الحكومة تفرض 5 دنانير ضريبة على كل مسافر براً وبحراً .. تشمل المركبات المغادرة


جراسا -

فرضت الحكومة ضريبة مغادرة على كل مسافر يغادر المملكة الى الخارج عن طريق البر او البحر, وكذلك المركبات, بقيمة 5 دنانير.

وقال مصدر حكومي مطلع, في تصريح لـ "العرب اليوم", ان "الحكومة قررت استيفاء ضريبة رسوم بدل خدمات, قيمتها 5 دنانير, عن كل مسافر ومركبة تغادر الأردن".

وبين المصدر, الذي رفض الكشف عن هويته, ان "الضريبة الجديدة ستطبق بعد إقرار مجلس الوزراء للنظام الخاص بها", مشيرا ان "إقرار النظام سيكون في وقت قريب, ليدخل حيز التنفيذ".

واشار المصدر الى "اجراء تعديل على بعض مواد قانون الجمارك لتتمكن الحكومة من استيفاء الرسوم كبدل خدمات, بحيث يصبح قانوناً معدلاً لقانون الجمارك لسنة2010".

واقرت الحكومة, منذ بداية العام, حزمة ضرائب طالت شرائح المجتمع كافة, بهدف تخفيض الضغط عن موازنة الدولة, التي تعاني عجزا سجل مستويات قياسية تجاوزت 1.5 مليار دينار.

وبلغ العجز بعد المساعدات, من مطلع العام وحتى نهاية أيار الماضي, نحو 137.2 مليون دينار, مقابل 348.3 مليون دينار للفترة نفسها من العام الماضي, وبنسبة تراجع 60.6%, فيما بلغت الإيرادات المحلية خلال فترة المقارنة 1.877.9 مليار دينار.
(العرب اليوم - ابراهيم خريسات )



تعليقات القراء

كركي
اكيد رايحين يقروها قبل شهر رمضان عشان يستغلو الناس الرايحه عمره
كيف ماينصبو عليهم وبعدين شو هالخدمات الي بتكلف 5 دنانير للمسافر مو المسافر بدفع من زمااااااااااااااااااان هالضريبه حتى الي وده يهج من هالبلد لازم يدفع
والله والله والله مابشرفني اكون اردني ومنتمي لهالبد الي صار يمص دم المواطن ويببيعه
انا حاب اعرف الاردني الي بكون راجع من السفر بدفع دخوليه كمان
06-07-2010 09:51 AM
ايمان
عادي بكرة بصير في ضريبة اسمها ضريبة تضربك يا مواطن
06-07-2010 10:00 AM
بدو الوسط
يقول المثل لقى قريه بدون كلاب مشى بها بدون عصا
الحكومه تعرف ان الشعب الاردنى مغفل فهي قامت البز ووضعت الاهيه
قامت برفع ضريبة المغادره عن الحدود البريه وجعلت ضريبة المغادره عن طريق المطار 30 دينار
والان رجعت عن قرارها واعادة ضريبة المغادره لماذا لا تخفض ضريبة المغادره في المطار
لماذا
الجواب لان الشعب الاردنى ...........................
ويستحق فرض ضريبه كل يوم لانه رضى بالمتسلطيين
06-07-2010 10:12 AM
i jordan
بتعرف يا ابو سمره انك زوادتها وكتير كمان الله لا يشبعك اصلا ابوك من قبلك ما شبع لا حتى تشبع انت بس بحب احكيلك يا حقير يومك جاي وكل الاردني رح ايضلو يلعنوك لايوم القيامه.

الى تعليق رقم 1 هدي اعصابك والحقير مصيره ينقلع وخليك اردني يا ابو كرك
06-07-2010 10:14 AM
بنت اللوزي
والله حتى اللي رايحين البر ما خلصوا يا حبيبي والله اللي بطنه مليان منهم ما بهتم في اي انسان تاني .... بشرفي علنا اتبرى من بلدي الاردن واتشكر الحكومة على عمايلها وقريبا رح اخد الجنسية السعودية .
06-07-2010 10:17 AM
الى تعليق رقم واحد كركي
يعني يلي بسمعك بحكي عنك كل يوم من بلد لا بلد مسافر يا كركي شو ما كان ما بصير تحكي هل حكي. وانا بتحدى اذا انتى أردني ما في واحد اردني بحكي هيك شو ما كان
06-07-2010 10:18 AM
مواطن فنقري
ممنوع على الاردنيين دخول البحر الميت الا بعد دفع 5 دنانيير
ممنوع دخول الاردنيين حمامات ماعين الا بعد دفع 10 دنانيير
ممنوع دخول الاردنيين دخول البتراء الا بعد دفع 10 دنانيير
ممنوع دخول الاردنيين اي مكان في الاردن الا بعد الدفع
يسمح للاردنيين دخول جميع المواقع السياحيه في سوريا ولبنان وبدون مقابل
حتى لو اعادوا الضريبه 8 دنانيير سيذهب الاردنيين الى سوريا لسبب واحد فقط
وهوا انهم يروا الابتسامه على وجوه اولادهم مثلما يرونها على وجوه الاخريين
في الاردن تذهب الى ماعين موظفي الاستقبال على الباب مكشريين وكذلك على مدخل البتراء وجرش
المواقع السياحيه في الاردن وفي الصيف تغلق ابوابها عند الساعه السادسه يعنى ممنوع دخولها الا بالحر
ممنوع على الموظف الاردنى سواء كان على الحدود او المواقع السياحيه الابتسامه
من شروط اتقان العمل والقيام بالواجب ان يبقى مكشر وشايف حاله
06-07-2010 10:22 AM
الى تعليق 5
هلا انتو بتنسوا الموضوع الاساسي وتبلشوا ببعض ، خليه يفضفض الزلمة عن حالو شوي
اي والله والله منيح ما الواحد يطئ وينسطح
06-07-2010 10:37 AM
بشار
نعتذر
06-07-2010 10:38 AM
الى تعليق 5
هلا انتو بتنسوا الموضوع الاساسي وتبلشوا ببعض ، خليه يفضفض الزلمة عن حالو شوي
اي والله والله منيح ما الواحد يطئ وينسطح
06-07-2010 10:38 AM
الى رقم 2
عن جد تعليقك خفيف الدم.
06-07-2010 10:38 AM
الي رقم 4
بشوفك ما علقت علي كلام بنت اللوزي اللي ما بشرفها تكون اردنيه بدها تكون سعوديه
عنجد انت
06-07-2010 10:44 AM
الانسان اغلى ما نملك
يما زغردي للوطن
06-07-2010 10:48 AM
هبةعمر
بدل خدمات شو؟!
الواحد ممكن يقضي عالحدود ساعتين وثلاثة عشان اجراءات الجوازات او الجمارك
غير الوقفة بالشمس او البرد
بس هذا المبلغ مش رح يمنع الناس تسافر لانو الناس بسافرو عشان ينسوا همومهم ولو ليوم واحد ولا هاي كمان ممنوعة
شكرا للحكومة وشكرا لوزير المالية على تراجعم الغاء ضريبة المغادرة وان دل هذا على شيء فانما يدل على ان الحكومة تتخبط بقرارتها
06-07-2010 10:59 AM
أبو ذر
هه هه هه هه هه:-D
06-07-2010 11:01 AM
حره
ياريت امي تعرف تزغرد
وبعدين هما خلوا معنا مصاري ؟أو خلو مجال عشان نسافر برا أو بحرا
الحمدالله عشمة الهوا
وانشالله الله يشبعنا الخبز
06-07-2010 11:04 AM
العقرب الاسود
قال معالي وزير المالية قبل بضعة ايام انه لن تكون هناك ضرائب لنهاية العام وهذا ما جاء بخبر لكم ياجراسا اين المصداقية واين الشفافية بالخبر يا وزير المالية كلنا اردنيين ونعتز بالون ونفتخر باننا تحت قيادة هاشمية واننا اذ نناشد لا نناشد وزير او رئيس والله ياخوان ما بحلها الا جلالة سيدنا ابو حسين الشعب تعب من الضرائب والرواتب كما هية سيدي
06-07-2010 11:59 AM
بنت اللوزي الى رقم 12
حبيبي انا ورقم 4 متفاهمين بعدين انا ما بتبرى من عشيرتي وبلدي الموضوع كان مزح والموت مع الجماعة رحمة وانا ما باخد جنسية سعودية وحتى لو اخدتها بتضل الاردن بلدي بس المال والبنون زينة الحياة الدنيا ( بطمح ليصير معي فلوس اكتر وطبعا ما في حد ما بحب يعيش مبسوط ومعه مصاري )
06-07-2010 12:44 PM
الى ابو ذر
انت بتدحك والا انجنيت؟
06-07-2010 12:59 PM
فساد القمة
جراسا: اهلا بك.. وطول بالك وانتبه .. والله قلوبنا مع الشعب .. وما باليد حيلة .. حياك الله
06-07-2010 01:15 PM
الرواشده
بصراحه شي ممتاز...انا مع ارجاع الضريبه فانا موظف جمارك والوضع سيء على الحدود وازمه مو معقوله....صار اللب بده يفطر ينزل ع سوريا...... شي زاد عن حده...
06-07-2010 01:20 PM
ابو اسامة
هذا نصب واحتيال وسرقة وسطو باستخدام السلاح على جيوب الاردنيين.
ندفع ضريبة مغادرة والان ضريبة خدمات.
شعبنا الاردني صحيح بيصمت لكن اذا انفجر ما يوقف في وجهه اي قوة
بيكفي سرقة لقوت المواطن
06-07-2010 01:20 PM
من كركي الى رقم 6
تركت الخبر وبلشت فيي شو الك دخل فيي اتبرا من هالمملكه انا اردني ابن اردني ابن اردنيه للجد العشرين والله امنيه حياتي اوخذ اي جنسيه غير هالجنسيه

البين يطس هيك شعب شو ماانحكى اله بهز راسه ومسلمها
وانت يا 6 الي انا ضيعته في السفر معيشك لالف سنه شاطرين بس على بعضنا
06-07-2010 01:31 PM
غيور
والله ما ظل غير احطوا ضريبة على الرجل الذي ينام مع زوجته .
06-07-2010 01:46 PM
بلد حرمية
عايشين على المواطن و بعدين مفتخرين ،،،، على شو مبسوطين على هالبلد الى ما فيها لقمة تعيش اهلها
06-07-2010 02:11 PM
من 6 لا كركي
هههههههههه ضحكتني يا كركي واضح اكثير انك مسافر لا برة البلد من طريقة كلامك .هوه انتى لاونك مسافر برة الاردن بترود ترجع لا الاردن بمنه مش عجبيتك يا مصدى يا مقلعط. اذا انتى اطلعت برة الكرك مش برة الاردن انا بدى اعطيك يلي بدك ايه. روح عمو شوفلك لعبة على قدك العب فيه ههههههههههههههههههههه
06-07-2010 02:17 PM
من كركي الى 6
ما في...غيرك والله مبين ع7ليك مش شبعان الخبز
06-07-2010 02:40 PM
moon light الى كركي
والله تعليقك عجبني ويلي راجع من السفر اتوقع كمان عليه ضريبة انا عارفه شو بدو بهالرجعه
بس قلي يلي مهاجر مشي على رجليه يعني طفشان كمان بدفع
06-07-2010 03:00 PM
حرام عليكم
حرام عليكم والله حرام بدكن ندفع ضرايب مشان نشوف اهلنا بالشام حسبي الله ونعم الوكيل عصاحب القرار
اذا انا وولادي ال6حبينا نشوف امي بالشام بدنا ميزانية بدكن تقطعورحمناكمان
06-07-2010 03:09 PM
حسام اليافاوي
الاسباب الموجبه لاعادة فرض ضريبة المغادرة:
1-اعادة انعاش السياحة الداخليه وخاصة العقبة الاقتصاديه والتي هي امل القائد المفدى والاردنيين جميعا.
2-ايقاف هدر واستنزاف الموارد الماليه(العملات)خارج حدود الوطن الغالي والتي تقدر بالملايين اسبوعيا.
3-انعاش حركة التجارة الداخلية حيث ان الاسواق المحلية صابها نوع من الركود.
4-انخفاض مبيعات شركات التبغ المحليه من السجائر بسبب كثرة اعداد المسافرين من اجل شراء الدخان من الحره السوريه.
5-اغلب المسافرين الى الشقيقه سوريالايمكثون اكثر من ساعتين او ثلاثه ومعهم العائلة والاولاد والاقارب من الدرجة الاولى وهذه النوعيه من المسافرين ياتون بشكل يومي من اجل الدخان وليس للسياحه حيث يحصل كل مسافر على كروز دخان ليس للاستعمال الشخصي وانما للتجاره.
6-حفظ ماء الوجه امام اشقائنا السوريين حيث اثبتنا بانه لايوجد في بلدنا الغالي ماهو موجود هناك وخاصةالاكل والشرب وكوني مطلع ان الغالبية العضمى تشتري من هناك /اللحمة اللبن/البقدونس/الجزر الاردني/البندوره الاردنيه/الفاصوليا الاردنيه/الكسبره/الحامله وملانه(حمص اخضر)اضافة الى السلعة الرئسية وهي الدخاااان.
لذلك فبلدنا غالي علينا وكل شي متوفر في هذا البلد وخاصة نعمة الامن والامان ونعمة القيادة الهاشمية والتي عودتنا على العزة والعفة.
مقترحا ان تكون الضرية عشرة دنانير على الشخص وعشرين دينار على السياره وتفرض على الجانبين الاردني والسوري لما لها من فائدة كبيره.والله الموفق
06-07-2010 04:23 PM
عواد
يا شباااااااااااااااااااااااااااااااااااااااااااااااااااب طولوا بالكم العقل زينه والغلط مو زين .. والشب الكركي بحكيله بالرغم انا مقهورين من بعض القرارات والتي تمس الضرائب والجيبه بس لا ولن يقبل ان نخرج عن هويتنا الاردنيه ولو عشنا على خبزه يابسه وبلولها مي ما بنستغني ابدا عنها وانا متأكد انك يا عمري بتشاطرني كلامي وبعرف انه من قهرك حكيت هيك ... روح رحله يومين ع واد بن حماد وروق وسويلك قرص نار في جرس مع بريق شاي ع عروق رتم بترجع رايق .. مع تحياتي الحاره
06-07-2010 05:01 PM
جيفا را الصريح
الله اكبر بعدها رطبة حتى عدت ولعقتها ........... لم يجف الحبر بعد
06-07-2010 05:08 PM
كركي الى moon light
كيف لعاد هاذي ضريبتها بتنصرف تحت استهلاك كالسيوم العظام الي بترتب عليه استيراد الحليب وبتعرفي اليورو هالايام مرتفع سعره عشان هيك الحليب غالي
يعني مافي بدك تدفع او تدفع
والله اشي بقهر
06-07-2010 06:31 PM
اردني مبسوط على اعادة الضريبة
عيب يا جماعة يكون هدفنا نسافر لسوريا مشان كروز دخان صارت الأمور مهزلة على الحدود نسوان من بلدنا بطلعوا في اليوم مرتين او ثلاثة مشان يهربن دخان حول اجسامهم مين الي برضاها لأهل بيتة
06-07-2010 08:31 PM
falcon strike
صدقوني ما قرأت تعليق يفرح البال ما في الى بيع وطنيات على بعض شو 5 دناير ما انت بتدخنو دخان فيهم فاحسن تأخدهم الحكومه وهيك بتحافظو على صحتكم ودمتممممممممممممممم
06-07-2010 08:42 PM
محمد الوردات
الله ينصر اللي حط الضريبة الناي كل يوم بترحل على سوريا والنسوان كل يوم بروحن ينقن خبيزة وعليجة من الشوارع بسوريا فضحنا
06-07-2010 10:00 PM
المهاجر
اتقوا الله في هذا الشعب الشريف يا حكومة الرفاعي والله حرام عليكو ليست هذه طريقة مناسبة لسد عجز الميزانية
06-07-2010 10:47 PM
اربدي
حكومه لا تحترم قرارها وترجع لفرض ضريبه على المواطنين لماذا ما هي الخدمات التي تقدمها الحكومه للمواطن المسافر سوى ختم على جواز السفر ؟ نطلب نحن من ابو حمور وقف استفزاز المواطنين فقد طفح الكيل وبلغ السيل الزبا دعونا نرحل عن وطننا ونتركه لكم ولضرائبكم وسفراتكم انتم ورواتبكم التي لا ياخذها كبار الوزراء الامريكين والغربين من اين القصور والفنادق والشركات من دم المواطن وقوته واخر شي ضريبه مغادره انصح كاردني شريف تخفيض فقط سفرات وبدل سفرات ومياومات ومؤتمرات لم نستفد منها نحن المواطنين طوال عشرات السنوات شي منها لا نرضى ان نكن العوبه بيد موظف عام موجود لخدمه المواطن وليس خدمه تحصيل رواتب لموظفين ببطاله مقنعه ندفها نحن من جيوبنا
07-07-2010 12:28 AM
عقالي
الاردن اولا اذا الضربيه للمصلحة البلد انا مع اعادة الضربيه بس ما تروح للحراميه
07-07-2010 12:32 AM
lion7000 الى 34 و 21
شبعوا الناس في بلدهم ما بروحوا على سوريا لا شمه هوى وعلى عشان يهربوا دخان ما بيدهم حيلة غير هيك لتعديل وضعهم الاقتصادي التعبان الله يكون بعون الناس ويفرجها عليهم ....
مع اخترامي للجميع
07-07-2010 02:16 AM
مزعوج
فرغت مخازنا من القمح والشعير والبقية تاتي .....
07-07-2010 03:29 AM
أردني منذ عام 1913 من أصل دمشقي
نحن نزور دمشق لأن لنا فيها أقارب و أخوال و أعمام و كلنا متزوجون من شاميات أهلهن في الشام في دمشق ... فهل من المعقول فعلاً أن ندفع في كل زيارة للأهل و الأقارب وصلة الرحم هذه المبالغ الطائلة !! أو نحرم زوجاتنا من زيارة أهليهم و لا نصل أرحامنا و يبقى الوطن العربي الواحد متفرق كما أراد له الإستعمار الذي خلق الحدود والجوازات والهويات والأرقام الوطنية حتى لكي يكون هذا المقال و نرى التفرقة والعنصرية التي جعلت الناس تظن أنها تستطيع التبري من أصلها !! والردود القاسية اللاخلاقية التي تنفي عنا صفة الأخلاق والإسلام !! حقاً و فعلاً لن و لم ألجأ لأحد و لكن دعوت الله أن يرفع عنا الحدود ... والحمد لله إستجاب ربي لي ... و الآن أدعو الله أن تبقى حدود العالم الإسلامي كلها مفتوحة لكل المسلمين وأن نفرض الضرائب على المستعمرين الذي فقط للون جوازهم ودون قتحه بمجرد رفعه يمرووون ؟! الله أكبر منكم و من ضرائبكم ... أسأل الله العظيم رب العرش العظيم أن يموت و يفنى كل من يسعى لفرقة الأهل و المسلمين و يحدهم بحدود ما أنزل الله بها من سلطان و الله أكبر على من طغى تجبر.

لن تفرض أي ضريبة و لا أي شيء ولكن هذه إشاعات من شخص رفض الكشف عن هويته لكي تكون هذه التعليقات هداكم الله .... فقط لكي يروا هل من السهولة إرجاع أي ضريبة أم أن الناس سوف تستطيع أن تكون معبرة عن رأيها ولو لمرة واحدة في تاريخ ... !!!
07-07-2010 11:24 AM
أردني منذ عام 1913 من أصل دمشقي
نحن نزور دمشق لأن لنا فيها أقارب و أخوال و أعمام و كلنا متزوجون من شاميات أهلهن في الشام في دمشق ... فهل من المعقول فعلاً أن ندفع في كل زيارة للأهل و الأقارب وصلة الرحم هذه المبالغ الطائلة !! أو نحرم زوجاتنا من زيارة أهليهم و لا نصل أرحامنا و يبقى الوطن العربي الواحد متفرق كما أراد له الإستعمار الذي خلق الحدود والجوازات والهويات والأرقام الوطنية حتى لكي يكون هذا المقال و نرى التفرقة والعنصرية التي جعلت الناس تظن أنها تستطيع التبري من أصلها !! والردود القاسية اللاخلاقية التي تنفي عنا صفة الأخلاق والإسلام !! حقاً و فعلاً لن و لم ألجأ لأحد و لكن دعوت الله أن يرفع عنا الحدود ... والحمد لله إستجاب ربي لي ... و الآن أدعو الله أن تبقى حدود العالم الإسلامي كلها مفتوحة لكل المسلمين وأن نفرض الضرائب على المستعمرين الذي فقط للون جوازهم ودون قتحه بمجرد رفعه يمرووون ؟! الله أكبر منكم و من ضرائبكم ... أسأل الله العظيم رب العرش العظيم أن يموت و يفنى كل من يسعى لفرقة الأهل و المسلمين و يحدهم بحدود ما أنزل الله بها من سلطان و الله أكبر على من طغى تجبر.

لن تفرض أي ضريبة و لا أي شيء ولكن هذه إشاعات من شخص رفض الكشف عن هويته لكي تكون هذه التعليقات هداكم الله .... فقط لكي يروا هل من السهولة إرجاع أي ضريبة أم أن الناس سوف تستطيع أن تكون معبرة عن رأيها ولو لمرة واحدة في تاريخ ... !!!
07-07-2010 04:03 PM
أردني منذ عام 1913 من أصل دمشقي
نحن نزور دمشق لأن لنا فيها أقارب و أخوال و أعمام و كلنا متزوجون من شاميات أهلهن في الشام في دمشق ... فهل من المعقول فعلاً أن ندفع في كل زيارة للأهل و الأقارب وصلة الرحم هذه المبالغ الطائلة !! أو نحرم زوجاتنا من زيارة أهليهم و لا نصل أرحامنا و يبقى الوطن العربي الواحد متفرق كما أراد له الإستعمار الذي خلق الحدود والجوازات والهويات والأرقام الوطنية حتى لكي يكون هذا المقال و نرى التفرقة والعنصرية التي جعلت الناس تظن أنها تستطيع التبري من أصلها !! والردود القاسية اللاخلاقية التي تنفي عنا صفة الأخلاق والإسلام !! حقاً و فعلاً لن و لم ألجأ لأحد و لكن دعوت الله أن يرفع عنا الحدود ... والحمد لله إستجاب ربي لي ... و الآن أدعو الله أن تبقى حدود العالم الإسلامي كلها مفتوحة لكل المسلمين وأن نفرض الضرائب على المستعمرين الذي فقط للون جوازهم ودون قتحه بمجرد رفعه يمرووون ؟! الله أكبر منكم و من ضرائبكم ... أسأل الله العظيم رب العرش العظيم أن يموت و يفنى كل من يسعى لفرقة الأهل و المسلمين و يحدهم بحدود ما أنزل الله بها من سلطان و الله أكبر على من طغى تجبر.

لن تفرض أي ضريبة و لا أي شيء ولكن هذه إشاعات من شخص رفض الكشف عن هويته لكي تكون هذه التعليقات هداكم الله .... فقط لكي يروا هل من السهولة إرجاع أي ضريبة أم أن الناس سوف تستطيع أن تكون معبرة عن رأيها ولو لمرة واحدة في تاريخ ... !!!
07-07-2010 05:06 PM
سناء-اربد
اين الرجال ليقولوا لابوحمور توقف عند حدك كفاك استهتار بلشعب وفرض ضرائب واخر فلم عنده ضريبه مغادره بثوب جديد بدل خدمات ليتنصل من اتفاق الحكومه مع سوريه الموقع اخيرا لماذا هذا الاستهتار بلشعب وخنق الشعب الاردني من الداخل واثناء خروجه من ظلمك وضرائبك لبلد شقيق تصيده لماذا سوريه وتركيا لم تتنصل من الاتفاقات المبرمه بينهم بلتنقل بدون تاشيرات ولا رسوم مغادره اكيد لو انك بسوريه كنت دمرت الاتفاق الدولي المبرم بينهم ارجو ان تقدم استقالتك وترحل من الاردن فلاردنيون ضاقوا ذرعا بك واسلوبك بلاداره لدينا فاشل وفشل متكرر ولمديونيه تزداد والبطاله تزداد فلا خطه لديك صح ونجحت واستفاد الشعب منها
09-07-2010 03:34 AM
وبعدين معه رئيس الوزراء
شو ماله سمير الرفاعي
انصرع شي
نازل رفع ظرائب واسعار

انجنن هذا المخلووق
يخرب بيته ما اوقحه
19-07-2010 12:58 AM
محشششششششششششششششششششششششششششش

في ناس !!!!
بتحب تاخد كل حاجه
مع انها مش محتاجه
وناس بترضى بأي حاجه
في عز ماهي محتاجه
وناس تدي وتنسى
وناس تاخد وتـئـسى
وناس تدي وتندم
ويا ريتها بتدي حاجة...
يا ريتها بتدي حاجة
ويلي يابا ويلا وله ويلي
يابا لالالالا...لالالالالا
في ناس آه ه ه وناس
*********
يلي بتقولوا الزمن ده خد وهات
منتوا خليتوا الزمان ده لكه هات
الي عايز حاجة منك بتلاقيه أنسان ملاك
ولما ياخد دم قلبك بتلاقيه بركان هلاك
ويلي يابا ويلا وله ويلي
يابا لالالالا...لالالالالا
في ناس آه وناس
*********
:-P:-P:-P:-P:-P:-P:-P:-P
21-07-2010 12:51 AM
اردني غيووووووووووووووور
الي جده عايش يسئله سنة سمير شو هي والي مالو جد انا بحكيله على لسان جدي سنة سمير لا قمح ولا شعير والياقي عندكم
31-07-2010 11:56 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات