"جراسا نيوز" تنفرد بنشر محضر جلسة مجلس الوزراء لعطاء مشروع توسعة المصفاة الذي تناولته امن الدولة في جلستها مؤخرا


جراسا -

خاص وحصري - استمعت محكمة امن الدولة في جلستها لهذا اليوم في قضية مصفاة البترول لمناقشة وكلاء الدفاع عن المتهمين الاربعة للخبير معن العناسوة من المرئي والمسموع والذي قام بتفريغ تسجيل مجلس الوزراء في مناقشتها لمشروع عطاء توسعة مصفاة البترول، حيث اكدت مصادر "جراسا نيوز" من انه لم يجب على اي سؤال جوهري من قبل وكالاء الدفاع، حيث افاد من انه قام بتفريغ التسجيل حرفيا بحسب المهمة الموكولة له.

وفي نهاية المناقشة طلب وكلاء الدفاع من المحكمة اعتماد واعتبار مضمون التسجيل لصالح موكليهم الاربعة واعتباره جزءا من بيناتهم الدفاعية.

كما قدمالمحامي محمد الحموري وكيل الدفاع عن المتهم خالد شاهين بينات خطية جديدة تثبت ان وزير المالية واعضاء الحكومة الحالية كانوا على اطلاع بالمبرز (ن 6/ فتح المدة) منذ تاريخ 13-9-2009.


وفي ختام الجلسة سأل رئيس المحكمة وكلاء الدفاع ان كانوا قد ختموا بيناتهم الدفاعية، حيث اجابوا بانهم يحتفظون بحقهم القانوني في عدم قبول المحكمة لشهود الدفاع الذين طلبوهم سابقا، وخلاف ذلك فانهم ختموا بيناتهم الدفاعية.

وقد طلبت المحكمة من المدعي العام تقديم مرافعته صباح يوم غد كما طلبت من وكلاء الدفاع عن المتهمين تقديم مرافعاتهم لصباح الثلاثاء الموافق الثامن من الشهر القادم.

 "جراسا نيوز" إذ تنفرد بنشر مضمون التفريخ كاملا :

جلسة 1-9-2009 لمجلس الوزراء

مدة التسجيل الصوتي للجلسة كاملة 1:57:18 نوع التسجيل wav audio

يتم مناقشة امور منها :

-         احالة موظفين على الاستيداع

-         انهاء خدمات موظفين لبلوغهم الستين

-         تمديد خدمات

-         صرف مكافئات

-         اجراء تعديل على التعرفة الجمركية على بعض انواع الحليب للحالات المرضية

-         مناقشة مشروع سكن كريم

-         مناقشة مشروع الاقاليم

-          الجيل الثالث

-          الجامعة العربية للعلوم المالية والمصرفية

اما فيما يتعلق بموضوع المصفاة فتبدأ المناقشة به عند 1:00:00 من زمن الجلسة حتى 1:24:26 من زمن الجلسة لمدة 24 دقيقة و 26 ثانية وهي على النحو التالي:

غير معروف : توصي اليات التسعير مستندا للاسعار العالمية والعائدة على الاستثمار المطلوب بما يحقق المصلحة العامة ويبقي اسعار المشتقات في حدها الادنى، ان تكون الطاقة التكريرية للمصفاة تلبي حاجة السوق المحلي من المشتقات النفطية وليس لاي غايات تصديرية ، ان تكون مواصفات المشتقات النفطية المنتجه بعد تنفيذ مشروع توسعة المصفاة تتوافق مع المواصفات الاوروبية والمواصفات القياسية الاردنية واي تعديل عليها ، عدم شمول الحصرية لنشاط توزيع المحروقات من باب المصفاة وصولا الى المستهلك، عدم شمول الحصرية لاي نشاطات متعلقة بالوقود الحيوي او متعلقة بانتاج النفط الخام من الصخر الزيتي الاردني وتكريره وتخزينه وتوزيعه وبيع منتجات تكريره، الحصول على رأي قانوني حول الحاجة الى المصادقة بقانون على العقد الذي سيبرم مع المصفاة وشريكها الاستراتيجي المتضمن الحق الحصري لشركة المصفاة وفقا للمادة 117 من الدستور ، نقل النفط الخام من المصفاة بواسطة سكة الحديد بدلا من انبوب النفط ، كما توصي اللجنة بالطلب من معالي وزير الطاقة والثروة المعدنية الاخذ بالتوصية اعلاه المتعلقة بموضوع الحصرية ضمن الاستراتيجية الوطنية لقطاع الطاقة.

رئيس الوزراء  : معالي وزير الطاقة

وزير الطاقة : شكرا دولة الرئيس ، دولة الرئيس زي ما بنتذكر جميعا صار في لجنة شكلتها دولتك حتى تحط حدود الحصرية الي يمكن منحها للمصفاة هذا الطلب ايجا بناء على اهتمام من مستثمرين لتوسعة المصفاة خلال سنة او سنة ونصف الماضية واللي طلع بتنيجته الجميع المصفاة واحنا مش ممكن نروح بمشروع توسعة الا اذا كانت في عنا حصرية، طبعا الحصرية برينج مختلفة اشي طلب 10 سنين اشي 12 اشي 18 وهكذا ، فجاء هون تشكيل اللجنة لوضع حدود هذه الحصرية حتى نمشي في مشروع توسعة المصفاة انعرض الموضوع على لجنة الخدمات تم نقاشه وايجت الشروط الي قراها عطوفة ابو نوفان بالموضوع المرتبط بالحصرية يعني نعطي حصرية للمصفاة انها تجيب شريك استراتيجي لكن هنالك مجموعة من الشروط والنقاط يجب مراعاتها هذا في مجمل الحديث دولتك

 رئيس الوزراء: في ناس اله استفسار، معالي وزير العدل

وزير العدل: شكرا دولة الرئيس احنا كحصرية او عدم حصرية بديش احكي فيها بس بدي احكي القرار الان احنا الحصرية هي اقرب للامتياز او الامتياز الصحيح الحصرية هي الامتياز احنا راح نسكر السوق لمدة معينة فبتالي راح تحتاج لقانون الان لغايات هذا الامتياز راح تصير اتفاقية بين المصفاة والحكومة الاردنية مش زي ما هو مكتوب في البند (7) انه العقد الذي سيبرم مع المصفاة وشريكها الاستراتيجي، الشريك الاستراتيجي هو بدخل في المصفاة فأنا الان كحكومة بتعاقد مع المصفاة مباشرة فبتالي هي راح تصير اتفاقية امتياز زي ما توقعت في 57 بين الحكومة الاردنية وشركة مصفاة البترول الان بموجب الاتفاقية هو بوخذ الحصرية بس ما ما بوخذ الحصرية بقرار مجلس الوزراء يعني لما نطلع اليوم قرار بمنح الحصرية كما لو انه اصبح في حق مكتسب للمصفاة انها اخذت الحصرية ، هي الحصرية احنا نجيزلها تستدرج عروض

رئيس الوزراء (مقاطعة) : اذا توصلت الى اتفاق مع الشركة الاستراتيجية

وزير العدل (متابعة) : يعني احنا ممكن بس نعدل القرار دولتك، انو احنا نمنح حصرية الحصرية راح تيجيهم بعد ما بتعاقدوا ويتفاوضوا ويعطونا الشروط

رئيس الوزراء : كلام سليم يبتفاوضوا ويتعاقدوا بناء على الفترات الزمنية هذه تبعة الحصرية

وزير العدل: بس دولتك صيغة التوصية دولتك توصي لجنة الخدمات بنمح الخدمة لمصفاة حصرية انتهت يعني هذا الحكي بدها تأخدها نتيجة الاتفاقية

رئيس الوزراء (مقاطعة) : قولي شو اللي بدك اياه قانونيا

وزير العدل : يعني توصي لجنة الخدمات بالسماح لشركة المصفاة باستدراج عروض على اساس الحصرية

رئيس الوزراء : عندها عروض ، استدرجت عروض

وزير العدل: ماشي النظر فيها وتقديم توصيات على هذا الاساس

رئيس الوزراء: ما بصير هيك بصيرش تقول نظر وكذا انت بدك تقول كمجلس وزراء انا بعطي حصرية من خمس سنين خلال التنفيذ وعشر سنين بعد التنفيذ لما تتوصل لاتفاق مع الشريك الاستراتيجي

وزير العدل: اذا عملنا هيك يعني اخذوا الاشي اللي مفروض يأخذوه بالاتفاقية هذا القرار بمنح الحصرية هذا الحكي اللي مفروذ يأخذوه في الاخير بعد ما نوقع معهم الاتفاقية والاتفاقية تعطيهم حصرية

رئيس الوزراء: هذا اللي بدك توقع معه الاتفاقية خمس سنين وعشر سنين ليش بدك تأخره لبعدين

وزير العدل: يعني بيجوز ما يرجعو بيجوز ما يتفاهموش مع الشركة

رئيس الوزراء: ما بعطيهم اذا ما تفاهموا

وزير العدل: القرار دولتك ما بيعطيهم

رئيس الوزراء: انا بعطيهم من الشروط انو يتوصل مع شريك استراتيجي مش معطيه اياه لحاله

وزير العدل : بس دولتك هي المبدأ يأخذوها بالاتفاقية والاتفاقية بعدين بدها مصادقة بس مش القرار يقرر منح حصرية انا مش معارض على المبدأ فيها دولتك بس بحكي كصياغة قرار

رئيس الوزراء: ما هو بده ضوء اخضر من مجلس الوزراء لما بده يقعد يتفاوض معاه انه ايش الحصرية تبعه

وزير العدل: نغير الاستراتيجية دولتك اخر سطرين بالقرار، اخر سطرين بالقرار الطلب من وزير الطاقة الاخذ بالتوصية اعلاه المتعلقة بموضوع الحصرية ضمن الاستراتيجية الوطنية انو يغير اسسه هو وزير الطاقة يغير اسسه

رئيس الوزراء: بتصيرش واضحة في القرار بدك تعطي قرار واضح انو اذا عندك شريك استراتيجي وجاي بده يوخذ الان مع المصفاة بدك تعطيه من خمس سنين وعشر سنين واضح

وزير العدل: ماشي دولتك هذا بده يأخذه من خلال اتفاقية تعرض على البرلمان الحصرية بس مش بقرار مجلس وزراء بصيغة منح الحصرية

رئيس الوزراء: يا خوي هسه كل الاتفاقيات اللي سويناها اول مش اخذناهم بقرار مجلس وزراء ورحنا فيها بعدين على البرلمان بروحش على البرلمان اول وبعدين برجع على مجلس الوزراء

: ملاحظة (يوجد تقطيع بالصوت وهو غير مفهوم)

غير معروف: او المرافق العامة يجب ان يصدق عليها بالقانون

رئيس الوزراء: بعرف الامتياز بنعرفه فيه امتياز وفيه حصرية ليش قلتلك فيه دراسة بين الامتياز والحصرية وليش قلنا في المادة هديك الحصول على رأي قانوني حول الحاجة اللي كذا عرفت انت كيف بده يبين واضح معالي وزير الزراعة

وزير الزراعة: الهدف الرئيسي من عمليو الحصرية هذه انه هو اي مستثمر بده يجي حتى يضمن انه يسترد قيمة استثماره في سنوات محددة انه يكون فيه عنده الحصرية لهذا السبب بطلبوا انه مجلس الوزراء يعطيهم هذا النوع من الحصرية ممكن ان يكون مشروع يعني انكتب انه مشروع مثل ما تفضلت دولتك

رئيس الوزراء: تمنح بموجبه الاتفاقية معالي وزير الصناعة والتجارة

وزير الصناعة والتجارة: شكرا دولة الرئيس حقيقة انا بتفق مع ما تفضل به وزير العدل من موضوع الحصرية هي احد البنود التي تم التفاوض عليها عشان هيك في النهاية اذا اعطينا من البداية 15 سنة بلكي من الاربعة الجايين او خمسة او ستة واحد طلب عشر سنين او طلب ثماني سنين ليش انا بدي اعطي 15 سنة من الان احنا مع مبدأ الحصرية وما في مشكلة لطالما احنا خلال السنوات الماضية ما نجحنا في استقطاب شريك استراتيجي كل الشركات ابدت رأيها في الموضوع ليش انا من اليوم بدي احدد واقول 15 بلكن واحدة من الشركات اجت قالت عشر سنوات او 8 سنوات انا بعتقد احنا اللي حكيناه في لجنة الخدمات قلنا ان تعديل الاستراتيجية بما يسمح بموضوع اعطاء حصرية وبعتقد هذا بيكون اسلم من الناحية الفنية يضمنلنا ان نأخذ افضل عرض وعلى اساسه يتم منح الحصرية المناسبة شكرا

رئيس الوزراء: معالي وزير الاشغال

وزير الاشغال: شكرا باشا بنفس السياق ايضا تحدثنا عن النوعية quality وقلنا مش مذكورة هون

رئيس الوزراء: المواصفات الاوروبية Europe form

وزير الاشغال: نحكي في فترة الي حين تشتغل الجديدة يكون ايضا مفاوضات النوعية الحالية ان كان من خلال شغلهم او من خلال استيرادهم نقطة بحث تكون باشا تكون نقطة بحث ايضا من هون لخمس سنين ونحاول نحسن النوعية الموجودة

غير معروف: احنا كمؤسسة مواصفات ومقاييس 90% من الشكاوي التي تيجي من المواطنين هي على المصفاة اعطيك مثال صغير

رئيس الوزراء: بس ارجعلكم لنقطة مهمة جدا في التداولات الي قلتوها I think we have to change it lehel bit here هي كالتالي لما شكلنا لجنة وقلنا ادرسولنا قديش بدنا الفترة الحصرية كنا نحكي عن الاستثمار في 2.1 بليون دولار تمام بناء صارت عليه الفترة هذه هسه saposit اذا راحوا ورجعوا لواحد قدم في اقل قدم 1.5 it has be to prorated  يعني بدنا نحط بالقرار هون something هذا متعلق مع اللجنة التي بحثت 2.1 لانه زي ما قلتوا انا بعطي واحد امتياز وحصرية يعني هو بده يستثمر مبالغ معينة وبده، في عنده return investment  في عنده بعدين فترة زمنية بده انه يرجع لفلوس تبعه اذا حط فلوس اقل ما بعطيه فترة اطول انا تمام هذه نحطت على 2.1 واضح

غير معروف: سيدي انا رأي بدل ما تكون (function of ) قديش يتم (capacity) 1.4 يكرر خمسين الف برميل بينما 2.1 يكرر 150 الف برميل

رئيس الوزراء: بس اقولك شغله التكرير قديش حاجة السوق الاردني منه حكيت مع معالي وزير الطاقة وكان عنده نقطة على التصدير انا التصدير ليش حطيناه نقطه هون انا ما بعطيك exclusivty  علشان يصدر انا بعطيك exclusivty  عشان السوق المحلي اذا بده يسوي capacity  اكبر عشان يصدر عرفت كيف انت it non our concern  ما بعطي انا شو قلتلك عشان هيك بحط كمان معالي وزير الطاقة والمستشار الاقتصادي ومدير عام المصفاة اللي هم بتابعوا تنفيذ القرار هذا مع مصفاة البترول الاردنية، تفضل معالي الوزير

غير معروف: معالي دولة الرئيس بخصوص هذا الموضوع اول البند توصي لجنو الخدمات بنمح شركة مصفاة البترول والمستثمر الحصرية احنا الفكرة انو بدنا في وجود مصفاة بالاردن وجود مصفاة بالاردن يعني وجود مصفاة البترول او وجود مصفاة اخرى هذا بخلينا نعطي

رئيس الوزراء: لا مش موجود مصفاة اخرى دير بالك

غير معروف : يعني وجود مصفاة بالاردن

رئيس الوزراء: اجينا على مصفاة البترول كمصفاة بترول وفياه مساهمين اردنيين موجودين وقلنا اذا احنا فتحنا السوق هل يوجد with it serving or not قالوا will not serving

غير معروف: هذا باشا بخلينا نقول نعطي الحصرية للاستراتيجية لاعطاء الحصرية للاستراتيجية هي تغيير الاستراتيجية اللي بتقول احنا بدنا نحط بستراتيجيتنا حصرية there from  يا  invests مين من كان يكون احنا غيرنا في الوقت اللي كنا نقول احنا سكرنا السوق

رئيس الوزراء: اجيب واحد جديد هسه مصفاة جديده هسه

غير معروف : انا بقول اعطي الحصرية اغير الاستراتيجية اولا عشان اخلياه تعطيني

رئيس الوزراء: مجلس الوزراء هو صاحب الولاية العامة هو اللي اقر الاستراتيجية ولما بيقرر واحد زي هيك معناته اتوماتيكلي مقر هو تغيير الاستراتيجية واضحة (              ) الاستراتيجية برجع فيها مرة ثانية بعدلها بناء على قرار معالي وزير الطاقة وبرجع لمجلس الوزراء it is not اني اعدل الاستراتيجية اول وبعدين ارجع للقرار هذا  it is not it is clear  القرار هذا لمجلس الوزراء بوخذه بعدين بعدل عنده الاستراتيجية وبرجع فيها لمجلس الوزراء بناء على قرار مجلس الوزراء لان مجلس الوزراء هو اللي اقر الاستراتيجية مش واحد ثاني

 غير معروف: ما هو احنا عم بنغير الاستراتيجية باشا depending على offer بين ايدينا من الشريف

 رئيس الوزراء: مش واحد فيه اكثر من offer على  we are not specific وحده خليكو واضحين

غير معروف: الباقي مش valid لما اجونا

رئيس الوزراء: بدك ترجع على اللي اخذوا بالاصل شايف مفاوضة العروض التي ابدت اهتمامها في للشراكة الاستراتيجية تمام جميع الشركات التي تقدمت ديروا بالكو انا  I am not talking  ليش بقولك بده يكون وزير الطاقة والمستشار الاقتصادي ومدير المصفاة برجعوا للعروض التي تأهلت في السابق اللي هيه، شو اسم الشركات الاثنتين اللي تقدموا future حتى ممكن افتح الباب كمان لتبعين ابوظبي من هون لاخر السنة كمان يعني مش بس وحده في عندي حوالي اربعة  it is not one company ديروا بالكوا  I am very clear  لا يمكن انا امشي قرار على شركة وحدة لا انو راح نسأل يوم من الايام ليش على شركة وحده لا انو اربع مع شركات فيه هذا الامر مع المصفاة تابع واضح

غير معروف: يعني اذا بس بتسمحلي يعني بالنسبة للي تفضل فيه عن الاستراتيجية كمان بدوا ينعكس هلأ احنا فتحنا السوق لاربع شركات

رئيس الوزراء: ما فتحنا السوق، انا بعدها لما اجينا فتحنا السوق بعثت لمعالي وزير الطاقة وقلتله دير بالك في عنا امر هسه هون (you have to hold your horses) بصيروا يأخذوا بعدين من الطاقة زي ما هي في تركيا من المصفاة

غير معروف: لا انو تغير الحصرية بدوا يأثر على الاستراتيجة في قضايا اخرى

رئيس الوزراء: قابلني احمد عرموش وقابلوا في جماعة ثانية وقلتلهم this is whats going to happen  

 غير معروف: موضوع ثاني دولة الرئيس همو طالبين او المصفاة طالبة اعفاء: يعني لما بيكون في شريك استراتيجي اعفاؤهم من الالتزامات البيئية وهذا خطير دولة الرئيس احنا لا يمكن نعفيهم من التزاماتهم السابقة البيئية زي ما بصير مع الفوسفات، الان في قضايا كثير الها علاقة بالفوسفات واعفوا حالهم من التزاماتهم البيئية بقولك لا انو دخل شريك استراتيجي وبعدين بتضطر الحكومة تدفع هذه القضايا البيئية الي بترفع عليهم موضوع المواصفات دولة الرئيس وموضوع الالتزامات البيئية السابقة

رئيس الوزراء: الالتزامات البيئية السابقة ما الها دخل في القرار اللي هون.

غير معروف : اذا بتسمحلي يمكن هلأ كلامي مالهوش معنى بس بحب احكيه موضوع الحصرية وموضوع اللي كنا نحكيه في مجلس ادارة المصفاة زمان بمعيتك دولة الرئيس موضوع كمان التخزين ونوعية وجود حصرية راح يحددلنا بنوعية معينة وبكميات معينة والمنافسة راح تحسن السوق من ناحية النوعية.

رئيس الوزراء: نرجع مرة ثانية للنوعية النوعية بتحكم فيها وزارة الطاقة واضحة النوعية وبتحكم فيها البيئة  they have to do it

غير معروف: صار النا اربعين سنة احنا ومش عارفين نسيطر عليهم

 رئيس الوزراء: انت بتسيطر عليهم: لا انو في الاصل انت لما سويت المصفاة الاولانية انت حددت الها ايش تسوي وايش تنتج تماما ما عطيتها  free hand في الاصل انت كحكومة في الاصل فانت (you dictating on then what to do)  وهذا نتائج dictating اللي سوته الحكومة عليها في السابق الامر الثاني افتقنا احنا التسعير واضح هونه ليش قلنا انو في نهاية المطاف انا ما بدي ، انا بدي المستهلك يوخذ نفس السعر سواء فتح السوق او ما نفتح السوق بيتفاوض معاه وزارة الطاقة وبتقوله كيف التسعيرة بدو يكون للمشتقات النفطية واضح.... اتفضل

غير معروف: دولة الرئيس احنا امتياز المصفاة انتهى السنة الماضية وكان في حق للحكومة بهذا الوقت بخلال فترة الامتياز انه تشتري مصفاة البترول بقيمتها الاسمية او قيمتها الدفترية وتتحول كل الملكية للحكومة اخذت الحكومة قرار انه تمدد ضمن اتفاقية ما مارست هذا الحق لانه فيه امور معينة كانت متفق عليها بالاستراتيجية اذا اليوم احنا بدنا نعطي الحصرية فورا بنخسر حق التفاوض مع المصفاة يعني انت لو حولت كل موجوداتك للحكومة انت صاحب القرار بالتفاوض انت كحكومة صاحب القرار بالتفاوض مع الشريك الاستراتيجي يعني بأخر المطاف اي حصرية هي تفاوض مع الحكومة وليس تفاوض مع المصفاة السعر الاسلوب التسعير حق المواطن بسعر معين كله تفاوض مع الحكومة انا  what trying to do اذا فيه قرار اتخد للحصرية يكون صاحب الولاية او صاحب القرار بالتفاوض الحكومة كان عنا هذا القرار لما انتهى قبل فترة حق الامتياز انو نسترجع كل المصفاة بالكامل للحكومة حتى الحكومة تقوم بالتفاوض مع المصفاة من وزارة الطاقة من المالية  what ever نعطي حصرية عشر سنين ، 12 سنة  what ever  بحالة اتخذ قرار هلي بهذه الطريقة لما تعطي انت كل الحقوق لمصفاة البترول احنا كحكومة عم نخسر حقوقنا بالتفاوض

رئيس الوزراء: خلينا اقولك لما اجيت انا واجت الحكومة هذه قبل سنتين لقينا انه كان لازم توصلوا لاتفاقية مع المصفاة من قبلها بـ 3 سنين تمام ما ساوا ولا شيء مكانك سر ولا شي اضطرينا قعدنا مع وزير المالية ومع المصفاة اربع خمس جلسات انا ترأستها حتى نأخذ قرار كيف نخلص الموضوع هذا حتى تقدر المصفاة تستقطب شريك استراتيجي وتحكي مع شريك استراتيجي لانها ما كانتش قادرة تحكي مع شريك استراتيجي طالما لسه مش عارفة حالها الحكومة بدها اياها ولا هيه بدها تروح على الطرف الثاني وايش اذا الحكومة لما تخلي سبيلها وهذا الي انتهينا منه بعد خمس جلسات حتى نقرر ايش بدها الحكومة من المصفاة تأخذ من حساباتها الى اخره وهذا تقرر وكان لازم يتقرر زي ما قلتلك من قبل اربع خمس سنين وكان لازم يتحدثوا مع شريك استراتيجي في ذلك الوقت هذا تأخر اما ارجع مرة ثانية الان

غير معروف: على ضوء الحكي اللي صار كان هذا كله مبني على استراتيجية فتح السوق واتفق على هذا الاساس

رئيس الوزراء: لا مش بس فتح السوق كان فتح السوق و upgrade  تبع المصفاه both

غير معروف: لما اجوا شريكين استراتيجين (مداخلة غير مفهومة)

رئيس الوزراء: حتى هذا لا يغير ايش الاتفاقية اللي وصلت بين المصفاة وبين الحكومة...تفضل

غير معروف : سيدي مسألة الحصرية هذه مكنه قانونية تملكها الحكومة ولا تملكها مصفاة البترول ولا يمكن تفويضه

رئيس الوزراء: حكينا بالموضوع تمنح بموجب اتفاقية التي تم التوصل اليها حكينا في النقطة الرئيسة انتهينا من الموضوع هذا... تفضل

غير معروف: سيدي اذا سمحت هلأ شركة مصفاة البترول المساهمين الحاليين لو حسبت حقوقهم الملكية اليهم لن تساوي اكثر من 5% من قيمة الاستثمار الكلي في المصفاة حسب التصور وجود شريك استراتيجي يعني هل من المصلحة انو احنا

رئيس الوزراء: كيف خمسه بالمية مش فاهم عليك

غير معروف: يعني هلأ لو حسبت موجودهم حصصهم مع الشريك الاستراتيجي اللي بده يجي لن تتعدى 5%

رئيس الوزراء: لا يا حبيبي الله يخليك من وين جايبلي الشغلة هاي هسه اذا بده يجي واحد شريك استراتيجي بده يدخل بيجوز انت مش قاري عليها بده يجي يدخل بنفس الاسهم الموجودة في المصفاة وبعدين بيروحوا هدول كشركة بيوخذوا تسهيلات وبيمشوا فيها فهمت علي اما مش تحط 2.1 بليون مع قيمة المصفاة. فهمت علي يعني اي شريك استراتيجي بيجي بالاصل لما بيجي ما بحطلكش 2.1 بليون وبيقولك هاي اسهم اللي في المصفاة والمصفاة ضل الها 30 مليون او 50 او مية صار 5% اسهمهم النص بيصير.

غير معروف: انا والله مدرك هذا هلأ الموجودين الحاليين اللي احنا نحكي معهم حصتهم الكلية بس تصير عنا الشريك استراتيجي سوف يكون نسبة بسيطة ولا يعقل انه

 رئيس الوزراء: الهم النص راح يكون

غير معروف: الهم النص راح يكون سيدي لو حسبتهم قديش هما

رئيس الوزراء: الشركاء تبعين المصفاة الموجودين حاليا المالكين للاسهم هذول المالكين لاسهم المصفاة كيف 5% اليوم يملكون 100% من الاسهم

غير معروف: سيدي يملكون 100% من الاسهم

رئيس الوزراء: اذا اجا واحد وحء كمان 100% او نفس عدد قيمة الاسهم يتضاعف رأس المال

غير معروف: المصفاة التي حسب تصورنا بدنا يجوز مليارين هدول لو حسبتهم ما يتعدوا 100 مليون

رئيس الوزراء: مليارين مش رأس مال هذول بعدين معك انت الثاني

غير معروف: عارف سيدي بس بالنسبة هما 100 مليونهم راح يصيرن عشرة مليون راح يقلوا نسبهم القصد يا سيدي ليس النسبة القصد احنا بدنا نعطي حصرية نعطيها للمستثمر الجديد ولا للشركاء الحاليين

رئيس الوزراء: بدك تعطيها بوث

غير معروف: هذول مش حابين ناس يدخل معهم

رئيس الوزراء: مين قلك هو بيقرر بعدين اذا مش حابين ناس يدخل معهم

غير معروف: يا سيدي صار الهم سنتين ما بدهم حدا يرخل معهم

رئيس الوزراء: اذا قلي بدهوش خلص بفرط كل الشغلة هادي اذا ما بده حدا يستثمر معاه

غير معروف: على اساس انه ما تبين ان المنح بموجب قرار

رئيس الوزراء: قرر مجلس الوزراء بموجب اتفاقية

غير معروف: بس اقتراح دولتك توصي لجنة الخدمات بالموافقة على دخول شركة مصفاة البترول في مفاوضات مع مستثمر شريك استراتيجي لغاية التوصل الى اتفاق يتضمن فترة حصرية

 رئيس الوزراء: تمنح بموجبه الاتفاقية ... بموجب الاتفاقية هيك بدك تحطها بتراجع انا وياك فيها ok.... تفضل

غير معروف: نقطة ثانية في نفس الموضوع هو التخوف من ارتفاع سعر السهم نتيجة هذا القرار بمثل هيك حالات

رئيس الوزراء: شو بدك تسوي ما بتقدرش تخفي ولا شي

غير معروف: بمثل هيك حالات دولة الرئيس مثلا في مشاريع الخصخصة عنا كنا نوقف التداول في بعض الشركات مثل شركة كهرباء اربد اوقفنا التداول

رئيس الوزراء: احكي مع رئيس هيئة الاوراق المالية  is it needed لوقف التداول احكي معه

غير معروف: بدك توقفه فترة طويلة

رئيس الوزراء: شو بقولك انا قاعد قوله هيك هيك قاعد بصير احكي معه شوف شو بده يقولك

رئيس الوزراء: بس بدي اسأل نقطة مع وزير النقل هسه نقل النفط الخام من المصفاة بواسطة سكة الحديد بدلا من انبوب النفط كيف بدي اخذ قرار انا اليوم انت بتعرف سكة الحديد شو بدها تكلف

وزير النقل: سيدي هذا اول شي نقل النفط الخام الى المصفاة مش من المصفاة، نقل النفط الخام الى المصفاة مش من المصفاة

رئيس الوزراء: حتى الى المصفاة انت بدك توخذها من العقبة مش هيك

وزير النقل: مثلا

رئيس الوزراء: سكة الحديد بدلا من انبوب النفط

وزير النقل: شو المشكلة فيها

رئيس الوزراء: بدك ملزم هذا

وزير النقل: اذا فيه (excuisvty) يس سير

رئيس الوزراء: كيف بدك تلزمه على سكة الحديد اذا انت سويت سكة الحديد مش هيك

رئيس الوزراء: اذا سوينا مع عندي مشكلة

وزير النقل: بس اذا اخذنا قرار بالسير في سكة الحديد بده

رئيس الوزراء: اذا سويتها ما عندي مشكلة بالعكس احسن من ما تساوي انبوب النفط

غير معروف: سيدي الرئيس في شروط يمكن هاي حطيناها قلنا لمعالي رئيس لجنة الخدمات في شروط اللي كانت حاضرتنا مبارح في الاجتماع ولكن لا بد من لجنة فنية اللي تحط الشروط التفصيلية

رئيس الوزراء: وزير الطاقة مع المستشار الاقتصاري مع مدير المصفاة واي شغلة عندكم اعطوه اياها... تفضل

غير معروف: دولة الرئيس لا شك انه احنا في عنا مشاكل في التعامل مع المصفاة بشكل عام معظم الوزارات انا بدي احكيلك قصة على شغلة حتى يكون في تشدد بالتعامل معهم الان البنزين 90و95 في خلط بينهم بمحطات البنزين بشكل كبير الجهة الوحيدة التي بتفحص هي مصفاة البترول كل ما تودي عينة بتقولك نيجاتيف اجينا مسكنا عينة خلطناها ببعض وديناها رجعت نيجاتيف المواصفة بتقول من 3 سنوات بتقول انه على المصفاة تحط كاشف بتضيف مادة اضافية على الاوكتان 96و95 حتى يصير بينهم يفرق لون المشكلة انة تجاوب المصفاة مع المؤسسات الرسمية ومنها مؤسسة المواصفات والمقاييس

رئيس الوزراء: حطوا اجراءات عليها

 غير معروف : معناتها بنسكرها... بنسكرها ما هو القرار بتسكيرها بس بدنا مقابل الكلام اللي بنعطيهم اياه انه يكون فيه تجاوب ايجابي من جهتهم

 رئيس الوزراء: بتقدر غرامات.... 

* يرجى الاشارة الى المصدر حال نقل التقرير .. لطفا



تعليقات القراء

مطلوب من المحكمة الموقرة ....... التالي:
1) استدعاء رئيس الوزراء بصقته متحدثا , و معني بالكلام و الحصرية
2)وزير الطاقة بصفته متحدثا
3) لماذا هناك واحد تحت (غير معروف) وضحوا من هو؟؟؟؟؟
4)تحري العدالة في الناس و المواطنين .....
31-05-2010 03:32 PM
مواطن اردني
لماذا نريد ان نفقد العدالة ؟؟؟؟؟؟ الحكومات تذهب و تأتي غيرها لكن العدالة باقية امام التاريخ و امام الله و خير مثال سيدنا عمر بن الخطاب الذي " عدل فامن فنام " لانه يعلم ان الله عادل و ان العدل اهم ليقوم به خلافئه الذين على الارض او من ينتدب عنهم و في هذه الحالة فان العادلة مطلوبة من المحكمة الموقرة لان عرش الله في السموات العلا يهتز للظلم و الا الله يا بني آدم و اننا ندعوكم الى ان تكون محكمتكم موقعا للعدالة و ان تضع القضاء في مكانه الصحيح دون السماح لاحد بالتدخل لانكم تصدرورون قراراتكم باسم سيد البلاد مولانا صاحب الجلالة الملك عبد الله الثاني بن الحسين الذي هو منتمي لبني هاشم و الذي جده النبي محمد صلى الله عليه وسلم واننا في بلاد آل هاشم التي لا يظلم فيها أحد و ان اساس حكمهم هو العدل فتحروا العدالة و العدل ولاتظلموا وان الحق يعلو ولا يعلى عليه كل الشكر لاخبار البلد
31-05-2010 04:41 PM
م. ابو زايد
لقد قرات الفلاش مموري واتسائل اذا كانت امتبازات الوزراء والمحكمه العرفيه العسكريه لاتسمح الا بدفع مبلغ ال 150 دينار اردني الى الخبير الذي افرغ المحتويات بهذه الصوره وبهذا الشكل فاقرا على الاجتماعات وعلى البلد السلام واقرا على المحكمه ايظا السلام كونها وافقت وقبلت بهذه الترجمه الركيكه واتسائل الا يوجد امكانيه امام هاؤلاء جميعا ان يكون لهم
مونتاج وتظهير وخبراء ليضعوا النقاط على الحروف بدقة افضل مما ظهر لنا ونحن كشعب نرقب مستوى الاداء سواء اكان الى الحكومه او المحكمه او النيابه او الدفاع انه عيب وعار ان تظر المملكة الاردنيه الهاشميه بهذه الصوره ونحكم على رجال وطن من شيئ غير مفهوم وغير واضح وانني اهيب بدولة الرئيس وكل مسئول ان تظهر صورة الاردن والوطن افضل مما قراناه على الفلاش مموري ليعطى كل ذي حق حقه ويصل الحق الى نصابه
05-06-2010 12:34 AM
مساعد خبير فلاش مموري
امر الله انا مابعرفش انجليزي اوكمان الخبير مابعرفش انجليزي طيب ماكلهم بحكو انجليزي
اوبقولوا يس سير بس بدي اعرف كيف ترجم الكلام اللي انحكى بالانجليزي اوهوه ما بعرفش انجليزي هل على راسه ريشه اوليش اعطوه 150 دينار اوهوه مابعرفش ايترجم او ايفرغ الانجليزي ليش القضاء والمحكمه والرئاسه مابستفيدوا منه لجلسات قادمه وكل وزير بكي يذكر اسمه الاول او فيديوه مع صوت اوصوره لئلا تقعوا كلكوباالاحراج لما تتناولوا بجلسات قادمه قضايا مماثله مثل ............ومثل..........مشان تعرفوا حاملها اوشاربها ومقدمها ومخرها ومنتجها ومؤلفها اوراشيها اومرتشيها والمساحات والبريكا ت وسواق الدراجه اللى بوصل
قرارات المجلس قبل الانعقاد والشاهد اللي غير شهادته والشاهد الحرامي و..... و......
واللهم استرنا واعفو عنا ربي اغفر وارحم واعفو وتكرم انك تعلم مالا نعلم انك انت الله الاعز الاكرم . الهم احمي الاردن من كيد الكائدين ومن حسد الحاسدين ومن حقد الحاقدين ومن الجاهلين وانصاف المتعلمين يارب ياكريم .
13-06-2010 04:37 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات