ولادة قيصرية


كل دعوات ( ختيارات ) القرية ان الله يسهّل موضوع الولادة اللي شكلها طوّلت ، وكمان لا تنسى ان حريم القرية مر عليهن كل انواع المخاضات ، لكن هالمرة شكله غير حتى ان القرويين مش عارفين كيف يساعدوا بالموضوع ، راحة واتوفرت ، شغل مرهق ما اشتغلت ، ميه حامية موجود ، زيت موجود ، وكل شي تطلبه الداية ( القابلة ) تم توفيره ، الغرفة مغلقة بأحكام مشان ما يدخل هوا غير مرغوب فيه ، شو ناقص مش معروف ؟؟؟!!! .
كل الناس واقفين برا الغرفة ويستنوا المولود اللي طال انتظاره ، ومع ذلك بلشوا يحكوا : ممكن يكون ورم مش حمل ، ممكن يكون حمل كاذب ، ممكن كمان يكون مش وقت الخلفه يعني مخربطين بموعد الحمل ( الانتخابي ) ، حتى ان بعض الجدات بيحكن ، اذا اجا ابن ثمانيه ما رح يعيش ويتمنن انه يكون ابن سبعة ( سباعي ) او ابن تسعه ، على شان يعمر ويصير هالمختار اللي تعال واتفرج .
اما بعض المختصين بأمور الولادة فمنهم من يقول انه قد يكون هنالك ( عيب ) خَلقي ، سواء بالمواسير النيابية ، او تشوه بالرحم الانتخابي ، او ان البويضة الشعبية لم تكن جاهزة للتلقيح ، مثل هذا الكلام المختص لا يعني العامة بشيء الناس بدها المختار الجديد يشوف النور بأقرب وقت .
حتى بنات الحي وشبابه صاروا يحجزوا صداقات معه من قبل ما يشوف الدنيا ، هذي بدها عيونه خضر وتلك بدها اياه طويل وضخم وما يهاب حدا يعني ( رجل ) قد حاله وهذا بده يعلمه اساليب والاعيب المراهقين ، وكيف رح يكون الشب رقم واحد بالقرية حتى لو بدفع من جيبته ، وهذاك رح يطعميه اشياء زاكيه كان يجيبها بالليل من غير ما حدا يشوفه ......
اما عقّال القرية المهم عندهم يكون ( ابن حلال ) طبيعي اعمامه واخواله معروفين مش ابن... وجاي اما كطفل انابيب او زراعة ، او اي طريقة ( عوجا ) من طرق التكاثر الحديثة ، يوفر لهم خبزهم وزيتهم واخر النهار يقعد معهم ويعلمهم فنون المخترة ، وكيف رح يكون مختار غير لقرية غير مش مثل المخاتير السابقين اللي كانوا يسهروا ويناموا ويروحوا ويرجعوا بدون ما حدا يعرف شيء ، المهم كان عندهم ( الختم ) ما يطلع برا .
بالمناسبة اذا وصل شعور ان المختار مش قد حاله ما رح حدا يصاحبه او يرد عليه وممكن جيرانه يوخذوا الختم منه ، ويصيروا يختموا فيه وكل مده يعطوا الختم لعيله ثانية وهكذا ، لذا اما انه مختار ( للقرية ) او لا ما بدنا مخاتير من خارج القرية لأنه ما رح يطّول...


فيصل البقور



تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات