جراسا -

احببت شاب في الجامعة ، والحمد لله الشاب كان صادق معي من اول يوم .

وقت تعارفنا كان الشاب في سنة التخرج ، وانا كنت سنة اولى ، وبدأت علاقتنا لصداقة ، وتطورت الى حب .

انا الآن سنة رابعة ، وهو تخرج بتخصص هندسة اتصالات ، واشتغل بس مش على شهادته لانو ما معه جنسية ( غزاوي ) .
الشب تقدملي ، بس ابوي ما وافق عليه ، فرحت اعترفت لابوي ، وقلتله على الي بينا ، واني بدي اياه ، فانجن جنون ابوي .

اولا لانه ما كان بيعرف اني بحكي مع شاب - ومثل اي اب صعب يتقبل هالشي - ، وثانيا لانه غزاوي ،وهالشي – من وجهة نظر ابوي - راح يسببلي مشاكل كثيرة ، ولابنائي في المستقبل .

ابوي مصر على موقفه ، ومش راضي يسمع مني او من امي الي في البداية كانت مع موقف ابوي لكنها صارت معي ، ومش بس هيك ، منعني من الروحة على الجامعة الا اذا وافقت على الخطبة من صاحب اخوي ، والي سبق واني اتقدملي بس انا رفضته وقتها بحجة اني بدي اكمل دراستي .

شو اعمل ساعدوني ؟!