صديق زوجي يعاكسني


جراسا -

انا سيدة .. تزوجت منذ سنوات و مشكلتي تكمن في صديق لزوجي عرفته بعد ما تزوجت مباشرة حيث اصبح بيننا علاقات اجتماعية و زيارات عائلية .... كان الصديق العزيز و المفضل لزوجي .. يعني هو اول اصدقائه بحياته ... من خلال الزيارات توصل لرقم جوالي .. بعد ذلك اتصل على جوالي مرة و 2 و 3 ... و بالتدريج فهمت منه انه يحبني و يمووت فيني ومش قادر يعيش بدوني ... و نفسه يتزوجني .. انا حاولت اتماشى معاه بالموضوع و لما وجدت الموضوع بيأثر على حياتي صديته اكتر من مرة و بفكر انه ابعد زوجي عنه ... مع العلم انه زوجي لا يعرف بالموضوع .... ارجوكم لو ممكن تفيدوني من دون تجريح او احراج



تعليقات القراء

ابو محمود
لولا انك سمحتيلو ما حكى معاك انتي الغلطانة
28-03-2009 10:48 AM
ابو اسكندر
هذا ليس صديق خاصة شباب اليوم ما بعرفوا ( أكل الملح )
والأحسن إخبار الزوج قبل أن يكتشف الأمر من غيرك أو بالصدفة والغلط لا يدوم ؟؟
لكن تكوني إمرأة مخلصة إذا أخبرت زوجك عن هذا الفاسق ولا يعده صديقا أن الصديق أكثر من أخ ؟؟
هذا عدو وخبيث وناكر للجميل وما عنده دم وهذه صفه يمتاز بها معظم شباب اليوم إن جاز لنا أن نطلق عليهم لفظ شياب لأن معظمهم لا تنطبق عليه الصفات الآدميه بل بعض الحيوانات بل كلها أفضل من البشر بالوفاء والصدق وعدم الغدر ؟
28-03-2009 06:19 PM
ابو اسكندر
هذا ليس صديق خاصة شباب اليوم ما بعرفوا ( أكل الملح )
والأحسن إخبار الزوج قبل أن يكتشف الأمر من غيرك أو بالصدفة والغلط لا يدوم ؟؟
لكن تكوني إمرأة مخلصة إذا أخبرت زوجك عن هذا الفاسق ولا يعده صديقا أن الصديق أكثر من أخ ؟؟
هذا عدو وخبيث وناكر للجميل وما عنده دم وهذه صفه يمتاز بها معظم شباب اليوم إن جاز لنا أن نطلق عليهم لفظ شياب لأن معظمهم لا تنطبق عليه الصفات الآدميه بل بعض الحيوانات بل كلها أفضل من البشر بالوفاء والصدق وعدم الغدر ؟
ولأن شباب اليوم أنذال احمي بيتك من الدمار منه لأنه سيكون أول الشامتين بك لو حصل ( لاقدر الله ) انفصال ؟؟
28-03-2009 06:21 PM
ابو اسكندر
هذا ليس صديق خاصة شباب اليوم ما بعرفوا ( أكل الملح )
والأحسن إخبار الزوج قبل أن يكتشف الأمر من غيرك أو بالصدفة والغلط لا يدوم ؟؟
لكن تكوني إمرأة مخلصة إذا أخبرت زوجك عن هذا الفاسق ولا يعده صديقا أن الصديق أكثر من أخ ؟؟
هذا عدو وخبيث وناكر للجميل وما عنده دم وهذه صفه يمتاز بها معظم شباب اليوم إن جاز لنا أن نطلق عليهم لفظ شياب لأن معظمهم لا تنطبق عليه الصفات الآدميه بل بعض الحيوانات بل كلها أفضل من البشر بالوفاء والصدق وعدم الغدر ؟
ولأن شباب اليوم أنذال احمي بيتك من الدمار منه لأنه سيكون أول الشامتين بك لو حصل ( لاقدر الله ) انفصال ؟؟
انتبهي أختي من هذا الجبان لأنه شيطان وليس بإنسان .
قديما تربية الأبناء كانت على الخلق ( احفظ عرض الناس يحفظ الله عِرضك )
28-03-2009 06:23 PM
اردنية من اصل فلسطيني
( حاولت اتماشى معاه بالموضوع)!!!!!!!!!! شو معنى هالحكي؟ انتي بتضحكي على مين؟ علينا ولا على حالك ولا على زوجك؟ تتماشي معاه وانتي امرأة متزوجة؟؟ يعني انتي بتخوني زوجك لما تسمعي لرجل غريب والمفروض لما رنلك اول مرة وقلك انه بحبك لازم وقفتيه عند حده وهددتيه تخبري مرته مش تخبري زوجك بس. الله يسامحك لإنه الغلطة غلطتك انتي. كان دايما والدي يحذرنا من الجلسات العائلية المختلطة للأصحاب مع زوجاتهم لإنه نتيجة معظمها الدمار.

النقطة الثانية كيف توصل لجوالك من خلال الزيارات؟؟ الا اذا طلبك رقم جوالك علنا

وغير هيك انتي بتحكي (بعد ذلك اتصل على جوالي مرة و 2 و 3 ... و بالتدريج فهمت منه ...) يعني انتي سمعتيله مرة ومرتين وثلاث. طيب اول مرة لما اتصل شو حكالك ؟ وفي اي موضوع تناقشتوا؟ معقول حكالك حبيت اسمع صوتك او اعيد عليك او اصبح عليكي او اسأل عن زوجك؟؟ لإنه من المرة الاولى كان لازم تخبري زوجك عن اتصاله. شغلة عن جد بتمخول الراس.

الله يهديكي ويستر عليكي


28-03-2009 06:59 PM
دانا ............
عراسي يا اردنية من اصل فلسطينية يا هيك الحكي يا بلاش لو بتحب زوجها ما عملت هيك من الاول ..........بس شو بدها تعمل بدها نساعدها قال ..............دانا
28-03-2009 08:19 PM
ممممم
بسم الله الرحمن الرحيم
اعتقد انه اخواني القراء وضعوا اللوم عليكي انا معهم في هاد الموضوع لولا انه انت اعطتيه عين من الاول ما اطورت الامور لهيك هلا الحل يا ستي حاولي تغيري رقم تلفونك وحاولي انه تحددي علقاتك معاهم وتبعدي زوجك عنهم وما تنسي انه في يوم تحاسبين عليه فتوبي الى الله وتقي الله
28-03-2009 10:42 PM
Jordanian abroad
سلام للجميع..
بالبداية اود التنبيه بان جميع القصص في زاوية اريد حلا تضمنت كلمة مجتمع محافظ. انا كنت احب وحدة وكنا نحكي مع بعض بس تلفون وما في مجال نشوف بعض بحجة مجتمع محافظ, تركنا بعض وشعرت بالحزن بالبداية وسافرت اكمل دراستي(عمري 26 وانا في مرحلة الدكتوراة). وهسا والحمد لله خلصت من شي اسمه مجتمع محافظ, واقل شي بزورني بالبيت ثلاث صبايا باليوم. انا انصح الشباب تسافر بلا بنات بلادي بلا مجتمع محافظ. نفسي ارجع لمرحلة البكالوريس علشان البس خمار عن بنات بلادي وما بدي اشوفهن ولا يشوفني. هلكتونا بكلمة مجتمع محافظ. الي عندنا ادهى من قصص اوروبا, بس كلها سر و خيانة..
تذكير: انا محافظ على اداء الصلاة ومن مجتمع محافظ !!!!!!!!!!!
29-03-2009 06:45 AM
أنوس
صديق زوجك بعاكسك والله حلوه هذي اولا هذا مو صديق هذا زنديق وضروري اتقولي لزوجك حتى يقدر تفاهم مع هالهامل الخاسي قليل الاصل اللي ما صان الصداقه وانتي عليكي حق اللي اعطتيه فرصه من اول تلفون كان لازم اتسكررري التلفون بوجهه هالههامل صحيح اللي استحوا ماتوا طبعا انا اقصد زنديق زوجك . والباقي عندك.......
29-03-2009 09:18 AM
lion7000
( حاولت اتماشى معاه بالموضوع)!!!!!!!!!!

عفوا حضرتك متاكدة انه انتي ما بدك هيك شي
؟؟؟؟؟؟
الجواب معك ومعك انتي وبس
29-03-2009 05:07 PM
مش مهم
الى Jordanian abroad
يا اخي اذا انت مش محافظ ولا من بيئة محافظه واهلك ما علموك المحافظة وعندك عقدة من المحافظة وعقده من مرحلة البكالوريوس الظاهر انه كاين عندك مشاكل عاطفيه
فخليك ببلاد بره احسن لبلدنا
وخلي نصايحك لحالك
خلي الدكتوراة تنفعك " يوم لا تملك نفسٌ لنفسٍ شيئاً، والأمر يومئذٍ لله "
وبحيك على اداء الصلاة ونتمنا انها تنهاك عن الفحشاء والمنكر
30-03-2009 09:39 AM
مو ضروري
ما بقدر احكي شي لانه كل شي بايدك وانتي الغلطانه المفروض يكون لزوجك احترام وكيان اكتر من هيك .ومن اول مره لازم حطيتي حد لصديق زوجك العزيز.بس شو بدنا نعمل كل هاد من ورا البعد عن الدين والالتزام .....ارجعي لعقلك ...........ولا يغرك الكلام الفاضي اكيد بده منك شي..بلا حب بلا هوى وانتي مره متزوجه مالك الا زوجك وكل الدنيا ما تسوى بدونه!!!!
30-03-2009 01:04 PM
Jordanian abroad
for comment number 11, just would like first to thank u. then, if i thought one day to go back to my 1st home jordan if cours not to see u or see those people who think like you. i will go back to see my parents and moreover, im shcolar by one of jordanian university. so, i have to go back and teach in this university.
30-03-2009 01:25 PM
الى Jordanian abroad
بس بتمنا انه ما يكون الك تاثير على الطلاب بقيم هادمة زي اللي عايشها مع احترامي الك
وبحب اقلك انه الالتزام بالقيم والاخلاق عمره ما كان عائق ضد انفتاح العقل بالعكس هو الاساس الثابت .
واذا انت ارجعت على الاردن وما بتحب تشوف ناس بفكروا مثلي
فا احنا منحكي انه حابين انشوف ناس مثلك لنتعلم منهم الاشياء الكويسه والتجارب والتطور العلمي اللي اتعلموها بره .
وشكراً
30-03-2009 04:43 PM
القلم الازرق
نفسك خضرا انتي اللي فيكي اللفة يعني عملتي متل المشتهية ومستحية ولم شفتي الوضع ثقيل عليكي ومليتي صرتي بدك تهربي واللة اعلم عن الخفايا روحخ ارجع لربك لو ماكنتي بدك وعاجبك الوضع ماحدا استرجا يحكي معك لو كنتي من دون هدوم انتي الغلطانة وبدك تربي حالك ثاني
30-03-2009 10:22 PM
Jordanian abroad
To all commenters. No need for the excuse because every one of us has his/her own opinions. So, we have to respect it. My pleasure to everyone.
02-04-2009 01:27 PM
ابو راس
والله شكلك عاجبك الموضوع من الاول

علينا يا مندلينا
03-04-2009 08:12 PM
مش مهم
انا صاحب التعليق رقم 11 و التعليق رقم 16
بس الظاهر انه صاحب التعليق 8 والتعليق رقم 13 والتعليق رقم 16 والتعليق رقم 17
هو نفسه
وسلامتكم
08-04-2009 02:25 PM
ام الرور
والله عراااااااااسي من فوووووق يا احلى انووووس بصراحة الله يبعتلي شب مثلك كاااااان كل العالم بخير وانا بابدك ياانووووس روروالدلوعة
08-04-2009 10:53 PM
ناصح أمين/التائب من الذنب كمن لا ذنب له
يا اخوان خلينا نقول انه كل يلي حكيتو صح ومية صح
بس الأخت هون اعترفت بذبها وشعرت بخطيئتها وبدها اتوب
لازم نساعدها عا ذلك مونقعد نبهدلها وننشر غسيلها
اختي ما في امامك غير العزم والاصرار والتوبة الى الله وجل
واول شي قومي فيه غير عالفور رقم موبايلك
لانه يمكن بكلامه الحلو والمعسول والمنمق يرد يعمل ليكي عملية فسيل دماغ
اما لما تغيري رقم موبايل بترتاحي من وجع السن بقلعه
بالاضافة الى انك لا تروحي من مرة ولا تفوتي بيت صاحب زوجك واقطعي جميع العلاقات معهم بالاضافة الى انك اضربي فتيشة صغيرة بأذنك زوجك بأنه تحكيله مثلا انه عين صاحبه زايغة ةنفس الشيء لزوجة صاحب زوجك احكيلها عيونك زوجك مليانة خيانة ...الخ
والسلام
13-04-2009 12:29 PM
شادي وسهيل عطيه
انا بعتبرك صح لانك كنتي صريحه معنا اكتر من جوزك بهنيكي على صراحتك مع كل الشعب الاردني أستثناء جوزك وانا شايف بما انه الموضوع في مره ومرتين وثلاث والله اعلم انا متاكد اكثر من هيك فانا شكلي راح أصاحب جوزك واسهر عندكم يا مستوره
16-04-2009 01:49 AM
سلطية 1 للابد
انت الغلطانة من البداية المفروض مارديتي ع تلفوناته من عرفتي انه هاد رقمه
والحق كمان ع جوزك كيف بسمح لنفسه يخليكي تتعرفي ع صاحبه يعني هاد ابعد ما يكون عن الحلال ومافي داعي اله الله يسامحك ويسامحه ويهديكو الاتنين وع كل حال مش صاحب هاد خاين واذا ضليتي هيك بتصيري زي خاينه.
ولازم ع كل حال انك تنبهي جوزك منه بدون ما تجرحي مشاعره ويعرف انك خنتيه بالتلفون وتحكيله بطريقة غير مباشرة انك حاسة انه عينو عليكي ومش مؤدب بنظراته الخ... وما تجالسيه ولا تحت ايه ظرف ومهما كان الحال حتى لو بدك تقدمي كاسة الشاي نادي ع زوجك وخليه يقدمها واذا سألك ليش مابتفوتي احكيله مابرتاحله هاالرجال مشكويس ....وتخلصي من هالمصيبة لانك هيك بتخربي بيتك.
29-04-2009 05:13 PM
سلطية 1 للابد
الى اردنية من اصل فلسطيني الله محيي اصلك احلى تعليق والله.
والى Jordanian abroad
ماتستحى ع حالك بس اللي زيك بكره بصير معه ايدز وبقطع حاله من الندم --الله لايردك هاي مش حضارة هاد تخلف...
29-04-2009 05:22 PM
بسم الله الرحمن الرحيم
الى الاخت الفاضله لماذا تضعي نفسك بهذا الموقف كان الاصل ان لا تريه وجهك ولا تجالسيه وان تغيري رقمك ان امكن وان تنصحي زوجك وان تلهي زوجك عندما يحاول الاتصال فيه هناك امور لابد من ان يكون الانسان فيها حازم والحزم ياتي من الارداه وان تشغلي نفسك بذكر لله لو كان هذا الشخص يريد الخير لكي ما تطلع على عورات الناس فا والله اختي العزيره ان تجرتي واعطيته من الكلام حلاوه ليفضحكي الله مع زوك واهلك ولا تردي عليه ان تكلم مره اخرى وحاولي ان تقولي لزوجك بالالغاز ان اخلاق هذا الشخص غير محترمه
والله تعالى اعلى واعلم
07-05-2009 11:27 AM
الى ابو راس
شو يعني علينا يا مندلينا
09-05-2009 06:20 PM
الفراشه
الى صاحب تعليق رقم8 ليش انتا هيك
ازا انتا هلأ بالاردن
احترم البيئه الي انتا منها
والله حرام يكون مكتوب بهويتك
الديانه مسلم
انتا عار على الاسلام
روح الله لا يوفئك
09-05-2009 06:25 PM
ابوباهر
شو يعني اتماشيتي معه بالموضوع افرضي ياستي الشب مسجل
الك مكالمة وسمعها لزوجك
شورح يكون موقفك رح اتكوني
انتي الضحيه وبعدين بتقوم
القرعه علي ام قرون احكي لزوجك احسنلك
10-05-2009 08:00 PM
مسلمة
الى Jordanian abroad بدي افهم انت كيف بتفكر كل مالك عم بتبينلنا حقيقتك اكتر واكتر هاد الي استفدتو من الغرب تخلفهم وغبائهم وضلالهم احسنت هيك بدنا اياك

وبعدين تريحت لانك خلصت من المجتمع المحافظ يعني كانك عم بتقول انك تريحت لما تركت الاخلاق الي اهلنا ربونا عليها والي قبل كل شي اسلامنا ربانا عليه وبدال ما تعكس صورة حلوة عن الاسلام عم بتخبص مع الي بيخبصو
قلتلي بتصلي بحب اقلك راجع حالك بصلاتك لان المفروض انو الصلاة تنهى عن الفحشاء والمنكر خاف الله كل كلمة انت بتقولها انت محاسب عنها عشان هيك بلا تخبيص بكون احسن

10-05-2009 08:59 PM
مسلمة
والله ابو باهر معك حق بتعرفي لو سجلك مكالمة ساعتها بينخرب بيتك عشان هيك ادعي الله يسترها معك ووقفي هالمهزلة عند حدها اعتقد انتي مش بنت صغيرة
من الاصل انتي ليش بتطلعي لما ييجي صاحب زوجك والله اهلين يا صاحب زوجي

سبحانك يا الله والله كلنا بنعرف انو الاختلاط حرااااااااااااااااااااام ليش في عنا نسبة عالية من الاختلاط ما بعرف
بدعيلك بالهداية وبنصحك توقفيه عند حده
10-05-2009 09:08 PM
ابوباهر الي مسلمة
مشان الله اقنعي بنت الناس وعيها لانو كلامك كله ذهب
11-05-2009 12:28 AM
Jordanian abraod
الى سلطية 1 للابد, الفراشة, ومسلمة.
الى سلطية 1 للابد: اشكرك كثير على كلامك المهذب. اذا مش عاجبك طريقة حياتي مافي داعي تعيشيها. ياستي عيشي, البسي وفكري بالطريقة الي بتناسبك واتركيني انا بحياة التخلف الي عايشها. "اشكرك كثير والله يسامحك عالكلام".
الى الفراشة: انا حاليا مش بالاردن. عارفة شو يعني انك تكفري مسلم ؟؟!!اسالي عن حكم هاي المسالة. بالاضافة, انا الي بعرفو والي اهلي ربوني عليه انه اذا شفت واحد بعمل غلط ادعيلو "الله يهديه" مش "الله لايوفقه". هيك اهلك ربوك تسبي الناس وتدعي عليهم!!. انا بعرف انه في عندنا باللغة العربية (اذا, يوفقك) مش (ازا, يوفئك) حتى اللغة العربية تغيرت؟؟!!.الله يسامحك على اي حال.
الى مسلمة:انا بعرف انه طريقة المسلم في الدعاء والهداية قائمة على النصح والوعض والارشاد وليس طريقة تهجمية وهمجية. ياستي الدين معاملة, واذا بيوم من الايام قابلتي مسلم او غير مسلم ودعيته بهذا الشكل اكيد مش رح يقتنع" مع احترامي الك طريقتك فاشلة" لانه الاسلام انتشر بالمعاملة والكلمة الطيبة وليس بالسيف والكلام الجارح. شو حكيتي عني انا مسامحك.
11-05-2009 01:51 AM
Jordanian abraod
الى سلطية 1 للابد, الفراشة, ومسلمة.

الى سلطية 1 للابد: اشكرك كثير على كلامك المهذب. اذا مش عاجبك طريقة حياتي مافي داعي تعيشيها. ياستي عيشي, البسي وفكري بالطريقة الي بتناسبك واتركيني انا بحياة التخلف الي عايشها. "اشكرك كثير والله يسامحك عالكلام".
الى الفراشة: انا حاليا مش بالاردن. عارفة شو يعني انك تكفري مسلم ؟؟!!اسالي عن حكم هاي المسالة. بالاضافة, انا الي بعرفو والي اهلي ربوني عليه انه اذا شفت واحد بعمل غلط ادعيلو "الله يهديه" مش "الله لايوفقه". هيك اهلك ربوك تسبي الناس وتدعي عليهم!!.اذا انت بتحكي "الله لايوفقك" انا بحكيلك"الله يوفقك". انا بعرف انه في عندنا باللغة العربية (اذا, يوفقك) مش (ازا, يوفئك) حتى اللغة العربية تغيرت؟؟!!.الله يسامحك على اي حال.
الى مسلمة:انا بعرف انه طريقة المسلم في الدعاء والهداية قائمة على النصح والوعض والارشاد وليس طريقة تهجمية وهمجية. ياستي الدين معاملة, واذا بيوم من الايام قابلتي مسلم او غير مسلم ودعيته بهذا الشكل اكيد مش رح يقتنع" مع احترامي الك طريقتك فاشلة" لانه الاسلام انتشر بالمعاملة والكلمة الطيبة وليس بالسيف والكلام الجارح. شو حكيتي عني انا مسامحك.
11-05-2009 07:35 AM
هاي
كلكم صرتو تتخانقو مع بعض و تركتوا المخلوقة صاحبة المشكلة من غير حل .. يعني المفروض نوقف معها و ننصحها ... و انت يا صاحبة المشكلة.. اهلك ما ربوكي على الدين و على الاسلام ما بتعرفني انه اللي بتفتح مجال مرة بينخرب بيتها ... بس على شو مكبرة موضوعك .. ريحي حالك و غيري شريحة تليفونك و حاولي تتفادي تشوفيه او يشوفك . و خلصنا
11-05-2009 05:04 PM
مسلمة
يا Jordanian abraod
والله يا اخ انت ارجع اقرأ انت شو كاتب ساعتها بتعرف انا ليش عصبت وكل وضع راح يكون اله طريقة بالتعامل قلتلي طريقتي فاشلة شكرا كتير الك كلك زوء
انت بتعرف انو الدين معاملة بس ما بتعرف انو الاختلاط حرام وانو البنات يجوك ع بيتك كمان حرام؟؟!!! ولا انت بتاخد من الدين بس الي بدك اياه
والله يسامح الجميع والله يهديك
11-05-2009 07:22 PM
محب الاسلام
( متفق عليه ) عن النعمان بن بشير قال قال رسول الله صلى الله عليه وسلم الحلال بين والحرام بين وبينهما مشتبهات لا يعلمهن كثير من الناس فمن اتقى الشبهاب استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب . لماذا سمحت لنفسك يا اختي بارك الله فيكي انت وزوجك ان تجلسوا مع بعض حتى يراك هذا السفيه ويفتتن فيكي الا تعلمين ان الله جل وعلا حرم على الرجال النظر النساء وحرم على النساء النظر الى الرجال ألم يأمرنا الله جل وعلا بغض البصر هذا في الاماكن العامة فما بالك اذا جلس الرجال مع النساء واطلق كل لنفسه العنان بالنظر الى الآخر والشيطان والشيطان يمنيهم ويروج لهم نسال الله العافية انا انصحك اولا ان تتوبي الى الله ثانيا اعلمي يا اختي انه من الواجب عليكي ان تخبري زوجك اقول من الواجب ولست مخيرة في ذلك حتى يعلم انك زوجة صالحة لا تخونيه وحتى يعلم ان له صديقا خائنا لا يستحق الوفاء ليقطع علاقته به ويحذر الناس من غدراته واسمعي ماذا قال النبي صلى الله عليه وسلم في مثل هذا الخائن ( ( متفق عليه ) عن ابن عمر أن رسول الله صلى الله عليه وسلم قال إن الغادر ينصب له لواء يوم القيامة فيقال هذه غدرة فلان بن فلان . ) يا ربي اسالك ان تهدي نساء وبنات المسلمين وان تسترهن يارب العالمين اللهم آمين
21-05-2009 02:15 AM
الفراشه
الى jordanian abraod
انا ما كفرت حدا بس استعريت منك كونك مسلم
المسلم ما بجيب 3 صبايا على البيت لتكون جايبهم اتصلي معهم؟
بعدين انتا كلامك منائد بعضه
بتحكي انك بتصلي
ليش بتصلي؟
اعطيني سبب بتصلي عشانه
ولا تحكي بخاف من الله لأنه هاد سبب غير مئنع
يعني تكون عامل السبعه وزمتها
وبأخر الليل اتصلي
كنت حابه احكيلك كلمه اخيره
من يتقي الله يجعل له مخرج
اتقي ربك يازلمه وشوف انتا شو بتعمل
بعتزر منك لأني ماعطيتك حئك بالحكي
بس خاف الله
28-05-2009 10:25 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات