جراسا -

انا طالبة توجيهي اكبر وحدة باخواتي مشكلتي ابي وامي في نزاع مستمر قديش حاولت اصلح بينهم حكي فاضي ما بجيهم الصياح والطوش غير الساعه 12 في الليل ما برعوا انه انا طالبة بدي ادرس وانه لي اخوان صغار بدهم يناموا العجيب في الامر ومستغربة انهم بحبوا بعض بدرجة عجيبة.

 ومرة ابي ما لقى شيء يعمل طوشة عليه راح لامي وقال لها انا بدي اتجوز عليكي امي صارت تصيح وكانه مات واحد من اقرباء لنا رحت عليها وقلت لها امي ابي بضحك عليكي ما بدوا يتزوج اصلا من اين له المصاري حتى يتزوج شو انبسطت وكاني معطيها مليون ليرة لو تعرفوا امي قديش بتحب ابي.

مرة ابي عمل حادث ضلت سهرانة طول الليل حتى تطمن عليه ومرة تأخر عن البيت قالت لي اتصلي فيه واسأليه ليش تأخر اتصلت فيه قال لي امك مستعجلة على نكد انا جاي وفعلا وصل ابي على البيت صارت مشكلة واذكر ان امي مرضت وابي ضل طول الليل بقربها حتى شفيت انا بقول بما انهم بحبوا بعض هذا الحب ليش الطوش والمشاكل ليش بنكدوا على بعض انا مش عارفة احكوا لي بلكي انتوا بتعرفوا اللي انا ما بعرفوا يا ريت تساعدوني ولكم جزيل الشكر اعطوني رايكم؟؟