انا مكتئبة


جراسا -

انا بحكي حكي صحيح انا للاسف سمينة ونفسي انو انا انحف لانه بجد زهقت كل ما انزل عالسوق ما في اشي بيجي علي امانة ساعدوني والله بحكي جد



تعليقات القراء

الى صاحبة المشكله
والله يا خيتي لا تنحفي ولا على بالك


لانه موديل النسوان بهاي الايام هو مودي كيم كارداشيان


يعني نصاحه من الجهات الاربعه

وبرافقها ثقه مش طبيعيه

وكل النسوان صاروا يلجأوا لعمليات تكبير المؤخرات علشان يكونوا زيها


فوتي جوجل شوفي المعجبين بشكلها اللي مش طبيعي

ملايين من الرجال طلعوا بحبوا السمينات

فاذا انتي سمينه احمدي ربك

ولا تنحفي الموضه تكوني سمينه


اي بشوف بنات بالرطل بلبسوا فيزون والوحده وزنها بكم ديانا ولا هاممها وبتلاقي معجبين


ما علينا الدنيا انجقمت
20-05-2013 09:48 PM
*مــــــــــجــــــــــد*
قصدك الملابس ما في اشي بيجي عليكي ولا حتى الكندره .اذا هيك البسي تفصيل وبعدين شهر رمضان على الابواب .بتخلصي من السمنه والكابه بس خليها بدون سحور
20-05-2013 09:52 PM
السوسنة السوداء
خففي اكل بتنحفي
20-05-2013 09:54 PM
عدي الحلو
الله يشفيكي
شوفي صيدليه طب بديل عندهم حبوب للتخسيس اسمهاbodylean ويفضل استشاره الطبيب قبل اخذ الحبوب
20-05-2013 09:54 PM
مفكر
تحية طيبة وبعد

انا مو عارف يعني انتي بدك تضعفي بس ما بدك توقفي اكل اوكي

مو مشكلة كلي وجبه خفيفة 5 مرات يوميا

20-05-2013 09:54 PM
مدام ؟
الي بشوف مصايب الناس بهون عليه مصيبته حبيبتي ماذكرتي وزنك وطولك هل انتي من النوع الي بده عمليات ربط معده وشفط ولى من النوع الي بده ريجيم ونظام غذائي قاسي وكمان حسب عمرك وحسب انتي ولدتي هيك ناصحه ولى مع الايام واذا متزوجه اولا لازم ذكرتي هاي الامور قيل ماتطلبي النصيحه
20-05-2013 10:02 PM
ميسووو
وانا بدي انصح ازا عندك شي وصفه بتنصح
لحئيني فيها
في ئرايبتي جابت حبوب بتنحف اسمها
فيا اناناس من لبنان وخلال ائل من شهر صارت سمبتيك
رد بواسطة مدام ,
مرجبا ميسووو الحبوب للناصحات كثير على الفاضي . واذا وزنك بالسبعينات بتفيدك مع نظام غذائي مدته 4 شهور حسب الحاله وديري بالك من حبوب صينيه بتضر بالصحه لاتوخذي شي عن طريق الجارات لانه كل جسم شكل والافضل تروحي على اختصاصية اغذيه هي بدلك وبتقس وزنك وطولك وحجم الدهون الي بالجسم وبناء عليه بتعطيكي المناسب .
رد بواسطة ميسووو
عفوا مدام انتي فهمتيني غلط
انا بدي انصح مش انحف انا وزني 51
بس انا حكيت عن لحبوب Via Ananas لصاحبة المشكله
هاد النوع كتير معروف ومجرب وازا بدها تبحث عنو بالنت موجود عنه كل شي
رد بواسطة سلامة80
انا شفت ميسووو بتحكي بدها تنصح مش تنحف

و انت بتحكي لها اذا وزنها بالسبعينات
يعني انت فهمت انها ميسووو بدها تنحف ؟
سبعينات للبنت يعني ناصحة حتى لو كان طولها مترين

اروح أفحص نظر ؟
رد بواسطة ميسووو الي سلامة80
ههههههههههه على سلامتك نظرك ميه ميه
يسعد مساك خي سلامه
شو خلص شغلك ؟
يعطيك العافيه والصحه
بس انا ما فهمت بآخر تعليئ الك ليش زعلت من تعليئي الي بالمشكله الي ئبل السابقه
رد بواسطة سلامة80
لا لا أخت ميسوو انا ما حكيت زعلت
انا حكيت حزنت لاني قرأت عن ظرف المسكينة بالغربة و عمايل ولاد جوزها
و شعرت بالحزن عليك لانك بتلومي نفسك
الله يفرجها عليها المسكينة
ممكن أسأل في أي بلد انت متغربة ؟

اه خلصت شغل و في آخر ساعتين ظليت اتهرب و آجي ابعث تعليق للبنت بس على الفاضي ما نزل شي
رد بواسطة ميسووو الى سلامة80
صباااحو ئشطه خي سلامه
ما تحزن على غالي يااارب
يلا نصيبها شو بدها تعمل الله بعينها
وانشالله ربنا بعوضها بألحسن
مسكينه هم غربه وهم أولاد جوز مع انو اولاد جوزها مش عندها مع امهم بس كتير
ئوايا ومشكلجيه وجوز مش منيح كل ساعه بحال مش راسي على بر ولا مرسيها
هاي البنت بتكون اختي وهيه ب كندا
وانا بريطانيا واختي التالته ب دبي ههههههههههههههه كل وحده ببلد
ينعن الغربه الي فرئتنا يلا ما النا غير لسكايب بنعيش جميع المناسبات فيه
...احترامي خي
20-05-2013 10:07 PM
الألــــــــوافيراااااااااااا

اختي صاحبة الموضوع
انا رح اعطيكي وصفة ولكن لم اجربها لاني جسمي عادي الحمدلله رب العالمين

قبل اسبوع شوفت وحده زمان ما شفتها كان وزنها زيادة عن الحد تفاجئت انه البنت صاير جسمها كثير حلو لياقة بدنية عاليه ولما سئلتها شو عامله حلفتلي انها نقلت وصفة عن خبير اعشاب في احدى القنوات يدعى حسن خليفة
وهاي الوصفة فقط كل يوم كوب حليب مع معلقة زنجبيل اثناء الفطور وتتغدي غدا عادي بس تخففي عشاء
حلفت بالله انه صارلها 5 شهور تعملها وانه وزنها نزل كل شهر اربعه كيلو
بس كل يوم تعملها ما تركتها نهائياً لمده 5 شهور
وفعلاً كان وزنها قبل كثير زيادة ولما شفتها الأسبوع الماضي ما شاءالله مثل المولكان

والحليب ضروري بهذه الوصفة لانه الحليب مع الزنجبيل بحرق الدهون وما بيعمل ترهلات بالجسم تحسي جسمها مشدود وما في ترهلات

جربيها ما رح تخسري شيء

ملاحظة الزنجبيل يمنع عن الاشخاص اللي معهم ضغط لانه يرفع الضغط


والله هذا عن لسان بنت بالموصفات اللي حكيتلك اياه والله على ما اقول شهيد

جربيها وبالتوفيق ياارب
رد بواسطة رووووووووووووعة
مساء اللياقة والرشاقة والاناقة ^_^
رد بواسطة رهف **
مشكوووووورة الالوافيرا والله انبسطت بشوفت اسمك
والله يسعد مساكي
طيب ما بتقدري تفسري بس حلمي
رد بواسطة الألــوافيراا رهف
الله يبسطك بالدنيا والاخرة يارب
اكتبي حلمك وان شاءالله اني افسره بس التعليقات اليوم تنزل متأخرة ممكن افسرلك اياه بكرى ان شاءالله
رد بواسطة الألــوافيراا روووووووووووعة
روعة ان كتبتلك تعليق بس ما بعرف هاي المره الثانية اكتبلك تعليق وما بنزل المره الاولى بمشكلة قبل يومين وهاي المره الثانيه

احلى مساء الوافيري الك يا احلى وأروع رووووعة
بدي اعرف شو صار معك بالتسجيل عنا ؟
تحياتي الك
رد بواسطة
الى روعة مساء النكت والهبل خخخخخخخخخخ
20-05-2013 10:10 PM
اوكي
يعني قديش كيلو وشو الطول
20-05-2013 10:15 PM
سلامة80
الكل بحكي لها بدك تنحفي بس ما بدك تخففي أكل.
وين هي حكت انها بتحب الأكل و ما بتقدر تخفف الأكل ؟

التالي هو كل ما ظهر عندي من موضعها، في شي ثاني ظهر عندكم ؟

انا بحكي حكي صحيح انا للاسف سمينة ونفسي انو انا انحف لانه بجد زهقت كل ما انزل عالسوق ما في اشي بيجي علي امانة ساعدوني والله بحكي جد
20-05-2013 10:57 PM
انسان طائر
شوفي ما في غير حل واحد... بس انزل اجازه على الصيف.. بوديكي على الاغوار.. الساعه 12 الظهر وبجيب عصاي وبضل اسلخ فيكي توصلك لعمان ... انتي بتركضي وانا وراكي بالعصاي..وهيك بتنزلي 30 كيلوا على الاقل..شو رايك....؟
رد بواسطة قليبي
ههههههههههههههههههه هههههههههههههههههه والله لازمها هيك ساوناهههههههههههه متت من الضحك على التعليق
20-05-2013 11:11 PM
سلامة80
استخيري

في بروتينات بترفع الوزن بشكل تدريجي
بس انت كم كيلو بدك ترفعي وزنك ؟

هو خطيبك ما كان شايفك قبل الخطوبة ؟ انا مش فاهم عليك كلامك مش واضح عن خطيبك
هو شو بده ؟

صلي الضُحى

ليش بتحكي ما بتوكلي مليح ؟ نفسيتك تعبانة و لا عندك مرض ؟

اكثري من الاستغفار

انا مش فاهم عليك كيف ناصحة و بدك ترفعي وزنك

حافظي على الصلوات في موعدها

هسا جاي يفطن يحكي عنك ناصحة بعد خمس سنوات زواج ؟

اكثري من الاستخارة
رد بواسطة ميسووو
هههههههههههه لك ولله فرررررطت ضحك على
تعليئك ههههههههه
21-05-2013 08:41 AM
م.ع
اذهبي الي جنوب الصومال مدة شهر ورح تشوفي الفرق
21-05-2013 08:44 AM
سلامة80
لقيت لك حل
كوني مريم حتى يكون يوسف من نصيبك
مين يوسف ؟ أها هون السر
ظلي فكري حتى تعرفي و من كثر التفكير رح تنحفي.
يا اخوان لو سمحتم ما حدا يغششها
رد بواسطة الى سلامة
مش زابطة عليك خفة الدم
رد بواسطة الى سلامة
لانه خفت الدم بتيجي من الفطرة
رد بواسطة سلامة80
طيب ليش ما دخلت باسم بنت كالعادة ؟
21-05-2013 09:42 AM
احلى دودو
ما بدها حل يعني الحل واضح اعملي رجيم وروحي على نادي رياضي واعطيني نتوفه من وزنك مو كثير يعني 2 كيلو بس عشان اساعدك
رد بواسطة قليبي
يييع شو بدك بالشحم الفاسد المترهل
رد بواسطة احلى دودو
ههههههههههه الله يسامحك بس ان حبيت اساعدها بس خلص بطلت
21-05-2013 10:09 AM
لجنة المتابعة والتفتيش
عليكي باتباع الوصفة اللي في تعليق رقم 8
وبعد 3 شهور ويومين
اذا ربنا احيانا واحياكي خبرينا شو بيصير معك
21-05-2013 10:37 AM
جلخة الكويت
بسيطة عملية شفط دهون ب 3500 دولار
رد بواسطة لجنة المتابعة والتفتيش
قديش ؟؟ 3500 دولاااااار !!!

اهربي واعملي حالك مش دارية
قبل لا تسمعك
رد بواسطة كركية حرة
هههههههههههههههههههههههههههههههه
خلينا الشفط لنانسي و اليسا
رد بواسطة خخخخخخخ
هههههههههه هي نانسي بدها شفط ماهي ضعيفه هههههههههه صيري نص جمالها
21-05-2013 10:37 AM
ايات
العبي رياضة غففي اكل وكلي خبز قمح وما تاكلي حلويات وامشي كتير
21-05-2013 10:43 AM
كونـان
العبي رياضة كل يوم ساعة مرتين باليوم بس بدك يكون عندك عزيمة وساعه متواصلة تكون وما ترتاحي فيها كل 2 دقايق
خلي بهالساعه راحة قصيرة عشان تضلي تحرقي سعرات واشربي ميه قبل الاكل واول ما تبلشي تضعفي رح تعجبك الشغلة وتكملي في كثير ناس كانوا ناصحين وبلشوا واذا بلشتي بتنجحي وبتصير تشوفي النتيجة والنتيجة تشجعك وابعدي عن الزيوت ولما تاكلي كلي شوي شوي مع ميه وشاي اخضر امورك بتزبط
21-05-2013 10:49 AM
لصاحبه المشكله
استني تعليق صديقي زيد حلال المشاكل .وسلامات يا زيد ..طالت شمسك اليوم وينك يا رجل
رد بواسطة --Zaid--
هلا وغلا ،،،،،، يزم والله موجود.................
21-05-2013 12:05 PM
عاشقة الاستغفار
كثري من شرب الماء
واكثري من السلطه والشوربه والفاكهه
وابعدي عن الحلويات وخففي النشويات
وامشي كل يوم ساعه مع شرب وصفة الزنجبيل الي ذكرتهاالوافيراان شاء الله
رح تستفيدي
21-05-2013 12:49 PM
الى الاوافيرا
لو سمحتي انك تفسريلي هالحلم
حلم انو انا واختي نزلنا ع مكان عتم كتير وبخوف يعني كانو تسويه وبعدها طلعت منو ع شارع وصارو رجال يطخو علينا انا واختي وانا اجيت في 4 رصاصات بس ما توجعت ولا نزفت دم وكنت امشي عادي وضلو هالرصاصات بجسمي واساس بدي اعمل عمليه مشان اشيلهم
رد بواسطة الألــــوافيراااااا

اسغد الله اؤقاتك اختي
اختي هل تعرضتي انتي و اختك لموضوع او تحدثتم بموضوع و تعرضتم لكلام سب او كلام ازعجكن ؟
انتظر ردك ان شاءالله
21-05-2013 01:06 PM
--Zaid--
يختي مهو الحل واضح ،،، سجلي بجيم والعبي حديد ،،،، انا وصاحبي حسن هيك بنعمل لانه لما ام زيد تنزل ع الأردن بتشلني بالأكل والحلويات الي بتعملها ،،،، بتطب تحشي فينا اكل انا ولزقة الجونسون صاحبي طبعا هاد الشب بروحش ع دارهم فتبنيناه ،،،، صح من لما سجلنا بالنادي لا دخلناه ولا بنعرف شكله بس المهم مسجلين .

والله ويا هلا بالمدام .
رد بواسطة واحد
انت واحد.......
رد بواسطة --Zaid--
بس عمو ،،، ما علموك وانت صغير عيب تغلط ع الي اكبر منك .
رد بواسطة انثى من غير اسم
كلامك حلووو جدا وضحكني عنجد هههههههههههههههه
رد بواسطة ايات
مين حسن دايما بتحشره بكل تعليق انا بروح بدالك واعطيني العضوية
21-05-2013 01:23 PM
ارجو من الفاضلة الالوفيرا التفسير
حلمت بالامس انو انا في كراج بيتنا ورايت القمر وقلت لمن انو مذنب هالي موجود في السماء وفعلا راينا المذني وكان شكله مثل الكوكب وجميل
رد بواسطة الألـــــــــــــوافيرااااااااااا
طبعاً انتي بنت
هل يوجد شاب في اجوائك او عريس اذا كنتي غير متزوجه ؟
انتظر ردك ان شاءالله
21-05-2013 02:16 PM
رهف***
مساء الخير الالوافيرا
حلمت انه بروح عالكعبة وانا عالطريق بحكي تعالي يا مريم خليكي جنبي وهاي صديقتي ايام الدراسة وبس
وانا بصير احكي لحالي اذا بدي اشوف الكعبة شو بدي ادعي وبس اشوفها بصير ادعي اللهم انا نسألك رضاك والجنة وأنا بالحلم بسمع صوت السديس بصلي وانا بصير اصرخ الله اكبر الله اكبر وبقرب عند الكعبة وبصير ادعي لرحمه امي ولأخواني الاصغر مني بس

بس اللي بزعجني بالحلم انه بشوف صورة عبدالحليم وام كلثوم معلقات ع جدار الكعبة وانا بصير احكي ليش هيك حرام بجاوبني وحده وبتحكيلي انه صار قانون جديد اي فنان بزور الكعبة بعلقوا صورته

وبكووووووووووون شاكرة الك عزيزتي
رد بواسطة رهف***
لما اصرخ عند الكعبة كل اللي بصلوا بسكتوا وبسمعوني لما احكي الله اكبر
رد بواسطة الألـــــوافيراا
اختي الكعبه هو هدف او امر مشيتي فيه ورح تحصلي عليه لانك وصلتي
ولما سمعتي صوت السديس وكبرتي اشارة للفرح والفرج عندك ان شاءالله مثل عمل والله اعلم
ولكن لما شفتي صور الفنانينوا عاجبكوي هون اشارة الى تغير في بعض القوانين ممكن تربكك شوي والله اعلم
ولكن الاهم كونك وصلتي الكعبه يعني رح يتملك امر او هدف اسعيتي له ان شاءالله والله اعلم
رد بواسطة الألـــــــــوافيراااااااااااااا
اختي رهف هل هناك هدف عم تسعي فيه او امر بدك تمشي فيه او تقدميله ولكن هناك تغير في قوانينه ازعجك او اربك شوي ؟؟

انتظر ردك ان شاءالله
رد بواسطة رهف***
حاليا ما عندي اي شي بستنى الفرج
رد بواسطة الألـــــوافيراا
رهف اختي التفسير نزل قبل وقت بس نازل فوق تعليقك الاخير :)



21-05-2013 02:31 PM
وفاء
وانا عندي مشكلة كثيييييير نحيفة وما بحب آكل
عمري 22 وزني 41 حابه انصح
رد بواسطة ايات
نيالك انا ما باكل بس بنصح احكي الحمد الله
رد بواسطة ميسووو
كتيييييييير نحيفه
انا عمري 22 ووزني 51 وكتييير مدايئه
وطلعت روحي لحتا انصح بس عبس نفسي اوصل 57
في ناس وصفولي وصفه اشرب كاسة حلبه كل يوم بس انا ما بحب ريحتها ازا انتي
بتئدري انو تتحملي ريحتها جربيها
ووصفولي كمان حبوب خميرة البيره بس ما
لئيتها بمكان اقامتي
ازا انتي بالاردن متوفره هنيك بنت عمتي جربتها وجابت مفعول معها ونصحت
تمن العلبه 15 دينار على ما ازن
رد بواسطة سلامة80
روحي على طبيب العائلة يكتب لك على فحوصات هو بعرف فيها من دم و صور و غيره و بحولك على اختصاصي مناسب لوضعك
و اذا طولك 150 سم فوضعك ماشي حاله ما في خوف لكن ما تترددي بزيارة الطبيب
رد بواسطة قليبي
خدي من لحم وشحم صاحبه المشكله مش عارقه كيف تتخلص منه
21-05-2013 02:37 PM
بدر
ياستي يوجد عنا عمليات ربظ معدة بالمنظار كم وزنك
رد بواسطة ايات
بدر هاي مكلفة و وين قصدك عنا انت ممرض او طبيب
21-05-2013 02:41 PM
السوسنة السوداء الى زيد
زيــــــــــــــــد

================

اولا

استغربت كلامك امبارح ليش بدي اردح الك
لانك حكيت عن وأد البنات

انا رديت عليك بتعليق هل قرأته

تانيا

انا يا استاذ زيد مابردح
انا تربوية
والاسلوب الي انت بتحكي عنه مشطوب من قائمتي
رد بواسطة --Zaid--
السوسنة السوداء
لما حكيت " بتردحيلي " حكيتها مجازيا ،،،، يعني ما قصدت انك بتردحيلي زي نوريات ...ز،،، بعرف انك بتعلقي باسلوب راقي ،،،، من الآخر يختي شكلك مش فاهمة على اسلوبي وبتوخدي كل كلمة بحكيها بشكل جدي وشخصي فمن يوم وطالع الك علي ارد عليكي بتعليقات جدية .
21-05-2013 03:23 PM
سلامة80

اهلا اهلا أخت ميسوو صباح العسل و الصحة و السعادة
هاي صحوتي مع اني لازم اصحى بعد ساعة
بس من مبارح و انا متابع ردود الأفعال على ما حدث في احتفال ما بعرف شو نظمته السفارة العراقية في المركز الثقافي الملكي.
اصحى أقرأ نص خبر و انام و ارجع اكمله بالصحوة التالية فطار النوم من عيني

اكيد التعليق ضحكك كتير لانك عرفت المقصود فيه تماما يا ام المفهومية و تحياتي لكل الفهم

في امكانية أسئلك كم عمر اختك ؟ انا ما حبيت اذكر انها اختك بس يلا الحق عليك انت ذكرتي
بالنسبة للغربة كل العائلات متفرقة بين دول العالم فهو وضع طبيعي و على فكرة في منها فايدة الواحد بتشجع يلف العالم بحجة الزيارة.
رد بواسطة ميسووو
يا اهلا فيك خي
هههههههههههههههههههه اها اكيد افهمت ما وراء السطور
وتعليئك رئم 14 كمان ههههههههه
اختي عمرها 26
والله يا خي مش زابطه معنا نروح عند بعض كل واحد ضروفه بتمنعه
بس انشالله تزبط معنا نتلائا بالاردن السنه هاي على الصيف
21-05-2013 03:23 PM
السوسنة السوداء الى صاحبة المشكلة
صاحبة المشكلة
============

حتى الانسان ينحف اهم شي بعد التجربة
انه يسكر فمه عن الاكل

غير هيك مابزبط شي
رد بواسطة سلامة80
يسكر فمه شايفها كلمة ملغومة يا أخت سوسنة
21-05-2013 03:24 PM
السوسنة السوداء
انسان طائر
============

مساء الخير

حاب اسال عن البنت ساعدتها

وانحلت مشكلتها

21-05-2013 03:25 PM
السوسنة السوداء
الوفيرا

============


سندس
============

روعة

===============



صانع الفرح
==================

مسااااااء الخير
رد بواسطة الألـــــــــوافيراا

مساء السعادة والهناء يا السوسنة السوداء
وربي يسعد ايامك :):):)
21-05-2013 03:26 PM
الى سلامة
تعليقاتك بلشت بالتراجع
رد بواسطة سلامة80
لا أخي لا تخاف
لما بيجي الموضوع المناسب ان شاء الله رح تلاقي خبرتي في مقاعد الرجال موجودة
رد بواسطة سلامة80
كتبت لك جريدة توضيح نزل منها سطر
و مقبولة منك أخي المحرر انت فصل و احنا منلبس
21-05-2013 03:40 PM
سلامة80
اهلا اهلا أخت ميسوو صباح العسل و الصحة و السعادة
هاي صحوتي مع اني لازم اصحى بعد ساعة
بس من مبارح و انا متابع ردود الأفعال على ما حدث في احتفال ما بعرف شو نظمته السفارة العراقية في المركز الثقافي الملكي.
اصحى أقرأ نص خبر و انام و ارجع اكمله بالصحوة التالية فطار النوم من عيني

اكيد التعليق ضحكك كتير لانك عرفت المقصود فيه تماما يا ام المفهومية و تحياتي لكل الفهم

في امكانية أسئلك كم عمر اختك ؟ انا ما حبيت اذكر انها اختك بس يلا الحق عليك انت ذكرتي
بالنسبة للغربة كل العائلات متفرقة بين دول العالم فهو وضع طبيعي و على فكرة في منها فايدة الواحد بتشجع يلف العالم بحجة الزيارة.
21-05-2013 04:09 PM
حلم
اوليفيرا ممكن تفسريلي حلمي
حلمت انه عندي بنت حلوة كتير بس برجليها في 6 اصابع
رد بواسطة الألــوافيرااا
البنت بالحلم خبر جميل وبشاره حلوه قادمه لكي ان شاءالله والزيادة بالاصابع زيادة في الخير القادم لكي ان شاءالله والله اعلم
21-05-2013 04:34 PM
حساام عرب
خففي أكل
21-05-2013 04:47 PM
الدر المكنون
السلام عليكم و رحمة الله و بركاته
أخي الكريم سلامة أسعد الله مساءك بكل خير و بركة و سرور
و كل الشكر لك على سؤالك عني و السلام الذي بعثته لي مع أختي العزيزة الألوافيرا
و أيضاً أشكرك على كلامك الجميل بحقي
كما أني أردت أن أعقب بشكل سريع على باقي تعليقك لي
و أردت أن أصحح معلوتك أني لا أعيش بالسعودية و إنما ببلد يوجد بها اختلاط و كذلك مكان عملي مختلط و يجمع الكثير من الجنسيات العربية و الأجنبية و الآسيوية
و أشكرك على محاولتك مساعدتي بالاقتراح الذي طرحته و لكني فعلياً سبب عدم ارتباطي عدم إلتقائي بالشخص المناسب لي و الذي يحمل من الصفات ما أبحث عنه و كما قلت لك فإن عملي بمكان مختلط و عرض علي الكثير من زملائي ممن يعملون معي بنفس القسم و بغيره و من خارج العمل أيضاً موضوع الارتباط و لكني كنت أرفض لأسباب عديدة منه العمر أو اختلاف الجنسية أو صفات مذمومة بالنسبة لي في شخصه نفسه أو كون البعض منهم متزوج أو لأسباب أخرى
لذلك في الوقت الذي سأجد به الشخص المناسب لي بإذنه تعالى و بتوفيق منه سيتم النصيب
و بالنسبة للموقف الذي ذكرته نعم تذكرته :)
تحياتي لك أخي الكريم و العذر منك على تأخري بالرد و لكن لظروف العمل
رد بواسطة سلامة80
و عليكم السلام و رحمة الله و بركاته
شكرا لك على اهتمامك بالرد و اتمنى لك السعادة الدائمة
بعرف انك مش بالسعودية و بعرف انك بالامارات، سألوكي في زاد مليون مرّة عن مكان إقامتك و انا شفت نفس الشخص سألك مرتين.
بالنسبة لمن تقدموا لخطبتك، أذكر انك تحدثتي عن هذا الموضوع في احدى المرات بشكل مختصر لذلك اقترحت الذهاب للاردن و اتذكر عندما تحدثتي عن مشاكل واجهتك أثناء الدراسة و من كان مسببها و زادت تلك المشاكل الرغبة عندك بالتعمق بالدين أكثر بالإضافة الى تفوقك في مجال الدراسة
فلذلك ذكرت انه ممكن تكون احدى النساء من خارج العائلة لديها أحد الأبناء المحترمين و المتعلمين.
انت فتاة يُقدم لك الاحترام دائما و عندما يُذكر في أي جلسة موضوع الفتيات و أطباعهن، أتذكرك كمثال الأدب و الأخلاق

وفقك الله لكل خير و ندعوه سبحانه و تعالى ان يديم عليك الصحة و العافية.

استفسار!
ذكرتي في احدى المرات عن نيتك بترك العمل، و انا اسمع الآن عن زيادة عدد ساعات العمل ، فهل انتقلت الى عمل آخر أقل بالضغوطات النفسية ؟
ليس من الضروري الاجابة اذا كنت لا ترغبين
رد بواسطة الدر المكنون
أسعد الله مساءك بكل خير و بركة و سرور أخي سلامة و كل الشكر لك أخي على كلماتك الجميلة بحقي و رأيك أتشرف به و أحترمه

بالنسبة لسؤالك لازلت بمكان عملي و لكني انتقلت لقسم آخر و بنفس مجال العمل و كضغوطات نفسية أخف من سابقه و لكن زادت ساعات عملي به فالمكان السابق كنت اعمل ل 8 ساعات اما الآن فعملي ل 12 ساعة ، و بالفعل ذكرت نيتي ترك العمل و لكني لم أجد مكاناً أحسن منه من حيث الميزات لذلك لازلت متواجدة فيه

لك كل التحية و التقدير أخي الكريم
21-05-2013 04:49 PM
صاحبة تعليق رقم 24
شكرا لكي ولكن لا يوجد عريس او مشروع
رد بواسطة الألــوافيرااا
اختي الكريمة القمر هو عريس في الاجواء غن شاءالله وعندما اصبح و تحول الى مذنب اشارة الى سرعة حصولك اخبار عنه والله اعلم
21-05-2013 05:12 PM
لجنة المتابعة والتفتيش
الحمد لله
ما زال الامن مستتب والامور على ما يرام بالموقع
رد بواسطة خخخخخ
بتهيئلك هههههههههههههه
21-05-2013 05:16 PM
السوسنة السوداء الى سلامة80
سلامة
===========

مساء الخير

شو فيها الكلمة

انا شايفها عادي

وبعتذر لصاحبة المشكلة اذا تضايقت منها
رد بواسطة سلامة80
أخت سوسنة
توضيحك كافي و وافي
أحسنت صنعا
21-05-2013 05:23 PM
السوسنة السوداء الى زيد
زيد
=======
وانا بقرأ تعليقك فمن

(من يوم وطالع الك علي)

فكرتك رح تحكي انك مارح تعلق عندي
اخ زيد
انا مش زعلانة منك بعرفك بتحب تمزح وتعطي جو مرح هاد طبعك
وفهمت هيك من تعليقاتك
بس انا انسانة اقرب للجدية
وكل شخصية الها حسناتها والها سلبياتها

لهيك مابحكي انك انت مخطيء او انك على صواب
كمان انا نفس الشي

اخ زيد
الله يديم عليك السعادة والمرح
رد بواسطة --Zaid--
السوسنة السوداء
يمكن رح تتفاجئي اذا عرفتي انه شخصيتي على ارض الواقع مختلفة تماما عن شخصيتي كمعلق في هاي الزاوية ،،،، دايما بقرأ تعليقات هون انه زيد الحياة مش مسخرة وضحك ،،، ومين بدها تحبك على مسخرتك ،،،،، بحشش على تفكيرهم المحدود الي صورلهم اني عبارة عن انسان بنكت 48 ساعة في اليوم ،،،،، كل الي بعرفني بعرف اني جدي ورسمي في تعاملي مع الناس والجزء المرح في شخصيتي مش لاي حدا ببينه وبحدود .

بالعكس بحترم شخصيتك كثير وبقدرها وفيها شبه من شخصيتي ،،،، واذا صار فرصة ونزلت مشكلة تستحق مني نوعية مختلفة من الردود ما رح اقصر .
كل الإحترام الك ولتعليقاتك.
رد بواسطة السوسنة السوداء الى زيد
زيد
======

لا تلوم المعلقين ولا تحكي ان تفكيرهم محدود هم حكموا عليك من خلال تعليقاتك

واحنا دائما بنحكم على الشخص من خلال كلامه
حله للمشكلة
طريقة طرحه لموضوع ما

انا مثلا بحاول ان تعليقاتي تعكس شخصيتي الحقيقية
مابحب اتقمص شي مش موجود عندي
وفعلا لما كنتوا تحكوا اني عصبية
انا مابنكر عندي نوع من العصبية
وبتضايق بسرعة

وانا كمان بحملك انت وجميع معلقي جراسا كل التقدير والاحترام
21-05-2013 05:31 PM
جمان الى الالوفيرا
انا بنت عمري عشرين حلمت ان الله يتكلم معي ويحكيلي اتستري فقط وصحيت من النوم على هذول الكلمتين لبسي عادي غير محجبه فكرت بالحجاب ولبستو وبطلت ماارتحت فيه وشكرا
رد بواسطة الألـــوافيراااااا
اختي الكريمة الحلم واضح ما بدو تفسير
الله سبحانه وتعالى يريد بكي التستر والحشمه فلا تعصي امر الله ستحانه وتعالى والله اعلم
21-05-2013 05:32 PM
السوسنة السوداء
الدر المكنون
====================


حسااااااااااااااااام

======================
مساااااااء الخير
رد بواسطة الدر المكنون
أسعد الله مساءكِ بكل خير و بركة و سرور أختي العزيزة السوسنة السوداء

تحياتي لكِ
رد بواسطة الدر المكنون
أسعد الله مساءكِ بكل خير و بركة و سرور أختي العزيزة السوسنة السوداء

تحياتي لكِ
21-05-2013 05:32 PM
الى الوافيرا
انا صاحبة تعليق 22
حابه بالاول اشكرك كتير كتير والله يعطيكي الف عافيه يا رب
بس ما في اشي متل من الي سالتيني عنو
رد بواسطة الألــــــوافيرااااااا
الله يسعدك ياارب ويوفقك ولاشكر بين الأخوه ^.^

حلمك يشير لما كنتي بمكان مظلم اشارة الى موضوع متعب او موضوع مزعج ممكن ينطرح امامك و حدى من افراد العائله
والطلقات همى كلام سيء ومزعج من قبل شخص بحقك وبحق وحده من العائله وهذا الكلام يأثر في نفسيتك ويزعجك كثير والله أعلم
21-05-2013 05:37 PM
نور الى الاولفيرا
حلمت اني ماشيه انا واختي وشفت قط ابيض فيه بقع رمادي مسكت حجر وضربت عليه بس هو هجم عليه وخرمشني من قد خوفي صحيت وايدي توجعني منه
رد بواسطة الألـــــوافيراا
اختي هل ازعجكي طفل صغير ؟
او ازعجكي شاب او شخص معين ؟
تذكري منيح
انتظر ردك ان شاءالله
رد بواسطة نور الى الالوفيرا
نعم تعرضت للزعاج من شخص
رد بواسطة الألـــــوافيرااااااا

اختي هو تفسير الحلم تعرضك لازعاج من قبل شخص وتضايقتي منه كثير وفي حدى معك اطلع على الموضوع اما اختك او حدى معك رمز لاختك والله اعلم
21-05-2013 05:42 PM
سلامة80
أخي في تعليق 33 رديت عليك في نفس التعليق تابعه هناك

الأخت ميسوو
انا بشوف لك أسماء مناسبة لرفع الوزن و تكون موجودة عندك في بريطانيا
بس انت زرتي طبيب للإطلاع على حالتك؟
لانه أحياناً شخص بتناول بروتينات و بستفيد منها و بحكي لشخص آخر عنها و ما بستفيد و السبب انه الشخص الاول بكون تناسب جسمه مع المواد بالصدفة اما الشخص الثاني بكون بحاجة لأنواع أخرى.
الحلبة بالعادة بتنحف مع انه الناس بتعتقد انها بترفع الوزن، كل ما هنالك انها بتنشط الدورة الدموية مما يشعر الشخص بالجوع و الرغبة بتناول الطعام فممكن تكون زيادة الوزن ناتجة عن تناول مواد أخرى و بالتالي زيادة السعرات الحرارية عن المعتاد للشخص نفسه
و خميرة البيرة انا بعرف أكثر من شخص استفادوا منها لكن منرجع نحكي انه ممكن اشخاص آخرين ما يستفيدوا بنفس القدر

بالنسبة لتنقيص الوزن في احدى زياراتي للأردن أخذت نوع حبوب لشخص كان يعاني من زيادة وزن و لكن كنت أعرف حالته و استشرت احد الاشخاص في موضوعه فنصحني في نوع معين و حكى في ظرف اسبوعين رح يخسر وزن كثير بدون تأثير على قوة دمه و نشاطه بل على العكس رح يزداد نشاطه و هذا ما حدث

اذا بتروحي على محلات GNC او vitamin world بتلاقي عندهم عشرات الانواع لزيادة او انقاص الوزن لكن حتى الموظف يساعد الشخص على اختيار النوع المناسب لازم الشخص نفسه يكون عارف شو وضعه و يجاوب على أسئلة الموظف عن معرفة تامة في حالته او يكون اختصاصي حدد له نوع معين
رد بواسطة ميسووو
والله يا خي ما رحت على أخصائي ولا ناويه روح ما بحب امشي عن نظام معين
انا ما باكل منيح مش كتير بحب الاكل وبنشغل كتير وبتحرك كتير بحكم دراستي واولاد وعيله ...الخ
بس ممكن انو اخد شي نوع حبوب وهلا بحثت
على Maps على المحلات الي دكرتها حضرتك
لئيت vitamin world مش بعيد عني كتير
بادن الله رح روح عليه بلكي على الله
لئيت طلبي ...شكرا كتيييييييير خي سلامه
عنجد كلك زووووووء
بس كأنو افهمت انو انت كمان مغترب
هههههههه طلعنا بالهوى سوا
وين انتا متغرب ؟؟؟
رد بواسطة الى سلامة
لاأظن ان المشكله لهذه الدرجة مهمة حتى تعطي كل هذه الحلول
رد بواسطة هههههههههههههههههههه
فاضي شغال
وقلة الشغل بتعلم التطريز
خخخخخخخخخخخخ
رد بواسطة ميسووو
لا بالعكس بالنسبه الي كتيييير مهمه
بعدين انتي ليش متدايئه احنا بنكتب
على صفحة جراسا مش على حيط بيتك
وعلى فكره انا عرفت مين بتكوني
طيب ليش مش حاطه اسم مع انو انتي
دائما بتطالبي انو الواحد يكون عندو
ثقه بنفسو ويدخل باسمو او لئبو
وانشالله تكوني الي ببالي وما اكون ظلمتك
رد بواسطة سلامة80
للأخ الكريم المنتقد أو الأخت الكريمة المنتقدة لوجودي بالزاوية بحب احكيلك
1- اشكرك على اللفتة الكريمة
2- الموضوع كان عبارة عن تبادل حديث مع الأخت ميسوو
فلو ترجع لاحدى تعليقاتها بتلاقي انها ذَكرت الحلبة و خميرة البيرة
3-انا ما أعطيت حلول للموضوع نهائيا و كان في تعليقين تعرضت للانتقاد عليهما لانه المنتقد اعتقد اني بخفف دمي لكن انا ما كنت اخفف دمي و انما كنت ارمي لحاجة بعاني منها اصحاب المشاكل بشكل عام و تستطيع فهمها اذا ما قرأت بين السطور.
مع اني كتبت توضيح كامل للأخ في تعليق 33 لكن نُشر سطر واحد فقط من تعليقي

الأخت ميسوو شكرا لك جزيلا و لكن ارجو ان لا تهتمي كثيرا للمنتقدين فلربما نحن ننتقد ايضا
رد بواسطة الى سلامة
ارجو منك تفسير تعليقك رقم 14 ماذا تقصد به قد لفت انتباهي هذا التعليق ولك مني كل جزيل الشكر
رد بواسطة ميسووو
أخ سلامه يسعد صبااحك
انا ما عندي مشكله الي بدو ينتقدني حياه الله رح بيلائي الرد الي بيعجبو انشالله
وانا بنسبه الي ازا بدي انتقد حدا بستعمل اسلوب لبق حتى يتقبل نقدي بسعة صدر
وما بدخل بشغلات ما بتعنيني ولا مأثره علي بشي
يعني عفوا بالإنتقاد الي فوئ شو مأثر على الي طرحتو بالعكس انا كتير استفدت منو واكيييد في غيري قرأه واستفاد
لانو ما في شخص ما بهمو شكل جسمو وبحاول بوسائل عده انو يوصل للشكل الي بيرغبه
... احترامي خي
21-05-2013 05:59 PM
ابو احميد
ظلك اشطفي و اجلي
و اشطفي و اجلي
رد بواسطة السوسنة السوداء
ابو حميد
===========

شو بعدك بتعلق عند اصدقاء زاد

شو اخبارك

21-05-2013 06:04 PM
نانا
الك شاي dr.ming
21-05-2013 06:09 PM
هدى
فضحتو المره كل هاذ لانها ناصحة عادي
21-05-2013 07:29 PM
كركية حرة
اولا السلام عليكم محررنا العزيز
بشرفني اكون صديقة جديدة لصفحتكم و اتواصل دائما معكمز
ثانيا المشكلة هاي حلها بالرغم من سهولته الا انه صعب و هو الارادة فإذا كان عندك ارادة رح تنزلي بنظام رجيم بسهولة بس لازم يكون عندك ارادة تلتزمي فيهز
رد بواسطة عدي الحلو
هلا وغلا بتشرفينا كصديقة هون
21-05-2013 08:34 PM
وكبرنا
اعملي تكسير دهون
27-05-2013 11:42 AM
فلسطينية
الى صاحبة الموضوع

اولا قرأت كتير من الردود فعلا شئ مؤسف
البنت منزلة مشكلة بدها حل مو انه تتخوتو ويصير الشاطر فيكم اللي بده يخفف دم .... هاد اسمه عيب

تاني شي صديقتي سيبك من تعليقاتهم البايخة
انا بنت وعمري 30 سنة جسمي مليان بس عملت تحاليل طلع عندي خربطة بلهرمونات وحاولت اعالجها بس عالفاضي
بس عندي ثقة كتير بحالي وما بهمني رأي الناس قد ما بهمني اكون مرتاحة وواثقة من نفسي
جربت وصفة ونفعت معي بس مشكلتي عشان الهرمون وزني بيرجع
بس اذا انتي ما عندي اي مشكلة بالهرمون بتقدري تجربيها وانا متأكدة انك رح تستفيدي عليها لاني اعطيها لكتير بنات وجربوها وفعلا زبطت
قبل الأكل بخمس دقايق بتجيبي من عند العطار عشبة اسمها (الردة) هاي شبيهة بالنخالة وبتجيبي شومر مطحون
وقبل الأكل بتحطي معلقة من الردة ومعلقة من الشومر بكاسة مي وبتشربيهم وبتستني شوي بعدين بتاكلي رح تاكلي اقل من نص الكمية اللي بتاكليها بالعادة لانها بتنفش بالطن وما رح تخليكي جوعانة وغير هيك الردة الها كتير فوائد بتقدري تدوري عن فوائدها عالنت موجودة
وهية متوفرة عند العطارين انا شتريتها من البلد سعرها مو رخيص يعني الوقية ب 7 دنانير بس بتكفي فترة منيحة
وكل ما تحسي حالك جعانة اعملي نفس الشي
وان شاء الله انك تستفيدي عليها

واذا عشان الأواعي صار كتير محلات عندها ملابس بمقاسات كبيرة يعني بطل الموضوع زي زمان تلفي كل السواق وما تلاقي اهم شي خلي عندك ثقة بحالك وما تهتمي لأي حدى

ربنا يوفقك واذا جربتي الوصفة وارتحتي عليها لا تنسيني من دعائك

لك كل الاحترام
28-05-2013 11:46 AM
طعه بيك و قايمه رئيس جمهورة قايمه العظمى
للاسف
انا لمى اجي اخطب وقبل ما اشوف البنت بسئلها عن وزنها
اذا زاد عن 43,999 بنسى موضوعها
لانها بتصير تلسع مثل ام 44
فنصيحه الك انحفي قد ما تقدري وعيشي
18-06-2013 02:52 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات