اغلاق

الحكومة تخيب امال المواطنين و ترفع اسعار المحروقات


جراسا -

خاص- في خطوة لها اعتبرها المواطنين خيبت امل لهم من قبل الحكومة قرر وزير الصناعة والتجارة المهندس عامر الحديدي تعديل اسعار المحروقات للفترة من 14/5 الى 17/6/2010 وذلك بناء الى قرار لجنة تسعير المشتقات النفطية التي اجتمعت اليوم الخميس وقامت بمراجعة الاسعار العالمية للمشتقات النفطية المحررة وتكاليف ايصالها الى المستهلك وتحديد اسعار بيعها محليا.

وبموجب القرار تصبح اسعار المشتقات النفطية اعتبارا من يوم غد الجمعة على النحو التالي البنزين الخالي من الرصاص رقم اوكتان (90) 575 فلس/لتر و الســولار فلس/لتر 505 و الكـــاز فلس/لتر 505 و البنزين الخالي من الرصاص رقم اوكتان (95) فلس/لتر 690 وتثبيت اسطوانة الغاز 6,5 دينار.

و سجل معدل سعر نفط برنت لثلاثة اسابيع منذ التعديل الشهري الاخير لاسعار المشتقات النفطية في 16 نيسان الماضي ارتفاعا بنسبة 4.7 بالمئة حسب النشرة الارشادية لوزارة الطاقة والثروة المعدنية.

وبلغ معدل سعر نفط برنت في اخر تعديل للاسعار 81.23 دولار للبرميل وحيث ارتفع الى 85.05 دولار للبرميل بعد ثلاثة اسابيع من التعديل الشهري الاخير.

قررت الحكومة في التسعيرة الاخيرة رفع اسعار المشتقات النفطية خلال الفترة 16 نيسان - 13 أيار/2010 حيث تم رفع البنزين الخالي من الرصاص رقم اوكتان (90) من 525 الى 550 فلسا/لتر, والبنزين الخالي من الرصاص رقم اوكتان (95) من 630- 660 فلسا/لتر, و مادتي السولار والكاز من 465 الى 485 فلسا/لتر, كما تم الاستمرار بتثبيت سعر اسطوانة الغاز عند 6.5 دينار.

تجدر الاشارة ان وزارة الطاقة وشركة مصفاة البترول ترصدان اسعار المشتقات النفطية خلال فترة الثلاثين يوما التي تسبق اجتماع لجنة التسعير حيث يتم اخذ مع الاسعار العالمي للمشتقات النفطي وفقا للنشرات الاقتصادية مثل نشرة بلاتس (PLATTS) يضاف اليه جميع التكاليف الإضافية التي تترتب على استيراد المشتقات النفطية من الأسواق العالمية حتى الوصول إلى المستهلك, وتعتمد الحكومة على سعر ثابت السعودية في احتساب أسعار مادة الغاز البترولي المسال, حيث يعلن السعر العالمي بشكل شهري وليس يوميا بعكس اسعار المشتقات النفطية.

وتغطي مصفاة البترول 80 بالمئة من احتياجات المملكة من المشتقات النفطية حيث يتم استيراد 80 بالمئة نفطا خاما و 20 بالمئة مشتقات نفطية مكررة, في حين يبلغ معدل استهلاك المملكة من الغاز 330 الف طن, حيث تنتج الشركة 120-130 الف طن من الغاز البترولي المسال سنويا في حين تستورد باقي حاجة المملكة التي تتراوح ما بين 200 - 220 الف طن. 
 



تعليقات القراء

shadi
لا حول ولا قزة الا بالله
13-05-2010 04:50 PM
متضرر بس مش فارقه معه
هيه اول خيبه والا اخر خيبه
13-05-2010 04:51 PM
الكرك
حسبي الله ونعم الوكيل في هيك حكومات
13-05-2010 05:12 PM
مواطن ملخوم
قالوا للقرد الله بدو يسخطك.............قلهم غزال؟؟؟؟؟؟؟؟؟؟؟؟؟؟؟
13-05-2010 05:23 PM
مواطن ملخوم
قالوا للقرد الله بدو يسخطك.............قلهم غزال؟؟؟؟؟؟؟؟؟؟؟؟؟؟؟
13-05-2010 05:23 PM
ابن البلد
ناموا ولا تستيقظوا -------------------- ما فاز اللا النوّم
صوموا ولا تتكلموا -------------------- ان الكلام محرّم
ان قيل نهاركم ليل -------------------- فقولوا مظلم
وانقيا شهدكم مرّ -------------------- فقولو علقم

هيك شعب ساكت بستاهل كل شي بيصير فيه
13-05-2010 05:25 PM
,,,,,,,,..
el7mdella snt smeer la gm7 wla ah3er
13-05-2010 05:26 PM
عب يستاهل
شعب اذا ضرب .................بوجهه صرخ ............ باي ذنب اضرب
نستاهل اكثر من ذلك لان النفط العراقي ياتى باسعار تفضيليه لمين ؟
13-05-2010 05:38 PM
ههههههههههههههه
:-D:-D:-D:-D:-D:-D:-D:-D:-D:-D:-D:-D حبيبي يالله مع السلامة
13-05-2010 05:38 PM
سلطي
كبير يا رقم 6 ابن البلد
لكن لكل كلب يومه
13-05-2010 05:40 PM
مواطن
يا مترجي الدبس من ..... النمس
13-05-2010 05:47 PM
R3
لا حول ولا قوة إلا بالله
13-05-2010 05:52 PM
العقايلة الامريكي
الله لا يوفقك يا حكومة
الله يبتليكم بامراض تجيب اخرتكم
الله يفرجينا فيكم يوم يا ,,,,,,,,,,,
الله لا يشبعكوا
الله لا يديمكوا
الله يوخذكم
الله يتوالكم في نار جهنم حرق انشالله
الله لا يباركلكم لا بعيال ولا بمال
وانتوا يا جراسا اذا بجد زلام وبتحترموا حرية النشر انشروا
13-05-2010 05:59 PM
متشفي
خلصونا واعملوها 20 دينار والله ما حدا راح يرفع راسة لاننا غنم الله لا يقيمنا
13-05-2010 06:13 PM
خربتوا البلد
اصلا شو مهمة الحكومه في البلد الا القضاء على المواطنين هذا اذا ضل مواطنين حسبنا الله ونعم الوكيل فيكوا يا حكومه انتوا شو بهمكوا جيابكوا مليانه يا حراميه لو البلد تخلص منكوا المواطن بالف خير
13-05-2010 06:29 PM
طكع نوم
والا كيف بدهم يدفعوا رواتب "ابو مكتب" نوم....75% من الموازنة
13-05-2010 06:36 PM
مواطن
بطلت تفرق كلوا مرتفع مع درجات الحرارة مهي الحكومة ترفع بالشتاء عشان ندفى وبالصيف عشان نولع
13-05-2010 06:42 PM
كشرة
صدمة عنيفة .. وخيبة امل..لو ما حكيتو قبل ايام ان الحكومة رح تخفض اسعار المحروقات كان احسن يا جراسيا.
13-05-2010 06:50 PM
الفارس
خد اتعود على اللطم حسبي الله ونعم الوكيل
13-05-2010 07:00 PM
ابن المخيم
المهم ما يدخلوا بلخبز لمكحمش ( الناشف ) عشان انا عندي حمار بطعمي خبز ناشف ومسلك معي لابنزين ولا ديزل
13-05-2010 07:03 PM
حيران
احنا ناس مش فاهمين حالنا
بدنا رفع اجور العمال
بدنا رفع رواتب المعلمين
بدنا تعبيد الطرق والشوارع
بدنا خدمات صحيه بدنا خدمات عامه
بدنا ؤبدنا وبدنا ...........؟!!!!!!!!!

بدنا كل اشي وبدنا ما ندفع اشي
اشولن ها بدها تصير

اذا الحكومه ما رفعت الضرائب
من وين بدها تعطينا ؟.
فسرو بتعقل وانصاف وحساب

معضم ميزانية الحكومه مساعدات من الخارج او ديون
13-05-2010 07:14 PM
مواطن تافه
اللهم ارحم روح شهيد فلسطين القائد العربي صدام حسين الذي كان يعطينا البترول ببلاش وكانت اسعار المشتقات النفطيه عندنا اعلى من اي مكان في العالم فكيف بدكم يكون اليوم النفط رخيص مهو عندنا يستخرج من الذهب صحتين وعاقيه
13-05-2010 08:08 PM
....
يا جماعه وين صقر الشوبك مو ملاقيتو ولا بمكان... هلأ صح تعليقاتو بتنرفز يلي ما بتنرفز.. بس بحب أقرأها لإنها بتضحكني كتير...
13-05-2010 08:10 PM
ابوراس
نعتذر
13-05-2010 08:14 PM
بلال
يا ناس حرام عليكوا ضاق فينا الحال الراتب تعبان وبحكوا ليش كتروا المتسولون
13-05-2010 08:17 PM
مهاجر
كل واحد عيونو زرقا مش لازم يتولى امر مسلمين
13-05-2010 08:41 PM
محمد غانم
عن عائشة زوج النبي صلى الله عليه وسلم قالت
سمعت رسول الله صلى الله عليه وسلم يقول :(اللهم من ولي من أمر أمتي شيئا فشق عليهم فاشقق عليه ومن ولي من أمر أمتي شيئا فرفق بهم فارفق به)

هذا لمن كان له قلب أو ألقى السمع وهو شهيد
13-05-2010 08:46 PM
محمد غانم
عن عائشة زوج النبي صلى الله عليه وسلم قالت
سمعت رسول الله صلى الله عليه وسلم يقول :(اللهم من ولي من أمر أمتي شيئا فشق عليهم فاشقق عليه ومن ولي من أمر أمتي شيئا فرفق بهم فارفق به)

هذا لمن كان له قلب أو ألقى السمع وهو شهيد
13-05-2010 08:47 PM
نضال الشمايلة
ماع ماع ماع ماع ماع ماع ماع ماع ماع ماع ماع ماع ماع ماع ماع ماع ماع ماع ماع هو هو هو هو هو هو هو هو هو هو هو هو هو هو هو هو هو هو هو هو هو هو هو هو هو هو هو
صوصو صوصو صوصو صوصو صوصو صوصو صوصو صوصو صوصو صوصو باء باء باء باء باء باء باء باء باء باء باء باء باء باء باء باء باء باء باء باء باء باء باء باء با ء عذرا يا سادة ولكني اقول كما قال فلاح باشا المدادحة هيك مضبطه بدها هيك ختم ومن عندي اقول (هيك حكومة بدوا هيك رد)
13-05-2010 09:00 PM
مواطن قرفان
وبعدين يا حكومات النفاق ارحموا الناس الله لا يرحمكم وين نهج اكلتوا خيرات البلد ونهبتوها وعصرتم التاس الله لا يوفقكم
13-05-2010 09:11 PM
سعيد
اصبح الديزل اغلى ما نملك و اغلى من الذهب.......
>-(
13-05-2010 09:24 PM
وينك وينك
وينك يا قرعان ! يا زلمي خلي هالناس تضحي شوية وتتحمل , ليش شو صار أذا ارتفع البنزين نص دينار؟الكل بيشكي وبيعيط ,اطلعلك بمقالة خليهم يهدأوا شوية وتلهيهم .
13-05-2010 09:42 PM
ابو امير
كلامك صح يا رقم 14 100% والناس بتعرف شو لازم تسوي بس خايفه وما بتسترجي الله يعين
13-05-2010 09:42 PM
زواد الى 23

ليش بتسأل عن جحش الشوبك هذا بس حطلو اشعير وكثير عليه
13-05-2010 10:16 PM
الفارس
وين المشكله
13-05-2010 11:20 PM
معاكوا حق
شكرا يا حكومه
مش مشكله المهم تأمين مصاري لكبار الموظفين عشان يسكروا فيها مع الشياطين
المواطن العادي وضعه ممتاز ما بوكل ولا بشرب
انا غلطان الحق على المواطنين لأنهم ابطال عليهم العمل ودفع الضرائب عشان الوزرا واصحابهم يقدروا دفع خاوات بالنوادي
الحمد لله رايحين نوكل بعض لأنه ارخص شئ المواطن
14-05-2010 12:27 AM
الى رئيس الوزرا ارجو القراءه
يا دولة الرئيس بدي اسالك لو سمحت ممكن؟؟؟؟؟؟ انت من اي كازيه بتعبي بنزين عشان اروح اعبي منها اكيد السعر هناك ارخص !!!!!!!!!! يا ترى بتعبي سيارتك مثلي ب5 ليرات ولا على الفاتوره !!!!!!!!!! لا نقول الا حسبنا الله ونعم الوكيل فيك نشكيك لرب العالمين
14-05-2010 12:49 AM
احسن من هيك
عاساس كان في خبر قبل يومين انه تثبيت مش رفع ، يالله بتهون والله ما حدا عارف يا جراسا شو اللي بصير الله يسترنا
14-05-2010 01:47 AM
ابن البلد
وانا اقول كما قال الاخ

دولة الرئيس ...ارحل .....ولم تكن في يوم من الايام من الشعب ...فقد ورثث الرئاسة ابا عن جد ...لم تكن يوما منا ...لم تعش الطفولة التي عشناها ...لم تحرث ولم تحصد ولم تنكش ...لم تعرف ما نعاني ولن تعرف ...لم تعاني في الجامعة ...ولم تعاني في طلب الوظيفة ...لم تنتظر طوابير التوظيف ..ولم تنتظر سنوات للحصول على الوظيفة...لم تكن يوما موظفا عاديا كباقي الموظفين ...الذين ينتظرون الراتب لسد حاجاتهم ويطير في الاسبوع الاول من الشهر ..ويستلفون الاسبابيع الثلاثة الباقية من الشهر ....لن تعاني من تدريس ابنائك فجامعاتهم جاهزه من الان ووظائفهم جاهزه ومناصبهم مرتبه والرئاسة بانتظارهم .... انت يا دولة الرئيس لست مثلنا ..فارحل عنا ...
14-05-2010 02:15 AM
ياسر
نطالب بأضراب عن استخدام السيارات ومققاطعة البنزين على قدر المستطاع والسلام مع اسرائيل والتطبيع ولا حدا حوش
14-05-2010 03:03 AM
المنطق
الحكومة رح ترفع البنزين كتير في الاشهر القادمة والسببب في ذلك لاستغلال للمغتربين القادمين الى بلدهم
حسبي الله ونعم الوكيل
14-05-2010 05:57 AM
محمد
انا مش فاهم ليش لما يحكو عن النفط بحكوا عن اسعار نفط برنت ؟؟؟؟؟؟؟ اي الاسعار في امريكا .
مع انه النفط كله بحدنا في الخليج والعراق وما بدو ناقلات نفط عملاقة ( يعني ماسورة 4 انش من السعودية او العراق بتوصلنا النفط بدون تكلفة تذكر :-P:-P:-P
14-05-2010 06:58 AM
ابن البلد
ناموا ولا تستيقظوا -------------------- ما فاز اللا النوّم
صوموا ولا تتكلموا -------------------- ان الكلام محرّم
ان قيل نهاركم ليل -------------------- فقولوا مظلم
وان قيل شهدكم مرّ -------------------- فقولو علقم

هيك شعب ساكت بستاهل كل شي بيصير فيه
14-05-2010 09:06 AM
ابوخروب\العارضه
اكيد عطوفة سمير الرفاعي بده يعمل مبلغ مرتب من الموضوع بالرغم من انخفاضه عالميا
14-05-2010 09:10 AM
ابو الوليد خالد
من سمير الكبير الى سمير الصغير بوصيك يا حفيدي:
1.ابن الوزير وزير
2.ابن الغفير غفير
3.واياك اتخليهم يلحقوا حتى نخالة الشعير
4.وهيك يا حفيدي بتضمن سمير العاشر وزيد الحادي عشر وهكذا دواليك اصحاب دولة وما في عن هالسياسة تغيير.
14-05-2010 10:37 AM
للببيع بداعي الطفر
مو مشكلة يرتفع البنزين المهم تكونوا مبسوطين , لو بدكم وحدة دم ما بحكي لأ , ولو , اذا الحكومة ما طلعت روحنا مين بده يطلعها ... حبايبي انتوا , وارض الوطن غالي.
والله أنا بشهد للقائمين على هذه اللجنة بأنهم سبقوا كل جهابذة الرياضيات والحساب في عملية التسعير.
البترول 149 دولار ... التنكة 15 دينار
البترول 75 دولار ... التنكة 13 دينار
حسبي الله ونعم الوكيل;-)
14-05-2010 10:48 AM
بحكوا في شفافيه
ايها الشعب النفط طول الشهر نازل عن ال86 كيف بحسبوها والله ما هم سائلين
14-05-2010 11:40 AM
ام مواطنه الى قلم شريف في هذا البلد
لم اعد اعرف كيف اوفق بين مصروفات بيتي انا لا اسافر الى باريس بطيارتي الخاصه لكي اتسوق انا بلبس من الباله عشان اولادي يلبسوا ويوخدوا مصروفهم لما يروحوا عالمدرسه عشان اوفر لابني المغترب في الجامعه مصروفه مع انه جاب 79,5 وبفضل قوانين جامعاتنا التجاريه الظالمه سافر الى الخارج وابناء الخليج معبيين جامعاتنا .....فعلا لااعرف كيف ارتب مصروفي لمن نشكو... لمن تشكو....اذا كان رئيس الوزرا ومن دونه نهبوا كل خيرات البلد ونحن ابناء البلد لا نجد قوت يومنا ....اين الاقلام الشريفه في الاردن اين اصحاب المبادئ الذين يملون القرار ام ان اصحاب المبادئ اختفوا في هذا الزمن العجيب ...يا قادر يا مجيب كن معنا وكن عليهم فانهم لا يخافونك
14-05-2010 01:32 PM
الكنج
مطلوب لمة للحكومة تبرعو لبناء الحكومة شكله في وزير قصرت معه على كم مليون يكمل فيهم القصر واحلى تحية للمهستر واحنا كلنا مهسترين اللي لسه عايشين بالبلد
وانسى يا وديييييييع
14-05-2010 02:12 PM
كركي من النعيمات
;-)عفا الصفا, وانتفى, يا مصطفى.. وعلت
ظهورَ خير المطايا شرّ فرسان
فلا تلم شعبك المقهور ان وقعتْ
عيناك فيه على مليون سكران!
قد حكّموا فيه أفاقين, ما وقفوا
يوما بإربد او طافوا بحُسبان
ولا بوادي الشتا ناموا, ولا شربوا
من ماء راحوبَ, او هاموا بشيحان
فأمعنوا فيه تشليحا , وبهدلةً
ولم يقل احد : كاني, ولا ماني!
ومن يقول؟ وكل الناطقين مضوا
ولم يعد في بلادي غير خُرسان!
ومن نعاتب والسكين من دمنا
ومن نحاسب.. والقاضي هو الجاني؟!
يا شاعرَ الشعبِ, صار الشعبُ مزرعةً
لحفنة من "عكاريت" و"زعرانِ"!
لا يخجلون, وقد باعو شواربنا
من ان يبيعوا اللحى, في أي دكان!
فليس يردعهم شيٌْ, وليس لهم
همّ سوى جمعِ اموال, وأعوان
... ولا ازيد, فان الحالَ مائلةٌ
وعاريات من الاوراق اغصاني
وانني ثم, لاظهر فيغضب لي
وانني ثمُ لا صدرٌ فيلقاني
ولا ملايين عندي, كي تخلّصني
من العقاب, ولم أدعمْ بنسوان!
وسوف (يا مصطفى) امضي لاخرتي
كما اتيت .. غريب الدار, وحداني
وسوف تنسى ربى عمان "ولدنتي"
فيها, وسوف تُضيعُ اسمي, وعنواني!
عمان, تلك التي قد كنت بلبلها
يوما ... ولي في هواها نهر ألحان
وربما ليس في ارجائها قمر
الا واغويته يوما .. وأغواني
وربما لم يدع ثغري بها حجرا
الا وقبلّه تقبيل ولهان!
وربما, ربما.. لا ليت ربّتها
تصحو, فتنقذها من شر طوفان!
وتطلع الزعتر البريّ ثانية
فيها .. وتشبك ريحانا بريحان
وترجع الخبز خبزاً؟ والنبيذ كما
عهدته في زمان الخير : ربّاني!
وترجع الناس ناسا, يذهبون معا
الى نفوسهم من دون اضغان
فلا "دكاكين" تلهيهم تجارتُها
ولا دواوين تنسي الواحد الثاني!
ولا مجانين, لا يدرون أي غدٍ
يخبّئ الزمن القاسي... لاوطاني!
ماذا أقول (أبا وصفي) وقد وضعوا
جمراً بكفي .. وصخراً بين أسناني!؟
وقرروا أنني – حتى ولو نزلت
بي أيةٌ في كتاب الله : طلياني!
وتلك "روما" التي اودى الحريق بها
تفتي بكفري.. وتلغي "صك غفراني"!
وتستبيح دمي, كي لا يحاسبها
يوما, على ما جنتْ في حق أخواني!
وللصعاليك يومٌ يرفعون به
راياتهم, فاحذرينا يا يد "الجاني"!
يا خال "عمار" بعضي لا يفرط في
بعضي, ولو كل ما في الكل عاداني!
فكيف ألغي تفاصيلي واشطبها؟!
وكيف ينكر نبضي.. نبضه الثاني
وكيف أخرجني مني, وآفصلني
عني, وما ثم بي الا يغشاني!
لقد توحدت بي – حتى اذا ألتفتت
عيني رأتني, وأني سرت ألقاني!
يا خال "عمار" هذا الزار اتعبني
وهدني البحث عن نفسي .. واضناني
ولم اعد استطيع الفهمَ: احجية
وراء احجية.. والليل ليلان!
وأنني ثمّ ادري ان الفَ يدٍ
تمتد نحوي, تريد الاحمر القاني
فليجرِ. علّ نباتا مات من ظمأ
يحيا به فيعزّيني .. بفقداني!
وتستضيُْ به عينٌ مسهّدة
فيها كعين بلادي.. نهر احزان

14-05-2010 05:41 PM
karak
فأمعنوا فيه تشليحا , وبهدلةً
ولم يقل احد : كاني, ولا ماني!
14-05-2010 07:30 PM
ابوراس
لو الشعب قد حاله ما بصير هيك شفتوا شو صار باليونان مش واحد مقطع موصل يتحكم بالبلد
14-05-2010 07:48 PM
يا عمي
الحكومه خيبت امل الشعب .. عفوا متى كانت عند حسن ضنها..
ارفع ..ارفع .. خيو..حكومتنا فقيرة ومحتاجه .. والصدقة بتجوز عليها
14-05-2010 10:30 PM
العنوان الحكومة خيبت..
عادي مش اول مرة بتخيب,,دايما مخيبة يا سبحان الله كلهم قاريين عند شيخ واحد
15-05-2010 12:58 AM
يدري ومابده يدري
الى جميع الاخوة المعلقين :
1- الي قاعد بالنار مش زي الي بتفرج عليها
2- والي قاعد يوكل عصي مش زي الي يعد فيها
3 والي بدري بدري والي مايدري بقول كف عدس
خليهم يجمعو مصاري عشان يجي ابليس ويلحسهم
15-05-2010 09:06 AM
يدري ومابده يدري
الى جميع الاخوة المعلقين :
1- الي قاعد بالنار مش زي الي بتفرج عليها
2- والي قاعد يوكل عصي مش زي الي يعد فيها
3 والي بدري بدري والي مايدري بقول كف عدس
خليهم يجمعو مصاري عشان يجي ابليس ويلحسهم
15-05-2010 09:07 AM
يدري ومابده يدري
الى جميع الاخوة المعلقين :
1- الي قاعد بالنار مش زي الي بتفرج عليها
2- والي قاعد يوكل عصي مش زي الي يعد فيها
3 والي بدري بدري والي مايدري بقول كف عدس
خليهم يجمعو مصاري عشان يجي ابليس ويلحسهم >-(>-(B-);-):-)
15-05-2010 09:07 AM
مقهور من الكرك
عادي يا اخون انا كنت اعبي سيارتي في خمس ليرات و هسى بعبي في خمس ليرات ... كيف بقولوا انه البنزين غلي؟؟؟
15-05-2010 11:38 AM
ابو علي
الله لايعطيكم عافيه علي رفع الاسعار الله لايوفقكم حسبي الله ونعم الوكيل علي كل ظالم من وين بده الشعب يعيش
15-05-2010 03:29 PM
زيت صخري
حكومتنا الرشيدة لكتب فيك قصيدة شو ما عملتي صفينا عالحديدة .
مالكو ياجماعة زعلانين هي أول مرة ولا آخر مرة آمالنا بتخيب ماهي آمالنا طول حياتنا خايبة وإن نزلوا سعر المحروقات بطلعوها إلنا بشغلات ثانية . حسبنا الله ونعم الوكيل بمن يتحكمون بحياة المستضعفين . وسامحوناااااااااااااااااااااااااااا !!!!!!!!!!!!!!!!!!!!!!!!!!!!!!!!!!!!!!!!!
16-05-2010 10:44 AM
زيت صخري
حكومتنا الرشيدة لكتب فيك قصيدة شو ما عملتي صفينا عالحديدة .
على فكرة ليش بتعلقوا على الموضوع فكركم إنو إذا علقتوا عليه راح يردوا عليكم ويخفضولكم المحروقات ما ظنيت يا خوفي من كثر التعليق الشهر الجاي يرفعوا إلنا سعر المحروقات وسعر المية كمان ويلحقها الكهربا والخبز وغيره وغيره وغيره ياخوفي ما إلنا غير الله يلطف فينا ويرحمنا وهذا كله مما عملته أيدينا وتعمله أيادي غيرنا .
ربنا منع المطر عن قوم سيدنا موسى بسبب شخص عاصي واحد فما رأيكم كم شخص ظالم وغيره موجود في زمنا هذا . الأخ يظلم أخوه والإبن يحارب أبوه والزوجة هاجرة زوجها وهذا شيء بسيط جدا من الموجود . كمان مرة سامحوني !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
16-05-2010 10:58 AM
إى 58 مقهور من الكرك
بدي أشوف يا مقهور لمتى راح تظل تعبي ب 5 ليرات وأنا عندي إحساس إنه السيارة اللي عندك آخرته يطلعلها ذيل ومريها يصيرن ذنين وتصير تمشي على العلف والمي بدل البنزين وساعتها ال 5 ليرات ما راح يكفن ليجيبن علف للسيارة !!!!!!!!!!!!!!!!!! قصدي الحمارة وعفوا ما تفهمني غلط .
16-05-2010 11:14 AM
الى ام مواطنه والى كل من المعلقين
نعم الوزير يركب ابنه لكزس واحنا نستنا الصبح الباص واذا راح الباص نستناء الباص الي بعده نساء بعض وزراء اذا مش كلهن يلعبو في الجم في عبدون على شان تخفف وزن وتحافظ على رشاقتها واحنا بندور خمس دنانير لاخر الشهر وبالنهايه هم الاشراف واحنا الخون اولاد الكلب ليش بقلك تحكي على الحكومه ليش تنتقد الوزير الفلاني ما هم اكبر حراميه في البلد لو طبق نظام الحد في الاسبدلام لتجد اغلب رؤساء الحكومه اياديهم مقطوعه احنا نموت وهم ينبسطو ويكيفوا وبقلك استثمارات خاصه زي عبد الكريم الكباريتي وعلي ابو الراغب وعدنان بدران كلهم هذول سيطرو على اقتصاد البلد اثناء وجودهم على راس عملهم ارجو النشر يا جراسا دون شطب
16-05-2010 05:38 PM
للعلم ليس إلا
للعلم لطفاً الشعب الا ردنىهو الشعب الوحيد الذي يصرف على حكومته الكحيانة
نفسي النفط يخلص واشوف هالنواب والوزراء كعابي
16-05-2010 09:42 PM
مراقب
حسبي الله ونعم الوكيل على الي ما بخافوا ربهم
17-05-2010 09:11 AM
مبنشر
ليش نقول الحكومه اللي رفعت الاسعار ليش مانقول ... المناصير لانو لجنة الاسعار موظفين عنده
وكل رفعه وانتم بخير
17-05-2010 09:17 AM
ابو مؤيد
نفسي اعرف الالية اللي يعتمدو عليها برفع الاسعار يا ناس البترول في ادنى مستوياته يعني هو السعر ينزل عالميا ويرتفع اردنيان لانى اسعار الاردن تختفل عن اسعار العالم
17-05-2010 09:58 AM
شاكر الجوابرة
يرفعوا ولا ينزلوا بس اللة يعين الموظف البسيط الي اخذ قرض عشان يشتري سيارة ومش عارف كيف بدو يسدو وبعدين صفها على باب الدار علشان معش يحط فيها بنزين وصار يروح على الشغل مواصلات وفي ايام ما بروح بقول احسلنة يقدم استقالتة ويقعد في الدار علشان يفسح مجال للي راكب جب لانة معة يفللها كل يوم ------ يا حرام
17-05-2010 03:09 PM
rami
طمنو حالكم يا حلوين هي النفط 69 اليوم
نفسي اعرف ليش رفعتو ليييييييييييييييييش
ارفعو كل اشي الى البنزين الله لا يوفقكم

والله الراتب خلقه مش مكفي
17-05-2010 10:16 PM
الصخر الزيتي
يا حكومة ------ حرااااااااااااااام ...اييه ------
18-05-2010 08:48 AM
احمد
رفع المحروقات بهذا الطريقة تعتبر جباية من وزير الجباية من يردع هولاء الذين يرهبون الشعب
18-05-2010 12:27 PM
ابو العتوم
حكومة تكافح الفساد وهي الفساد بعينة!!!
خليها تلحق تنهب قبل ما يحلقولها؟؟؟
19-05-2010 08:33 AM
ابو الطفر
مصاري البورصة يا حكومتنا الرشيدة شو صار فيها ومتى الدفعة الجديدة وهي مطولة
هالشغلة خلصونا طفرانيييييييييييييييييييييييييييييييييييييييييييييييييييييييييييين .
19-05-2010 09:41 AM
لماذا
اولا - عندما يكون هنالك قرارلمصلحة المواطن مثل زيادة الرواتب ياخذالقرار عدة سنوات وبالنهاية تكون الزيادة لا تذكر لا تغني ولاتسمن من جوع 5 دنانير عالاكثر وعندما يكون هنالك قرار على حساب المواطن بزيادة الاسعار لا يحتاج لوقت اكثر من اجتماع لجنة التسعير لمدة نصف ساعة شهريا وتكون الزيادة بالاسعار في النصف ساعة على المواطن الواحد اكثر من زيادة الراتب الواحدة في عشر سنوات
ثانيا - الحكومة تتحدث عن الشفافية والمصداقية ليلا نهارا وعندما ياتي التطبيق تتناسى كلامها فاين الشفافية والمصداقية في سعر المشتقات النفطية اذا كان سعر البرميل 149 دولار تكون التنكة ب15 دينار وعندم يكون البرميل ب80 دولار تكون التنكة ب13 دينار فهل هذا يعني انه اذا زاد من هنا وقادم سعر البرميل ووصل الى 149 دولار فلن يتجاوز سعر التنكة ال15 دينار ام انه حسب الحسبه الحالية للاسعار سوف يصل سعر التنكة الى ما يزيد عن ال20 على اعتبار ان سعر التنكة 13 دينار لسعر 80 دولار للبرميل .
علما بان السعر الذي تضعة الحكومة بناءا على السعرللخام الامريكي
وليس بناءا على الاسعار التفضيلية لوصول النفط للاردن من بلدان شقيقة
19-05-2010 03:37 PM
مجلوط من هاللغوصه
فعلا انكم خيبتوا املنا فيكم وحولتوها الى لغوصه
19-05-2010 06:08 PM
صريح للغاية
جراسا : طول بالك
19-06-2010 02:45 PM
صريح للغاية
يا جراسا ما هو اشي بقهر شو بدك أسوي أحكي حكي ما منو فايدة
جراسا : ادعو الله ان يهيديهم لعل وعسى.. والحمد لله الذي قهر عباده بالموت
19-06-2010 02:52 PM
صريح للغاية
الله يهدي من يطلب الهدى ، والي ما بدو ذمبو على جمبو و بدو يتحمل كل شئ بيصرلو صح
19-06-2010 03:01 PM
محمد
>-(حــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــرام والله الي بتعملوه فينا اعطونا حق الهجره ..................................................................................................
02-07-2010 12:18 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات