الحمدلله القويرة ثلج ..

يسعد.مساكي قمر
هل تعرفين قصة القصيده التي كتبتها في المشكله السابقه ؟

عندما انقل قصيده فانني انقلها الى ذواقي الشعر فقط
فمن يريد أن يقرأ فليقم بذلك ومن لا يحب الشعر فله حرية التجاهل وشكرا.

قبطاااان
كيف شو دخل المصاري بالتنفس
انا اذا بتروح مني بريزه بنخنق هههه
ما بقدر اتنفس بعدين انت لاحقني
على الاعضاء والمصاري كمان حرام عليك

مساء الخير يا حلوين مساكم ورد وياسمين ،،

يسعد مساكم

ردا على تعليق السوسنة السوظا ٧٥ مين خظرتك .. انا مش طالب منك اعتذار انا طالب منك تعتقيني لوجه الله وتفكي عني يا بنت الحلال انت سودا مش شوظا عشتي وين مافيه متزن لاتقربي فاهمه

بعض الافراد بكتبوا منكي بالياء

الاصح. منك.ِ

هناااء
الله يعين الافراد علي ؟؟؟ يا غاليه اللي ما بكون زلمه وقد حاله بسخطه سخط

اللهم صل وسلم على سيدنا محمد وعلى آله وأصحابه أجمعين


صباح الخير

في مسلسلات ما بعرف شو اسميها هو على اساس انه مسلسل بدوي لكن بينه وبين البداوه ربنا ,, البنات كانه رايحات على حفله بنادي ليلي وبدون اي حشمه من اللي بنعرفها وبتكون هي وحبيبها طول النهار طاشين ... ثقافة مين ما بعرف ,, اما الرجال فياحبيبي عالرجال الكحل والاي لاينر اكثر من البنات ولابسين ثوب ابصر شو لونه وشماغ لونه اصفر قسما بالله المؤلف والمنتج والمخرج بدهم حرق وبكونوا لابسين شماغ عليه عقال تقول عجل سياره مابعرف منين جايبينه ,, والشباب مكياج كامل وحواجب وتاتو ,,, يحرق اهلكوا منين جايبين هالقصص ؟؟؟؟

يا خسارة الحب
يا خجلة الأمل
تهرب الإيام تخلص بلا أمل
و تبطل وردي تكون
راية البرج و نجمة التلج غنية الحسون
هيدا كان من زمان
يا أسف الليل مضي وقت السهر
و تبقى وردي تنام عاشباك السهر
إنتا اللي كنت تقول وردة الورد
زهرة البرد عصفورة أيلول
هيدا كان من زمان

صاحبة المشكله
مبدئيا ,, الاطباء شو بحكوا عن حالة ابنك ,, يعني رح يتاخر بالمشي ولا مارح يمشي ,؟؟؟ الفرق بالتعامل رح يكون كبير ,,,
الاول رفع معنويات وبتنتهي القصه مصيره يمشي ,, اما اذا مارح يمشي فبالتاكيد بدك اخصائي نفسي يتعامل مع الولد لانه الصدمه رح تتسرب لنفسه

#تقول -شاعرتي
#عطني_رقم_شايبك_الله_يعافيك
#ولا_أرسل_رقم_العجوز_برساله

#بشكر_معاليهم_على_انتاجهم_فيك
#يالعنبوو_شايبك_محلاا_عيااله

هناااااء
بس بدك فنجان قهوه ؟؟؟ عشرين دلة قهوة تخدم خشومك ولوووو ,,, انتي ما بتعرفي غلاوتك عندي ,, بغلاوة الشريان ,, ال ,,, ال ,,, نسيت اسمه هيك اسمه مثل الاهبل بحكوا عنه شريان مهم ههههههه

زينه
بدك عصيده ؟؟؟ صدقيني لو توكلي عصيده سودانيه غير المدينه الطبيه ما تقبلك , هههه ,, كانها من عجينة الذره بتنعمل المهم اذا بتوكل صحن ما بيجي ببالك الاكل يومين

هناااااء
زينه
بالنسبه ل 1200 وحده بس ؟؟ عشان كنت معجوق ما لحقت اكملهم 1500 هههههه

قالت بعض الافراد ,, الحمد لله ما حكت عن الضباط ههههه

قبطااان كل التقدير اخوي انت غاااانم وتستاهل كل الاعتذار ... اما السوسنة .. تكره اشي اسمه متزن وهناء خذ مني انا بعرف وكل الانتحالات لهناء منها ولقبي طار منها لهيك الله لايسامحها

اقعدي عند عيلك انتبهيله وبطلي اتطرق بتنحل مشكلتك .. علميه يمشي ويتعايش مع الوضع انا انتي ذايحه وهو مو قادر يمشي ودكي طلق بين العيون حرام عليك فسخ

الجاهل عدوا لنفسه قبل أن يكون عدوا لغيره

في هذا الزمان إن كنت قاسيا يعشقك عشره.
وان كنت طيبا يكرهك الفا

خراب البيوت يأتي من اصحاب الفتنة
1-سأل شاب شاب آخرٍ : أين تشتغل ؟
فقال له : بالمحل الفلاني،

كم يعطيك بالشهر ؟
قال له: 500،
فيرد عليه مستنكراً: 500 فقط،
كيف تعيش بها ؟
إن صاحب العمل لا يستحق جهدك ولا يستاهله.
أصبح كارهاً عمله، وطلب رفع الراتب، فرفض صاحب العمل، فأصبح بلا عمل،
كان يعمل .. أما الآن فهو بلا عمل .
2-سألت أحداهن الزوجة عندما جاءها مولود:
ماذا قدَّم لكِ زوجكِ بمناسبة الولادة ؟ قالت لها: لم يقدِّم لي شيئاً.
فأجابتها متسائلة:
أمعقول هذا؟
أليس لكِ قيمة عنده؟
:‌‌ألقت بتلك القنبلة ومشت.
جاء زوجها ظهراً إلى البيت فوجدها غاضبة فتشاجرا، وتلاسنا، واصطدما، فطلقها.
:‌‌من أين بدأت المشكلة ؟
من كلمة قالتها إمرأة .
3-يروى أن أباً مرتاح البال، فيقال له لماذا لا يزورك ابنك كثيراً ؟
كيف تصدق أن ظروفه لا تسمح؟
فيعكر صفو قلب الوالد ليبدأ الجفاء بعد الرضا.
إنه الشيطان يتحدث بلسانه.
قد تبدو أسئلة بريئة متكررة في حياتنا اليومية.. :
4-لماذا لم تشتري كذا ؟
لماذا لا تملك كذا ؟
كيف تتحمل هذه الحياة أو هذا الشخص ؟
كيف تسمح بذلك؟
5-نسألها ربما جهلاً ، أو بدافع الفضول ، أو "الفضاوة"
ولكننا لا نعلم ما قد تبثه هذه الأسئلة في نفس سامعها .‌‌‌‌‌‌:
مضمون القصة والرسالة
"لا تكن من المفسدين"‌‌‌‌‌‌‌:

ادخل بيوت الناس أعمى..
و اخرج منها أبكم.

باركولي ترشحت لجائزه الابداع بالكتابه، ادعوا لي بالفوز

الغبي سريع الملل
فلو اعطينا طفلين لعبه تركيب تحتاج إلى قليلا من التفكير،الطفل الذكي يحاول مره وأخرى وثالثه حتى ينجح
أما الغبي فيشعر بالملل سريعا فإما يكسر اللعبه أو يرميها بعيدا

كلامك صحيح اخوي اصيل
القهوه قص مو خص
يسعد صباحك يا الذيب

لصاحبه المشكله
خلي أملك بالله كبير و ادعي الله ليل ونهار انه يشفيه

و عودي نفسك وطفلك لما يكبر ع تقبل الواقع وما في شي كبير ع ربنا

الف مبروووووووك
مع امنياتي لك بالتوفيق

صباح الفل والياسمين للحلوين وخاصة
هناء
السوسنه
اميره
قمر
مها
زينه
القبطان
متزن
اصيل
عاشق البداوه
والجميع

صــــبــاح العوافي والتصافي
مـا أروع الدنيا إذا تصافت القلوب وتناست العيوب ..
ودعـت بغفــران الـذنـوب ،،، وعملت لمرضاة علاّم الغيـوب ،،
وما أجمل الحيـاة إن كــان فيهــا : عزيز يتذكر،،، وقلب يتـأثـر ،، ومخلص لا يتغير ،،
اللهم ارزق أحبتي قطف زهور جنانك ،وشربة من حوض نبيك، وأسكنهم داراً تضيء بنور وجهك يارب العالمين ..
صـــبــاح الخــــيرات

الرائعون ....بالتواصل قائمون
الرائعون....لكل خير هم مبادرون
الرائعون ...بالدعاء لاحبتهم يهتفون
الرائعون....للرحمن يحمدون ويشكرون
الرائعون.....طيبه قلوبهم ودائما مسامحون
الرائعون ....لا يتذمرون وبالاقدار هم راضون
الرائعون .....حروفهم جميله وحظورهم اجمل
وهم انتم ايها الاحبه
اسعد الله صباحكم

صباح الخير والبركه للجميع .
طبنم وطاب يومكم يا غوالي .......

متزن..

صدقني عمري ما فكرت ان المنتحل تكون السوسنة ابداً... ما بعرف ليش انت فكرت هيك...

بعدين انسوا الموضوع لان السوسنة انكرت فمافي داعي للمشاحنات بينكم... الجميع اخوتي واصدقائي ما بحب حدا يزعل حدا مشاني... والله تضايقت....

صباح الورد

المشكلة
صراحة سؤالك يحتاج الى اخصائي

لاتهملي الموضوع لانه بأثر على نفسية الطفل

الي على راسه بطحة بحسس عليها
الي متعود ينتحل الناس
بفكر كل الناس متله
حسبي الله ونعم الوكيل

استودعكم الله خروج

بدخن وشفايفه سود ..واسنانه صفر
والسوس فاتح مستعمرات بثمه وبكتب
على الواتس اخشى عليكي من شفتاي ..
يارجل انت لو تبلع ريقك مرتين ورى بعض
بصيبك فشل كلوي

اختي السوسنة بصراحة طول عمرك انسانه صريحه ومنطقيه وما عمرك اخطأتي بحق شخص بالموقع ليه لتنسحبي اذا مش عاجبهم هناء ومتزن هم اللي ينسحبوا انتي عمود من اعمدة الموقع

ما اتوقعتك تهربي لو سألتي الاشخاص بالموقع بيحكولك ولا حدا فينا فكر انك تكوني منتحله .. كان تفكير محدود من متزن وهناء .. هل بيستاهل مشان تنين تتركي الموقع .. طبعا لا

متزن وهناء سولافتكم قلبت معدتنا انتحلني وانتحلني ئي .. فكونا من سولافتكم الطرمه

مساء الخير للجميع
ياجماعه مش مستاهله والله
متزن كلنا انتحلت اسمائنا مين ما انتحل اسمو هون بس احكيلي انا كمان اسمي راح وصرت احط نقطتين جنب اسمي لانو في حدن اخدو وصار محجوز
بس ولا عمري فكرت انو حدن من الأصدقاء اخدو
على حسب مافهمت انت والسوسنه أصدقاء من زمان
السوسنه دائما بتزكر الحاضر والغايب ومابتنسى حدن وهاد الشي بدل على الطيبه
لاتخلو للفتنه طريق...

النت جدا سيئ

ترى مو صح الرجال يحط عقله بعقل النسوان ويهددهن

اذاالدعجه مش بدو،، مين البدو ؟؟؟

منا بقول ،،، اي معركه الطرف القاني فيها انثى معركه خسرانه النصر مش نصر والهزيمه فضيحه هههه

بالنسبه لحجز االالقاب ،، هذا خطا احنا بنعمله ،، كل مانحاول نثبت لقب عن طريق التسجيل النظام بحجز اللقب الجديد وانت مابتقدر تدخل عليه ماحد بسرقه

لولا الخطا ماحدعرف قيمه الصح
ولولاالصحيح يصح جات الفظايح
شي طبيعي يوم النصح والنصح
الناس كانويشترون النصايح
ياجاهلن فى الوقت تمرح وتمرح
ترا الحياه الها نظام و لوايح
وانكان ماتبغى كلامي هذا رح
وشره على من قال وين انت رايح

قبطاااان
هي انت اكلت عصيده و ما صار فيك شي ما بعرف حسيتها زاكيه هههه

متزن
ما دام اعتبرتني اختك وخاطري عندك غالي خلص تنسا الموضوع وقفل عليه ويمكن مو السوسنه يلي تنتحل
ولا تنسا يلي صار معي كمان وانت شفت بعينك
للأسف في نفوس مريضه تحب تزيد بالفتنه بين الأصدقاء وتنتحل الاسماء

لكن في رب يحاسبهم

قبطاااان
معك أربعين ليره وساكت مخبيهم عني
هاي اسمها خيانه مأمون بيك :(
هات عشرين ليره يلا بالنص

مالكم كل يوم في حدا زعلان و وبعدين
طيب وانا كمان بدي ازعل يلا مين يتمشكل معي

الصداقة من العلاقات الهامة في حياة كل إنسان، فهي تجمع بين الخلّ وخلّه وقد تظل طوال العمر، لذلك هي مقدسة للغاية، وكتب الشعراء الكثير من أبيات الشعر للتعبير عن المحبّة في .


أبيات شعرية عن الصداقة إهداء للجميع :
قد كنت دوماً حين يجمعنا الندى....... خلا وفيّاً.. والجوانح شاكـره
واليـوم أشعر فى قرارة خاطري.......أن الذي قد كان.. أصبح نادره
لا تحسبوا أن الصداقة لقْيـَــة.......بـين الأحـبة أو ولائم عامره
إنَّ الصداقة أن تكون من الهوى.......كالقلب للرئتين.. ينبض هادره
أستلهـم الإيمـان من عتباتها.......ويظلني كـرم الإله ونائــره
يا أيها الخــل الوفيُّ.. تلطفـاً.......قد كانت الألفاظ عنك.. لقاصره
وكبا جواد الشعر يخذل همتــي.......ولربما خـذل الجوادُ مناصِـرَهْ

انا بدي اعمل معك.طوشه لاني بحب اعمل مع حلوين اللي زيك

مش لو الواحد انولد صوص ابو #الشلن وعاش ساعتين ومات اريحله من اللي قاعد بشوفه

سوسنة لاتتركي الموقع لان هناك ظروف يمر بها الانسان قد تقلب اموره اشوي ... ابقي اختي وانا اللي اغادر مش انتي رجاء اخوي

جميعا صباح الخير

سوسنة اغلب تعليقاتي اتوقع اني اقول فيها انك اختي... لذلك لختي اقول ارجوك ابقي ابقي ابقي ...لاتعلمي كم انا احترمك لكن احيان هناك امور قد تفهم غلط لذلك ابقي.. وانا من سيغادر

لكل محاويس الشر الله لايصبحكو الا بالخير هههههه

صباح الخيرررررررر للجميع

اللهم صل وسلم على سيدنا محمد وعلى آله وأصحابه أجمعين


يوم حلو ومشرف بإذن الله

سوسنة ان كان لنا عندك للخوة باقي... ابقي فقط رجاء حار

انا انا ,, حاب اطاوش معك واعضك بخشمك ,, ههه مش فاهم خشمك من كثر ماهو زغير كيف بتتنفسي فيه ههههه معقول بتوفري بالهوا ؟؟؟؟

سوسنة ان كان لنا عندك للخوة باقي... ابقي فقط رجاء حار

زينه
بدك اتقارني حالك فيي ؟ ولك انا معدتي خشب ,, بالسودان قضيتها مع الناس عصيده واراجيل ومشروبات ساخنه بالشوارع وزملائي ما بوكلوا الا بالبيت وما بدخنوا ارجيله خايفين من الملاريا وكانوا متاكدين انه انا انعديت بالملاريا ,,, بس رجعنا للفحص كلهم معهم ملاريا الا انا ,,,, هههههههه

اعتذر من الجميع في هذه الزاوية.. كلنا اخوة ولكل واحد حكى كلمة خير اشكرك

بالنسبه لحجز الالقاب ,,, امبارح حاولت اعمل تسجيل للقبي ولما كملت التسجيل واعطاني بانتظار الموافقه ,, بطلت اقدر ادخل على لقبي اللي انا سجلته هههههههه يعني ما حد سرقه بس في مشكله بالنظام يبدو ,و بحجز الاسم وما بعطيك صلاحية الدخول عليه وهيك بتضطر تزيد حرف كل ما تدخل على اسمك ,, كمان شوي اسمي من كثر ما بزيد عليه حرف الالف بوصل لنهاية المربع القبطااااااااااااااااااااان ههههههههههه
ا

السوسنه ,,, هنااااااء
لا تكوني حساسه كثير ,, هناء قالت انك انكرتي والانكار نفي التهمه سواء اقتنعوا او لا انتي انكرتي ويقولون بالقضاء بالتحقيق انكر ما اسند اليه ,, وانا بالنسبه الي بعرف انك ابعد ما تكوني عن هيك قصص ولا يمكن اشكك فيكي وهناااء من رايي ,, لا تحنبلي الامور الله يخليكي ,,,

هناااااء
نعم صحيح الان تابعه للعقبه وانا بعتبرها منطقه مظلومه بعيده عن العقبه 60 كيلو وعن معان 70 لا هي مع هذول بخير ولا مع هذول بخير ههههههه

هناااااء , زينه

ايواااا هو الابهري ,,, من زمان ما سمعت هالاسم ,, هسه هذا الشريان مهم ؟؟؟ يعني لو بدي ابيع شريان زينه كم بجيب ؟؟؟؟

التعليقات نازله الساعه 3 فجرا ؟؟ مش قادر اقدر استطيع ,,,

المحرر يسعد صباحك

ابو الذهب،،، العجرمي ،،، اصيل ،،، ملك الاحساس ،،، ابو عويس ،،،، متزن
،،،البرشلوني المستشار ,,,,الحلوووو ,,,الحظ العاثر ,,,, ،،، متابع ,,,, ابو كمونه ,, المدريدي ,,,,درداح ’’’
السوسنة ،،،، اميره ,,, قمر البوادي ،،،الكاتبه مها احمد ،،،هناء ,,,, زينه ،،، شطوره ،، ،،،ايقاع المطر ،،، من وراء الافق ،،، ,, زهرة النرجس ،، سالي ،،، السمره،،، فراشة الوادي ,,, المنتحل ،،، المنتحله ,,,,,, شهد،،،، ،،، أحساس مرهف ,, ملاحظه ,,,, جاري الكتابه ,,,, زهرة الياسمين’’ مســـك ,, ياراااا ,,,, صباااح الازهااااار

صباح الورد قبطان

قبطان عجبني اللقب ... متزن هههه
شو رايك ههه

صباح الخير والبركه للجميع

صباح الخيرات
كيفكم يالربع

انا مارح احدد شخص بعينه
ومش من طبعي الناس تحكي معي واطنشها
شكرا لكل شخص تدخل وحاول يصلح الامور
شكرا الكم اخواني واخواتي

وبعتذر منكم مارح ارجع

انا قصدت. ان الدعجه بالاصل بدو بس هي عايشه بالمدنيه ولا تعرف عن البدو شيء ءبس لهجه فقط. يعني حياة البدو كيف عايشين لا تعرف شيء

معلقه كسرت اللغه العربيه
بتكتب ال ذ ز مثلا بتزكر شي غريب عجيب حتى بتتدلع بالكتابه

السوسنه معاها حق في ناس شايفه حالها ومش مصدقه

سبب مشاكل الزاوية كلها هناء بتحشر انفها بكل حاجه بتخصها او ما بتخصها

زوجة حمد قالت لحمد : حبيبي لازم يكون بالبيت تنتين وحدة للطبخ والثانيه للقهوة والشاي انا والله تعبت وقرح قلبي؟
رد حمد عليها وقال: ينصر دينك
انا من زمان كنت بدي اتزوج الثانية بس خفت ترفضي وبصراحة في وحده بحبها كتير وخارطة مشطي وان شاء الله اعدل بيناتكم .
قالت له: ان شاء الله يخرطك الخراط ويرشوك بمشط رصاص وتدخل بغيبوبه لا من الاحياء ولا من الاموات انت و عدالتك ... انا عم أحكي عن جرة الغاز

صباح الاناقه يا احلى عصفوره