اجبار 30 موظفة في بنك الاردن على الاستقالة .. وفصل 4 اخريات


جراسا -

خاص - علمت "جراسا نيوز" ان ادارة بنك الاردن قامت  وبشكل مفاجيء بالغاء وظيفة السكرتاريا لعدد كبير من فروع البنك بحجة "اعادة الهيكلة" .

وذكرت مصادر في بنك الاردن لـ"جراسا نيوز" ان ادارة البنك قامت  بالضغط على ما يقارب ال 30 موظفة للتوقيع على الاستقالة وتضليلهن بحجة عدم منحهم شهادة خبرة في حال عدم التوقيع , فيما تم فصل 4 موظفات بشكل فوري لرفضهن تقديم الاستقالات.

ومن جهة اخرى قررت نقابة المصارف تبني هذه القضية العمالية واتخاذ الاجراءات التصعيدية المناسبة، علما بان المعلومات تشير الى نية البنك استدعاء عدد مماثل من الموظفين تمهيدا للاستغناء عن خدماتهم.



تعليقات القراء

احد عملاء البنك
كل البنك وسطات ، وقفت على 30 سكرتيره ؟!!!!!!! و...... الي عينه بالواسطة مو عالة على البنك ؟؟؟؟؟؟؟؟؟
29-01-2012 01:00 PM
قلة فلوس وأرباح
قد يكون من الخير لهن بعد استمرارهن بأعمال ... فعسى ان تكرهوا شيئا وهو خير لكم
29-01-2012 01:03 PM
ضد البنات
اصلا البنوك و الشركات اكتشفوا انه البنات ما بنفعوا للشغل و وجودهم سبب كثير من المشاكل و الخسائر .
و بعدين رواتبهم رايحة للمكياج و العطور و اللبس و الفشخرة و الي عندها بيت بدفع باقي راتبها للشغالة و الي ما عندها بيت و عنست بتصير تلوم بالشباب و المجتمع يعني باختصار قاعدين بنافسوا الشباب على الشغل و الشباب المسخم بده يفتح بيت عشان يتزوج و يعيش و مش ملاقي شغل اصلا
29-01-2012 01:12 PM
ana
الى رقم 3 المدعي ضد البنات
بقول لك يا .....
29-01-2012 01:28 PM
الى ضد البنات
طيب هي فنشوهم شو رأيك تروح تشتغل سكرتير محل وحدة منهم؟!!
29-01-2012 02:00 PM
ببببسكوت مقرمش
ههههههه حلوة منك يا 5 يعني ممكن يرفع بسرعة
29-01-2012 02:09 PM
ضد البنات
انا بحكي و بعرف شو الي بحكي فيه و الكل بعرف هدا الحكي .انا موظف في منظمة دولية و عندي شركتين و لم و لن اوظف اي بنت في شركاتي و حتى في قسمي في المنظمة رفضت ان يكون مساعدي انثى .
29-01-2012 02:19 PM
ضد البنات
شكلت بتحب الرجال يا مكرمش
اه لو انا عندك سكرتير كان فقعتك بومب كويس
البنات هم الاساس شو الي تحكي فيهاعرف شو يبتحكي واحكي ولا تحكي
29-01-2012 02:32 PM
رباب
الى تعليق ضد البنات ,,,
شو رايك تجي تشتغل سكرتيرة مكان وحدة منهم ,,...؟؟؟
بعدين انت اللي ضد البنات بتجي تعطي مصروف لاختك لو ما بتشتغل اختك ..؟؟؟
وهاذ اذا ما كنت توخذ راتبها كمان
29-01-2012 02:33 PM
ريري
حسبي الله وحده ونعم الوكيل

اكيد خسران حتى اقلهن حسبي الله
29-01-2012 02:34 PM
الى 8
واضح من مستوى تفكيرك شو انت
لما نحكي عن الشغل فهو شغل ما في حب ولا رجال و نساء الشغل بده يمشي بس لما يكون في بنات ما بمشي
29-01-2012 02:40 PM
الى رباب
للعلم انا بصرف على 3 بيوت و منهم بيت عمتي مش و الباقي عندك و الحمدلله و ربنا مغنيني من فضله. و كل اخواتي لما تخرجوا رفضت انهم يشتغلوا و كنت اقلهم انا بعطيكي الراتب و ضلي بالبيت ... اما اذا عندك في البيت بوخدوا راتبك و بعاملوكي كواحد من الذكور هدا اشي تاني مع انه لكي الحق انه ما تعطيهم اشي و المحكمة تضمن ذلك و مش بس هيك و تفرض النفقة عليهم سواء رضوا ام لا . للمرأة احترامها و كل حقوقها محفوظة بس لو نعرف حقوقنا و واجباتنا كما وردت في الدين
29-01-2012 02:47 PM
الى ضد النساء
مو كل اصابعك وحده ، و مو كل البنات بطلعوا يشتغلوا مشان طق الحنك ، وبعدين مو كل الناس مقتدرة تصرف على بيت مو 3 بيوت ، والبنت لما بدها تتجوز بتطلع على الدين والاخلاق مو على اللي عندو مصاري ، ظروف الحياه صعبه سواء للبنت أو الشب و في كثير من المرات بتكون البنت المتزوجه بالشغل احسن من الشب العزابي لانها بتكون متحمله مسؤوليه كبيرة ، يعني انت اللي تحكي انو بتصرف على 3 بيوت لو صارفيك شي لا سمح الله ما رح تضطر اختك او مرتك او بنتك يشتغلوا عشان يصرفوا على حالهم
29-01-2012 03:15 PM
المهندس كعب
معظم التعليقات كانت تجني على الموظفات اللاتي عملن ويعملن في القطاع الخاص وىخرهن ممن تم الاستغناء عنهن في احد البنوك الاردنية , فالبنك المقصود كان يقوم بتوظيف الاخوات الموظفات .. اولا ومن حملة الشهادات العلمية , فليس منة من ادارة البنك عليهن ! رغم ان التعيين كان يتم بالمحسوبية ومدى العلاقة مع الواسطة , رغم ان البنك المذكور ليس سهلا في تعامله والشللية التي تحيط بإدارته التي هي وصولية بإمتياز ولديها سطوة وترتبط بعلاقات تستغلها لقلب الحق اباطلا والباطل حقا ,متسلحة بعلاقات اخطبوطية خفية سواء كان الامر في دوائر الدولة ذات العلاقة بالمواطن او الجهاز القضائي فلم يخسر ذلك البنك رغم تجنيه على المواطنين ممن تعاملوا معه او على المودعين لديه فقد إستخدم اموال المودعين لانشاء شركات خاصة من مطابع ومصانع سجائر ومزارع وتقديم تللك الايداعات لدائرة ضيقة حول إدارته تستخدمها في المشاريع يعطي من يشاء ويهب من يشاء ويضرب ويعضويرفص من يشاءبغير حساب لان القلم معه والقرار بيديه كما قال احد الشعراء مادحا له :
ما شئت لا شاءت الاقدار
فأحكم فانت الواحد القهار
رغم قيام الوالي بجلد الشاعر عوضا عن تقديم الشرهة له من نياق ورواحل الا ان ادارة البنك لها سطوة الواحد القهار في هذا البلد ,لكن الله يمهل ولا يهمل والظلم ظلمات , في الدنيا والاخرة فهم الى زوال بإذن الذي لاتنام له عيون حتى لو نامت عين المظلوم فعين الله لن تنم
29-01-2012 03:49 PM
لماذا
قصه قصيره حقيقيه حصلت ايام الاتحاد السوفيتي كان مقرر اطلاق قمر صناعي الى مداره في ذات الوقت صدف في ضيفه امريكيه رفيعه المستوى فقالو لها المعذره يوجد عندنا بعد ساعه اطلاق قمر صناعي الى مداره ومن عاداتنا ان تتواجد امرآه في الموقع لانها تشكل سوء طالع وقالت معلقه هذه ترهات واكاذيب الخ وقالت لن يحصل شيء فاطلقوا القمر فوقع فوق البرازيل...وبعدها لم يسمحوا بدخول امرآه يارعاكم الله.
29-01-2012 04:16 PM
موظف حالي يعرف ما يحصل
هل يوجد خيلر وفقوس يانقابة المصارف والتامين لماذا لم تظهر عضلات النقابة عند اقالة واستقالات الموظفين في الشركة الاردنية للتامين ولا النقابة على المزاج والهوى اذا كان كذلك فيجب عدم اقتران اسم التامين بهذه النقابة وصدق الكاتب المهندس رابح بكر عندما طالب لنا بنقابة للموظفين في التامين علما ان هذا الطلب وحقاله سبب له كثيرا من الظلم وخطية استقالته في رقبة المدير العام السابق والمدير الاداري في هذه الشركة لانه هو السبب الرئيسي للاستقالة وهو من دفعه لذلك ليستفرد بالشركة كما يهوى - ياتقابة اتقوا الله فيما تفعلون شركات التامين جزء منكم واول من اطالب بحمايته هو الموظف المذكور في التعليق لانه انظف موظف في هذا القطاع ومشهود له .
29-01-2012 04:23 PM
الحدق يفهم
شكله الغسيل خلص قاموا روحوا الغسالات لانه مافي حدا عم بيغسل هدومه الان بعد ما فلان روح
29-01-2012 04:26 PM
لماذا
قصه قصيره حقيقيه حصلت ايام الاتحاد السوفيتي كان مقرر اطلاق قمر صناعي الى مداره في ذات الوقت صدف في ضيفه امريكيه رفيعه المستوى فقالو لها المعذره يوجد عندنا بعد ساعه اطلاق قمر صناعي الى مداره ومن عاداتنا ان تتواجد امرآه في الموقع لانها تشكل سوء طالع وقالت معلقه هذه ترهات واكاذيب الخ وقالت لن يحصل شيء فاطلقوا القمر فوقع فوق البرازيل...وبعدها لم يسمحوا بدخول امرآه يارعاكم الله.
29-01-2012 04:43 PM
احد موظفات البنك
حسبي الله ونعم الوكيل بكل ظالم شكيناهم لواحد احد فرد صمد ناخذ حقنا منهم يوم القيامه
29-01-2012 05:49 PM
نجاري
ارجو من الاخوات الاتي فصلن من عملهن ان يحمدن الله تعالى كثيرا على ان خلصن من اكل الربا الذي اذن الله بحرب اهله الى يوم الدين قبل فوات الاوان
29-01-2012 06:52 PM
لوليتا الى ضد البنات
لولا الحاجة ما اشتغلنا
لو طلبت منك تصرف علي و ما اتهدل يالشغل بتقبل؟؟؟
ارجموا من في الارض يرحمكم من في السماء
و لا شاطر تقولي شركتين و منظمة دولية بس؟؟؟
حسبي الله و نعم الوكيل فيك
29-01-2012 07:00 PM
المهندس كعب- للرقم 19
وستاخذي حقك منهم في الدنيا بإذن الواحد الاحد,عتقد بان هناك اكثر من بنك متعثر رغم وجود رائحة شايطة بس هالغسالات الفل أوتوماتيك هي التي اطالت عمر البعض , لقد ظلموا البلد بلد ان يساندوها لقد ظلموا الموظفين بدل ان يبقوها بالوظيفة , إدارات كثير من البنوك العائلية او الاسرية اصحابها ليسوا بانكرز اي ليست مهنة الاباء والاجداد كما يقول البعض منهم فمهنم وكثيرا منهم كانوا يعملون في مهن واعمال بعيدة عن هذا المجال فوجدوا دولة طيبة كريمة في توجهها لحماية ما يسمى الاستثمار الوطني ودعم المستثمر الاردني الذي شاط وشطط في كل تصرفاته واعماله وصولا حتى للكذب على الناس بهدايا وارقام وجوائز بالملايين كاذبة ورخيصة حتى في طرحها بل اغدقت تلك البنوك على بعض الحلقات وبعض الاشخاص وجعلوهم يستثمرون اموال المودعين في مشاريع خسرانة , فطيب الدولة وهي بامانة الاطيب على مستوى العالم العربي اطلقت ايدي هؤلاء الى وصلوا الى رهن سيارات البلد وبيوت واراضي البلد ووصلوا بقلة حياء الى رفع القضايا كيفما يريدون وباي قرار قضائي هم يريدون وهم من يفصلون بنوده وشكله وصيغة قراره , يرفضون عددا كبيرا من الموظفات ولا يعطون شهادات خبرة لهن الا بعد التنازل عن الحقوق ,هذا من ناحية لعينة عمالية وانسانية لكن كلمة اقولها للمودعين في تلك البنوك عندما يبدأ البنك بالتراجع عن فروعه وطرد اعداد كبيرة من موظفيه فماذا يعني يا مواطننا المودع مدخراتك في تلك البنوك؟؟؟ ماذا تنتظر ؟ هنالك بنوك عربية اسلامية او تجارية هي الاقوى والاصدق يقول المثل العربي ........ والحر تكفيه الإشارة
29-01-2012 07:19 PM
مؤامرة داخلية من مديرة شؤون الموظفين
البنك قام بمؤامرة داخلية بهدف التقشف واطلاق مركز تدريب جديد من اموال الموظفين المطرودين وقد قاموا باستغلال الموظفين وتشغيلهم بشكل يفوق الطاقة وبعد ذلك قاموا بإشعارهم انهم لم يكونوا ضمن مستوى الاداء وتم تهديدهم فعلا بموضوع شهادة الخبرة والمستحقات واقتطاعات ضريبة الدخل وهناك فتاة لم توقع على استقالة تم تهديدها بالاساءة لها وطعنها في سلوكها وافتعال مشكلة اخلاقية لها الى متى يتحكم صاحب المزرعة اقصد البنك بأرزاق العباد مع مجموعة مرتزقة من ادارة شؤون الموظفين ورؤساء الاقسام ومع العلم انهم قاموا في شهر 11 و12 من العام الماضي باستدعاء حوالي 120 فتاة للمقابلات بخصوص وظيفة سكرتارية الى ان تغير الحال وكان هدفهم عمل دعاية للبنك والمنافسين بإيهامهم ان لديهم وظائف كثيرة لكن البنك اخلاقيا منهار والموظفين على وشك الاضراب ولديهم مجموعة خاصة بهم على الفيسبوك لنشر فضائح الادارة وممارساتهم التعسفية
29-01-2012 07:37 PM
موظف
فعلا عندما تقع لبقره تكثر السكاكين
قليل جدا ومن رحم ربي من يشعر مع غيره
ان الموظفات المنهية خدماتهم الله اعلم بظروفهم ممكن عندهم ايتام مرضى كبار سن
التزامات كبيرة ... الخ الله يكون بالحال
ويعوضهم خيرا
29-01-2012 07:49 PM
ماخد قرض من بنك الاردن
الله يعيني .. واخلص من البنك والله اسوء من المعامله معو مافي ... يعني بقول يارب اخلص منو.. ع خير والموظفين شغ ل واسطات وحدث ولا حرج
29-01-2012 08:03 PM
محايد
أقسم بالله الفعظيم أن الكرامة العربية تستدعي الوقوف مع بناتنا . ليعملن بشرف وثقة في اردن الشرف والكرامة وان نقف يدا واحده ضد كل من يسيء لفتاة او يطردها دون وجه حق فلم يعد لدينا سوى كرامتنا نفتخر بها بين الامم. ولو كان لدي 10 ملايين دينار لافتتحت شركة خاصة يمنع الرجال من دخولها لأننا وصلنا القرن الواحد والعشرون. وما زلنا نحلم بؤاد البنات. لكن الله يا شريفات الاردن الغالي
29-01-2012 08:10 PM
رولا
الحبل عل الجرار لسا البدايه هايه و في موظفين ثاين لاحقينهم , كل نصب بنصب بحساباتهم و فوائدهم الي بتمص دم الناس الي ربنا راضي عنه بخالصوا منهم كان عميل و لا موظف و بحب ابارك لكل البنات ال خلصوا منهم و عندهم باب عند ربكم 1000 باب
29-01-2012 09:01 PM
الى ضد البنات
اخي الكريم اشكر الله على فضله ومنته عليك حيث انك لاتعرف كيف تعيش معظم البيوت في هذا البلد فلولا عمل الزوج والزوجه وتحمل الزوجه لكثير من الاعباء لنهارت اغلب البيوت وساتحدث عن نفسي انا فتاه عندما تخرجت من الجامعه تغيرت الاوضاع الماليه لاهلي وكوني اكبر اخواني كان لابد لي من مساعدت العائله والحمدلله توظفت وعشت حياتي كلها فالتفكير كيف يبقى وضع المنزل مستقر درست اخوه وتحملت الكثير الكثير وقروض وضغوط ماليه ونسيت نفسي ورفضت الارتباط لاني ان تزوجت لن استطيع المساعده وحتى ان قبل الزوج بذلك لاترضى نفسي ان اضع اهلي بمثل هذا الموقف والله كانت تمر ايام لا اعرف به النوم واكابر حتى لايشعر بي انسان على وجه الارض ونتيجة مؤامره قذره وتصفية حسابات تم اجباري على ترك عملي وقعت استقالتي بدموع عيوني والله يشهد ليس خوفا على الرزق فانا مؤمنه برزاق رب العرش العظيم ولكن كيف تم انكار جهدي وتعبي وتميزي من اجل الشلليه والاحقاد وتصفية حسابات والان بعد ان تعودت ان اعتمد على نفسي ولايمكن ان اطلب اي شىء ولو على موتي من اي انسان اجد نفسي عدت بعد التعب الى نقطة الصفر ديون ودون تأمين صحي واحاول جاهده ان اعيش بكرامه لذا انظر حولك ولاتنظر لنفسك حين تطلق الاحكام
29-01-2012 09:57 PM
نجمه
لما اشتغلنا بالبنك عشان كل وحدة عليها مسؤوليات اكتر من التانية وغير هيك لما بدكم الشباب تجوزو ما بتدور غير على الموظفات وانتم ما بتحسو شو الناس عن فقر وقلة الحال
29-01-2012 09:59 PM
قلة الرد رد على ضد البنات
ياجماعه ماحدا يعبره ضدالبنات شوف اسمو شو... و حاسيتو عايش على كوكب ثاني و مفكر حالو بعد عايش سنة الستين ما سمح لخواتو يشتغلوا ليش لا يكون حدا رح يوكلهوم لما يشتغلوا و لا لايكون عيب و لا حرام اذا كان بتعب و بشرف الشغل ؟ و بعدين بتلاقي مش لاقي يشتغل بعرط بشركات و منظمات و لو كان صح المفروض انو الواحد مايتفاخر بمساعدته للناس بما انك بتصرف على بيت عمتك و معيش عيل , و بالاخر اسمعوا مني قلة الرد رد :)
29-01-2012 10:11 PM
مظلومين
والله في سكرتيره كانت تبكي قدامي وبتحكي انا بصرف على اهلي وماخده قرض ومش عارفه شو اعمل ولمين اروح ,,,
وقال البنك عامل اعادة هيكله وهنالك موظفيين يعملون على المراكز الحدويه لم تأتيهم اي زياده ويقطعون مئات الكلومترات يوميا وبدفعو نص راتبهم مواصلات.
حرام اقسم بالله حرام عليكو يا ادارة بنك الاردن
29-01-2012 10:12 PM
موظف بنك سابق
بعد استقالتي من البنك ولله الحمد عوضني الله بعمل اخر بالتجاره وابتعدت عن الرباواحمد الله على ذلك
29-01-2012 10:25 PM
فعلا مظلومين
الى رقم 30 اقسم بالله انك بتحكي صح انا موظف على احد المراكز الصرافه وكنت بنتظر بفارغ الصبر زيادة اعادة الهيكله ولكن للأسف تم استبعادنا من الزياده وهمو عارفين انه بنحط اكثر من 40 % من رتبنا مواصلات..
بس سياستهم الي بحكي كلمه بنطيره وبنجيب 10 محله..
اقسم بالله انه زملائي في جميع المركز في اسوأ حاله نفسيه وما الهم نفس يسمعو اسم البنك الي بيشتغلو فيه..
شو بدنا نحكي غير حسبنا الله ونعم الوكيل بالظلم والاستبداد ..
صح انتو وفرتو اكم الف على البنك بس ثقو تماما انكو خسرتو كثير والايام راح تثبت الكو هذا الحكي..
29-01-2012 10:31 PM
ابوعون الى ....ضد البنات
رفقاً بالقوارير ...

هل من انجبتك و حملتك برحمها تسعة شهور و سهرت على راحتك الليالي حتى بلغت أشدك هي رجل ؟...

بالفعل ...
و بالنسبه لشركاتك و منظمتك يعني !!!!؟؟ من شو بتعرف الكذبه قالو من كُبرها ..
يعني كل هالمشاغل عندك و لاقي وقت تقعد ... على موضوع مثل هذا ؟؟؟

قبل ما تسيء للبنات او لجنس حوا لا تعمم و اتذكر امك و اختك و عرضك و طولك كمان
29-01-2012 10:42 PM
مناشدة الى عطوفة المدير العام
نحن موظفو الصرافه في جميع مراكز بنك الاردن
نناشد المديرالعام السيد شاكر فاخوري اعادة النظر في هيكلة رواتبا لاننا نتحمل الكثير من المصاريف للوصول لمكان العمل على الحدود.. وان الزياده في قيمة الموصلات هي زياده تذهب بأكملها الى مصروف التنقل ولم يجري اي تعديل على رواتبنا الاساسيه فنرجوك نرجوك نرجوك يا سيد شاكر فاخوري ان تنصفنا
30-01-2012 12:29 AM
محايد
يجب انصاف الانثى والعمل على اعطاءها حقوقها كامله فهناك من هي بحاجه ماسه للعمل وليس لها معيل فارحموهن ورفقن بالقوارير
30-01-2012 08:46 AM
عيون المها الى ابو عون
جد يحيي اصلك هيك كلام بسوى دهب
30-01-2012 10:33 AM
مراقب
... اصلا لماذا يسكت البنك المركزي لغاية الان عن بنك الاردن فيما يتعلق بالفصل بين منصب المدير العام و رئيسً مجلس الادارة ..
30-01-2012 07:16 PM
بكفي مؤامرات
ادا كانت الحجه اعاده الهيكله فانه يوجد موظفين ومدراء في بنك الاردن ممن يحملون شهادات ليست لها علاقه بالعمل المصرفي او حتي الاداري ولايزالون علي راس عملهم والاسوء ان منهم مدراء فاشلون يحملون شهادات بعيده كل البعد عن العمل المصرفي يديرون موظفين اكفا منهم اداريا وعلميا وخبره فكيف تكون الحجه بان الاستغناء عن السكرتيرات من باب اعاده الهيكله وزياده علي دلك فان هولاء الموظفين لم يصلوا الي ماوصلوا له بالكفاءه وانما بالمصالح الشخصيه والواسطه والعلاقات الشخصيه فاين هي اعاده الهيكله التي يتكلمون عنها
30-01-2012 08:38 PM
نداء الى توفيق فاخوري(ابوشاكر)
نداء الى السيد توفيق فاخوري (ابو شاكر)
الرجاء التدخل لانقاذ البنك لانه ابنك جعل الموظفين وهم اساس نجاح وفشل اي منشأة في اسوأ حاله نفسيه و ولد في انفسهم الحقد والكره للمنشأة التي يعملون بها
وذلك ينعكس على اداء البنك والعملاء على المدى البعيد..
فسياسات تخفيض التكاليف على حساب الموظفين وحرمان كثير من الموظفين من الزياده في الهيكله و غيرها من الخطوات التي توفر على البنك التكلفه على المدى القريب ولكن هي خساره كبيره جدا سوف تلمس نتائجها خلال الفتره القادمه..
بنك الاردن بنك عريق فحرام مشان كم الف دينار تصير سمعة بنك الاردن على كل اللسان وفي ادنا مستوياتها...
اتدخل يا ابو شاكر باسرع وقت
31-01-2012 02:47 AM
متعجبه
وعجبي علي بنك الاردن في اي طريق يسير والي اين سوف يصل الله يكون في عون الموظفين لديهم ولابد ان ينتبه المدير العام لديهم الي الاشخاص اللدين يعملون ضد مصلحه تقدم البنك وازدهاره فليس كل القرارات ولا الاحدات ولا المدراء لديه قلبهم علي البنك واستمراريته
31-01-2012 07:57 AM
متابع 1
انا مش موظف ولا متعامل مع البنك .. بقول انه الظلم ظلم سواء على رجل او امراءه .. ولكن شكل الهيكله بالبنك بالقرعه , والقرعه وقعت على وظيفه السكرتاريه .. ونا باستغرب اي نوع هاي الهيكله علشان نستفيد من خبرة اصحابها لانو يبدو انهم خبراء بالهيكله ويا ريت تتعمم على باقي المؤسسات ( هيك الظلم ولا بلاش )
31-01-2012 10:08 PM
مهزلة
مدراء فروع توجيهي بمعدل 50 تجاري لانه فش كفاءات في البلد حسبي الله ونعم الوكيل عليك يا فاخوري
31-01-2012 10:34 PM
__رورو___الحلوة___ الى ضد البنات
عنجد شكلك واحد مسكين عنجد شكلو معك ..., وانا ما بشرفني ......., قال امسمي حالك ضد البنات , هذا الاسم في عدائية وتعليقك في عدائية كمان , شو يعني بتشوف حالك بمنزلة اسمى واحسن من منزلة البنت لو عنجد هيك كان ربنا سبحانه وتعالى خالق البشر والكون ذكرو في القران وذكر هذا الشي في الاحاديث والسنة , هلا انت عندك استعداد اتساعد امك وخواتك بالبيت ما ظنيت اكيد بتعتبرها اهانة لرجولتك تجلي او تكنس او تغسل , هي الرسول كان يغسل وينظف ويساعد بامور البيت , وكان في امراة ايام الرسول كانت تطلع اتقاتل مع جيوش المسلمين اسمها نسيبة بنت كعب ودافعت عن الرسول , هي في حد منعها او انتقدها , رغم وجود رجال للقتال
01-02-2012 07:20 AM
إبن يافا
إلى ضد البنات أنا بضم صوتي لصوتك ووجهة نظرك متلي تقريبا طول عمرها الناس من القدم عايشة بدون ما النسوان تتطلع للشغل وفعلا مكان المرأة بالعمل الشبا أولى منهم لانو الشب هو الذي يبني المجتمعبس بخالفك بشغلة انو مو غلط تتعلم البنت ويكون معها شهادة جامعية لظروف الزمن ولحماية نفسها .
01-02-2012 08:40 AM
واقعية
يا جماعة ليش الهجوم على ضد البنات انا شايفة انو معو حق ... انا بنت وبشتغل بالقطاع الخاص اسواء من هيك ضروف مافي ...طبعا مع احترامي انو في بنات بحاجة الشغل من احل الضروف المادية ...بس القطاع الخاص كتير كتير ظالم للبنات وفي استغلال واضح من اصحاب العمل طبعا ما بعمم بس هيك الاغلب ولو بنتو مكانها ما بخليها تشتغل هيك بس بنات الناس عادي عندهم حسبي الله ونعم الوكيل
01-02-2012 09:35 AM
شكر
كلمة حق شكر خاص لمديرة فرع حي معصوم (ام علي)بدون مجاملة لانة ماشفت ادب وخلق وحسن معاملة اجل من معاملتها في كل الفروع مش ترويج لكن كلمة حق امام رب العلمين اسال عنها
01-02-2012 09:43 AM
مظلوم
مش وبس هيك حتى الهيكله المزعومه ما طالت كل الموظفين وربطوها بامتحان عمله البنك قبل شهرين والى مانجح ما عملوا هيكله مش عارف شو هالهيكلة المربوطه بامتحان حتى الحكومة ماعملتها
01-02-2012 10:35 AM
موظف بنك الاردن سابق
مساء الخير اخواني اريد ان انوه بان اعادة هيكلية فروع بنك الاردن في فلسطين تخللها فساد قوي هل رايتم بان موظف تلر تخصصه تربيه ابتدائيه راسب توجيهي مرتين يعين مسؤول علاقة عملاء ؟ ايضا له بالبنك سنتان ويكون مسؤول عن موظقه درجتها سابعه ومعها توقيع باء؟والمجحف ان اخو الموظف مسؤول بالانظمة بالادارة العامه ويدعي الشرف والنزاهه؟اين هي الزاهه بتعين اخيك يا ...
04-02-2012 07:20 PM
موظف قلبه محروق
...........
ثانيا ندعو الله ان يرزقك البطانه الصالحه لانه واضح انك غايب فيله و ما بتسمع الا اللي بدهم تسمعه و ما بيفرجوك الا اللي بدهم تشوفه
مدبرة شؤون الموظفين اللي عندك قالت في يوم من الايام انها ما بتقعد في وظيفه اكثر من 5 سنوات..وواضح انها و بالتعاون مع مدير الفروع رح يقضوا على بنك الاردن قبل ما يروحوا على وظيفه جديده
04-02-2012 08:26 PM
ابو البنات
في كل الوظائف يكون للخبره مكانها و ثقلها ووضعها الا في بنك الاردن الذي يبدو ان القائمين عليه يفضلون الشباب و الصبايا الطيبين على جودة العمل و الامانه
لدرجة ان شكل بنك الاردن و مضمونه اختلف وتغير لتدخل فتجد نفسك في صف مراهقين او عرض ... لا يليق لا بالبنك ولا بسمعته القديمه و لا حتى بالاسماء العريقه التي عملت يوما في هذا البنك
الله على....
04-02-2012 08:30 PM
موظف مطلع
يا شاكر الفاخوري انا بس بدي اقول انه لو بدنا نحكي الصحيح انت لازم تنهي خدمات المدراء الكبار اللي حاطهم بالتفتيش والدوائر المسؤوله عن حماية البنك و اللي قاعدين يوخذوا رواتبهم على الفاضي..يعني بس قاعدين يتشاطروا على الموظفين الزغار و يروحوهم و يعطوهم عقوبات على امور بسيطه و عفويه..و ما بيشوفوا الامور و المصايب الكبيره الا لما توقع الفاس بالراس و الادله كثيره و انت بتعرفها و اخرها قصة البطاقات اللي هزت البنك و كل دوائره..وين كان التفتيش ووين كانوا المدراء اللي قارفين عيشة الموظفين على الرايحه و الجايه...
مدير التفتيش يا شاكر عندك بده تفنيش
04-02-2012 10:13 PM
الى موظف مطلع
والله انك صدقت يا اخي فبنك الاردن فيه مدراء كبار انتهت صلاحيتهم من زمان و قاعدين يوخذوا رواتب فلكيه عالفاضي و بس شغل سفر و مياومات
و كل موظف ببنك الاردن بعرف انه في ناس اولى و اجدر منهم بهذه الوظائف
و انت قاعد تحكي على مدير التفتيش لحاله؟ ليش ما تحكي عن ..........اللي نايم في العسل و فاضي لحاله و لدواوين الفراطه تبعته و الحراميه قاعدين يلعبوا بالبنك براحتهم..و قال شو؟ امين سر المجلس
04-02-2012 11:07 PM
موظفة ادارة بنك الاردن
يا زميلاتي المستقيلات و المستغنى عن خدماتهن سؤالي الكن هو :
ماذا تتوقعن من ..
ما هي الهيكله المتوقعه من هكذا انسانه؟
و ما هو المتوقع من بنك ضاب هيك وحده؟
04-02-2012 11:40 PM
شايف كويس
الى كل التعليقات اجزم ان السيد شاكر فاخوري رجل كويس و لكن البطانه فاسده و خاصه المساعد ن الكل يتسال هل من المحتمل ان يكون شاكر فاخوري متورط بشئ ما و لا يستطيع ان يطرد الفاسد و المتورط بخسائر البنك ن مثال المليون ونص
18-02-2012 07:11 PM
موظف بنك الاردن...و عنده ضمير
يا اخوان....ما بيعرف اي شيء لانه ببساطه مش ملحق شغل كمالك و مديرعام و رئيس مجلس اداره..
و مع الاسف الشله اللي حواله مش ناس نظيفين و ما بيعرفوا الله حتى انقلب بنك الاردن الى شلل و جماعات..
و المشكله انه ما بيروح فيها غير الموظف النظيف المحترم ابن العالم و الناس
و البقاء في بنك الاردن ليس للافضل و الاكثر ولاء و انما للاكثر استهتارا و الاقل اخلاصا واصحاب القدره على التلون و المجامله و لو على حساب المباديء و الاخلاق و الامانه الوظيفيه
21-02-2012 09:29 PM
موظف عمره 5 سنوات
والله لو تشوفوا التعيينات الجديده في بنك الاردن ..
رح تحسوا انكم في برنامج انساني لتعيين الحالات الانسانيه من الطبقه المخمليه او في برنامج عبدون لذوي الاحتياجات الخاصه و اللي مطعوج و اللي عنده قصعات اماميه او مفتول شصي..المهم للشباب يكون عامل واكس و مسحل البنطلون و للبنات تكون التنوره قصيره جدا او شبه معدومه و ان يكون اللسان على جنب للجنسين و يفضل اجادة اكثر من لهجه(لبناني او سوري )
21-02-2012 10:24 PM
الى موظف عمره 5 سنوات
ليش نسيت انه من شروط التعيين السؤال هل عندك قابلية للسهر؟ هل تشرب الارجيله؟ شو نوع ارجيلتك المفضله؟ هل عندك القابليه لتلبية الدعوات المسائيه؟
هل انت منفتح على العالم الخارجي؟ هل لديك حدا يسألك وين رايح و من وين جاي؟
هل انت معقد؟ و ما هو تعريفك لساعات العمل المفتوحه؟ والى اي حد مفتوحه؟
هل تحب العمل في الاماكن المفتوحه ام الاماكن المغلقه؟
21-02-2012 11:06 PM
تسعير وظيفي ؟ تقييم ؟ مكافأة ؟
يا عمي ابو توفيق انا سمعت من بعض الموظفين على لسانك بأن من يعمل ويجتهد سوف يكافىء ومن لا يعمل سوف ...

وانا موظف اكتويت من طريقة التسعير والزيادة التي حصلت عليها وانا مطلع على زيادات زملائي وطريقة تقييمهم ...ولا استطيع ذكر اسمي خوفا" على باب رزقي.



والله وعلى هذا القسم احاسب من الله العزيز القدير بأن دائرة الموارد البشرية وادارة الفروع في البنك لا تمتلك أي مقومات في الادارة وخاصة في الموارد البشرية فهم حافظين بعض المفاهيم النظرية وبعض التجارب الفاشلة وخاصة في البنوك الاخرى ويحاولو تطبيقه في البنك علما" بأنه ثبت للبنوك الاخرى فشله وترجعوا عنه .

التسعير الوظيفي والزيادات السنوية والمكافأت التي دفعت لا اساس للمساواة على اساس التقييم فأساس المشكلة ليست في طريقة الدفع بل في معرفة كيف تتم عملية التقييم وكيف توزع على الموظفين

فمديرة الموارد البشرية لا تعرف الخمسة من الطمسة ومعها صلاحية مطلقة .....

ومدير التطوير حافظ بعض المصطلحات من بنك الاسكان ويحاول التظاهر .....

ومديرة شؤون الموظفين عندها مفاهيم من سنة 1980 وويل لمن يحاول التغيير او التطوير

ومديرة التوظيف ... احتكار جميع التعيينات لموظفين من اربد والسلط ؟

ومدير المعالجة مختلس ونصاب ..؟

و و و وعندكم الباقي

اقترح عليكم يا سيدي

تعيين او تكليف شركة خارجية مختصة ليست في البنك للتدقيق ما ذكر اعلاه للوقوف على الوضع الصحيح وتلاشي المشاكل مستقبلا

والله حرام على بنك مثل بنك الاردن ان يصبح ....



03-03-2012 05:50 PM
احدر
هاي بيسموها فهلوة و مفتح عيونة و بيوكل حلاوة
27-05-2012 07:32 AM
الى ...
نحن نعلم انك غير راضي عن اداء..وانك لاتستطيع فعل شيء كونه ابنك ولكن الحق البنك زياده الارباح السنويه ليست دليلا على نشاط البنك وانت تعرف ونحن نعرف كيف يتم اللعب بالارقام نهايه كل سنه ويكفي هذا؟؟؟ اما بانسبه لعدم الفصل بين رئاسه مجلس الاداره وبين منصب مدير عام فان رأي .. انو مابدي انفذ تعليمات امركزي وانا على استعداد لدف الغرامه للمركزي ( واعتقد حبما ذكر لي مدير صديق... ان الغرامه 120ألف دينار)على ذمه ذلك المدير ولااعلم مدى صحه الرقم اما بانسبه للترفيع والزيادات فهي مقتصره على من يدينون بالولاء للمسؤولين كل حسب وظيفته ودرجته يارب يجي يوم نخلص من البنوك والعمل بها ويرزقنا وظيفه نستغني بها عن هذا العمل
20-06-2012 05:49 PM
مرحبا بالجميع،<br>أنا السيدة اليزابيث ليزا من ولاية أوهايو الولايات المتحدة الأمريكية، وأريد بسرعة إلى استخدام هذه الوسيلة ليجز شهادة حول كيفية إخراج الله لي أن المقرض القرض شرعي والحقيقي الذي حولت حياتي
28-07-2015 02:30 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات