هكذا باعت الحكومة نفط الاردن للكوريين !!


جراسا -

خاص - اسلام صوالحة -  تصديقا لما انفردت "جراسا نيوز" بنشره في وقته سابق عن منح الحكومة الاردنية رخصة التنقيب عن النفط لشركة الطاقة الكورية والتي يديرها رجل الاعمال الكوري  بارك تشونج, اعلنت الحكومة رسميا توقيع اتفاقية مع الشركة المذكورة للتنقيب عن النفط في البحر الميت ووادي عربة  .

الشركة الكورية كشفت عن امتلاك الاردن مخزونا نفطيا يتجاوز 7 مليار برميل, 1,1 مليار برميل فقط في البحر الميت, وهو ما سارعت الحكومة لنفيه.

وبحسب الاتفاقية ستحصل الشركة الكورية على ما نسبته 32,7% من اجمالي الانتاج المقدر ب1,1 مليار برميل في المرحلة الاولى.

وكنا قد اشرنا في الخبر السابق بان الشركة الكورية المذكورة لا تمتلك خبرة في التنقيب عن النفط و ان شبهات تحوم حول الصفقة , بعد استبعاد شركة امريكية ذات خبرة طويلة في التنقيب عن النفط و استخراجه, دون ذكر الاسباب .

و كانت احد بنود مسودة التفاهم من قبل سلطة المصادر الطبيعية مع  الشركة الأمريكية التي كانت ترغب بالاستمرار بالتنقيب عن النفط بالاردن والتي لديها خبرة في مجال النفط لسنوات عديدة تنص على : 1 – ان تقدم تقارير سنوية للشركة لآخر 3 سنوات .. تقدم الشركة التي ترغب بالتنقيب الخبرات السابقة من الاستكشاف وأنشطة الشركة في جميع أنحاء العالم بالتنقيب عن النفط، وثيت قدرتها على استخدام أحدث التقنيات المستخدمة وأن تكون منتجة للنفط أو ما يعادلها من الغاز من 500 برميلا يوميا وغيرذلك لا يقبل من الشركة

2 –ان يكون لدى للشركة القدرة المالية (بيان للشركة المالية، وبيان التدفقات النقدية، بيان الدخل، بيان الميزانية العمومية) لتكون مصدقة بمدقق حسابات مستقل لآخر 3 سنوات؛ إشارة بنك من البنوك التي تتعامل مع معاملات الشركة، واسم من المساهمين الرئيسيين، و خطاب راحة من البلدان المضيفة حيث تقوم الشركة القيام بأعمال الاستكشاف.

وقع الكوري مذكرة تفاهم مع سلطة المصادر الطبيعية مرة أخرى وعلى نفس المنطقة ولكن باي شروط ؟؟؟ سلطة الموارد الطبيعية سعت سابقا إلى حرمان الشركات التي لها سجل طويل في مجال التنقيب عندما لم يتمكنوا من توفير كل هذه المتطلبات.

والاعتقاد الان ان سلطة المصادر الطبيعية ونقلا عن من بالداخل ولاسباب لا نعرفها وضعت شروط جديدة بسيطة للغاية ان لم تكن اعفت الكوريون من كل الشروط ... االسؤال لماذا .

كيف يمكن لهذه الشركة الكورية، التي يديرها رجال أعمال,و تم تشكيلها في الاشهر الماضية بظروف غريبة، ولم تعقد أي رخصة للبترول من قبل، وليس لمديرهااية خبرة في مجال البترول وليس لديه أي مؤهلات فنية في حد ذاتها, واليوم تمنح الاردن الكوري هدية مجانية وهي رخصة التنقيب في البحر الميت / وادي عربة والتي يدعون ان فيها الكثير من النفط.

"جراسا نيوز" تحصلت على معلومات تشير إلى أن هناك خطة لإعادة بيع الرخصة للصينيين وتحقيق ربح خيالي في متناول يدي الكوريون قبل القيام بأي عمل.

وبدورنا نسأل :من هي المؤسسة التي تقف خلف الكوريون في الأردن ودعمهم، ولماذا الآن يتم قبول الشركة الكورية الشكلية على الورق من دون أوراق اعتماد حقيقية، هدفها الحقيقي قد يكون لتحويل صفقة، وإعادة بيع رخصة؟.

..



تعليقات القراء

مش فاهم
امبينة مثل عين الشمس واسمها

شركة رموز الفســــــــــــاد الاردنية الكورية المساهمة الخاصة المحدودة
22-02-2012 12:01 PM
الحويطي
يا اخي يبيعوه ان شاء الله للقرود السود بس يطلع هالنفط اللي كل الدنيا فيها غار احنا سبحان الله هرمنا واحنا ننتظر
22-02-2012 12:05 PM
اردني1
يجب على الشعب الاردني تقديم شكوى للمحكمة الان قبل ان ينفجر المشاكل كبيرة
22-02-2012 12:14 PM
سلوووم
يا ويل فلبي على جميع اهل ... اخذ الحيطه والحذر من الكوريين لانهم في السبعينات من القرن الماضي لم يبقى بس ولا كلب ولا حمار ديرو بالكو على الحمير خصوصا لاني كنت ابيعهم البسس وانا صغير ايام كانو يشتغلو في عمان والي من جيلي بتذكر
22-02-2012 12:24 PM
ابو قرطة
باعوها في المزاد العلني
22-02-2012 12:28 PM
قرد من القرود إلى تعليق رقم (2)
.......
رد من المحرر:
نعتذر.........
22-02-2012 12:28 PM
كزونجي
بكره بفرطوها وبندفع شرط جزائي بمليارات الدولارات مثل الكازينو ، وهكذا دواليك .
22-02-2012 12:32 PM
ركان حمادنه
من ضمن حرية الصحافة التي نتمناها ان تكون القضايا التي هي هم الوطن ان تكون بالمستندات الرسميه وان تقدم نسخه منها الى رئيس مجلس النواب والاعيان ونسخه الى كل نائب وارجو من الاخ المحرر ان يفيدنا هل لديهم صلاحيات بمراجعة الوزارات والدوائر الرسميه وشكرا
رد من المحرر:
اهلا بك اولا وشكرا لمشاركتك ثانيا للصحفي حق الحصول على المعلومات حسب القانون مع الحفاظ على سرية مصادره وحمايتها الوثائق موجودة ولكن لنا الحق في الحفاظ على سريتها
22-02-2012 12:51 PM
رأس الفتنه
يا سيدي يطلعوا وبعد هيك بصير خير ,, كم شركة صارت جايه ومنقبه وبدل النفط بطلع طيم كتنيل...,, انشالله يطلع نفط وياخدوا خمسين بالميه المهم يطلع ,, ارامكوا الامريكيه لطلع النفط السعودي اخدت 64 بالميه وما زالت ,,, بلا ضحك ع الدقون وابررررررررر تخديرر ؟؟!!
22-02-2012 01:04 PM
متفائل (بدنا عنب ولا بدنا نقاتل الناطور )
لا ادري لماذا حالة التشكيك هذه نسبة الشركة 32% ومن المعروف بان جميع الدول النفطيه تعتمد المبداء نفسه في حالة التنقيب عن النفط ,,,

من وجهة نظري لايهمنا كشعب من سيتخرج النفط بحجم مايهمنا هو نصيب الخزينه من عوائد استكشافه واخراجه ,,,,

نتمنى ان ينعم الله علينا بنعمه وفضله ولا يحوجنا كوطن لاي عربي او اجنبي في منحنا المساعدات ,,,,,
22-02-2012 01:07 PM
عاشق الاوفياء
والله كلنا نعرف دولة رئيس الوزراء ب ستقامته واخلاصه وحبه للوطن مباشره على المكتب وبدون ما طق على الباب بتسمع الجواب ما في من الحكي حكي
22-02-2012 01:13 PM
وين القصه يعني
فعلا شايف ما شاف اشي ... ما كل شركات التنقيب بالعالم هيك نظامها بطلعلك البترول وبتحمل الكلفه والي حصه من النفط شو هالمشكله يعني احنا بير مي قاعد بيكسرنا اذا حفرنا بنقدر نعمل نفط وبعدين انشالله .... طلعو واحنا راضين طلعو بس نشم ريحتو وبعدينا نموت
22-02-2012 01:17 PM
مع عون الخصاونة
كلنا ثقة بدولة عون الخصاونة وما رح ينكر أو يخبي إشي على المواطن الأردني
22-02-2012 01:20 PM
مواطن صريح

لنقف دقيقة وننظر الى الوراء عشرات السنين , فبالرغم من الاحتجاجات والاعتصامات التي تعددت اسبابها ومسبباتها نجد اننا افضل حاليا مما سبق , لا اقصد الجانب المادي انما اقصد الجانب المعنوي , منذ متى يتم محاسبة الفاسدين وزجهم في السجون , منذ متى يحيط الدرك بالمظاهرات ويحميها , اليست هذه البلد افضل من مثيلاتها العربية في مكافحة الفساد والاصلاح , اليس من الواجب علينا ان نقف الى جانب ..... ونتكاتف معه سواء (الحكومة او النواب) لتعزيز هذا التحرك لتجاوز هذه المرحلة الصعبة
22-02-2012 01:31 PM
اردني طول عمره ببكي على وضع الاردن المحزن دائما
...شو بصير بالبلد ؟؟؟؟؟؟؟ منشان الله احكولنا , انا كنت من اشد المعارضين لإعتصام واضرابات المعلمين لكني الان مع اي شخص عاوز يعتصم ويضرب بالبلد لأنه ببساطة الواحد يضرب شوي وياخذ حقة بالصاع الوافي أحسن لأنه البلد مبيوعة مبيوعة من زمااااااااااااان ولازم يصير فيه شلع لرموز الفساد الموجودة بهالبلد

أنا رح ارفع دعوى قضائية على سلطة المصادر اذا هالكلام طلع رسمي وموثق لأنه هيك قوانين واتفاقيات لازم تمر على مجلش النواب (مجلس المواطن الأردني) لحتى تأخذ الطابع التشريعي , لأنه هاي القوانين والاتفاقيات بالذات مهمة جدا ولازم يتم معاملتها معاملة خاصة جدا لأنها بتمس قوت المواطن البسيط , وبدل ما تنقل المواطن من وضعه البائس الى وضع احسن رح تخليه لأسفل سافلين , والاردن فيها من الخيرات أكثر من دول الخليج كلها , بتعرفوا ليش؟ وكيف ؟ انا عندي دراسة موجودة عندي وموثقة من 1433 سنة بتأكد انه فيه ما لا يحصى من الخيرات في هذه البلد , بتعرفوا شو هي ؟ القرآن الكريم " سبحان الذي اسرى بعبده ليلا من المسجد الحرام الى المسجد الأقصى الذي باركنا حوله " صدق الله العظيم , الذي باركنا حوله , والاردن من المناطق المباركة والقريبة من المسجد الاقصى , انا كمواطن اردني من حقي اعرف شو مصير هالخيرات الموجودة بالاردن ومتى بدها تطلع ومن مين خايفين لحتى ما طلعت الى الان ؟؟؟؟؟؟؟ بطلب من المحرر انه يسأل اصحاب القرار ويجيب الجواب على هالسؤال
22-02-2012 01:31 PM
قلبه على الوطن
ببساطةفلتقدم السلطة لجراسا ما يثبت انها قدمت معلومات خطء ... وانا اعلم يا جراسا ان ليكم كا الوثائق التي تشير ان هناك شبهة فساد .. يا اخوان المشكلة ان الشركة الكورية فلم هندي وهم شلة سماسرة .. طيب الصنيين شو قصتهم مع الكوريون
22-02-2012 01:43 PM
همهوم
طيب شو بدكو الناس تعمل لكم يعني بتشتكو همومكم
22-02-2012 01:48 PM
الى رقم 4 سلوم
اخي سلوم بلكي بدها من الله ان الكوريين....
22-02-2012 01:49 PM
مصدر موثوق
من مصدر موثوق جدا ::

الكوري شانغ هو سمسار وند سنتين وهو يخطط وزوجته لديها شركة عقارات والسيد ... شريكة مع مجموعة اسماء من ما هب ودب من الكوريون حتى ان اوراقهم كانت فيها مشاكل وتم تصحيحيها وتلبيقها مع السلطة والشريك الاهم الامريكي تم طرده من قبل محمامي يعمل في ... يا اخوان قصة فساد واتمنى على هيئة الفساد ورئيس الوزراء ان يفتح عيونه قبل ان تصيبه طرطوشة فساد .. الموضوع مش نفط الموضوع ........
22-02-2012 01:55 PM
نداء الى سيد البلاد جلالة الملك ان يوقف البيع
نناشد الملك الغالي ان يأمر بوقف الاتفاقية والتحقق من ما يحدث ... نناشدك يا جلالة سيدنا ان توقف .... وتوقف هدر موارد الاردن ...
22-02-2012 01:58 PM
ااى سعادة القاضي الصوراني ...
ااى سعادة القاضي ... نعلم ان وزير الطاقة الحالي ومن قبل.... قد يكونوا متورطين في قضية الكوريون افتح تحقيق وستحصل على كل الاجابات والاوراق من جراسا فورا .لا احد فوق القانون لا احد .. عاش الاردن وعاش الملك والف تحية ... .. فاعل خير
22-02-2012 02:08 PM
ابو الهموم
مثل ترخيص ... وبيعت لاحقا بسعر خيالي. يعني "كل ما قلنا راح الهم ، بطلع لنا هم جديد". يعني اثبتنا نحن الاردنيين لا احد .......
22-02-2012 02:29 PM
شيئ بيجنن
..........


اهنا وين والبترول فين!!! المشكله حسب هذا المقال: الشركه التي تنقب , تقول لنا يوجد مليار طن بترول, لكن الحكومه تقول : تنفي هذا الخبر وتقول لنا لا يوجد لدينا بترول, وما تردوا عليهم,.

طيب: ما دام بتعرف الحكومه انه لا يوجد في الاردن بترول, ليش بتجيب شركه كوريه للتنقيب وتدفع لها ملايين الدولارات للدراسه؟؟؟؟

شيئ بيجنن!!!!!!
22-02-2012 02:35 PM
انسى
يعني 1,1 مليار برميل

32.7% للشركة

تقريباً 740 مليون برميل للدولة

740ملون في 70 دينار سعر البرميل = اكثر من 51 مليار دينار اردني

51 مليار في 102% سرقة بطلع على الشعب يعوض ال 2% الباقي
22-02-2012 02:53 PM
يعوض الله
اصلا طلعت....الكوري مدير الشركه قاريه .........
22-02-2012 03:03 PM
خليل
وضع بند على الاتفاقية بانة لا يجوز التنازل عن الرخصة الى اى مستثمر او شركة الا بموافقت الحكومة الاردنية
22-02-2012 03:16 PM
ابو قرطة
يا جماعة كل شيء مبيوع
22-02-2012 03:26 PM
علي الابراهيم - عمان
وقسما بجلال الله انا قرات تقرير من البنتاجون الامريكي في مجلة عربية وبناءا على تصوير الاقمار الصناعية الامريكية للاردن ( الاردن يقع على ثلاثة بحيرات نفط )وكانت المقالة قد حددت منطقة البحر الميت والاغوار والازرق بالكامل ومنطقة السواقة والقطرانة والكرك جنوبا , الان نناشد نواب الامة بالتحقق بما يجري وراء الكواليس من مؤمرات يرتكبها زيد وعبيد من الناس , مشان الله بكفي فانتم عيون الوطن وانتم عيون المواطن الذي ما عاد يحتمل ان تبقى الامور تسير بالبلد بهذه الطريقة , وياريت سيد البلاد الضرب بيد من حديد على كل فاسد قد تورط بدمار البلد وزجهم بالسجون ليكونوا عبرة لكل مسؤول قادم , اما دولة الرئيس عون الخصاونة فوالله الذي لا اله الا هو انك انسان نظيف وشريف ومخلص وابن وطن ونشتم بك رائحة المرحوم وصفي التل الذي طلبت روحه الطاهرة الفاتحة , اعانك الله هلى هذه المرحلة التي جائك بها سيد البلاد مرحلة تعج بالفساد والهموم ومشاكل ابناء الوطن المتراكمة التي تحتاج الى كل ابناء الوطن الشرفاء ليكونوا عونا لك لا عليك وان يخلصوا النوايا لا ان يكونوا بوجهين مع الدعاء للوطن وشعبه بالامن والاستقرار وهدوء البال .
22-02-2012 03:47 PM
صحن حمص
يا خوفي ما نلاقي اشئ
22-02-2012 04:52 PM
فوسفات جديدة
مشروع فوسفات جديد واكيد رح يخسر
22-02-2012 04:56 PM
اردني مش نشمي
....
رد من المحرر:
نعتذر...
22-02-2012 05:43 PM
عون العقايله
يعني باعوا البترول قبل ما حتى الشعب يعرف انه عنده بترول الك الله يا بلدي ربنا وحده هو الذي يستطيع انقاذك
22-02-2012 06:01 PM
عبدالله العموش
انا بعرف السر !!!!!!!

هذهِ شركات مساهمة وأي تصريح من رئيس الشركة بتوقيع إتفاقيات
لها مع دول وطبعاً يتم تضخيم الخبر وتوقعات الأرباح حتى المستثمرين
يبلشوا شراء بالأسهم وأسعارها تطير للسماء وبالأخر لا نفط ولا قطران
ورئيس الشركة وأعوانه طبعاً سحبوا كل المصاري من الشركه وتفلس وكل
شئ قانوني ١٠٠٠% وبس.............
22-02-2012 06:02 PM
مراقب
ماذا يريد الارنيون ؟؟ والله نحن مستعربين ! لأهيك ينفع ولا هيك ينفع ! شو بدكم بالضبط ،، فهمونا!
22-02-2012 06:05 PM
مصدر موثوق
ان كان لدينا نفط بهده الكميات الضخوة اليس اجدر ان تقوم السلطة بالعمل

مليون سؤال حول... ووووووو من هم وما علاقتهم بالكوري ,,, ساكشف لكم كيف يعمل محامي الوزارة لمصلحة الكوري مع مكتبه وكيف استطاع الكوري ان يلتقي... ويسوق نغسه من خلال لقاء في كوريا .. .. انتبهوا الكوري يعتقد اننا رعاع وان الاردن فاسد
22-02-2012 06:17 PM
مصدر موثوق
الى 34 بدنا شفافية وان كانت السلطة مش فاسدة تقدم اوارق الكوريون على الملاء.. وسلامتك .. هل الطلب صعب
22-02-2012 06:23 PM
الى 7
والله نك فاهم هالحكومات صح
22-02-2012 06:26 PM
محايد
الله يسهل على معالي ابو زيد..يوم قال . اذا وجدت النية بكره بيكون عندنا بترول... لذاغ ومن منطلق حرصي اود القول اذا البريطانيين بعيون كبيره والفرنسيين الحيتان الي لطشوا بترول ليبيا . عن روح العظيم معمر .. ما قدروا يلاقوا بترول..كيف الكوريين بالعيون الصغار رح يشوفو خير
22-02-2012 07:06 PM
why
يا اخوان والله الي بقرا كل هاي التعليقات بعرف انو احنا بوضع محزن جدا احنا بهاي البلد ما بدنا ولا مشروع ولا اي موارد بدنا مشروع واحد بس واذا اطبق والله لنصير من اغنى دول العام المشروع هو وقف السرقات (الفساد ) وخلصت وراحت لانه لو كان في عنا نفط او حتى الدنيا صارت تشتي مصاري والله ما راح يجينا منهم اي شي
22-02-2012 07:15 PM
محمد العلي
الي بحقق بقضايا الفساد هم الفاسدين فكيف نستطيع القضاء على الفساد
اناشد جلالة الملك شخصيا تراس لجنة خاصة من القانونين والمستشارين للوصول الى الفاسدين والحجز على اموالهم وعقاراتهم لتحسين وضعنا الاقتصادي كما كنا قبل ال 89 للحافظ على الاردن واستقرار الاردن من اجل مستقبل ابناءه.
22-02-2012 07:51 PM
اشرف
عفوالمتى هذا التشكيك في اي شيء تقوم به الدوله؟ هل ناشر الخبر عنده اجندة الشركه الكوريه ليقول لنا انها شركه غير صالحه؟ هل لدى الناشر صوره عن العقد الذي تم بين الدوله والشركه الكوريه ليقول لنا ان الشركه الكوريه ستحصل على نسبة تتجاوز 32 بالميه؟
23-02-2012 08:57 AM
الى النشمي اشرف
حقاءق سيتم وضعها وموثقة يا سيدي وان توافق جراسا سيتم تمريرها لها :
الكوريةم لم يعملو بالنفط ولا حتى لا يعرفوا رائحته ...
سؤال المليون دولار من اين حصل الكوريون على المعلومه
وان كانت السلطة فان لدينا مشكله كبيرة حيث انها تتناقد مع ما دكره ماهر حجازين
23-02-2012 10:16 AM
مجحم المعاني
يا ريتنا ظلينا نايمين و ما قمنا ياريتنا ظلينا غايبين طوشة و مو داريين شو بيصير بالبلد و ظلينا نقول بكره بتفرج صدقوني يا اخوان احيانا ... نعمة
23-02-2012 02:27 PM
طل النشمي من الخندق
ماشاء الله مش ملحقيين مثل ..... اول بأول
23-02-2012 03:19 PM
برميل نفط لكل مواطن
اي صدقوني لوطلع عنا ما راح نستفيد يا جماعةالخير مش عارف ليش حظالشعب الاردني هيك افهم لوالحكومات اللي مرت علينا من25 سنة تعاملت مع مشاكلنا خطوه خطوه اكيد ما وصلنا لهيك مرحلة الكل بتهمالثاني بفساد وبغير فساد واضراب و.............لمتى يا ريت لو كنت عنجد
23-02-2012 09:12 PM
ولا اشي
يعني الكاتب متحمس للشركة الامريكية من صيغة الحديث ولا خايف على الشركة الكورية ما تقدر تشتغل ,يا سيدي اذا تعطلت الشركة هي الخسرانة يا ابو الشباب واذا طلعت هذا احنا استفدنا مش فاهم انا اذا قبل ما تشتغل الشركة هيك بنحكي وشو الي مش عاجب الكاتب انا مش شايف يعني ولا ما بطلع للحكومة تحط شروط عالشركة الامريكية والكاتب مش عارف شو الشروط الي انحطت عالشركة هاي طب ليش محروقة بصلتكو عزيزي انا رأيي يجيب كل واحد فينا منكوش ونحفر بلكي طلع معنا ديزل باخر الحلقة انا ما بدافع عن الحكومة بس لو كان المقال فيه منطق ومعلومات كاملة بنقول حقه اما اشي مبني على التخمين والكاتب حاط ما الشروط على الشركة الكورية؟؟؟ بتساءل ,ليش يعني ما دامك مش عارف ليش معصب ياخي ولا ما استشارته الحكومة يعني فزعلان لو انك جايبنلنا اثبات على فاسد او حرامي بنقول الله حيك اما ما ظل غير توقف الحكومة وتحط اصبعها بثمها زي الولد الصغير الي مش داري شو فيه حواليه وبستنا حد يقوده من ايده وبعض الاخوان لازم الحكومه تتذبذبله وتزغردله مشان تتجنب هجمه صحفية عليها شو الموضوع عموه؟؟ ولا الشعب صار لعبة بيد الرايح والجاي
23-02-2012 10:27 PM
عجيل ابن عجلان
الرواية الأولى أن هذه الصفقة هي كمثل صفقة الكازينو تماما شروط وغرامات وبند جزائي في حا اخلال الحكومة بالشروط التعاقدية اا الرواية الثانية فهي بيع البترول الأردني في باطن الأرض بمبلغ 2 مليار دولار لمدة عشر سنوات قادمة كامتياز ومن ثم تنضب الآبار وتتبخر الاحلام ويتبخر القطران والبترول والأموال الي قبضت من بيع البترول في باطن الأرض بس لازم نعرف ين ورا هاي الصفقة والله المستعان
23-02-2012 11:27 PM
vvvvvvvvvvvv
هل من الممكن التحقيق في سبب او ثمن منج الاسرائيلي - و الجنوب افريقي مارك سيميون فالوشين الجنسيه الاردنيه و هوية أحوال من قبل الفريق الذهبي ؟

للعلم ,مارك نهب البلد , شركة العقبه للبترول+ احتكار تجارة السلاح بين الاردن و روسيا.
24-02-2012 01:48 AM
الى ولا شي
انتظر وسترى وستسمع ... جراسا شاهدت الوثائق وتاكدت من صحة المعلومات ... اقولك لن نسكت عن الفساد.. فالاردن اكبر منكم فاوقفوا المهزلة قبل ان تقع على روسك الا ادا انكم .... الله يعلم والتحقيق سيكشف المستور عنكم
25-02-2012 12:48 AM
سياج المجالي
نحن لم نكن نثق بالحكومات سابقأ .. فكيف لنا ان نثق بالقادمات
26-02-2012 10:49 AM
خالد
نفط الأردن للعرب :)
26-02-2012 01:19 PM
صقر1
العير في الصحراء يقتلها الضماء والماء ...... هل يعقل ان كل دول المنطقة وما حولنا فيها نفط الا الاردن ما فيها!!اكيد هالنفط فيه مشكلة بينه وبين الاردنيين لانه مش راضي يطلع عندهم !! شوه نعمل حتى النفط يرضى يطلع عندنا؟؟سؤال ليس له اجابة .
26-02-2012 05:26 PM
محامي
الى المحرر
انا محامي وارغب برفع قضية بهذا الموضوع على الحكومة فهل استطيع الحصول على صور لهذه الوثائق ارجو الرد
19-03-2012 09:13 PM
عالم بالامور
محامي الشركة ومستشارها القانوني متنفدين
07-04-2012 09:25 PM
معاني طفيلي ابن البلد
تم انهاء التعاقد مع الشركة الامريكية من طرف الاردن ودفعنا 700 مليون دينار غرامة فسخ العقد, مما يدل على ان ..... تم تعينه وزمرته لنهب ما في باطن الارض.

وما فوق الارض عن طريق ما يدعونه مفاعل ننوي .

يجب رفع ايدين بالدعاوي الى رب العباد لتخليصنا من الزمرة الفاسدة اللهم آمين
08-04-2012 11:05 AM
فايز طراونة
معلق 4 يبدو انك متمرس في فهم سلوكيات وعادات الشعوب بس نسيت النواب الفاسدون راح يعطو ... نسبة من النفط حتى يخللو تلك المأكولات الشهية يا حسرتنا علي .......تعليق 21 تحليل جيد ب النسة على الشعب اكبر من هيك لان النواب الفاسدين رايحين يشكلو لوبي فساد منضم ويبيعو الشركة على بروناي لانها عندها خبرة بالنفططططططططططط اكثر من الغاز
08-04-2012 11:30 AM
محمدبني صخر
عزيزي نفط الاردن اما ان لك ان تخرج وينك يا رجل زمان وحنا نسمع بك من شان الله اطلع قبل ماتطلع ارواحنا ...هرمنا ...قرفنا ...اخرج علينا ايها المنتظر ...اخشى انك ستكون كمهدي الشيعة النتظر....اخشى انك ما زلت في سردابك ولن تخرج
09-04-2012 12:03 PM
اردني رافع راسه
الى المحرر الحر انشر ولك الأجر فواجبك أن تكون عين المواطن و قلمه الذي ينير الحقائق وما تعليقي الا وجهة نظري و انا المسؤول عنه و دمتم صولجان للحق و ليس للباطل
السؤال لأهم ما دامت الحكومه اعطت الترخيص للشركه لتقوم بالتنقيب لماذا تستمر بانكار وجود النفط كلما اعلنت الشركه عن اكتشافه؟!
فلقد اعلنت الشركه السابقه التي كانت تنقب عن النفط في البحر الميت عن اكتشافها للنفط وانكرت الحكومه
وها هي تنكر من جديد الله اكبر من ينقب عن النفط في باطن الأرض لا يفقه شيء ولكن الحكومه من منبرها العاجي تعلم بالغيب؟!
ولكن لقد فهمت طيبة قلوبنا بشكل خاطىء
فلا تجوعونا أكثر فالجوع كافر لا يرحم
17-07-2012 07:50 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات