رضا الوالدين اولى من رضا الحبيبه وبالنهايه كل شىء قسمه ونصيب

اخي العزيز الوعد اللي قطعته على نفسك من الاول غلط لانه بالنهاية كل شي قسمة ونصيب وانت ما بتعرف شو راح يصير بالمستقبل لانو احنا ما منعرف بالغيب واللي صار صار هلا حاول ترضي والدتك وما تزعلها تزوج وتوكل على رب العباد وانشالله زوجتك بتطلع زوجة صالحة بتنسيك الماضي كله والله يوفقك

نادر ماتلاقي انسان مخلص في هذا الزمان . انت لساتك صغير والوعد الي قطعته وعد صدمتك بفراقها مو اكثر وياريت لو وضحت شو الامراض الوراثيه هل هي مرض البرص مثلا او في اقزام وهذا مو مرض وبتسمى هيك وضحلنا اكثر عشان نقدر نساعدك اكثر

والله الحب الحقيقي مابينتسى

غمض واعمل حالك ناسي ومش داري
واخطب واتوكل على الله

بس اوعك متعزمناش

صلي استخاره

ابرافو عليك عل طرح الموضوع ماتوقعت في شباب هيك الله يعوضك خير منها واطلب رب العالمين يعطيك الزوجة الصالحه بس اوعك تترتبط بس علشان ترضى امك لازم تكون البنت ترضيك وترضى تفكيرك بالزوجةالى تفهمك اوعك من المقارنه بين الثنتين صدقنى الله اختارلك الاحسن اخطب

الوعد من اساسه غلط
يعني افرض البنت عنست انت شو بصير فيك؟
بعدين انا مع انه الانسان يبتعد عن مصاهرة عائلات قد يظهر فيها مرض وراثي فقد قال الرسول عليه اشرف الصلاة و السلام تخيروا لنطفكم فإن العرق دساس)
لذلك اخي العزيز اذا وجدت انت او وجدت والدتك فتاة مناسبة سارع بالارتباط دون تردد فحلم كل ام انها تفرح بأبنها و تزوجه فلا تحرمها هذه الفرحة.
فما يدريك قد تكون هذه العروس ممتازة مما يجعلها قدرة بجذبك و ملئ قلبك بالحب و الحنان.
والله ييسر امرك

الله يهدي بالك يا اخي بس برضوا مش لازم قطعت هاذ الوعد ما بيصير حرام
وبعدين كل شيء قصمة ونصيب وان شاء الله الله ييسر امرك

انت جد بتحكي ! مش فاهم كيف يعني لما تخطب هي بالاول ! وواعدها !
يعني شو الفايده وهيك بتكون وفي ومش عارف شو ومخلص!

يعني لو الواحد بحب وبدك اياها لا امراض ولا غيره بتبعدك وبالنهاية نصيبك بحكم
بس انك واعدها وبستنى تخطب وما بدك تخطب بدها شويه تفكير وتامل والواحد يكون واقعي وعقلاني لانه حكي فاضي وشو هالرابط الي بده يربطكم لتعرف اخبارها انها خطبت !

ما شاء الله عليك اول مره بشوف شاب عنده وفاء
بس يعني افرض البنت ما اجى نصيبها ..او تاخر!!!بنكون طبقنا اغنيه احمد الشريف((ع الوعد يا عرقوب صارلي عمر ناطر))!!!
خلي ماما تبحثلك عن عروس..واكيد البنت لو حبتك بجد ما رح تزعل منك.

هل تاكدت فعلا انه المرض وراثي وينتقل لاطفالك قبل أي شيئ فكثيرا من الامراض الوراثية لا تنتقل الا بوجود الحامل للجين للزوحين معا ارجو الاستشارة من قبل مختصين

يعني بما أنه ما زلت متابع لأخبارها و على ما يبدو ما تزالا متواصلان مع بعضكما البعض ( !!!!!!!!!!!! )

أطلب منها أن تخليك من الوعد , و كما قال لك المعلقون في حال أنك حلفت يمين عليك بدفع كفارته , لأنه ببساطة يمين لا يجوز !!! فهو يمنع شيء أحله الله , و هو الزواج !!

الله يوفقك و يوفقها و تتزوجون بإذن الله بأقرب وقت ... اللهم آمين .

**** ملاحظة :
لا يجوز أن تبقيا على تواصل يا عزيزي ^_^

يا اخي توكل على الله وتزوج وحاول قصارى جهدك تغريب النكاح من ذات دين وخلق واختر لولدك خالا تعتز به .





الامراض الوراثية ليس لها حل الا بتغريب النكاح





لا تتكلم عن البنت لاحد او تذكر الامراض الوراثية التي بينكما واعلم ان الله امر بالستر



يسر الله امرك بزوجة صالحة ويسر لاختنا زوجا صالحا ولجميع العزابية



احترامي وتقديري اخي

السوسنة السوداء





مساء الخير وان شاء الله انك بخير

أكيد كل شي قسمة ونصيب ولازم تكون مقتنع بهاد الشيى هاد هوا القدر اللي ما بنئدر نغيروو انا بنصحك انو تخطب وتتزوج وتشوف حياتك وانت لسا شب صغير ....تحيااااتي لكونااان انا متابعة جيدة لتعليقاتك وايضا لحلقاااات كونان ....

هالقصة بتنفع فلم دراما ورومنس
بس اتوقع التقيم يكون بين 4 - 4.6

عمرك 23 سنة و بدك تتزوج؟؟
يسعدلي اياك

اخي صاحب المشكله
انت لساتك صغير بالعمر وما بتوقع انك بعمر يسمحلك بالزواج يعني بصراحه انا لو يطلبني واحد بعمرك ما باخده على شان هيك اصبر شوي سنه سنتين ويمكن يكون جاي نصيب البنت واذا ما اجا ساعتها لازم تتزوج وتكمل نصف دينك
ملاحظه:
اذا كان النص الاول موجود ساعتها بتكمله

وعدك الها فيه عذاب الها اكثر من جبرة خاطر
انت متخذ قرارك بعدم الزواج منها يعني يوما ما ستكون لغيرها فإذا كان زواجك من غيرها سيجرحها فهذا الجرح قابل للإلتئام مع الوقت اما ان تبقى كذلك فانت تجرحها في كل لحظة و هو نزيف لا يبرأ و ما بالك اذا كان وعدك لها يبقيها على امل ان تغير رأيك و تقرر الزواج منها ففي تلك الاثناء ربما يتقدم احد الاشخاص لها و ترفضه من أجلك و بذلك تكون انت قد أضعت عليها الفرصة و بقيت انت ايضا بدون زواج.
وعدك لها عبارة عن تكبيل لعقلها و قلبها فأعطها حريتها و اذهب انت في حال سبيلك بعيدا عن حياتها
بالتوفيق لك و لها

في نقطه ضائعه في مشكلتك وهي ان البنت كيف تؤيد هذا الوعد منك وهي تعلم ان ارتباطكم شبه معدوم.اذا كانت البنت تحبك صحيح يجب ان تشجعك على الزواج من اخرى ولا معنى للحب بينكما .النقطه الثانيه المرض الوراثي. معلوماتي ان الامراض الوراثيه لا تنتقل الا اذا كانت مشتركه بين الزوجين مثل مرض التلاسيميا لا ينتقل من احد الزوجين فقط كذلك التخلفات العقليه .انا في رأيي ان تراجع طبيب وتتاكد من الحاله يمكن ربنا يفرحك

كلما دخلت هذه الزاوية عرفت حكمة الله في تحريم مثل هذه العلاقات...

الألم و التخبط المترتب عليها أكبر من لذتها...
فسبحان من دلنا الحق من غير أن نسأل! و عجبا لأمرنا كيف نخالف شرع الخالق و نتألم و نتألم ثم لا نعود إليه..

الحل أن تعرف ماذا يريد منك ربك.. "قل آمنت بالله ثم استقم"..

مش انت بتحبها ؟!! ،،،، مش انتوا اللي قززتونا بالحب والتضحيات والمشاعر !! ،،، وين راح الي بتسموه حب قدام هاي العقبة الي البنت ما الها ذنب فيها !! ،،،،، وع اساس انك مضحي بدكش تتجوز غير لما هي تتجوز قبلك ،،،، اذا انت الي ع قولتك حبيتها تركتها لما عرفت بوجود أمراض وراثية فما بالك بالغريب الي لا بعرفها ولا بحبها !!
بالمناسبة أغلب الأمراض الي بنعتقد انها وراثية وبنهرب منها بتكون عبارة عن طفرات الطب نفسه عجز يفهمها ،،،، طفرات يعني ما دخل الوراثة فيها وع الاغلب بتكون نادرة الحدوث ،،،،،، وبما انك مش من قرايب البنت احتمال الاصابة بعيد .
شوف نصيبك وسيبها تشوف نصيبها ....

هههههه معلش سامحني عم بضحك على سخافتك عملي فيها مجنون ليلى
ومش راح اتجوز الا لما تتجوزي والله الا تضحك على حالك لما يصير عمرك بالاربعين وتحكي وين كنت يا راجل لساتك مراهق ازا بتحبها للبنت لهدرجة هاي روح اتجوزها ولا لما عرفت انو فيها مرض بطلت عن الجيزة يعني هادا حب يا راجل انت بعتها للبنت من مجرد انك عرفت حاجة واحدة عنها لانك خفت على حالك منها وبتسميلي هادا حب وعدك الها كلة هروب حتى ما تشعر انك ظلمتها للبنت والدليل انو لما الله رب العالمين بيعتلها نصيبها راح نفسيتك ترتاح وتتجوز على طول وبتسميلي هادا حب ومعظم المعلقين بحكولك انك فعلا شاب وفي وين الوفاء بعيونكم.....

معلش حاول صل استخاره

هلأ بالنسبة انه ما بيزبط الزواج بيناتكم لازم خلص تنسوا بعض ويكون هدا القرار نابع من جوا لانه خلص ما بصير تضلوا تفكروا ببعض،وبالنسبة للوعد اتوقع الانسان لازم يكون وفي وما يخلفه ،لكن بحالتك اللي كان مسيطر عليك هو الانفعال والصدمة ،،
اعمل استخارة اخي الكريم لانه ربك هو مالك امرك ومرشدك،،
وانا بحكي خلص توكل على الله وتزوج وخلي البنت ما تضلها معلقة فيك وتنساك،،ويا رب يا من انت جاهي ومولاي يفرجها عليك وعلى البنت وعلى جميع المسلمين والمسلمات

سلام الله عليكم زيد سئل حكيم من تعز من الناس فقال.. من اخلاقه كريمه..ومجالسته غنيمه..ومفارقته اليمه..ك المسك كلما مر عليه الزمان ازداد قيمه ..وهذا انت واما انت يا نداء عليك ب حسبي الله ونعم الوكيل ..اذاظلمت فقولي حسبي الله ونعم الوكيل واذا ابتليت فقولي حسبي الله ونعم الوكيل واذاضاقت بك السبل وبارت الحيل ولم تجد من الناس انيسا ولا مؤنسا فقولي حسبي الله ونعم الوكيل واذا كنت بريئه وعجزت عن اظهار الحقيقه فقولي حسبي الله ونعم الوكيل واذا اجتمع القوم ليؤذوك فقولي حسبي الله ونعم الوكيل واذا اغلق عليك في امر فقولي حسبي الله ونعم الوكيل واذا تعسرت الامور فقولي حسبي الله ونعم الوكيل واذا ارتج عليك وضاق فهمك وتعسر ادراكك فقولي حسبي الله ونعم الوكيل فيها يدفع الله عنك الاذيه ويزيح الكربه ويستجلب الرزق وينزل الفرج.ويرد الله عنك كيد الكائدين وظلم الظالمين سيدتي المحرره اسف طولت شويه ولكن من باب الفائده والمنفعه وجزاك الله عنا كل خير والسلامه للجميع

أرجوكم ادعوا لوالدي بالشفا من مرضه المفاجي بإذن اللة

لا تبكيلي بشكيلك

عليك بالصدقات وادعيه اذكار الصباح والمساء مفعولها عظيم مع الصلاه على النبي واقراي عليه ايات الشفاء الست.. مع اليقين ....ويشف صدور قوم مؤمنين التوبه14 وشفاء لما في الصدور يونس57 فيه شفاء للناس النحل69وننزل من القران ما هو شفاء ورحمه للمؤمنين الاسراء82واذا مرضت فهو يشفين الشعرا80 قل هو للذين امنوا هدى وشفاءفصلت 44

صاحب المشكلة

وين الحب والتضحية

كله كذب بكذب

لو بتحبها كان ماتركتها
انت فضلت مصلحتك عليها

ياترى لو كانت الامراض الوراثية من طرفك كان هي تركتك


طيب ليش ما حكيت شو اسم المرض

ليش ماراجعت طبيب

انت ماتمسكت فيها
اول ماعرفت موضوع المرض تركتها

فعلا مافي حب

الامراض الوراثية حتى تظهر تحتاج الى وجود جينات من الاب والام حتى تظهر

يمكن انت مابتملك الجين ولا حتى هي لانها احتمالات
في احتمال ماتنجبوا اطفال معاقين

انا بنصحك تستفسر عن المرض

تشوف احتمالات انجابك لاطفال مرضى اذا تزوجتها
بعدين قرر

مشكلةصراحة ..بس عجبني الوعد تتطمن على مستقبلها ..ياعمي تزوج بلا خرابيط بتتغير حياتك للأحسن

لا حول ولا قوة إلا بالله

يا رجل اخطب واتوكل على الله

كلامك فاظي وهاي إذا وحدة قبلت ببوزك

انت ما زلت تتخبط
الحل واضح بين سطور مشكلتك علماً بانة يوجد اكثر من حل .

الى غريبة ديار

يا خوي يا ريت تطمنا عن والدك
يارب يكون تعافى ويرفل بثوب من الصحة والعافيه

الى تهاني الف صباح الخير على الرد قسمه او قصمه المعني واحد اموره

انصحونا شوه نقول للمحرر علشان ينزل مشكلة جديدة