اغلاق

زوجي صديقي على "فيسبوك"


جراسا -

الكاتبة مها احمد

بمناسبة ما يسمى عيد الحب اقترحت على زوجي أن يشتري لي هدية موبايل جديد بدل القديم وفعلا اشتراه لي وكان غالي الثمن ففرحت به كثيراً.

جاءت جارة عندنا وأخذنا نتبادل الحديث قلت لها أن زوجي قام بشراء لي موبايل فقالت لي هل يعرف زوجك رقمك الجديد قلت لها لا، قالت ما رأيك لو تكلميه على الفيس وتقولي له انك معجبة أنت به ولتري ما هي ردة فعله.

فعجبتني الفكرة فقمت بإرسال رسالة له على الخاص على اني معجبة وبعد فترة من الزمن من التواصل معه قلت له أنني واقع في غرامه منذ مدة طويله ولكن كسر قلبي بزواجه من أخرى فكان رده اريد سماع صوتك ، قلت له لا أقدر اهلي بقربي وطلب مني صورتي فأرسلت له صورة لفتاة عن طريق الفيس على أنها صورتي.

ومن يومها نتراسل انا وزوجي وهو لا يعلم من انا ظنا منه انني فتاة واقعة بغرامه وكنت أحس أن الذي اتكلم معه ليس زوجي بل رجل آخر رجل يتكلم كلام غزل كله حب وهيام وحنية على عكس ما هي أحوالنا على أرض الواقع ولكلامه بالرسائل أصبحت احب أن اتكلم معه ليسمعني هذا الكلام الجميل الذي كنت أتمنى أن يسمعني إياه بالبيت حينما نكون معاً.

وفي يوم طلب مني سماع صوتي فرفضت طلبه خوفا من أن يعرف صوتي ولكن أصر على سماعه أو ينهي العلاقة بيننا
وحينها ذهبت إلى جارتي كي تساعدني في أن تكلمه هي بكلمتين وذلك ليسمع هو صوتها والذي يختلف عن صوتي أنا الذي يعرفه هو.

وفعلاً سلمت عليه في أقل من نصف دقيقة وفصلت الخط بعدها وبهذا تمت المهمة على ما يرام. وأصبحنا كل يوم نرسل الرسائل لبعضنا.

وقال لي ذات مرة أنه وقع في غرامي ويريد الزواج بي وقد وقع هذا الكلام علي كالصاعقة ولا أدري ماذا أفعل فهو يريد الزواج بي حقيقة، فأصبحت أكره زوجي لأنني لو كنت أنا فتاة أخرى والتي تتحدثت معه لكان وقع في غرامها وخطر في نفسي ذات مرة أن اعترف له بالقصة وأن اطلب منه الطلاق وأحيانا أتراجع واقول في نفسي سوف استمر معه على هذه الحالة.

أنا محتارة ماذا أفعل وأطلب منكم النصيحة في قصتي هذه.



تعليقات القراء

مها احمد إلى تعليق 62 في مشكله السابقه
انا سبق وعزمت معلقين على مسرحيه وعزمت اصيل واالقبطان ل والسوسنه وكل وقلت لهم المسرحيه تعرض بالمجان ولا احد جاء طيب شو اعمل أكثر من هيك
19-02-2020 05:17 PM
مها إلى تعليق 62
انا سالت مخرج قلت له لماذا لا تعرض مسرحيات مثل مسرحيه سمعه على تلفزيون كان رده لا نعرض مسرحيات لأن قله من الناس يشاهد التلفزيون هيك قال لي
19-02-2020 05:21 PM
مها احمد إلى تعليق 62
بإذن الله سوف تعرض مسرحيه في الصيف بس انا متأكده لو عزمت معلقين عليها لن يأتي أحد سنحاول أن تعرض بمجان
19-02-2020 05:24 PM
مها احمد
بس سؤال لماذا شعب الأردني لا يحب حضور مسرحيات بالرغم انها تعرض بالمجان
رد بواسطة يقولون
إذا عرف السبب بطل العجب !!!!!!!!!
رد بواسطة مها احمد
شو السبب انا بسال
رد بواسطة هناء..
كل شيء موجود على التلفزيون والتلفون. .
رد بواسطة شو دراني
و أنا شو دراني !!!!!!!؟؟؟؟؟
المهم أن السبب هو السبب
فلا تحرجينا !!!!!!!!!!!!!!!!
رد بواسطة مها إلى هناء
بس احنا بنعرض مسرحيات جديده مش موجوده على تلفون
19-02-2020 05:27 PM
اميرة
مساء الخير
لكل من كان هنا.. ولمن غابوا تحيه احترام
19-02-2020 06:00 PM
القبطاااااان
في محاولة رجل ياباني تجديد بيته قام بنزع جدران بيته
ومن المعروف أن البيت الياباني التقليدي مبني من الخشب حيث يكون بين جدران البيت فراغ . فعندما نزع أحد الجدران وجد سحلية عالقة بالخشب من إحدى أرجلها . انتابته رعشة الشفقة عليها . لكن الفضول أخذ طريق التساؤل عندما رأى المسمار المغروز في رجلها يعود إلى عشرة سنوات خلت عندما أنشأ بيته لأول مرة .
دار في عقله سؤال: ما الذي حدث ؟
كيف تعيش السحلية مدة عشر سنوات في فجوة ما بين الجدران يلفها الظلام والرطوبة ودون حراك ؟

توقف عن العمل وأخذ يراقب السحلية . كيف تأكل ؟
وفجأة ظهرت سحلية أخرى حاملة الطعام في فمها دهش الرجل . وعمَّت في نفسه مشاعر رقة الحب الذي أثارها هذا المشهد سحلية رجلها مسمرة بالجدار
وأخرى تطعمها صابرة مدة عشر سنوات
سبحان الله الخالق ..
ابتسم ... فرزقك مقسوم
وقدرك محسوم......
وأحوال الدنيا لا تستحق الهموم..
لأنها بين يدي الحي القيوم ولا ينساك يوم..
رد بواسطة هناء..
والنعم بالله..
19-02-2020 07:11 PM
جنوبي
مها لانها مسرحية فقط
رد بواسطة مها احمد
طيب لو مسرحيه ليش ما بحضروا هيك بأخذوا فكره ان شعب الارني كشر لا يحب الضحك
19-02-2020 07:30 PM
جنوبيات
مها يوم اكتبي النا اشي من البادية
عن شيمهم واخلاقهم وطيبهم اذا كان لك القدره على التعبير بخصوص هذا الموضوع ننتظر ذلك .. اما اذا كان لك القدره ومابدك بس بلغيني ههههه
رد بواسطة مها احمد
اختي انا عندي موهبة التأليف وهاي بفضل الله علي والحمد لله و سأكتب لكي بس يا ريت توضحي كثر حتى أخذ فكره شو بدك بالضبط
رد بواسطة جنوبيات
مادام حولتيني انثى اتوقع الامور طيبه
هههه
رد بواسطة اميرة
اخخخ يمه وبتلوموني لما اضحك
هههههههه
19-02-2020 07:33 PM
القبطاااااان
على فكره اللي بغير تلفونه مابتغير رقمه
وبقولوا ليش تحكي ههه
قال جوزك بعرف رقمك الجديد ،، هو اشترى تلفون مش رقم
رد بواسطة هناء..
انا لفت نظري كمان... كيف زوجها وما معو رقمها...
كارثة... ههه
رد بواسطة سوسنة قبطان
قبطان تحصيل حاصل
تلفون جديد مع رقم جديد وطبعا فيس جديد
رد بواسطة مها احمد
هو اشترى لها تلفون جديد بدون خط وهي اشتريت خط دون علم زوجها وصلت الفكره والخط قديم بقى بتلفون قديم
رد بواسطة سوسنة قبطان هناء
قبطان حكيت الك انت وهنا ان الموضوع تحصيل حاصل انتوا اعرفوا مابين السطور
مش كل شي بدها مها تكتبه ..بتصير المشكلة بعدين مجلد..فكروا ..طلعوا ماذا يوجد بين الاسطر
رد بواسطة القبطااااااااان
كل هالتفاصيل المهمه مش بالقصه ,, على شو اعتمد ك قارئ اذا بدي استنتج كل اشي لحالي ,,,, شو استفدت من القصه ؟؟؟ معناته احط الاحداث مثل مابدي
رد بواسطة الى القبطان
كلامك صحيح ونفس الملاحظة ههههه بس المشكله رد الكاتبة على تعليقك وهو (هو اشترى لها تلفون جديد بدون خط وهي اشتريت خط دون علم زوجها )..
طيب هو ليش اشترالها تلفون مادام ما في عندها خط ؟؟؟؟ هههههه
رد بواسطة مها احمد
بتعرف بدي اعتزل التأليف من اجلك يا قبطان الزوجه طلبت من زوجها تلفون جديد بدل قديم اللي عندها وزوجها جاب تلفون لها بالمناسبة عيد الحب وشو فيها هاي قصه
رد بواسطة القبطاااااان
معناته شوعلاقة الرقم
19-02-2020 08:38 PM
هناء..
الباص جاهز للطشة... يلا اخر راكب... ههه
رد بواسطة القبطاااااان
هنااااء
معك القبطاااااان وبتقولي الباص جاهز ،، الباص ،، هي حصّلت باص؟؟؟الطممممم
رد بواسطة المتزن
اي بااااص انسى ازمه ووجعت راس
تعال معي ونسي هههه
رد بواسطة هناء..
لا لا بالباص احلى.. اللمة والجمعة حلوة... هبل يهبلكوا الاثنين... هههه
السيارة ما بتوخذ كل هالعدد من الجراسيين... اي اصيل بده تريلا لحاله... هههه
رد بواسطة أصيل الطراونه
عليوم تجيبو باص نفسي اركبه هههههههه رااااحه صح لا سواقه ولا طريق و لا هم

الله مسيكوا بالخير جميع
رد بواسطة هناء..
اكيد الباص احسن... بس من هانا ممنوع البزر لا تفضحونا مع السايق وتوسخوا الباص خليكوا عاقلين... هههه
رد بواسطة أصيل الطراونه
ولا بسوي اشي نفسي اقعد عند الشباك واسرح بس ولااا بدي اشي بس هيك
19-02-2020 09:59 PM
هناء..
قال بيقولوا بطل في واسطة؟؟!!!
صحيح هالحكي...
رد بواسطة السوسنة مها
للأن مجرد حكي
بعدنا ماشفنا الفعل
رد بواسطة القبطااااااااان
ولا تردي على هالحكي كل سنه بطلع تعميم مثل هيك ولا حد برد عليه حتى اللي وقع القرار نفسه ما برد عالقرار
رد بواسطة المتزن
اتوقع نعم والدليل واضح
في واحد بده نقل وهينا شغالين بلكي تيسرت اموره هههه
رد بواسطة هناء..
ما انا هاد اللي قاهرني... ههه
19-02-2020 10:15 PM
مها احمد
اختي يسعدني القراء طلب مني اي موضوع اكتبه وهذا يسعدني كثيرا
وان شاء الله رايحه أكتب لك بس بدي توضحي أكثر ماذا تريدين بالضبط
19-02-2020 10:36 PM
نيالك
هنيئا لك على هذا الزوج المغفل انهفة الذي لا يعرف رقم هاتف زوجته !!!
علما ان تغيير الهاتف لا يستوجب تغيير الرقم
و لو قامت الزوجة بتغيير الرقم أفلا يعلم الزوج به أم أنهما يتواصلان عن طريق الجيران ؟؟؟؟؟
و بتلوموني ليه ؟؟؟؟؟؟؟!!!!!!!
رد بواسطة مها احمد
هي لم تغير رقمها بل معها رقم ثاني دون علم زوجها
20-02-2020 12:03 AM
المتزن.
يسعدك قمر
يسعدك هناء
فرضا مثلا لو تزوجتكن اثنتين شو بده يسير
بحالي عندي احساس اني غير انام ع السطح ويكون معاي غاز سفري عدة كاملة متكاملة لطواري هههههه
من باب المزح
رد بواسطة هناء..
واااااه عاد.... هاريدي... طخه... هههه
رد بواسطة المتزن للمنتحل
والله يلي ناسخ هالتعليق اعتبر حالك الثالث معاهن لان القدر مايركب غير ع ٣ ههههه
رد بواسطة السوسنة
مش للمتزن التعليق
رد بواسطة أصيل الطراونه
اخخخجل ولا تنتحل واذا انتحلت لا تتخلى عن اسس الرجوله الرجل كلامه قليل وثقيل
رد بواسطة قمر البوووااادي
ههههههههه
المنتحل منك لله ههههههههههه
20-02-2020 12:08 AM
السوسنة مها
مها

بالنسبة للمسرحيات
الناس مش فاضية لهي الرفاهيات
الناس بتركض على اكل العيش لاولادها
حتى لو مجاني
رد بواسطة قمر البوووااادي
المصرح لهل مصر فقط شعب فرفشه ومضحك ومصرحياتنا الاردنيه تجيب العله
رد بواسطة الى قمر البوادي
تعتبر الصحراء / البادية المنهل الغزير الذي نهل منه اللغويون مفرداتهم و مصطلحاتهم
فكيف يا قمر البولدي تحولت عندك المسرح و المسرحيات الى المصرح و المصرحيات ؟؟؟؟؟؟؟؟؟؟
رد بواسطة قمر البوووااادي
هههههههههه لا تدقق وراي
20-02-2020 12:21 AM
القبطااااااااان
الغريب بالقصه انه الزوجه اللي عامله حالها مضلومه وجوزها حارمها الحكي الحلو انها هي كمان سيئه وما صارت تحكي كلام حلو لجوزها الا عشان تخدعه ,, يعني حتى جوزها استغرب انه هالملاك هاي تكون نفسها جعفر اللي بالبيت
هو بحث عن عاطفه ولقاها بالسر حتى لو بالكذب ,,, مع العلم هو لم يبحث العواطف اجت لعند كندرته وما قدر يقاوم جعفر وهو عامل حاله نانسي ,,,
معقول هالملاك يكون نفسه ام كشه اللي ما بتحط كريم على سحنتها الا لما بدها تطلع مشوار ,,,
قال شو قدام جوزها بتريح وجهها من المكياج ,, هو ناقصه رعب ,,,,
واللي بسطح المراره انها مستغربه انه بطلع على غيرها ,, قال شو ,, بطلّع بره ,, مش لما يكون في جوه عشان ما يطلّع بره ,,,,
رد بواسطة هناء..
هههههههه
20-02-2020 02:36 AM
القبطااااااااان
السوسنه
عذرا ,, انتي بتغيري الرقم كل ما بتغيري التلفون ؟؟؟؟ الجواب لا

كيف تحصيل حاصل ,,, انا اذا بخسر الرقم مصيبه ,,, التلفون طز ,,,
رد بواسطة سوسنة قبطان
قبطان
لا مش ضروري اغير رقمي
وانا مثلك ارقامي معي من سنوات مابتركها

لكن لاننكر انه في ناس لعبتها تغير الارقام
20-02-2020 02:37 AM
القبطااااااااان
مها ,,,
انا كشخص ماعندي استعداد اروح احضر مسرحيه اردنيه لو بدفعوا لي عشان اروح ولعدة اسباب
الاول مشاكل النصوص والاعداد ونوع الطرح ,, بكون غالبا هش ولا يستحق
ثانيا : اداء الممثلين اداء مدرسي ضعيف وركيك
ثالثا : الاعتماد على ممثل واحد بقضيها يصرخ لما يفلق راسك ,, مثل طارق العلي بالمسرحيات الخليجيه بدل ما تضحك على الموقف بصير يعمل حركات هبل تخليك تضحك سخرية منه ومما يفعله علاوة على جعيره طول المسرحيه
رد بواسطة أصيل الطراونه
بروح انا وياك لينا يوم ههههه صدق لأخلي الممثلين يضحكوا عالجمهور
رد بواسطة هناء..
اكيد اللي شايف سحنتكوا بده يضحك... هههه
20-02-2020 02:42 AM
القبطاااااان
ليلى عن الود مختاره تجافينا .. يا وقت ليلى سقا الله عهد غيّاتك
الريم عقبك يريّحنا ويغلينا .. وعند اكحل العين عوّضنا خساراتك

يا من لحسنهْ زمانْ الوصل لبّينا .. يوم الهوى كان من فنّك و خدعاتك
كان الصبا فيك فتنه والعشق فينا .. مثل المحامي يدافع عن خطياتك

زاهي جمالك سبانا وكان يشجينا .. بالسحر من حسن طرفك و ابتساماتك
قلبي الذي كم خدعته في الهوى اسنينا .. ما عاد يقبل دموعك واعتذاراتك
20-02-2020 04:39 AM
من الغضبان إلى القبطان
انا زعلت وزارد غضبي فوق ما انا غضبان على المحرر لانه ما بنشر كثير من تعليقاتي بعرف إنت ما إلك اي علاقة بالموضوع...
وعلى العموم انا بعتذر منك بسبب اللبس إللي صار عند بعض المعلقين إللي ربطوا بين الغضبان والفبطان ..وانا سميت حالي الغضبان كناية عن غضبي مما أقرا من قصص مستفزة وعالعموم رايح اغير إسمي لاي إسم ثاني ....
20-02-2020 09:23 AM
..................
"""وحينها ذهبت إلى جارتي كي تساعدني في أن تكلمه هي بكلمتين وذلك ليسمع هو صوتها والذي يختلف عن صوتي أنا الذي يعرفه هو""""
.
.
.
.
هاي الجملة عليها اعدام والجريمة هي قتل اللغة العربيه
20-02-2020 09:25 AM
هناء..
صباح الخيرعالصوت اللي صحاني ودق الباب
صباح الخير عأهل الخير أهلي ولمة الأحباب
صباح الخيرعالزارع وعالصانع على الطلاب والعسكر
صباح الخيرعالتلة وعالوادي...
"""""“"""""
وصباح الخير على الراضي والزعلان من الجراسيين والمحررين...
رد بواسطة أصيل الطراونه
صباح النور والسرور والورد المنثور... لحقت الي ببالي ههههه

ام تنه برضو
رد بواسطة هناء..
ههه
بتمون..
اهم شي الزاوية نورت...
رد بواسطة أصيل الطراونه
النور نورك
20-02-2020 09:37 AM
هناء..
الووووو حلووووو وينكوا...

اصيل
قول Cheeeeeeeeeeeeees....
رد بواسطة أصيل الطراونه
تشكن
رد بواسطة هناء..
ههههه
كنت عارفة ان قلبك طيب وما بنهون عليك...
مساء الورد والياسمين
رد بواسطة أصيل الطراونه
تعبان والله يهناء
رد بواسطة هناء..
سلامة قلبك... الله يفرجها عليك...
رد بواسطة أصيل الطراونه
اللهم امين يارب العالمين
20-02-2020 09:38 AM
اميرة
نهفة
بقرأ التعليقات وبضحك
رد بواسطة هناء..
مش بتضحكي على الفاضي ... قومي جهزي المنقل والفحم وسياخ الشوي... بدنا شي يبيض الوجه... هههه
رد بواسطة مها إلى اميره
ايوه اضحكي علي خذي راحتك
رد بواسطة المتزن
هناء اهم شي السياخ عشان نعرف نشوي مش بتيجي بس تتفرجي ههههه
رد بواسطة اميرة
هاتو اللحمة والجاج وانا علي البصل والبندورة ويللا ع الشوي
واللي بتاخر بمطرق الرمان ع جنابه


اقرئي واضحكي مثلي ولا تكبري الموضوع يا مها
رد بواسطة أصيل الطراونه
انا بعملكوا الزرب لعبتي ههههه
رد بواسطة اميرة
ع هيك شاطر بالاكل
اصيل معقول ما نتصل ع الاسعاف بعد ما نذوق؟؟
رد بواسطة هناء..
لا
لازم تجيب الخروف وتطبخه كمان... يا زلمة الوجوه الطيبة بدها تنكرم...
رد بواسطة هناء..
متزن..
لا طبعاً وين اتفرج... التتبيلة والتذوق علي... يعني مراقب الاكل بالتذوق لحتى يستوي...عاد يظل شي الكوا اولا يظل مش مشكلتي... ههه
رد بواسطة هناء..
اميرة
بندورة وبصل... يلا الريحة ولا العدم... الخروف على اصيل او متزن او القبطان... مش هم الزلم... يلا ع سوق الحلال... هههه
رد بواسطة المتزن
الدفااااع المدني يا اميرة اتوقع الدفن بنفس الموقع هههههه
ونعم اصيل دايما العزابي فناااان طبخ
رد بواسطة أصيل الطراونه
ولوووو صدقي الا توكلي الذبيحه كامله
رد بواسطة اميرة
يللا يا هناء قدامي ع السوووق

اصيل ما باكل لحمة ابدا
هاتو جاج مقبول

متزن الدفاع المدني للاحتياط بلاش يصبنا تلبك معوي
رد بواسطة أصيل الطراونه
اذا بتجربي الزرب رح تعشقيه بس ما في مشكله بنحط جاج للي بده عادي
رد بواسطة أصيل الطراونه
ما بتبل اللحمه بس ملح وفلفل فقط كثر الللعب بخرب
20-02-2020 11:03 AM
مها إلى زعلان قصدي غضبان
انا الوحيده التي اعرف جيدا أن غضبان ليس قبطان وبعرف جيدا أن غضبان هي نفسها المنتحله لا تفكري لما تغيري اسمك ما بعرفك
20-02-2020 11:22 AM
مها احمد إلى السوسنه
انا مش عارفه ليش فيه استغراب في القصه وحده معها رقم ثاني لا يعلم فيه زوجها وين مشكله انا يا سوسنة لو بدي افسر واشرح كل كلمه بدي مجلد بحاول اختصر في القصه
20-02-2020 01:44 PM
شؤال
من متزوج ومين اعزب وكم العمر
الصريح يجاوب
رد بواسطة المتزن
المتزن
متزوج
عدد ابناء 4
العمر 40
يعني بنخبي لشو يعني
رد بواسطة السوسنة لسؤال
انا ارفض الاجابة
امور شخصية
حبيت احكي حتى ما اعطي فرصة للمنتحل
رد بواسطة المتزن
السوسنة عاااادي جدا
الاحوال المدنيه عندها كل شيء ههه
انا بصراحة بيانات صح
شو يعني عااااادي
رد بواسطة أصيل الطراونه
اصيل
٦٠ تقريبا
ارمل
عدد الابناء ١٢
رد بواسطة سوسنة متزن
متزن
لو سالتك
انت شو اخذت فكرة عني لاشوف
حسب البيانات المطلوبة
رد بواسطة المتزن
انا ونت والعلم عند الله جيل او فرق بسيط بينا

احساسي بدون زعل انت سئلت
وانا بدي اجيب زواج ممكن غير متزوجه
عااااطفيا محرومه من حنااان احدهم
اب اوام او اخ او حبيب لكن انتي امرءه ثقيله اخلاقيا ومسؤلة عن عائلة هيك شعوري بحسك ملتزمه تلبسي جلباب محتشم تطلعي مع باص ع الدوام
معلمات شوي عندهم حسد من يمك
لكنك لست متزوجه
ان صدقت التوقعات ربنا يرزقك ابن الحلال
وان خابت التوقعات ماهي الا ظنون
لكن حااااسك مااااديا محافظة زياده عن الزوم يعني شاده شوي
ارجو الرد بكل امانه
رد بواسطة المتزن
اصيل ماااااهذا الاحباط ياااا رجل
هههههه
رد بواسطة هناء..
طيب انا متزن هات لنشوف توقعاتك.. ههه
رد بواسطة السوسنة
بلبس جلباب صح
عشان حكيت بشتري بالة صرت محافظة ماديا
تعرف اني مابعجبني لبس السوق بفصل اقل لبس بلبسه للقطعة ٨٠ دينار تفصيل
رد بواسطة سوسنة متزن
متزن
لما بعطي رايي بشي مش معناها اني انا موجودة بالموقف
انا غير مسؤولة عن حد
كل واحد مسؤول عن نفسه ماشاء الله عنهم
رد بواسطة أصيل الطراونه
متزن

ههه صدقني هاي نفسيتي حاليا

عشان الصراحه ٣٠ اعزب والنفسه ٩٠
رد بواسطة المتزن
هناء بلاش سوسنة زعلت
وهي الي سئلت
بلاش انت تزعلي كمااان
رد بواسطة سوسنة متزن
متزن
انا مازعلت ..برد على كلامك

امي الله يخليها هي مسؤولة عن العيلة
اخواتي واخواتي كل واحد مسؤول عن نفسه وبشتغلوا وفي متزوجين
انا مش مسؤولة عن حد
وبلبس جلباب صح لكن الي بالسوق مابعجبني بفصل تفصيل
رد بواسطة قمر البوووااادي
مدري
رد بواسطة ااااااا
مالهاش صااااحب السوسنة
20-02-2020 02:34 PM
سوسنة مها
مها
لاتزعلي مني

لو تعطوني فلوس احضر مابحضر
رد بواسطة مها إلى السوسنه
خلص بكتب لكي مقطع مسرحي هون ولا يهمك
20-02-2020 07:50 PM
أصيل الطراونه
متزن

هسا شفت سلامك حبيب القلب الله يمسيك بالخير يالذيب
رد بواسطة المتزن
تسلم يالطيب كل من طيب اصلك ياغالي بسعد مسااااك
20-02-2020 08:05 PM
السوسنة السوداء
الصديقات
اميرة
هناء
سالي
مها
قمر
مسااااااء⚘⚘⚘⚘⚘

طبعا السلام حسب الاقدمية بالمعرفة
رد بواسطة هناء..
مساء الورد
رد بواسطة اميرة
مساك فل وياسمين
رد بواسطة قمر البوووااادي
مساء الورد
رد بواسطة سالي.....
مسالفل
20-02-2020 09:12 PM
السوسنة السوداء
الاصدقاء
قبطان
ابو الذهب
متزن
اصيل
حامل المسك


مساااااء⚘⚘⚘⚘
رد بواسطة المتزن
مساء الخير
رد بواسطة أصيل الطراونه
مساء الانوار
رد بواسطة القبطااااااااان
مساااء الوووووورد
20-02-2020 09:13 PM
اميرة
هل وزاره البلديات الموازنه بوقعها الوزير بالعاده شهر ٤ واذا تأخرت لشهر ٥
علما ان المجلس اقَر موازنة الحكومة والوحدات الحكومية بشهر ١
رد بواسطة أصيل الطراونه
ما في اشي تسمه ميزانيه السنه الحاليه بتكون الميزانيه للسنه الي قبلها
رد بواسطة اميرة
افهم من كلامك انه كذاب
رد بواسطة أصيل الطراونه
لفلفه لاغلاط وفساد العام الماضي
20-02-2020 11:11 PM
القبطااااااااان
السوسنه
في تفاصيل مش لازم يتجاهلها الكاتب باعتبارها محور الحدث ,,, اذا انا بدي اطلع كلشي لحالي ,, خلص بفكر بالقصه لحالي وبحلها لحالي ههههههه
لازم اعرف كيف جوزها ما معه رقمها ,, وبتقول لك الكاتبه وهاي الشعره التي قصمت ظهر البعير ,, الزوجه معها رقم ثاني ما بعرف عنه جوزها ,, معناته المره من الاصل مش مزبوطه
رد بواسطة الى القبطان
مها طبقت المثل الذي يقول
جاء ليكحلها عماها
فهي ارادت ان تدافع عن خطئها فوقعت في مطب آخر
و هل هناك زوجة تحمل رقما لا يعرفه زوجها الا ان تكون .......
مح تحياتي لك و للسوسنة
رد بواسطة اميرة
هل كل الذكور رجالا؟
لماذا تخفي او تكذب السبب الطرف الاخر اذا فقد الامان وكثر الانتقاد وكسرت مجاديف الامل
لا تلام في بعض الاحيان
رد بواسطة الى أميرة الموقع
صحيح انه ليس كل الذكور رجالا
فكلمة الطير تطلق عى الصقر و على الدجاجة !!!!!!!
و لكن لا تنسي ان بعض ذكور الحيوانات تدافع عن أنثاها
رد بواسطة السوسنة
الى القبطان

معك حق

الي بتجيب رقم زوجها مابعرف عنه بتكون بدها تلعب بذيلها
21-02-2020 01:52 AM
القبطااااااااان
جماعة الرحله

ليش تفكيركوا محلي ياجماعه
انا مخطط لشي بره ,,, جزر الفلبين ,, تايلند ,,, بلجيكا ,,, وانتوا بدكوا باص ,,
لا ولا الثانيه بتقول لك بصل وفلفل ,, فعلا انك فقريه ههههههه
رد بواسطة اميرة
ايوا بلشت فينا
همي هذول اللي بعملوا جو للمشاوي
انكر اشوووف
يعني تاكلوا لحمة وانا اقعد اتفرج
ابو كمونة مستكثر علينا البصل والبندورة والفلفل >_
رد بواسطة هناء..
هههه
لا خلينا محلي احسن..
رد بواسطة القبطااااااااان
اميره ,,,,,
انا طمعان بشي افضل مش اورديناري( ordinary ) بدي شي مختلف ,, مثلا باحدى البحيرات نصيد السمك ونشوي ,,, نجيب اكل غريب ونعمله عالنار ,,, شي من فلكلور البيئه ,, بدي اطلع من اكلنا اللي في هالبلد
قسما بالله ما بنعرف نوكل ولا بنعرف نطبخ ,,,
21-02-2020 02:04 AM
القبطااااااااان
اصيل

كان عندي حفره عميقه فيها ماسوره اسمنتيه بعمق مترين بالارض كنت اعمل فيها الزرب احط الشبك لنص الماسوره واعلقه بعد ما يكون الفحم هجم وخفت حرارته واحط لوح زينكو فوقه وحرام وادفنه بالتراب لمدة ساعتين للذبيحه كامله وساعه وحده للدجاج ,,,
يارجل كنت بمركز قسما بالله للتسمين مش للشغل ههههههه
رد بواسطة أصيل الطراونه
ههههه حرب جيب قيزر كبير من تبعات المصانع و اعمل فيه الزرب وبس تحطه بلارض خلي حواليه رمل صويلح من كل الجهات وخلي الحداد يركب الك شنكل تسكير وجربه ساعه بتستوي اللحمه وبتطلع محمره وطريه مو محروقه بس قيس كمية الحطب صح
21-02-2020 02:06 AM
القبطااااااااان
الغضبان
ياغالي ,, انت حر بالاسم اللي بتبحه وما حد اله عندك عشان تغيره هو مجرد توضيح عشان اللبس اللي صار لكن اذا قررت تغير اسمك بلغني ,,, عشان ما ارجع اتعرف عليك من اول هههههه
21-02-2020 02:10 AM
القبطااااااااان
هناااء
بكره الجمعه قررت اجيب سمك السلمون ,,, ينعن تاريخه ما ازكاه بعملوه الشفات بطريقه بتجنن ,, اخذت الفكره بطلع السمك قطع مكعبات مثل علية التونه بس طعم من السوس اللي قالوا عنه ,, نفسي اورجيكي الصور ,,,
جد اشي بنعنش القلب ,, مع اني ما كنت من هواة الاسماك لكن الطريقه خلتني اغير رايي
اذا هذاك اليوم اكلت شي مثل الاصابع وعليه سوس غريب بعد ما خلصت اكل عرفت انه اخطبوط ههههههه
رد بواسطة اميرة
الصوص بجيب طعم الاسماك
البهار
طريقه الطبخ
بالعوافي
رد بواسطة هناء..
ههههه
صحة وعافية..
رد بواسطة الغضبان للقبطان
صحه وعافيه قبطان..
الاخطبوط ينعن حريشه صدته وشويته يا خخوي بعد ما اكلته ندمت لانه مايع وبمط هههه
رد بواسطة هناء..
اخطبوط... ههه
بتوكل على العمياني
يقطع شرك.. اول شي تاكد وبعدين كل... هههه دير بالك من الخفافيش.... هدول فيهم كورونا بعيد الشر... هههه
21-02-2020 02:14 AM
مها احمد
نشرت مشكله هاي على جروبات لو تشوفوا قديش جاء إعجاب لي وقالوا استمري انتي مبدعه غير القراء هون ما تعجبهم
رد بواسطة الى مها
نسأل الله تعالى أن يطيل في أعمارنا حتى نرى و نقرأ هذا الابداع!!!!!!!!!!!!!!!!!!!!!!!!!!!!!!!!!!!!!!!!!!!
آمين
21-02-2020 01:42 PM
قمر البوووااادي
يعني مختصر القصه اخون زوجي مع زوجي


السالفه خرطي
لا تعليق
رد بواسطة الى المحرر
هل خيانة الزوج مع الزوج كما تقول قمر حلال أم حرام ؟؟؟؟؟؟؟
ههههههههههههههههههه
رد بواسطة مها احمد إلى قمر
بس خيانه مشروعه هههههه
رد بواسطة قمر البوااادي
الى المحرر هههههههههههه
رد بواسطة الى قمر الموقع
لو عرفت السبب في توجيه السؤال الى المحرر لما ضحكت
لأني وجهت السؤال لك في الاول فقام المحرر جزاه الله خيرا بحذفه و عدم نشره
فقمت بتحويله الى المحرر متعمدا و ليس خطأ
21-02-2020 01:57 PM
قمر البوووااادي
متزن
شفت شو كاتب حياك الله انت تبشر بكل خير وما عليك زود
21-02-2020 02:02 PM
اميرة
ربنا يعطيني القوة لاقدر اكمل
21-02-2020 02:24 PM
اميرة
يسعد مساكم
21-02-2020 02:25 PM
هناء..
بزعل منك لو ما حكيت صار عندي فضول اعرف هههههه
مساء الورد
رد بواسطة هناء..
التعليق مش مني... بس لو ما كتبه المنتحل كنت انا كتبته... هههه
يعني صح صار عندي فضول اعرف.... هههه
21-02-2020 04:35 PM
زينه(:
مرحبا يا حلوين ،،،عرفتوني ولا نسيتوني ،،،
رد بواسطة قمر البوااادي
انا ما نسيتك منوره بعد غياب
رد بواسطة هناء..
مساء الورد
وين هالغيبة
اخبارك؟
رد بواسطة أصيل الطراونه
اي وحده الي مع نحول ولا الي كانت هون
مساء الخير
رد بواسطة القبطااااااااان
انتي نفسك زينه اللي حلقت النا صار الك سنه ولا تشابه اشكال ههههه
21-02-2020 04:37 PM
زينه(:
مها ،،،اشتقتلك يا كاتبة ،،،
رد بواسطة مها إلى زينه
وينك حتىقلت وين راحت زينه هيك بتروحي ما بتسألي
رد بواسطة مها إلى زينه
تلفوني بغلط في كتابه وينك يا زينه هيك بتروحي ما بتسالي
21-02-2020 04:38 PM
الى أخي الكناري أصيل
أيها ( الأصيل ) و ما بك داء
كن جميلا تر الوجود جميلا
رد بواسطة أصيل الطراونه
الحمد لله احسن من هيك ما في
رد بواسطة الى الكناري أصيل
طالما انك احسن من هيك ما في
فلماذا تتذمر دائما ؟؟؟؟؟؟؟؟؟
رد بواسطة أصيل الطراونه
الله يفرجها عالجميع
21-02-2020 07:02 PM
هناء..
اصيل..
بالنسبة للقعدة عند الشباك... هاي كانت مفضلة ايام المدرسة والرحلات... نمضيها هوش عليها... طبعا والكرسي الاخير في الباص...طبعاً مشان نكشف الباص كامل وتبلش المقالب والضحك...بزر... كب الماء... والا...استفراغ البعض هاي لحالها كارثة.... هههه
دمعت... ايام يا ريت تعود
رد بواسطة أصيل الطراونه
هههههههههااخخ ريتها تخلص كلها بماضيها وحاضرها و ارتاح
21-02-2020 08:23 PM
اميرة
اخ اخ اخ اخ رجلي

.◦°˚ ˚˚°◦.
|/_
|_

، ، ، ، ، ، ، ، ، ، ، ، ، ، ، ، ، ،

من اللي حاط مسامير على باب الجروب

يلعن اخت المزح الثقيل

كنت جاي وجايبلكن شاورما

"خلص بطلت

#يسعد مسااكم
رد بواسطة القبطااااااااان
قلت لك متمشيش حافيه نمرة اجرك صارت 45 من المشي حافيه
رد بواسطة اميرة
ليش مصغر مقاس رجلي.. ٥٠ تفصيل
21-02-2020 09:31 PM
القبطااااااااان
اميره ,,,,,
انا طمعان بشي افضل مش اورديناري( ordinary ) بدي شي مختلف ,, مثلا باحدى البحيرات نصيد السمك ونشوي ,,, نجيب اكل غريب ونعمله عالنار ,,, شي من فلكلور البيئه ,, بدي اطلع من اكلنا اللي في هالبلد
قسما بالله ما بنعرف نوكل ولا بنعرف نطبخ ,,,
رد بواسطة اميرة
مع راحه البال الاكل بكون طيب
راحة البال هربت من زمان فكيف تشعر بالطعم؟
السمك ع البحيرة مشوي والا بالبيت هو نفس الاكل
المشاوي برا البيت والا جوا البيت نفس الاكل
في ناس قعدتهم ولو اكلت معهم زيت وزعتر بكون اطيب ما يكون
وفي ناس القعدة معهم وتاكل خروف ما بكون طيب
كل ما بالامر فقدنا طعم الاكل
رد بواسطة القبطااااااااان
منا قلت لك من الاول ,,, انتي ما قبلتي هههههه انا من الناس الاولانيين تبعون الزيت والزعتر مع انه بعمل لي حرقه ههههه
22-02-2020 04:11 AM
القبطااااااااان
الى القبطان

ليش مستحي ,, بما انه جوزها جايب تلفون وهي جايبه رقم ما بعرف عنه جوزها ,,, اكمل لك السيناريو ,,, وبدون جميلة مها هههههه

هاي ياسيدي العزيز كانت مصاحبه واحد شغال بمحل كهربائيات ,,, اعطيك اسم كمان ,, ماشي اسمه سمير ,,, سمير بعرف جوزها وبحاول يخرب بينها وبين جوزها عشان شو ,, قال الاخ بغار عليها من جوزها ,, اكمل ولا انجلط ؟؟؟؟ ههههههه
والمصيبه بده اياها تكتشف انه جوزها نسونجي اما هي مصاحبة سمير عادي مهو معتبر حاله جوزها ومعتبره حالها مرته ,,,
جوزها بطلع بفوت سمير ,,, سمير بيجي عليها الصبح بدري بكونوا الاطفال لسه نايمين هههههه
وكمان هي مخلصه كثير لسمير لدرجة انها ما بتروح مع جوزها مشوار الا لما سمير يوافق ههههه يا اخي بنت حلال شو هالحكي ههههه
حاسس معدتي ولعت من الحرقه لمجرد التفكير بهيك ناس
22-02-2020 04:18 AM
المتزن
يقولو ماسكين سيارة ع سرعة ١٨٥ بالساعة... هذا كيف لو بمسكون والله غير عالجزيرة بجيبو خبري ههههه
22-02-2020 05:22 PM
المتزن
مساء الخير للكل دون تخصيص
رد بواسطة أصيل الطراونه
مساء الخير
رد بواسطة القبطااااااااان
مساء الورد
رد بواسطة المتزن
اصيل قبطان يسعد مساكم
الطيب منبعه وراثه وانتم منبع الطيب..
رد بواسطة أصيل الطراونه
ما عليك زود ونعم منك
22-02-2020 05:23 PM
زينه:(
مساااااء النووور قبطاااااان ،،،اصيل،،،هناء،،،مها،،،قمر ،،،والله اشتقتلكم الجميع
...
رد بواسطة القبطااااااااان
مش عارف ,, حاسس في اشي غلط ,,,, قلبي مش مرتاح لك ,,,
رد بواسطة مها إلى زينه
الله يسعدك يا زينه
رد بواسطة أصيل الطراونه
صباح العسل
22-02-2020 10:34 PM
زينه:(
‏أنا بدي تطلقني

حاضر

شو هي حاضر ؟؟

حاضر يعني راح أطلقك شو اللي مش مفهوم بكلامي ؟

مابدك تعرف ليش طلبت الطلاق

أكيد عندك أسبابك المنطقية اللي تخليكي تطلبي الطلاق إنتي مش صغيرة وبتعرفي مصلحتك

‏ شو هي مش صغيرة ! لأ يا حبيبي أنا صغيرة ونص إحكي عن حالك إنت

خلص إنتي صغيرة وبتعرفي مصلحتك

صغيرة في السن بس عقلي كبير وبفهم

أكيد يا حبيبتي

متى راح تطلقني ؟

بعد ما أراجع نفسي

وشو راح تعمل بالأولاد ؟

متل مابدك

مش مثل مابدي .. مثل ما قانون الأسرة ‏الجديد بيقول
الولاد راح يضلو معي فاهم

ماشي مافي مشكلة

طبعاً بدك تخلص منهم مشان ترتاح وتتزوج وأنا توقف حياتي وأربيهم

خلص راح آخذهم أربيهم أنا وإرتاحي إنتي وإتزوجي

لا يا حبيبي ما راح تلوي ذراعي ‏بالأولاد وراح آخذهم غصب عنك

حاضر

وراح آخذ المهر كله مثل ما بيقول القانون

ماشي

طبعاً ما إنت راح تتركني عظم ما أنا و الأولاد مش مهمين عندك

مهمين طبعاً

طبعاً والنفقة راح أخذها غصب عنك

شي أكيد حسب القانون

وراح أنقل الأولاد لمدرسة خاصة وراح تدفع مصاريفها

أكيد طبعاً لمصلحتهم

والسيارة ؟؟؟

تحت أمرك خذيها

بتقدر تقلي وين راح تقعد بعد الطلاق ؟؟

ما تشغلي بالك إنت

وليش بدي أشغل بالي ؟
ما إنت راح تتركني مع ولادك وتروح إنت تلعب بذيلك ومش بعيد تتزوج

كله بأمر الله

طيب شو رأيك نتطلق وتقعد معنا هون ؟ ما أنا مابقدر أشيل المسؤولية كلها لحالي ؟

‏حاضر منشوف رأي الشرع .. أنا طالع

قايم ؟ وين رايح ؟

أشم شوية هوا ... أندعس ... أموت ..

إعمل حسابك لو متت راح نكد عليك عيشتك ، أنا مش مستعدة أصير أرملة وكل من هب ودب يجيب سيرتي

أموت وأترك قالب الكاتو اللي عملتيه لمين ؟

عنجد عجبك ؟

بشهي ..

بس حاسيته ناشف والسكر كثير ومش عاجبك

لا تقولي هيك هاذا أحلى كاتو ذقتو بحياتي فوتي هاتيلي كمان قطعه

ماشي و راح أعملك جنبها فنجان قهوة يعدل مزاجك

تسلميلي ياقلبي

هدا مقطع من فيلم ..... آمنت بالله على هاليوم
رد بواسطة القبطااااااااان
المهم ,,, المهر ,,, مين حيدفع المهر ,,,,
رد بواسطة مها احمد إلى زينه
كثير بحب قصص مثل هاي بحب اقرأ شكرا كثير لكي واللي عجبني بالقصه أن الرجل أخذ المرأه على قد عقلها ما ناقش الزوجه فعلا رجل عقله كبير
22-02-2020 10:39 PM
القبطااااااااان
هنااااء
مش عاجبك الاخطبوط ؟؟؟ على فكره اقري فوائده الغذائيه ,, صحيح انا ما بدقق قبل ما اوكل لاني بثق بنوعية الطباخين اللي هون ,,,
بصراحه اشياء ما كنت اعرفها كنت اعرف عن الماكولات البحريه الشرم والسمك
طبعا عرفتهم من السودان بالخرطوم هاي الماكولات موجوده بكثره
لكن هون عرفت كل اشي الايطالي والاسباني والهندي ,,, بصراحه الهندي مقرف ,,,
فلفل حاطين معه شوية اكل ههههه
23-02-2020 02:49 AM
القبطاااااان
وظيفة_شاغرة

فى إحدى الغابات أعُلِن عن وظيفة شاغرة لوظيفة أرنب.
لم يتقدم أحد للوظيفة غير دب عاطل عن العمل. و تم قبوله و صدر له أمر بتعيينه.

و بعد مدة لاحظ الدب أن في الغابة أرنبا معيّنا بدرجة وظيفية هي (دب) و يحصل على راتب و مخصصات و علاوة دب.
أما هو فكل ما يحصل عليه مخصصات أرنب!

تقدم الدب بشكوى إلى مدير الإدارة و حُوِّلت الشكوى إلى الإدارة العامة، و تشكلت لجنة من الفهود للنظر في الشكوى، و تمّ استدعاء الدب و الأرنب للنظر في القضية.
طلبت اللجنة من الارنب أن يقدم أوراقه و وثائقه الثبوتية. كل الوثائق تؤكد أن الارنب دب.

ثمّ طلبت اللجنة من الدب أن يقدم أوراقه و وثائقه الثبوتية فكانت كل الوثائق تؤكد أنّ الدب ارنب!
فجاء قرار اللجنة بعدم إحداث أي تغيير لأن الأرنب دب و الدب أرنب بكل المقاييس و الدلائل.
لم يستأنف الدب قرار اللجنة ولم يعترض عليه.
و عندما سألوه عن سبب موافقته على القرار أجاب:
كيف أعترض على قرار لجنة "الفهود" والتي هي اصلا مجموعة من "الحمير" و كل أوراقهم تقول إنهم فهود

**قصة من الأدب التشيكي**
أسعد الله اوقاتكم.....
23-02-2020 03:18 AM
القبطااااااااان
الغضبان
معاليك الاخطبوط اله طريقة طهي معينه مش مع الكل بتزبط ,, ثاني شي اله سوس خاص يعني مش يسهوله يزبط معنا عشان هيك صار معاك يمط هو بالمطعم بتاكل مثل قطع السنيوره
23-02-2020 03:57 AM
الى زينة
مع انه مقطع من فيلم إلا أنه أفضل من الفيلم الذي قرأناه
و الذي هو عبارة عن تصرفات غير مسؤولة!!!!!!!
23-02-2020 09:28 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات