اغلاق

قم للحكومة وفها التبجيلا


هذه الحكومة حكومة الذوات ، حكومة الإعداد للانتخابات وهي من أجل البلديات ، حكومة شد الأحزمة والتقشفات حكومة رفع الأسعار والمشتقات ، حكومة كل إلي معاك هات وراح نخليك عايش في الآهات .

ولكن يا صديقي اسمع شو بدي أقولك . ؟؟

يا صديقي هيئ نفسك ، فلن تسمع بعد اليوم ما يسرك لا من أخوك ولا من ابن عمك ، فليس لك إلا الحكومة لتحمل همك و تعمل بكل طاقتها لتفريغ جيبك وطبعا لن تستطيع أن تفتح ثمك ، وإذا مش عاجبك رفعنا الأسعار غصبن عنك وإذا بدك تعبر انزل على الشارع واحكي رأيك ، وشوف مين راح يسمع صوتك أو يسأل عنك ، ومن الآخر يا مواطن انت شو بدك حرية ..... إصلاح .... انتخاب ... إحنا جاهزين وتحت أمرك ... لكن طبعا مش مثل ما بدك ، إحنا حكومتك وبنفهم أكثر منك ونعرف شو إلي فيه مصلحتك ، إذا شو الداعي تتعب وتغلب نفسك ما دام في حكومة بتحمل همك ، وانت عندها أغلى ما تملك وهي بأزمة وبحاجة لدعمك وكل القرارات هي من أجلك ، أربع حكومات بسنه ونص وطبعا تنفيذا لرغبتك وكل هي الحكومات لخدمتك ثلاثون وزير من الآخر ومثل ما بدك ، وكلها شهرين زمان وبتحل عنك تقاعد ورواتب وألقاب حرام ما هم من أبناء شعبك وبعدها حكومة جديدة برقم جديد وكمان مسخرين لخدمتك .

بس انت لا تفكر ولا تغلب حالك و لا تقول الحكومة بتعكر دمك ولا مجلس نواب يشلك ويرفع ضغطك وأخذ الدعم والامتيازات وتركك بهمك ، وجلساتهم معظمها معارك يعني إلي بده يسير نائب لازم يكون في دورة كاراتيه مشارك .

لذلك يا صديقي اعمل لأخرتك وفكر بنفسك ، وسيبك من الحكي الفاضي إلي ببقولك ما في حرية ولا إصلاح والفاسد أكل حقك وباع أرضك ، كلها إشاعات والهدف منها تهز ثقتك بنفسك ، صدقني الحكومة بتحبك وبتفكر وبتقرر لمصلحتك ، وكل همها كيف ترفع الدعم عنك ، وتسدد العجز إلي يقولوا انه حصل بإهمال منك ، لأنك كنت ساكت والأمور ماشيه من وراء ظهرك ، وانت كنت عارف بس بتقول يا ولد خلي العقل منك لأنك بتعرف شو عواقب حكيك .

وأنا أسف أكيد أزعجتك .......أنا حبيبت اوضحلك شو بتعمل الحكومة لأجلك ، بس صدقني ما إلك إلى تدعو ربك لعله يرفع الضغط والظلم والغضب عنك ، ولكن المصيبة إذا ما استجابلك ربك ، مش عارف بعدها شو بدي أقولك .

زيد عبد الكريم المحارمة



تعليقات القراء

طارق السلمان

الله ما أروعك وما أروع هذه الكلمات المعبرة فعلا عن المواطن الأردني حقا

سلمت يمينك استاذ زيد المحارمة

ويا ريت الحكومة بس تقراء هذه الكلمات الرائعة
06-06-2012 11:31 AM
هاني الجراح

والله كلالالالالالالالالامك دررررررر
يا محارمة ,, الحكومة قاعدة تفرم بالشعب فرم والنواب ههههههههه

بلاش نحكي خلي العقل منا على قولتك استاذي
06-06-2012 12:03 PM
ابو انور العجارمة

والله يا ايخي يا محارمة قد ناديت لو اسمعت حيا

لكن ؟؟؟؟؟؟؟؟؟؟؟؟؟؟؟؟؟؟
06-06-2012 01:27 PM
فؤاد البواب

والله يا اخي هذه هي الحقيقة بعينها يعني حكومة بتعمل لصالح اصحاب النفوذ ونواب بدهم امتيازات قبل الخلاص والترويحة
06-06-2012 02:31 PM
سائد

النواب هم اساس كل داء في الاردن نحن كنا نعتقد انهم نواب لكن للاسف طلعوا دوارين خراب ومصالح وتقاعد
والوطن اخر شي يفكروا فيه
الله يرحم الوطن الي فيه هيك نواب
06-06-2012 03:09 PM
ثائر المعايطة
استاذي العزيز المحارمة يعني الهم واحد والشكوى لغير الله مذلة والانسان الي مافي بيده حيله شو بده يعمل وانت بتقول اذا ربك ما استجابلك ما بعرف شو بدي اقولك يعني الله يديم علينا نعمه ويحفظنا من كل شر يارب العالمين
ويبعد عنا هم النواب والحكومة
06-06-2012 04:22 PM
ابو طوق
الحكومة تلعب على النواب والنواب بلعب على الشعب والشعب بلعب على بعضه وكله بيلعب على كله
ما في جديد ولا في اصلاح ولا حكي منه المهم انه الوضع عاد كما كان والشاطر الي يفهم
06-06-2012 04:31 PM
سميرة شاهين

كلام رائع اخ زيد الله يسلم لسانك
06-06-2012 04:31 PM
علي الخريشا
ابدعت فانت تكلمت بكل صراحه واتزان اللهم خفف غضبك ومقتك عنا
06-06-2012 08:45 PM
محمود الخزاعلة

ياريت يا اخ زيد ربنا يرفع عنا هذا الغضب ويجنبنا مجلس نوابنا الي بيعمل ليل نهار لخدمة نفسه واعضاءه وناسي انه في شعب في الاردن وصل درجة الصفر

اللهم أمين يارب العالمين
06-06-2012 09:53 PM
هناء

رااااااااااااااائع
06-06-2012 09:54 PM
ياسر ابو حميدان
والله يا اخي كلامك على الوجع
07-06-2012 05:21 PM
عاطف العقلة

الى الرقم 7 والله كلامك 100%
07-06-2012 05:22 PM
قارىء عل حديدة
ابدعت. شكرا. هل من مجيب؟
08-06-2012 09:41 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات