اغلاق

حينما تبكي الحكومة .. !!


وأخيراً ظهر للحكومة دموع ..رأيتها ( بِأُمّ عيني ) و شَمَمْتُها ( بأُم خَشمي ) و سَمعتها ( بِأُم أُذني ) ..و لَحَسْتُها ( بأُم لساني ) ..فتأكّدتُ أنّها دموع ..وكل دمعة أكبر من راسي ..ورأيتُ عيون الحكومة ( مْفَنْجَلة ..وهطّالة )..كأنّها الشتاء بعد طول انحباس..!!

سالت الفيضانات من دموع الحكومة ..أغرقت كلّ الأردن ..ولم تَقُم الحكومة بواجبها نحو الفيضانات ..لم تُنقذ أحداً ..لم تُرسل المعونات لأحد ..مِشْ فاضية ..فهي تبكي بُكاء ( مِسَحّاً مِدَحّاً ) ..وهي لا تستعمل الفاين لتجفيف الدموع ..شو بِدّو ينفع الفاين وإللي أكبر من الفاين ..!! حتّى المُستثمرون الذين حاولوا تركيب مضخّات على عيون الحكومة ..للاستفادة من الحالة الهطّالة المطّالة لدموع الحكومة ..لم تنفع ..الكميّة أكبر من المضخّات ..وخِرِب المشروع ..والمستثمرون ( كَفّكْ عليهم ) ..!!

ما الذي يحدث ..؟؟ ما هذا ..؟؟ وقبل كل شيْ ما أسباب دموع الحكومة ؟؟ حكومتنا بتبكي ..؟؟ لا مِشْ معقول ..!! أكيد إحنا في حلم ..والآن سنُفيق منه ...ونعود للجفاف ..!!

الكل مرتبك ..والكل مِشْ فاهم إشي ..إلاّ ..تلك العصفورة والتي أنقذتني من حالتي ..وقالت : حاب تعرف ليش تبكي الحكومة ..؟؟ فقلتُ لها : دخيل على ولايا العصافير كُلّهن ..فهميني ...قالت : هذه دموع الفرح ..فالحكومة لحد الآن ..مِشْ مصدّقة حالها إنها حكومة .....!!!

abo_watan@yahoo.com



تعليقات القراء

مقهور
يا اخوان ما هذا التخبييييييييييييييييييص بالله عليكم ان تتقوا الله في اذواقنا وعقولنا يا جراسا
17-01-2009 01:58 PM
رزان
يا مقهو ..أنت تراه تخبيص وغيرك شايفو غير هيك ..ما في داعي تقراه عشان ما تقهر حالك أكثر ..مقالك رائع أبو وطن ..دمت مبدعا
17-01-2009 02:57 PM
مقهورة
عن جد بلا تخبيييييييييص شو شايفينا بلا عقل معك حق اخي مقهور
17-01-2009 03:00 PM
رزان
هذذا مقهور و مقهورة طلعوا اخوان ...وين بقية العيلة ..خلينا نجهز سيارة اسعاف عائلية ..
17-01-2009 03:04 PM
سوزان حلاق
بشارطك انه اي حكومة رح تضل من وقت لتستلم الكرسي لحد ما تسلمه

و تيجي يلي بعدها تبكي وتضل تبكي

و الشعب سو يسوي بيجيب محارم و ينشف دموعها
17-01-2009 03:18 PM
ولد عم مقهور ومقهوره
والله لا اعرف الكاتب شخصيا ولا اريد ان اقلل من شأنه لكن ما كتبه تخبيييييييييييييييييييص بامتياز اشكر اخي مقهور واختي مقهوره
17-01-2009 11:45 PM
رزان
سؤال إلى العائلة المقهورة..
كلمة تخبيص كلمة عامة ..ممكن توضح أين التخبيص بالضبط ..وهل تعرف أن هذا المقال ساخر والا لأ؟

18-01-2009 10:35 AM
نور
مرحبا ابو وطن .....كيفك؟ انت شو ما كتبت حتى لو كان تخبيص زي ما بحكو عائلة المقهورين كلامك كله حلو وخلي المقهورين ينقهرو زياده
18-01-2009 01:43 PM
اررردني شهم
" اللهم أغثنا اللهم أغثنا اللهم اسقنا غيثاً مغيثاً مريئاً نافعاً غير ضار ،عاجلاً غير آجل
اللهم اسق عبادك وبهائمك ، وانشر رحمتك وأحي بلدك الميت"
18-01-2009 01:58 PM
ميسون
طلعت حكومتك مش مصدقه حالها إنها حكومه...!!
وأنا من هبلي ...فكرتها بتقشر بصل ..عشان تعمل مسخن...و تبعته لأهل غزه...تجبر بخاطرهم...!!
18-01-2009 11:33 PM
بالك
بالك يا كاتب من المقهور احنا ولا الحكومه
شو شكله احنا غايبين فيله
18-01-2009 11:47 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات