خشية من الحسد .. "قوات الدرك" تشتري مبخرة بـ (17) ألف دينار


جراسا -

تناقلت مواقع التواصل الاجتماعي فاتورة مشتريات لقوات الدرك بلغت قيمتها (17) ألف دينار , حيث كانت المواد المشتراة في هذه الفاتورة هي (مبخرة عربي 4 قطع نحاس مشغولة يدوي)

وعبرت عدد من الحراكات الشبابية والشعبية في صفحات التواصل الاجتماعي " Face Book" عن سخريتها لقيمة هذه الفاتورة حيث وردت بعض التعليقات القائلة : قوات الدرك تخشى على نفسها من الحراك , وتعليق أخرى : خوفا من الحسد اشترت قوات الدرك هذه المباخر , وآخر : ما علاقة قوات الدرك بالبخور والمباخر, وغيرها العديد .



تعليقات القراء

طبوش
هلا عمي ،

20-03-2012 02:04 PM
مطلع جدا...
هاي المبخرة رخيصة .... في أشياء اتفه و أغلى اشتروها
20-03-2012 02:07 PM
خذ مثال الانطباط
من كثرة الاختام على الفاتورة مبينه سعرها 170 وصفر لعيونكو
20-03-2012 02:07 PM
مطلع جدا
مش بس الدرك جميع مكاتب المسؤولين فيها مباخر أغلى من هيك ....
20-03-2012 02:08 PM
حفيد ابن الخطاب
اقضــــــــــــــــــــب
20-03-2012 02:10 PM
مش مهم مادام بحافظوا على الأمن والأستقرار
بالعافيه عليهم مادام الأمن وألأستقرار هدفهم وملاحقة السراقين واللصوص وحرامية السيارات والبيوت , والقضاء على كل من يعبث بأمن واستقرار الوطن
20-03-2012 02:19 PM
ابو عليم
مع احترامي هاي مش مزبوطه شوفو رقم التلفون 6 ارقام مبينه انها مزوره
20-03-2012 02:21 PM
كرك العز
هاي... جديدة وشهودها عليها.هههههههههه
20-03-2012 02:22 PM
سنشتري مثلها لنبخر نوابنا عند رد قانون الضمان المؤقت الظالم
ان شاء الله نشتري مثلها نحن المظلومين من قانون الضمان المؤقت , ,نبخر فيها نوابنا عندما ينتهوا من رد قانون الضمان المؤقت أو تعديله بأزالة كل المواد الظالمه فيه, ودعوتنا وقرائتنا على البخور ان يشدوا الهمه وحسب ماوعدونا به في قناة الحقيقه وغيرها
20-03-2012 02:23 PM
اردنية اصيلة
شو دخل .......انت وهو يشترو الي بدهم اياه
20-03-2012 02:41 PM
صقر1
نريد من مسؤلي الدك او وزارة الداخلية ان تقدم تفسيرا لهذا الخبر.
20-03-2012 02:41 PM
ابوطه/معان
وبعدييييين
20-03-2012 02:41 PM
معاني حررررررررررر
تاريخ الفاتورة 19/02/2012 يعني في عز مطالبة الشعب بمحاربة الفساد و الفساد شغال , الظاهر انه الفساد عمره ماراح يطلع من هالبلد
20-03-2012 02:44 PM
سوسو
يا بلاش
20-03-2012 02:47 PM
موظف طفران
طيب شو يعني امي كل يوم الصبح بتبخرني وبتقرا علي المعوذات لا انحسد لاني بستلم 300 نيرة بالشهر خايفه عين تطرقني ما اقوم منها
20-03-2012 02:47 PM
طارق الشواوره
الفاتوره مش مبين انه في حد استلم اشي بس فاتوره مكتوبه اتوقع انها الفاتوره غير صحيحه
20-03-2012 02:47 PM
بغار على الاردن
شوفو الختم الي على الفاتورة رقم الهاتف 714407 (كيف يعني فهموني)؟؟؟؟؟؟؟
20-03-2012 02:48 PM
مغترب اردني اصيل
مافيه داعي للفتنه
20-03-2012 03:02 PM
ابو راكان
مبينه شغله كيديه ومش بمحلها
20-03-2012 03:05 PM
يزن المعايطة
.........
رد من المحرر:
نعتذر.....
20-03-2012 03:06 PM
المومني الجنيدي
قبل سنوات اصدر الكاتب يوسف غيشان كتاب (مباخر في زمن المساخر).....ويبدو لن عنوان الكتاب انطبق على هذه الواقعة.....
يا تاس ....المخفي اعظم ...ومديرية الدرك مزرعو لمن يريد ان تغتني ....ومن بداية تاسيسها قامت على اساس اطعم الفم تستحي العين ...سيارات فارهة لا داعي لها ...مصاريف بالهبل ...سفرات ومياومات ...لاشخاص معينين ...والعاقل يسال ...وين ........ وشو صار بالقضايا سبب اقالته ...وكم هو المبلغ ...علما تعدى الملايين؟؟؟؟؟؟؟
20-03-2012 03:08 PM
ماجد خريسات
شو دخلكم بالدرك خلي كل واحد يبلش بحالوووووووووو........
20-03-2012 03:08 PM
عبدالله____العبادي
الـــى متـــى يا وطنـــي تتوجـــع من ظلـــم ونهـــب ممن ائتمنـــو علـــى رعايـــتك
20-03-2012 03:09 PM
الصخري
كذب... المقصود تشوية ..
20-03-2012 03:18 PM
مهزلة الأمن
من هيك بقول لك "الجنرال" تبع الأمن العام ان تكلفة الحراك 26 مليون دينارزز
20-03-2012 03:21 PM
حسين
اذا على هاي بسيطه قاعدين جماعه ...ايعمرو فلل ورفرف ياعلم
20-03-2012 03:45 PM
ابن قريه
اذا الفساد وصل الى الاجهزه الامنيه على البلد السلام
20-03-2012 03:48 PM
اهبل
من وين جايبين هلفاتورة المزورة ولا ختم للدرك ولا توقيع.............
20-03-2012 03:54 PM
سامي
بدهم يدوروا على ذهب , اتركوهم بحالهم
20-03-2012 03:56 PM
جمال المجالي
اكيد هديه الها لانها بتحب المباخر
20-03-2012 03:59 PM
عاش ابو حسين
والله كلو كذب
20-03-2012 04:07 PM
تباً
اولا هذه الفاتوره غير صحيحه والدليل:
1- مكتوب مرج الحمام والرقم اربد يبلش ب7
2-الرقم يتكون من سته وليس من سبعه
3-ليوجد اي ختم لقوات الدرك
تباً لمن يريد اهذا الوطن الخراب
20-03-2012 04:10 PM
منصف
من مقتضيات العمليات الشرطية قبل تنفيذها تبخير المشاركين فيها ، خوفاً عليهم من الحسد ، فالامر لا يثير الاستغراب ويدخل في باب الضروريات ، ولا يعتبر ذلك من باب العبث بالأموال العامة وتبذيرها وخاصة بأن موازنات هذه الاجهزة عصية على الرقابة .
20-03-2012 04:11 PM
لا حول ولا قوة إلا بالله
تموت الاسود في الغابات جوعاً ... ولحم الضان تأكله الذئاب .
20-03-2012 04:14 PM
عادي
فســــاد ، فســــاد ، فســـاد ، انعدام الرقابة ، غياب الوازع الديني ،...
20-03-2012 04:16 PM
اتققوا الله
لا تصلح الأمور فوضى لا سراة لها ولا سراة إذا مرضاها سادوا
20-03-2012 04:19 PM
محلل رهيب
بعدين شاطبين كلمة شامل الضريبه يعني الضريبه رح يدفعها الدرك..وبعدين خايفين من العين؟؟!! على رأي الحاجه ام سالم الله يرحمها (العين الي ما تصيبه تشنقله)
20-03-2012 04:22 PM
معاني بس مش تبع حراك الى تعليق25
انا مش عارف كيف صارت كلفة الحراك 27 مليون ؟ معقول انه بعزموا جماعة الحراك على الغدا كل جمعة؟ انا بقول لو حتى بغدوا جماعة الحراك ماكلقت هذا المبلغ بس الله اعلم وين راحت ال 27 مليون؟؟؟؟؟؟؟!!!!!!!
20-03-2012 04:29 PM
فيلا شبه قصر
جايز لاجل تبخير فيلة مدير الدرك التي بنيت حديثا بعد استلامه مديرية الدرك .في الظهير خلف كازية المناصير طريق المطار.
20-03-2012 04:30 PM
عمارات
عمارات بالرشاد بقيمة.. وسيارات حبطرش بالصوت والصوره وسننشرها
20-03-2012 04:35 PM
طفيلي
...
رد من المحرر:
نعتذر...
20-03-2012 04:37 PM
ابو عبدالله
الدرك اجل وارفع من هيك..
20-03-2012 04:48 PM
مازن
الفاتورة صحيحة ورقم الهاتف والفاكس وعنوان المؤسسة كاملا والرقم الضريبي كله مكتوب في اعلى الفاتورة.



ما في دخان من دون نار، وما في حدا من مصلحته يزور الفاتورة.



20-03-2012 05:07 PM
محمد ابن الشمال
لا نستبق الاحداث .. نرجو عدم لملمة الموضوع فرقم الفاتورة واضح و المؤسسة التي باعت والجهة المستلمة واضحة و بشدة لا مجال للتزوير .. الدور على مكافحة الفساد و نرجو عدم التساهل .. مش كل مرة الواحد بقدر يجيب فاتورة تثبت تورط هكذا جهة بالتهاون بضرائب الشعب
20-03-2012 05:08 PM
الفساد منتشر في كل مكان
ميزانية الاجهزة الامنية حوالي 2 مليار دينار وما حدا عارف وين بتروح.



اذا وقفت على المبخرة بسيطة، هناك اشياء اعظم وما حدا داري عنها.



20-03-2012 05:09 PM
سحيج
الفاتوره صحيحه 100% والرقم مكتوب بالاحرف وبالارقام ولمن يرغب بالتأكد رقم الفاتوره واسم المحل موجودين على الفاتوره
20-03-2012 05:16 PM
لا تحلف الى تعليق 31
بس لاتحلف تحمل حالك اثم انت بعيد عنه
20-03-2012 05:18 PM
كلهم تجار
فكره جيده افتح محل مباخر للحسد مع كثرة الحسّاد بهذه الايام والبيع لكل مؤسسات الدوله كون الدفع من الدوله وليس من المسؤؤؤؤل والله لو انها لبيوتهم ومن جيوبهم ما اشتروها ب 50 دينار
20-03-2012 05:20 PM
المنصور
سعر المبخرة بضعة دنانير وبقية المبلغ في جيب شخص ما
20-03-2012 05:21 PM
من العين
من الحسد ههههههههههه
عين الحاسود فيها عود يا حلاوة ..
هههههههههههههههههه
انداااااري .. الله يفرجها على هالعالم ...
مبخره في 17 الف دينار ... و تاعون صندوق المعونة بتطلع عنيهم على 100 دينار !!!!

طيب ليش !!! ليش المبخره اصلا !!!
طيب يشترو بخور اصابع (عيدان )
بليرتين او ثلاث ليرات اذا بدكم اتبخروهم من العين ههههههههههههههه

يالله غنو معي ... عين الحاسود فيها عود يا حلاوة ...
20-03-2012 05:24 PM
ثوابي حر
يطلع الهم الدرك يشترو قناوي
20-03-2012 05:26 PM
قديم وجديد
الله يسهل ..., طلع بعشرة مليون , هاظ بقديش بده يطلع ؟؟؟؟
20-03-2012 05:32 PM
الدرك ادراك
الدرك ادراك وتدارك بالشدايد

اساسا استحدثوا الدرك لهالشغله

ميزانيه مفتوحه وابواب مخلّعه

20-03-2012 05:36 PM
الامر الى غير اهله
سمعت ومن احد منتسبيهم انهم عملوا مجسم بثلاث الاف دينار ولو اعطوه لطوبرجي بعمله بثلاثين دينار .

الشغله صايره عفيه عالشاطر , وهذا كله من ورى اسناد الامر لغير اهله .
20-03-2012 05:39 PM
درك البرمك
الرتب الصغيرة التي يمكن ان تطلع على مثل هذة الاشياء وتسأل عن مبرراتها تستبعد من قيادة الدرك
20-03-2012 05:45 PM
الى 32
الفاتورة صحيحة ولا دخان من دون نار وليس لاحد من مصلحة لتزوير الفاتورة والفاتورة عليها الختم الرسمي لمؤسسة الاراضي المقدسة ولا اظن ان مؤسسة الاراضي المقدسة قد تغامر بتزوير فاتورة لانه سوف تعرض نفسها للمسائلة القانونية.



الرقم الصحيح هو على الترويسة في اعلى الفاتورة. بينما الرقم الموجود على الختم هو الرقم القديم قبل اضافة رقم 5 ، وكلنا نعرف ان ارقام التلفونات في عمان كانت قديما 6 ارقام وبعدين ضافولها رقم على الشمال اما 4 او 5.



هذه فاتورة صادرة من مؤسسة تبيع اشياء ولا يشترط ان يقوم المشتري بوضع خاتمه الرسمي على هذه الفاتورة.



اما بالنسبة لموضوع تخريب البلد فهو موجود والفساد ونهب واهدار المال العام هو من سوف يخرب البلد.



كل مواطن حريص على مصلحة البلد يجب عليه ان يفضح جميع هذه المهازل حتى يعرف المواطن البسيط المسحوق اي تذهب اموال البلد.
20-03-2012 05:54 PM
الى الاخ 32 تباً
الى 32 تبا

سلامة نظرك يا حبيبي , مكتوب المطلوب من السادة قوات الدرك المحترمين !!

تعتقد ام المؤسسة تكذب عشان تشوة سمعة الدرك وتتحمل المسؤوليه ؟؟؟

حقا تبا لمن يسرق اموال الوطن وتبا لكل من يتىمر عليه
20-03-2012 05:56 PM
عيون الدرك
تلاعب بأموال الشعب ومقدرات الوطن ,,,, كم سيارة يملك ....وكم من الحاشية !!!! والجناح الخاص كم كلف !!!!؟؟؟؟
20-03-2012 05:59 PM
عمر
مسرحيه مفبركه
20-03-2012 06:01 PM
محمود الخزاعله البحرين
حسبي الله على الفتانين هاي الفاتوره مزوره الدرك اجل وارفع من هيكككككككككك
20-03-2012 06:14 PM
...
يا خوان مو مشترين مبخره شفوا الفاتوره مكتوب مسخره
20-03-2012 07:00 PM
حجاب
انا عندي خرز ازرق اذا يشتروا
20-03-2012 07:01 PM
الحمد لله
يا جماعة ليش الحسد هذا المبلغ مصروف من نثريات مكتب القائد ....أه ولا صحيح الكثير ما بعرفوا عن نثريات مكاتب المسؤولين في الأردن ....وهي مبالغ ومصروفات مفتوحة ...على شان نبيض وجوهنا أمام الضيوف .
20-03-2012 07:06 PM
سحيج متقاعد
رقم الهاتف صح 7 ارقام وفيه كمان مفتاح الاردن بس اللي مكتوبمن 6 ارقام هو اللي على الختم والختم قديم بطلول سحج
20-03-2012 07:08 PM
مغفل
مش معقول التجني على القيادات الأمنية وكلكم بتعرفوا أنه عمره ما سجل في الأردن أي حالة تجاوز أو استغلال او تربح أو إضرار بأمن واقتصاد الدولة من اي مسؤول فحاميها حاميها وعن الحرامية مخفيها لو كان في فساد بالقيادات الأمنية ما لقيتنا صامدين للحين ، جان بتلاقينا نقتات من الحاويات الله يسلم كافة قيادتنا الأمنية في كافة مواقعهم ويظلوا يحمونا ويحموا الوطن على طول ..
20-03-2012 07:12 PM
دركي نشمي
ما حدا يجيب سيرة مدير الدرك على لسانو فهمتو ولا لأأأأأأأأأأأأأأأ
20-03-2012 07:59 PM
خير
ردا على....شكلك ما تجندت بالدرك عشان هيك حاقد وناقم الله ....
20-03-2012 08:02 PM
بنت البادية
يامحترم الفيلاة ال بتقول عنها مثل بيت الشعر بتدلف
20-03-2012 08:07 PM
بنت البادية
...
رد من المحرر:
نعتذر...
20-03-2012 08:10 PM
احمد المناصير
حسبي الله ونعم الوكيل على كل لسان يفتري كذبا على ابناء بلده نسي البعض تجنيد قوات الدرك ل 6000 الاف شاب من ابناء الوطن من كافة المحافظات وانجازات هذه المديرية التي وصلت سمعتها الى اقطار العالم كافة واستخسروا هدية اهديت من ابناء الدرك الى ملكهم المحبوب الذي ما بخل عليهم يوما
20-03-2012 08:13 PM
بنت الاردن
يامحترم الباشا قبل يستلم كان عنده عمارة ...
20-03-2012 08:13 PM
بنت الاردن
طول عمره مدير الدرك غني اب عن جد
20-03-2012 08:14 PM
بنت البا دية
الباشا معروف عنه غني من يومه
20-03-2012 08:16 PM
متقاعد
ياناس مدير الدرك غني من يوم يومه
20-03-2012 08:18 PM
زيد بني هاني
الى تعليق 39 الفيلة الي بتحكي عنها كلها طابقين وروف صارت قصر وبعدين هاي صارلها 4 سنين ببني فيها اتقي الله بالحكي اللي بطلع من لسانك يا اخي
20-03-2012 08:19 PM
ووووو
...
رد من المحرر:
نعتذر...
20-03-2012 08:19 PM
الحمد الله
مدير الدرك مش بحاجة لا مبخرة ولا خايف ناس يحسده معروف من يوم يومه انسان عنده اخلاق عاليه
20-03-2012 08:21 PM
محمد الطراونة
وشو فيها اذا اشتروا مبخرة بهالمبلغ بس بتنسوا رواتب الضباط وضباط الصف والرفاهية اللي منتسبي قوات الدرك عايشين فيها, كل الناس بتذبح عشان تسجل بالدرك لانها من احسن الاجهزة الامنية
20-03-2012 08:22 PM
رعد المناصير
الفساد انك تتهم الناس بالباطل بالاول اعرفوا لمين اهديت المبخرة بعدين بتبلشوا افتراء
20-03-2012 08:24 PM
جحاب
يا جماعة ليش تظلموا الرجل طول عمره شريف هل حميدي خاف الله ياناس
20-03-2012 08:25 PM
احمد المومني
كل التقدير والاحترام لقوات الدرك وعلى رأسها المدير العام والشجرة الطيبة تقذف دائما بالحجارة
20-03-2012 08:27 PM
مغفل
والله ما عمل فتن في الاردن الا هذه ....
20-03-2012 08:29 PM
جمال البلقاء
ان كاتت فاتوره صادقه او مزوره والله بيستاهلو الاف المباخر ومهما بلغت القيمه قيمة الدرك غاليه وبدون مباخر هضول ...
20-03-2012 08:46 PM
حاكم الخريشا
...
رد من المحرر:
نعتذر...
20-03-2012 08:47 PM
الازايده
مبروك للشعب الاردني خله يتبخر
20-03-2012 08:55 PM
فني
الفاتورة جرى عليها عملية منتجة وتظهر واضحة في الصورة العلوية (المصغرة ) من حيث الهامش العمودي للورقة - اعلى الصفحة الهامش افل من الاسفل بنصف سنيميتر
20-03-2012 09:01 PM
ابو عواد - الموضوع ملفق من قبل زعماء حراك الفتنه
القضيه ملفقه , عثروا على ختم قديم لشركة متخصصه بالانتيكات , وقاموا بتزوير هذه الفاتوره وختمها بالختم القديم وتسريبها بقصدد الاساءه ...

20-03-2012 09:10 PM
بس بدي احكي
بدي تشوفوا كم سيارة مرسيدس في في الدرك
20-03-2012 09:44 PM
صديق
حطو عنها واستريحوا ....ما راح تخوفه هذه المهاترات الزلمه صديق......صديق ...صديق ....لـ ....لـ.....وشو يعني غيره مو أحسن منه ...بس إن شاءالله بكون بنفس مواصفات سلفه ...في هذه الحاله ما راح تكون المخاطر كبيره ...يعني يمكن تداركها بأي دعم جاي لها البلد من المجاورين
20-03-2012 09:46 PM
هبوب الريح
الفاتورة مضروبة هاي بس محاولة فاشلة للفتنة
20-03-2012 10:05 PM
اردني وطني
هاي اموال الشعب الغلبان
20-03-2012 10:41 PM
...
العبو غيرها الفاتورة مزوووورة انا متأكد من ذلك
20-03-2012 11:10 PM
الحسامي
ياريت تفرجونا فواتير السيوف اللي اشتراها ...
20-03-2012 11:35 PM
واحد عارف
اكيد .. اللي ورا هالسولافه
21-03-2012 12:29 AM
sanmiii
.. الله يحي رجل الدرك لانهم بس ينزلو على اي مشكله الزلمه بصير .. وين الفليله
21-03-2012 12:53 AM
شي يربخ
على شان يبخروا المتظاهرين
21-03-2012 01:26 AM
ابو عووون
ختم المؤسسة قديييييم ...
21-03-2012 02:01 AM
مطلع عن كثب
ولا اشي باع سجادة ب22000 الف دينار ولا لا ..
21-03-2012 02:04 AM
المحققه والحقيقة
ياناس ركزوا بالله الفاتورة بإسم مؤسسة الاراضي المقدسة للخزف والزجاج وبختمها وبالايميل وعنوان البريد الالكتروني مش لنفس الشركة لشركة مؤسسة كنوز البحر الميت للأملاح المعدنية    
افتحوا على موقع الشركة وشوفوا منتجاتها اصلا ما إلها دخل لا بالبخور ولا المباخر ..
21-03-2012 03:15 AM
مع 6 اسود
المكتوب مبخرة عربية اربع قطع مع 6 اسود مشغولة يدوي
21-03-2012 04:54 AM
محمد الفايز الى الباشا مدير الامن
صباح الخير لجراسا ومدير الامن ولقراء جراسا

نرجوا التوضيح هل هذا المبلغ من ضمن ال 29 مليون التى تنفق على الاعتصامات والتى اشرت اليها في موتمرك الصحفي الاخير
رد من المحرر:
صباح النور
21-03-2012 07:04 AM
مدقق ارقام هواتف
يا اخوان شوفو رقم تلفون الشركة,6 خانات الرقم قديم جدا والقصة مبينة تخويث بتخويث
21-03-2012 08:08 AM
هذا زمن ريى فيه الفساد لا بل الفساد به محمي
يجب ان تحال للنائب العام وللمحكمة فورا هذا الفساد بام عينه مبخرة؟؟؟؟؟؟الله واكبر 17000 الف دينار ؟؟؟؟ ايش هذا اين كانت الرقابة والمسؤولين ؟؟؟؟؟؟؟؟؟والله انا لا استغرب ... على هيك زمن نعيش به.
21-03-2012 08:08 AM
خلف ستار الخوف
يا جماعة أليس بينكم رجلٌ رشيد

طيب مجنون يحكي وعاقل يسمع

ما فيكم حد عاقل


وليش فكركم ربنا جل وعلا قال " يا أيها الذين آمنوا إذا جاءكم فاسقٌ يتأ فتبينوا ألا تصيبوا قوما بجهالة فتصبحوا على ما فعلتم نادمين "



صدق جل وعلا



والشاطر يفهم
21-03-2012 08:17 AM
مواطن اردني محافظ على وطنه
حسبي الله ونعم الوكيل على كل لسان يفتري على ابناء بلده نسي البعض تجنيد قوات الدرك ل 6000 الاف شاب من ابناء الوطن من كافة المحافظات وانجازات هذه المديرية التي وصلت سمعتها الى اقطار العالم كافة واستخسروا هدية اهديت من ابناء الدرك الى ملكهم المحبوب الذي ما بخل عليهم يوما

21-03-2012 08:44 AM
ام العبد
ولي موعاجبو يتتري لهالو علبة حليب يشربها كل يوم قبل ماينام يطلع لدرك كل شئ لانه هو من يدافع عن الشعب وحره بقلوب الزعلانين بدنا انبخر...... احنا ما نشتري مبخره نشتري هاون علشان ندق راس الزعلانييين
21-03-2012 09:10 AM
؟؟؟؟
السلام عليكم
الى جميع....بعد ان تفحص الصورة التي تعرض الفاتورة بكل بساطة انا الان استطيع ان اكتب اي فاتورة لاي مؤوسسه وانسب لها اي شيء ولكن هل كل مانسمع او نشاهد هو صحيح لماذا لايوجد ختم لقوات الدرك او توقيع استلام او وصل استلام بالمبلغ وجميعكم اتمنى من...... صاحب هذه الفكرة ان يوفر جهودة .
21-03-2012 09:16 AM
الى 105
أن تجنييد 6000 شاب في قوات الدرك ليس منة من أحد وإلا وشو رأيك يتم تجنييد أجانب أو من الأشقاء العرب في هذه القوات
وإذا كانت الهدية لجلالة الملك فمن أرداد أن يهدي فليهدي من جيبة الخاص ، لذا على وزارة الداخلية ومدير عام الدرك توضيح حقيقة الفاتورة وبدون فبركة كما تعودنا عليكم وإذا كان لا بد من الفبركة عليكم بمجلس النواب العتيد الذي وجد لهذه الغاية ولأسباب أخرى
21-03-2012 09:29 AM
الاردن وبس
شو هل فاتورة الي ما عليها توقيع مستلم ومروسة باسم قوات الدرك كلو حكي فاضي والدرك اكبر من هيك عيب نحكي عليهم هذول حاميين الوطن واللة يخلي سيدي ابو حسين ورجالو عيب نحكي عليهم يا ناس هذول خوانا وما بعملو هيك مديرية الدرك الها سمعة كبيرة وما بعملو هيك حكي هذا كذب ودجل وتلفيق قال فاتورة قال عييييبببببببب
21-03-2012 09:43 AM
الدرك
الموضوع بحاجة الى توضيح ياباشا ياطوالبة خاصة انك ثقة لسيدنا
21-03-2012 10:00 AM
ال ٧٢/٧٣
مين قلكو انه غني اب عن جد ......
21-03-2012 10:02 AM
ابو عمر
اولا كل عام والقائد والجيش العربي بالف خير " بمناسبة ذكرى الكرامة " .

ثانيا ، في اشياء ابدا من الحكي الفاضي . يعني لو اشتروا اشياء بتفيد قواتنا الباسلة او مثلا وزعوها عليهم بشكل هدايا او اقاموا تكريم لهم الواحد منا ما بزعل .

بس مبخرة!!!!
21-03-2012 10:04 AM
سحيج وهزاز ذنب [منافق]
الفاتورة مشششش.......صحيحة .هههه؟
21-03-2012 10:18 AM
بني مصطفى
بطلعلهم كل اشي الله يعطيهم العافيه قوات الدرك للمعترك وهذا كله كذب ودجل وموامره وتشويه صوره الدرك والي بحكي على الدرك مو قدهم الله يعطيهم العافيه حمات الوطن العين الساهره
21-03-2012 10:38 AM
مواطن منتمي
وين وزير الماليه هاي مالمصاري كثيره وبتبين وعويه بدور ورا المواطن الغلبان وبده زيادة المحروقات والكهرباء.....
21-03-2012 11:06 AM
محمد الجبور
والله لو أتها فاتورة مصبغة بتكون مختومة على الاقل يا عمي بكفي كذب وافترا على هالعالم ولا بس بدكو تنكشو اشي غلط على مدير الدرك
21-03-2012 11:26 AM
المحققه الحقيقه كامله
ركزوا بالله الفاتورة بإسم مؤسسة الاراضي المقدسة للخزف والزجاج وبختمها وبالايميل وعنوان البريد الالكتروني مش لنفس الشركة لشركة مؤسسة كنوز البحر الميت للأملاح المعدنية    
افتحوا على موقع الشركة وشوفوا منتجاتها اصلا ما إلها دخل لا بالبخور ولا المباخر اضافة الى ان رقم الهاتف في الختم ليس مطابق لرقم الهاتف في اعلى الفاتورة والي هو رقم مؤسسة كنوز البحر الميت وليس الاراضي المقدسة للخزف اتصلوا واتأكدوا
21-03-2012 12:38 PM
الحقيقه كامله
ركزوا بالله الفاتورة بإسم مؤسسة الاراضي المقدسة للخزف والزجاج وبختمها وبالايميل وعنوان البريد الالكتروني مش لنفس الشركة لشركة مؤسسة كنوز البحر الميت للأملاح المعدنية    
افتحوا على موقع الشركة وشوفوا منتجاتها اصلا ما إلها دخل لا بالبخور ولا المباخر اضافة الى ان رقم الهاتف في الختم ليس مطابق لرقم الهاتف في اعلى الفاتورة والي هو رقم مؤسسة كنوز البحر الميت وليس الاراضي المقدسة للخزف اتصلوا واتأكدوا
21-03-2012 12:38 PM
محمد الطفيلي
اللة اللة وين المبخرة هي بدها ونش ارحم يا... ارحم
21-03-2012 12:40 PM
الحسامي
المبخرة مصنوعة من ادةب

21-03-2012 12:55 PM
الى 80
1000 سيارة انت شو دخلك .......
21-03-2012 01:33 PM
عماد الى احمد المناصي رقم 70
قسما بالله ما حدى حكى الصحيح غيرك انت رجل بتفهم.
21-03-2012 01:34 PM
مش طبيعي مش طبيعي
ثمن المبخرة يمكن عشر دنانير والباقي 16900دينار وزعوهن مواصلات طريق ونقل وفك وتركيب هههههههههههههه
يعني بوصل سعرها 17 ألف دينار
21-03-2012 01:54 PM
دركي
من المسؤؤل عن تسريب مشتريات خاصة لقوات الدرك .
يجب محاسبة الجميع دون طائلة المسوؤلية
21-03-2012 02:55 PM
كركر
أصل الفساد من الأجهزة الأمنية.

واللا نسيتو المليونير مدير الأمن العام السبق
21-03-2012 04:01 PM
حكيم روحاني
....
رد من المحرر:
نعتذر...
21-03-2012 05:04 PM
زيودي الى 106 ام العبد
احنا نقول مهباش مو هاون .لان الهاون ( الله يعدينا شره ) دي ي ي ي . والمهباش اللي تدق بيه امي وامك القهوه والبهار والمروحه والزنجبيل . ولك تحياتي
21-03-2012 05:22 PM
الى ...
والله عيب عليك
21-03-2012 08:20 PM
حسنل
غرفة مدير العام والجكوازي 50الف
21-03-2012 10:27 PM
ابن الوحدات
من يوم احداث ستاد الملك عبدالله واحنا مغسلين ايدينا من ... بلا عشره على الشجرة
21-03-2012 10:48 PM
الى 110 الدرك
ما همه كلهم كان ثقة يا ابو ثقة ... و ........يخزي العين صلاة النبي احسن
21-03-2012 11:12 PM
samer
اشي مش معقول
شوه هالمبخره هاي
ولا بالاحلام الموضوع ما بصير غيربالحلم التاسع عشر
22-03-2012 09:16 PM
J.R
هل يعقل ان هناك فاتورة تصدر بستة اختام،، لماذل كا هذه الاختام على هذه الفاتورة ؟

رقم الهاتف المذكور على الاختام يتكون من ستة ارقام علما بانه من اكثر من عشرة سنوات تم تغيير الارقام الى سبعة ارقام، السؤال : شركة لديها مبخرة بسبعة عشر الف دينار ليس لديها القدرة على تغيير ختم بثلاثة دنانير ؟؟؟؟

،،، والدرك والامن العام بكافة مواقعه على راسنا لانه حامينا من ايدي العابثين
23-03-2012 01:18 AM
some one now the truth
...
رد من المحرر:
تعتذر...
08-04-2012 05:31 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات