اغلاق

خطيبي لا يرد على هاتفي


جراسا -

الكاتبة مها أحمد

بدأت قصتي منذ أن تقدم لي أحد الخطاب وكان متعلما ومثقفا فوافقت عليه وتمت الخطوبة بيننا وبعدها اكتشفت انه لا يتكلم معي بالموبايل إلا الوقت القليل وإذا تكلم يتكلم بإختصار فمثلا يقول لي: الشهر القادم سوف نتزوج فتجهزي للزواج وإذا نقصك شئ كلمينني ثم يغلق الخط

وعندما اقوم بالإتصال به أنا لا يرد إلا بعد أكثر من اربع او خمس محاولات للاتصال به حتى يجيب هو ويقول حينها انه كان مشغولاً ...

ومرة قال لي ابي أن اتصل بخطيبي لأقول له أن يتفضل عندنا لتناول طعام الغداء معنا فأخذت اتصل به واتصل فلا يجيب على الإتصال وبعد ثلاث ايام أجاب على الإتصال وقال لي انت وقبل ثلاثة ايام قمت بالإتصال بي فهل كنت تريدين شيئاً محدداً...

فقلت له لا أريد منك شيئاً لكنني كنت سأدعوك على طعام الغذاء عندنا لكنك لم تجب أنت على الإتصال كعادتك...

وحيث أنني أعرف أنا أن أكثر الخطاب يتكلمون مع بعضهم بالساعات الطوال فأصبحت من داخلي لا أريده وذهبت إلى اهلي وأخبرتهم أنني لا أريد خطيبي وأريد فسخ الخطبة فكان ردهم بالرفض وقالوا لي من أجل عدم رده على اتصالك به تريدين فسخ الخطبة فقلت لهم إذا كان هو يعاملني هكذا وقت خطبتنا فكيف إذا تزوجنا ماذا ستكون معاملته.؟!...

كل الذي أريده فسخ الخطبة فهل انا معي حق في ذلك وما تنصحونني أنتم؟

ارجوا منكم المساعدة في مشكلتي هذهِ وشكراً لكم.



تعليقات القراء

ابو العبد تاع الشاورما
طلقيه...واذا كاتبة الكتاب اخلعيه...واذا ابوكِ ما وافق احكي لامّك خلّيها ما تعملّو مكلوبة ..وباب الدار ترميه...!
رد بواسطة القبطاااااان
ابو العبد

شو مغير الصنعه،، خابرك فلافل هههه صاير شاورما
رد بواسطة ابو العبد تاع الشاورما
يخوي يا مامون الرزاز مهنّينا....بطلنا الفلافل...اترقّينا للشاورما هههههه
17-10-2019 12:03 PM
اميرة
صباحوووو
ما بلزمك
يعني لو كنتي تعبانه او شب حريق بالبيت ما راح يساعدك ابدا
17-10-2019 01:17 PM
مها إلى ابو عبد
حاضر يا منتحله اللي بدك اياه العمليه ، واقعدي وفكري فيه اللي عجبك اعمليه واللي ما بعجبه لا تسويه
رد بواسطة ابو العبد تاع الفلافل
له له له له له يا مها...
عاد انا من جماعتك
بادافع عنك
الله يسامحك
17-10-2019 04:09 PM
مها إلى القبطأن
معلش منتحله تشغل كل شيء ساعه بتفح محل مطعم ساعه بتصير ابو عبد وإذا بدك تقلب طفل او عجوز إذا بدك تقلب قبطان أو مها
رد بواسطة المنتحله..
لا اله الا الله.
17-10-2019 07:18 PM
منى الى صاحبة المشكلة
كان زوجي متل هيك لما كنا خاطبين هلاء وضع اختلف بس برضو ما بحب يحكي عالتلفون في الناس هيك ما بتحب تحكي عالتلفون كتير فوحدي الله وكبري عقلك
رد بواسطة القبطااااااااان
والله العظيم ما بطيق ارد عالتلفون ,,,
رد بواسطة القبطاااااان
يعني افهم من هالحكي انه لساته متجوزك ولا بطل يحكي بالمره ههههه انا بمزح بدون دز ,,,,
17-10-2019 07:21 PM
نرمين
احنا مو خرابين بيوت. لا ترني عليه لما يحتاجك يرن عليك.
وأنت ما تقدري تبعثي وتساب احنا في عصر الإنترنت
رد بواسطة القبطااااااااان
الصحيح نرمين بدها تصفي النفوس بس ,, انا وبقول تعزميه عالغدا واي يوم ييجي فيه حطي له سم ,,, من تبع الاشجار هذا لا اله طعم ولا لون ولا ريحه ولا يظهر بالتشريح ,, استشيريني هههههه
17-10-2019 08:48 PM
نرمين
انا صديقه جديده هون هل في ترحيب ام الف واقعد
رد بواسطة ابو الذهب *_*
نعم في ترحيب
اهلا وسهلا اخت نرمين
رد بواسطة اميرة
اهلا وسهلا بك
رد بواسطة القبطاااااان
يعني قاعده قاعده هههه اهلا فيكي
17-10-2019 08:49 PM
القبطاااااان
للتنفيس عن النفس فقط ,,,
انا بطبيعتي بحب المراقبه واسجل الملاحظات ,, كانت طبيعة عمل وتحولت لعاده ,,, المهم احيانا بتفرج عالتلفزيون وبشاهد ما يشاهدون ,,, يعني بالمسلسلات البدويه ,, بعيدا عن انه الممثله جايه من صالون عماد بزه ولابسه من جمعية الحمايده ,,, الادهي والامر انها وبالموديل الجديد ببينوا البدويه انها البنت اللي دايره عالعشق والغرام ولا وراها لا شغله ولا مشغله وانه الغدير نادي ليلي والكارثه بين بيوت الشعر الناس رايحه جايه مثل سوق الاربعا ,, وين الناس هاي رايحه ,, ولكوا بحارتنا فيها 10 الاف ما بتلاقي واحد بالشارع ,,, انا ياجماعه برن على صاحبي وببعث له اللوكيشن وبدله عالبيت وممكن يخربط بالبيت ,, وهي بتواعد بتستنى حبيبها عند الغدير اللي جاي من ديره ثانيه ودايما بتلاقوا ,,, انا خلص بدي انتحر ,, بطلت اتحمل
18-10-2019 09:44 AM
القبطاااااان
اما الهندي ,,, ياحبيبي عالهندي ,,, شفت فلم قال البطل بده يموت وبيجي ملك الموت تبعهم عشان يوخذه قال من الدنيا ,, ملك الموت او الشخص المكلف بالعمليه بيجي بسياره امريكي لون احمر كشف بتطير ,,, وهو لابس بدله بيضا ثلاث قطع ,,( والله انا اتشجعت اموت هههه) المهم بقول لبطل يله حبيبي خلصت ايامك بدنا نروح على الحياه الثانيه ,,, البطل بقول له والله ما بتزبط معي الي ثار عند جماعه وبدي كمان ثلاث ايام عشان اوخذه بعدين بموت ,,, طبعا هذاك الشخص بوافق وبعطيه مهله ثلاث ايام وبصير يساعده باخذ ثاره حتى انه صار يوصله بالسياره ههههههه
18-10-2019 09:48 AM
القبطاااااان
مها ,,,,
ابو العبد مش المنتحله ,,, اكيد عرفتي مين ابو العبد ,,,
18-10-2019 09:49 AM
القبطاااااان
ابو العبد
من ناحية مهنينا لا هو مهنينا لا مو الصحيح مهنينا ,, ليش الكذب انا من كثر الهنا اللي انا فيه مرات بحس بخدران بايدي اليمسن ناس بيقولوا هاي اعراص الجلطه قصدي السعاده ههههه
رد بواسطة ابو العبد تاع الكباااب
سلامة قلبك يا كبير.....!
18-10-2019 09:51 AM
القبطاااااان
المتزن

طول ما احنا هون اكيد رح نلاقي النا سولافه ,,,
المتزن ,, هي الحياه مافيها غير الحب ,, لا في طبعا في العشق كمان ههههه لا بس حبيت انكد عليك هههههه
رد بواسطة المتزن
ههههههه يسعدك ربي. اخوي القبطان... ولو هو في اجمل من الحب الله يسامحك.. ههههه بس اعتب على الاشي الي بتحبه ... يسعد صباحك
رد بواسطة القبطااااااااان
ولا بعتب ولا على بالي ,, من وداه شوقه ,, شوقه يجيبه ,, وان ما اجا ,,, بشوف لي زاوية رؤيا كويسه وبسلخه صلية ميم 16 تجيب اجله ههههه
18-10-2019 09:52 AM
القبطاااااان
اصيل
شو ؟؟ شكلها نايمه الاوضاع ؟؟؟ مافي تزفيت شارع ؟؟ حفر نفق ؟؟ تبليط ميدان ,,, اشاره نحولها دوار ؟؟؟ ولا كيف اللصوص يسرقوا ؟؟؟ بدك تزعل منا الحراميه ؟؟؟
ارجوك ,, لا تخرب علاقتنا باللصوص ههههه
رد بواسطة أصيل الطراونه
هههههه والله تعب نفسي وجسدي سطحنا الزلمه يوخذ وبحيب لينا شغل
رد بواسطة اصيل الطراونه
بطلعولك بنود تغييريه على العطاء بوكوا منا ومن الشعب انت خايف عليهم ههههههه
18-10-2019 09:54 AM
ابو العبد تاع الكبااااب
بتعرف يا رفيق.....
وحياة الغوالي عليك اسلوب وحبكة في الكتابة بتنافس الخالدي لو ترد عليّ وتتركك من شغل العسكر....والا ليروح تقاعدت....بازعل بعدين !!!!!
رد بواسطة القبطاااااان
لا ماتقاعدت ،، اطمن بدري علي ،،، بس الرغبه بالكتابه ضعيفه والوقت ضيق وعلى اساس،الكتاب لاقيين يوكلوا ههههه
رد بواسطة المنتحله..
قال بنافس الخالدي قال.... علامة تعجب نقطه..... ومها احمد وين؟ افتح قوس (مها احسن كاتبه هلق سكر القوس)
رد بواسطة القبطااااااااان
انا مات بقدر انافس حدا ,,, دنا غلباااان هههههه
18-10-2019 03:17 PM
المنتحله..
سىلام خص نص للكاتبه مها احمد. سلمت يداك على هالقصه. شوي وببكي اوجعتي قلبي يا كاتبه. لينتحر الكتاب من بعدك. بتشديد الكاف
رد بواسطة القبطااااااااان
كشفت راسي واتجهت ,, وقلت يا ام العواجز ,, الهي توقف لها في حيلها وعينها ,, عفّت بنت حسب الله
18-10-2019 11:58 PM
السوسنة
شوفو الكم حل ...الاعلانات موجودة بكل المواقع بنغلقها بتروح
بس عندكم بغلقها بتفتح
جد لو بدي اعلق اقل شي بياخذ ٥دقائق لاخلص من الاعلانات
رد بواسطة اميرة
نفس المشكلة
صباحوووو
رد بواسطة السوسنة اميرة
كيفك اميرة

شو اخبارك

شو اخبار الفيس ...لسى المجموعات غير نشطة
رد بواسطة اميرة
الحمدلله بخير الله يسلمك
19-10-2019 11:03 AM
القبطااااااااان
احلى رد قريته
مها بتقول الي انه المنتحله هي نفسها ابو العبد

اروع رد من المنتحله (( لا اله الا الله ))

المنتحله شهدت ,,, اسلمت ههههه
رد بواسطة ابو العبد تاع ...الانتحال
انت اكثر واحد بيعرفني............يسعد سجن المحطة...وحواليّ سجن المحطة..!!!!
رد بواسطة القبطاااااان
ولو يا صديقي اذا انا ما عرفتك ,, مين بده يعرفك ؟؟؟؟
رد بواسطة المنتحله..
هههه
19-10-2019 07:00 PM
القبطاااااان
بنت جيراناا قاعده بتحكي فيديووو مع حبيبهاا ع السطح

رنيت ع أمها حكيتلهاا خالتووو خزانكم بكب مي

بعد ربع ساعة اجا عندهم الإسعاف

ما بعرف ليش ؟! أبصر شو صاير ؟؟

معققوول الخزان معوو نزيف
رد بواسطة ابو العبتد تاع كُلّو
ههههههههههه يحرء شنينك قتلتها للبنت !
19-10-2019 07:06 PM
القبطااااااااان
ابو العبد تبع الكنافه

يا صديقي الكتابه عالم وانا مجرد معلق اكتب جمل قصيره من هنا وهناك ,,, لا يعنيني تلاصقها او تراصفها بقدر ان تصل الى القارئ بصدقها ,,, اما الكتاب فلهم كل الاحترام والتقدير ,,,
مكاني الميدان ومكتبي وكمبيوتري ساحة قتالي ,,,, من هناك اتابع واقرأ واشاهد ,, واعلق وامزح واتعرف ,,,, بكل الحب تعرفت عليكم وكلي فخر بصداقتكم ,,,,
رد بواسطة ابو العبد تاع الفلافل
اكيد الليلة مداوم..صبّاحي.....من كل قلبي بادعيلك...انا مثلك سهران الليلة..بس المكان مختلف...انا سهران لوحدي..مع ذكرياتي..مع اوراقي وملفاتي...مع طفولة حرمت منها من الكثير الكثير.....تصبح على خير.
رد بواسطة مها احمد إلى ابو عبد
بعتذر إذا فكرتك نفسك منتحله ، لأنك دائما بكتب ابو عبد صاحب مطعم وقلت مش معقول واحد يكتب هيك غير منتحله بتخوث فارجواا المعذره منك مره ثانيه
19-10-2019 07:12 PM
اميرة
الوضع حريقه
يا نار شبي حطبكي
رد بواسطة القبطاااااان
الصحيح ،،، حريقه ليش الحكي هههه
19-10-2019 07:16 PM
القبطاااااان
ابو العبد

لا والله يا صديقي اليوم مداوم بعد الظهر لنص الليل ,, عنا تجهيزات لزياره مهمه ,,, مع اني انا مش شايفها مهمه لكن هم قرروا انها مهمه وبقولوا مامون الاكثر دقه بهالقصص ,,, وعليه داومت
19-10-2019 10:00 PM
المنتحله..
شوفت عينك قبطاااان.. هالمها ما بتتركني بحالي.. كل ما شوي بتعملني حدا.. مره ببيع فلافل ومره شورما بس ناقص تعملني ببيع قصص ومسلسلات
رد بواسطة القبطااااااااان
معلش عطوفتك مهو انتي مش تاركيتها بحالها ,,, صارت تشوفني انا منتحله كمان ,, ارحمي قلبي الله يرضى عليكي
19-10-2019 10:06 PM
المنتحل.......
مها ....
في قصه احبكيها ورتبيها على شكل قصه ..
والقصه بتحكي عن اب لستة اولاد واحد منهم يبكي دائما بدو يربي زرافه بالبيت والثاني بدو يعمل غرقه من الغرفه بركة مي و يربي حوت والثالت بدو يربي ذئب والرابع بدو يربي بالبيت اسد والخامس بدو فيل بالبيت والسادس بدو وحيد القرن...
والاب محتار لانه ما بقدر يجيبهن كلهن عالبيت وان جاب اشي بزعل القاني فشو الحل ؟؟
رد بواسطة للمنتحل
لا تفكر ولا تحتار..... مها عندها القرار... اصبر وشوف شو لي صار... ل
رد بواسطة مها احمد
حاضر بكتبها وكمان بزيد عليها صاحب مزرعه طلب موظفه ﻷهتمام بالحيوانات ، نادى عليكي وقمتي بالواجب وركبتي الفيل وحلبتي البقر و وأصبحتي، من شرب حلبي البقر وزنك فوق 120 شايفه قديش خيالي واسع وبقدر الف وأزيد بقصص
20-10-2019 10:23 AM
مها إلى القبطان
اخي انا بعرف كل موجدين غير ابو عبد ، ويعتذر منه وارجوا قبول اعتذاري اخي في مثل اللي ما بعرفك بجهلك وانا ما بعرفك
20-10-2019 07:05 PM
القبطااااااااان
وين الناس ,, وين العالم ,,,
رد بواسطة ابو العبد تاع المناسف ههههههه
يسعد مساك يا كبير
رد بواسطة حزين...
كل العالم حزينه على لبنان.....
رد بواسطة القبطااااااااان
والله ياقرابتي ,, كل واحد عنده حزنه ,, ترى لبنان قدروا يقولا للصوص يالصوص ,,, عنا لساتنا بنرقص وبنغني الهم
20-10-2019 07:35 PM
القبطااااااااان
أواه يا قلبٍ عليل تعلَّقت
في حب منهو بالنواعس فتني

حاولت عيني تمتنع ما تملكت
حبه مَلك قلبي وفكري وظني
ليلة لقانا يا ضميري تلوعت
هاجت شجوني والعيون أهملني

عز الله اني بالموده تحملت
محدٍ فزعلي وخفف الحمل عني
حبه ذبحني ليتني ما تولعت
منه العذاب و زايد الشوق مني
20-10-2019 08:46 PM
القبطااااااااان
حطني جوا بعيونك
شوف بيا الدنيا كيف
أحلا من شوقي وجنونك
لما جيلك يوم ضيف

والله واحشني زمانك
جلستك حضنك حنانك
يا منى روحي وقلبي
تعبت اداري في اشتياقي
زحمة حولي ومنَي لاقي
وقت وفرصة للتلاقي
والله واحشني زمانك
جلستك حضنك حنانك
20-10-2019 08:50 PM
ابو العبد تاع الشاورما
الى الكاتبة مها....
اعتذارك مقبول...
وارجو منك ان لا تهتمي ابدا للمنتحلة لانها جاهلة
رد بواسطة مها إلى ابو عبد
هل تصدق لو اقول لك بحياتي ما شفت بنت ذكيه مثلها ، بس يا خساره تستعمل ذكاء للشر فقط ما مر علي بنت زيها
20-10-2019 08:50 PM
ابو العبد تاع الفلافل
حبيبي يا مأمون غلبتك معاي...
معلّش...ضريبة الصداقة القديمة
رد بواسطة القبطااااااااان
بتشرف معاليك ,, ولو ... بدنا خدمه تحرز ,,,
20-10-2019 08:51 PM
ابو العبد تاع الفلافل
حبيبي يا مأمون غلبتك معاي...
معلّش...ضريبة الصداقة القديمة
20-10-2019 08:52 PM
القبطااااااااان
ابو العبد تبع الفلافل

قبل شوي وانا بتجول باحد المطاعم ,, شاهدت مجموعات من الشباب والبنات ,, اللي لفت انتباهي انه الشباب لابسين بلايز وطالبين حرامات خفيفه من المطعم وحاطينها على اكتافهم من البرد ,, والبنات نص مشلحات وعادي وبدخنوا ارجيله ,,,, معقول الشباب ناعمين كثير ولا البنات ميتات من البرد بس خايفات يتغطى اللبس ؟؟؟؟ ههههههه
20-10-2019 09:41 PM
القبطااااااااان
المحرر

صدمتني يارجل ههههههه مالحقت ابعث التعليق لقيته قدامي
20-10-2019 09:43 PM
القبطااااااااان
ابو العبد ,,,
انت راعي اوله وراعي الاوله ماينلحق ,,, انا طول عمري بحس بالقوه واني مسنود لاني بعرف انك موجود ؟؟؟؟
20-10-2019 09:47 PM
السوسنة
اجا على بالي فلافل وكنافة ...رح اشتريهم وانا مروح
رد بواسطة ابو الذهب *_*
صحتين وعافيه اخت السوسنة
21-10-2019 11:56 AM
السوسنة السوداء
صباااح الخيرات للأصدقاء
قبطان
اصيل
متزن
ابو الذهب
⚘⚘⚘⚘⚘⚘⚘⚘
رد بواسطة ابو الذهب *_*
مساء الخير
اخت السوسنة
وتسلمي يا اصيله
رد بواسطة أصيل الطراونه
مساء الانوار
21-10-2019 11:57 AM
السوسنة السوداء
صبااااااح الوردات للصديقات
هناء
اميرة
مها
⚘⚘⚘⚘⚘⚘⚘⚘
21-10-2019 11:58 AM
فراشة الوادي
نسر الجبل

صباح النرجس والورد
رد بواسطة نسر الجبل €""
مساء الخيرات
ويا هلا فراشة الوادي
وانرتي الموقع
21-10-2019 11:59 AM
فيلسوف....
رجلُُ كبيرُُ في السِّنِّ، تحصّلَ ابنُـهُ على شهادةِ دكتوراة في علمِ الفلسفةِ.

▫وذاتَ يومِِ كان جالساََ هو وابنُـه الدّكتورُ على مائدةِ الغداءِ.

▫فسأل الرّجلُ الكبيرُ ابنَـه : أنت دكتورُُ في ماذا ؟ هل أنتَ تُعالِجُ النّاسَ؟

▫فقال الاِبْـنُ : لا يا والدي، أنا دكتورُُ في علمِ الفلسفةِ.

▫فقال الأبُ : وماذا تعني الفلسفةُ؟

▫فقال الاِبنُ: الآن يوجـدُ أمامَنا قصعةُُ فيها أرزُُ ، وفوق الأرزِ دجاجةُُ واحدةُُ، أليس هذا صحيحاََ يا أبِي؟

▫فأجابه والـدُه : هذا صحيحُُ.

▫فقال الِابنُ: أستطيعُ بعلمِ الفلسفةِ إقناعك بأنّ الموجودَ على الأرزِ دجاجتانِ، وليست دجاجةََ واحدةََ !

▫فقال الأبُ الكبيرُ بفطرتِـه: ما شاء اللهُ، أنا اقتَنعتُ من الآن، ومَــدَّ الأبُ يـدَه وأخـذ الدجاجةَ الموجودةَ ووضعها أمامَه.
ثمَّ قال لِابنِه الفيلسوفِ: خلاص، أنا آكـُـلُ هذهِ الدّجاجةَ، وأنت كُــلِ الدّجاجةَ الثّانيةَ إن لقيـتَـها .
وخل الفلسفه تنفعك
رد بواسطة ابو الذهب *_*
ههههههه
لو ما اتفلسف الابن كان اكل قطعة دجاج وخلص بس خلي الفلسفه تنفعه
هيك بده
تحياتي لكم
21-10-2019 12:26 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات