اغلاق

لا أريد زوجتي وأفكر بطلاقها 


جراسا -

مها احمد 

مثل باقي الشباب أخذت افكر بالزواج والإستقرار ولكن كان يمنعني من ذلك قلة المال ، وكان عملي غير ثابت ، حيث اعمل يوماً وعشرة لا. 

أخذت ابحث عن إبنة الحلال تقبل بظروفي الصعبة وجدتها بعد فترة من الزمن عن طريق جارة لنا سمراء البشره، تعمل موظفة في إحدى الدوائر الحكومية.
 
في البداية رفضت العروس ولكن بتشجيع من والدتي حيث قالت لي تزوج هذه الفتاة تناسبك كثيرا فهي موظفة وتساعدك بظروفك الصعبة وسوف تعيش معك على الحلوة والمرة ، بالإضافة انها لا تريد مهرا مرتفعا.

طبعا بعدها أخذت افكر بالأمر وجدت نفسي مجبرا على الزواج منها بسبب حالتي المادية البسيطة بالإضافة لو أنني لم اتزوجها لن أجد فتاة ترضى بظروفي الصعبة ، وفعلا تم الزواج بيننا.

وجدتها امرأة هادئة تحاول إسعادي بأي طريقة فهي حنونة تأتي من عملها متعبة وبالرغم من ذلك تحضر لي ما لذ وطاب من. أكل، ولا تقصر بشيء وتعرف واجباتها جيدا ، وأنجبت بعد عشر سنوات من الزواج ولدين وبنت.

مشكلتي هي وبالرغم من كل صفاتها الحسنة إلا أنني لا أميل لها ، كونها غير جميلة الشكل واقول في نفسي لو انها مقبولة الشكل وشقراء البشرة لكنت سعيداً بها،، وأفكر في طلاقها لكنني وبنفس الوقت أتراجع واقول ربما اظلمها لأنها لم يصدر منها شيء يجعلني أطلقها بالإضافة إلى الأطفال فهم بحاجة إلى أمهم.

أصبحت في صراع داخلي مع نفسي فماذا تنصحونني أن أفعل؟.



تعليقات القراء

ابو كمونه --##
على قولة ابو عواد
شي غاد
يعني بعد العشرة بينكم والاولاد وحسن معاملتها لك بدك اتطلقها
فكر منيح وعد للعشرة يا خال
18-11-2019 02:16 AM
from thae past
ارضى بنصيبك
18-11-2019 05:09 AM
الى مها احمد
يييي عزيين مش انسحبتي
رد بواسطة مها احمد
شو اعمل بقلبي اللي ما بطاوعني
رد بواسطة مها احمد
ما بصدقي اقول بدي ابطل بدي انسحب من كتابه
رد بواسطة الى مها
اه بصدق لانه بعرف انه اللي بيكذب بروح النار
18-11-2019 08:06 AM
السندباد
١ تنكح المرأة لدينها و خلقها و ليس لجمالها و حسبهاكما جاء في الحديث النبوي
٢ من يقرأ قصتك يعتقد أنك التونسي ظافر العابدين و تستحق ملكة جمال الكون
٣ ينطبق عليك القول رضينا بالهم و الهم مشابه راضي فينا
٤ انطم البين يطسك
18-11-2019 11:11 AM
انجي
صاحب المشكلة طيب وانت اشقر وعيونك زرق وعضلات وشعرك مسبل وبشرتك صافية؟؟؟
رد بواسطة القبطاااااان
اانجي
كيف عرفتي ،، خلاص بستحي هيك ههههه
18-11-2019 02:00 PM
اميرة
مساكم ورد
رد بواسطة أصيل الطراونه
ومساءووو
رد بواسطة معلق من العصر الحجري
يقولون : الكلمات اللطيفة تؤثر في القلوب قبل تأثيرها في العقول
رد بواسطة اميرة
واللي بطلعك عن طورك ايش تعمل فيه؟
رد بواسطة اميرة
مساؤووو اصيل
18-11-2019 03:59 PM
المنطق
‏يبدأ المرء بتنازل بسيط، ثم تتحول حياته كلها إلى سبونج بوب
18-11-2019 05:55 PM
المنطق
جميع المشاكل بداخلك سببها هو أنك تظاهرت بالغباء عندما فهمت، وابتسمت وقت الحزن، والتزمت الصمت وقت الكلام.!
18-11-2019 05:56 PM
أصيل الطراونه
انت مريض نفسي مش بصراع نفسي في فرق كبير ترى بينهم يا توم كروز
18-11-2019 06:06 PM
القبطاااااان
اعتاد ابو دجانه ان يكون في صلاة الفجر خلف الرسول الكريم ، ولكنه ما كاد ينهي صلاته حتى يخرج من المسجد مسرعا ، فاستلفت ذلك نظر الرسول الكريم فاستوقفه يوما وساله قائلا:
- يا أبا دجانة، أليس لك عند الله حاجة؟
- قال أبو دجانة: بلى يا رسول الله ولا أستغنى عنه طرفة عين .
- فقال النبى : إذن لماذا لا تنتظر حتى تختم الصلاة معنا وتدعو الله بما تريد ؟
- قال أبو دجانة: السبب فى ذلك أن لى جار من اليهود له نخلة فروعها في صحن بيتى، فإذا ما هبت الريح ليلا أسقطت رطبها عندي ، فترانى أخرج من المسجد مسرعا لأجمع ذلك الرطب وأرده إلى صاحبه قبل أن يستيقظ أطفالى، فيأكلون منه وهم جياع .
وأقسم لك يا رسول الله أننى رأيت أحد أولادي يمضغ تمرة من هذا الرطب فادخلت أصبعى في حلقه وأخرجتها قبل أن يبتلعها ولما بكى ولدي قلت له: أما تستحى من وقوفى أمام الله سارقا؟
ولما سمع أبو بكر ما قاله أبو دجانة ، ذهب إلى اليهودي واشترى منه النخلةووهبها لأبى دجانة وأولاده.
وعندما علم اليهودي بحقيقة الأمر أسرع بجمع أولاده وأهله، وتوجه بهم إلى النبى معلنا دخولهم الإسلام
ابودجانه خاف ان ياكل اوﻻده من نخلة يهودي وليس مسلم فما بالك من ياكل اموال ملايين من البشر المسلمين ويقول شطاره !! الله المستعان
رد بواسطة اميرة
الله المستعان

وماذا تقول باللي حتى بريزة مش مخليها توصل لجيبة المواطن؟
18-11-2019 06:57 PM
القبطاااااان
شريفة المغربية اللي بتفك العنوسة وجلب الحبيب و زرع الحب بين الزوجين وفك السحر
، طلقها زوجها قبل شوي
رد بواسطة اميرة
هههههههه
رد بواسطة معلق من العصر الحجري
يقول المثل : باب النجار مخلع
رد بواسطة تمام
انقلب السحر على الساحر..
18-11-2019 07:11 PM
الى مها
المفروض انتي بدك تسافري علشان هيك اعلنت انسحابك من الكنتابه !!!
يعني افهم من هيك بطلتي تسافري وارجعتي للكتابه ؟؟؟
سافري ةتذكرتك على حسابي
رد بواسطة مها احمد
هاتي مصاري عليها وجه الله ما بتشوفني هون
19-11-2019 08:20 AM
اميرة
خربوط حول حكومة النهضة إلى حكومة نهفه وابو الحروف طلع عميل...

لطشتها من عند احدهم
19-11-2019 10:22 AM
معلق من العصر الحجري
ظروفك صعبة و حالتك المادية بسيطة و تعيش برأيها و تفكر بطلاقها و انت لا تقدر على تبعات الطلاق
فهل سمعت بالمثل القائل
جزاه جزاء سنمار ؟؟؟؟؟؟؟؟؟؟
رد بواسطة تصويب
و تعيش براتبها
رد بواسطة السمره
تحياتي شيخنا الكبيرررررررررررر
رد بواسطة السندباد الى الأخت السمرة
يا نيالي لي تحيات و ليست تحية واحدة من السمرة
لك مني أطيب التحيات أيتها المعلقة ( صاحبة لقب الخبيثة سابقا)
19-11-2019 10:59 AM
نسر الجبل _=_
فراشة الوادي
السوسنة
يسعد مساكم
والخير والسعادة اتمنالكم
ويا هلا بكم
رد بواسطة السوسنة السوداء
نسر الجبل

شكرا للتفقد والسلام

⚘☕
19-11-2019 01:15 PM
مشاركة
سمراء البشرة!!!!!
يا زلمة السمار زين... ولا لا يا سمرة.؟؟
كن واهدا الله يهديك
رد بواسطة السمرة
انداري عنه شو بخبص ههههه سمراء حسسني انهم مرمين بالشوارع وببلاش بس جيب طنجرة معك وعبيها سمر وشيل
رد بواسطة مشاركة
شفتي كيف بالله.. لا والاخ مش عاجبه اخ بس
19-11-2019 02:30 PM
السوسنة لصاحب المشكلة
انت حضرتك وسيم

لان كمان الزوجة بهمها زوجها يكون وسيم وحلو


مسكينة زوجتك طلعت فيك لامعك مال ولا كمان جمال عندك

الله يعينها

ندعو لها بالصبر
19-11-2019 05:24 PM
أرواح
‏ومن الأرواح من إذا ملكتك...ملأَتك
وإذا آوتك...داوتك ... وإذا أحبتك...أحيتك!
و من الأرواح من إذا ملكتك...آذتك
و إذا آوتك...سجنتك ... و إذا احبتك...دفنتك!
رد بواسطة ما حدا مرتاح
بعين الله
19-11-2019 06:24 PM
السمرة الي صاحب المشكلة
بتعرف انك بدك وحدة تعمل دبكة على بطنك يا اللي دمك شربات انت
على اساس انت مقطوع وصفك وكل البنات بتراكضوا عليك احمد ربك صبح ومسا انها لساتها عندك وصابرة مش عشانك عشان ولادها
19-11-2019 06:24 PM
السمرة
هههه ما في داعي تفكر طلقها
رد بواسطة مرحبا
اه مهو الشقر بستنن في حضرته... ههه
19-11-2019 06:30 PM
اميرة
حتى لو مشغول انشرها‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏
‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏
‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏

‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏علشان تنشف
رد بواسطة احسن
خليها رطبة لما تعفن
19-11-2019 07:58 PM
اميرة
بس تذكرت المثل القائل
فوق حقه دقه
هات العصايه ورقه
رد بواسطة اهااا
ودقي يا مرقة..
19-11-2019 08:00 PM
دممممج
النقل والارصاد... شو لم الشامي على المغربي...؟؟؟
انداري
رد بواسطة السوسنة السوداء
النقل والارصاد

في رابط بينهم..لما يصير الجو سيء باثر على المواصلات الجوية والبرية
والطرق ...ممكن من هالمنطلق ربطوهم
رد بواسطة مممممكن
ممكن ممكن.. شكراً على التوضيح
19-11-2019 08:34 PM
السوسنة
وبعدين
بدي كذا خطوة لاغلق اعلان لاعرف اكتب
وبس اغلقه وابدا كتابة بطلع غيره
واذا خلصت اللغلاقات وبديت اكتب بجي الريفرش ..
شو الحل
كل المواقع فيها اعلانات بس مش بهاد الشكل..ولا بهالصعوبة لنغلقها
رد بواسطة الحل الوحيد
الحل
الهجرة الى بلاد الواق واااااق
رد بواسطة القبطااااااااان
انبرى لساني ياسوسنه ,,, عالفاضي ,,,,
20-11-2019 01:35 PM
بدنا توضيح
سؤال
هي اكلت ذانه ولا ما اكلت
رد بواسطة اويليييي
بحكو اشاعه مغرضه
بس حاسه انها هجمات مرتدة من السيدات
ههههههههه
يللا يافطاتكم.. للفكاهة
رد بواسطة اهااا
ممكن برضو..
20-11-2019 09:32 PM
كفوري
ميت فيكي و مش رح موت
ناطر تتموتي فيي
رد بواسطة هيفاء وهبي
رجب
حوش صاحبك عني رجب صاحبك جنني
20-11-2019 11:06 PM
اميرة
صباحووووو
كيفكم
21-11-2019 10:37 AM
بطاطا
ما في شيبس بعد اليوم ما في شيبس... اخ يا وجعي
رد بواسطة معلم متقاعد..
سمحو بالمدارس يومي الاثنين والخميس فقط
وممنوع باقي الايام
رد بواسطة بطاطا
ما انا هاد اللي قاهرني
رد بواسطة معلم متقاعد ..
كلامك صح يا بطاطا
ههههه
طيب خدي سنيكرز
تحية لكم
رد بواسطة القبطااااااااان
حتى الشيبس ؟؟ هيك صارت الشغله ؟؟؟؟
رد بواسطة اميرة
بدي بطاطا مشويه
رد بواسطة ابو كمونة --.
في كستنا وفي ذره بمشي الحال
بطاطا ما في اليوم
رد بواسطة بطاطس
هو السنكرز اكيد زاكي ولذيذ... بس الشيبس اله معزة خاصة... هههه
رد بواسطة بطاطا
اه هيك صار معاليك... قطعوا فينا الطريق... جاي على بالي اضرب عن الشيبس للابد
21-11-2019 03:01 PM
القبطااااااااان
السمره العصبيه اجت ,,,,
22-11-2019 02:38 AM
القبطااااااااان
السمره
ماعندي طنجره اعبي فيها السمر ,,,
بصير احطهم بكيس ؟؟؟؟؟
رد بواسطة السمره
وكيف بدك تطبخهم بكيس هههه فهمني
22-11-2019 02:39 AM
جاري الكتابه
وكأننا يجب ان نعرف ... ان الاحداث التي تحيط بنا مهما كانت صغيرة وعفوية ، لا يمكن ان تكون عبثية . هي مرسومة و مرتبة بدقة ، من المستحيل لحكاية ان تسبق الاخرى . هي اشياء وجدت لتلقننا دروسا ، لا ضير ان كان بالطريقة السهلة او الصعبة ... لكننا في النهاية نتعلم .
كل التفاصيل الصغيرة وجدت لتصنعنا ، لتشكل هويتنا ، و وعينا ، ادراكنا لقيمة اشياء كنا نظن انها لا تعنينا كثيرا ، توقعاتنا التي تضمر و تصغر اتجاه الاشياء والاشخاص ، كبواتنا ، خيباتنا ، وجع قرر ان يكون مزمننا . هذه المكونات حين نجمعها مع الوقت تصبح شيئا اخر ... يسمى النضج .
رد بواسطة نععععم
كنا نظن..
22-11-2019 01:42 PM
ل فيروز
‏كلّ هذه الورود لكِ في عيدك
من العيب أن نعدّها كلّما كبرتِ سنة ، فالنساء الأساطير لا أعمار لهن ،
عمرك من عمر أرز لبنان و جبران والرحباني
فيروز . . شكراً على زمن جميلٍ لن يعود .
لكِ ولهم الخلود
رد بواسطة لا يوجد خلود
ما في خلود
كل من عليها فان ويبقى وجه ربك ذو الجلال والإكرام...
رد بواسطة السندباد
الخلود يكون لأصحاب الجنة في الجنة
أو لأصحاب النار في النار
أما في الحياة الدنيا فلا خلود
يقول تعالى
و ما جعلنا لبشر من قبلك الخلد
22-11-2019 03:34 PM
.....
بحبك
رد بواسطة اميرة
هاد التعليق شارد ابصر من عند مييين
رد بواسطة معقول شارد..
في ضايع مني خمس نيرات حدا لقيهم
حتى بالاماره لونهم احمر
اللي بيلاقيهم يوديهم للعقبة ب باصات جت خليهم يشمو الهوا
رد بواسطة الى اميرة
بما انك لقطتيه وهو طاير اعتبريه الك
رد بواسطة اميرة
كان بقيت هالبحصه من زمان
وريته من الشباك وقع ع راس جارنا

لا ما بعتبره الي
لانو باب البيت موجود.. وللاسف ما حدا بقدر يقرب
رد بواسطة يا اميرة
انتي بس شعبريلي عن معابرك وما عليكي باب البيت بوصله عال جي بي اس وبخلي النجار يصلحلك اياه
رد بواسطة اميرة
للاسف ما راح يتركوك بحالك وراح تعيش معي مغامرات من حفرة لمطب تنتهي بطلاق ثلاثي الابعاد


الحمدلله على كل حال
وحسبي الله ونعم الوكيل
رد بواسطة اميرة
يا عيبك
كل الموطفين بتفرجوا شو بتكتب
هههههههههه

بدنا كنافه الافراج
بدنا حلوان الشغل
اما الزواج فالقطار دهسنا
رد بواسطة اميرة
محررنا خبالي التعليق في الخزانه
ههههه
23-11-2019 08:10 AM
السمره الي القبطان
انا عصبيه اوعك حدا يسمعك من معارفي بحكوا القبطان فقد عقله من شدة برود اعصابي ما ببرد بالشتا اعصابي هي اللي بتكون باردة وانا مشوبه بكون ههههه
رد بواسطة علامات النضوج
اللامبالاة تزداد مع التقدم في العمر...
رد بواسطة السمره
طول عمري لامباليه مش اشي جديد علي
رد بواسطة السمره
يمكن انانيه في منه
23-11-2019 11:48 AM
السمره الي القطان
لما وحده بدها تصبغ شعرها واسالها شو اللون اللي بتحبيه بتحكيلي لون يبيني شقرا مثلك ويفتح وجهي ويبين ابيض مثلك بصير اضحك واحكي خلي القبطان يسمعك هههههههههه
رد بواسطة القبطاااااان
لا هسه بصير لي اشي هههه
23-11-2019 12:01 PM
ابو الذهب *_*
اخت السوسنة السوداء
مساء الخير يا طيبة
رد بواسطة السوسنة
مساء الخير
23-11-2019 03:44 PM
ابو الذهب *_*
اخي الغالي قبطان
مساء الفل معاليك
وحياك يا نشمي
23-11-2019 03:46 PM
مسااااااء الخير
اجمل ترحيب بالمعازيب الحاضر منهم والغايب..
رد بواسطة القهوة المرة..
يا هلا ورحب
اتفضلو يا الربع والغنم هاجعة
صب القهوه للمعزبين
احضرتو يحضر واجبكم معكم
يا هلا يا هلا
23-11-2019 09:38 PM
جميلة.
في الخمسينيات قالت صحفية أمريكية أن مارلين مونرو تبدو جميلة بسبب ملابسها فقط فإرتدت مارلين شوال بطاطا لتثبت أنها جميلة بغض النظر عن ما ترتديه.
رد بواسطة خضرجي ِِ.
شوال بطاطا
ههههه
مليح ما لبست شوال بصل
رد بواسطة السوسنة
لبس البوصة بتصير عروسة

مع شوال البطاطا..اكيد كانت صابغة وجها مكياج كمان
رد بواسطة الى السوسنه
بالعكس يا سوسن جسمها حلو كتير شو ما لبست
24-11-2019 02:51 PM
اميرة
يسعد صباحكم
كيفكم يالربع
رد بواسطة القبطاااااان
مسالورد
25-11-2019 12:36 PM
القبطاااااان
السمره
انتي شقره وهاديه ؟؟
ياسوده بلا كذب ههههه
رد بواسطة مزاج رايق
هههههههه
25-11-2019 04:17 PM
القبطاااااان
ابو الذهب
يسعدك ويخلي لي اياك
25-11-2019 04:19 PM
القبطاااااان
منقول...
أمس أعجبني الجميد المعروض ...على الثلاجة , في احد محلات السوبرماركت وكنت اسأل البائع عن مصدره وأخبرني أنه يأتي من الكرك , على كل حال أيها البائع :- لايوجد ما يمنع أن تتحدد هوية الكرك بالجميد او الزعاميط او الجعاجيل أيضا , وإن كانت (الهية ) والجحافل التي انطلقت منها لتحرير بيت المقدس ..جزءا من هويتها أيضا .
أعطاني البائع (كسرة ) منه , وبدأت بمضغها ...كان شهيا ومتقن الصنع , وبجانبي وقفت سيدة في منتصف العمر , وكان عطرها الفواح ينافس رائحة الجميد في أنفي هي تريد شراء ( نقانق او هوت دوغز ) وأنا اريد شراء الجميد , وقد ظننت من نظرتها أنها تريد تجريب الجميد فعرضت عليها كسرة ولكنها تمنعت وقالت لي :- ( ما بدي ...شكرا اصلا ما لازم توكلوا ممكن ايكون ملوث هادا بدو غلي ...) وبدأت توجه بعض النصائح لي والمتعلقة بالحمى المالطية , وكم يد مرت عليه , وعدم وجود تغليف مناسب وما إلى ذلك من ملاحظات صحية ....
قلت لها :- في فلسطين , وحين تزور القرى الصغيرة والبعيدة , وحين تريد أن تكرمك سيدة المنزل الفلسطينية , فإنها تطبخ لك المفتول , وأول كلمة تقولها لك حين تمر عذوبة الطعم في فمك :- ( والله يا أمي ع إيدي فتلتو) ...في فلسطين إذا أحبك الناس فإنهم يقدمون لك المفتول , المنزلي وليس المغلف في أكياس ..أتدرين يا سيدتي لماذا هو المفتول هناك شهيا :- لأن اليد التي أنتجته هي اليد التي لا ترتفع إلا للدعاء بالرحمة للشهداء وعودة فلسطين , ولا ترتفع إلا من اجل أن يسيل الماء على الكوع في الوضوء ....وتلك اليد طاهرة مثل طهر السماء , فهي التي حملت الشهداء حين كانوا أطفالا ...هي التي بنت وطنا , وهي التي زرعت الثورة مثلما يزرع الزيتون في الخليل ...
أما الكرك ..فتأكدي يا سيدة الحسن والعفاف , أن الله يطهر يد النساء الصابرات العظيمات اللواتي أفقن مع الضوء الأول , كي ينشرن الجميد على سطح الدار من أجل أن تجف , وتأكدي أن تلك الأيدي ايضا مطهرة , لأن من يجاور جعفر الطيار وزيد وعبدالله ..من يجاور شهداء الأمة , وغرتها والنجوم العالية فيها هو أفضل ممن يجاور فنادق الخمس نجوم ويسكن تحت (قرميد) باهظ الثمن ...وتأكدي يا سيدتي أن ثمن هذا الجميد المعروض يذهب إما من أجل دراسة الإبن الأكبر , أو من أجل خبز الأولاد ...
ما بين اليد التي (تفتل ) المفتول في جنين , وما بين اليد التي تصنع الجميد في الكرك , تذوب المسافة ...لصالح شيء واحد , وهو أن النصر والوطن والحياة والصبر ...ينتجون فقط من طهر الايادي التي تعبد الله وترفع راحاتها بالدعاء إليه ...أما اليد التي تضع المناكير , وتتعطر بالكريم الفرنسي الفاخر من اجل طراوة الجلد , وتغتسل (بالهايجين) ...فلم تنتج فينا غير الغضب والفقر والاسئلة ...
يا سيدتي ..حتى الجراثيم التي تدعين أنها موجودة في الجميد و المفتول يكفيها شرفا انها اردنية او فلسطينية .
رد بواسطة بدها والله
جاي على بالي جميد وكاسة شاي ☕
رد بواسطة اميرة
ابدعت
كلهم زاكيات سواء المفتول او الجميد بالذات اذا كان من لبن النعاج
اذا الايادي نظيفه ومغسوله جيدا لن تصاب باي عله
رد بواسطة السوسنة قبطان
رااااااائع قبطان

مساااااااء الخير
25-11-2019 04:23 PM
الحل عندكم
السلام عليكم .. بدي حل من الستات اللي مروا بهاي التجربه ؟؟..انا تزوجت شخص عنده زوجه أولى و قبلت الزواج فيه لانه مرته راضيه انه يتزوج و ما في مشاكل ..هلء انا مطلقه و ما كان عندي مشكله بالبداية و زوجي انسان رائع و بخاف ربه و بيحبني و بنفس الوقت بحاول ما يظلم الزوجه الأولى..المشكله فيه انا ...والله مش قادره اتحمل مشاعر الغيره اللي بقلبي لما بيروح عندها او بيدللها..والله مش انه انا مش منيحه و بديش الخير الها ... بس بغار و بنجن بجنون .. كنت متقبله الموضوع .. بس الشوف غير السمع و بصراحه صارت مشاكل كتير بيني و بين زوجي بسبب هاد الموضوع و بضل يحكيلي انسيها و ما تجيبي سيرتها و لا تفكري فيها ..خلي الحياه تمشي .. بس والله بحاول أتجاهل هاي المشاعر مش عم بقدر و بفكر اطلق علشان مش قادره استمر بهيك ظروف بس بنفس الوقت عارفه اني ازا تركته مستحيل الاقي شخص يحبني و يدللني متله و متل اخلاقه و اندم .. ارجوكم يا جماعة الخير انصحوني .. قربت انجن من كتر التفكير..هل اتركه و اشتري راحة اعصابي و صحتي ولا أكبر عقلي و أحاول اسيطر على غيرتي ..يا رب تساعدوني لأني والله تعبانه
رد بواسطة زوجه اولى
شو بدك مثلا يضرب الأولى مشان يرتاح بالك ولا يسمعها كلام من اللي بدك ياه مشان انبسطي حضرتك !!فوق حقه دقه اما عالم بتجلط
رد بواسطة اميرة
قومي نظفي الشبابيك بدل ما الغبرة معبيتها
وانفضي المطبخ وعيدي ترتيب الكاسات والصحون
وعزلي الملابس الشتويه
واذا خلصتي ولسه عندك فراغ روحي ع بيت اهلك عزلي للحجه الدار
بعد كل هالشغل راح تنسي انك متزوجه اصلا
رد بواسطة معلق من العصر الحجري
إلى صاحبة المشكلة
كيف تقولين ملء أنا مطلقة
فإذا كنت مطلقة فعلى من تغارين و من هي التي تغارين منها؟؟؟؟؟؟؟
25-11-2019 05:25 PM
مرحبا
مسيناكم
25-11-2019 06:25 PM
مها احمد إلى حل عندكم
بتحبي اكتب مشكله في موقع بالنسبه للمشكله انتي تزوجني زوجك وانتي تعلمين انه متزوج كبري عقلك وردي لزوجك وانسي أمرها انتي قولي لزوجك لا تجيب سيرة مرتك أمامي وانتي لا تحكي عنها بتنسي أمرها وبعدين لا تفكري بطلاق لأنك سوف تكوني مطلقه لمره ثانيه وهذا مش منيح لكي
رد بواسطة الى مهوشة
هههههه
يجازي بلايشك يا مها . شو بدك تالفي وتكتبي .مهي هيها طرحت مشكلتها وخلصت . شو بدك تبهري فيها ههههههههههه
25-11-2019 09:37 PM
جنوبيات
وماذا بعد ؟ سِرت في اتجاهك العمر كله، وحين وصلتك انتهى العمر.
مساء الخيرات يا الربع
رد بواسطة لمنتحل جنوبيات
ليش يعني لجنوبيات تنتحل... بتحبينه يعني .
25-11-2019 09:39 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات