اغلاق

ياسلام .. عنا نواب ورئيس تحفة


طالعتنا الصحف عن موقف النواب من الوزير الغرايبة ...ورفضهم له ليس لانه لايستحق او لاي سبب اخر ! رغم انني غير مقتنع بكل الوزارة اصلا
بل لان الوزير المعين كان قد وقف بوقفات احتجاجية مع المحتجين على الحكومة والنواب ، اقلكم بالعامية احسن ..
ياجماعة الخير حُستها براسي وقلبت طاقية مخي افهم هالسبب ترى مالقيت فيه اشي يقنعني انه النواب اللي اعترضوا علشان هذا السبب اصلا بفهموا ، سالت حالي طيب ليش ما بفهموا ؟ انا بقلكم ليش
الرجل قبل مايكون وزير هو مواطن، ومن حق المواطن انه يعترض على النواب وعلى الحكومة وعلى اي مسؤول ، مش هاي جزء من الدمى قراطية !؟
طيب النواب مش ممثلين للشعب ...وكان من المفروض انهم هم اللي يعترضوا على اي قرارات للحكومة و التي تكون مجحفة بحق الشعب ، و من خلال مجلس النواب ومن تحت القبة اللي قاعدين تحتها بتظللو ... طيب مش لازم همه اللي يشرعوا قوانين لمصلحة الوطن والمواطن ، او يقترحوا مسودة قانون !!
لكنهم جماعة مكسورة عيونهم مابقدروا على الاقل يحكوا لناخبيهم يلا ياشباب فرجوا الحكومة العين الحمرا يا مالي البين يطسهم
عملوا عكس الدنيا كلها ما بدهم يكونوا همه رجال ، ولا بدهم الشعب يصيروا رجال ..وكانهم بحكوا للناس خليكم غنم قولوا ماع واسكتوا مثلنا ...ول عليكم ..
بالنسبة للغرايبة هذا الرجل كان مواطن واعترض مثله مثل غيرو.. اعترضتم عليه معنى ذلك انكم معترضين على كل الشعب ، اي شو هالتناقض هذا ، يعني انتو ضد كل من خرج ليقول للظلم لا ، هيك الرسالة بتقول ...المسكين الغرايبة حظة منيل بستين نيلة اجته فرصة ممكن تيجي لاي واحد من الاردنيين ... !
انا عرفت السبب ليش اعترضتوا على الغرايبة لانه ماتم اختيار واحد من ابناءكم نهائيا عشان هيك مثلتوا هاي المسرحية !
الشيء الغير مفهوم ...موقف الشاب عمر الرزاز ( مع حفظ الالقاب)..يعني بدل مايقلهم بالشرمحي هلا والله بنواب الهملالي ... لا بجاملهم بقلهم معلش إحنا شعب متسامح !!
شو هالموقف اللي .....بتعرفوا تخيلت الوزير الغرايبة واقف على باب المجلس و الشاب عمر جوا المجلس وبحكي مع النواب وبفركلهم باصابعه على دقنه وبقلهم ...ياحبايبي عشاني هالمرة سماح عشاني مشوها مشان هاللحية لاتردوني ويساله احدهم طيب وينه هذا الصبي بقلوا هيو بره انادي عليه وخلص صافي يالبن ...ول عليكم من كورس حتى تمثيل مش عارفين تمثلوا ...الحق مش عليكم الحق على كاتب السيناريو شكله رقيب ولا عميد ما عنده خبرة في الدراما ... يارزاز فرجيهن العين الحمرا احنا مسامحينكم فيهن لانه اصلاتن هذول جماعتكم مش جماعتنا
لنحيا بسلام... رب اجعل هذا البلد آمنا



تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات