اغلاق

صرصور في كرتونة دجاج منتوجات نبيل ..


جراسا -

خاص- فوجئ مواطن بوجود صرصور داخل علبة لمادة غذائية والتي تعود لشركة منتوجات نبيل.

وفي تفاصيل الخبر، فقد قام المواطن المذكور بشراء كرتونة دجاج مجمد من احد المحال، ليفاجأ بوجود صرصور مجمد مع الدجاج !!

صاحب الكرتونة التي تحتوي الصرصور المتجمد الذي لا  زال بموقعه الى جانب الدجاجة بوضع تغليف، تقدم بشكوى الى شركة نبيل حيث تمت اجابته بانه سيصار الى اجراء اللازم واعادة الكرتونة ومعالجة الوضع بما يحقق اعلى معايير الجودة والنظافة للصحة العامة.

الا ن الشركة لم تحرك ساكنا منذ تبليغها بالحادثة ولم تقم بمراجعة المواطن او لاتصال به بل لم تعر اي اهتمام للموضوع الامر الذي يشير الى تدني مستوى الرقابة والجودة لدى الشركة وليذهب المواطن وصحته الى مالطا. !!

صاحب الشكوى وبعد امتناع الشركة عن المبادرة باحتواء القصة وعدم اظهار حسن النية،  فقد لجأ الى الصحافة لايمانه الاكيد  بان مسؤولي الحكومة والجهات الرقابية واصحاب الاختصاص سيكونون بالمرصاد لمثل تلك الصور من الاهمال التي تهدد حياة الاردنيين .

من جانبها طلبت "جراسا نيوز" من صاحب الشكوى الاثبات الفعلي لصحة روايته، وبالفعل قام باحضار الكرتونة المغلقة والمغلفة و التي تحتوي الصرصور وقطع الدجاج معا !!

وعليه، بعد الاخفاق في الاتصال والوصول الى اي من مسؤولي شركة نبيل للنتوجاتاغذائية، بناء على شكوى المواطن والدليل اذي بحوزته، فاننا نطالب وزارة الصحة بضرورة متابعة الموضوع والاتصال بمكاتبنا لاستلام العبوة ، ليصارالى فتح تحقيق بالحادثة تكشف تقصير الجهات التفتيشية والرقابية التي لا تقوم بعملها كما ينبغي، ولمحاربة اي تواطأ من قبل موظفي الرقابة الصحية في مختلف الجهات الرقابية .



تعليقات القراء

حسام البطيخي .
سؤال بسيط : عندما يتم القبض على أحدى المنتوجات الغير صالحة للبشر .. لماذا يتم محاسبة المعني . بدفع غرامة مالية وبعدها يزاول المهنة على انه لم يحصل شيء .. علمآ بأنه يعتبر قاتل بحق البشرية ... ؟؟
31-08-2010 02:48 PM
ولا الضالين
ما راح يصير شي لانو صاحب المصنع من " الحيتان " الكبيرة و " المستوردة " من دول الجوار ومش فارقه معاه حلال و الا حرام لانه ليس من " ملتنا " ..والحدق يفهم
31-08-2010 03:02 PM
رامي007
عادي صرصور عالقليلة كلو مواد عضوية
لازم نهتم اكثر بالمواد المسرطنة اللي بتيجينا من كل مكان
مش مشان صرصرو بدنا نقوم الدنيا ونقعدها
وبعدين ليش بتتوقعو في مصنع اكل بالبلد
نظيف بش خلوها ماشية
والله المستعان
رمضان كريم
31-08-2010 03:27 PM
رزق
هذه دعايه تجاريه ...اشتري كرتونه دجاج تربح صرصور...لاكن الذي اغضب هذا المشتري ان الصرصور مجمد مش طازج.حقه يشتكي
31-08-2010 03:41 PM
شركة ساديا بطبيعتها طازجة
اصلا جميع منجات نبيل مخزيه
31-08-2010 04:14 PM
شركة ساديا بطبيعتها طازجة
اصلا انا ما بحب منتجات نبيل
31-08-2010 04:29 PM
أحد زبائن منتجات نبيل!
أنا كنت أشتري منتوجات مصنع نبيل على أساس أنه أنظف مصنع أما الآن فسوف أقاطع منتجاتهم كما فعلت بالنسبة لغيرهم.
31-08-2010 05:13 PM
ملطوش
عزيزي نبيل ... هدية مثلا ..
31-08-2010 08:22 PM
soso
عادي دودو من عودو ههههههههههههههههههههههههههههههههههههههههه
31-08-2010 11:40 PM
نبيلللللللللللللللللللللللل
وهاي شركة نبيل الي بضربووووووووووو فيها المثل قال ايش اغلى الاسعار منتجات نبيل والله صارت معي انا شريت المنتج الي بسموه زنجر بالقصمات اقسم بالله كان عباره عن قطع دجاج مفتت مليء بالكمون
01-09-2010 12:39 AM
فداء
منتجات مقرفة ومن بعد التشيز كيك اللي شكلها لحالو بقلب المعدة والي ثمنها اربع دنانير على قطعة صغيرة بصراحة مبالغ في اسعارهم ومنتجاتهم مش بزيادة
01-09-2010 12:48 AM
سوسو
لقد كنا ممن يثقون بمنتجات نبيل وخاصة انها حاصلة على علامة الأيزو اما الآن فسنعمل على مقاطعتها ما لم تثبت نبيل كذب الخبر
01-09-2010 04:16 AM
مغترب
جراسا نيوز صحيفة مغرضة قاطعوها ياناس
01-09-2010 05:19 AM
خالد سباعنة
المساكين ونزلوا اعلانات خير الله برمضان هسا بتطلع على رووووسهم

هاد كلو لانو اسعارهم نار
01-09-2010 07:00 AM
ماجد
يا اخوان من هو نبيل هل هو عضو في اتحاد الدجاج وما عندو غير ديك واحد والله لو معي مصاري ما بشتري غير صراصير نبيل وياريت اخ نبيل تبعثلي كرتونة دجاج هدية لانه من اول رمضان ما اشتريت دجاج الوضع الاقتصادي خربان
01-09-2010 07:17 AM
بسام
نرجو من المواصفات والمقاييس تبيان كم صرصور مسموح به في كل كرتونة دجاج .
فقد يكون العدد واحد ضمن المطلوب.......كما هو في مواصفات لبعض المواد المستوردة توجد سماحية كالارز والقمح مثلا.قد تحتوى على فئران ...ويسمح بها.
01-09-2010 08:27 AM
اعلان حكومي
اخي المواطن ابحث داخل منتجاتنا الوطنيه عن صرصور وفي حال ان تكون محظوظ وتجد صرصور ستحصل على جائزه قيمه عبارة عن 2 كيلو خيار مخلل و 5 كيلو خيار للسلطه من النوع الفاخر (( خيار رفاعي )) بادر الى شراء منتجاتنا الوطنيه وانت الرابح دائما .
01-09-2010 08:46 AM
دبور
سوف تقيد القضية ضد مجهول واتحدى حتى لو وجدو مع منجات نبيل افعى مش صرصور يهتز شعرة من راسو
01-09-2010 08:54 AM
ليلى
منتجات مخزية و اسعارها نار
و الله ما في منتج من منتجات نبيل نقول عنه طيب او ماشي حاله
و بعد هالخبر و الاستهتار بحياة المواطن قررت اقاطع هذه المنتجات الفاسدة الغالية نهائيا
الحمد لله بدائل كثير متوافرة و ارخص مثل ساديا
01-09-2010 09:54 AM
نونو
صدقوني الي بشتري مرة من نبيل عمره ما بكررها لان المنجات غالية جدا (ليست في متناول المواطن الاردني) و الاهم جودتها و نوعيتها سيئة و طعمها سئ
01-09-2010 09:59 AM
الحنيطي
دايما مش هاي وبس كل اشركات
01-09-2010 10:48 AM
فساد مستشري
في دولة محترمة، حكومتها غير فاسدة و مرتشية، تمنع هكذا شركات من بيع منتجاتها في الاسواق. في الاردن، عاااااادي..
01-09-2010 11:19 AM
قرفانه
انا قرفانه كل المجمدات وما بقتنع فيها لانه مافي ذمه وضمير لمراعات النظافة وتجميدها اما الطازج بضل طازج الله يعوض علينا بهيك حالة تعيسه
01-09-2010 11:59 AM
اصيل وامير
يعععععع يعع يع
01-09-2010 12:18 PM
الى تعليق رقم 2
شو خص الملة بالموضوع؟؟!!
مه8يهم ناس من ملتنا و جنسيتنا و خاربين بيوتنا روح عالمؤسسة الاستهلاكية و تفرج عالغلا
اذا كيلو الثوم ب 4 ليرات
يا عمي ارحم حالك
01-09-2010 01:05 PM
جمانه
طيب اللي بجمع اكتر من صرصور شو بطلعلو
01-09-2010 01:09 PM
الصرصور
يا جماعة الخير شو مالكو علي ناس اخر زمن الله يرحم سلطة الصراصير
01-09-2010 02:01 PM
الاخطبوط
صرصور كهكهكهكه صرصورهعهعهعهعه:-D:-D
01-09-2010 02:03 PM
الاخطبوط
مش غلط يعمل عليه منسف صراصير ...كهكهكهكهكه
01-09-2010 02:04 PM
قرف كلو قرف
كل هاي المنتجات مقرفة ما بعرف كيف الناس ياكلوها كلو قررف
01-09-2010 02:14 PM
نبيل شخصيا (صاحب شركة نبيل)
هاظا الحكي كله كذب ,,, أصلا من زمان بطلنا نحط صراصير بالأكل عشان طعمها مش زاكي ,,, بس عن قريب بدنا نطرح منتج في الأسواق (صراصير مشوية بالقرشلة) و صحة و هنا,,,
01-09-2010 05:31 PM
صايم
طيب ليكون صرصور الشوبك
01-09-2010 05:56 PM
وين الصور؟؟؟
شاطرين تحطوا صور العاريات على اخبار ليس لها علاقة بالموضوع
اما صورة هذا الحدث وانتم تملكون العلبة لم تنشروها؟؟؟؟
عجيب امركم
01-09-2010 06:06 PM
ارحمونا
طيب روح شوف الجرادين اللي بالقمح اللي بتجيبلكم اياه الحكومه في العقبه ...
يا رجل اجت على صرصور ... ارحمونا
01-09-2010 06:39 PM
ريماس
كان أحرى بالأخ المواطن الذي وجد صرصور في كرتونة الدجاج ان يكون ذو مسؤولية وواجب وطني بالتوجه الى مؤسسة الغذاء والدواء او الى مؤسسة المواصفات والمقاييس واحضار الدليل المادي معه وليس التوجه الى الصحافة ..
مع احترامي لجريدتكم جراسا ولكن اختلف معكم في طرح الموضوع بهذا الشكل ...
واذا كان يهم صحيفتكم الغراء موضوع الصحة العامة فافتحوا ملف المقاصف المدرسية وماذا تسمح وزارة التربية والتعليم باطعام اطفالنا بدون رقابة .. او افتحوا ملف مصانع الشيبس .. وما أدراك ما مصانع الشيبس وما يحدث بها من هوائل ..
مصنع نبيل وأتحدث كمهندسة غذائية واعرف المصنع تماما من أنظف المصانع الموجودة بالبلد ويطبق انظمة الايزو والهسب بشكل عملي وليس نظري .. اما عن المشكلة الحاصلة لا اقول انه امر طبيعي ولكن هو اهمال وتقصير من قسم الجودة في المصنع .. ويجب ان يتم ايصال الموضوع لوزارة الصحة لاتخاذ الاجراءات المناسبة بحقه ..
لنكن معول بناء وليس معول هدم لصناعتنا الوطنية .. واذا اردنا حقا الاصلاح وخصوصا في هذا المجال ... فلترفض اللجان الرقابية على المصانع الرشوات التي من اجلها يسكتون على البلاوي اللي بشوفوها في مصانعنا ... من هنا يبدأ التغيير
ويجب على كل مواطن يجد مخالفات في المنتجات الغذائية -نصيحة - لا تتوجه الى المصنع المعني بل توجه الى مؤسسة المواصفات والمقاييس وهناك خط ساخن لاستقبال هذه الشكاوي ..
01-09-2010 08:24 PM
ما بحب الجاج
نبيل اصبح غير نبيل في منتوجاته اتمنى تصحيح اخطاء شركته لان صحة المواطن خط أحمرررررر !!!!
01-09-2010 08:25 PM
سوز
مش عاجبته الربحة
02-09-2010 12:20 AM
سوداني
شو وجه الشبه بين الصرصور والجاجه
02-09-2010 03:05 AM
سوداني
شو وجه الشبه بين الصرصور والجاجه
02-09-2010 03:38 AM
soso
وكما تعودنا على منتجات نبيل كل يوم شي جديد مثل قلاية نبيل/ والاكل الصيني/ والاكل الهندي
والان جديد نبيل (صراصير مفرزة )>-(>-(>-(
اه يابلد يرحم ايام الاكل الطازج واللحوم الطازجة
02-09-2010 08:31 AM
مواطنه طفرانه
الحمدلله هاي الشغلات ولا عمري فوتتها بيتي قلاية البندوره بتسواها الف مره اششيي غاد بس شعب عجيييز بس بيطول ويقلي وياكل شو بيكل الله اعلم
02-09-2010 09:50 AM
شو فارقه معه
يا حبيابي يا جراسا

انتو من كل عقلكو انه نبيل و اللي زيه بدهم ايردوعليكو ... ليش اصلا هي فارقه معه

همه سائلين عن الناس .... همه سائلين عن البلد

هظول ناس عبدة القرش و بهمهم فلوسهم و اولادهم و طغيانهم

يوم القيامه بدها اتولع فيهم توليع ان شاء الله و اقصد الناس الذين لا يخافون الله با خوانهم من البشر

و هسع انتو يا اولاد بلدي بتركضو ورا جاج نبيل لويش ... علي الضمان انه اقرف منتجات ..هي منتجات نبيل و خليكو واقعيين ولا مظهره و حكي فاضي مشان اتقول اكلت من عند نبيل

اقولللكو : يخزيكو و يخزي نبيل معكو ...............!!!!
02-09-2010 10:45 AM
شو فارقه معه
يا حبيابي يا جراسا

انتو من كل عقلكو انه نبيل و اللي زيه بدهم ايردوعليكو ... ليش اصلا هي فارقه معه

همه سائلين عن الناس .... همه سائلين عن البلد

هظول ناس عبدة القرش و بهمهم فلوسهم و اولادهم و طغيانهم

يوم القيامه بدها اتولع فيهم توليع ان شاء الله و اقصد الناس الذين لا يخافون الله با خوانهم من البشر

و هسع انتو يا اولاد بلدي بتركضو ورا جاج نبيل لويش ... علي الضمان انه اقرف منتجات ..هي منتجات نبيل و خليكو واقعيين ولا مظهره و حكي فاضي مشان اتقول اكلت من عند نبيل

اقولللكو : يخزيكو و يخزي نبيل معكو ...............!!!!
02-09-2010 10:45 AM
عوحه ويا ما حنشوف هههههههههه
معلش يا اخوان الشعب بتحمل اكثر من هيك
مهزله وين الدواء والغذاء
وين الحكومه وين الناس صرصور في الجاج ليش لهل الدرجه مستهترين فينا والله احنا شعب طيب وما بستاهل
وين حكومه سمير الرفاعي ليش نايمه مش داريه شو بصير معنا بس شاطرهم يرفعوا الاسعار والله الناس قرفت ترفع جريها وكمان صراصير نبيل رسام وين صاحب الشركه وين ضميره وين مدير الجوده في المصنع ولا مش سائلين اكيد هم بقرفوا يوكلوا منتجاتهم لانهم بعرفوا مستوى النظاافه المتدنيه عندهم ما في ضمير
02-09-2010 01:00 PM
ابوجابر
ضربة جزا في الوقت الضايع
02-09-2010 01:08 PM
بسمة عمان
اشترينا قبل اسبوع مجموعة منتوجات نبيل واكلنا اول شي قراص سبانغ بس والله ما الها طعم.. الله يستر شو رح نلاقي بكبة نبيل
02-09-2010 01:21 PM
صرصوركو
المفاجئة
صرصور نيل
اجمع 5 صراصير واربح دجاجة كاملة .
02-09-2010 03:46 PM
ما في رقابة
الرقابة في الجيبة

راس مالهله قلاية وحتى بدون لحمة
02-09-2010 03:49 PM
الدجاجي
عادي جدا
02-09-2010 04:06 PM
احمد سعد يرد على ريماس
والله يا بش مهندسة ما انتي عارفة شي عن مصنع نبيل نسيتي ال EFSIS اللي ما بستاهل ولا شهادة اول إبتدائي ...... انتي بتعرفي انه نبيل نسيب جورج بوش ؟؟؟؟؟؟؟؟؟؟؟ سلام للهسب والنسب وعلى راي الإخوان المصريين خذ الايزو واعمل اللي انت عايزو
02-09-2010 04:12 PM
نضال بني بكر
ما طار طير وارتفع الا كما طار وقع ........ انا حقدت على هذه المنتجات بسبب الدعايه القديمه لهم وهي ((شو رح تاكل بعده)) و كان الله عزوجل لم يرزقنا الا بمنتجات نبال .....واخيرا تطلع بالصراصير يا يا يا
02-09-2010 10:29 PM
صقر سحاب
صاحب الشركه ايدو بحلوق كثير من المسؤوليين ومش سائل بحدا
وهاي مش اول ولا آخر شكوى
انا بتحدى المسؤليين يفتشوا مصنعهم ويشوفوا شو عندهم بلاوي
03-09-2010 12:46 AM
????????????????
و إذا جاءكم فاسق بنبأ فتبينوا
03-09-2010 01:17 AM
م. أغذية وزرت مصنع نبيل
نفسي أشوف حدا من الصحافة بيمدح كله ذم فقط، ونفسي صاحب المشكلة مع الشخص الى نشر الخبر الى ما أتوقع أنه بيعرف شي عن هيئات الرقابة الصحية يزور المصنع بشكل مفاجئ ويشوف انه مفخرة للصناعة الأردنية....
بفضل تحكوا عن الرشاوي والإبتزاز الي بيتعرضلو أصحاب المصانع بالأردن من قسم وأقول قسم من الهيئات الرقابية..
وحابب أسأل الأخوة الي ذكروا أنه في كتيير شكاوي على المصنع شوووووووو هي الشكاوي يا ناس الدنيا رمضان
وبيكفي هدم للصناعة لوطنية جلالة سيدنا بيتعب مشان يدعم ويقوي ويجلب الإستثمار للبلد
وإحنا بنقول ساديا أحسن
أنا أصلا ً مستغرب كيف بيدخلو سادا البلد روحو وأفحصوا المنتجات المستوردة مشان الله

إحنا بأيام فضيلة راجعوا حالم وإستغفروا ربكم
03-09-2010 01:29 AM
السلام عليكم
إل رقم 52 صقر سحاب
عندك دليل..
إذا عندك دليل في كثيير أشراف بالبلد ممكن يساعدوك
وإذا ما عندك أتمنى أن تكون حكيم كفاية ولا تتهم الناس.. فكما تدين تدان
خذها نصيحة من أخ وارجو أن تسامحني
03-09-2010 02:26 AM
الوحش المصارع
هذا سر النجاح لمصنع نبيل يا اعداء
03-09-2010 02:57 AM
الى 54 الاخت مهندسه الاغذيه
اختي الكريمه
انا صاحب الشكوى اسمحيلي اختي الكريمه فقد استفزني تعليقك
تفاجئت مثلك تماما لاني من زبائن منتجات نبيل وباكيت نبيل الموجود عندي حاليا بعد ما شفته انصدمت فكرت طلعتلي جائزه الماسه من منتجات نبيل وبعد التدقيق داخل الكيس وجدتها اجمل جائزه صرصور
كخطوه اولى اختي اتصلت في المصنع الساعه 8 صباحا ورد علي احدى الحراس واخبرني بان المهندس المسؤول لم يداوم بعد واخذ رقم تلفوني واخبرني بانهم سيقوموا بالاتصال بك وللاسف لم يتصل بي احد
وفي اليوم الثاني اتصلت في المصنع وجاوبتني احدى الموظفات بانها ستبلغ مدير الجوده للاتصال بك وحل المشكله وللاسف لم يتصل بي احد
وفي اليوم الثالث عاودت الاتصال في المصنع وطلبت رقم احدى المسؤولين واعطوني رقم مدير المبيعات واتصلت معه واخبرته في المشكله وقال لي بانه سيحضر عندي ليحل المشكله ال انه للاسف لم يحضر ولم يكلف نفسه الاتصال
وعاودت الاتصال معه في اليوم الثاني واخبرني بانه سيرسل مندوب المنطقه لي الا انه لم يرسل احدا ولم يكلف نفسه حتى الاتصال
وفي اليوم الثاني حاولت الاتصال به عده مرات الا انه حتى لم يكلف نفسه حتى في الرد
وفي اليوم الذي يليه اتصلت مع المصنع وطلبت منه رقم صاحب المصنع واجابني من اجابني انه عندهم تعليمات بعدم اعطاء رقم صاحب المصنع لاي شخص واخبرته ان يقوم هو في الاتصال بصاحب المصنع ويخبره رقم تلفوني الذي اعطيته اياه وان يبلغه ان هناك مواطن يريدك لامر يهم المصنع واخبرته بموضوع الصرصور وقال لي انه سيتصل به الا انني لم اتلقى اي جواب من اي شخص
وعاودت الاتصال به واخبرني بان صاحب المصنع مسافر وانه ابلغ احدى المهندسين الموضوع وان المهندس سيقوم بالاتصال بك الا انه للاسف لم يتكلف اي من مسؤولي المصنع حتى سماع شكواي
ما بعرف اختي دفاعك عن منتجات المصنع لا يدل على انك زرتي المصنع فقط بل يدل على انك احدى مهندسيه
اختى جلاله سييدنا بدعم الصناعات الوطنيه ومنتجات الصناعات الوطنيه التي لا تحتوي على صراصير داتخل الاغذيه ولا يقبل بذلك حفظه الله
اختي ارجوا ان تكوني على قدر المسؤوليه وان تكون المصلحه الوطنيه اهم من مصلحتك الشخصيه وبما انك مهندسه اغذيه وهو مجال اختصاصك الذي درستيه في الجامعه فلا يوجد مساق يجيز الصراصير و التي ياكلها الناس والتي لا اعتقد انك تقبليه على نفسك
مع دعوتي لكي اذا اردتي مشاهدت ذلك على الطبيعه
مع احترامي لجراسا
03-09-2010 03:43 AM
ابو الخير
ياعم ابسط حدى صاحله هديه صرصرور وبزعل منيح يلي اعطوك الهديه داخل الكرتونه مش اتروح تستلمها من شركتهم ابسط ياعم الهديه القادمه مش صرصرور فار داخل كل عبوة واذا اشتربت عبوتين تحصل على فار ثاني ابسط ياعم
03-09-2010 07:24 AM
عادي
وليش زعلان ما فيها شي
03-09-2010 07:27 AM
عادي
وليش زعلان ما فيها شي
03-09-2010 07:33 AM
ههههههههههه
احلى صرصور بدنا توضيح من الشركه عن اخر منتجاتهم
03-09-2010 07:36 AM
رغد
عزيزي الصرصور مصيف يعني
03-09-2010 10:23 AM
م. أغذية وزرت مصنع نبيل
ليش يا جراسا مش عم بتحطوا ردي؟؟؟؟؟؟؟؟؟؟؟؟؟
03-09-2010 12:27 PM
سوسو الوحش
نحن نعشق الهدم ونكره البناء
وصايررين متل باب الحارة بس لت وعجن وحكي عالناس
03-09-2010 12:34 PM
ارحمونا
سؤال:شو في اشي بناكلو مش ملوث:-(:-oدليل على انو ما في رقابة الشركة ولا اهتمت :-[] عادي بالنسبة الهم يموت الزبون من مليون عاااااااااااااااااااااااااااااااااااااااااااااااااااااااديييييييييييييييييييييييييييييييييييييي
03-09-2010 01:30 PM
كلمة حق
كلمة الحق في هذا المجال تتمثل بعدة نقاط:
1- ان مصنع نبيل هو من المصانع الوطنيه في هذا البلد ولا يسعني الا القول والاشمئزاز من هذه الكذبة الكبيره وذلك بوجود صرصور في احدى منتجات نبيل، هذا الكلام عار عن الصحه وغير دقيق وما هي الا دعاية مغرضة المقصود منها الاساءه لهذا المصنع ويظهر ان المنافسة اصبحت غير شريفة بمبدأ الغاية تبرر الوسيله.
2- أن مصنع نبيل يفتح ابوابة دائما لاي مواطن وليس للمسؤولين فقط وصاحب المصنع يقوم شخصيا بمرافقة اي زائر يرغب بالاطلاع على المصنع وعلى امور الرقابة به.
3- ان منتجات نبيل وبخصوصا الدجاج يمر بعدة مراحل وكل مرحلة هي مرحلة رقابية ومصنع نبيل اصلا هو خال من اي حشرات وداخل خطوط الانتاج تخضع لتعقيم عالي جدا والمنتجات لا تلمسها يد انسان فمن اين يمكن ان يتم ايجاد صرصور داخل المنتج.
4- ان ادارة المصنع والقائمين علية يولون الاهتمام الكامل للمصنع وليسوا من النوعيه التي تتهرب من مواطن او مسؤول مهما كان السبب, وما ورد بمقال الاخ المشتك عار عن الصحة وغير دقيق وما هو المقصود منه الا اساءة شخصية كان يكون احد مظفي المصنع الذين تم طردهم لعدم كفاءتهم وعدم الحاجة له.
5- أذا كان ما نشر صحيح فأنني اطلب من الاخ المواطن التوجة الى دائرة الغذاء والدواء والتقدم بشكوى هناك للوقوف على حقيقة هذا الموظوع واذا كان المصنع وموظفي مراقبة الجودة مهملين بواجبهم سيتم اتخاذ اشد الاجراءات بجقهم حيث ان هذا المنتج يدخل بيتي وبيتك وبييوت غالبية الشعب الاردني ولا نقبل باي تواظوء او اهمال بهذا الموضوع.
6- الموضوع لن يكون مقال ينزل بمحطة اخبارية وانما هو مسألة امن غذائي على مستوى هذا الوطن الحبيب لن نسمح باي تهاون واهمال وان ثبت ما تم نشرة على الجهات المعنية اتخاذ اشد الاجراءات بحق المصنع والقائمين على المصنع ولكن اذا ثبت ان الخبر غير صحيح ومغرض اطالب بتحويله للقضاء بتهمة الافتراء والقدح والذم والاساءه .
اطالب هنا بتشكيل لجنة متعددة الاطراف وان يكون احد اعضائها مندوب من وكالة جراسيا الاخبارية التي يهما نشر الحقيقة وليس منبرا لكل حاقد, ومندوب من الغذاء والدواء ومندوب من الادعاء العام ومندوب من دائرة البيطرة واي جهة حكوميه اخرى ذات اختصاص ليقوموا بداية بفحص العينة التي بها الصرصور لبيان مدى صحتها، ولبيان مدى التزام المصنع بتطبيق انظمة الجوده وانظمة المراقبة الصحية للمصنع وان يتم نشر النتائج بهذه الجريده للملأ .
وخسيء الخاسؤون
03-09-2010 01:42 PM
بسمة عمان
من جانبها طلبت "جراسا نيوز" من صاحب الشكوى الاثبات الفعلي لصحة روايته، وبالفعل قام باحضار الكرتونة المغلقة والمغلفة و التي تحتوي الصرصور وقطع الدجاج معا !!

جراسيا ليش ما نزلتوا صورة كاملة طالما وصلت الكرتونه لعندكم ؟؟؟ بنا نشوف المصداقية واثبات او نزوركم اذا تكرمتم
03-09-2010 02:33 PM
بسمة عمان
من جانبها طلبت "جراسا نيوز" من صاحب الشكوى الاثبات الفعلي لصحة روايته، وبالفعل قام باحضار الكرتونة المغلقة والمغلفة و التي تحتوي الصرصور وقطع الدجاج معا !!

جراسيا ليش ما نزلتوا صورة كاملة طالما وصلت الكرتونه لعندكم ؟؟؟ بنا نشوف المصداقية واثبات او نزوركم اذا تكرمتم
03-09-2010 02:34 PM
سوسو الوحش
من الصراصير.؟؟؟؟ نظراً لكرهه الشديد للصراصير كما يبدو وأنا متأكد راح نشوف كتييير
إقتراح تاني شو رأيك نعمل زيارة مفاجئة لفريزرات أصحاب المصانع والوكلاء الذين يبيعون منتجات لحوم مجمدة ؟؟؟؟ ونشوف شو بياكلوا وشو نوع المنتجات الي عندهم......... طبعا أنا متأكد راح يكون ن ب ي ل
وكمان نعمل زيارة لثلاجات أصحاب مصنع نبيل وكل الموظفين حتى لعمال .. وأنا متأكد كمان راح يكون عندهم نبيل...
وأعيد حتى العمال لأنه أي إنسان عاقل وحتى لو دخلو بسيط لازم إذا حسبها صح ما يشتري غير نبيل. وبإمكاني إثبات ذلك عن تجربة خاصة في بيتي

وشكر وما تزعلوا مني مشان الله
03-09-2010 05:09 PM
زياد
الى جراسا :-

والله انا بقترح بدل ماتعطو ا الكرتونه المغلقة لوزير الصحة، تعطوها للمواطن يشتكي على

شركة نبيل وعلى وزير الصحه مع بعض، لانو الوزير مسئول شو قاعد بعمل لعاد وين مراقبين

الصحه يكشفوا عالمصنع ولا عادي شركة نبيل بطلعلها تحط صراصير بنكهة المجاري عاد ولا

بنكهة بيف باف، وكل يامواطن مهو انته ناقص ،أشد على يد جراسا وارجو عدم اعطاء الكرتونه

للوزير لأنه مسئول أيضا .
03-09-2010 06:47 PM
زياد
تعليق رقم 66، مالك بتحكي كانك داخل جوه خطوط الانتاج وشايف في صرصور أو لأ او كانك
مشرف بنفس الشركة او مديرها يمكن ، البند الاول من كلامك بتدافع عن المصنع كانك بتعرف الغيب وبتقول هههههه كلمة حق وبتحكي عن المنافسه شو علاقة المواطن بالمنافسه وبتعتبروا كذاب مسبق وبتكذب صحافه حره كمان اه باين كثيييييييييييير انها كلمة حق.
03-09-2010 06:59 PM
ريماس
انا ما بدافع عن المصنع ولا تمت لي اي صلة به وانما كلمة حق ....ولا أنكر اخي الكريم شكواك ابدا اذ ان هذه الأمور وارده الحدوث في اي مصنع .. لذلك اطلب منك التوجه لمؤسسة المواصفات والمقاييس او وزارة الصحة لتقديم شكواك هناك .. ولكنني اختلف معاك بالتوجه للصحافة فهذا يضر بالصناعة الوطنية وللعلم هذه الأمور تحدث حتي في الدول الغربية الراقية ....
03-09-2010 07:35 PM
ابو الذهب
جديد من نبيل (صرصور مجمدالسعر مجانا ) عرض خاص
03-09-2010 07:56 PM
كلمة حق
الى السيد زياد المحترم
انا اولا لست داخل خطوط الانتاج ولست من المصنع باي شكل من الاشكال
ما طرحته هنا ان يتم تشكيل لجنه مشتركة للوقوف على الحقيقة واتخاذ اشد الاجراءات لكل من يتلاعب بمقدرات المواطن وبالسلامة العامه, يبدو انك قرأت ما ترغب وتناسيت ما لا ترغب سماعة,
انا طلبت من صاحب العلاقة التوجة للغذاء والدواء والشكوى لديهم.
ما هو موقف صاحب الشكوى؟ لماذا توجة للمصنع محاولا الاتصال مع صاحب المصنع ومع مدير المبيعات ومع مدير الجوده كما ذكر سابقا في (57) ؟
لماذا لم يتوجة للعذاء والدواء؟ لماذا لم يتوجه لمؤسسة المواصفات والمقاييس بدلا من ذلك توجة للتشهير في المصنع وهذا ما نحن نراه هنا.
كلنا نبحث عن الحقيقه. هنا ان كان نبيل او غيره
لست ادافع عن نبيل ولا عن غيره واطالب ببيان الحقيقة ومحاسبة كل مهمل وكل من يتلاعب بالصحة والسلامه العامه.
ما ارجوه هنا هو اجراء تحقيق شامل وبيان الحقيقة ومحاسبة من تثبت مسؤوليته بالاهمال او بالتشهير والاساءه.
03-09-2010 08:36 PM
قرفان عنجد ونفسي أهاجر
إلى من لا يعرف فليعرف:
مصنع نبيل اول من أثبت أنه يمكن الإستغناء عن المنتجات المستوردة من الدول الغربية. هو إستورد فقط التكنولوجيا المتطورة ليتم تصنيع ما يصنع بالغرب في دولة عربية مثل الأردن، وبعدها سار على مستوى عالٍ من الجودة وهو بشهتدة العدو قبل الصديق الأفضل بالشرق الأوسط.
صاحب المصنع كان له دور كبير بإعادة فتح أسواق السعودية للحوم والدواجن الأردنية حين توقفت.
هو صاحب الفضل الأول لفتح الأسواق المصرية للحوم الأردنية المصنعة والكل يعرف مدى صعوبة دخول الأسواق المصرية.
هو الذي يصدر إلى الأسواق الأسترالية والغربية ولا غيره في مجال المجمدات.
هو الوحيد من المنتجات المجمدة الذي يسح منتجاته من الأسواق قبل إنتهاء صلاحيتها بفترة، ولا يقوم ببيعه بنصف الثمن أو على البسطات كما يفعل الأخرون.
هو الوحيد الذي يرقى بمستوى منتجاته يوم يعد يوم ويغره ينحدر لحد الوقاحة.
هو الوحيد بالأردن المعتمد للتصدير لمطاعم العالمية بالخليخ العربي وغيرها. مع العلم بوجود شركات عملاقة مالياً بالخليج .... لكن هذه العملاقة مالياً تعتمد جودة متواضعة للأسف والدليل هو إعتماد المطاعم هناك على مصنع نبيل.

بالأخر بتقول صرصور أنا معك ماشي في صرصور وهذا اكلام غير مقبول أبداً لكن ما بتوصل حد المقاطعة كما يقول البعض .
لأنه بصراحة الأولى في هذه الحالة مقاطعة الجميد الذي لا يخلو رأس منه من الحشرات. بل الأبلى من ذلك يسمح بنص المواصفة الأردنية بوجود نسبة معينة من الحشرات الميتة مثل النمل والناموس أو أجزاها في منتج الجميد المواصفة رقم 462.
على كل إشي كان بقلبي ولازم احكي
والسلام عليكم
03-09-2010 11:48 PM
الى 66 كلمه حق

احب ان اوضح لكي
انا لم اعمل يوما في مصنع نبيل ولا اعرف مكانه ولا موقعه ولا من يعمل به واقنعي وكوني على عل ثقه بانني اتصلت على المصنع عده مرات وعلى عده ايام ولم يكلف اي مسؤول بسماع شكواي وان اتصالي في المصنع هو للفت نظر المسؤولين بان هناك خلل عندهم قبل تقديم اي شكوى ولكن للاسف لم يكترثوا مع اني سجلت لهم رقم تلفوني

وانتي تدعين بانهم لا يتهربوا من مواطن او مسؤول يمكنك الرجوع الى مدير المبيعات السيد خضر ويمكنك الاستفسار عن الموضوع منه ويمكن الاستفسار منه عن الاجرائات التي اتخذوها بعد تلقي اتصالي حتى مجرد الاتصال بمواطن يشتكي من منتج لم يكترثوا له
ولقناعتي الشخصيه في الصحافه الحره فقد اثرت الموضوع في الاثبات لجراسا ولم ينزلوا الخبر الا بعد رؤيتهم كرتونه الدجاج وهي ليست كذبه كبيره كما تدعين في تعليقك وانا لا اقصد اي اسائه شخصيه لاي احد ولا اعرف اي احد من المصنع ولا حتى عنوانه
اختي عنوان تعليقك كلمه حق فاين هي كلمه الحق في تعليقك
واعيد واكرر ارجوا ان تكون المصلحه العامه قبل مصلحتك الشخصيه
03-09-2010 11:52 PM
زياد
تعليق رقم 66، مالك بتحكي كانك داخل جوه خطوط الانتاج وشايف في صرصور أو لأ او كانك
مشرف بنفس الشركة او مديرها يمكن ، البند الاول من كلامك بتدافع عن المصنع كانك بتعرف الغيب وبتقول هههههه كلمة حق وبتحكي عن المنافسه شو علاقة المواطن بالمنافسه وبتعتبروا كذاب مسبق وبتكذب صحافه حره كمان اه باين كثيييييييييييير انها كلمة حق.
04-09-2010 01:01 AM
سياج المجالي
قليل علينا ما زج به بين الدجاج وقد اسقتنا الحكومه مياه زي الاسنه00والحلويات بتنكات 000
وبصمتنا الرهيب وعدم الوقوف مع قضاياتا وهمومنا وتركها لبعض الاصوات المعارضه هنا وبعض المواقع ومنها جراسا هناك فهل الصمت يجلب لنا الحقوق ام حب السلامه بالصمت افضل والاكتفاء بالدعاء بزوال الحكومات دون الحراكات الشعبيه
04-09-2010 02:15 AM
معلومة خطيرة
هاي معلومة خطيرة وخاصة انه معظم الذين يتناولون هذه المنتجات هم من الاطفال الاردنيين علما بان صاحب المصنع من الجنسية العراقية وهو من رجال الاعمال المحترمين وقد استحوذ على سوق الاردن بهذه المنتجات ولم يعد ينافسه احد تقريبا...؟؟؟؟:-D
04-09-2010 02:25 AM
عاصم الغويري
اذا الحكي صحيح ليش ما رحت اشتكيت ولا ما زبطوك ا هزولك ذنب عشان هيك انت زعلت و رحت اتشهر فيهم اذا كنت غيران على المصلحه العامه المفروض للجات للجهات المختصه
04-09-2010 03:03 AM
عاصم الغويري
اذا الحكي صحيح ليش ما رحت اشتكيت ولا ما زبطوك ا هزولك ذنب عشان هيك انت زعلت و رحت اتشهر فيهم اذا كنت غيران على المصلحه العامه المفروض للجات للجهات المختصه و احنا نحكيلك.......... ولا ...يهمك........ ما رح يصير اشي .........ولا .يهمك......؟؟؟؟؟؟؟؟؟
04-09-2010 03:05 AM
الجمل
كيف سيقوم بالاثبات و في حالات كثيرة بشكل عام بروح الدليل و ما في شيئ يثبت
04-09-2010 08:26 AM
جامع صور
وين الصورة عشان الواحد يحتفظ فيها ضمن الصور المحفوطة عنده.
04-09-2010 08:59 AM
سلامه تسلمك
هههههههههه
04-09-2010 09:44 AM
حرام عليكم
أنا من الأشخاص اللي زار مصنع نبيل وبقلكم حرام عليكم لأنه هذا المصنع مفخرة للاقتصاد الوطني، وحاصل على جميع الشهادات العالمية من النظافة والجودة وهو يقوم بتشغيل أكثر من 500 موظف ويصّدر أكثر من نصف منتجاته للخارج ويأتي بالعملة الصعبة للبلد.
وصدقوني يا إخوان إنه الحكي مش زي الشوف، زورو المصنع وشوفوا بعينكم النظافة والجودة والتكنولوجيا العالمية، والمصنع موجود للي ما بعرف في مدينة الملك عبدالله الثاني- سحاب.
واحكموا!!!!!!!!!
04-09-2010 09:50 AM
يقولوا اللي يقولوه (نيبل وبس)
بس بحب أقلكم بأنه " ليس كل ما يقال يصدق"
أنا من الأشخاص اللي بعرف ومتأكده من نظافة هالمصنع، وأكيد ما راح أذم فيه لأنه شخص غير مسؤول عامل حالة غيران على بلده شاف من الأسهل إنه يتوجه للتشهير الإعلاني بدل ما إنه يتوجه للوزارات والمؤسسات المختصة ولما يثبت إنه هالحكي مزبوط ساعتها وبكل عين قوية الواحد بحكي.
من زمان وانا بتعامل مع منتجات نبيل وحتى لو عندي إي استفسار صغير كنت بحكي مع الشركة وسدقوني ما كانوا يقصروا... انتو جربو وشوفو.... قبل ما تحكمو على شي انتو اصلاً ما شفتوا.
صحيح اللي مابعرف بقول كف عدس.
04-09-2010 10:32 AM
عاشق نبيل
ضريبة النجاح دائما غالية و هاي ضريبة نجاح شركة نبيل الكبيرة , الشركة تعمل بمستويات نظافة عالية و عالمية اما موضوع صرصور في باكيت منتجات نبيل قصة مفبركة الغرض منها محاربة نجاح شركة اردنية عريقة تقوم بتشغيل اكثر من 500 عائلة اردنية
ملاحظة : الى جميع الذين يعلقون خافو الله الدنيا صياام خلي ربنا يتقبل طاعتكم لأنكم ما بتعرفو قديش المصنع مرتب و نظيف و المنتجات في قمة الروعة
04-09-2010 11:06 AM
ابو خنجر
66 متحمس كثير بيدو والله اعلم هو من ادارة المصنع لماذا لا يتم معالجة الموضوع مع المواطن وانهاء الموضوع . نبيل اعتبر حاله المصنع الوحيد ولا منافس له لهذا تم اهمال المواطن ولو فعلا ان مصنع نبيل يحترم الزبائن لكان اتصل واعتذر من المواطن اين قسم الجوده والتسويق اين المدير يجب ان يكون لهم رد ولا الاهمال هو سيد الموقف لو ان المصنع نطيف لما قال احد المعلقين لما تسرب الصرصور والله اعلم كم من الحشرات موجوده بباقي المواد الغذائيه التى لا تري بالعين .
اين الصحه والامانه من ذلك
04-09-2010 04:02 PM
ابو خنجر
66 متحمس كثير بيدو والله اعلم هو من ادارة المصنع لماذا لا يتم معالجة الموضوع مع المواطن وانهاء الموضوع . نبيل اعتبر حاله المصنع الوحيد ولا منافس له لهذا تم اهمال المواطن ولو فعلا ان مصنع نبيل يحترم الزبائن لكان اتصل واعتذر من المواطن اين قسم الجوده والتسويق اين المدير يجب ان يكون لهم رد ولا الاهمال هو سيد الموقف لو ان المصنع نطيف لما قال احد المعلقين لما تسرب الصرصور والله اعلم كم من الحشرات موجوده بباقي المواد الغذائيه التى لا تري بالعين .
اين الصحه والامانه من ذلك
04-09-2010 04:25 PM
ابو خنجر
66 متحمس كثير بيدو والله اعلم هو من ادارة المصنع لماذا لا يتم معالجة الموضوع مع المواطن وانهاء الموضوع . نبيل اعتبر حاله المصنع الوحيد ولا منافس له لهذا تم اهمال المواطن ولو فعلا ان مصنع نبيل يحترم الزبائن لكان اتصل واعتذر من المواطن اين قسم الجوده والتسويق اين المدير يجب ان يكون لهم رد ولا الاهمال هو سيد الموقف لو ان المصنع نطيف لما قال احد المعلقين لما تسرب الصرصور والله اعلم كم من الحشرات موجوده بباقي المواد الغذائيه التى لا تري بالعين .
اين الصحه والامانه من ذلك
04-09-2010 04:25 PM
من كلمة حق الى زيار
الاخ زياد
انا اسأل نفسي لماذا هذه السلبية من قبلك؟
نل طرحته هنا تشكيل لجنه ومحاسبة المقصر وان تكون هذه اللجنه على مستوى عالي ومن كافة الاطراف صاحبة الاختصاص، اذا كان هذا الكلام مغلوط ارجو أن تصححني!
نحن لسنا في سباق للشتائم ولا للتشهير نحن هنا نبتغي بيان الحقيقة، هذه الحقيقة التي تمس الامن الغذائي وسلامة المواطن واذا ثبت صدق ادعاء صاحب هذه القضية ما نرجوه اتخاذ الاجراءات المناسبة بحق المصنع وبحق كل من تسول له نفسة الاهمال بهذا المجال.
ليس هناك داع للشتم ولا للتحقير ولكن يجب ان يكون النقاش وطرح المشكلة منطقي وبناء لمتابعة ما سيتم هذا اذا كان هناك من يسمع الصوت ليستجيب وخوفي هنا ان ينطبق قول الشاعر

لقد أسمعت لو ناديت حياً ولكن لا حياة لمن تنادي
04-09-2010 04:44 PM
خلوها عاللله
كل هالتعليقاث 91 ثعليق علا صر صور واحد خربث البلد وما ثحرك صرصور واحد
04-09-2010 10:20 PM
سوسو انا
يييييييي يا الله ليش هيك انا متعوده اكل بيتزا نبيل يعني هلا خلص ما رح اكلها
04-09-2010 11:14 PM
الينبوع -----------الى ولا الضالين
كتير عيب تكتب هيك لان المله ما الها علاقه بالموضوع
04-09-2010 11:22 PM
دادو
الفاضي بعمل قاضي
05-09-2010 05:37 AM
بيتزا
نريد اثبات
05-09-2010 08:40 AM
صدد
شكلوا صاحب الشكوى مفكر بمليون دينار مشان ما يفضح الوضع
لا وجراسا بتقلك ما لقنيا مسؤول نحكي معه
ليش ما بلغتوا مديريه الصحه الغذاء والدواء يا جرايسا وين المهنيه بالموضوع انا مش فاهم
05-09-2010 10:35 PM
فاعل خير
اولاَ لا شي يتبث صحت ما يقال لو كان هناك لديك ضمير صاحي لا تقول مثل هذه الاقاويل لو قلت ذبابه يمكن اصدق بس صرصور والله كثير اتقيله خافو الله يا جماعه, ولو مثل ماحكيت رنيت عليهم ما بتوقع انو ما يردو عليك انا شخصين بتعامل معهم وبطلب دائماً طلبيات ولو واحد ما رد من اول مره ثاني مره بيوخذ الرقم وبتصل فيك، ولو ما بدهم يسمعوك ما بعطوك رقم مدير المبيعات بطنشوك وبعدين الى بنزل على الصحافه اكيد قصده مو(...)والحدق يفهم, نبيل قام بتطوير كبير للمنتجات ونزل منتجات رائعة وحتى لو غلط مره الله بغفر الي احسن من الدنيا كلها وبعدين مزال ضميرك موجعك ليش ما رحت على المصنع بدل الرصيد الي خسرته (اتقي الله مش عارف ليش بحكو الدنيا خربت, من الناس الي فيها)
05-09-2010 11:48 PM
الى 98
يا اخي انت بتفهم الله يخليك لاهلك في عندهم كثير زيك
06-09-2010 01:15 AM
يا حرام
راحت عنبيل من اسمو مبين انو اردني ههههههه وعمل دعايات واكل وتشيز كيك بس هيك اخرتو يا حرام وبعدين ما لقو غير صرصور يع
06-09-2010 01:56 AM
الاخ 98 فاعل خبر
الله يعطيك العافيه اخي على حرصك الشديد على مصلحتك اولا لانه باين من كلامك انك احدى زبائن المصنع التجاريين ولا الومك في حرصك على مصلحتك وبحب اذكرك عشان تكون فاعل خير والخير بده شويه ضمير وما في داعي اذكرك انه مصلحه الناس قبل مصلحتك
اخي الكريم ما في داعي حدا يثبتلك صحه ما يقال لو قرات الخبر جيدا وفهمت انه الجريد شافت العينه كان ما استعجلت وحكمت انه ما في ما يثبت ذلك واعذرني اخي كيف تحكم من دون ان ترى الا ترى ان حكمك نابع من المصلحه الشخصيه بعيدا عن الضمير
اخي الضمير الصاحي هو من لا يسكت عن الخطا وليس من يدافع عنه مقابل مصلحه شخصيه
وصدقني اخي الكريم ما في داعي تذكرني بمخافه الله الا ترى اخي الكريم دفاعك عن مصلحتك الشخصيه بعيدا عن المصلحه العامه هو ابعد عن مخافه الله الله يهديك
اخي الكريم وضحت سابقا ماحصل تحديدا من اتصالات مع المصنع وانا لست ملزما لاوضح لك مجددا
اذا كنت اخي تتعامل معهم في طلبيات فهاذا شان مختلف لبجيبوك من اول اتصال ولكن انا وضع اخر سلامه فهمك
اخي للمصداقيه ةكما وضحت ذلك سابقا بانني قمت بالاتصال مع مدير المبيعات واجابني بانه سوف يقوم في اليوم الثاني بالحضور عندي ويمكنك الرجوع اليه بما انك كما تدعي تتعامل معهم تجاريا
اخي الكريم الي بنزل على الصحافه كما نزلت انت عليها يؤمن بها ولا حد طلب منك تنزل وتشوف الخبر وارجوا ان توضح كيف قصده مش شريف
اخي الصحافه الحره عالجت كثير من المشاكل العامه بعيدا عن المصلحه الشخصيه وما في داعي اذكرك بما انك صاحب كلمه حق وتكتب بالضمير مصلحه الناس قبل مصلحتك وانت حدق وبتفهم
اخي الكريم انا ضميري ما بوجعني زي ما تدعي الحمد لله ما في داعي تذكرني بالضمير لاني بعرفه وشو رايك اخي الضمير بحكي انا اروح على المصنع ليش يا محترم الغلط غلطي واركض فيه على المصنع ولا غلط المصنع ولازم هم يراجعوا فيه ويصلحوا ويعتذروا
اخي اللكريم والله انا متقي الله وبعرفه وضميري حي
فعلا اخي الكريم الدنيا خربت في داعي احكيلك ليش ولا فاهم اكيد فاهم
بس بدي تجاوبني على سوال بعد ما تفكر كويس كيف زبطت معك فاعل خير
06-09-2010 05:17 AM
الاخ 98 فاعل خبر
الله يعطيك العافيه اخي على حرصك الشديد على مصلحتك اولا لانه باين من كلامك انك احدى زبائن المصنع التجاريين ولا الومك في حرصك على مصلحتك وبحب اذكرك عشان تكون فاعل خير والخير بده شويه ضمير وما في داعي اذكرك انه مصلحه الناس قبل مصلحتك
اخي الكريم ما في داعي حدا يثبتلك صحه ما يقال لو قرات الخبر جيدا وفهمت انه الجريد شافت العينه كان ما استعجلت وحكمت انه ما في ما يثبت ذلك واعذرني اخي كيف تحكم من دون ان ترى الا ترى ان حكمك نابع من المصلحه الشخصيه بعيدا عن الضمير
اخي الضمير الصاحي هو من لا يسكت عن الخطا وليس من يدافع عنه مقابل مصلحه شخصيه
وصدقني اخي الكريم ما في داعي تذكرني بمخافه الله الا ترى اخي الكريم دفاعك عن مصلحتك الشخصيه بعيدا عن المصلحه العامه هو ابعد عن مخافه الله الله يهديك
اخي الكريم وضحت سابقا ماحصل تحديدا من اتصالات مع المصنع وانا لست ملزما لاوضح لك مجددا
اذا كنت اخي تتعامل معهم في طلبيات فهاذا شان مختلف لبجيبوك من اول اتصال ولكن انا وضع اخر سلامه فهمك
اخي للمصداقيه ةكما وضحت ذلك سابقا بانني قمت بالاتصال مع مدير المبيعات واجابني بانه سوف يقوم في اليوم الثاني بالحضور عندي ويمكنك الرجوع اليه بما انك كما تدعي تتعامل معهم تجاريا
اخي الكريم الي بنزل على الصحافه كما نزلت انت عليها يؤمن بها ولا حد طلب منك تنزل وتشوف الخبر وارجوا ان توضح كيف قصده مش شريف
اخي الصحافه الحره عالجت كثير من المشاكل العامه بعيدا عن المصلحه الشخصيه وما في داعي اذكرك بما انك صاحب كلمه حق وتكتب بالضمير مصلحه الناس قبل مصلحتك وانت حدق وبتفهم
اخي الكريم انا ضميري ما بوجعني زي ما تدعي الحمد لله ما في داعي تذكرني بالضمير لاني بعرفه وشو رايك اخي الضمير بحكي انا اروح على المصنع ليش يا محترم الغلط غلطي واركض فيه على المصنع ولا غلط المصنع ولازم هم يراجعوا فيه ويصلحوا ويعتذروا
اخي اللكريم والله انا متقي الله وبعرفه وضميري حي
فعلا اخي الكريم الدنيا خربت في داعي احكيلك ليش ولا فاهم اكيد فاهم
بس بدي تجاوبني على سوال بعد ما تفكر كويس كيف زبطت معك فاعل خير
06-09-2010 05:20 AM
فاعل خير
اكيد الله يخليني لا اهلي اقل ما فيها بعرف الله
06-09-2010 10:38 AM
لا لنبيل
روح على منتوجات المراعي 100%
06-09-2010 02:55 PM
كرم
جديد من نبيل صراصير بالبهارات مع الاجنحه شو طيبه ماكولات نيييل
:-[]
06-09-2010 02:55 PM
Nabil is great
If you think Nabil's products are not hygenic, wait until you visit Mara3i factory, you will simply be sick.
07-09-2010 02:11 AM
حقاني
جاري صاحب نبيل زلمة ديني بخاف اللة مابيرضاة بهيك اشي ويتو كلو من منتاجاتو زي ما باكول هو و اسرته بتاكلو صدقو زلمة متواضع ما بيتساهل بهيك امر بعدين كل شركاتو ناجحة ولازم توضح الامور بعدين بنحكم وهل احد القراء رائ بعينه ام كلام الصحافة منزال.......
07-09-2010 08:24 AM
مواااااطن
انا رأي اذا الصحة لم تستطع ان تقوم بالعمل الصائب تجاه الشركة المصنعة عليك ان تنشر صورة الصرصور بالتغليف على النت ليرى الناس بانفسهم
انا متفاجىء من نبيل كنت اعتقد ان ه من المصانع التي تتقيد باعلى معاير النظافة ولكن يبدوا ام كل تجار و اصحاب المصانع بلاردن ليس لهم ضمير وااله يعين الشعب بس بالنهاية الحق كل الحق على الحكومة التي لا تتخذ اجراءت صارمة بحق المتاجرين بارواح البشر
07-09-2010 09:40 AM
اموووووووووول
بس شاطرين يحطوووووو اعلانات عن منتجات نبيل الله يئفك يا نبيل عنجد ما في امان شو لانه ما حد شايفك بكفي ربنا بشوف
وهااااد الغش بعينه
08-09-2010 11:50 AM
صقر سحاب
اطمنوا ... بعد التفتيش والتحري تبين انو الصرصور صيني
08-09-2010 12:08 PM
مواطنة
طيب أنا بدي أعرف والحكي اللي كانوا يحكوا زمان إنه يطحن العظم مع اللحم صحيح أم خطأ ؟؟؟؟؟؟؟؟
08-09-2010 12:19 PM
بستوني
والله حرام انه نطعمي ابنائنا هكذا سموم، اصبحنا اسوأ من الغربيين. يا حسرة على امهات هالايام و الله يرحم امهاتنا!!
08-09-2010 12:27 PM
الطير الطاير
يع يع صرصور :oops:
08-09-2010 02:16 PM
د.ميرفت
كان الاحرى بالمواطن مراجعة دائرة الرقابة الصحية والمهنية والتقدم بشكوى رسمية . ولو كنت مكانك لاخذت صور للصرصور ، الموضوف فيه انا .
08-09-2010 07:45 PM
ههههه
صورصار حبنا ياي
09-09-2010 08:25 AM
يوسف حسن
في مثل هذه الحالة على المواطن اللجوء الى الجهات المختصة لتقديم شكوى ( الرقابة الصحية ) ، اما الاتصال مع صاحب الشركة لتسوية الموضوع فاعتقد ان الامر عبارة عن ((( ابتزاز ))) 0
09-09-2010 09:44 AM
نكته
انا اطالب الجهات المعنيه ووزارة الصحه بالضغط المتواصل على شركة نبيل للمنتوجات الغذائيه
بأن تقدم الشركه علبة بف باف * مبيد حشرات* هديه مجانيه عند شراء اي منتج من منتجاتها وأبطابهم بتقديم ار بي جي لانه ممكن يطلع ديناصور المره الجايه
ههههههههههههههههههههههههههههه :-D :-D :-D
09-09-2010 10:15 AM
أبولباد
انا اطالب الجهات المعنيه ووزارة الصحه بالضغط المتواصل على شركة نبيل للمنتوجات الغذائيه
بأن تقدم الشركه علبة بف باف * مبيد حشرات* هديه مجانيه عند شراء اي منتج من منتجاتها وأبطابهم بتقديم ار بي جي لانه ممكن يطلع ديناصور المره الجايه
ههههههههههههههههههههههههههههه :-D :-D :-D
09-09-2010 10:16 AM
يا سامعين الصوت
يا اخوان هذا موضوع ابتزاز ومبين مين ابطاله,,,,,,,,,, ولما ما استفاد من نبيل حلقولوا........ راح لجرائد الفضائح
يمكن نبيل كمان رفض التعامل مع هاي المجله الالكترونيه
لهيك صار عنده صراصير في الاكل
يمكن بكره يطلع تمساح ويلا حمار وحشي........... الله اعلم
خافوا الله يا جماعه
شبعتونا كذب وما شفنا ولا اثبات سوى حكي بحكي

09-09-2010 03:00 PM
119 الى

مين لبطاله شكلك عارف القصه
09-09-2010 06:16 PM
ابو عذاب
ممكن يكون هذا الصرصور نوع جديد من انواع البروتينات التي صار الى وضعها مع الاغذية للحفاظ على صحتنا ولا اقول يمكن وحدة من البنات الى بعبوا الدجاج داخل الكراتين فى المصنع مصطله معها عمبتحكي خلوى طلعلها الصرصور اتفاجأت كشت منه وبأول جاجة بايدها خبطتة راح معس قرفت منه ياى قرف قالتله كيف بدى اقيمة بوسط الكرتونة خلتة ياسلام
10-09-2010 08:18 AM
الى صرصوركو
بالظاهر حساباتك غلط قصدك افتح الكرتونة تجد هديتك بالداخل
10-09-2010 10:18 AM
محمد عربيات
عزيزي الصرصور: هل انت من عائلة السيد نبيل
ام انت تهريب؟
ام انت جائزة؟
عزيزي الصرصور مش لاقي حد يضبك مثلاً؟
10-09-2010 10:07 PM
حكووووووووومي
طيب شو يعني صرصور
ما يقليه ويوكله زي ما هالصينية بيسوو بالصراصير ولا هو مو كائن حي
لازم يسوي بلبله
يعني حكيت الكلمة للحكومة سمعته من اليمين وطيرته من الشمال .
على الفاضي ما دامه صاحبها حوووووووووت وبيجيب مصاري للبد
طز بالشعب .
11-09-2010 04:41 PM
راعي الخير


قال تعالى
12-09-2010 01:52 AM
أحمد
سؤال يطرح نفسه : كيف المواطن سلم العلبة ثم قام باحضارها لكم ؟؟؟؟
12-09-2010 05:00 AM
نبيل وبس
للأسف والله انكم شعب تافه
كل واحد قاعد بتفلسف على ميفه
روحو شوفو المصانع التانية وكيف شغلها والله لتقرفوا منها ومن شغلها
اللحم مرمي هون وهون والريحة طالعة
بكفي انه مصنع نبيل مواصفات عالية
مش هاملة متل غيره
12-09-2010 11:14 AM
متابعة
اللي صار واضح ,,,
المصنع يرفض الابتزاز .... يعني ما اعطوه اكمن دينار او اكمن كرتونة ببلاش .. طنشوه
وهو ما لجأ للجهات المختصة ... لجأ للصحافة انتقاما منهم لعدم الفائده والتطنيش
13-09-2010 12:24 AM
بدنا
بدنا عرس نرقص فية....مثلا
13-09-2010 05:26 AM
ابو قنوه
ولك يا عمي يعني شو الصرصور وشو مرقتوه ليه زعلان عادي بتحصل كل يوم عجبي
13-09-2010 09:53 AM
عمر عساف
للأمانه فقط
يبقى مصنع نبيل من أنظف المصانع الموجود عندنا في الاردن رغم كل ما يقال.
13-09-2010 12:59 PM
أحمد الصالح
بشكل عام يا جماعة الخير ,لازم الانسان يكون حريص من المواد المجمدة وغير المجمدة اللي بشتريها,احنا أصلا مش عارفين مصدر اللحمة المجمدة من وين وكيف أنذبحت وكم مرة ذابت وكم مرة اتجمدت,فكر ثم كل وليس العكس.
14-09-2010 11:25 AM
مواطن - مستهلك
المتهم برئ حتى تثبت ادانته، لا يجب ان نوجه الاتهامات دون دليل ، ويجب على شركة نبيل ووزارة الصناعة والتجارة تشكيل لجنه وفحص العبوة لمعرفة مدى صحة الموضوع وتوضيح الحقائق للناس، ولكن باعتقادي الشخصي ان مصنع نبيل من انظف المصانع الاردنية ويراعوا معايير الجودة.
14-09-2010 12:45 PM
بسمة عمان
كبتهم كتير زاكية
14-09-2010 10:51 PM
الى بسمة عمان
كييييييييييييفك؟؟ وين هالغيبة.؟؟ والله مشتاقلك كتير يام عمر....كيف عمر واحلام؟؟
حبيبتي لما تيجي عندي لاتطبخيلي من منتجات نبيل!!! ماشي؟؟؟؟ دير بالك تطعمي عمر واحلام من منتجاتهم....دخيلك ماعندنا غيرهم..

ليش ياروحي كبتهم زاكية؟؟؟؟ اه شكلك بتحبي الاكل الجاهز... وانا مابمشي معي...انا بدي طبخ..

مسافر يوم الخميس مسا:-(:-(:-(:-(
15-09-2010 04:59 AM
الى تعليق 54
انا زرت المصنع وعملت مقابلات مع العاملين ولفيت جميع اركان المصنع ... بيم قوسسين المصنع معفن ولو تشوفي الطريق الي بعملو فيها بتحلفي يمين ما تاكلي جاج مجمد ولا اشب من منتجاتهم ... واول ما تفوتي على المصنع بتشمي ريحة عنجد بتقلب المعدة
15-09-2010 10:41 AM
انا صرصور الي لقوني عند الجاجه
انا ما الي خص الجاجه هيه الي اجت عندي مو انا هههههههه
وبدين كلكو هجمتو علي انا مجرد صرصور
15-09-2010 11:05 AM
انا صرصور الي لقوني عند الجاجه
اذا في اي سؤال اسئلوني انا
15-09-2010 11:06 AM
رامي007
خير الو شهر ليش ما تشيلوه
15-09-2010 11:26 AM
سلطى حر
صاحب المصنع عراقى مابتهمة صحتنا والمهندسة ريماس بنتة وتععمل بالمصنع
15-09-2010 02:47 PM
شاهد عيان والله على ما اقول شهيد
كل شخص يدافع عن منتجات نبيل فهو ضالم لانه المواطن ضعيف صار الحق مع نبيل لا والف لا يا جماعه احنا ليش هزازين ذنب للي معه مصاري او بنحب نجامل على حساب مصلحتنا العامه .... اي الخبر لو ما كان صحيح كان هسى مليون رد وطلب اعتذار من اصحاب المصنع ولكن لانه الخبر صحيح لغايه الان لم يتم حتى الناطق الرسمي للمصنع من مداواه الموضوع علنا ... حسبي الله ونعم الوكيل بكل من تسول له نفسه اللعب وعدم المبالاه في قوت المواطن ... قال شو ... وزاره صحه ومراقبين ومفتشين .... صاحب المصنع يحق له فرض السعر اللي بناسبه لكن المواطن ما بيطلعله ان يشهر في ماده او بظاعه دافع ثمنها من جيبته وبالتالي تكون فاسده ومن هنا يا جراسا انا بدي ازوركم بكره لاني انا كمان عندي دليل على احدى شركات الصودا والمياه الغازيه في الاردن وكنت بدي اختصر وانهي الموضوع من عندي ولكن بعد قراءه الخبر ودفاع الناس الهزيزه الذنب عن اصحاب النفوذ بدي ازوركم واجيب الدليل معي
15-09-2010 10:39 PM
يافا
انا من راي انو الصحه تقوم باللأجرائات اللازمه ولازم نبيل ياخد العقوبه اللازمه عشان الكل ياخد العبره والحيطه والحضر ويعمل على نضافة المنتوجات
16-09-2010 11:23 PM
HFH
هاي المرة صرصور المرة الجاي عرسة والحبل على الجرار
18-09-2010 10:31 PM
الشيخ
ايش يعني صرصور مع الدجاج مش هو الصرصور من خبق الله وطالما انه كبة نبي بهذه المصداقي فليذهب المواطن وصحة المواطن الى ............
19-09-2010 07:34 AM
الى شاهد عيان
انت ليش محروق راسك كثير وشاد حيلك عالاخيرالموضوع مستهلك وجد صرصور في علبه دجاج يروح يشكي على المصنع اذا عندو دليل وعيب عليك تحكي عن الي بدافعو عن الموضوع هزيزي ذنب بس شكلك موضف سابق ومطرود من عند نبيل وخاف الله قبل اتهام الناس
19-09-2010 04:19 PM
شاي اخضر
الحمدالله اني لا بشتري نبيل ولا مصطفى لانو خلقة الوضع المادي خربان مفلس يعني فعلا مرات قلة المصاري نعمة...
20-09-2010 10:18 AM
بنوته
شو يعني عرسه ؟؟؟؟؟
20-09-2010 11:28 AM
الى شاهد هيان
قالو بالمثل: إلي ما بيعرف بيقول كف عدس
وشكلك ما بتعرف ولا إشي

الله يهديك
20-09-2010 09:26 PM
تفشانه
عادي يمكن حطين الصرصور عشان يوكلو الجاج بس يجوع لانه بطول بالتجميد هههههههه اكيد بطعمو الجاج صراصير وهدا ضل بالغلط
21-09-2010 01:32 AM
؟؟؟؟؟؟؟؟؟؟
إذا عندكم جرأة يا جراسا أنشروا كل شي بكتبوا
أنا طابع كل شي كاتبه على شاشتكم وما نشرتوا ومستعد أنشروا بموقع تاني

بس إنتو بدكم حرية رأي بس من طرف واحد هو رأيكم
21-09-2010 06:27 PM
ميمو
هدا اللي شاطرين فيه تفضحوا البلد وتشويه سمعة منتجاتها
23-09-2010 11:13 AM
اموره
عما يعميكم معفنكم >-(>-(>-(>-(
انا مستحيل اشتري من هاي المنتجات الفاشله
23-09-2010 01:53 PM
اموره
عما يعميكم معفنكم >-(>-(>-(>-(
انا مستحيل اشتري من هاي المنتجات الفاشله
23-09-2010 01:55 PM
نباتي أبو الفول
هي الكرتونة موجودة حتى الآن ؟ فكونا عاد شيلو الصرصور أو ارموا الكرتونة . هي الشغلة وقفت عند صرصور ؟ بتفكروا أنواع المرتديلا المفرومة ، والتى لانعرف من ماذا تصنع ، والبقر المجنون ، والطيور المصابة بالانفلونزا ، والسمك الفاطس من تلوث مياه الانهار والبحار .....أين يذهب ؟
23-09-2010 03:36 PM
الحنيطي
واللة فضحتو امة هالصرصور
25-09-2010 08:59 AM
ابن ابو علندا
بلكي الصرصور دعاية او هدية مع الكرتونة
26-09-2010 10:26 AM
مامون الغول
اشتريت مره من المول الكبير الموجود في وادي الحجر بالزرقاء همبرجر وجاري اشترى كذلك وعند تناوله اصابنا تسمم وقمنا بالشكوى لصحة الزرقاء ومديرية الغذاء والدواء اخبرناهم اننا تسممنا من منتجات نبيل التي اشتريناها من م مول بوادي الحجر فاجابونا اننا لم نحسن طهي الهمبرغر ولمين نشكوا اذا كانوا هالمسوولين متواطئين وساكتين عن هذه الجريمه والتي تمارس بحق المواطن اين وزير الصحه من هذا الشي
24-10-2010 11:06 PM
حسن ابراهيم
شركة نبيل كتير حلوة وانا دائما بشتري منها ولا صار معانا اى اشي ههههههههههههه مين الف هادا الحكي نبيل احسن شركة في العالم انا الحين في الاردن
11-11-2010 03:52 PM
جودة ابو خميس .........
الى قبرص سيدي مو الى مالطا
12-11-2010 02:21 AM
الي ملطوش
عن جد انك ملطوش
الله لا يفضح حدا ولا يوقع حدا بلسانكو خخخخخخخخخ:-P
27-01-2011 10:15 PM
الي ملطوش
عن جد انك ملطوش
الله لا يفضح حدا ولا يوقع حدا بلسانكو خخخخخخخخخ:-P
27-01-2011 10:18 PM
لا اله الا الله
انا بستعمل منتجات نبيل من خمس سنوات عمري ما شفت لو شعرة او اشي غلط بس يمكن انو اسعاره غير مناسبة لمجتمعنا واذواق الناس المختلفة بس اذا عرف المتهلك شو يختارما في مشكلة بكفي انو صناعة وطنية مش جاي الله اعلم من وين اصححححححححوو يا ناس

16-02-2011 02:42 PM
ana^_^me
صرصور بمنتجاات نبيـــــل غريب
23-02-2011 06:25 PM
طبوش
اللحمه البلدي الكيلو ب 11 دينا ر والصرصار ماله ع القليله فيهوش ( عضم ) يعني باختصار لحم مشفّى .
د
27-02-2011 10:30 AM
help210
اقاطع منتوجات نيبل رسميا من الآن.
مو عارفة من وين اشتري، بدنا رقابة وضمانات من الحكومة ومحاسبة المسؤول عن النظافةو الرقابة
19-06-2011 10:49 AM
قرفان
مرة رحت مع صاحبي على شركة نبيل . انظف شركة بالبلد وبتصدر لنص العالم ! بلا حكي فاضي ! هاي الصرصور مش داخلة مخي , مع انه ممكن بس النضافة عندهم مستوى راقي
04-07-2011 08:24 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات