قعدات أبو فرج ما بتنمل مع ربعه في المضافة، صب القهوة لأبو محارب وأبو سعد ودق الباب ودخل أبو عقلة، حط الدلة أبو فرج وبلش يقول : يا جماعة الخير فاضت شوارعنا العربية حتى بلغت الزبى في مسيراتها واعتصاماتها بطلانا نعرف شو السالفة الكل بنادي وبروج لبضاعته عحساب شماعة الإصلاح، ما بنعرف احنا عايشين في عصور ما قبل النهضة أو حضارتنا جت من فراغ، رد القول أبو محارب يا ناس الدنيا ما قامت بيوم وبليله، وأجدادنا قالوا يومك الجاي أحسن من يومك إلي رايح يجي، وقالوا صبرك على حالك ولا صبر الناس عليك،احنا لحم كتافنا من خير بلانا ولولاها ما حدا بحوانا عشنا عترابها ورايحين أنموت عليها ما بنفرط فيها.

أبو سعد دق عصاته بالحيط وضحك الله يرحم أبوي وأبوك يا أبو فرج ويسعد مساء الحاضرين كانوا الختيارية بركتنا بس ماتوا ماتوا كبارنا بطلنا نمون انقعد صغارنا، أمبارح لديت وان سعيد طالع مسرع من الدار، وين رايح يا بني، جاوبني يابه انا اليوم طالع في مسيرة، يابه وشيه المسيرة إلي طالع فيها؟ رد علي يابه مسيرة بطالب بالإصلاح، يابه بسألك عندك امتحانات في الجامعة ليما تقعد تقرأ على كتبك، يابه أنت مهندس بكره بتخلص ورايح تتوظف عشان أتامن مستقبلك يابه، يابه تخصصك أحسسن تخصص في الإصلاح رد وما بتندم مسيرتك بدراستك أحسن من مسيرتك بالشارع يابه بدل ما توقف بالشارع رايح بكره تقعد عمكتبك الا بتحلم فيه....... ، تنح سعيد شوية غير رايه بطل يطلع بالمسيرة.


قام أبو فرج وصب القهوة للقاعدين مرة ثانية وهو بحكي مازلنا في دوامه، شو الحل؟ كيف احنابنفكر وبنقدر؟.... قديش عدد الشعارات إلا بطالب بالإصلاح ؟ وين كانوا لما ولدت الحضارات؟ ول ياجماعة الخير ما شفنا منهم حدا لما تأسست البلدان والدول، وين كانوا المفكرين .. وين كانت الشعارات نحو الإصلاح الاقتصادي والسياسي،ما بنعرف كل بغني على مواله طعه وقايمه.

حط أبو عقلة الفنجان يا بو فرج ولا يهون القاعدين الله يعين الملك والحكومة ما بعرفوا نهار ولا ليل من اجل البلد والمواطن مما ملحقين الكل بهاوش مش دارين مين يصلحوا، ما بدري هالبلد قامت عجريها بساعة والله قامت بعقول الرجال الا كانوا يقولوا إلي تحت المطارق مش مثل إلا بعدهن.

البريد الالكتروني: osam_techer@yahoo.com