جراسا -

بنت ملتزمة الحمد لله .. بالباس الشرعي واحفظ اجزاء من القران .. وكان شرطي لزوج المستقبل انو يكون ملتزم .. ارتبطت بشاب اردني مغترب في مكة وحاج ٣ مرات كونه سكان مكة .. بعد اسبوع من الزواج رحنا على دبي شهر عسل .. انا ملتزمة صح بس ما بحب حدا يعلق على لبس بنت شو ما كان .. زوجي طول الوقت عم يعلق تعليقات لا اخلاقية وبحكي حكي بذيء بوصف جسمهم مع انو نصهم هنديات وفلبينيات ما بعيب على خلقتهم بس جد مو حلوات بس هو بيعلق رحنا على الشط قعدني بكرسي بعيد ونزل هو على البحر يسبح وهم كانو بالمايوه اجا يوصف اماكن التاتو طيب انا لسا عروس اسبوع انا اولى بالحب والغزل .. اخر شي واحنا بحديقة الورود بنت كانت بتاخد صورة وهي بترجع خلطت فيه بالغلط ضل يلف وراها لصورها اكتر من صورة على تلفونو والبنت مو منتبهة.حكالي احمدي ربك اني مو بدبي كان اتجوزت عليكي ٤ طيب هاد شهر عسل مش مفروض انو احلى ايام حياتي. نفسيتي تعبت مع انو بحكي عن حالو بحياتو ما قرب على الحرام بس أنا خايفة.. ممكن انا مش معجباه ليش يتجوزني حتى ليلة عرسي ما سمعني كلام حلو او حكالي بحبك .. بعرف انو هاي خصوصيات بس أنا مش عارفة ومش معقول من اول اسبوعين اصير اتشكون لاهلي ...والله من كتر ما انا متذايقة وجهي اسود بحياتي ما شفت حالي بشعة هيك .. ثقتي بنفسي صارت صفر .. مع انو الكل بحكي عني حلوة وانا كنت اشوف حالي حلوة بس اول مرة بحس انو ما الي قيمة .. هو عمرو ٣٣ مش صغير وانا ٢٥ كمان مش صغيرة.. خايفة يكون ما بدو اياني وبطفش في بس اذا طلقني هلا بعد اسبوعين الناس رح تحكي بالعاطل علي .. شو اعمل .. بعرف حكيت كثير .. وبعرف المؤمنين أشد ابتلاءا .. بس شو اعمل