جراسا -

وصلت الى وكالة "جراسا" رسالة من فتاة تريد حلا لمشكلتها، وتالياً نص الرسالة كما وصلتنا:-

مشكلتي ما بعرف كيف بدي اطلع منها وياريت الي بده ينظر و يحكي حكي مش بمكانه يوقف على مرايته شوي لأنه ما في أي بني آدم ما عنده أي مشكله ونفسه يكون الها حل شو ما كانت
بدي أدخل بالموضوع .

انا بنت مخطوبة لشاب من عائلة محترمة وخطيبي مشاء الله عليه
بس مشكلتي اني بضحك عليه وعلى حالي لاني قبل ما نخطب كنت على علاقة بشاب وسيم وحبيته كتير وما صار نصيب بينا و طبعا انا لسا بحبه والمشكله انه انا خطبت و لهلأ بعدني بحكي معه وبحبه و بشوفه أن سمحتلي الفرصة وانا خايفه كتير وعرسي قرب بعد العيد كيف بدي أقدم على خطوة متل هيك وانا بحب حد تاني وللمعلومة انا ما بكره خطيبي بحبه حب عادي من كتر ما هو بحبني حزنانه عليه وعلى حالي

والي انا بحبه دكتور وبده كم سنه لحتى يختص طلب مني انه اترك خطيبي مشان يجي هو ونكمل مع بعض بعد ما يخلص اختصاص. . و مش عارفه شو اعمل بدي حل لو سمحتو . ......
و لا تنسو الشكوى لغير الله مذله.