جراسا -

 انا مشكلتي كتير كبيرة انا عندي جارة كثير كلعطتني عيشتي اقسم بالله كرفت حالي منها هاض بيوم من الايام الرايكة كنت كاعدة انا وجوزي و يا محلانا و اذ سمعنا صوت صراخ وخبط كان الوكت متأخر كان هاض الصوت عند جارتي اللي بدي احكي عنها بلا طول سيرة كلت بروح بتطمن عليها تاني يوم وفعلا رحت عندها استكبلتني بجكامة تكولو رايحة اشمت فيها المهم كعدت معها و كامت عملت هالكهوة المرة وبلشت اسالها شو اللي كان صاير لانا احنا كتير صحبة وبنعرف عن بعض كل اشي صارت تحكيلي انها تكاتلت مع جوزها وضربها وبصراحة الحك عليها وانا حكتلها انو الحك عليها وصارت تصرخ علي وكانت شوي ورح تضربني لاني حكتلها انو الحك عليها وصارت تحكيلي انتي مكهورة مني لاني انا زي الملكة حكتلها كيف لو انك ما بتوكلي كتل شو بتحكي عن حالك المهم هي شكلها متاثرة باحلام كثير وعصبت مني وطردتني من دارها بعد صحبة خمس سنين بلا كولولي مين الغلطان وكلمة الحك صارت تزعل هالايام والله منا عارفة شو اعمل معها انا كثير تاثرت منها يعني ما كان كصدي انا