عربيات : مشكلة العنوسة ظاهرة مؤرّقة .. 96 الف عانس فوق الثلاثين في الاردن !!


جراسا -

خاص- اعلن رئيس جمعية العفاف الخيرية الدكتور عبداللطيف عربيات ان مشكلة العنوسة مؤرقة، وان هناك حوالي 96 الف عانس فوق الثلاثين عاما ارجعها الى الاسباب الاقتصادية وارتفاع تكاليف الزواج.

ونوه عربيات في ندوة نظمها مركز شراكة من اجل الديمقراطية في مادبا بعنوان دور جمعية العفاف في المجتمع ان الجمعية تركز على الحفاظ على مفهوم الاسرة الممتدة والوقوف في وجه المحاولات الغربية لتغيير هذا المفهوم.

ولفت عربيات النظر الى الجمعية التي انشئت عام 1993 تسعى الى تيسير سبلالزواج وايجاد نظرة جديدة حول قيم الزواج وتكوين الاسرة ، كما ان الجمعية تمكنت في بدايات انشائها وبالتعاون مع الجهات الحكومية المتعددة من اخراج قانون الفحص الطبي قبل الزواج والذي يتم من خلاله تلافي مرض التلاسيميا والذي يكلف الدولة الملايين من الدنانير سنويا، مشيرا الى ان الجمعية اهلية بامتياز ولا تكلف الحكومة شيئا.

وبين عربيات ان الجمعية تعمل على تغيير اتجاهات الناس للتغيير نحو الافضل ومحاربة الممارسة والعادات الخاطئة، داعيا علماء الاجتماع في المؤسسات التعليمية الى توجيه ابحاثهم لصالح الناس ومناقشة مشاكلهم وهموهم ووضع الحلول الماسبة لها.

وحول تجربة الاعراس الجماعية التي تنظمها الجمعية بين انها بدأت بثماني زيجاتتطورت الى المئات سنويا يتم تنظيمها في شهر تموز من كل عام وتمول بتبرعات عينية ونقدية من ابناء الشعب الاردني،لافتا الى ان هناك اقبالا كبيرا على هذه التبرعات.

ونظمت الجمعية حتى الان خمسة عشر حفل زفاف جماعيا شارك فيها 1140 عريسا وعروسا في مختلف مناطق المملكة.

ولمح عربيات الى ان الجمعية تقوم بانشاء مجمع العفاف الكبير في منطقة طارق بالعاصمة عمان بمساحة 8600 متر مربع لخدمة المواطنين حيث تم انفاق 5ر1 مليون دينار عليه حتى الان جمعت من خلال التبرعات، مشيرا الى ان انجاز هذا المجمع الذي سيكون معلما من معالم عمان الاجتماعية يحتاج لمبلغ مماثل لاكماله بشكل نهائي.

يذكر ان الجمعية تقدم قروضا حسنة للمقبلين على الزواج استفاد منها حتى نهاية عام 2008 حوالي 7197 في حين بلغ عدد القروض المقدمة حوالي 9ر3 مليون دينار.


 



تعليقات القراء

حسام الرقاد
الله يزيدهن اكثر واكثر
بنات الاردن بالذات بستاهلن لانهن قليلات عقل ودين
بيتلاقي البنت لسانها شطوله شبر لتتزوج او تنخطب وبس تنخطب بتصير تتولول بدي اطلق وحالتي النفسية تعبت وبطلت اكل وما بعرف شو.

انا كنت خاطب وخطيبتي طلبت الطلاق بين يوم وليلة ...وحاولت احكيلها اصبري شوي والحياة مش كلها عسل وفيها مر وحلو ومن هالحكي وبكرة بتغيري رايك وبكرة بترضي حكتلي لا ونقفسيتها تعبت وبطلت تاكل وبدها تطلق...طلقتها بالكندرة غير ماسوف علىها...اقسم ما في شهرين صارت تودي واسطات وتحكي تلفونات وما بعرف شو بدها ترجع بس وين ...ولا حتى تحلم فيها.

بصراحة بناتنا في الاردن صايرات تافهات وكل امراض الدنيا الاجتماعية عندهن والعجب ما بعجبهن والطلاق صار موظة وطلباتهن بتعجز والناس طفرانة والشباب عايفة حالها.

والشباب ماشيين على قاعدة ماطول الحليب بالسوق ...ليه بدي اشتري بقرة واحطها عندي 24 ساعة
31-01-2010 11:15 AM
مستغربه
شو اللي بجبر الشباب انها تتزوج اذا صاححلها تعمل علاقات غراميه خارج اطار الزوجيه الحق مش على الشباب الشب شو بتقدمله البنت بياخد اذا البنات ومش كلهم مسترخصات حالهم وبقدموا للشاب كل شي ليش بده يتزوج وليش بده يرتبط ما هو اللي بده ياه ماخده على الرايح المستريح ولا تقولوا اللي بعمل هيك قلة دين لانه هاد الجيل ما بعرف سورة الاخلاص من المعوذات وصارت العلاقات اشي عادي وعيب الواحد او الوحده ما يكون عامله شي علاقه اتنين تلاته بكون متخلف او متخلفه اي عنوسه واي بطيخ الجو منفتح على الاخر اذا بعض المتزوجات لاحقهم الدور وببلطجوا على الشباب العزابيه مستغليين انه الاوضاع امنه والطريق سالكه بسهوله والله اشي معيب اللي بحصل .
31-01-2010 11:15 AM
أعزب
انا مستعد اتزوج واحدة منهن بشرط ان تكون متدينة..وذو خلق.....وحلوة...وهذا الاميل
arda242004@yahoo.com
31-01-2010 11:23 AM
وردة المحيط
حسام الرقاد ،،
انت من اي الرقاد وبتعرف عبد المنعم الرقاد

وردة المحيط
31-01-2010 11:25 AM
الى حسام الرقاد
لا تعمم يا حسام مش كل البنات مثل النموذج الللي شفته في بنات بس بدهم السترة بس الظاهر انت اسات الاختيار وبناتنا ماشالله عليهن بس توكل على الله
31-01-2010 11:36 AM
اصيلة
عيب عليك يا رقم واحد تشتم في بنات الاردن لانهم والله احسن ناس .. واذا نصيبك كان مع وحدة سيئة فالاكيد انه في احسن منها بمليون مرة .. الله يهدى بناتنا وشبابنا يا رب. زوانت اخرتك راح تتزوج وحدة ثانية .. فحاول انك تختار الانسانة الطيبة .. ايديل مش كلهم زى بعض..
31-01-2010 11:55 AM
اعزب
الشاب الذي يرغب في الزواج لايجد فتاة كي يتزوج و ارغب في الزواج
31-01-2010 12:11 PM
لين الى حسام الرقاد
لا تعمم لانه مو كل اصابعك واحد والرسول وصى بصاحبة الدين .
31-01-2010 12:34 PM
محمد
اتوقع خلال فترة قصرة جدا يتضاعف الرقم اكثر من هيك لعده اسباب اولها الوضع الاقتصادي والثاني معظم الموجود مش فحص واذا لقيت فحص كامل ( سبعة جيد) بتلاقي قصعة خفيفة وسببها كثرة التلفونات والمسجات.
31-01-2010 12:36 PM
يا الله
اللهم فرج الكرب عن بنات المسلمين وشباب المسلمين اللهم استر عليهم وأتمم عليهم نعمتك اللهم لا تؤاخذنا بما فعل السفهاء منّا / يا مغيث اغثهم يا مغيث اغثهم اللهم استجب اللهم استجب بحبك لحبيبنا رسول الله ( صلى الله عليه وسلم) .
31-01-2010 01:05 PM
محمد
بدي اتزوج مش لاقي .... وحده تكون من اخلاقي
31-01-2010 01:09 PM
امرأه متزوجه وتحترم زوجها
اللى رقم واحد وبعد ما سمعت كلامك وطريقة تفكيرك شفت ان البنت ربها بحبها لانك انسان متخلف وبتفكر البنت كندره تلبسها ولو الوحده بتظلها بدون زواج طول عمرها احسن ما تدفن حالها مع واحد متخلف من عصر جدي وجدتك وبهنيها مره ثانيه لانها انسانه بتفهم ومخها كبير واكيد فهمانه وكشفتك لانه الي زيك حرام يتزوج وينكد على بنات العالم لان بنت الاصول الها ناسها وانت ما بتستاهلها لانك مسخره
31-01-2010 01:22 PM
علي
رقم واحد, لو تمكر ثواني بتعرف انك اهنت نفسك قبل ما تهين بنات الأردن ( والله عيب عليك و عيب على جراسا تنشر كلامك ) ارجو النشر اذا فعلا كنتو شفافين و محايدين
31-01-2010 01:23 PM
مشاهده
مشكلة العنوسه موجوده بين البنات لان البنات صاروا واعيين ومتطورين ومتعلميين والشب داير بتسرسر وما بخلي وحده من شره لا في الشارع ولا على الانترنيت ولما بده يتزوج بدور على وحده منقبه تغسلوا رجليه وعايش في عصر سته فانا بقول العنوسه ارحم من ان الوحده تدفن حالها وهي عايشه لان البنت تبحث عن انسان متفهم ناجح في عمله يحترم المرأه ويحترم الحياه الزوجيه وعايش في عصره ولا بلاش منه القفص الذهبي
اكيد لو في شباب بهذه المواصفات ما حدا قعد
31-01-2010 01:40 PM
انسانه فاهمه اللعبه
المعادله بسيطه
مطلب البنت
1- شب متعلم ووضعه المادي جيد وليس اقل من ذلك
2- يقدر المرأه والحياه الزوجيه
3- اخلاقه عاليه ومش بصاص
4- شكله مقبول واذا كان بشبه مهند مش غلط
5- عصري ورجل بكل معنى الكلمه شكلا ومضمونا
6- كريم ويهتم بيوم عيد ميلادها
مطلب الشب
1- بنت حلوه وجسمها زي المانيكان
2- من عائله محترمه
3-تقدر الرجل والحياه الزوجيه
4- لديها وظيفه مستقره
5- لا يريدها عصريه ومتطوره
6- ست بيت درجه اولى
31-01-2010 01:59 PM
طبوش
الى رقم 12:
شوي شوي على مهلك ،واحد عاقل وخطب من بنات هالبلد (بعد ما اختار) وبعد شوية اجت بتحكيله بدي اطلق معلش ليش هي ( لعبة اولاد زغار) بعدين الطلاق ابغض الحلال عند الله وكيف تحكمي انت يا ( أمراة متزوجة وتحترم زوجها) اسمعي مره ثانية ،الزلمه مهما يكون تفكيره ( يكون اوسع واعقل وافهم وادرك من 100 وحده زي اللي فسخت خطبتها مع حسام و.......ووومنك. سلام.
31-01-2010 02:13 PM
واقعي متزوج
الى رقم 15: كلامك عدل بس زي مهند منين نجيب / احكيلك : روحي ع تركيا.
31-01-2010 02:17 PM
خالد قطيش
موضوع العنوسه نحن كل فترة نطرح الموضوع و نكتب تعليقات بس ياريت نخطط لنقضي على هذه الظاهرة لانو العنوسه ليست عند الفتايات فقط هنالك نسب من الشباب تعاني من هذه الظاهرة و لابد ان نخطط ليكون هنالك عمل منظم بالتنسيق مع مختلف الموسسات لوضع خطط لحل هذه الظاهرة و انا اضع بين ايديكم اهم الخطط و هي ان نخرج زكاة الاموال لاننا لانخرج حق الله في اموالنا و بالتالي سيتم حل و مشكلة الوضع المادي الذي يعاني منه المجتمع و بالتالي نستطيع تقليل نسبة العنوسنه مع الزمن
31-01-2010 02:23 PM
امرأه متزوجه وتحترم زوجها

يلي بشوف تعليق رقم 1 وهو بشبه المرأه بالبقره شو بكون تفكيره يا طبوش يلي بطابش اوعى تكون زيه
31-01-2010 02:39 PM
نادر
يا جماعة كل ما احكي لابوي زوجني بيقول لي تجيز فيك العين حل عني . والله انا شاب رائع جدا ورومانسي وشخصية لابعد الحدود ووضعي المادي جيد وبيكفي اني بملك شقة لي بس مش عارف شوي متردد من موضوع الزواج مع اني بالعمر 30 سنة . يالله بعين الله
31-01-2010 02:55 PM
اسأل مجرب ولا تسأل خبير
بدي اضيف لكلام حسام انو انا كمان كنت انا ابحث عن عروس وبدي احكي اني شفت حوالي عشرين وحدة بدون مبالغة ورح يتادر لذهنكو انو انا سبب الفشل بعكس تبينلي ان فعلاً كل الامراض الاجتماعية موجودة الي بتقولك بدي اقطع رخصة واشتري سيارة مشان اعيش حياتي والي بدها تكمل دراستها حتى لو تزوجت وصار عدنها اطفال والي بعد ماتوافق بتقول انا مش مستعدة لزواج والي والي والي ....الخ
وين ايام زمان يوم الواحد يطلب وحدة يخذ الموافقة من ابوها مابقول انو ابوها مابوخذ رائها لاكنها من كبر احترامها لوالدها بتقوله الرأي رايك هاذي الي بدها الستيرة مش الي تحضر مسلسلات كثير ومأثرات على عقلها على كل حال هي الشروط عمرها قصير لانها بتبلش من اول البلوغ لغاية الدخول بلعشرينات بتصير معدومة وبتصير انتا الى بتحط الشروط لان البنت بأول عمرها وبلوغها بيغرها شغلات كثيرة ولا تدرك صعوبة هذه الطلبات والشروط الا بعد فوات القطار أي العمر ونصيحة مجرب للي بدو يتزوج يبعد عن البنات تحت العشرين لانو بعد العشرين والخمسة وعشرين بتكون انتا الحلقة القوى
31-01-2010 02:56 PM
مشكلجي
وحدة كل ما تقدم لها عريس تحط فيه علة وترفضه...لما دارت الأيام وفاتها القطار تقدم لها آخر واحد فقالت لحالها:خلص يا بنت ما عاد فيها ..ايش ما رح يكون حالو بدي أوافق....لما شافها...رفضها..
31-01-2010 03:14 PM
يبحث عن ذات الدين
قال رسول الله صلى الله عليه وسلم :" تنكح المرأة لأربع : لمالها ولحسبها وجمالها ولدينها ، فاظفر بذات الدين تربت يداك."

اي يااخوان اضفر بذات الدين هذي الي بين الالف بتلاقي وحدة وهي الوحدة محدى معبرها
لواخذتم بكلام النبي عليه الصلاة والسلام الذي لاينطع عن الهوى انه الا وحي يوحى لاتنازع الجميع على ذات الدين لان الله سيجعلك ترها بكل الصفات الجميلة من الخلق والجمال وسيرزقك انشاء بالمال

والى اباء البنات والبنتا ايضاً
اما سمعتم قول رسول الله إن جاءكم من ترضون دينه وخلقه فزوجوه هذا الي حاصل نص الشباب بطلت تتزوج مشان تكاليف الزواج لاانهم مابرضو اللا بعرس وطنطنة وصواوين والذي منه
31-01-2010 03:19 PM
ابو الفد
الحق على الأهل : ليش؟ ... المهور غالية جدا (أقلهن مهورا أكثرهن بركه)
الحق على البنت: ليش؟ ... بتقعد تتطلب وتتأمر كأنو اللي جايها تحت ايده خزينة بنك!

وآخر شي بضم صوتي لصوت الأخ حسام الرقاد لأنه كلامو صح 100%


31-01-2010 03:22 PM
طبوش الى 19
هو ما شبهها تشبيه زي ما فكرتي انت (هو ضرب مثل) ولو انا مش معه بهالمثل،بس اشيء يقهر ، ظروف مش مساعده والشب لما يخلص جامعة ويتوظف وبده يتأهل بدل الناس ما تساعده توقف ضده ،هي حره ( الرأي رأيها) اولا واخيرا، وهي اللي بدها تتزوج ،مو انا ،لكن هاي عينه من عينات سبب زيادة العنوسة ، شوفي مثلا تعليق 15 بدها واحد زي ( مهند )،بالاردن كله فيه (2 ) ، ( 3 ) ،....( 10 )مهند وعزابيه ، والباقي شو، يخطبو ويطلقوا من هنا اقول ان الواقعيه والعقلانية حلوه ، مش الوحده تعيش حياة احلام باحلام ، ولما تصحى ....بيكون القطار عدى وراح .. تحياتي.
31-01-2010 03:31 PM
حسام الرقاد
الى كل اللي اساءولي..عادي انتم نوعين اما نساء تافهات او شباب منافقين اما طبوش وكل اللي دافعو عني اشكركم لانكم فهمتو شو حكيت.

سبب مشكلة العنوسة هن البنات نفسهن...بنات الاردن بالاصالة ولمحافظة بشبهن حالهن ببنات البدو وبنات الخليج وباللباقة والطلبات بشبهن حالهن ببنات لبنان وبخفة الدم بشبهن حالهن ببنات مصر واذا بدكم الصراحة ما بشبهن ولا حدى.


اللي دمرنا بهالبلد امراض الصبايا الاجتماعية وتقليدهن لبنات اخريات مختلفات عنهن في كل شئ.
الله لايقسكو ....وبعد والله لتصيرو تتمنو الرجل منوة.
31-01-2010 04:18 PM
لبنى
اذا بدكو معالجه المشكله فهي تحسين رواتب الرجال وفتح فرص عمل اكثر الهم دون النساء .. ونامل من النساء انها تكبر عقولها اشوي وتترك مجال العمل للرجال علشان يصيروا قوامين ..والمفروض من الاهالي ان تسهل الزواج مش تعسره
31-01-2010 05:18 PM
زوجتي سوريا
مزبوط صدق انه البنات الي بالاردن حرام الواحد يتزوج منهم المفروض الواحد يتزوج من سوريا بنات شو بحترمن الزوج و شو شاطرات بالاكل . حتى مطالب ما الهم بس بحكولك امرك ابن عمي حاضر ابن عمي تئبرني ابن عمي تفضل الشاي ابن عمي . شوف الفرق بين بنات الاردن و بنات سوريا
31-01-2010 05:20 PM
عبد الحكيم السنيري
يا جماعة مش مهم نتزوج المهم مين نتزوج ... انا شايف هالجيل الفايع لا بدو يتزوج ولا ما يحزنون الكل بتأفف ومش عاجبه العجب ... بالنسبة للشب دايما بنسمعه بيتحجج بالراتب المحدود وبتأثيث بيت الزوجية وتكاليف حفلة الزواج وغير ذلك من اشياء اما بالنسبة للبنت فهي يجب ان تأخذ رجل له بريستيج خاص أفضل من خطيب فلانة وعلانة ودايما بتبحث عن الحالة المادية له ومركزه الاجتماعي وفي المقدمة وســـــــــــــــــــــــامته زي ما بتشوف في وجوه الممثلين وهذا صعب الى ان يفوتها قطار الزواج وتنفرد بها العنوسة وعلى رأي فتاة قالت يوماً ... قبر يضمني ولا زوج يذلني ....
31-01-2010 06:49 PM
لين الى 28
هيك حظك اجى في منهن ما بعرفن لا بالبيت ولا شي اسمه زوج ويامه بنسمع جال تزوجوا سوريات ورجعوا بالنهايه لبنت البلد والرسول وصى بصاحبة الدين ما قال سوريه او اردنيه او تركيه . بتحلل وبتحرم على كيفك.
31-01-2010 06:53 PM
امرأه متزوجه وتحترم زوجها
مشكلة الشباب في الاردن هو عدم ثقتهم بنفسهم علشان هيك ما بتعجبه البنت يلي شخصيتها قويه وفهمانه لانها تشعره بضعفه وبدو بنت على قد ايده يلعب فيها وتكون ثقتها بنفسها ضعيفه والمشكله ان البنت الاردنيه شخصيتها قويه وبدور على زلمي بمعنى الكلمه لان لها مطالب مثل ما للرجل مطالب شو الغلط؟لان الزواج انسجام
31-01-2010 07:31 PM
الى المتزوجة و بتحب زوجها من توتو
ميشان الله اكتبي لي ايميلك و الله انك كتبتي كل اللي بنفسي و أكيد أنا و انتي راح نكون صديقات ناجحات. بالله جد و باسرع وقت.
اختك توتو
31-01-2010 09:32 PM
trawanah الى حسام والي بأيده وللجميع
والنقطه الاهم والي كنت بدي ولو معلق واحد يشير الها وهي في غاااااااااااية الاهميه ومطلوبه بالدرجه الاولى بالنسبه لأي شي بده يتزوج ...؟؟؟مع اني بنت ...بأيده لكن مش الكل والله ؟؟؟ القضيه صارت واتأزمت عند ما يسمى " بالاخلاق " ... ع سبيل التوضيح مثلا يا جماعه الواحده بتلاقي معها بالشنطه ثلاث تلفونات وواحد للعيله ووضعه عام .. ما علينا نرجع للمخبيات كل واحد عليه ثلاث خطوط لكل الشركات ... وكل ابن حلال اله نصيبه ... ولحق عاااااااد لتلحق ... ونص الشعب الاردني هو هيك بنات وشباب .... وهالمحترمه يوم يجي النصيب ؟؟ تعال اسأل عن فلانه بنت فلانه .... شو رح تتوقعو اي انسان وبالضروره يكون عنده ضمير وصادق رح يقول عنها ؟؟؟؟ والله اشهر من ناار ع علم وبنت هالحلال شغاله مع الكل اشي معروف واشي مجوز واشي مطلق واشي اصغر منها واشي اكبر منها بهدف التسلاه طبعا ؟؟ بالله عليكو انتو الشباب شو رح تساوو ؟؟ رح ترضى وحده مثل هاذي تكون ام ولادك .. الشباب هلايام بدهم بنت عالم وناس .. شريفه .. كل الناس بتشهد بحسن سيرتها .. بنت عالم وناس ولا اقصد بذلك الحياه الماديه وانما الاهم منها الخلقيه .. سمعتها مثل المسك ومستوره ... مؤدبه ومثقفه وبحترم الناس واجتماعيه والاهم تقدر الحياه الزوجيه واكيد بعد هالمواصفات رح تكمل بعضها ... المحور الثاني في القضيه هو .. " الرجل " .. يمكن وضع الرجل اقل حساسيه في هذه الناحيه من المرأه لكن لايمكن انكاره وذلك لان الطيبون للطيبات والخبيثات للخبيثات .. والنيه الصافيه ما بتخسر صاحبها .. لا تخلي بنات النااس لعبه واكيد مش الكل مثل ما هو كل البنات واحد .. لانه الخطيه ديانه..اذا لسمح الله في اخواتك يمكن في زوجتك او بناتك .. غض بصرك لتحمي اهل بيتك واهلك من الشيطان وخليك منبع للرجوله مش بالشكل والمنظر والتصرفات الهجميه ... وانما بـفعلك وطيب اصلك وحكمتك واحترامك للانسانه الي رح تشارك حياتك وتساعدك في بناء اسرتك للمسقبل ... وانما الاعمال بالنيات وصدقني رح تكون سعيد بحياتك بعد الخيار الصحيح للانسانه الي سبق وذكرت فوق صفاتها .. ثالثا .. " الاهل " الله عز وجل ورسوله عليه الصلاة والسلام اوصانا بالليونه واليس فهل نحن اعظم منهم ؟؟ حاشا لله وللرسوله ... ارحمو الشباب وخفو عليهم حررام .. خلي عندكو سماحه ويسرو عليهم قد ما كان هو شي وبأول حياته ويدوب معه قرشيتن ثلاثه بدو يستر على بنتكو وبده كمان هو بستقر والرسول عليه الصلاة والسلام اوصى لذي الدين والاخلاق وليس الغني عن الفقير ... طيب شو ذنبو اذا هاي حيلته ؟؟؟ كل بدايه ممكن تكون صعبه في الحياه وطريق الالف ميل تبدأ بخطوة .. ليش التكاليف القاتله والمظاهر الكذابه تسيطر علينا ... فكركو بهاي الطريقه بتعلو مكانتها .. عمر مكانة الانسان ما انشرت بالمصاري ؟؟ ... واخيرا الحالة النفسيه الي ركزتو عليها ... في انسانه ما بتحب تنستر وتستقر بحياتها ... ليش هالنكد والامراض والقصص الغريبه هاي ... ما بدك احكي من الاول اذا الدنيا صارت مظاهر وقروش واشياء زائفه لا معنى لها اخرة التفكير فيها والاهتمام لها كذب ووهم وندم ... الله يستر ع الجميع ... لو كل انسان يفهم هالاشياء عمرنا ما رح نعاني من هيك قصص .. بس لمين نحكي ... ؟؟؟؟؟؟؟؟؟ تحياتي للجميع والله يهدينا
المهندسة " trawanah "
سلام
31-01-2010 10:00 PM
توتو
حسرة على حالي شكلي بعد شوي رح أصير وحده منهم.. مع انه في ناس كتير طلبوني بس انا ما باخذ إلا اليي بحبه وحبيبي لسا مو قادر يتقدملي بسبب وضعه المادي
والله انا رضيانه فيه بدون مصاري و ما بدي منه غير الخاتم بس هو مو قابل
شو أعمل بحالي ؟؟؟؟
01-02-2010 08:22 AM
عزابي ضلك عزابي
يعني مش عارف ليش بعد عوانس وعانسين بعد ما خفضت الحكومة رسوم عقد الزواج خمسة دنانير. خلص يا شباب صار لازم تتزوجوا لانه تكاليف الزواج صارت بسيطه بعد تخفيض عقود الزواج
01-02-2010 09:52 AM
نايف
يا جماعة الوحدة تفكير مليون مره قبل ما ترتبط بواحد لا يستحق انه يتزوج او يفتح بيت او غير قادر على الحياه الزوجية بكل معانيها
01-02-2010 10:08 AM
انسانه متزوجه وتحترم زوجها
الى توتو االحيرانه
اذا في انسجام وقبول واتفاق اجتماعي بين اثنين كل المشاكل بتهون واغلب الناس بلشوا من لا شيء وصاروا لان المرأه الحكيمه والمقتصده بتعمل معجزات وخطيبك اذا رايدك وانت موافقه المصاري ما بتوقف في طريقه ما تضيعي عمرك وبكره تندمي والله معك
01-02-2010 01:01 PM
الى المتزوجة و بتحب زوجها
أنا توتو 32 مش نفس توتو 37 أنا متزوجة و حابة نصير صديقات عندك مانع؟؟؟
تحياتي الك والله يهنيكي
01-02-2010 06:58 PM
مواطن صالح
والله انا شايف انه للعنوسة اسباب كثير ومش بس المصاري فهناك امراض اجتماعية منتشرة عندنا ومن اهمها الاسرة ... والله انا باعرف بنات عيلة محترمات وعندهن دين واخلاق بوزعن عبلد ,بس شو المشكلة !! المشكلة اجت من الزواج التقليدي اللي بتيجي ام العريس وخواته عشان يشوفن العروس!!! وامه واخته ما بيعجبهن العجب ولا الصيام في رجب , شايفات ابنهن ومش مصدقات , مع انه شهادة العرايس احسن مليون مرة من شهادة العريس, ما بيهتمن لدين البنت واخلاقها بس اللي هاممهن قديش طولك! شعرك طبيعي ولا مسشور.....الخ من هالتفاهات...مع اني متأكد مليون بالمية انه لو يجي العريس نفسه ليشوف العروس ما بيعقد الامور لهلدرجة!! وطبعا العروس لما تشوف اهل العريس من اولها تافهين وبيطلعو بس عالشكليات , أكيد رح تكش من كل العيلة.... أنا برأيي انه لما عريس بده يخطب يروح بنفسه يشوف العروس ويحكي معها ,بلكي اللي ما عجب امه واخته يعجبه ويعجبه منطقها .....على كل (اللهم يسر لابناءنا زوجات صالحات ويسر لبناتنا ازواج صالحين...اللهم امين)
01-02-2010 09:23 PM
دبور
لما الواحد اروح يخطب وحدة بتصير تدللن والمهر طبعا والله واحد دفع (18 الف) ولما اعنسن بصيرن هنة يدفعن المهر طبعا الشباب بدهم وحدة صغيرة مش قدامهم عشان هيك بعنسن
و(اقلكنا مهرا اكثركنا بركة) وشكرا
02-02-2010 01:37 PM
غريب
شوي شوي ع البنات محنا مش مستوردينهن من بره اللي بتحكوا عنهن يا اختي يا اختك يا بنتي يا بتك او امي وامك والحق كله ع الرجال واللي بيزرعه الشباب بحصدوه هذا ما جنتهوا ايديكم
03-02-2010 09:46 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات