اغلاق

محتار من أختار السمراء ام الشقراء


جراسا -

الكاتبه مها احمد - لم أتفق مع زوجتي وكان لا بد من الإنفصال، والحمد لله لم ارزق منها بأطفال الامر الذي شجعني على اتخاذ قرارٍ كهذا.
بعد مرور وقتٍ على انفصالنا بات امر الزواج من فتاة جميلة وخلوقه تحبني واحبها لإكمل مشوار الحياه معها هو الأكثر إلحاحاً، مرَ وقت قصير وبعدها، أثارت إحدى زميلاتي في العمل إنتباهي، فيها جمال جاذب، صِبغةٌ سمراء مثل التي أحبها في قهوة الصباح، لمعةٌ أسِره وعسليتان أخاذتان،

بدأت التقرب منها شيءً فشيئا، فوجدت بعد تتابع من أحاديثٍ طويلة، تقاربً فكري بيني وبينها، وبعد مُضي وقت مناسب لأخذ قرار بإرتباطٍ وثيق، قررت مصارحتها وأخبارها بمقصدي وصدق غايتي، وبادرتني باستحياءٍ، وحديثٍ خَجل بأنها تبادلني صدق الشعور والنية، مما جعلني أستبدُ بفرحتي وأقطع سيل الاستحياء ذاك ومطرف النظرات، بحديثٍ صريح يوضح الحال من قبل وبعدها، ومما جعلني اتمادى في فرحتي تأكيدها لي أنها على استعداد للعيش معي بكل الأحوال.

ولكن حصل شيء وجعلني متردد في ذلك ، جاءت زميله جديده شقراء البشره جميله الوجه ، عندما رايتها دخلت في قلبي وأنستني زميلتي السمراء وقررت الزواج بالشقراء
وهنا وقعت في حيره!!

من اتزوج..!
هل اتزوج السمراء التي تحبني ومستعده ان تضحي بالكثير لأجلي؟
ام للشقراء جميلة الوجه، التي لم ارى بجمالها، برغم أنها لا تبادلني أي شعور؟!
فقدت قدرتي من التفكير على النوم، وصار كل حديثي مع نفسي أيهما أفضل ولأيهما أذهب؟
ماذا افعل لا أريد السمراء لأن زوجتي السابقه كانت سمراء ولا اريد أن اعيد الكره ولكن بنفس الوقت اتزوج الشقراء التي لاتفهمني مثل السمراء ولا تبادلني الحب كما تبادلني اياه السمراء

فكرت أن اتزوج كليهما، وذهبت إلى زميلتي السمراء طرحت الفكرة أمامها، وهنا غضبت وبشده من كلامي ورفضت إكمال أي حديث معي، تداركت موقفي هذا وأخبرتها أنني كنت أمازحها لأتمكن من رؤية قدر محبتي عندها.
والى الان انا في جدالٍ ونفسي من اتزوج منهن السمراء ام الشقراء ام انسى الاثنتين معا وابحث عن فتاة أخرى، وعلي الاختيار واطلب اعطائي رأيكم في موضوعيمحتار من اختار



تعليقات القراء

دكتور
اختار السمرة
رد بواسطة القبطااااااااان
ولا احلى من الابيض ولا ترد على حدا ,, خذ مني ,,,
26-05-2020 02:35 PM
ابو سمارة
بنصحك تختار البنفسجية
26-05-2020 03:45 PM
المتزن
السمار حلو
بس البياض احلا
بس تطفي الضو بتبلش الاضاءة
اما السميرا بدك بتولع نواسه بيعنك الله وبهيك بتزيد كهرباء ومع فرق الوقود بتولع احسبها ههههه
رد بواسطة السوسنة
سمرة ونغشة ولا بيضة ودفشة

البياض اوقات مقرف
رد بواسطة المتزن
ههههه
مش شرط
رد بواسطة هناء..
هههههههه
رد بواسطة السوسنة متزن
دائما الأمثال بتطلع لما يكون في اغلبية للموضوع

يعني من الشواذ تكون بيضاء ناعمة

ونحنا بنتعامل مع الاغلبية
رد بواسطة القبطاااااان
ياشيخه، ، يعني كل اوروبا حاله شاذه ههههه، اجمل نساء الكون. بيض البشره. روسيا البيضاء تقال للمدح والقاره السمراء مابعتقد مدح ههههه
رد بواسطة السوسنة قبطان
قبطان

اوروبا...كل نسائهم مقززات ...هاد رأيي
26-05-2020 04:30 PM
نسر الجبل ***
خذ السمرة وانت مغمض اي هو في بعد السمر
اسمر سمارك زين
مع احترامي للبيض والشقر طبعا
رد بواسطة القبطااااااااان
ولا ترد عليه ههههه مهو مش بيضا ووزنها 120 بتخربها هيك ,, عادي بيضا زاكيه خفيفة دم ,,, بتنفع بليالي انقطاع الكهربا هههههه مش ما تعرف رجلك من رجلها هههههههه
رد بواسطة نسر الجبل ***
ههههه
كلهم حلوين قبطان
السمر والشقر
لكن المهم تكون فرفوشة ومش نكدية
اهلا بك قبطان
رد بواسطة نسر الجبل ***
ههههه
شو مالها الناصحة مش مشكلة ١٣٠ كيلو وزنها هاي منها فرشة ومنها مخدة ومنها لحاف ههه
يسعدك قبطان
26-05-2020 08:51 PM
القبطااااااااان
خذ الشقرا جكر بالسمره ,,, ههههههه
رد بواسطة السمره
السمره ما بتنجكر ........ ههههههههه
رد بواسطة هناء..
طيب الحنطاوي ما بنفع... هههه
26-05-2020 10:54 PM
القبطااااااااان
السوسنه
يعني لازم تكون البيضا دفشه ؟؟؟ انتي شفتي رفيف بمسلسل زواج مصلحه ,,, كهربا البنت ههههههه
رد بواسطة هناء..
انا بحضره للمسلسل حلو..
رد بواسطة السوسنة قبطان
مابحضر مسلسلات

انا بس بحب احضر افلام اجنبي
رعب ..خيال علمي
او افلام قديمة اسود وابيض
وكله على تلفوني
رد بواسطة القبطاااااان
احيانا بتابعه،،،، بتفرج عالنسوان الحقيقيات مش ام تسعين سمط
رد بواسطة القبطاااااان
تسعين سم
26-05-2020 11:29 PM
السمره
ما في الوان ثانية مثلا Orang
رد بواسطة القبطاااااان
شغالين على هاللون وهاليومين بننزله عالسوق، ،، بتمنى ينال اعجابكوا ،، تصويتكوا يدعمنا هه8ههه
رد بواسطة الى السمورة الحلوة
لا مش ضايل عنا الا اخر حبه لونها Pink ع لون الاظافر اذا بدك
27-05-2020 12:02 AM
عفاش
طول بالك شوي ممكن تيجي زميله زرقاء
هههههههههههه
رد بواسطة القبطاااااان
قصدك من الزرقا هههههه
27-05-2020 12:17 PM
السوسنة السوداء
بالسؤال
وضع السمراء بالاول

ههههه
رد بواسطة القبطاااااان
مجرد اساءة اداره هههههههههههه
27-05-2020 04:32 PM
أصيل الطراونه
ولا وحده حتى لو تركواز مهو المخ واحد ههه
رد بواسطة القبطاااااان
انت بدك تفصيل هههههه
رد بواسطة أصيل الطراونه
هههههه ما اتوقع تزبط كمان
27-05-2020 05:21 PM
السوسنة
دائما الانسان يبحث عن نقيضه
الابيض بحب ياخذ السمراء
الاسمر بحب البيضاء
27-05-2020 06:48 PM
أصيل الطراونه
كل عام وانتم بخير وتقبل الله منا ومنكم صالح الأعمال والطاعات اللهم امين
رد بواسطة القبطااااااااان
وانت بالف الف خير يا غالي ,,,, بالعيد جيت عالكرك ,,,, كم ساعه ورجعت لعمان ,,,
28-05-2020 12:48 AM
القبطاااااان
منك صباح الخير ماهي بالحروف
ابيات شعر وشوق واغاااني

يسعد صباحك والغلا داخل الجوف
يظهر بعيني قبل ينطق لساني
صباح السعاده
28-05-2020 07:28 AM
د.يوسف
كل عام وانتم بخير
رد بواسطة القبطااااااااان
وانت بالف خير دكتور ,,,,
28-05-2020 10:37 AM
السوسنة السوداء
محتار من اختار

سجع
رد بواسطة الى السوسنة
ما هو السجع في اللغة العربية ؟؟؟؟؟؟
رد بواسطة السوسنة الى السائل عن السجع
انا تخصصي مش لغة عربية لكن الي شايفه في كلمتين الهم ايقاع صوتي متشابهه وجميل

محتار واختار

من النت ممكن نشوف السجع وغيره
بتقدر تشوفه عالنت

وممكن تشررح النا السجع بطريقة سهلة

للي سأل السؤال
بستنى جوابك
رد بواسطة إلى السوسنة
اذا كان تخصصك تشريح حيوانات
فأنا تخصصي تشريح مركبات
فلا تنتظري إجابتي
لأن انتظارك سيطول كثيرا كثيرا!!!!!
مع تحياتي لك و للأخت حفيدة( جابر بن حيان) !!!!!!
28-05-2020 05:45 PM
القبطاااااان
السوسنه
واذا عالامثال النثل قال، ، القلب وماحب لوكان اسمر ودب هههه ماقال ابيض لانه بتصير مدح ههههه
28-05-2020 07:55 PM
القبطاااااان
السوسنه
شوبدك بالسمرا والبيضا، ، انتي احلى من الكل،، بادبك واخلاقك
رد بواسطة السوسنة قبطان
اخي القبطان
شكرا الك يا أصيل
رد بواسطة القبطااااااااان
ولو معاليكي ,,, اللي في الناس بنعدّ ,,,,,
رد بواسطة سوسنة قبطان
مافهمت تعليقك
رد بواسطة القبطاااااان
قصدي الصفات الحميده بالناس، ، يجب ان تذكر
28-05-2020 07:57 PM
سالي ام ادم
مرحبا كيفكم اشتقتلكم
رد بواسطة ..........
مبروك ادم يا ام ادم
فرحنالك
رد بواسطة سالي ام ادم
الله يبارك فيكم
28-05-2020 08:26 PM
القبطااااااااان
نسر الجبل
ام 120 كيلو اذا وقعت يوم واغمى عليها ,,, بدك واسطه عند الدفاع المدني عشان يقبللوا ييجوا يساعدوك ههههههه
28-05-2020 10:24 PM
القبطااااااااان
في كم بيت شعر بس نسيتهم عن موضوع النصاحه المهم الشاعر بحكي انه بده اياها 55 وما تعداها
اشوفها حقيقه مثل الخيال
يعني ان جعت الليل يمكن اتعشاها
28-05-2020 10:29 PM
القبطااااااااان
السوسنه
عن اي اوروبا بتحكي ,,,, حرام عليكي يابنت الحلال
الاسبانيات تحف ماشيه عالارض ,, اوكرانيا ودول الاتحاد السوفييتي ,,, لعب ماشيه عالشارع ,,, ما بتعرف بشو تتغزل ,,,
انا عايش عندهم وبعرفهم ,, من لون بشره لنعومه يابنت الحلال والله في بنات عندهم واقصد اغلبهم وجهها مثل السيراميك ,, مرايه ,,,, ما بتعرف وين تتطلع ,,,,
الطول ولا الرشاقه ولا الابتسامه ولا صف الاسنان ولا ,, ولا ,,,,
رد بواسطة السوسنة قبطان
ذكرتني بالطول

احلى طول هو الوسط

الاجنبيات كثير قامتهم طويلة فوق السبعينات
صراحة بشوفه طول رجل...الطول اذا زاد عن حد معين للمراة ببطل جميل

ذكرتني بهيفا ماجيك


بعدين اي رشاقة
اذا بتشوف الاجنبيات صح عندهم سمنة وكل الي بالمسلسلات هذول ممثلات
مابمثلوا المجتمع صح
28-05-2020 10:33 PM
القبطااااااااان
لقيت وحده في محل عطور بقول الها شو اللي على السن حاطيته قالت لي هاي لؤلؤه اكسسوار عالسن (الناب)
يخرب بيتك انتي ناقصك لؤلؤ ,,, قسما بالله الي خاطر احملها واهرب فيها ههههههه
28-05-2020 10:34 PM
القبطااااااااان
مهو في نسوان للزواج والحب ,,,, وفي نسوان ,, لمجرد ادامة النسل ههههه
رد بواسطة السوسنة قبطان
قبطان
بدك تاخذ اجنبية عشان جمالها
لكن هل بتضمنها تربي الك ابناء
الجمال شو مابقي زايل

الانسان بتطلع للمستقبل
وفي عربيات جميلات ...واهم من هاد كله التوافق الروحي ...والجاذبية
رد بواسطة القبطااااااااان
يعني بمجرد اني قلت نسوان للحب والزواج ,, قلتي ((( قبطان
بدك تاخذ اجنبية عشان جمالها
لكن هل بتضمنها تربي الك ابناء
الجمال شو مابقي زايل))))
شفتي ,, انتي اللي قارنتي الاجنبيه بالجمال مع انه ممكن بيضا وشقرا وحلوه وطويله وعربيه وتربي اولادي ,, مش شرط جعفر يربيهم ,,,,,
28-05-2020 10:35 PM
القبطااااااااان
لو لا جمال البنت البيضاء
ما اخترعوا البودرة ,,,,, عزيزتي
رد بواسطة سوسنة قبطان
لولا. جمال السمر
كان الاجنبيات مادهنوا انفسهم زيت وعرضوا بشرتهم للشمس ليكسبوا السمار عزيزي
28-05-2020 11:10 PM
القبطااااااااان
سالي وعرفناها ,,, ادم منين اجا ؟؟؟ متى اجا ؟؟؟؟
رد بواسطة سالي ام ادم
ابني
رد بواسطة القبطاااااان
ماشالله مبارك، ،، يعطيه الصحه ياارب
28-05-2020 11:11 PM
القبطاااااان
جاني كلام إني معك كنت كذاب .. واني محملك الشقى والأسية
واني ابيع الود وابيع الأحباب .. وش باقي ما قلته حبيبي عليّه

ظالم واخاف عليك من يوم وحساب .. ياخي حرام اللي تسويه فيّه
ارفع إيديني طالبٍ رب الأرباب .. واتذكر العشرة وانزل إيديّه
شمت فينا اغراب وابعاد واقراب .. خليت ذا يحكي وهاذي وذيّه
اهديلك البسمة وتهديني انياب .. ليش الوفا في شرع مثلك خطيّه

الله بلاك بناس تفرش لك اهداب .. والله بلاني بناس ماهي وفيّه
ياليت عندي شوي من غدر الأصحاب .. ياليت عندك من وفايا شويّه
رد بواسطة للقبطان
الله اعلم مين اللي مقصود من هالمعاتبة القوية
رد بواسطة القبطاااااان
ولا حدا والله، ،، بتحرموا الواحد يفضفض ههههههه ،،،،
رد بواسطة القبطااااااااان
والله يا عزيزي ما حد مقصود كل الحكايه انه الفيس بوك بشارك معي الذكريات وهاي كنت ناشرها قبل كم سنه وقام الفيس بتذكيري بها ,, ,, وكوني لازلت انا ,, فاكيد رح تعجبني كلماتها مره اخرى ,,, انا انسان روتيني ,,, ما بحب التجديد ,, والله لما اغير السياره او التلفون بظل متنكد شهر على بين ما اتعود عالجديد ,,,,
29-05-2020 01:23 AM
معلق قديم جدا
لقد هرمنا يا قوم
رد بواسطة القبطاااااان
احكي عن حالك هههههه
29-05-2020 06:33 AM
السوسنة قبطان
رحت شفت المسلسل ورفيف

مالقيت هالبياض
عند العرب بياض اجمل منه واكثر

داهنة وشها علب بودرة
وكمان بودرة للجسم مش مخلية

وطولها مش هالقد يادوب ١٦٥

ومراد خطيبها تركها وحب عليها وحدة سمراء
رد بواسطة القبطاااااان
رفيف حلوه وبيضا، ، لكن هذيك شبر ونص ماحبيتها
اابياض اللي جوا لما تلبس شي مكشوف ببين شو بيضا
رد بواسطة القبطاااااان
عند العرب يمكن في احلى منها لكن كنسبه، ، العرب اخر مقاييس الجمال من القصر والنصاحه وقلة الاهتمام
29-05-2020 07:00 PM
سوسنة قبطان
قبطان الك فوق تعليقات ما رديت عليها

كانك اقتنعت بكلامي
رد بواسطة القبطاااااان
لا طبعا بس انشغلت، ، المهم السمرا بتحط كريمات لتصير بيضا عشان يزبط المكياج، ،، البيضا مش بحاجه
رد بواسطة القبطااااااااان
هيني رديت بالاجمال ,,,, بشموليه اكثر ولا تعتبر اي شخصيه هنا او باي مكان اني بقصدها ,, لكن احنا بناتنا سمر البشره ,,, بالغالب ,,,, بدها تشوف حالها احلى هاي وجهة نظرها ,,, لكن بالاخر ,,, احنا اللي بنختار ههههههه
30-05-2020 12:07 AM
مين انا
مداخلة سريعة
ذكرني بقصة الخرفان البيض ولا السود
هاي قصة طويلة وبعدين بحكيلكوا اياها لاني مستعجل
واكيد كلكوا ابتعرفوها لانكوا اكثرين حكي
رد بواسطة الى مين انا
متزن احكيها لو سمحت
رد بواسطة السوسنة الى من انا
كلامك صحيح
حكي كثير دون فاىدة
رد بواسطة القبطاااااان
بما انك مستعجل شو رايك تغبر وراك، ،،
رد بواسطة القبطاااااان
لولاني مستعجل كان شلحت من رجلي وسلختها بوجهك بس بخاف اتاخر لما ارجع البسها لانه الها رباط
رد بواسطة المتزن
ليش دحشتني بالسؤال
اسئل مناحي ههههه
30-05-2020 09:51 AM
الى......
كل الحوادث مبداها من النظر ومعظم النار من مستصغر الشرر

والمرء ما دام ذا عين يُقلبها في أعين الغيد موقوف على الخطر

يُسر مقلته ما ضر مهجته لا مرحباً بسرورٍ جاء بالضرر

كم نظرةٍ فتكت في قلب صاحبها فتك السهام بلا قوس ولا وتر
30-05-2020 07:27 PM
غض البصر
(قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ)[30-31: النور].
30-05-2020 07:28 PM
السوسنة السوداء
مين بكتب باسمي
رد بواسطة القبطاااااان
اكيد وحده بيضا انقهرت من كلامك، ،، شايفه انا بزبط فيها وانتي بتخربي علي هههههه
30-05-2020 09:13 PM
سالي ام ادم الى القبطان
الله يبارك بعمرك عقبال عندك يارب
31-05-2020 01:13 AM
السوسنة ١
بصراحة كل تعليقاتي كانت على العنوان

الان بدنا نعلق على المشكلة
31-05-2020 02:39 AM
السوسنة ٢
ماخبرتينا زوجته الاولى
سمراء ام شقراء
رد بواسطة السجع الى السوسنة
قال لك في الفقرة السابعة أن زوجته السابقة كانت سمراء
31-05-2020 02:39 AM
السوسنة ٣
على رأي المثل بعد ماشاب ودوه الكتاب
بعد ماصار مطلق ...صار بده يعيش حياته وينقي ويختار
الي صاح اله مش صاح للعزابية
31-05-2020 02:40 AM
السوسنة ٤
يعني هالبنات الحلوات قاعدين عم بستنوا شخص مطلق ليجي ويختار وينقي
رد بواسطة القبطااااااااان
والله يا سوسنه ,, في ظل هالكساد والعزوف عن الزواج ,, اه بختار وبنقي ,,,,
31-05-2020 02:44 AM
السوسنة ٥
صاحب المشكلة
من متابعة مشكلتك
انت انسان مزاجي بتغير افكارك بلحظة
يعني بعد الشقراء ممكن تجي حمراء ووشها منمش وتترك الشقراء

الله يعين زوجتك الاولى على هالصفة الي عندك وممكن هي الصفة سبب دمار زواجك الاول
31-05-2020 02:45 AM
القبطااااااااان
احنا العرب النا طريقه بجبر خاطر حالنا غريبه ,, يعني لما نحكي عن البنت البيضا والسمرا بتيجي السمرا بتقول لك (( اسمرنغش ولا ابيض دفش )) منين عرفتي انه ابيض دفش ,, مهو ممكن يكون ابيض ونغش عادي ,,, وممكن اسمر وثقيل دم ,,, حتى ربنا لما وصف حوريات الجنه وصفها ب بياض البشره ( باتفاق جمهور العلماء بالتفسير (كذلك وزوجناهم بحورعين }..[الدخان: 54 ] والحور جمع حَوراء، وهي المرأة الشابة الحسناء الجميلة البيضاء شديدة سواد العين)وقيل ايضا (ولا تسمى المرأة حوراء حتى يكون مع حور عينها بياض لون الجسد" انتهى من "حادي الأرواح" (ص)219).
فلا يستطيع احد ان ينكر ان البياض هو احد صفات الجمال ولو فضل البعض غير ذلك ,, فمثلا في افريقيا فانهم يرون المراه السوداء حالكة السواد اكثر جاذبية وجمال من البيضاء والسمراء ,,, وللناس فيما يعشقون مذاهب ,,,,
يتبع ,,,,,
31-05-2020 02:46 AM
القبطااااااااان
لكن ما اود قوله هو انه دائما بنحاول نظهر الطرف الاخر بغير ما هو عليه وليس فقط على مستوى بيضا وسمرا ,,,
لما تحكي انه فلان غني بطلع لك واحد بقول لك يمكن يكون هذا الغني عنده ابن بتعاطى مخدرات ومزهقه حياته ,,(( حجة المطربل ) طيب مهو عادي ممكن واحد طفران ومش لاقي يوكل وكثيرين عندهم ابن حرامي وسكرجي ومطلع عين ابوه وكل يوم امه بتزوه بسجن شكل ,,,
ليش الغني بنظر البعض لازم يكون عنده عيب باولاده او صحته او دينه ,,, عادي كثير اغنياء بعرفهم عندهم ابناء بتحلف بحياتهم ادب وعلم وخلق ,, عادي مش هامل ولا بتعاطى ,,,
يتبع ,,,,,
31-05-2020 02:47 AM
القبطااااااااان
عادي انه غني ومعدته كويسه وبقدر يوكل التفاحه اللي قارفين اهلنا فيها ,,,, وما بغسل كلى ,,, لا بل وعلى العكس ومن خبرتي الميدانيه ,, مسجد الكاظم في دير غبار بكون فيه بصلاة الفجر عدد اكثر من اللي بماركا الشماليه ,,,
حتى بالدين ,,, القران بقول ورفعنا بعضكم فوق بعض درجات ,,,, بالمال والجمال والعقل والفهم والتفكير ,,,, ( اذا ما قلت بسم الله بالاول وصدق الله بالاخر يعتبر كلام وليس ايه ( عشان اذا فيها خطأ ما ينحسب علي ,,, ,,,عشان المتحذلقين)
وكما قال عليه الصلاة والسلام ايضا عندما ساله الفقراء بان الاغنياء ينفقون افضل من الفقراءفقال : ,,, ذلك فضل الله يؤتيه من يشاء ,,
يعني بالاخر ,, ممكن غني وبعمل خير,,,, محمد بن راشد غني واياديه البيضاء ومساجد بناها ومراكز تعليم القران بكل مكان سافرت اله ,,,, وفي اغنى منه لصوص وقتله وسفاحين ولا يتناهون عن منكر فعلوه ,, ,,,, وفي فقير بقاسمك لقمته وفي فقير بوكل اللي بيدك وبسرق الغسيل عن الحبل ,,,,, يعني بالاخر ,,, في بيضا خفيفة دم وعسوله ومؤدبه وبثق فيها تربي اولادي حتى لو كانت من روسيا ,,, وفي وحده من مكة المكرمه ما بثق فيها تدخل درج بيتي ,,,,, يعني مش لانها بيضا وطويله واموره وعيونها خضرا تكون مش كويسه ,,, ومش لانها سمرا وقصيره وناصحه يعني كويسه ,,, وبالاخر مثل ما قال المثل الغوراني ,(((( اوكل عسل انا والناس ولا اوكل زفت ,, لحالي ))) ههههههههههه
قضي الامر الذي فيه تستفتيان ,,,
رد بواسطة سوسنة قبطان
مين حكى ان الحلوة سيىة والبشعة كويسة

شو هالحكي اول مرة بسمعه
عندك اثباتات لكلامك
رد بواسطة سوسنة قبطان
بس معروف بدون شطارة شو هم الاجنبيات
عندهم صداقة ومعظمهم ما بحكي كلهم عندهم بتتعرف على اكثر من صديق شي عادي
رد بواسطة القبطااااااااان
الحوار ما كان ابدا عن الاجنبيات ,,, كان البيضا والسمرا وما كان عن الاخلاقيات ,, في سمر اللهم عافينا من اخلاقهن ,,, وفي بيض مثل ما كانت تقول المرحومه امي (( ايه بالمصحف )))
النقاش عن الجمال ,, اكيد البيضا الطويله احلى وهاي وجهة نظر عامه ,,, طبعا ما رح يعجب السمرا هالحكي ههههه
وما قلنا انه لازم السمرا تكون بشعه ,, انتي اللي قلتي البيضا ثقيلة دم وغباء ,,, انا خصصت وانتي عممتي هههههه
لا عتجد عندك مشكله يا سوسنه هههههه
احكي لي ,, فضفضي ,, بشو مزعلينك البيض ؟؟؟
رد بواسطة القبطااااااااان
انتي اللي وصفتي البيضا انها دفشه من اول التعليقات ,,, صايره تنسي معاليكي ,,,,
سمرة ونغشة ولا بيضة ودفشة
هذا تعليقك ,, ربطتي البيضا بالدفاشه ,, كانها قاعده والسمرا النغشه كانها قاعده ,,)))
31-05-2020 02:47 AM
القبطاااااان
اردني عزم اصحابه لعنده ع البيت ع شاورما..
قال لمرته: جهزيلنا سندويشات لبنة
قالتلو : يا رجل شو لبنة ما لبنة؟ انت عازمهم ع شاورما!!
قالها : لفي لبنة وما عليكي انت.
اخذ سندويشات اللبنة وفات لعند صحابه
قاللهم يا شباب.. هذول سندويشات شاورما..
بس فيه وحدة من بيناتهن لبنة
اللي بتطلع معه رح يكون العشا بكره عنده
الكل أكل من ثم ساكت
واحد طل ع صاحبه جنبه وقله: اللي معك لبنة مبين ع وجهك!
قلو: أعوذ بالله يا رجل..
هاذا مايونيز
31-05-2020 03:16 AM
السوسنة للسائل عن السجع
مين قصدك حفيدةجابر بن حيان


رحت للنت وقرات عن السجع والطباق بس صعب الخص

بدها وقت روح انت واقرأ

شو عملك تشريح مركبات...ميكانيكي سيارات
31-05-2020 08:26 PM
سوسنة قبطان
قبطان مارديت علب عن طول المراة

انا بشوف المراة الطويلة كثير هي صفات رجولية


وكمان الناس بحبوا السمار لانهم بروحوا لشط البحر ليكتسبوا السمار
رد بواسطة القبطااااااااان
يعني لما قلنا طويله ما قلنا 180 قلنا 170 حلو ,,,, مش 150 تتعرقل فيها هههههه ونسبة بيض البشره اللي بحبوا يكونوا سمر نسبة ضعيفه مثل لما الشقراء تصبغ شعرها اسود ,,, تغيير ويطلع مش حلو وبترجع شقرا
31-05-2020 08:28 PM
سوسنة قبطان
في النهاية وجهات نظر

البياض بشع كثير ودفش على المعظم وفي لباطة وغباء

هاد رأيي

والطول كثير بتصير الوحدة رجولية

كل انسان ووجهة نظره

ولولا اختلاف الاذواق لبارت السلع
رد بواسطة القبطااااااااان
البياض بشع كثير ودفش على المعظم وفي لباطة وغباء ؟؟؟؟؟؟؟؟؟؟؟؟؟؟؟؟؟؟؟؟؟
ياشيخه ؟؟؟؟؟؟؟؟؟؟؟؟؟؟؟؟ البياض بشع كثير ,,,, ؟؟؟؟؟؟؟؟ ؟ والتفاح مر كمان هههههههه ولونه مقرف هههههههه
شو بدي احكي لك ,, اللي بتقوليه مصيبه هههههه
31-05-2020 08:40 PM
سوسنة محرر
محرر
بدنا مشكلة جديدة
01-06-2020 12:18 AM
القبطاااااان
السوسنه
الحواار كان عن البيضا والسمرا مش الاجنبيه والعربيه،،، مع انه كثير اجنبيات احسن،،، لكن غي قرى بالاردن عندهم جمال وبياض وعيون ملونه احلى من الفرنسيات
01-06-2020 03:40 AM
القبطااااااااان
في بشمال الاردن وخصوصا قرية سما الروسان وحكما ,,, فيهم جمال لا موجود بروسيا ولا فرنسا ,,, بياض طول ,, عيون ملونه ,,, فلاحات يعني مش اجنبيات ,,,
يعني مش مرتبط البنت البيضا تكون اجنبيه ,,, ولا مرتبط لانها حلوه تكون اجنبيه الها اصحاب ,,, مع انه العربيات اتعدوهن بمراحل هههههه
01-06-2020 05:40 AM
القبطااااااااان
انا حكيت عن جمال الاجنبيات لانهم شقر وبيض ,, كانوا مجرد مقارنه لانه ماعنا بالعالم العربي شقر وبيض الا صدفه,,,, واكيد لما بدي اقارن الابيض بالاسمر ,,, رح يكون الابيض الاجنبي ,,, ما حكينا بتنفع زوجه ولا ما بتنفع هاي امور شخصيه كل وحده الها ظروفها ,,,, لكن اذا الخيار بين شقرا وسمرا ,, الشقرا البيضا احلى ,, بدون ما نقول انها نجسه او يهوديه ,, انا بحكي عن شخص ابيض البشره وشخص اسمر ,,, مش ابيض معه بهاق ,,,, ولا بيضا غبيه بنحكي عن الانسانه العاديه ,, اللي ممكن تكون اختك ,, عمتك ,, خالتك ,, يعني طبيعيه ,,, ( لكنها بيضاء البشره )) ما نصير نطلع عيوب ممكن تكون بأي شخص ,, غبي ,,, بليد ,,, الواحد يكون عادل بالوصف والتطبيق ,,,
01-06-2020 05:55 AM
القبطااااااااان
السوسنه
يعني بمجرد اني قلت نسوان للحب والزواج ,, قلتي ((( قبطان
بدك تاخذ اجنبية عشان جمالها
لكن هل بتضمنها تربي الك ابناء
الجمال شو مابقي زايل))))
شفتي ,, انتي اللي قارنتي الاجنبيه بالجمال مع انه ممكن بيضا وشقرا وحلوه وطويله وعربيه وتربي اولادي ,, مش شرط جعفر يربيهم ,,,,,
01-06-2020 06:05 AM
مين انا
لو سمحت يا قبطان بدون اغلاط أ ويزن كلامك وانا احترامي مفروض ع الجميع وما بسمح لنفسي بالرد عليك والنزول للمستوى ....................
اتمنى أن تكون رسالتي واضحة
رد بواسطة القبطاااااان
انت بلشت بالغلط وانا مابسمح واللي فارض احترامه،، يكتب باسمه ويحترم حاله
03-06-2020 02:49 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات