يظل اسد غابه
لولولولولولولول
رد بواسطة القبطااان
خلي الزلمنه بطريقتك ولا تنسى تجيب قشاطه عريضه عشان ما تتعب كثير بالشطف ,,, اه هيك الزلمنه وما فسد جنس حوا غيرك وغير اشكالك ,,, عاملين فيها ازواج مثاليين ,, ولك استرجل بتخزي قال تحلق شواربك مش لما يطلع لك بالاول هههههههههههههههه
رد بواسطة القبطااان
وبوعدك اذا بتظل هيك ما تستجري تعزم امك عالغدا غير بعد موافقتها ,, قال بقول لك بده يحلق شواربه احلقهن عمو احلقهن ,, خربتوا الجيل صارت المره الها شوالارب والزله بطاقع بالمطبخ ,,, عالعموم اعتبرني غلط واقرا اراء الناس ,,,
رد بواسطة نانسي عجرم ا
قبطان يا رب تتزوج وحده دلوعه متل نانسي عجرم ...لحتى نسمع رأيك يا حلو.....
رد بواسطة القبطااان
والله لو نانسي عجرم نفسها ,,, جوا البيت انا السيد ,,, غير هيك بتصير مارغو اصلان مش نانسي عجرم وديني بعمل الها عجز دائم وخلي الدلع ينفعها
رد بواسطة مارغو اصلان
قبطان انا زعلانه من حضرتك دائما بتجرحني ...وحياتك زوجي ما بدخل المطبخ وما بعرف انه بالبيت في مطبخ ...
رد بواسطة got me
يا زم ما حبيت اخد واعطي معك اذا هيك تفكيرك لا تعذرني ما بدي انزل مستواي لمستواك لانو فعلا كلامك بدل على شخصيتك
رد بواسطة القبطاااااان

رد بواسطة القبطااان
مارغو اصلان

هو مافي اعور غير اعور دوووغره ؟؟؟ ايش عرفك اني بقصدك تحديدا ,, عالعموم اللي بقصدها احدى الممثلات من الزمن القديم كانت تمثل اغلب ادوار الحزن ودايما ابنها ضايع وشغل نواح ةبكاء وهروب ونكد ,,, وكانه كمان في عندها مشاكل بالجهاز التنفسي كانه جيوب انفيه وهيك الحروف عندها بتطلع بطريقه غريبه ,,, وانا استعملت اسمها للاعاره وليس التشبيه الحرفي ,,, ولا تزعلي يا ستي جولييت عواد اجد نااااس
08-01-2014 01:08 PM
مشكلجيه
مش قصه ...يعني لما اهلي يكونو هون بالاجازه ..ورغم وجود مدبره للمنزل .ومدبره للمطبخ ..بس كتير اياام بابتي .بكون عامل فطور على صحوتنا ...وبعمل قهوه ..وبساعد بترتيب البيت ..وتنظيف المسبح والحديقه..
رد بواسطة مسافر لوحدي
طيب وين الشغالاات اللي عندكم ؟؟
رد بواسطة لجنة المتابعة
ههههههههههه

المسبح والحديئة ألتيلي ههههه
مش زمان كنتي تضلك تحكيلي انه
بابا بيأشر غنم .
08-01-2014 01:13 PM
اياد
مش للدرجه هاي ياخرووووف ، لو انت اخوي كان قطعت علاقتي معك ، خليك رجل يا ،،،،، توصل كمان للجلي !!! ضحكتني ومالي نفس اضحك عالعموم الله يصبرك عالتصرفات القادمه من زوجتك يا ابو بدر بتعرفه في مسلسل باب الحاره ، بضل يحكي مرتي فوزيه حكتلي اعمل كزا وكزا ، ومرتي ومرتي ،، وانت نفس الشي مرتي حكتلي اجلي ومرتي حكتلي نظف ومرتي ومرتي ، أي سنحك و 100 سنحه عليك لاتعتبر حالك من الرجال
08-01-2014 01:25 PM
بنت الجبل
يعني لو انها بتشكي من مشكلة صحية، ساعدها، جارنا الله يجزيه الخير كانت زوجته مريضة بالقلب وكان يساعدها في نشر الغسيل، او ترتيب البيت، لأنها فعلا مريضة
08-01-2014 01:52 PM
/////////
يا زم مشكلتك ما لها حل واحد ما دام صرت تعرف تسوي كل حاجة في البيت ما عليك الا الطلاق وريح راسك من كل شي وعيش حياة العزوبية والله ما في احلى منها يا زم احنا بنشتري وجع الراس شراية سيبك من الزواج اطبخ واجلي وكنس شو فيها اما تحكيلي اتجوزت علشان تطبخلك وتجليلك وتكنسلك وتعملك فنجان قهوة وتضربها وتهينها
وتعمل عليها مراجل فاشرف الك تعيش عزابي
يعني ما لاحظت من بعض الردود الي بحكيلك اضربها وامسح فيها الارض وبذلو فيها كانها حيوان مش انسان على هذا الاساس أحسن الك الطلاق وكون عزابي
08-01-2014 01:53 PM
مدام ؟؟
!!!!
08-01-2014 05:00 PM
طيف
هههههههههههههه احلى مقطع عجبني انه كان يستنى عديله يقوم يجلى الجلياات بس فشله وماقام جلاهن قام هو وجلاهن ههههههههههههههه يا رجل سنحك من دون هالزلم والله انك غثيتني غث
08-01-2014 05:14 PM
المحقق
سؤال يحيرني
الوالده بتعرف عنك انك ابتجلي يا محترم ؟؟؟؟؟
يا ريت لو تسالها وتسمع جوابها وخبرنا باللي بصير معك !!!!!!!!!
08-01-2014 05:49 PM
صاحب المشكلة
الى جميع الاخوة والاخوات المعلقين والمعلقات.
السبب وراء نشري لهذه المشكلة كان لاظهار الاحاسيس والعواطف التي تتفاعل بداخلي على السطح.
دخلت هذه الزاوية منذ عام ونصف على ما اعتقد. وكنت متابعاً ومعلقاً يومياً في زاوية اريد حلاً في زاد الاردن قبل ذلك... ولكن للحظة، جلست مع نفسي، واخذت افكر بكل جدية بالوقت الذي اهدره في القراءة والتعليقات وانتظار الردود على تعليقاتي، وهذا الجو من الجلوس امام شاشة الكمبيوتر، وكي اتحدث مع من لا اعرفهم في الواقع. ومحاولة التعاطف مع البعض منتظراً كلمة استحسان او تقدير او ما الى ذلك، وفي احيان اخرى احاول استفزاز البعض كي ارى ردود الافعال المختلفة والتعرف على الطريقة التي يفكر فيها من في الجنوب ومن في الشمال وجميع الاقطاب المشاركة في التعليقات. والاستنتاج الذي خرجت به بعد هذه الجلسة مع نفسي كانت صدمة، وهي اني وعلى ما بد ى لي، بحاجة الى ان افرغ ما بداخلي لاشخاص لا يعرفوني شخصياً واستطيع ان اقول او اكتب دون ان القي بالاً للانتقادات الموجهة لي عبر شاشة الكمبيوتر، واستطيع ان اهمل اي رد او اي تعليق بما اننا لا نقابل بعضنا بعضاً وجهاً لوجه، وفي النهاية لا يعرفني احد.
اذاً ما هي الفائدة التي اجنيها، وما هو الشيء الذي ابحث عنه ؟ اظن اني ابحث عن ذاتي المزورة والتي طالما لم اجدها في عالمي الحقيقي. لو اني سعيد مع عائلتي واهلي واصدقائي، فلم اكن لاهدر الوقت والطاقة في محادثة اشخاص غرباء عني تماماً، كي استجدي الاحسان تارة، واستعرض بما لست املكه من الاستحسان والمدح واللطف. ولو ان هذه هي طبيعتي في عالمي لما وجدت الوقت الكافي للجلوس امام الكمبيوتر لساعات اتسول الاستلطاف والاهتمام والاعجاب بطريق التزوير في ملامح شخصيتي الحقيقية وكما يفعل معظم المتواجدون هنا باستمرار. لنفترض ان البعض سوف يخالفني الرأي ويدلي بالاعذار والتبريرات ويستشهد بأي شيء يريد، ويبدأ نترتيب الكلمات التي سوف يكتبها بعد الانتهاء من القراءة، اقول له يا عزيزي او ياعزيزتي اذا كان الكلام الذي الذي قرأته ليس فيك، ارجو ان تذكر لنا السبب من وراء وجودك هنا وما هو الذي تبحث عنه والذي تهدر الساعات في انتظاره ؟
هذه القصة مقتبسة من احد الصحف الالمانية ولا اعرف شخصاً عربياً بهذه الصفات.
على فكرة لم استفد شيئاً من تعليقاتكم. اضعتم وقتي واضعت وقتكم، وارجو لكم ان تجدوا ما تبحثون عنه.
اخوكم. ولا بلاش.
رد بواسطة قليبي
هسه خليتنا شوي ولا نذبح بعض على مشكله المانيه عفا عليها الزمن
رد بواسطة سامسونج
انت شربت الدوا اليوم
اها....
شكلك نسيت
رد بواسطة قرفااان
بداية فانني اعتذر لذاتي التي قضت وقتا ثمينا بالتفكير والتفاعل مع شخص سادي و(تافه) لا يقدر ولا يحترم مشاعر الآخرين مثلك ...!!!!!!!!
لذلك وباختصار فاني اظن بل اجزم بانك مريض نفسي وتعاني من انفصام بالشخصيه...ولا تعتقد بانك استغفلتنا وسخرت منا...لااااااااااا
اقولها بالبند العريض..انت قدمت لنا نموذجا للانسان المريض نفسيا...واظنك بحاجه للعلاج السريع...فاياك ان تهمل علاج نفسك ايها المريض..!!!
رد بواسطة ام ريااااااااااااااااااااااان
ههههههههههه
لا حول ولا قوه الا بالله العلي العظيم!
احسنت يا قرفان.
رد بواسطة بنت الأكابر
ذكرتني بزاد الأردن ياريتها ترجع ونرجع نعلق فيها انر كمان من معلقي زاد بس بلقب تاني :(
08-01-2014 06:35 PM
الى صاحب المشكله
يا اخي بما انه وقتك ثمين ومن ذهب

وبما انه شايف انه القعده ورا شاشة الكمبيوتر هو هدر لوقتك

وبما انه انت ما استفدت شي من التعليقات

وبما انك عامل المعلقين زي فئران التجارب وقاعد بتتعلم عليهم

فأنا بقول انه السخف يمكن يكون احيانا في اعلى مستوياته

عند بعض الناس امثالك

اذا انت ضيعت وقتك

فاحنا ما ضيعنا وقتنا لانه في كثير من التعليقات اضحكتنا

وفي منها ذكرنا بشخصيات موجوده بالحقيقه بينا وبنعرفها زوجاتها بمارسوا عليهم اقسى انواع الضغوط النفسيه العاطفيه لتحقيق مآربهم

وفي من التعليقات فيها حكمه
وفي منها تعليقات بسيطه

يعني بالنهايه من كل التعليقات اللي تم نشرها

في اشي ولو كلمه اثرت فينا

وفي معلقين ببعثوا السرور في انفسنا المرهقه والمنهكه

واخيرا يمكن الجلوس ورا شاشة كمبيوتر تتبادل فيها الحديث او التعليق على امر ما

افضل من الخروج من البيت وترك الاهل لوحدهم

او في ناس بتحس بوحشه لسبب ما

مش من حقك تطلق احكام على المعلقين ولا تنتقص منهم
ولا تصغرهم ولا تجلدهم لانه حضرتك
الأنا عندك بتعاني من شمكلة تضخم بحاجه الى علاج سريع
08-01-2014 06:54 PM
sane7kom
صاحب المشكلة والله انك غلطت بطرح مشكلتك هون يعني شوف معظم المعلقين ما اخدو من كل المشكلة غير الجلي عقولهم ما شاء الله انحطاط تفكيري
رد بواسطة الى sane7kom
طرحت نفس المشكلة في سرايا

روح شوف تعليقات المثقفين

العنوان اريد حلا مع زوجتي الحساسة
رد بواسطة ام رياااااااااااااااااان
صلاه النبي على تفكيرك!!!!!!!
شغل مسخره قاعدين
جتكم مصيبه مليتوا البلد
رد بواسطة نسونجي
يازلمة روح
seven you without your people
رد بواسطة اردنيه ....
هي يا ابو سنحكم خلينا العقل الك اذا من كلمة سنحكم بيّن انحطاطك التفكيري ... وبعدين اساس المشكلة هو الشغل في البيت والجلي ...
رد بواسطة اردنيه ....
بما انه نشرتها في سرايا خليك هناك مع المثقفين تبعك
08-01-2014 07:20 PM
الى صاحب المشكله
بلا حكي فاضي عزت عليك نفسك عشان. صغرت بعين المعلقين. .... اكيد هاي مشكلتك وعشان مش قادر على مرتك انكرتها وادعيت انها مشكله في المانيا ووووو .... العب غيرها وروح اغسل المواعين
08-01-2014 09:25 PM
--Zaid--
" العواطف التي تتفاعل بداخلي على السطح " والله !! بتكون داير ع عواطفك فلاش مما جعلها تتفاعل،،، وعشان نعرف نتفاهم انزل عن سطح داركو ولا تنسى تسكر الباب .

أنا ما بنصحك تناقش فكرة " الحياة الوهمية والشخصية المزورة " ،،،، وإذا بدك تناقشها ف روح سكر حساب الفيسبوك والتويتر وغيره وغيراته بعدين تعال نحكي .
لا تستخف بالعقول الموجودة هون ،،، مع انه المعلقين وأنا من ضمنهم مش بموضع اتهام لندافع عن حالنا ،،،، بس وجودنا هون من باب التسلاية والدليل هو الأسلوب في التعليق .

مين قلك انه بنقعد ساعات واحنا ننتظر الردود !! لا تعمل من حالتك قاعدة معممة ع الجميع ،،،، مغلب حالك وعاملي من معلقين الزاوية حقل تجارب عشان شو !! هذا ان دل ف بدل ع انك انت اللي متعمق في موضوع التعليق والردود وشاغل بالك لدرجة كبيرة ،،،،، بالنسبة ل الوقت ،،، يزلمة حسستني انك رئيس الولايات المتحدة البيزنطية !!! يعني بدك تقنعني انه انت شخصية جدية على مدار ال 24 ساعة في اليوم !! مستحيل ما يكون عندك 5 دقايق تتسلى فيهم بأي اشي سواء قراءة مشكلة بجريدة أو غيره!!
ممكن تكون بسبسمان ع مدار 24 ساعة في حالة وحدة ،،،، ذا كنت قائد لإحدى الكتائب في الحرب ،،، وإذا هالحكي مزبوط دير بالك يطخوك بذانك وانت بتكبس ع الفيسبوك ولا ع جراسا وسرايا ،،، وسيبنا نزور ونتوهم ع كيفنا .
رد بواسطة اردنيه
فعلا اخ زيد مثل ما قلت واكتر
هاد ابو العواطف الى متفاعلة شكلو حاطط عليها فلاش وهايبكس كمان منشان هيك تفاعلو مع بعض .... وبعدين من كلمة على السطح بيّن انو واحد تافه وسطحي لابعد الحدود لحتى يجي ويتفصحن علينا هون ،،، واذا حابب يختبر مدى تفكير المعلقين بحب احكيله اختبر حالك اول لانه انته من المعلقين كمان ولا ايش ...
08-01-2014 09:37 PM
هدهود
لا اله الا الله الله يرحمنا برحمته الله يهدي الجميع قولو امين الى صاحب المشكله بحب احكي الك الله يعينك ع الهبلا الي عندك
08-01-2014 10:15 PM
ابو رسمي
حل المشكله كان عباره عن استعراض عضلات كل واحد يريد ان يثبت للجميع انه رجل قوي وصاحب شخصيه قويه فقط
رد بواسطة --Zaid--
هيك رأيك !! طيب سؤال ،،، شو الغاية من إني أثبت لناس ما بعرفهم ولا بعرفوني اني صاحب شخصية قوية !!¡¡ يعني أناك زيد شو رح يتغير علي لو المعلقين حكو عني شخصيتي قوية ¡¡ بتنحطلي نقطة بالسي في و بتوظف مثلا ¡¡
رد بواسطة ابو رسمي
ممكن حتى تسمع عبارات المدح والثناء من الصبابا يا zaid
رد بواسطة --Zaid--
كون واثق لو بهمني المدح والثناء من الصبايا لحصلت عليه من الصبايا الموجودين في نطاق حياتي ،،، وأنا وانت بنعرف انه هاد الموضوع مش صعب ،،، يسعد مساك .
08-01-2014 10:22 PM
اردنيه....
لايييييييييييك اخ زيد
فعلا هاد يلي لازم يسمعه ويشوفه هيك واحد مستهتر ... سلام
رد بواسطة --Zaid--
تحياتي اردنية ،،، يسعد مساكي .
رد بواسطة اردنيه ....
ومساك سعيد يا رب
08-01-2014 10:42 PM
اردنية ...
ومساك اخ زيد
08-01-2014 11:46 PM
الى الاخ ابو رسمي من اردنيه ....
انا عن نفسي ومن غير ما اشوف الاخ زيد مقتنعة تماماً بأنه شخصية قوية من خلال تعليقاته وردوده التي تنبع من عقل راجح وفكر سليم ......
08-01-2014 11:49 PM
قليبي
من قد ما اكل بهادل من المعلقين غير مضمون المشكله صاحب المشكله ست البيت
09-01-2014 12:40 AM
قليبي
بس ما قصرنا بصاحب المشكله مسحنا فيه الارض يستاهل وبالاخر يقول المعلقين عندهم انحطاط فكري ما عاجبته الردود
09-01-2014 12:44 AM
سرايا ....ما في فرق
09-01-2014 01:02 AM
الى صاحب المشكلة
انا من الأول حكيت هاي القصة كذب لانه ما في لزمه عربي بجلي قدام الناس ممكن بجلي بس بدون ما حد يعرف لانه إحنا بنموت عالنفاق و للمعلقين المحترمين هي المرأة هي المرأة مش بني ادم بتتعب و بتمل و بدها مساعدة مهي المرأة بهالايام بتشتغل و بتجيب راتب زيها زي الزلمه و بتدرس و بتربي و بتغسل و بتجلي و بتطبخ و هاد مرض بدها تهتم فيه و هاد بده دوا و غيره من الطلبات يعني مستكترين عليه يجلي هالجليات و لا مفكرين هاي رجوله هههههههههه
رد بواسطة مسافر لوحدي
المساعده من الرجل عن طيب خاطر مو تحطي رجل فوق رجل والزوج يشتغل وينظف بيتك
حسب معرفتي بالزوجه بنت الأصل ما تقبل انها تقلل من هيبه زوجها حتى أمام ولادها لانه هيبه الزوج من هيبه الزوجه وأي زوجه بنت أصل بتعتز برجوله زوجها .
09-01-2014 04:00 AM
مابعرف
لااا طلع مقلب ههههههههههه
يلا تعيشو وتوكلو غيرها ههههههههههههههههههه
09-01-2014 07:06 AM
فؤاد

رد من المحرر:
نعتذر اخي الروابط ممنوعه
09-01-2014 08:04 AM
القبطااان
مارغو اصلان

هو مافي اعور غير اعور دوووغره ؟؟؟ ايش عرفك اني بقصدك تحديدا ,, عالعموم اللي بقصدها احدى الممثلات من الزمن القديم كانت تمثل اغلب ادوار الحزن ودايما ابنها ضايع وشغل نواح ةبكاء وهروب ونكد ,,, وكانه كمان في عندها مشاكل بالجهاز التنفسي كانه جيوب انفيه وهيك الحروف عندها بتطلع بطريقه غريبه ,,, وانا استعملت اسمها للاعاره وليس التشبيه الحرفي ,,, ولا تزعلي يا ستي مارغو اصلان اجدع ناس اجدع نااااس
رد من المحرر:
صباحو معلم
09-01-2014 08:09 AM
س
الى صاحب المشكلة بغض النظر عن مين هو الشخص ان كان عربي او اجنبي او اي جنسية ثانيةبالنسبة للرجال الرجل هو رجل مهما كان ما بصير يتصرف تصرفات النساء بالاعمال البيت او يقدم اي تنازل بالنسبة لمرته بمس رجولته

المرا مرا والرجل رجل هل يعقل الرجل يجلي ويمسح والمرا قاعده مالنا نهبلنا

انا لما حكيت انو دندول معناته راحت رجوليته شو خلى للمرا
09-01-2014 08:40 AM
لجنة المتابعة


لا تشكو للناس جرحا انت صاحبه,,,, لا يؤلم الجرح الا من به الألم
09-01-2014 09:01 AM
مسافر لوحدي
انت ما أستفدت من المعلقين شي ؟
الكذب عندك هوايه
بكفي انه قد ما اكلت بهادل تحركت عندك مشاعر الرجوله وأستحيت على حالك وصار عندك كرامه وغيرت مضمون الكارثه اللي انت فيها هاي اكبر نصر للمعلقين بواحد مثلك مبلد وجلدو متمسح
لعلمك انت ما ضحكت علينا لاء ابداا انت تضحك على حالك .
كونك تعرفت على أفكار ابن الشمال والجنوب والشرق والوسط
خذها من ابن الجنوووب البين اللي يطسك بين عيونك من بين كل الرجال .
رد بواسطة الشيطونه
انت بعدك مسافر لوحدك. ما مليت.؟
المستفيدون الوحيدون هم القراء.
لقد تعرفوا على المعلقين بعدما تخلوا عن اقنعتهم.
اعتقد ان صاحب المشكلة على درجة من العلم والوعي.... ولكن هناك منتحل.
اقرأ الجملة الاخيرة من المشكلة..... هذه هي المشكلة على ما اعتقد وليس الجلي.
دخلت كي القي عليك التحية فقط.
تاخدني معك.؟ ههههههههه
رد بواسطة اردنيه ....
يسعد مساكي شيطونة يا عسل انتي
09-01-2014 09:45 AM
الحل المثالي
فيه شيخ عنده عبايه والعبايه للشيخ مهمه وزوجته ما تهتم فيها يظلوا الاولاد يكوروا -يلعبوا-فيها حتى حفي لسان الشيخ من التنبيه على ست البيت شيلي هالعبايه بعدين قال والله لاعزك يا عباتي وراح مجوز الثانيه من يومها والتنافس على اشده بين الضراير مين يدير باله على عباية الشيخ

انا اشوفلك هذا الحل المثالي عز عايتك
09-01-2014 10:19 AM
ابو على الفناطسه معان
وداويها باللتى كانت هى الداؤ وزوجتك مغنجه وبتتدلع فوق اللزوم والنساء ما بينعطن عين (وهذه دموع التماسيح )اذا بدك نصيحتى طرى قدامها انك بدك تتزوج واحده اخرى وشوف ولا تهتم فى بكائها لانها وجدت نقطه الضعف فيك كلما ترفضلها طلب بتبكى وانت بتتراجع او شوفلك سوريه والله بتدلعك عا الاخر
09-01-2014 10:51 AM
حسام العوص
09-01-2014 11:03 AM
عبادي بس حصان
ههههههههههههههه استفغر الله العظيم واتوب اليه ...... اؤيد اسم معلق رقم (1)
09-01-2014 11:49 AM
الصحيح
لازم تطلقها او تتجوز عليها هيك بدهم النسوان والله راح تجيبلط الضغط والسكري ومش بعيد تجلطك فلحق حالك احسنلك
09-01-2014 03:07 PM
جيفارا الجلايي
فعلا استمتعنا بالقصة ضحكتنا التعليقات كثير وانبسطنا اسبع على الزلام اللي زيك اردني والا الماني .... ودق الماني على الرماني ..... وعز عباءتك يا محترم
09-01-2014 03:44 PM
سبعه تسبعك .. قال الماني
بتعرفوا ما معني ان اهون البيوت لبيت العنكبوت لو كانوا يعلمون .....عند التزواج تاكل انثي العنكبوت الذكر فيبقي البيت بالانثي فضرب الله مثلا على هذا ان البيت الذى تحكمة انثي ضعيف وهش ......
09-01-2014 03:47 PM
لميس
مع الاسف زوجتك مريضه نفسيه كثير مادت وقفها عند حدها صرخ علبها وبهدلها هيك بنجلس وازا عبطت عادي المهم انها بتتربه جربها وما عليك
10-01-2014 02:39 AM
اياد
ههههههه ضحكتيني يا لميس ،، بدك ابو بدر عفواً بدك صاحب المشلكه يصرخ على مرته !!! عشان تناوله بالشلوت وتطرده من البيت ههههههههههههههههه عشان بعدين بحكي مرتي ضربتني ومرتي بهدلتني
10-01-2014 06:55 PM
راعي بل
اسمع يا صديقي انت رجل طيب جدا وزوجتك استغلت طيبتك صدقني اطرشها كف على وجهها و وصلها الى دار ابوها ساعتها بتعرف الاحترام هي الان ركبتك من طيبتك وهذا اسوء شيء عند الرجل حرمه تركبه
11-01-2014 10:22 PM
نور الملكاوي
اسمع ما غلطت لما ساعدت زوجتك ولكن تفاهم انت وزوجتك لانها الشكوى لغير الله (مذله ) فهمت
12-01-2014 03:06 AM
طرطوررر
رجال اما شورجال...ابدا مطبق المثل ١٠٠٪" ارنب سعيد ولا اسد تعيس "...ياسلاااااام يا هيك الزلم يابلاش...ولك رووووح طم حالك...اممن زلم..ولك اخ بس اخ لونها مرتي لاقطم رقبتها قطم قال مرة تتحكم فيي قال...
12-01-2014 05:24 PM
عالماشي
اشتري جلاية واعمل رنة تلفونها لما ترن عليها تسجيل صوتي أغنية بحبك يا حمار وتعاقد مع بياع الورد كل اسبوع وردة بتنحل مشكلتك واحكيلها تتعلم لغة عشان تلتهي عنك لأنها فاضية الفاضي بيعمل قاضي
13-01-2014 10:22 AM
أم محمد
إلى صاحب المشكلة إن رسولنا عليه السلام قدوة لنا والمساعدة بين الرجل وزوجته مش عيب ولا حرام ولكن التمرد هو المشكلة فليس لك إلا أن تجلس معها بهدوء وبالكلام الرايق تفهمها بأن هذه الأعمال منوطة بالمرأة وأنا شريك حياتك وأساعدك وعمل المطبخ والمنزل من مهام الزوجة وأنها تحرجك بإلزامك لهذه المساعدة وخاصة عند وجود ناس عندكم هداها الله ووفقكم
13-01-2014 11:39 AM
ابراهيم الرفاعي
بصراحه لازم يكون رايك حازم وقاطع وما بيكيد المرأه الا الضره وزوج الثانيه وهلايام البنات كيف ما مشيت بتلاقيهم على كف مين يشيل وازا مازبطت الثانيه في الثالثه والرابعه وبعد هيك بدي احكيها اقبل بالمثل الي بيحكي ارنب سعيد ولا اسد حزين

رد بواسطة زيزفون
أتمنى لكل شخص ينصح الآخرين بالتعدد أن يطبق ما ينصح به الآخرين على نفسه لذلك أتمنى أن تشيل على كفوفك أربع نساء لكي نسمع رأيك بعد التنفيذ إن كنت مازلت على قيد الحياة
13-01-2014 11:41 AM
سما ابو رميله
حابه احكي لصاحب المشكله انك زلمه حضاري
يمكن مو كل الناس بيتعاملو مع زوجاتهم بنفس الطريئه بس مو كلنا واحد
انا كمان زوجي بساعدني بشغل البيت خاصه ازا بكون عنا عزيمه او بكون علي شغل كتير و مو ملحئه
بس الفرق انك تساوي حدود ، يعني مو تحمل كل شفل البيت ع راسك
كمان شغله احنا جنس حوا كلنا دايمن منحب انو لما يساوي الرجال شي مشانا يؤول والله انا ساويت هلشغله لأنو مرتي تعبانه او انو شفتها مشغوله و ساعدتها ، هاد الشي ما بقلل من قيمة الرجل (ازا كان رجل )
و دائمن منكون سعيدات كتير ازا بينحكالنا نياالك بجوزك و منحب الكل يحسدنا على علشخص الثمين
21-01-2014 01:49 AM
مها
شوف يا اخي تقول انك ما استفذت من تعلقات ان شاء تسفيد من تعليقي في نسوان ما اذا دلعتنهن بتمردن ومرتك من نوع هذا احكي لها شغل البيت من عمل المراه وليس الرجل رايحه تزعل يومين وبعدين بترضى اصلا هيك هيك
08-06-2015 12:21 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات