شو هل تخلف

أرجو يا جراسا إضافة إسمي على التعليق السابق حول التعدد وحل مشكلة العنوسة

والله انا اتزوجت من زلمة طلع مقلب وتطلقت بعد 8 شهور . والحمد لله. بس نصيبي هيك . نصيحة لكل البنات اسألوا عن الحالة النفسية والعقلية للعريس قبل الزواج.
وما تزعلو اذا اتأخر نصيبكم .. اصلا الشاب حتى لو بيقدر يفتح بيت والزوجته تشتغل وتساعدة بس لسة شباب هالايام ما عندهم مسؤولية الزواج . عدا عن هيك الانقتاح التكنولوجي من النت والتعارف وكثرة العلاقات خلت الشب يتأخر بالزواج ويرجع للعادات التقليدية للاهل .

شباب هالايام متل الكبااااااب .. كل 10 بسيخ .

شو التخبيص الي بتسولفي فيه يا زكية البوريني !!!!!!!

شلون يعني يدفع ضريبه انتي الثانيه ,,,:-):-);-) ضحكتيني !!؟

انتي بتعرفي ليش الشب بفكر يتزوج من خارج بلده ,,, مع انها فكره عقيمه يعني ,,,,

بفكر يتزوج من غير بلده اذا صارت المهور ,,, فوق فوق فوق ,,
واذا صارت الطلبات تعجيزيه ,,,

واذا ,, حب وما قدر يتزوج من الي حبها ,, وصارت اموره خارج اطار النفسيه ,,
واذا كان متغرب ,, وادبس باي وحده بوجه ,,
واذا كان مش قادر يتزوج ,, بس بده يتزوج ,, ولو بالف دينار ,,,
اذا بدو يتزوج ,, وما في حد يدعمه ,, لا مجتمع ,, ولا اهل ,, ولا حتى اصحاب ,,,,

يعني اكثير من الاحيان بتزوجوا الشباب من اجبنبيات " بين عربيه او اجنبيه " من القله ,,,
نعم ,, من القله ,, لانه اصلا ما لقي حد ينصحه ,, مش يحط علي ضرايب ,, يا ستي القصه طويلللللللللللللللللللللللللللله ,, وكلها شواهد من الي حوالينا ..!!

اما بالنسبه للسعوديه ,, يا ستي السعوديه ,,, بدها واحد مرمطون ,, وعنده كنز فلوس مش يفتح بيت
بدها - خدامه -
- وسواق -
وبيت اذا مش فيلا ,,
- وكل يوم تتسوق ,,
- وبعد 3 شهور تتطلق
" الحمدلله ممكن بالاردن لسى ما وصلوا لهاد المستوى ,, بس في منه "
,,, العجرفه ,, وشوفت الحال ,,, ومش من مستواي ,,, واختلاف ثقافي واجتماعي ,, يعني من هالحكي الي منسمعه كل يوم ,,

وصباحكم سكر ,,,;-):-)

سبب العنوسة مخالفة شرع الله يا ست زكية ، المغالاة بالمهور والطلبات والوصف المقطوع للعروس ، والرجل ايضا الذي لا مثيل له كله يصب في اسباب العزوف عن الزواج ... وخصوصا الي ما بيصدق عريس يدق باب بيته ... والامر الاخر ... العريس الي بيفكر انه بيشتري كل شيء بالمال

قال ضريبة قال....

ليش ينفرض علي ضريبة لما يكونوا بنات البلد اللي طلباتهم بتقسم الظهر نصين؟؟؟

بينما الأجنبية بترضى بخاتم والسلام !!!!

الى الاخت زكية البوريني انا معك اشجع الشباب من الزواج من بنات بلدهم افضل لهم ولاولادهم مستقبلا ولكن هناك بعض المعوقات التي تجعل الشباب يتجهون الى الزواج من اجنبيات وهو الغلو في المهور وكثرة الطلبات من اهل الفتاة وكثرة التعقيدات التي تضعها بعض الفتيات في وجه الشاب المتقدم للزواج وانا على يقين ان كل شاب يحلم بأن يتزوج من بلده وتكون اموره مستقره

وكل اب عنده بنات يقول يا جماعة سهلوا موضوع الزواج ولكن في اول اختبار له يصير مثل الباقي يطلب ويضع العراقيل وينطبق عليه المثل القائل( اسمع جعجعة ولا ارى طحنا )

شو هالاقتراحات , أي هو احنا ناقصنا ضرائب ورسوم , بيكفي الضرائب اللي بندفعها , أي والله لو حطيتو مليون ضريبة اللي بدو يتزوج بيتزوج اللي بدو أياها , أي هي الجيزة خاوة يا ناس!!أحسن لو تحطوا مكافاة وتسهيلات للي بيتجوز بنت بلده ,وتقللوا المهور وطلبات البنات وتغيروا عقليتهن هن وابائهن ,

اعطو فرصة اكبر للشباب في مجال العمل ............ تخلصه من شوفة الحال ...... أقلهنا مهرآ اكثرهم بركة ........... والله العظيم المشكلة فيكم يا هل البنات مش في الشباب ..... وانتو عارفين أن كل الناس بتقول سمعة البنت اصعب من الشب بتمشو وبطلعو معهم لية من غير ربط رسمي وعلاني .... على فكرة عدم اعلانكم عن علاقتكم امام اهليكم واخفايها هل هذا صحيح بنظركم ....؟؟

يعني الاخت بسمة بقلك الله يجبر عنك و يبعتك واحد ابن ناس ! بس قاعدة التعميم الي بتحكي فيها خطأ لانو في اكتير شباب عم بثبتوا انهم قد المسؤلية

اما بالنسبة للحجة زكية بقلها والله ياريت لو النساء يخفوا طلباتهم على الشباب و يتقوا الله في حالهم و بلاش موضوع عرض الاجسام و المفاتن لانو بطلت اتجاوب مع شباب لانو صار في نسبة اكبير من شبابنا يرضوا البنت اقل جمال بس اتكون بتعرف الله!

يعني بصراحة انا متزوج و الحمدالله ومبسوط جدا بحياتي, لو الزمن يرجع في كمان مرة و اتزوج ما راح اخد الا بنت عقلها اكبر من عقلي ب 100 مرة وعندها دين قد الي عندي ب 100 مرة مع العلم انو زوجتي الحالية الله يرضى عليها دنيا و اخره ويحميها و يخليلي اياها دينا و عقلها بجننوا!!

برجع ل بسمة كمان مره اختي لا تهدري وقتك بالتفكير بالعريس اصنعي ما اردتي ان تصنعية من علم و تفوق ربما بذلك يطون تعويض حسن لكي

انا في الي صديق خطب و كتب اكتابة و كان لعرسوا 20 يوم و صار امجهز كل شي دافعلو فوق 15 الف دينار من بيت لعرس لا لا لا... المهم كان شرطو انو مرتو تلتزم بالباس الاسلامي يعني اقلها عباية اذا مش جلباب يوم من ايام انعزمو على عرس وكان منفصل لما دخلو الشباب اخر العس طلب منها انها اتحط العباية وما ردت علية تركها!

يعني انا بقول الله يعوضو بالاحسن يا رب لانو من ترك شيئ لله عوضة الله بشيء افضل منة!

صراحة فكرة مناسبة لانه في حالات صارت انه الشاب الاردني لما يتزوج اجنبية بحترمها وبصير يتبع عاداتها قال على اساس انه الاجانب متحضرين وفهمانين اكتر من العربيات فعلا ولازم يمنعوا الزواج من الاجنبيات اصلا لانهم مقرفات وشكرا جزيلا مس زكية

صراحة فكرة مناسبة لانه في حالات صارت انه الشاب الاردني لما يتزوج اجنبية بحترمها وبصير يتبع عاداتها قال على اساس انه الاجانب متحضرين وفهمانين اكتر من العربيات فعلا ولازم يمنعوا الزواج من الاجنبيات اصلا لانهم مقرفات وشكرا جزيلا مس زكية

الانفتاح من قبل الاناث هو السبب فالرجل يصادق ويصاحب . ولكن عند الزواج لن يقبل ان يتزوج انثى تعرف اليها سابقا .لأنه اكيد رح يشك انها تعرفت على شخص قبله.
لذالك فهو يبحث عن امرأة محجبة ومش دارسة (توجيهي حد اقصى) وانا متأكد انه رح يعيش مبسوط
وتأكدي انو مش كل الرجال مثل بعض

الله يعوضك بأحسن منه

الله يشفيك!! انت بطلعلك يكون الك علاقات و البنت لا,,!! الشرع حرم العلاقات عالشب و البنت احنا الشباب مو ع راسنا ريشه,, ع فكرة انا اتزوجت وحده عن حب و ما عمري فكرت انه والله ما دام حبتني حبت عشره قبلي!! و لما تكون انت جامعي و مثقف و بدك تاخد بنت مو مخلصه توجيهي يعني مستوى تعليمي مش متساوي عشان شو!! عشان تربيها ع ايدك

يا بسمه ما تحزني على حالك انا في واحد بعرفو استحمل عشر سنين وحده زي طليقك fبس للاسف خلف منها قبل ما يعرفلها لانو زي ما انتي جربتي مش سهل تلقطيهم من اولها بس بالاخر طلق بنته بتجنن ومافي احلا منها.ومستعد يبيع الدنيا كلها عشانها. اذا بدك بعرفك عليه :-) بس

نسيت اعلق على المقال. انا برأيي انهم يعملو دورات اجباريه على الجميع انهم قبل ما يتزوجو يجربو شو يعني الجيزه انا ما بحكي على شغلات الجنس هدي الكل بيعرفهاالايام هدي ومش عيب انهم يعرفوها بس ما يكونو مجربين. واللي بيعتقد حالو انو مرتو ما عملت علاقه ولا شي ولا حكت والا حبت الايام هدي هدا بيكون يا اما احمق او انو البنت عرفت تمثل عليه. هذي الشغله بحد ذاتها مش مشكله المشكله انو سواء الشب والا البنت لما يتزوجو يكونو مقتنعين بشخص الطرف الاخر وما يفكرو انهم ممكن يقدرو يعيشو ويمثلو على الشريك طول عمرهم يعني بالعربي الفصيح اللي بدو الزوج او الزوجه لهدف غير اقتناعو بالانسان اللي امامه معناتها راحت عليهم. الفرق بين بنات العرب وبنات الاجانب انهم ما بيتجوزو الرجل او المرأه الا بعد ما يعرفو بعض لفتره فبالنهايه كل واحد بيكون عارف شو مساوئ و محاسن الاخر وبيكون عارف اذا بيقدر يتعايش معها. وبما انو احنا ما عندنا القابليه انو يكون زواجنا على هالطريقه فممكن انو نقترح خدمه ان يكون في طرف ثالث محايد يقعد مع العرسان ويتأكد انهم فاهمين ايش الشخص اللي امامهم وشو نوعيتو وشو نفسيتو

الأخت الفاضلة زكية البوريني

الشاب الأردني غير قادر على الزواج نهائيا،لا أردنية ولا أجنبية لذلك إقتراحك غير عملي.

الأخت الفاضلة زكية البوريني

الشاب الأردني غير قادر على الزواج نهائيا،لا أردنية ولا أجنبية لذلك إقتراحك غير عملي.

من الاسباب التي تدعو الشباب الاردني لزواج من الخارج هو
1- اول شهر الزوجة ترتدي الملابس الخاصة لها (الداخلية )
2- ثاني شهر تلبس اندر وير عادي
3- ثالث شهر تخربط بين الاندر وير الخاص بها وبين زوجها
4- رابع شهر تصبح رجل من الداخل ومرءة من الخرج
5- يجب على الشباب الزواج من الخارج حتى يغيرو من مسؤلي المستقبل

يا سلام
اقتراح بضريبة على زواج الأجنبيات لمساعدة عوانس العرب ومش غلط تكون كمان ضربية مبيعات وضريبة استهلاك ..وطوابع مابتعرفي انه في شي اسمه القسمة والنصيب ومافي انسان بعرف وين نصيبه وايمته وكيف

والله قصه قال ظريبه هههههههه فوق غلاء المهور بدها ظريبه الي تظربك هههههه
ارحمو هالشباب الواحد اذا صار بده يتجوز بده اقل شي 10 الاف دينار ول يروح يشتري بيت احسن اله او يفتح مشروع ويحكو عن العنوسه واذا اجا عريس بتصير البنت شيخة مشايخ الله يسترنا

الحل الأمثل هو بالتشجيع على الزواج وقيام منظمات غيورة وحريصة للتصدي لمشكلة العزوف عن الزواج واتأخر سن الزواج والعنوسة والعمل والتخطيط الصادق لحل مشاكل المجتمع في هذا الجانب ومن الحلول غير التشجيع على الزواج تصحيح نظرة المجتمع للتعدد فهو من أنجع الحلول .
قالوا التعدد ظلم للمرأة
والله إنه إنصاف للمرأة ولكن على الرجل أن يطبق ما أمره الله به وأن لا يحيف أو يظلم وبذلك نقضي على مشاكل العنوسة والفساد الأخلاقي وأمراض الاكتئاب والهلوسة والشرود الذهني والأمراض النفسية واللجوء إلى الكهنة والعرافين والسحرة لحل مشكلة فوات قطار الزواج.
القضية باختصار :
الذين قالوا بأن التعدد ظلم للمرأة لم ينظروا إلا من جانب ضيق جدا ومن زاوية محدودة
فقد تقول هذه الكلمة إمرأة متزوجة تعيش سعيدة في أسرتها مع زوجها وأطفالها !!!!
ولكن دعنا نفكر بنزاهة وموضوعية تامة واترك الفطرة تجيب ودع عنك المنظمات العالمية والنداءات البراقة التي هدفها البحت هو التقليل من عدد المسلمين وفتح قنوات الشر والرذيلة في المسلمين.
تأملي أختي الكريمة يا من انخدعت بهذه النداءات المزيفة

لو كنت ممن فاتك قطار الزواج في مقتبل العمر ؟؟؟؟
لو تزوجت ولكن لم تستقم حياتك مع زوجك فطلقك لا قدر الله ؟؟؟؟؟؟
لو توفي عنك زوجك والعياذ بالله ؟؟؟؟؟
هل يعني أن حياتك كأمرأة عفيفة طاهرة قد انتهت ؟؟؟ أم ستكملين مشوار الحياة باليأس والحرمان والنكد والشعور باللوعة والنقص والحاجة إلى من يكمل نصفك الفطري ؟؟؟؟
أم نوافق الأديان الباطلة كما في الهند على حرق المرأة مع جثة زوجها إذا مات قبلها؟؟؟؟
أم أم أم؟؟؟؟؟؟؟؟؟؟
أسئلة كثيرة لا يعرف مأساتها إلا من عاشت تجربتها ؟؟
أليس الحل هو ما شرعه القرآن ووجهنا إليه خالق الإنسان وهو أعلم حاجاته وما يصلحه؟؟؟
ولكن !
الذي كره الناس بالتعدد هو تطبيقات الرجال الظلمة والإعلام القاصد الموجه من مسلسلات وتمثيليات أشبعت المجتمع بكره التعدد حتى ظهرت شعارات نسوية تقول ( والله جنازته ولا جوازته ) تقصد أنها تفضل أن ترى جنازة جوزها ولا جوازته .

فالحل لمعالجة قضية العنوسة من وجهة نظري :
1- تخفيض المهور وبهرجات الأعراس والكماليات والمتطلبات غير الضرورية وعدم تكليف الزوج ما لا يطيق .( مع ضرورة احترام حق المرأة في المهر ولكن قد يكون المدون غير المنفق )
2- نهوض جمعيات نسوية منظمة تشجع على الزواج وتعدده ولا أقول التعدد فحسب بل الزواج والتعدد وتشرف عليه نساء أمينات مخلصات ترصد حالات العنوسة في سجلات خاصة ومعلومات شخصية غير معلنة تكون في يد القائمات على ذلك للتوفيق للزواج والدلالة عليه لأنه كم من فتاة تود أن تجد شرك حياتها ولكن من يسمع صوتها ويشعر بأناتها ؟ فإن وجدت جمعية أمينة يمكنها أن تقدم لها بياناتها الشخصية وشروطها .....
3- مساهمة الفتاة نفسها بتكاليف الزواج وتمساعدة شريك حياتها على متطلبات الزواج بدء من التخفيض في الشروط والطلبات إلى إسهامها ( إن كانت صاحبة دخل أو مال ) بنفقات شراء السكن والأثاث والنفقة وغيرها .
4- نداء إلى أصحاب رؤوس الأموال : ادفعوا زكاة أموالكم وبعض صدقاتك تشجيعا للزواج ودعما للراغبين غير الواجدين للنفقة وكفى تبذيرا وإسرافا
وإلى من يظنون أن الصدقة الجارية لا تكون إلا ببناء مسجد أو تدريس طالب أو إطعام فقير
أقول إن تزويج الشباب لايقل أهمية عن بناءبيوت الله وفي كل خير بل قد يكون بناء أسرة يفوق في الأجر بناء مسجد وزخرفته وليس له إمام أو لا يصلي به سوى فئة لا تتعدى أصابع اليد وبقربه مسجد ليس عنه ببعيد

وأخيرا أؤكد أن هذه مشكلة يجب أن يسعى الجميع لحلها لأن ضررها يعود علينا جميعا وخيرها نجنيه جميعا
وأسعد الناس من حرص على إسعاد الناس

انا حالف يمين ما اتزوج وحدة من البلد لو بضل عزابي طول عمري بعد الي شفتو من ها البنات لو بتجوز من التبت المهم ما اقرب البنات الي هون و قرف اهلهن

قال ايش كنت بدي اتجوز و استر حالي قامت طلعت على راسي ههههه اكبر مقلب بوكلو في حياتي و انشاء الله اخر مقلب

بحب اضيف تعليق غلاء المهور مش هو السبب الوحيد وراء تراجع الشباب عن الزواج
مش دائماً اهل البنت بطلبوا مهر كبير في كثير اهل بحبوا يستروا على بناتهم وما بهمهم المصاري بس بهمهم ابن الحلال الي يحافظ على بنتهم.
مجتمعنا قد تغير اطباعنا عاداتنا اصبح الشب بتعرف على البنت ويخطبها والبنت الي ما بتقدر تتعرف على شب بسبب عادات وتقاليد وبيت محافظ نشأت فيه ما رح تتزوج.
وبقول لكل البنات الي ما حالفهم الحظ وما تزوجوا انه عدم الزواج مش معناه نهاية الكون دائماً ربنا يخطار لنا الأفضل وأنا لو كان زواجي خيراً لي لاختاره لي ربي والحمد لله رب العالمين أنا أعتمد على نفسي في كل شيء ولا أحتاج وعودت نفسي على هذا الوضع حتى لا أشعر بالعجز في اصعب المواقف أو الظروف وأقول وأكرر نحن ندفع ثمن تغيير عادات وتقاليد مجتمعنا

بحب اضيف تعليق غلاء المهور مش هو السبب الوحيد وراء تراجع الشباب عن الزواج
مش دائماً اهل البنت بطلبوا مهر كبير في كثير اهل بحبوا يستروا على بناتهم وما بهمهم المصاري بس بهمهم ابن الحلال الي يحافظ على بنتهم.
مجتمعنا قد تغير اطباعنا عاداتنا اصبح الشب بتعرف على البنت ويخطبها والبنت الي ما بتقدر تتعرف على شب بسبب عادات وتقاليد وبيت محافظ نشأت فيه ما رح تتزوج.
وبقول لكل البنات الي ما حالفهم الحظ وما تزوجوا انه عدم الزواج مش معناه نهاية الكون دائماً ربنا يخطار لنا الأفضل وأنا لو كان زواجي خيراً لي لاختاره لي ربي والحمد لله رب العالمين أنا أعتمد على نفسي في كل شيء ولا أحتاج وعودت نفسي على هذا الوضع حتى لا أشعر بالعجز في اصعب المواقف أو الظروف وأقول وأكرر نحن ندفع ثمن تغيير عادات وتقاليد مجتمعنا

كلامك عسل وصحيح ميه بالميه ونفس الفكره اللي عندي وربنا يهدي اهالي البنات ويتقوا الله فيهن

تعليق 26 والله انك فهمان يا زلمه ...هو في عنا بنات احنا كلهم قلبو زلام خنشير منشان هيك انا تزوجت جديد اجنبيه و هيني مبسوط بس لو عربيه كان دفعتني الي فوقي و الي تحتي و في الاخير مش عاجبها شي و الي اصخم من هيك انها بتلعب من وراك.

الى 26 و30
يا شباب ما بصير هالحكي الفارط بتحكي عن بنات بلدك خناشير بنت البلد هي اختك وامك وعرضك والله صرماية اردنية بتسوى احسن اجنبية بكفي انها بتحفظك بدينك وعرضك ومالك الله يهديكوا يا شباب ترى الكلمة اذا مو بمحلها ممكن تجيبك بنار جهنم
والله انا زرت يمكن 20 دولة بس بالاخير بنات الاردن وبس

يا اخي العزيز

كلامك على الراس و العين بس هاد الحكي زمان ايام امي و امك
و احنا لما جوزنا اختي ما طلبنا غير ليرة ذهب مهرها و ساعدنا جوزها بكل النواحي لانو احنا متاكدين انو رجل و بصونها و بحفظها

و انا كنت احكي مثلك ما بدي الا من بنات البلد مع انو النا معارف في دول اجنبية و عربية بس كنت مصمم على مبدأ (بتحفظك في عرضك و مالك و دينك ) اول وحدة بعد ما دفعتلها الها و لاهلها دم قلبي في فترة الخطبة بطلو قبل العرس باسبوع قال ايش مش عاجبهم البيت و خالها مش عاجبو الصالة و الثانية حسبت تكاليف العرس الي بدها اياه بطلعو 40000 دينار بدون الطحابيش قلت انفذ بجلدي و انا على البر و الثالثة طلعت جمعية و شو بدي احكي ل أحكي

يعني ضاعو الفلوس و الله ستر ما ضاع عرضي و ديني و شفت كتيير بهدف الجيزة بس للأسف الاهل بس همهم كيف يخوزقو العريس ولا يشترو رجال و لا ها الحكي الفاضي

لازم شباب الاردن يعملو غروب خليها تعنس و الي عندو بنت يخللها و يكثر عليها ملح

و خليني ازيدك من الشعر بيت

و رفعو علي كمان قضية نفقة قبل الدخول عشان اطلقها و ما اطالب اشي من حقوقي الي ضمنلي اياها الشرع و هاد الي لحد الان مش قادر افهمو كيف صار خايفين اني ما اطلقها يعني ياي نفس بدي اخليها على ذمتي بعد الي صار و فعلا هاد الي صار واشتريت راحتي و راحة بالي و طلقتها و الي صحاب كتير صار معهم متلي طبعا صار معي هيك لانو البنت عجبتني و ما رضيت لنفسي اني ادخل في علاقة حب زي ما كتيير من البنات بدهم قلت لأ بفوت من الباب
لانو ما الي بطريق الحرام و الله يبعدنا عنو

فخلاصة الموضوع انو الشب لما بدو يتجوز بدو بنت تفهمو و تصونو و تحس فيه لو بتكون من كوكب تاني لانو الواحد عايش عمر مش عمرين و انا بهني صاحب التعليق رقم 30 و انا راح اعمل مثلو و انشاء الله بتكون مسلمة و اذا مش مسلمة بدعيها للأسلام و بفوت الجنة من وراها و لو بتحطو 100 ضريبة

والله يا صديقي نفس ما صار معك انا صار معي و طلقتها و تجوزت اجنبيه و اسلمت في الاردن و كل تكاليفها ما كلفتني 5000 و زياده كمان .والله انا بنصحك سيبك من بنات البلد و شفلك اجنبيه محترمه احسنلك من وجعت الراس .الاردنيه الي طلقتها عشان كرت العرس ما عجب ابوها و اجا حكالي يا بطلق بنتي يا بتزبط كرت العرس يعني شي تافه و قبل ما يكمل كلمته كنت مطلقها على السريع و هادا الي صدمهم اذا بطالعو على كرت عرس بكره رح يطلعو على شو؟ و تجوزت اجنبيه احلا منها مليون مره و الله لو كتبت كرت العرس على كرتونه راضيه.الى عنا بس بطلعو على مصاري لا بفهمو شي اسمو عرض و لا دين ولا بطيخ كل همهم مصاري بس

16% يا ماما ضريبة بكرة بتصير البلد او فنادق 100 دينار +++
16% للحكومة
4% للفندق
14% للدكتورة

هذا بكرة الواحد اذا بدو ينام مع مرتو بدو يدفع ضريبة

وعلى ايش الجيزة من أساسها في ظل التغيرات الاجتماعية والقانونية التي جعلت المجال متاح للمرأة لتتمرد على الرجل والمجتمع الا من رحم ربي، فكم من قانون جعل من حق المرأة العمل رغما عن ارادة زوجها، والسفر من غير اذنه، وأعطاها حق الموافقة أو الرفض للسكنى الذي اعده زوجها لها، وكم وكم وكم من التغيرات التي طرأت وعلى حساب رجولة وكرامة وشهامة الرجل - والمعروف ان الرجل الاردني رجل كريم حنون ذو مروءة وشهامة يكرس حياته لبيته وزوجته واولاده - ثم أن مجرد تعنيف الرجل لزوجته قد يودي به الى الحبس، ومن ثم اذا ما صار بينهما طلاق وكان بينهما أولاد يكون حق الحضانة -غالبا- للام التي بدورها ستمارس ضغوطها وحقدها على الاب بحرمانه من مشاهدة أولاده سوى ساعتين في الاسبوع لمشاهدة اولاده مهما كان ععدهم والتى كفلها له القانون وأي قانون!!!! وفي نفس الوقت الذي أصبح مسمى مطلقة أو عانس عاديا في وقتنا الحاضر والذي يساعد في تمرد المرأة وجرأتها على هذه المسمى الذي كان من وقت فريب وصف أقرب ما يكون للعار يلتصق بالمرأة وأهلها، أما الان أصبح شيئا عاديا أن تكون المراة مطلقة أو عانسا. لا أريد الاطالة اكثر من ذلك ولا أعني بكلامي الدعوة للتوجه الى طرق الحرام والانحراف لا سمح الله ولكن أقصد من كلامي الدعوة الى العودة الى ديننا الحنيف وشريعتنا الاسلامية السمحاء والى عاداتنا وتقاليدنا العريقة التي لا نزال نفخر ونفاخر بها والتي تكفل وتحقق العدالة لجميع أفراد المجتمع بجميع أطيافه ومستوياته.

ارجو التوضيح بعدم وجود غلاء مهور
فلو احدهم تقدم للزواج منك او من ابنة الاستاذ وماطلبتوا منه شي (يعني حكيتوا له شيلها بثيابها)
بده ب 2000 دينار ذهب و2000 غرفة نوم و1000 غرفة ضيوف و2000 مطبخ مش اصلي و1000 تلفزيون وغسالة و1000 غاز وثلاجة و500 سجاد وموكيت و500 برادي اذا بس 3 شبابيك ومخدات وفرشة للتخت وطربيزات وحرامات وطقم موريس ومروحة وجهاز للعروس ب 2000 دينار على الاقل
صار المجموع 12000 والبيت ايجار يعني ما عمر او اشترى شقة وهيك اذا انك ماغلبته وما طلبت منه شي ماذكر بده يجيبهم لحاله ولسه فيه شغلات ثانية مثل اغراض المطبخ من الاسواق الشعبية بدها فوق ال500 دينار وماحسبنا الحفلة وفستان العروس وشوية مكياجات وعطور ..

والله يا اخي اني استشفيت من كلامك ومن اسلوبك المهذب انك ابن ناس ومحترم لكن اللي صار معك ممكن تكون تجربة شخصية لا تعمم مش كل واحد راح يتزوج ممكن يصير معه اللي صار معك ومع الاخ اللي ايد كلامك من جهة ثانية زي ما حكيت لما انتوا زوجتوا اختك ما طلبتوا شيء اذا البلد فيها خير وفيها اخيار مثلك وبنات بلدنا والله جنه يا شباب مع انه في البعض الله يهديهن بس بالجمل الوضع كويس
وتحياتي الحارة الك واذا اتزوجت الف مبروك واذا اجاك ولد انشاء الله لا تنسى تحلينا

بالله عليكم يا شباب تفيدونا بالجنسية اللي اخدتوا منها ............هههه

لانه الغريب انه الاردني مش رجل اقتصاد ابدا بحسب مصاريف هلا وبقول ما بدي اخد اردنية ادفع دم قلبي بس يا خوي رح تدفع بالمستقبل بلاوي زرقا وانت بتضحك وبتلعب

اخوي اخد وحدة اجنبية ما بتاخد مهر ولااشي ماشاء الله بس اذا ما بغير عفش البيت كل شهرين او اللي المكان اللي بدها اياه بتروحه سياحة وبسترجي يقلها اقعدي انظبي ولا عيشتك عيشة ما بتحلمي فيها لا انت ولا اهلك لا هذا الحكي لبنات العرب واول ما لوى دانه وقلها بكفي او اقعدي عن شغلك طلبت الطلاق وشلحته كمان مصاريف ...الحمدلله مافي ولاد

يعني بعرف ناس اخدوا حلوات اجانب ومادفعوا و خلفوا ولاد حلوين بس النتائج دايما ع راس الاب اذا في ولاد

بعدين خلينا واقعين الاهل غالبا متفهمين اذا صار اعجاب من الطرفين ما عادوا الناس يعملوا سبع ايام وليالي

فهاي الحالة انا بحكي لكل بنات البلد بنات الاصل اللي ما بحطكن كحلة بعينه ما تحطوا (حاشاكم )كندرة برجلكم والملح والتخليل عند اهلها اهل العز احسن من نسب هيك زلم

واخرتها يطور المجتمع الاردني و يصروا الاردنية يعطوا بناتهم لجنسيات اخرى يعني واقعة براسكم انت ياشباب وصحتين

من هيك بنات البلد اضربت عن الزواج مين قال لكم بنت البلد بترضى فيكم ان شاء توخدوا 1000 وحدة أجنبية مش وحده امنيح الي لاقيتوا بالاخر أجنبيه ترضى فيكم وتوافق عليكم

الله لا يعطيكي العافيه

اذا بقي الوضع بهذا الشكل معنى ذلك احنا بخير واذا زادت عن حدها والله اللي عنده زوجة غير يطلقها بلا ضرائب بلا هم

في حل افضل يا زكية
التعدد في الزواج وهذا حل رباني
ان يساهم اهل العروس في الاثاث وهو حل مصري
ان تفع العروس مهرا للعريس وهذا حل هندي
وممكن تختاري اللي بدك اياه

الى صاحبة التعليق 40 برافوا عليكي هذا الحكي الصح انا بعرف وحده اجنبيه ضلت وراء جوزها لما رجعته على بلده رجعت قبله واخدت اولادها مما اضطره ان يلحق بها أل شو ما في مصاري رجع هو بناته لبلدها ومين سمع منك مهو تطور المجتمع والحمد لله وصار أهل البلد يعطوا بناتهم لجنسيات أخرى المهم يكون ابن حلال يحفظ بنتهم ويسعدها ويصونها

يا رب تطور البلد بركي اخد واحد تركي

اذا في 15 عانس وخمس زوجات مع ازواجهم ..وبعدين كل زوج تزوج كمان 3 لانه الشرع سمح له ... فان عدد العوانس = صفر

اذا في 100 عانس و100 مرئة متزوجه .. وراح كل زوج تزوج كمان وحدة .. العوانس بصير عددهم = صفر

شكرا الك يا بنت عمان ...اصلا هم بستاهلوا هيك نسوان ما بستاهلوا بنات عالم

سوسو بحب اقلك انا مقيمة ب تركيا وعدد الاردنيات المتزوجين اتراك شباب رهيب و مبسوطين كتير رومانسية ودلال وبس بخليها تجيب ولدين طلعوا بنات طلعوا ولاد اكتر من هيك حرام عشانها بعدين بعملولها عرس هون و بنقطوها لتشبع لانها غريبة ما الها اهل يا عيني :-P.

انا بقول خلي الاخت الناشطة تطالبكن بزواج الشباب الاجانب هههههه

احبتي أبناء وبنات وطني الأردن الغيور
موضوع مهم كهذا الذي طرحته الكاتبه الفاضله ... يستحق منا الوقوف وليس التوقف لخطورته ومساسه الضار بالنسيج العام لمجتمعنا ،والأمرمرتبط - حسب قناعتي- بأصحاب القرار سواء على مستوى الدوله امتدادا الى رجال الدين وأهل العلم ( اصحاب السماحة والفضيلة ) مرورا برجال التربيه والتعليم والمختصون بعلم النفس( وما تخبئه هذه النفس) وصولا لأولياء الأمور- الوالدين العزيزين- اللذين سبق لهما وأن تزوجا بكل يسر وسهوله وقد كانت الفرحة حينها غامره وعامه وبدون اية حسابات لأية اعتبارات اجتماعه مقيته قد تحبس الأنفاس او تكبح الجماح وقد خلى وقتها من تعقيدات زواج اليوم حيث تأكد نجاحه والدليل على ذلك أننا نحن اليوم نتاج هذه البساطة والفطرة والتيسيربأمرالزواج، مرتكزين هم في ذلك على الشريعة السمحاء المستمده منها عاداتهم وتقاليدهم في وقتها / لنلاحظ أننا نتحدث عنهم/ وكأننا نعيش بعصر يبتعد مئات السنين عنهم وهم مازالوا بين ظهرانينا والحمدلله.
اذا يجب ان نتكاتف جميعا ياسادة الأمرلأن نخفف عن بعضنا البعض ونسعى معا لخلق الفرصه وتهيئتها لأبنائنا وفتح قنوات المصاهرة والنسب بأقل التكاليف والتي لا تعيب والدا او وليا للأمر يسعى لأن يحقق لفلذات كبده حياة هانئه عامره بالحلال والحب متذكرين أجدادنا الطيبين .
تعالوا معنا نمد أرجلنا على قد فراشنا
تعالوا نرجع نهدي شوي على الأرض
بلدنا صغيره وحلوه وانتو أهلها
خلونا نصير عيله وحده
السعد هو مهرها.

ارجوك انك لا تعمم مش كل البنات زي اللي انت ارتبطت فيها....في اردنيات محترمات واهلهم بس بدهم رجل يخاف الله ويصون بناتهم ..وبالمقابل في اردنيين بيتزوجوا اردنيات وبيفرجوهم النجوم بعز الضهر ..فالتجربه الفاشله لا توجب التعميم...الله يسرلك بنت حلال تخاف الله