اغلاق

حبيبتي مدمنة كحول


جراسا -

الكاتبة مها احمد

تعرفت عليها وقد عشقتها بجنون واستمرت علاقتنا 5 سنوات واتفقنا على الزواج

في يوم اتفقنا نخرج مع بعض ، في البدأيه رفضت الخروج وبعد إصرار مني وافقت بس بشرط أن تجلب معها بعض صديقاتها وان تكون جلسه جامعيه وافقت بعد ما جلبت اصدقائي للجلوس مع صديقاتها

وفعلا رأيتها مع صديقاتها لم يعجبني طريقة كلامهن ولا حتى طريقة لبسهن، يدخنوا ارجيله قلت لها أن تبعد عن صديقاتها ، إذا أردت ان نستمر بتلك العلاقه ، ولكنها رفضت وأصرت الخروج مع صديقاتها

وفي يوم تشاجرت مع إحدى صديقاتها وأثناء مشكله قلت لها لماذا تدخني، انا اكره البنات يدخنون ، كان ردها صدمني انا فعلا ادخن لا عيب في ذلك ، بس لا ا تناول الكحول مثل حبيبتك، قلت ماذا تقولين.؟

نعم حبيبتك تشرب ، وإذا لم تصدقني اسألها ذهبت وانا لم أصدق ما تقول معقول وصل فيها الأمر على إدمان على كحول. فعلا اتصلت فيها وكان وقت متأخر، قلت لها اريد ان اراكي لأمر هام،

وثاني يوم رأيتها سألتها في بدايه أنكرت وتحت الضغط مني اعترفت وحلفت انها لم تناول كحول غير مرتين كان شقيقها جلب زجاجة وشربت، في البيت ، ومره ثانيه جاءوا صديقاتي على البيت وشربت كأس ومن يومها لم تذوق خمره وتابت إلى الله ، والتزمت بالجلباب وأخذت تصلي ولا تقطع فرض صلاه ، وحتى ربنا يغفر لها ذهبت عمره، لم أصدق ما قالت قر رت اقطع علاقتي فيها للابد ،

وكان هذا قرار صعب علي جدا لاني كنت متعود اتكلم معها في صباح ومساء ولا نفترق، وقلت لها أن نترك بعض ،أخذت تبكي وتقول بهذه سهوله تتركني ، وإذا على شرب انا حلفت لاني لم اشرب غير مرتين فقط ،استغفرت ربي وتبت اليه، كان ردي باغلا ق الخط ومن يومها لم اتكلم معها

المشكله انها ماخذه كل تفكيري ولم استطع نسيانها وحاولت ولم اقدر ، وحتى أجبر حالي على نسيان قلت لأمي أن تبحث عن عروس لي ،قالت لي بنت خالتك تحبك ، وانا لم ارى أفضل منها لك تزوجها

انت اجلس وتكلم معها ، بالرغم انها بنت خالتي لم يصدف جلست معها وفعلا تكلمت معها وجدتها طيبه واعترفت على حبها لي

انا أصبحت في حيره من أمري، لأن ما زال قلبي متعلق بحبيتي وبنفس الوقت اخاف إذا ارتبطت بنت خالتي اظلمها كوني لا أميل لها قلت اسالكم ماذا علي فعله ؟ اريد نصيحه منكم وشكرا



تعليقات القراء

اختضر الحل
لماذا وانا اقرأ المشكله اجاني شعور وكانني ابتلعت لساني.. الله يذكرك بالخير يا عبدالله.. اللي بمسلسل ونيس
12-09-2019 05:19 PM
نواب
ممكن يكون عصير تفاح
12-09-2019 05:20 PM
جنوبيات
اسكر معها احسن هههه
رد بواسطة السوسنة جنوبيات
مساء الخير

بشوفك كثير عند مواضيع بتخص المعلم
رد بواسطة جنوبيات
وهل هناك من هو افضل من المعلم.
يسعد صباحك
رد بواسطة السوسنة جنوبيات
⚘⚘⚘
رد بواسطة جنوبيات
السوسنة الف الف شكر
مساء الورد
12-09-2019 08:53 PM
القبطااااااااان
السوسنه
انتي بتحكي صح انه في نسبه من المعلمين مخلصين ,, لكن انا بقيس على ارض الواقع بقارن المهاره بالنتائج ,,, طلاب لغاية التوجيهي مابعرفوا يكتبوا العربي ,,, قسما بالله كتابتهم مثل ما بحكوا بكتبوا ,, وين اتعلموا هذول ؟؟ مش بمدارسنا ,, مش معلمينا اللي انتجوهم ؟؟؟ معناته وين كفاءة المدرس ,, يكون الزياده على قدر المهاره والنتائج ,, ليش زعلانين ؟؟؟ اللي بنتج يكافئ ,, بتحكي عن نفسيات الطلاب اللي بتتعاملوا معهم ,, طيب راتب المعلم احسن من راتب الضابط والضابط بتعامل مع الارهاب والجنايات وتجار المخدرات ,, لا تقولي مجال شغلك صعب ,, بتوخذوا الطفل مثل العجينه وبتصنعوا منه الجيل اللي احنا بنشوفه ,,, بتعاون من المجتمع والاهل لكن انتم التربيه وانتم التعليم ,, لا بنشوف بالمدارس لا تربيه ولا تعليم الا القليل ,,, الزياده مطلوبه ما بنحكي شي لكن الحوار مطلوب كمان ما تكون تناحه لانه الامور بلشت توخذ منحنى خطير ,,,, صارت السلطه بتقول لك النا مش عارف قديش معلم فلسطيني ,, لا مافي معلم فلسطيني ,, كل المعلمين اردنيين ومنهم اردني من اصول فلسطينيه ,,, صارت الدول اللي حوالينا بدها تستغل الموقف لنشر فسادها ,,,حتى مصر صار الها موقف من هالموضوع ,,, التكوين الاردني مبني على اردنيين اصليين واردنيين من اصول اخرى ,,, واللي بعملوه المعلمين فتح العيون على هالنقطه لخراب البلد ,,, وان لم يتم التفاوض ودرا هذا الخطر رح يعمل قصص ثانيه اشد خطوره من مسالة الزياده,,, اذا انتقلت هذي العدوى رح يكون تشتت كبير بخلايا المجتمع ,,, المعلمه بتعطي اولادها الماده في البيت طيب والموظفه اللي مركنه عليكوا تعلموا اولادها ؟؟ مين يعلمهم ؟؟؟
اولا واخيرا انا ولا غيري بننكر فضل المعلم ,,, لكن ما تصير مقايضه ,, يوجد مصالح اهم من مصلحة فئه او مجموعه مهما كان عددها ,,,, اللهم هل بلغت ,, اللهم فاشهد ,,,,,
رد بواسطة اميرة
بدها حكمة
وسمعت جزء من حوار رئيس الحكومة كلامه منطقي
الي بالظاهر وليس الباطن
مع المعلم لكن في طرف اخر راح يوقع عليه الظلم.. الله يصلح الحال
رد بواسطة السوسنة اميرة
ماقرات كل الكلام

اميرة ..ماحد بقع عليه ظلم..رح تتعوض الحصص اما ايام سبت او تأخير العطلة


ليش كأهالي ما اعترضتوا لما وزير التربية طير ٣ اسابيع من نهاية دوام الفصل الثاني ...عشان رمضان وتقديم الامتحانات

لازم مانكيل بمكيالين

بعدين شو الكلام المنطقي بكلام معاليه

رواتبهم كم...حوافزهم كم
رد بواسطة السوسنة قبطان
القبطان

بدك الزيادة على الاداء
طيب..مايطالب به المعلم .تحسين معيشة
بعدين يعطوه حوافز على ادائه

المعلم موظف مثل البقية
هل زياداتهم على الاداء
لازم يطبق هاد على كل موظفي الدولة من اعلى وظيفة لاقل وظيفة
وزير ناىب شرطي معلم ...الكل لازم زيادته على ادائه ..ليش فقط للمعلم
رد بواسطة السوسنة قبطان
قبطان
نتائج التوجيهي السنة اكبر دليل على اداء المعلم..نسب عالية بالعلامات

بعدين هيك انت ماشاء الله عنك بتكتب وبتحكي ..مش نتاج معلم ...وين دور المعلم بنجاحك
رد بواسطة السوسنة قبطان
الضابط راتبه اقل من المعلم ..لا
المعلم اول راتب بياخذه ٣٦٠
بعدين تصور بلد دون معلم...لافي ضابط ولامهندس ولا طبيب ولا غيره..المعلم هو أساس
الدول المتقدمة..احد اسباب تقدمها..اهتمامها بالمعلم..لانه هو اساس بناء الاجيال القادمة
اذا المعلم مش لاقي سكن ولا مصاريف لاولاده كيف بده يعطي
لازم تتوفر اله الاساسيات ليقدر يعطي وينتج

اما لطلاب الي مابعرفوا يكتبوا اسمائهم
البيت لازم مع المدرسة هاد اولا
ثانيا..انت ضربت بعض نماذج لناس مابتعرف تكتب
اضرب نماذج لناس ناجحة بحياتها ..المعلم مااله دور
رد بواسطة السوسنة
شو ماحكيتوا ياجماعة ..صعب تنكروا دور المعلم...في حياتكم وفي نجاحكم ..كان اله دور كبير وانتوا انفسكم عارفين هالحكي

الله يعطيهم العافية.معلمينا...بناة الاجيال
رد بواسطة السوسنة قبطان
الي انت بتحكي فيه ..ماسمعته لا اردني ولا فلسطيني
هي سواليف ناس فاضية..لازم مانحكي فيها.
بالعكس كل المجتمع مع المعلم
رد بواسطة السوسنة اميرة
اميرة
بدها حكمة
وين حكمة الوزراء وتخطيطهم
٥ سنوات والمعلم بطالب ...كل مايطالب بدكم تتهموه بعدم الحكمة

لمتى...
رد بواسطة السوسنة قبطان
قبطان
انت بتقيس على ارض الواقع للمعلم

اذا قيس للوظاىف الثانية على ارض الواقع ...عشان تكون حقاني
رد بواسطة السوسنة
اميره
قبطان

لاتخافوا على الطلاب مابروح عليهم شي

رح يتم تعويضهم عن الحصص الي راحت
وكن حق المعلم وضعه يتحسن
رد بواسطة السوسنة
قبطان

اميرة

صدمتوني بتعليقاتكم
وانكم مش مع المعلم
رد بواسطة السوسنة
قبطان اميرة

حاب اوضح الكم الصورة وللجميع

ممكن الناس بتفكر انه المعلم بنهب فلوس نهب

راتبه اول مايتعين ٣٦٠

وهلا العلاوة الي طالبها ٥٠ بصير ٤١٠
اجار البيت ١٥٠ وماؤ وكهرباء..كيف بده يعيش


كم راتب الضابط

انا مابنكر فضل الضابط والعسكري
الله يعطيهم العافية..وفعلا حياتهم صعبة ومعرضة للخطر كونهم بتعاملوا مع ناس خارجين عن القانون..شكرا الهم

لكن برضه المعلم حقه يتحسن وضعه
رد بواسطة اميرة
الله يسامحك يا سوسنه
ما حكينا ضد المعلم
والحوار كان لرئيس الوزراء وكلامه ع فكرة موزون
الهم حقوق ياخدوها
صدقيني انا اكتر شخص اتبهدل بحياته وبعرف ايش يعني ما الك اشي او حقوق بالحياه
رد بواسطة اميرة
يا ستي يخفضوا الضريبه والاسعار ويحسنوا الراتب مش زعلانين
بتعرفي انا زعلانه ع حالي
رد بواسطة اميرة
فكرتي هيه ربط الزيادات السنويه مع راتبه الاساسي ولكل الموظفين مش بس المعلمين

لاني كنت اسمع ولا ادري ما صحتها انهم العلاوات او المكافآت تنزل وتتسقم هيك وهاد التصرف يظلم فيه الموظفين واكرر لا اعلم مدى صحتها
رد بواسطة السوسنة اميرة
حبيبتي اميرة
وانا بعرف انت كم حقانية ومن كلامك معي كنت ماخذ فكرة تانية غير الي شعرت انك كاتبيتها بالتعليق
لكن..ممكن انا فهمت تعليقك غلط..اعذريني..والله من زعلي وقهري❤❤
رد بواسطة سوسنة اميرة
ندمانة اني اغلقت الفيس

لازم الفيس موجود..ومهم بأمور مثل هي..ليحكي الواحد وجهه نظره ويوصلها
13-09-2019 01:34 AM
القبطااااااااان
بعد ما قريت المشكله حسيت حالي مصدوم ,,, مين هاي ؟؟ مين هذا ؟؟؟ مين انا ؟؟؟؟
13-09-2019 02:53 AM
الل
ارجع لا حبيبتك
13-09-2019 10:58 AM
السوسنة
قبطان

وين الرعد
رد بواسطة القبطااااااااان
والله ما بعرف اجا كم يوم ومليان بالنشاط وكعادته ,, تبخر ,,,,,
13-09-2019 08:55 PM
القبطااااااااان
السوسنه
الزياده المطلوبه 100 مش خمسين ,, لانه طالبين نص الراتب الاساسي ,,, يعني 100 ,,, والاطباء كمان يعملوا هيك ,, بتكون خربت ,,,,
رد بواسطة سوسنة قبطان
الراتب الاساسي ماوصل ٢٠٠
ليحصلوا على ١٠٠ تقريبا ١٧٠ راتبهم الاساسي
14-09-2019 01:15 AM
القبطاااااااااk
تسكر ياخلف ؟؟؟

هههه اللي كملها يسعد قلبه
14-09-2019 06:19 AM
اميرة
صباح الخير والسعادة
رد بواسطة سوسنة اميرة
صباح الخير
14-09-2019 11:01 AM
اميرة
في عام ٢٠١٦ تزامن انطلاق العام الدراسي مع عيد الأضحى، وتلاه الانتخابات البرلمانية التي جرت في 20/9 من نفس العام، ومددت التربية العطلة لغاية 22/9 .
لم تتوافد الجموع أمام المدارس، ولم يبكِ أحد على ضياع ثلاثة أسابيع من العام الدراسي.
#مع_المعلم
#منقول
رد بواسطة حلوة يا بلدي
اللي بتوافدوا سحيجة معاليكي...
رد بواسطة السوسنة
وغير هيك...العام الماضي مش انهى العام الدراسي قبل ٣ اسابيع قدم فيهم الامتحانات
عشان رمضان

ماشفنا الأهالي اعترضوا
رد بواسطة السوسنة
اميرة
❤⚘
14-09-2019 12:38 PM
لبيبة
الحق ع المشرع اللي بشرع لنفسه
وجب التعزيل واعادة الترتيب
14-09-2019 12:39 PM
حلوا عنا
والله اذا تم التقييم على الاداء بعض النواب والوزراء وحتى في كل اجهزة الدولة... فإن البعض ما بشتغل بشلن....
رد بواسطة القبطااااااااان
مزبوط ,, عشان هيك كلهم ساكتين هههه لكن تقصير ووقاحه ؟؟؟ ههههههه
14-09-2019 01:48 PM
عند الناس اللي بتفهم
كيف نساويكم بمن علموكم
رد بواسطة القبطااااااااان
وكيف نساويكم بمن انفق على تعليمكم ؟؟؟؟
الحراثين هم اللي انفقوا عليكوا ,,, وشو طلعتوا ؟؟؟
الكل بشتغل عشان الراتب ,, مالحد فضل على حدا ,,,, بدليل ما يحدث الان ,, عملية مقايضه ,,,
رد بواسطة سوسنة قبطان
قبطان
المسألة مش اني بشتغل عشان الراتب ...لازم تتوفر الاساسيات اقل شي للناس مأكل ملبس يتزوج ...وهاد مابحصل عليه الا اذا معه فلوس ...الراتب ضروري

هلا انت مستعد تشتغل بدون راتب ...كيف بدك تعيش
رد بواسطة اميرة
لا يمكن العيش من غير رواتب
لا يمكن تكمل حياتك كفرد من غير دخل
لا يمكن تكون سوي اذا ما الك رزق
14-09-2019 01:51 PM
للراضي والزعلان
مع النقابة... مع المعلم الى اخر المطاف.... لا للتراجع والهزيمة
رد بواسطة ربة منزل
اول مره بشوف الاهالي والمعلم والطالب مع بعض بصراحة اشي يثبت ان المعلم صاحب حق ...
رد بواسطة جنوبيات
انا مع المعلم لاني فاهم انو المعلم على حق ومع النقابة لانها مع المعلم#
وانا معلم#
رد بواسطة القبطااااااااان
بعد اسبوعين بطل المواطن مع المعلم ,,, كانت فزعه بس لما فكروا طلع مصلحة اولادهم اهم
رد بواسطة محارب
يا رجل على مهلك شوي ... أي تراجع و أي هزيمة ؟؟؟ هو إحنا فايتين حرب ؟؟ هدي أعصابك لا يطقلك عرق ..
14-09-2019 01:53 PM
قمر البوووااادي
انداري
14-09-2019 11:11 PM
القبطااااااااان
ياجماعه انا لم انتقص حق المدرس وما انتقص اي انسان يطالب بالزياده مش بس المدرس ,, المدرس هو شريحه من المجتمع مافي وظيفه بهالبلد راتبها مكفيها ,,,, والكل راتبه اقل من جهده ,,, لكن التغيير مابصير بهالطريقه ,,,, ياجماعه المشكله اكبر بكثير ,,, البلد نفسها انباعت ,,, بحححح ,, ماظل ,,, وصار البيع عالمكشوف ,,, بدون ادنى درجات الحياء ,,, بدل ما نعتصم عشان الخمسين دينار ,, نعتصم ونحتج عشان مقدرات الوطن اللي انسرقت ,, هاي المقدرات اللي راحت هي اللي كانت بتعمل لك الزياده ,,, بالله عليكوا ,, الاعصامات للمطالبات ,, من مين بتطلبوا ؟؟؟ من الرزارز ؟؟؟؟ انتوا مجانين شي ؟؟؟ هو الرزاز عنده امكانيه يزيد ؟؟؟ هو في بالخزينه قدرة على الزياده ,,, انتوا بتحاربوا بالشخص الغلط ,,, انا من مصلحتي يكون راتب المعلم 1000 والعسكري 1000 وكل موضف 1000 بس منين اذا كلشي راح وقدام عيونكوا وماحد حرك ساكن ,, هسه جايين تطالبوا الرزاز ؟؟؟؟ بتعرفوا وين المشكله ؟؟؟ انه الانتماء صار للاشخاص وليس للوطن ,,, لما نصير مخلصين للوطن ,, كثير شغلات رح تتغير ,, لكن بهالطريقه ... مارح يتغير شي ولا بعد مليون اضراب ,,,,, رفعت الاقلام وجفت الصحف ,,,,
رد بواسطة السوسنة قبطان
طبعا الرزاز...بدهم يطلبوا منه..هو رضي انه يكون بهالمنصب ...
غيره انسحب وريح حاله ...هو قبل المنصب ..اذا بده يخطط ليطلع الناس من الازمة...وهاد الاداء الي بحكي عنه للمعلمين لازم كمان يكون عند الوزراء لأخراجنا من عنق الزجاجة
رد بواسطة فرقع لوز
المشكلة انو انا بلاقي ناس تنغص عليي
المشرع تعبااااااان
رد بواسطة السوسنة قبطان
مين قصدك بالحراثين وابنائهم
...قصدك المواطن البسيط
المعلمين بسطاء وابائهم كذلك
ابن المعلم بطلع معلم..مابقدر يدفع اله ١٠٠ الف ليطلع طبيب..او مهندس اويصل لدرجة وزير

ابن الطبيب طبيب..ابن المعلم معلم..ابن الوزير وزير
رد بواسطة السوسنة قبطان
بنحب الوطن وكلنا انتماء وولاء اله
انولدنا فيه وعشنا طفولتنا وشبابنا فيه ..ويمكن ندفن بترابه

مش معناها اطالب بعيش كريم اني ضد وطني
لا ..هاد حق من حقوقي احصل على الأساسيات ..سكن..مأكل وملبس..حياة كريمة
15-09-2019 02:30 AM
القبطااااااااان
قبل كم يوم عالاخبار ,, جلالة الملك يزور دائرة الاراضي متنكرا ,,,,
بعدها بيوم العيسوي رئيس الديوان يزور الاراضي ,,,,

فاهمين شو بصير ولا مقري عليكوا ؟؟؟؟
رد بواسطة فرقع لوز
في طراطيش كلام ومش متاكدة وغامضه
15-09-2019 02:32 AM
السوسنة
نرجع لمدمنة الكحول

مرتين مش ادمان
ومادام اعترفت انها بطلت خلص
رد بواسطة جنوبيات
سوسنة اخالفك الرأي. تعتبر منحرفة وبحاجة لتعديل سلوك #
15-09-2019 07:54 PM
منقولة
اليوم اضراب المعلمين والثلاثاء الاطباء والسبت المهندسين والتكسي الاصفر يلوح بالاضراب وما شاء الله الشيوخ بدهم اضراب كمان والحبل على الجرار يعني لا تدريس ولا علاج ولا زراعه ولا مواصلات ولا صلاة جمعة ...
اشي بيضحك ولا ببكي ...
15-09-2019 09:16 PM
الى القبطان تعليق 17
الصحيح فشيت غلي اخبرهم يا صلاح شعب جاهل سحيج كلامك درر الرزاز ولا اله علاقه الرك على الاساس كله فساد وسرقه وبيع مقدرات وطن على عينك يا تاجر بس مين يفهم
رد بواسطة لبيبة
ان اختلف مع مصالحهم حجبوا الثقه عنه..

كلنا ابناء الوطن وولاءنا وانتماءنا لتراب الوطن
16-09-2019 07:59 AM
هيثم المومني
اعطي المعلم من شان يعطيك.. في اغلب دول العالم المتقدمة مثل سنغافورة واليابان والمانيا المعلمين بتقاضوا اعلى اجور.. مع العلم ان لست معلم ولكني مع المعلم
رد بواسطة القبطااااااااان
وفي تركيا ,, الجندي راتبه الاعلى ,,,
لكن بالاردن هيك الرواتب ,, بدك تفضل ,,,, مابدك اتركها لغيرك ,,,
رد بواسطة معلمة.....
هيثم
نشكرك كمعلمين...

القبطان... وين يتركها...!!!!
هو لو معه يتركها ويتركها.... مهو لانه مش قادر يتركها بطلب حقه... وهاد مشروع في كل دول العالم.... والساكت عن الحق شيطان اخرس
16-09-2019 11:01 AM
السوسنة
زينة
هنا
متزن
ابو الليث

الزملاء المعلمون والمعلمات اين انتم
رد بواسطة المتزن
موجود .تحية خاصة لك '
تحية لكل معلم ومعلمة#
رد بواسطة سوسنة متزن
متزن
يسعد صباحك
رد بواسطة المتزن
يسعد مساك كذلك.
رد بواسطة الى السوسنة
اهلا سوسنة
16-09-2019 05:09 PM
اميرة
مساء الخير
شو صاير بغيابنا
ومين هدول اللي بعلقوا هون
ليش المكان مهجور
غبنا اكمن يوم نلاقي المنتحل بالساحه لحاله
16-09-2019 05:21 PM
القبطااااااااان
انا لا اعترض على المطالبات القانونيه لكن بالاخر في منطق ,,, الموضوع زاد عن حده ,, بدكوا تجاكروا الوزاره ؟؟؟ شو علاقة الاولاد ,,, انت موظف ,,, ان ما عجبك الشغل بتقدم استقالتك وبتروح ,,, انت مش شريك بالمدرسه ,,, لا تقولوا لي بناة اجيال ومن هالقصص لانه انا وكل الشعب الاردني بعرف ان التعليم بالمدارس الحكوميه رديء جدا ومستوى المعلمين منهار الا رحم ربي ,,والواقع الطلابي والنتائج السيئه على العلن ,, طلاب لغاية الثانويه مابعرفوا يقروا ولا يكتبوا كتابتهم مثل الحجابين لا بتنقرى ولا بتترجم هذول مين علمهمانا مابحكي عن عدد قليل لا بحكي عن اعداد تشكل نسبه كبيره ,,, لا يغركوا نتائج التوجيهي كلنا بنعرف الناس كيف نجحت ,,, واللي حقق نتائج مرتفعه لانه امه بتدرسه وهو صغير وابوه دفع دم قلبه مراكز واساتذه للتوجيهي وهو كبير ,, اما الطفران اللي اركن على مدارس الحكومه ابنه باي باي , حصة الرياضيات بالتوجيهي 25 دينار ,, لاتسولفوا عن الامانه ,, نظام تسويق ,,,, بيع وشرا ,,, سيبونا من الشعارات الفارطه والا ليش لما يكون عندي طالب توجيهي بضطر ادخله مراكز ؟؟؟ لانه المعلمين ما بتقوا الله برسالتهم ,,, ليش المعلم لما يكون بالصف بكون اداؤه ربع اداؤه بالمركز اللي بداوم فيه ؟؟؟ لانه بالمدرسه جاي استراحه من المركز ,,, بالمدرسه ماخذ هالراتب وبالمركز ان ما جاب نتائج بنطرد ,,, لازم كمان بالمدرسه ان ما حقق نتائج ينطرد ,, تقييم اداء بكل مكان ,,, عطله اربع شهور ,, ثلاثه بالصيف وشهر بالربيع ,,, وترويحه الساعه 12 او الواحده شو بدكوا ؟؟؟؟


يتبع ,,,,,,
رد بواسطة يتبع ١
شاهدت معلمين حتى يكملو رواتبهم بشتغلو وظيفه ثانيه
لانو ابنه الطالب بحاجه الى رسوم جامعيه
واذا طالب توجيهي بده دروس خصوصي

بذكر قصه لبنت بعرفها اول فصل رسبت توجيهي وثاني فصل جابت بال ٧٠ لتدرس جامعه
كيف نجحت بتقدر تقولي
طيب متابعه للمشهد واللي فايت واللي طالع وطبعا لا للتعميم
رد بواسطة فهمانين
طيب وين كرامة المعلم لما طالب عنده يشوفه بشتغل شغل ثاني..... مش الافضل انه يتفرغ فقط لطلبته ويبدع... عيب والله زادت عن حدها..
17-09-2019 04:31 AM
القبطااااااااان
بدك زياده حقك ,, بتتفاوض مع المعنيين ,, ما عجبك ,, اترك الشغل ,,,
انتوا بتداوموا اصلا عشان توخذوا زياده ؟؟؟ بعدين انا اول مره بشوف حد بوخذ اضافي على شغله الاصلي ,, المعلم بصحح للتوجيهي بوخذ اضافي ,, ليش ؟؟؟ مش هذا شغلك ؟؟؟؟ المراقبه بوخذ عليها ,, ليش ؟؟ مش هذا بالاصل شغلك ,, مش بالاحصاءات طالع جولات هاي ضمن التربيه والتعليم ,, انت وغيرك بتحطوا الاسئله مين يصلحها ؟؟ جدتي ؟؟؟؟ احسبوها بتلاقوا انه المعلم يتقاضى افضل راتب حكومي كموظف ,, صحيح المفروض يكون اعلى واحسن لكن الاضراب بدفع ثمنه الاولاد اللي بالاصل مابفهموا عليكوا ولا بتبذلوا جهد ليفهموا عليكوا ,,,
مدارس البنات وحسب اطلاعي ,, افضل حالا مليون مره من حال مدارس الاولاد ومع ذلك المعلمه بتحط اولادها بمدرسه خاصه لانها عارفه الصح ,,, عارفه انه ابنها او بنتها رح يضيع تعليميا اذا تركته لمدارس الحكومه الا اذا حطته تحت جناحها وصارت تعطيه الماده في البيت
بدكوا تعوضوا الطلاب بايام السبت ؟؟ مين اعطاكوا الحق بانكوا تداوموا الطالب يوم السبت ,, هذا عطله ويحق لاولياء الامور عدم ارسال اولادهم بالعطله ,,, واحد بستنى العطله عشان يزور اهله بمحافظه ثانيه تيجي توخذ منه العطله عشان تعتصم ؟؟؟ باي حق ؟؟؟

يتبع ,,,,,
رد بواسطة معلمة....
الاضراب بدفع ثمنه الاولاد اللي بالاصل مابفهموا عليكوا ولا بتبذلوا جهد ليفهموا عليكوا ,,,
تناقض معاليك.... صح

بما انهم هيك هيك ما بفهموا... يبطلوا ويقعدوا بالدار احسن... شر البلية ما يضحك...
رد بواسطة معلمة....
المعلم مش مجبور يوقف ساعتين في المراقبة ببلاش.. هاد شغل اضافي... او يصحح على طول اليوم.. طبعاً هاد عبء عليه كيف بدك يشتغل ببلاش.... لكان العسكري ليش بوخذ اجر لما يشارك في قوات حفظ السلام..
رد بواسطة فهمااااان....
صدقاً قبطان...
بعض الاهل معتبرين المدرسة مجرد حضانة... بدهم يخلصوا من الاولاد ومو هامهم يدرسوا ولا لا....
رد بواسطة القبطااااااااان
وبعض المعلمين جاي عالمدرسه تغيير جو ,, ويطلع الشاطرين يشرحوا الدرس وهو يكنكن عالتلفون بعيدا عن مراقبة المدام ,,,
17-09-2019 04:32 AM
القبطااااااااان
بعدين والاهم من هذا كله ,, وين كنتوا لما انباعت البلد وما ظل فيها اللي يدفع الرواتب ؟؟؟ يامثقفين يا اصحاب الشعارات الرنانه ,,, ماسمعنا صوتكوا عشان محاسبة الفاسدين ؟؟؟ ولا سمعناكوا لما راحت مصاري البورصات الوهميه ,,, ماسمعنا صوتكوا يا معلمين يابناة الاجيال لما صار الحرامي يرتفع بالمناصب ,,,لما فلان صار رئيس مجلس ادارة كل اشي ,,,, بتعرفوا ان احدى الاكاديميات الخاصه تاخذ من الميزانيه 12 مليون ؟؟؟ والهم اولوية التعيين بالتربيه ,,, غصب عن الكل غصب عن الطالب والمطلوب ,,,,
اخواني المعلمين ,, بدأ الراي العام يتغير من جانبكم لان الامور اخذت منحنى يمس الطلاب بشكل خاص , ,, فاستدركوا ,,
رد بواسطة الى القبطاااان
برافوووووووو....اطلع درجة.....!
فعلا التسحيج فن
وفن راقي جدا
جداً
جداً
رد بواسطة جنوبيات
قبطان اسعد الله مساك.
ممكن مستواك التعليمي
في اكمن شغله بدي اكتبهم الك
لان المستوى الثقافي مطلوب لكي اقدر اعبر الك لاتزعل مني لان الثقافه عند الحديث مطلوبه. وانا شايفك متحامل على المعلم وهو صاحب الفظل انك تستطيع تقراء وتكتب هون#بعد رب العالمين طبعا
رد بواسطة السوسنة قبطان
قبطان
سمعت انه الجسور الي بمشروع الباص السريع انهارت اليوم ؟؟
رد بواسطة القبطاااااان
فشر اللي اسحج له ،، انا بكره كل مسؤول بالبلد ،،لكن الطلاب مش ضمن معادلتي ،،، فشرت انت واللي اسحج له
رد بواسطة القبطاااااان
عشان تعرفوا مستوى الناس ،،، الحكي طلع تسحيج ،، كيف هذا مدرس ؟ كيف فهم هيك ؟ -ههههههه
رد بواسطة اميرة
ع فكره كلامك في منه نصف الكوب الاخر
ابن صديقه بعرفهم
ابنها برسب بالتوجيهي وخلته يعيد وبرضو رسب
اجاباته صحيحه لكن المشكلة اللي كانت ترسبه انه خطه مثل تفعفل الجاج
منعو النسخ
ومنعو الضرب
والمعلم اتبهدل بالمخافر والمحاكم
يعني صار راتب ٥٠٠ صدقه ما بكفي ابدا لاسرة مع الغلاء
رد بواسطة السوسنة قبطان
مساء الخير للجميع

قبطان ..انا كنت ارد على تعليقاتك ...لكن مابعرف ليش شعرت انك ضد المعلم...لهيك مارديت على تعليقاتك الاخيرة
رد بواسطة السوسنة قبطان
قبطان
انا قرات تعليقاتك..هي وجهة نظرك وانت حر ماحد بجبر حد على شي
17-09-2019 04:32 AM
القبطااااااااان
لبيبه
مابدهم حد بحب البلد ,, بدهم ناس قرفانه وجاهزه تبيع عشان ينفذوا المخططات المرسومه ,,, وشعبنا مسكين ,, اشبعوه ضربا وضلما لما بطلت تفرق معه
رد بواسطة لبيبة
مافي اكثر من القرف اللي عايشينه
بس وين بدك تروووح
وطنك لمين تتركه
رد بواسطة لبيبة
ولما حاء المعلم يطالب بحقه... لمتوه...
17-09-2019 04:36 AM
جنوبيان
اسعد الله صباحكم جميعا
تحية لكل معلم ومعلمه#
يسعد.صباحكم
رد بواسطة السوسنة
صباح الخير جنوبيان
رد بواسطة جنوبيات
سوسنة مساء الورد#
سوسنة احيانا نتكلم عن دور المعلم في مقتطفات لكن المعلم مثل الورد قد ما اهتميت فيه ازدات جمالا وازدات علماولاننسى العلم نووووور والجهل ظلام
رد بواسطة السوسنة جنوبيات
جنوبيات

يسعد مساك

فعلا تخيل مجتمع بلا معلم...شو رح يصير فيه
17-09-2019 08:43 AM
القبطاااااان
وليش ياغنيمات مايقابلهم الرزاز ؟عراسه ريشه ولا ماعنده اجوبه للاسئله ،،، انا مابهمني كيف تنحل بدي الطلاب يلتزموا بالدراسه
17-09-2019 05:52 PM
معلمة قبعت معي
بعدين كل ما قمتوا وقعدتوا... طالب توجيهي ما بعرف يقرا ويكتب... ليش لانه طالب هامل ومو فارقة معه... يعني مو قراي بالعامية... ومافي اهل يتابعوا... والله بتمضي سنة وبعض الطلاب ما حدا جاء وسأل عنهم... الام دايرة في الحارات... والاب ما بعرف ابنه في اي صف
رد بواسطة القبطااااااااان
يعني اعتبرتي انه الاهل الاساس وانتوا الاسثناء ؟؟؟؟

على دورنا كان الصف فيه 50 وكان المدرس يفهم ,, ويطلع منا نوابغ وما كان في مراكز ولا خصوصي ,,,
الطلاب نفسهم اللي اختلف المعلم ,,,,
17-09-2019 06:15 PM
معلمة قبعت معي
للعلم المدارس الخاصة ليست موجودة في كل المحافظات...

على سبيل المثال... معان الطفيلة ما فيها خاص...
وهالدكاترة والمهندسين وووووو..... مش تعليم حكومي... حرام هيك والله...
رد بواسطة السوسنة
معلمة قبعت معي

كلامك صحيح
لازم ماننكر دور المعلم
رد بواسطة القبطااااااااان
يعني بتعتبري القليل هو الاصل ؟؟؟؟ والكثير استثناء ,,,,
كم مدرسه بالجنوب لم ينجح بها احد ؟؟؟؟ اعد لك ولا بتعرفي تعدي ,,,,
رد بواسطة القبطااااااااان
لتكونوا بدكوا راتب كمان اخر الشهر ,,,, شكلكوا ماقريتوا الماده /5
هل إضراب المعلمين يتوافق مع أحكام القانون!؟، وهل خالف مجلس النقابة قانون نقابة المعلمين وعلى الأخص المادة رقم (٥) منه والتي تنص على أنه تلتزم النقابة بالمحافظة على متطلبات العملية التربوية ورعاية مصلحة الطالب وعدم الإقرار بحقه بعدم التعلم وكذلك نظام الخدمه المدنيه الذي حظر الاضراب
انتم خارج الحسبه الان ,,,
17-09-2019 06:19 PM
معلمة....
بالعكس... الاهالي الان تأكدوا انه المعلم على حق... لانهم بفهموا انه المعلم المهزوم ما برضوه يدرس ابناءهم...وما رح يعطي بالشكل المطلوب . كرامة المعلم اولا...
رد بواسطة طالب قديم ...
قم للمعلم ووفه التبجيلا
رد بواسطة السوسنة
الكل مع المعلم...الاهالي الطلاب المجتمع بأكمله
رد بواسطة القبطااااااااان
لتكونوا بدكوا رواتب اخر الشهر كمان وانتوا مضربين ؟؟؟؟
اذا الحكومه بتنزل الكوا رواتب هذا الشهر بكونوا مابفهموا ,,,, انت مضرب وهذا مخالف للقانون اللي انشأت عليه النقابه , الماده /5 اقروها ,,,
لكن بدك تضرب ,, مالك راتب خليك مضرب
17-09-2019 06:46 PM
فرقع لووز
وتنشط المكان اخيرا
17-09-2019 08:23 PM
السوسنة
قبطان والجميع..يسعد مساكم

لازم احكي واوضح الكم

الي حكى على المدارس الخاصة
في محاور للعملية التعليمية
طالب معلم مادة تعليمية

يعني مش بس المعلم هو المسؤول
17-09-2019 10:35 PM
السوسنة
ثانيا
المعلم في المدارس الحكومية عنده بالصف ٥٠ طالب اما بالخاص ممكن ٢٠ او ١٥
ايصال المعلومة لطلاب عددهم اقل اكيد افضل

متابعة الاهل لابناىهم اله الدور الاكبر بالعملية التعليمية
اذا المدرسة عليها ١٠%البيت عليه٩٠%
رد بواسطة القبطااااااااان
اذا البيت عليه 90 وعليكوا 10 بلا منكوا معناته ههههه
17-09-2019 10:38 PM
السوسنة
رابعا
نصاب المعلم من الحصص كبير
يمكن مايظل عنده وقت يشرب كاسة شاي
ممكن يكون فراغه حصة يقعد يصحح فيها او يحضر لليوم الثاني

المعلم بياخذ شغله عالبيت ليكمله

الي بتحكوا المعلم بعطل ودوامه قليل

ورجوني مهنة بياخذ فيها الموظف عمله للبيت غير المعلم
رد بواسطة القبطااااااااان
ورجيني حد بعطل اربع شهور بالسنه غير المعلم ,, ليش يهت عالناس ؟؟ يعتبر اخذ المواد عالبيت بدل شهر من العطل ,,,,
17-09-2019 10:42 PM
السوسنة
ليش الناس بتحلل للطبيب والممرض وكل المهن يطالبوا بتحسين وضعهم ولما بضربوا ماحد بحكي.بس المعلم يطالب بصيروا ضده...شو السبب نفسي اعرف

المراقبة والتصحيح..هاد شغل اضافي بقوم فيه المعلم ولازم ياخذ عليه اجر

وفي لجان كمان من وزارات تانية بتكون موجودة للمراقبة وبتاخذ اجر ...ليش المعلم يتنازل عن اجره
رد بواسطة القبطااااااااان
لا تحتدي ياسوسنه ,,
المعلم هذا شغله مش من وزارة ثانيه منتدب ,, ولا حتى من اي وزاره اذا كان اثناء عمله الرسمي يستحق اجر ,,,,
17-09-2019 11:00 PM
السوسنة
اخر كلام عندي
للي ضد المعلم
انظر الى نفسك...مركزك الي انت وصلت اله ...لو بقيت جاهل وماعلمك معلم هل كنت رح تصل اله


واقل شي ...تعليقك الي انت بتكتبه لولا المعلم ماقدرت تكتبه
تذكر وانت صغير كيف المعلم كان يمسك ايدك ليعلمك تمسك القلم وتخط اول حروف بحياتك
رد بواسطة القبطااااااااان
اللي علمني كان مخلص بشغله ,, كان راتبه 120دينار ,, لا يضرب ولا يعتصم ,, لا عنده وتس ولا فيس ,,,,
كان همه انه الطالب يفهم ,, مش احتفظ بالمعلومه عشان اقدمها مقابل الثمن بالمركز ,,,,
17-09-2019 11:05 PM
السوسنة محرر
محرر
بدي اشكرك...لتعبك معنا بانزال التعليقات
17-09-2019 11:07 PM
القبطااااااااان
يعني اعتبرتي انه الاهل الاساس وانتوا الاسثناء ؟؟؟؟ رح احاول ارد على الكل عشان التوضيح ولا اريد التلطيف ,,,
انا مابحب مسح الجوخ ,,, المعلم وكل الموضفين لا يتقاضون الراتب الكافي والكل بعرف وجلالته بعرف والرزاز بعرف ,,, هاي ما اختلفنا عليها ,,, لكن انكوا تعتبروا انكوا مهدوره حقوقكوا فهذا باطل ,, ورجوني حد بعطل اربع شهور بالسنه,,, وبتيجي حامل بتعطل كمان ثلاثه ؟؟؟؟ فلا تحملونا جميله انكوا بتوخذوا الدفاتر عالبيت ,,, اعتبروهم بدل شهر من الاجازات ,,,, بظل 3 شهور تتقاضوا الراتب وانتوا نايمين ,, وانا بعرف ووزير التربيه بعرف انه نص المعلمين تنميه اجتماعيه ,, يعني عشان نخفف البطاله, و لو اعطيهم امتحان املاء نصهم برسب ,,,
رد بواسطة القبطااااااااان
متذكرين لما سالكوا الذنيبات عن الفرق بين السوره المدنيه والمكيه ,, ماحد منكوا عرف ؟؟؟؟
18-09-2019 01:16 AM
القبطااااااااان
( جنوبيات ,, اسمك شفع لك ))
اللي بتحكي عن الثقافه والتعليم حاب اوضح لك شي عن الثقافه والاسلوب اني ماجستير قانون ,,, ورئيس قسم الترجمه سنتين ,,, يعني لما بدك تحكي عن التعليم والثقافه بتصفي على جنب وبتتكتفي قدامي ,,,, مابطلع لبكالوريوس علم اجتماع يحكي عن الثقافه قدامي ,,,,
رد بواسطة جنوبيات
حلو ياصديقي اذا انت مثقف وواعي .
فلا تنجرف وراء من يحاول ان يقلل من قيمة المعلم لانه يرغب بان تكون البلد في قمة الجهل ويعيث فسادا .
بعدين ياخوي لويش مفكرني حرمه الله يسامحك. اسمي بمعنى مقتطفات.ههه
18-09-2019 01:16 AM
القبطااااااااان
السوسنه ,,
لما حكيتي عن الصف الي فيه 50 طالب ,, كلنا نشانا في مدارس بهذا الوضع ,, كان المعلم على مستوى ,,, متمكن من الماده ,,, وكان البعض يقضيها يرسم لوحات عالحيطان بدل مايدرسنا انجليزي ,,, الله لا يسامحه ولا يسامح المدير اللي كان موافق على هالحكي ,,, لغاية ماطلعنا من الصف مابنعرف اشي بالانجليزي ,, وبلشنا نأسس حالنا من الاول مع المدرس اللي بخاف الله ,,, لا كان مراكز ولا خصوصي وكنا ننجح ونجيب علامات بدليل انه الجيل السابق افضل من هالجيل وكل مافيه بنحدر الجيل ,,, بسبب تعليمكوا وضعفكوا ,, خرجتوا طلاب يعيدوا تأسيس انفسهم بالتوجيهي ,,, الطلاب هم نفسهم قبل 100 سنه والان ,, المعلم هو اللي اختلف ,,,,
18-09-2019 01:16 AM
القبطااااااااان
اللي اعترضت على جمله ما بفهوا عليكوا الطلاب وما بتبذلوا جهد عشان يفهموا عليكوا ,,,
كيف فهمتي انه قصدي مارح يفهموا ؟؟؟؟ تخيلوا اللي بتناقشني معلمه ,, المقصود انه ماعندكوا قدره على ايصال المعلومه ,,, ضعيفين ,
18-09-2019 01:17 AM
القبطااااااااان
ثاني شي ان مش متحامل عالمعلم ,,, المتزن معلم ,, بعتبره اخوي هناااء معلمه لو تطلب روحي ما ببخل عليها ,,, السوسنه بوقف معها لو تحرق الدنيا لكن انكوا على حق ؟؟؟؟ انا بعرف انكوا على حق وتستحقوا الزياده لكن مثل اي انسان بشتغل ويتقاضى راتب ,,,
علمتونا نقرا ونكتب وصرفنا على بيوتكوا برواتبكوا اللي بتوخذوا نتيجه للعمل مش صدقه من حد عليكوا ولا الكوا جميله على حد ,,,
اللي عالحدود بوخذ راتب وبستحق زياده لكن ما يحملني جميله انه عالحدود ,, هذا شغله ,,
الدكتور لا يحملني جميله انه بعالجني ,, لو ببلاش ما بروح عالمستشفى ,,,
انا متحامل على اي انسان لا يقوم بواجبه بشكل يرضي رب العالمين ,,, الطلاب ونتائجهم دليل على قدرتكوا التعليميه ,,,,
اللي قال مثل العسكري لما يسافر مع حفظ السلام ,,, هذاك متغرب يعني ليل نهار ست شهور غربه شو علاقته بتصليح الامتحانات ,,, شو هالتشبيه الاجوف
رد بواسطة القبطااااااااان
بعدين العسكري بوخذ راتبه من الامم المتحده مش من الرزاز ,, واذا طلع ما بعتصم ,, ولا بضرب ,,,, ببوس ايده وبقول الحمد لله
18-09-2019 01:17 AM
القبطااااااااان
اميره ,,,
لا زال النسخ موجود لكن المدرس ما بده يتابع ,, المعلم بطلب بحث عن شي ,, الاب بروح بجيبه من النت ,,, وبطبعه ,, بوخذه الولد للمعلم ,, والمعلم لا بقراه ولا بشوفه ولا الولد بشوفه ,,, شو الحكمه من طلب البحث ,,
عالاقل خلي الولد ينسخه ,, يقراه ,, اي شي ,,, بس ما بدهم يتعبوا حالهم
بعدين افهموا ,, الرزاز ما معه بالخزينه اللي يدفع ,, والموجود ما بمون عليه وكلكوا بتعرفوا ليش ,,,, لانه الملاين حصة فلان وعلان ,,, بتحاربوا بالطالب بالمعلومه اللي عندكوا ؟؟ على اساس بس يتخرج بلاقي شغل ؟؟
18-09-2019 01:19 AM
القبطااااااااان
وازيدكوا من الشعر بيت ,, عقل بلتاجي رئيس مجلس ادارة كل اشي ,, وهو رابع ابتدائي
سيبونا من قصة الافضال ,,, هيك وضع البلد ,, بدكوا التغيبير
انا اول واحد معكوا لكن التغييير يكون حقيقي وكلي وشامل ,, مش جزئي ومنقوص وشحده من فلان وعلان ,,,
18-09-2019 01:20 AM
القبطااااااااان
وبالاخر انا مع المعلم ,,, وبدي يتحسن عشان ما يضطر يشتغل شغل ثاني ,,, ومع العسكري عشان مايضطر للقروض لما بده يدخل ابنه الجامعه ,,, ومع كل مواطن كادح ,,,
الحل مابيجي عن طريق المعلم وتركه المدرسه ,,, وترك الاولاد بدون تعليم ,,,
الحل بكون من فووووووق مش من تحت
18-09-2019 01:22 AM
القبطااااااااان
وعشان اقفل هالقصه نهائي ,,,

ياريت لما يكون نقاش خلي اللي بقرا يعرف انك معلم ,,,, مش مجاكرة ميكانيكيه ,,,
رد بواسطة انساااانة
للعلم المعلم حتى شاي وقهوة مش مأمن في المدرسة... يعني على حسابه... مش مثل بعض اجهزة الدولة مقضيينها ضيافات بالشيء الفلاني... على قولتك حارتنا ضيقة.... شو يحلل الهم اموال الشعب....
18-09-2019 02:56 AM
انسان...
شو ضعيفة... طيب هيك بتفهم علي من خلف شاشة... كيف لو حصة تعليمية... بتروح عبقري وحياتك.... عمر ما حد شكا مني شخصيا.. وكفى
رد بواسطة القبطااااااااان
فهمت عليك لاني انا ببذل جهدي مش لانك قادر على توصيل المعلومه ,,, الكل بنتقد كتابة مها وكلنا بنفهم عليها ,, يعني مش مقياس ,,,, اما اذا ماحد شكى منك ماحد رح يشكي ,, يارجل باعوا البلد ماحد شكى ,,, ,,, لكن بما انك قلت وحياتك ,,, ياسيدي مصدقك ,,, وريتك من عالي الى اعلى
رد بواسطة انساااانة
هههه
ولك طلعت شاطر بالكر والفر... هههه

يعني لو ما قلت وحياتك كان طلعت كذابة... هههه
يعدمني شدوقك
رد بواسطة انساااانة
اشكرك على الدعوة الحلوة..
18-09-2019 09:30 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات