العور .. ولا العمى


الفارق ما بيني وبين سيارتي احنا ( الجوز ) موديل قديم .
... أنا كثير التعطل دائم الخراب أما هي... فمن برة رخام ومن جوّا سخام .. يعني أنا والسيارة الحال من بعضه ..
فوق العشر مرات (هورّت) معي.. وربنا اللي بستر.

قلت يا ولد مش كل مرة بتسلم الجرة .. واللي اوله اهونه .. ( زميّت ) حالي وركاض على

الدكتور ..فحصني عا لجورة ... يالطيف حرارتك زي النار .. والماتور شكله (امبزوط).. ناولني (ليسته)بالقطع المطلوبة ضروري تجيبها بسرعة ...
بريك امامي ... تعديل وزاري سريع ....سلك دبلوماسي نظيف ... طقم إصلاح سياسي واقتصادي ...
باين عليك ابن حلال .. الله سترك من الكشنيت ... لكن بصراحة عندك مشكلة ... أنت موديل قديم وقطع غيارك مش متوفرة .. الله يستر ما تحتاج ماتور جديد ....... قلت فكرك بتزبط لو جبت القطع .. ؟؟؟؟ الله اعلم.... الوضع مثل بطيخة مسكرة ما حدا بعرف شو (جّواها)..... تفحصت نفسي مرة اخرى .... قحة في الزامور ..امساك في الاكزوزت .. ارتخاء في جنزير الصدر ... ودعسة البنزين صارت على الفاضي ...
قفزت الى راسي فكرة.. طرت مسرعا الى صديقي العطار.... لم يرتح للون وجهي ولا لصوت محركاتي .. ؟؟ خير ياطير :- ارتفاع سكري وهبوط في ضغط الماتور مع غثا بال وزوغان في الاضوية ..
غاب فترة قصيرة ثم عاد محمّلا ... بالصرر : ميرمية ... وشويشة الراعي ... وجعدة الصبيان وابرة العجوز ... وأسنان الثور ..... اخلطها مليح واشرب منقوعها هكذا نصحني .
بصراحة وضعي هالايام مكركب عالاخر .. ليل نهار طايح طس دوا .. ورا .. دوا .. وعالفاضي ..

من من شهر جاي وانا ( خايف على حالي بأي لحظة أفرط) ...... يبدو العفن وصل الرئتين والصدأ (خردق ) كل البودي ..

على فكرة اذا انا فرطت ترى السيارة رايحة تفرط واذا السيارة فرطت بتقوم القرعة على ام قرون ..
انا من رأيي خلينا نظل (مقرقطين) بهالسيارة على بين ما الله يفرجها .. القطعة الخربانة (بنكبّها ) والقطعة اللي بدها تصليح بنصلحها.. بلكي ها الأمور تعدّي على خير وزي ما قال المثل العور ولا العمى وريحة الجوز ولا عدمه ....

m.katishat@yahoo.com



تعليقات القراء

شاهد حــر
بالعربي المشرمح (( الرمد ولا العمى ))
09-06-2012 06:10 PM
من معان وسكانها
انت كاتب ولو تخلي كلماتك افضل من هيك بكون احسن . بلاش تصير لغة الشارع لغه رسميه
10-06-2012 08:31 AM
كشنيت متحرك
تخابيص ... والله حسيت حالي بالمنطقة الصناعية وبصلح بسيارتي
10-06-2012 09:38 AM
طبوش
الرمد . نعم الرمد ولا العمى ، وليس العور .,
10-06-2012 11:52 AM
ملاحظ عادي الى طبوش
تعليقك في محله لكن يا قرابه هذا شو بعرفه العور من الحول من الرمد المهم يصف هالحكي الي مطعج تطعيج وبصراحه لا تزعلوا مني ياجراسا الحق عليكم الي بتنشروا هيك سوالف
10-06-2012 02:37 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات