35% من النساء الأردنيات عزباوات


جراسا -

سمر حدادين - أظهرت أرقام أصدرتها دائرة الإحصاءات العامة حول المرأة لعام 2010 أن نسبة الإناث المتزوجات اللاتي أعمارهن 15 سنة فأكثر على مستوى المملكة يبلغ 5و56% في حين العزباوات 1و35% .
وبينت البيانات نفسها أن نسبة المطلقات على مستوى المملكة تصل 3و1% بينما الأرامل تصل إلى 1و7% .
واللافت في الأرقام أن نسبة الإناث المتزوجات في الحضر والريف متقاربة، فهي في الأولى 8و56% وفي الثانية 55% .
وخصصت دائرة الإحصاءات العامة قسما يعنى بالنوع الاجتماعي يقدم بيانات وأرقاما حول المرأة، تحقيقاً لمفهوم التنمية الشاملة، التي تعتبر المرأة أحدى عناصرها المهمة ، فقد ركزت الدائرة على توفير كافة المؤشرات على مستوى الجندر بهدف التخطيط ورسم السياسات في مجال تفعيل دور المرأة وتمكينها في المجتمع.
ووفق هذه البيانات فإن نسبة المتزوجات العاطلات عن العمل تصل إلى 1و27% في حين نسبت العزباوات المتعطلات 7و70% منهن - أي العزباوات- 9،97% على مقاعد الدراسة.
ويبين التوزيع النسبي للإناث اللاتي أعمارهن 15 سنة فأكثر حسب الحالة الزوجية والمستوى التعليمي أن 58% من حملة شهادة البكالوريوس فأكثر متزوجات، فيما 9و73% من حملة الدبلوم متوسط متزوجات، أما حملة الثانوي فإن نسبة المتزوجات 6و48% والأقل من الثانوي 1و56% والأميات 1و53%.
ويشير التوزيع النسبي للإناث اللاتي أعمارهن 15 سنة فأكثر حسب المهن الرئيسة للمملكة، إلى أن نسبة الإناث (مشرعون وكبار موظفين ومديرون) تصل إلى 5و1%، والاختصاصيون 54% والفنيون ومساعدو الاختصاصيين 14% .
وتصل نسبة الإناث من نفس الفئة العمرية في مجال الزراعة والحراجة وصيد الأسماك في المملكة، إلى 1% في حين استحوذ قطاع التعليم على نسبة عمل المرأة حيث بلغ 1و39% وتقدر نسبتها في الإدارة العامة والدفاع والضمان الاجتماعي بنحو 7و12% ولم تتجاوز نسبتها في أنشطة المنظمات والهيئات الخارجية عن نطاق الولاية الإقليمية 6و0%.
وبلغت نسبتها في أنشطة الصحة البشرية والخدمة الاجتماعية 7و14% وفي أنشطة الفنون والترويج والترفيه 4% والمعلومات والاتصال 6و1% وأنشطة المالية والتأمين 5و2% والأنشطة العقارية 2و0%.
(الرأي)



تعليقات القراء

مدهشة
لأنه 50% من الرجال ما بستاهلو
04-08-2011 02:34 AM
دوار عروس
ياسيدي انتو بتقولو البنات مش مزوجات شو السبب السبب انة حتى موظف عزابي يادوب راتبة يكفيها انا اليوم اتناقشت عوا خطبه صراحة مامعي اخطب لانه الراتب صغير ومابكفي وكمان المهور غالية والاهالي الهم دور بالعنوسة انا مابجوز بنتي الا بمهر كذا وكذا وذهب كذا وكذا والشب منين بدة يجيب وكمان بدة يايبني دار او يشتري شقة اعطوني حل صراحة انا مفكر اجوز من سنتين بس كل مااقرب اخطب احبط من اوضاعي اللي مثل الزفت اعطوني حل
04-08-2011 02:40 AM
مدهشة
الى دووار عروس
انت معترض ع المهر اللي بطلبوه الاهل
و لكن الاهل بطلبوه لضمان حق البنت!
شو اللي بده يضمنلهم الشب مثلا !!
لأنه شباب هالايام ما الهم امان و حق البنت لازم يكوون مضمووون
04-08-2011 02:45 AM
مدهشة
الى جراسا
يصراحةمش صورة عقل !
اي بالله عليكو من وين بتجيبو هيك صوور!
جد انا بهني اللي بحط الصور بجراسا ز
و جد كل صورة بتكوون ع الوجع للموضوع
04-08-2011 02:51 AM
abo khalefa
انا برئي علىالحكومه بالقيام بلجنة حوار وطنية اسوه بباقي اللجان لازالة المعوقات امام الشباب من الجنسين وانا على يقين لن يكون الموضوع مكلف ولكن له فوائد كتيرة ببناء المجتمع الصالح الباني وخاصه اننا بظل قيادةهاشمية رشيدة
04-08-2011 02:53 AM
مدهشة
الى ابو خليفة
انت بتطلب من حكومتك!
يا سيدي احنا مسامحينهم بدناش اشي
بنأجل هاد الموضوع لأنه في اهم منه بكثييير
بس بدنا حركة يا بخيييت
04-08-2011 02:57 AM
***
انا بنصح الشباب تتزوج الثانيه عشان يحلو هالمشكله
04-08-2011 03:19 AM
متزوج سابق
بعد التجربة نساؤنا اصبحوا رجال
الواحد يطلع يجييب اناث حنونات ستات بيوت بخافو الله احسن من الزيجة من هون :)
04-08-2011 03:45 AM
عزاز
المشكلة هاي كل الوطن العربي بيعاني منها
بدنا حلول مش احصائيات
لازم يكون في جمعية حقوق الزواج وتشجع المجتمع على قبول الزوجة الثانية والثالثة وربنا يوفق الجميع
04-08-2011 04:15 AM
فاضي بال
مش تا نلاقي شغل بالاول
والله الواحد ما هو ملاقي شغل
يعني الجيزه بدها مصاريف
طيب بدي عدد الشباب الي مش قادرين يتزوجوا
04-08-2011 04:45 AM
موسى العموش
بنات اليوم وأهلها هن سبب العنوسة تبقى ترفض العرسان هذا طويل -قصير- فقير - مو حلو- الام وافت الاب لا الأخ مومعجبو الخالة زعلانة الحفلة رخيصة غرفة النوم بشعة كشروا بوجه العريس فرطت الجيزة او الخطبة او الجاهة الله يجعل ولا بنت تتجوز
04-08-2011 06:00 AM
ليل المسافة
ايضا اكثر الناس تضع المتاخر وللعلم وحسب مالمستة من شكاوى البعض فان المتاخر شوكة في طريق الزوجة\\\
04-08-2011 06:02 AM
مطلق .
لا اعمم بس بصراحه اللي عنا هون فهمنات الجيزه غلط وبس تتزوجهم ببتفاجئ فيهم وفي قصصهم الطرمه وطلباتهم بتكون الوحده مسكينه بتصير منشار بس مو الكل قل ما ندر وبعدين مقلدات ومتصنعات .
04-08-2011 07:21 AM
طفيلي
انا بعرف الوحده بعد الاربعين بسموها معنسه . الله يستر على الولايه .
04-08-2011 07:26 AM
منتصر من أربد
العنوسه من الطرفين شباب وصبايا والسبب مابده لاتفسير ولا تحليل فقط الوضع الاقتصادي الصعب وعاداتنا الصعبه
الشباب الاردني من الجنسين من خيرة الناس الحمدالله الخير فينا ليوم الدين ....يارب تفرجها وتوسعها على أهل الاردن وكل اليلاد العربيه
04-08-2011 07:31 AM
اعزب وعندي ولد
انشاء الله بصيرو اكثر عشان يرجعو يصيرو نسوان ويبطلو الاسترجال
04-08-2011 08:03 AM
العبادي الى تعليق رقم1 مدهشة
بالعكس السبب مو من الرجال السبب من البنات

لأنه لما تجي تطلب بنت من ابوها بحطوا شروط وطلبات الجبل ما بقدر يتحملها ولما تدخل في سن العنوسة بصيروا يقبلوا بأي شي وبدون ما يحطوا اي شروط كله هذا ينعكس سلبياً على البنت ونظرتها لأهلها اللي وقفوا في طريقها في بداية عمرها

04-08-2011 08:15 AM
حر
لقد حضرت زواج طبيب ألمانى متخرج حديثآ أحضر لزوجته خاتم من ارخص ألخواتم والحفله أقامها خلف ألدار وضع لوح من ألخشب فوقه ملائه سرير
كل واحد من المدعوين أحضر معه شىء من ألطعام والشراب وكانت سهرة من أجمل ألسهرات
دخلت لمنزله ألمتواضع, مكون من غرفتين غرفه ألنوم بها سرير خشبى صنعه بيده مع مساعدة ألعروس ووضع فوقه فرشه وخزانه بسيطه
ألغرفه ألأخرى بها كرسين وتلفزيون والمطبخ به ثلاجه مكتب مستعمله وغاز بعينتين
هل تقبل أى فتاة أردنيه بهاذا مهما كانت؟
04-08-2011 08:33 AM
محمد شقفة الى 8
لا تنسى انو الك .......... وهدول انت مش شايل همهم.
04-08-2011 09:05 AM
مشكلجي
ليش الدراسات دايما عن البنات؟؟ ليش ما يعملوا دراسة عن الشباب ؟؟
يعني هسا الشباب كلهم متزوجين ؟؟ ما نصهم عزابية .
بس الحلو بالدراسة انهم ما كتبوا عوانس.
04-08-2011 09:08 AM
طالب البلاونة
الدائرة التي تصنف طفلة عمرها اقل من 16 عاما ضمن بياناتها في احصاءات الزواج والعمل لا اثق بها ولا بالقائمين عليها وهي متخلفة ولا تصلح الا كاداة معطلة لمسيرة الأنسانية ولاتاريخ
04-08-2011 09:33 AM
الى متزوج سابق
صح لسانك والله يا خوي فعلا بنات كلهم انوثه وحنان ولطف ومو شايفين حالهم بس بدهم رضا ابن عمهن مو مثل اللي عنا قال شو بتقولك "مدهشه" الاهل بدهم يضمنو حق بنتهم ما هي البنت داخله على تجاره مش على زواجه الله يعين الشباب على هيك عالم
04-08-2011 09:36 AM
عقلة
يلا كويس خليهم اعنسو
منشان يعرفو قيمة الشباب
بكرة بصيرو يتمنو الاقو شب يتزوجعم
فكرهك لما يقعدو يدللو ويطلبو طلابات وشروط انهم ذكيات يعني
مابعرفو انهم عنسو واكلو هواء
يلا من زايد لزايد
خير يثلج الصدور
اان بنصح كل شباب الاردن يتزوجو فلبينيات الفلبينيات ماعندهم اي طالابات ابدا
وحلوات وصغار بالعمر
04-08-2011 09:44 AM
الحميدي
الى مدهشه ... حقأ انك مدهشه بالافكار النيره التي تحميلنها، فالى الامام يا اخت العرب نحو وضع الحلول لهذه الكارثه والانفجار الاجتماعي المدوي مع قادم الايام والاسابيع والسنين القريبه.
04-08-2011 09:49 AM
ابن الجنوب
البنات بدلعن كثير الي بدها دكتور والي بدها طيار والي بدها مهندس
واخر شي بتوخذ عسكري وممكن ما يطلع ليها لانها تعجرفت
انا راعي غنم تجوزت ثنتين وبقولن انت احسن من دكتور
لا تتعجرفن يا بنات الي بعجبكن خلقه ودينة وافقن على طول
أسال الله العظيم ان يستر بنات المسلمين
04-08-2011 09:53 AM
أم الريان
نصيحة لوجه الله ما بنت تتجوز لأنه الزواج مؤسسة فاشلة ورديئة. ادرسوا واشتغلوا وانبسطوا وربوا عندكم كلب أحسنلكم
04-08-2011 10:17 AM
أم الريان إلى رقم 18 حر
يعني لو رضيت البنت بالأردن بوضع متل صاحبك الألماني، فكرك أهلك بيرضوا بالفكرة ولا أهلها؟ يا عمي القصة تخلف اجتماعي بنيوي، لازم العزايم والعرس والتخابيص والفساتين والكشاكش والحكي الفاضي وآخرتها بتصير ان خرب سرير الخشب اللي ساويته بإيدك، ما تقدر تشتري خشب لتصليحه لأنك بتكون ماكل هوا ويا دوب تدفع أجار ومية وكهرباء وتلفون ودخان وورق تواليت ومنظفات ......
شو بدكوا بهالتقليعة فكك من سولافة الجيزة أحسنلك
04-08-2011 10:25 AM
الحرة
بتعرفو ليش كل هذا لانو الناس بعدت عن الدين . من حق كل بنت انها تدرس ما في مشكلة . بس والله ما خرب كل ايشي بالدنيا غير بعد ما صارت البنات تطلع تشتغل وبدها حرية اكتر من المسموح الها لا تزعلو مني انا مو متخلفة لا والله . تعرفو لو كل البنات يقعدو في بيوتهم بفتحو مجال للشباب يشتغلو وبقدرو يتجوز وبنبعد عن كل ايشي حرام . انا مو عارفة البنت الي مو ناقصها ايشي ليش بتشتغل شو هالحرية الي بتاخديها بالشغل ليش ما تقعد ببيتها معززة . شو جابرها تطلع من الصباح بكير تطلع وتروح متاخرة هلكانة . انا مش عارفة كيف الموظفة بتلحق تروح على بيتها وتشوف ولادها وتنظف بيتها وبتعب حالها شو هالاستقلالية . شو جابرة كل واحدة تتحمل تتهاوش مع البسوى والي مابسوى لو على فرض يحكو لكل موظفة شو رايك اذا كان جوزها موظف نزيد راتب جوزك وتكون هذي الزيادة الك وتقعد انت في البيت ونشغل محلك. يعني على فرض بتاخد هي راتب 250 دينار يزيدو راتب جوزها 100 دينار الها وتقعد في البيت . لانو اصلا باقي الراتب بتحطه على الخدمات وعلى المواصلات وعلى الحضانات. ويشغله محلها شب . اول ايشي الشباب بتنفرج عليهم وبقدره يتجوزه.
04-08-2011 10:34 AM
بنت اردنية نشمية
يا اخوان والله ان خلية بلية والله في عوائل ما بدها غير السترة لابناتها ويكون بخاف الله ويجيب الاساسيات بس بس بدكوا الصراحه الوحده لما تكون متعلمة وموظفة وراتبها عالي يا بتوخذ شي منيح يا بلا صح مش تروح تحط كل شي عندها من حلوه وراتب وسياره لرجل ما بستاهل ويتحكم فيها صح وبرجع احكي البنت حسب امكانياتها يا بتوخذ شي منيح يا بلا مو تحسب على حالها زلمه علشان يحكوا فلانه اتزوجت بس هي بتكون اكلت هوا .بعدين صحيح اعملو احصائية على الشباب ليش بس االبنات بعدين واحد تافه اللي حكى عن البنت عانس ممكن اسال سؤال هلأ البنت هل هي عباره عن علبة جبنة الها مدة محدده وبعدها بتفسد طبعا لا ومين اللي حدد عمر للزواج والله هاي سخافه هاد الموضوع من الله نصيب يعني شو يعني بنت صارت 30 وما اتزوجت اولا مو بايدها لانه من ربنا نصيب وثانيا بصير تفكيرها اوعى وتختار شي افضل بس هدول اللي بتزوجوا صغار تفكيرهم سخيف ومحدود بشي واحد فقط لاغير وانا شخصيا لا احترم الشب اللي بكون عمره 35 وبيحكيلك انا بدي بنت 20 طيب هل بنت العشرين هي واعية هل افكاركم وحدة طموحاتكم وحده طبعا لا بس للاسف تفكير شبابنا الايام هاي سخيف جدا ومحدود بشي معين فقط بالعلاقة الزوجية .
04-08-2011 10:39 AM
نبع الوروووووووووود الى حر

بس عنجد غريب,
اكيد ما راح ولا وحده تقبل بهيك وضع
لانه احنا عندنا الزواج فشخره شو جابلك ذهب وبكم جابلك اثاث واللذي منه ...
عكلن القناعه كنز لا يفنى.
04-08-2011 10:59 AM
!_! الى اردنيه نشميه
ما فيها شي كلمة عانس

وهي بتنقال للشب وللبنت

موجوده في قاموس اللغه العربيه

وموجوده في اللغه العربيه

وهي لوصف حال

فما فيها شي وليش التحسس منها ما بعرف !!

اما بالنسبه للمرأه


هي ما الها مدة صلاحيه معينه صح

كلها عطاء لحتى تموت

بس الها فترة صلاحيه محدده بالنسبه للزواج

يعني بصراحه

المرأه لما تدخل في سن الاربعين

بتبدى علامات سن اليأس عليها

وبتبدا عملية الهدم في جسمها تظهر واضحه

وبتبطل قادره على الانجاب


يعني الرجل ليش بتزوج مش عشان

يخلفله ولد ولدين

المرأه في سن اليأس مابتقدر تخلف

ولا تجيب ولاد الا اذا تعالجت بالهرمونات البديله وهاي قصتها قصه

يا بتفكر وقتها تاخد ارمل وعنده ولاد

يا بتفكر بمطلق وعنده ولاد

يا متزوج وعنده ولاد وما بده ولاد

من الزوجه الثانيه


المرأه بالانجاب وبالحاجات الجنسيه

الها فترة صلاحيه

والرجل بختلف عنها

بتلاقيه قادر على الانجاب في السبعين

وفي منهم بالثمانين

هاي طبيعة المرأه وما شي بزعل

حقيقه وواقع .


ويا لهوي شو بيصير بالستات في سن اليأس

بتلاقيها صارت عصبيه وبطلت تتحمل حد وبتتلخبط امورها
غير الهبات الساخنه اللي ما بتتركها لمدة طويله بتوصل لخمس سنوات

وبتصير حساسه واللي حواليها بدهم يداروها

يعني اشي معروف ومش مخبى
وفي ستات بتتطلق في هاي الفتره

لأنه الزوج ما بتحمل الجحيم اللي
عايش فيه وهو ما بكون مقدر حجم المعاناه اللي هي بتمر فيها .

لا النا فترة صلاحيه وبعدها بنتغير
وهمنا بنصب على الاسره ككل وبتخف متطلباتنا الجسديه .
04-08-2011 11:01 AM
لا و الف لا
قديما كان الزوج قادر على مصاريف ما بعد الزواج : ما يعني بيت مستور و طعام كافي و مصاريف الدراسة و العلاج و قادر على اعالة الزوجة و الاطفال ,اليوم مع ارتفاع الاسعار و انخفاض الدخل و الوعي اصبح الرجل غير قادر على اعالة نفسه و دخانه و ارجيلته و سهراته و سيارته و تلفونه و اشتراك النيت وغير غيرو , كيف البنت بدها تأمن لواحد من هاي الشاكله, طول ليله سهران في المقاهي مع الشباب و طول نهاره بتشكون المدير مشغلني متل الحمار . و هاد شغل جيزة؟ خلي بحضن امه احسن يروح يشحد اخر الشهر بكيت دخان
04-08-2011 11:10 AM
ال31
ال31
في العصور المظلمة كان هناك نظام الزوجة (ربة البيت و ملكة مملكة الرجل الزوج)والعبدة التي تقوم على الخدمةوالاشباع.
الزوجة هي ام الاولاد و هي المربية و هي صاحبة المشورة و اخت الرجال التي بلجاء اليها الزوج في كل شئ .جاء الاسلام و حمل معه التطور و الرقي ومنع العبودية.
لكن يظهلر ان البعض لايزال يحلم بزمن الجاهلية وليس فقط الجاهلية انما الجاهلية المجانية اي يريدها ضغيرة جميلة تخدمه تشبع رغباته تنجب تربي تعمل ذات مال ذات عقل مدبر حريصة حصينةو قابلةللإستبدال كل 10 سنوات و اقل(حسب تقدمها في العمر).
يارجل اتقي الله في نفسك و زوجك واولادك .
04-08-2011 11:21 AM
وزير
انا صار عمري 32 سنه ونفسي اجوز
04-08-2011 11:26 AM
الى 31
هل الفكرة من الزواج هي اشباع الرغبات و الانجاب فقط ؟العبارة الحياة المشتركة التشارك في الحياة بحلوها و مرها التشارك في الافكار في الاراء في الرغبات .
ولنفترض اننا سنتبع اسلوبك هل هذا معناه:في عمر 30 تتزوج فتاه عمرها 20 و في عمر 40 بتتزوج فتاه عمرها 20 و في 50 كمان فتاه عمرها 25 و في عمر 60 بتتزوج الرابعة و ممكن تتنازل وتختار فتاه عمرها30 (على اعتبار ان مدة الصلاحية هي عشر سنوات)و اذا مد الله في عمرك ممكن تغير واحده من القديمات و تأخذ بنت 20 مرة اخى لتجدد شبابك .
ما هذه العقلية و ما هذا المنطق ,ماالمشترك بين زوجين يزيد الفارق بينهما عن عشر سنوات ؟
04-08-2011 11:32 AM
الى جميع الشباب
نعتذر.....
04-08-2011 11:39 AM
الى 34
الفكرة مش صار عمري .... و بدي اتجوز ,يا عالم يا ناس الفكرة هي: لقدوجدت شقيقة(شقيق) روحي و اريد ان امضي كل حياتي معها(معه),الفكرة هي :تعرفت الى من اتمنى ان تكون من نصيبي و تكون ام اولادي .الموضوع و ما فيه ان يشعر الانسان انه وصل الى مرحلة يريد فيها ان يكون له بيت خاص به ان يكون له شريك فيه ان يكون له امتداد(اطفال)و ان يبحث او يلتقي بالانسان الذي يريد ان يدخله كشريك لحياته,ان يتخيل ان الابنه ستكون ضورة طبق الاصل عن الام و الابن صورة طبق الاصل عن الاب . و يكون سعيدا بهذا الخيال . في هذه الحالة يحق للإنسان ان يقول اريد الزواج
04-08-2011 11:50 AM
مدهش
لا الحكي ما بصير يا مدهشة ولو ما إحنا قبل شوي كنا حبايب ونلعب بالحارة مع بعض بس الحق مش عليكي الحق علي أنا لأني طيب كتييييير والله كتيييييييييييير
04-08-2011 11:50 AM
بنات اخر زمن
هل بنت 15 الغير متزوجة تعتبر من ضمن الاحصائية ؟في اشي غلط .
شو لو كانت الاحصائية تاخد من عمل 25 مثلا؟ او حتى 30 ؟بس البنت تخلص مدرسة و جامعة و تشتغل و تعقل و تبطل بدها عريس شهاده(بدهاالاخت دكتور و لو كان حمار شاري شهاده)او معو مرسيدس لون ابيض (و لو كان على ذمته 3 و مطلوب لجهات امنية)
04-08-2011 11:58 AM
برقش
من قلة الزلام.....
04-08-2011 12:08 PM
محمد العبادي
نعتذر..........
04-08-2011 12:10 PM
طبــــــــــــــــــــــــــــــــــــــــوش
نعتذر....
04-08-2011 12:21 PM
طايش بس عايش
ننصح الاهالي يخللوا بناتهم و زيادة نسبة ملح الليمون على بناتهم حتى مايخربوا مع الزمن ...
04-08-2011 12:33 PM
راااااااااايق الى 1 مدهشه
ههههههههههههههههه الي ببطنو عظام ماينام
04-08-2011 12:37 PM
نسرين شحادة
الله يعطي كل واحد ووحدة اللي بيتمناه وما ننسى انه(الطيبون للطيبات....)...
04-08-2011 12:38 PM
زياد عصام لطفي
للفتيات العزباوات, انني شاب مسلم و على خلق متزوج, و أود بالزواج مره أخرى ...........
04-08-2011 12:38 PM
س
كم عمرك يا زياد
04-08-2011 12:48 PM
سوار راشد
جزاك اللة خيراً يا أخ زياد لطفي,,
و انني على اتم الاستعداد للتواصل معك , و شكراً
04-08-2011 12:52 PM
عراقي بديع
لك بابا عيب , انت مجال للعزابية
04-08-2011 12:56 PM
زياد عصام لطفي
اشكركم على التعليق ,
عمري 26 سنة
اما بالنسبة سوار راشد , كيف تريدين طريقة التواصل ؟؟؟؟
04-08-2011 12:58 PM
جمال نسور
انا مبالغ فية,,, و الله يا زياد قلبت علي المواجع
04-08-2011 01:00 PM
خليل ابو زينب
انا عمري 56 عام و عزابي و ما لقيت نصقي الاخر
04-08-2011 01:02 PM
سوار راشد
يا زياد صار عندي فضول اتعرف عليك،،، و بدي اشكر جراسا يلي اعطتني الفصرة للتواصل
04-08-2011 01:04 PM
ولد
الواقع ان نسبة العنوسة في الاردن مرتفعة بشكل كبير جدا ...والعزوف عن الزواج ايضا يتفاقم بشكل خطير ...وكل هذا بسبب عدة اسباب احب ان اقوم بتوضيحها وهي ...الوضع الاقتصادي الراهن بكل ما فيه من ارتفاع في اسعار متطلبات الحياة من سكن واثاث ومأكل ومشرب وطاقة ....تعليم البنات أدى الى تأخير سن زواجهن ...دخول المرأة الى سوق العمل ادى الى تأخير سن الزواج ...بطالة الشباب الذكور ...ارتفاع المهور وهذا سبب هامشي في الواقع وليس سبب رئيسي ...هذه الاسباب تؤدي الى العجز الجنسي عند الشاب وضعف الرغبة الجنسية الناجم عن الهموم الناجمة عن الوضع يؤدي الى مزيد من العزوف عن الزواج ...وفي دراسة قريبة وجد ان نصف رجال الاردن مصابين بالعجز الجنسي ...وهذه مسألة تفاقم الوضع في ظل اوضاع ضاغطه ..تؤدي الى مزيد من العنوسة ومزيد من العزوف عن الزواج ...اخبرني شاب في العشرينات بخبر اصابني بصدمة وهو انه يخاف ان يتقدم للزواج لسبب هو انه غير واثق ان لديه القدرة الجنسية المناسبة ...نعم الضعف الجنسي الناجم عن الضغط النفسي والعصبي امر واقع لا يجب تجاهله ...لأن الانسان اذا كان في حالة نفسية مستريحه كان وضعه غير ان يكون في حالة نفسية مليئة بالهموم ...نعوذ بالله من الهموم ومن مسببات الفساد والفتن ونعوذ بالله من كل لذة تغضب الرحمن ونعوذ بالله من الفشل والعجز ونعوذ بالله من سوء الفتن ولا حول ولا قوة إلا بالله العلي العظيم

04-08-2011 01:06 PM
رامي محمد سعيد صالح
اللهم اني صائم،

انا مضغوط من النساء , انشاللة ان اجد وحدة من 35% تفهمني
04-08-2011 01:09 PM
ابو معشر
لازم نشوف حل ,, هاي مشكاة كبيرة
04-08-2011 01:19 PM
ر الى خليل
56 ولساتك عزابي تتزوج وحده عمرها 39 سنه بنت بنوت شو رايك
04-08-2011 01:34 PM
اليتم
الوضع حالة من حالتين : متزوج ومبسوط وبقدرش يثني احترام وتقدير للي عندة , او متزوج وماكل روح الخل وبقدرش يثني بسبب الاعاصير التي ستحدث ,
والنسوان بدهن مكانة اجتماعية وتكاليف غندرة فاصبح الشباب جالس بالبيت يلعب كمبيوتر لسن ما بعد الثلاثين هاظ اذا تركت امة دخلة بدون ان تنفقة تحت عنوان رضى الوالدين , والبنت تعمل وتجلس بالبيت ويساعدها والدها لمساعدة زوج المستقبل اذا اتي .
ومعظم الشباب بالوقت الحالي لا يسأل عن الفتاه او اهلها , وانما يسأل عن الام هل هي دبابة ام بلدوزر ام اعصار , ام اليفة لا بتحل ولا بتربط ( وهذا النوع هو المطلوب ) , والخوف تقلب الموجة بعد تزويج اخر بنت .
اذا بدها جراسا نكتبلها سلسلة قصص واقعية عن كل ما ذكر اعلاة.
04-08-2011 01:58 PM
مدهشة
الى المدهش
مش زابطة
العب غيرها
04-08-2011 02:16 PM
أردنية اصلية
إلى كل المعلقين مساء الخير
اتخيلو حياتنا بالاردن قبل 10-15 سنه كانت ابسط بدون نت ولا تلفون خلوي بكل بيت اذا مش عشرة قول عشرين ومختلف الشبكات وما تنسو شو بتجر هذي التكنولوجيا من علاقات خلينا انقول طياري من كلا الجنسين وبالاخير بنحكي بدنا نتزوج بنت حلال ما بنعرفها وتخيلو بعد ما صار بينهم حب وغرام وغيره طيرت قلوب الشباب من البنات وكل واحد بحكي ما بوجذ بنت الاتكون تشبه امي ودور يا ولد!!!!!!
04-08-2011 04:24 PM
الى رقم 31
......
رد من المحرر:
نعتذر
04-08-2011 05:45 PM
الكرك
بلا جيزه بلا هم يا دوب مكفينا هالراتب
04-08-2011 06:53 PM
الى مدهشة
لما الوحدة تكون مثل حلاتك شغل طق حنك مع هاد وهاد وما بتعرف تقلي بيضة اكيد بدو يصير فيكو هيك وما حد من اقل الشباب يرضى بهيك اشكال مدوية كالنحل في الجريدة وين ما كان بتزن
04-08-2011 07:10 PM
مدهشة
الى 63

غلطانة

لعلمك 100 الف بني ادم بتمنى وحدة زيي

لا تخافي علي من هالناحية لة بدي من هسه بخذ احسن واحد و ابن اكبر عشيرة
04-08-2011 08:34 PM
اياد
مساء الخير ، انا بدور عروس وعمري 36سنه مطلق ،، راتبي 400دينار واللي بناسبها وضعي تراسلني على اميلي ,,,,,, وشكرا
04-08-2011 10:46 PM
اياد
للأسف ولأسف ،، المتزوجه بتصاحب على زوجها ، ليش ما بعرف ؟؟؟؟؟؟؟؟
04-08-2011 10:48 PM
اياد
ايميلي : ............
رد من المحرر:
لا نقوم بايراد الايميلات وشكرا
04-08-2011 10:50 PM
اياد
رقمي .........
رد من المحرر:
لا نقوم بايراد الارقام الخلوية وشكرا
04-08-2011 10:55 PM
سوار العسل
الله يستر عليهن خليهن عند اهلهن\احسن الهن
05-08-2011 02:43 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات