جراسا -

انا قصتي ما في اغرب منها انا عايشة بتأنيب الضمير و ساعدوني بقصتي . انا اخدت زوجي عن حب و كنت بحبو من سنين قبل الزواج و لما تزوجتو عشنا قصة حب اكبر من قبل . بس حماتي ظلمتني ظلم الله بيعلم فيه انا تاخرت عن الخلفة 4 سنين و كنت اروح عالدكاتره و يحكولي ما فيكي اشي و من الله هالتاخير و عشت اصعب ايام حياتي و عشت عالاستغفار و النوم ما اشوفو و فجاة حماتي صارت بدها تزوج زوجي و زوجي رفض و يحكيلها يلعن ابو الولاد انا بحب مرتي و صارت تعيط و بدها تشوف ولادو و حكتلو بغضب عليك و ضلت ايام و شهور تحاول و زوجي وصلت فيه انو بطل يروح عند اهلو لحد ما غضبت عليه و حكتلو الله لا يوفقك لا دنيا ولا اخره و حكتلو مرتك بتجيبش ولاد و هاي ما منها فايدة و هالحكي قدامي يا ريت لو كانت تحترمني و تحكي من وراي لحد ما زوجي تزوج و حسيت روحي بتطلع من كتر ما بحبو و بنفس ليلة عرسي رن علي و صار يعيط معي و حكالي نصيبنا و ضليت ادعي عحماتي والله كل ساعة ادعي عليها قد ما انا متوجعة لانو زوجي بيحبني و بدوش يتزوج و شاءت ارادة ربنا انو بعد زواج زوجي بشهر انا حملت والله العظيم يا جماعة انو زوجي دبح 8 خواريف و حسيت الدنيا صارت جنة و بعدها ولدت و جرحي من زواج زوجي كان كبير يمكن تلوموني بس انا وباه بنموت عبعض و غيرتي قتلتني و حكيت حسبي الله و نعم الوكيل و انا بولد و صورة حماتي ما فارقتني و بعد ما ولدت بيومين حماتي انشلت شلل كامل و انا لهاليوم ضميري بيانبني و حاسة انو من دعواتي . ريحوني و احكيلي نصيب مع انو لحد هاللحظة مش قادرة انسى انو في غيري مع زوجي و مع العلم انو زوجة زوجي الثانية مظلومة لانو زوجي دايما عندي و بيحكي قدامها انو بيحبني و هي حاليا طالبة الطلاق ساعدوني